ᐅᖃᓚᐅᑎᓯᐅᑏᑦ

You are here

ᑕᕝᕚᑲᓄᑦ ᐊᒻᒪ ᓱᕐᕋᓇᖅᑐᓄᑦ ᐱᓕᕆᐊᓂᑦ ᖃᐅᔨᓴᖅᑎ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
10-506292
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$92,196
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 30, 2020 - 11:59pm

ᑖᓐᓇ ᐃᖅᑲᓇᐃᔮᔅᓴᖅ ᐅᑉᐱᕆᔭᐅᔭᕆᐊᓕᒻᒦᑦᑐᑦ ᐊᒻᒪ ᓈᒻᒪᒋᔭᐅᔪᓂᑦ ᐱᕋᔭᓚᐅᖅᓯᒪᖏᓐᓂᖓᓄᑦ ᖃᐅᔨᓴᖅᑕᐅᔭᕆᐊᓕᒃ. ᐊᒻᒪᓗ ᐊᑦᑕᓇᕈᓐᓇᕐᓂᖓᓄᑦ ᖃᐅᔨᓴᖅᑕᐅᔭᕆᐊᓕᒃ.

ᑖᓐᓇ ᐃᖅᑲᓇᐃᔮᔅᓴᖅ ᑭᒃᑯᓕᒫᓄᑦ ᒪᑐᐃᖓᔪᖅ.

ᑕᕝᕚᑲᓄᑦ ᐊᒻᒪ ᓱᕐᕋᓇᖅᑐᓄᑦ ᐱᓕᕆᐊᓂᑦ ᖃᐅᔨᓴᖅᑎ ᐃᑲᔪᖅᑐᐃᔪᖅ ᑕᕝᕚᑲᓄᑦ ᐊᒻᒪ ᓱᕐᕋᓇᖅᑐᓄᑦ ᐱᖠᕆᐊᓂᑦ ᖃᐅᔨᓴᖅᑐᓂ ᐊᒻᒪ ᓴᖅᑭᑎᑦᑎᓪᓗᓂ ᐊᑐᐊᒐᕐᓂᑦ, ᑭᓱᓕᕆᔾᔪᑎᓂᑦ ᐊᒻᒪ ᒪᓕᒐᖅᑎᒍᑦ ᐱᓕᕆᔭᐅᔪᑦ ᐱᓕᕆᐊᕆᓗᒋᑦ ᓯᕗᓪᓕᐅᔾᔭᐅᔭᕆᐊᓖᑦ ᐊᒻᒪ ᑐᑭᒧᐊᕈᑎᖏᑦ ᐱᓕᕆᐊᑦ. ᐱᓕᕆᐊᓂᑦ ᖃᐅᔨᓴᖅᑎ ᑲᒪᒋᔭᖃᖅᑐᖅ ᐱᓕᕆᔭᐅᔪᓂᑦ ᐊᑦᑐᓂᓕᓐᓂᑦ ᑕᕝᕙᑲᓄᑦ ᒪᓕᒐᐃᑦ ᐊᔭᐅᖅᑕᐅᓂᖏᓐᓄᑦ, ᐱᖃᓯᐅᑎᓪᓗᑎ ᓯᒡᒐᓕᐊᖅᑐᓂᕐᒧᑦ ᒪᓕᒐᐃᑦ ᐊᑖᓂ ᑕᕝᕚᑲᐃᑦ ᐊᐅᓚᑕᐅᓂᖏᓐᓄᑦ ᐊᒻᒪ ᓯᒡᒐᓕᐊᖅᑐᓇᖏᑦᑐᓂᑦ ᐱᖁᔭᖅ ᐊᒻᒪ ᐊᐅᓚᑦᑎᔪᖅ ᐊᓯᖏᓐᓂ ᓄᓇᕗᑦ ᒐᕙᒪᒃᑯᑦ (GN) ᐱᓕᕆᕕᖏᓐᓂᑦ ᑕᕝᕚᑲᓄᑦ ᐊᑦᑐᐊᓂᓖᑦ ᒪᓕᒐᐃᑦ ᐊᑐᖅᑕᐅᑎᓪᓗᒋᑦ. ᐱᓕᕆᐊᓄᑦ ᖃᐅᔨᓴᖅᑎ ᐃᑲᔪᖅᑐᐃᒻᒥᔪᖅ ᐊᒻᒪ ᐃᖅᑲᓇᐃᔭᖃᑎᖃᖅᑐᓂ ᐊᓯᖏᓐᓂ ᒐᕙᒪᒃᑯᑦ ᐱᓕᕆᕕᖏᓐᓂᑦ ᓴᖅᑭᖅᑎᑕᐅᓂᖓᓄᑦ ᐊᒻᒪ ᒪᑭᒪᑎᑕᐅᓂᖓᓄ ᓱᕐᕋᓇᖅᑐᓄᑦ ᐱᖁᔭᖅ.

ᖃᐅᔨᓴᕐᓂᒧᑦ ᐊᒻᒪ ᐊᑐᐊᒐᕐᓂᑦ ᐱᕙᓪᓕᐊᑎᑦᑎᓂᕐᒧᑦ ᐊᐅᓚᓂᓪᓗᐊᑕᕆᒐᓗᐊᖅᑐᓂᒋᑦ ᐱᓕᕆᐊᓄᑦ ᖃᐅᔨᓴᖅᑎ, ᐃᖅᑲᓇᐃᔮᔅᓴᖅ ᓱᓕ ᑲᒪᒋᔭᖃᖅᑐᖅ ᐃᑲᔪᓂᕐᒥᑦ ᑕᕝᕚᑲᓄᑦ ᐊᒻᒪ ᓱᕐᕋᓇᖅᑐᓄᑦ ᐃᖅᑲᓇᐃᔭᖅᑎᓂᑦ ᐃᓄᓐᓂᑦ ᑐᓴᖅᑎᑦᑎᓂᕐᒧᑦ ᐊᒻᒪ ᓄᓇᓕᒻᒥ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᔭᐅᔪᓂᑦ ᐊᒻᒪ ᐃᑲᔪᕐᓂᐊᖅᑐᖅ ᐊᐅᓚᑕᐅᓂᖏᓐᓄᑦ ᑳᓐᑐᕌᑦ ᐊᑦᑐᐊᓂᓖᑦ ᐱᓕᕆᐊᓄᑦ ᐱᓕᕆᔭᐅᔪᓂᑦ. ᐱᓕᕆᐊᓄᑦ ᖃᐅᔨᓴᖅᑎ ᐃᑲᔪᖅᓯᔪᖅ ᐱᓕᕆᕕᒻᒥᑦ ᐋᓐᓂᐊᖅᑐᓕᕆᓂᕐᒧᑦ ᓴᖅᑭᔮᖅᑎᑦᑎᓂᕐᒥᑦ ᐊᒻᒪ ᐊᑦᑕᓇᖅᑐᒦᑎᑦᑕᐃᓕᓂᖅ ᐊᑦᑐᐊᓂᓕᓐᓄᑦ ᑕᕝᕚᑲᓄᑦ, ᐳᔫᖅᑎᑦᑎᓂᕐᒧᑦ ᐊᒻᒪ ᓱᕐᕋᓇᖅᑐᓄᑦ ᐱᑕᖃᖅᑎᑎᓪᓗᓂ ᐊᑐᐊᒐᕐᓂᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐃᑲᔪᖅᑐᓂ ᐱᓕᕆᐊᒥᑦ ᓴᓇᓯᒪᓂᖓᓂᑦ. ᑖᓐᓇ ᐃᖅᑲᓇᐃᔮᔅᓴᖅ ᐃᖅᑲᓇᐃᔭᖃᑎᖃᖅᑐᖅ ᐃᖅᑲᓇᐃᔭᖅᑎᓂᑦ ᑲᒪᒋᔭᖃᖅᑐᑦ ᐊᑐᓕᖅᑎᑦᑎᓂᕐᒥᑦ ᓄᓇᕗᑦ ᒐᕙᒪᒃᑯᑦ ᐸᕐᓇᐅᑎᖓᓂ ᑕᕝᕚᑲᑐᓗᐊᖅᑕᐃᓕᑎᑦᑎᓂᕐᒧᑦ. ᑖᒃᑯᓇᓂ ᐃᖅᑲᓇᐃᔭᖅᑎᓂᑦ, ᑖᓐᓇ ᐃᖅᑲᓇᐃᔮᔅᓴᒻ ᑐᑭᒧᐊᖅᑎᑕᖏᑦ ᐊᑕᖏᖅᑐᒋᑦ ᖃᐅᔨᓴᕐᓂᐅᔪᑦ, ᐊᑐᐊᒐᕐᓂ ᐱᕙᓪᓕᐊᑎᑦᑎᓂᕐᒥᑦ, ᐊᒻᒪ ᒪᓕᒐᕐᓄᑦ ᐱᓕᕆᔭᐅᔪᓂᑦ ᐃᖅᑲᓇᐃᔭᖃᖅᖃᖅᓯᓈᖅᑐᓂ ᐊᐅᓚᑦᑎᔨᒥᑦ ᑎᑎᕋᕆᐊᓐᖓᕐᓗᒍ ᐊᒻᒪ ᑐᑭᓯᒋᐊᕈᑏᑦ ᑎᑎᕋᖅᓯᒪᔪᑦ, ᒐᕙᒪᑐᖃᖅᑯᑦ, ᑲᓇᑕᒥ ᐊᕕᑦᑐᖅᓯᒪᔪᑦ, ᐅᑭᐅᑕᖅᑐᒥ ᐊᕕᑦᑐᖅᒪᔪᑦ ᑐᓴᖅᑎᑦᑎᓂᕐᒧᑦ ᑭᐅᔾᔪᑎᓂᑦ, ᒥᓂᔅᑕᓄᑦ ᐅᖃᐅᔾᔨᒋᐊᕈᑏᑦ ᐊᒻᒪ ᐃᓄᓐᓄᑦ ᑐᓴᐅᒪᔾᔪᑎᓕᕆᓂᖅ.

ᑖᓐᓇ ᐃᖅᑲᓇᐃᔮᔅᓴᖅ ᐃᖅᑲᓇᐃᔭᖃᑕᐅᒻᒥᔪᖅ ᐃᖅᑲᓇᐃᔭᖅᑎᓂᑦ ᐱᓕᕆᐊᖃᓗᐊᖅᑐᑦ ᓴᖅᑭᑎᑦᑎᓂᕐᒥᑦ ᐊᒻᒪ ᐊᑐᓕᖅᑎᑦᑎᓂᕐᒥᑦ ᐸᕐᓇᐅᑎᒥᓂᑦ ᐊᑦᑎᓪᓕᒋᐊᕐᓗᒋᑦ ᐊᑦᑕᓇᕈᑎᖃᖅᑎᑕᐅᔪᑦ ᓱᕐᕋᓇᖅᑐᑦ ᐊᑐᖅᑕᐅᓂᖏᓐᓄᑦ. ᑖᒃᑯᓇᓂ ᐃᖅᑲᓇᐃᔭᖅᑎᓂᑦ, ᑖᓐᓇ ᐃᖅᑲᓇᐃᔮᔅᓴᖅ ᐃᑲᔪᖅᑐᖅ ᓱᕋᓇᖅᑐᓄᑦ ᐊᒻᒪ ᐋᖓᔮᓇᖅᑐᓄᑦ ᐊᑐᖅᑕᐅᓂᖏᓐᓄᑦ ᑐᑭᒧᐊᖅᑎᑕᐅᔪᑦ ᖃᐅᔨᓴᓂᕐᒧᑦ, ᐱᓕᕆᐊᖅ ᐱᕙᓪᓕᐊᑎᑕᐅᓂᖓ, ᑭᓱᓕᕆᔾᔪᑏᑦ ᕿᒥᕐᕈᔭᐅᓂᖏᑦ ᐊᒻᒪ ᐃᓄᓐᓂᑦ ᑐᓴᖅᑎᑦᑎᓂᕐᒧᑦ. ᑐᑭᒧᐊᖅᑎᑕᐅᓪᓗᓂ ᐊᐅᓚᑦᑎᔨᒧᑦ, ᑕᕝᕚᑲᓄᑦ ᐊᒻᒪ ᓱᕐᕋᓇᖅᑐᓄᑦ ᐱᖠᕆᐊᓄᑦ  ᑖᓐᓇ ᐃᖅᑲᓇᐃᔮᔅᓴᖅ ᐃᑲᔪᕐᓂᐊᖅᑐᖅ ᐊᒥᓱᒐᓚᓐᓂᑦ ᑎᒍᒥᐊᖅᑎᐅᖃᑕᐅᔪᓂᑦ ᐋᓐᓂᐊᖅᑐᓕᕆᔩᑦ ᓄᓇᓕᓐᓂᑦ ᐊᑐᓕᕈᓐᓇᕐᓗᑎ ᐊᑐᑦᑎᐊᓛᖑᔪᓂᑦ ᐊᑐᖅᑕᐅᔪᓂᑦ ᐊᑦᑕᓇᖅᑐᓂᑦ ᐊᑦᑎᓪᓕᒋᐊᖅᑎᑦᑎᓂᕐᒧᑦ ᓄᓇᕗᑦ ᐊᔾᔨᐅᖏᓐᓂᖓᓄᑦ ᖃᓄᐃᓗᓕᖓᓂᖓᓄᑦ.

ᐃᖅᑲᓇᐃᔮᖅᑖᖁᒥᓇᖅᑐᖅ ᐱᓯᒪᑦᑎᓂᐊᖅᑐᖅ ᐃᓕᓴᕆᔭᐅᓯᒪᔪᒥᑦ ᓯᓚᑦᑐᓴᕐᕕᒃᔪᐊᒥᑦ ᓇᓗᓇᐃᒃᑯᑕᖅ ᐊᑐᐊᒐᕐᓂᑦ ᐅᕝᕙᓘᓐᓃᑦ ᐋᓐᓂᐊᖅᑐᓕᕆᓂᕐᒧᑦ ᐊᑦᑐᐊᓂᓖᑦ, ᐱᖃᓯᐅᑎᓪᓗᑎ ᒪᕐᕉᒃ (2) ᐊᕐᕌᒍᓐᓂ ᐃᖅᑲᓇᐃᔭᖃᑦᑕᖅᓯᒪᓗᓂᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᖃᐅᔨᓴᐃᓂᕐᒥᑦ ᐊᑐᐊᒐᕐᓂᑦ ᐋᓐᓂᐊᖅᑐᓕᕆᓂᕐᒧᑦ ᓴᖅᑭᔮᖅᑎᑦᑎᓂᕐᒥᑦ, ᐃᓄᓐᓄᑦ ᐋᓐᓂᐊᖅᑐᓕᕆᓂᕐᒧᑦ ᐅᕝᕙᓘᓐᓃᑦ ᐃᖅᑲᓇᐃᔮᒧᑦ ᐊᑦᑐᐊᓂᓕᓐᓄᑦ.

ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᓄᓇᕗᒻᒥ ᐃᓄᑦᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ. ᐅᖃᕈᓐᓇᕐᓗᓂ ᐊᑕᐅᓯᐅᓗᐊᖅᑐᒥᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᐱᑕᖃᕆᐊᖃᖅᑎᑕᐅᔪᖅ. ᖃᐅᔨᒪᓂᖃᕐᓗᓂ ᐃᓄᐃᑦ ᐅᖃᐅᓯᖓᓂ, ᓄᓇᓕᓐᓂᑦ, ᐱᖅᑯᓯᖏᓐᓂ, ᓄᓇᖓᓂ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᑦ ᐱᑕᖃᕆᐊᖃᖅᑎᑕᐅᔪᑦ.

ᐊᔾᔨᐸᓗᖏᓐᓂ ᐱᓯᒪᑦᑎᔪᑦ ᓈᒻᒪᒋᔭᐅᔪᓂᑦ ᑲᑎᓐᖓᔪᓂᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᐃᓱᒪᒋᔭᐅᓂᐊᖅᑐᑦ.

ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᓯᒪᔪᑦ ᓴᖅᑭᖅᑎᑕᐅᔪᓐᓇᖅᑐᑦ ᐃᓐᓄᐃᓗᑎᑦ ᓯᕗᓂᔅᓴᒥᑦ ᐃᓐᓄᑦᑕᐅᓯᒪᖏᑦᑐᓂᑦ.

 

ᐃᖅᑲᓇᐃᔮᖅᑕᕆᒐᓱᐊᕈᒪᒋᒍᕕᐅᒃ ᑖᓐᓇ ᐃᖅᑲᓇᐃᔮᔅᓴᖅ, ᐊᐅᓪᓚᑎᓪᓗᒋᑦ ᖃᕋᓴᐅᔭᒃᑯᑦ ᑎᑎᖅᑲᖅ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᐅᕗᖓ GNHR@gov.nu.ca. ᓇᓗᓇᐃᕐᓗᒍ ᖃᐅᔨᒋᐊᕐᕕᖓᑕ ᓈᓴᐅᑎᖓ ᑭᓱᒧᑦ ᐱᔾᔪᑎᖓᓂ ᐃᕝᕕᑦ ᖃᕋᓴᐅᔭᒃᑯᑦ ᐊᐅᓪᓚᖅᑎᑕᖓᒍᑦ.

  • ᓄᓇᕗᑦ ᒐᕙᒪᒃᑯᑦ ᑲᔪᖏᖅᓯᒪᔪᑦ ᓴᖅᑭᑎᑦᑎᓂᕐᒥᑦ ᑭᒡᒐᖅᑐᐃᓂᖅᓴᓂᑦ ᐃᖅᑲᓇᐃᔭᖅᑎᓂᑦ ᑐᑭᓯᑦᑎᐊᓂᖅᓴᐅᔪᓐᓇᓂᐊᕐᒪᑕ  ᐊᒻᒪ ᐱᔨᑦᑎᕐᓗᒋᑦ ᐱᔭᕆᐊᖃᖅᑕᖏᓐᓂᑦ ᓄᓇᕗᒻᒥᐅᑦ. ᓯᕗᓪᓕᐅᔾᔭᐅᓂᐊᖅᑐᑦ ᓄᓇᕗᒻᒥ ᐃᓄᐃᑦ ᓇᓗᓇᐃᖅᓯᑦᑎᐊᕆᐊᓖᑦ ᑭᓇᐅᓂᕐᒥᓂ ᐱᔪᓐᓇᖅᑎᑕᐅᓂᖏᓐᓄᑦ ᐱᑎᑕᐅᓂᐊᕐᓗᓂ ᓯᕗᓪᓕᐅᔾᔭᐅᓂᕐᒧᑦ ᐃᓱᒪᒋᔭᐅᓂᕐᒧᑦ ᐊᑖᓂ ᓄᓇᕗᒻᒥ ᓯᕗᓪᓕᐅᔾᔭᐅᔭᕆᐊᓕᓐᓂ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᐊᒐᖅ.
  • ᐃᖅᑲᓇᐃᔮᔅᓴᐃᑦ ᐃᓚᖏᓐᓂᑦ ᐃᓂᐅᔪᓂᑦ ᐱᑕᖃᕆᐊᖃᖅᑎᑕᐅᔪᑦ ᖃᐅᔨᓴᖅᑕᐅᓗᑎ ᓈᒻᒪᒋᔭᐅᔪᒥᑦ ᐱᕋᔭᓚᐅᖅᓯᒪᖏᓐᓂᖓᓄᑦ. ᐱᕋᔭᒪᐅᖅᓯᒪᓂᐅᔪᖅ ᐱᓇᓱᐊᕈᓐᓇᐃᓕᑎᑦᑎᖏᑦᑐᖅ ᐃᓱᒪᒋᔭᐅᒃᑲᓂᕐᓂᐊᕐᓗᓂ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᑐᓂᓯᒍᓐᓇᖅᑐᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂ ᑎᑎᕋᖅᓯᒪᔪᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᓂᕈᐊᖅᑕᖏᓐᓂᑦ.
  • ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᑕᐅᔪᓐᓇᖅᑐᑦ ᐃᓐᓄᐃᓂᐊᕐᓗᑎ ᓯᕗᓂᔅᓴᒥ ᐃᓐᓄᑦᑕᐅᓯᒪᖏᑦᑐᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᓂᖏᑦ ᐱᔭᐅᔪᓐᓇᖅᑐᑦ ᓱᑲᔪᒃᑯᑦ, ᖃᕋᓴᐅᔭᒃᑯᑦ ᑎᑎᖅᑲᒃᑯᑦ ᐅᕝᕙᓘᓐᓃᑦ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓᒍᑦ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᓂᕈᐊᖅᑕᑐᐊᖑᔪᑦ ᐊᐱᖅᓱᖅᑕᐅᓂᕐᒧᑦ ᖃᐅᔨᒋᐊᕐᕕᐅᓂᐊᖅᑐᑦ.
Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ