ᐅᖃᓚᐅᑎᓯᐅᑏᑦ

You are here

ᖃᕆᑕᐅᔭᒃᑯᑦ ᐱᓕᕆᔾᔪᑕᐅᕙᒃᑐᓄᑦ ᖃᐅᔨᓴᖅᑎ

Community: 
ᐃᖃᓗᖕᓂ
Reference number: 
14-505631
Salary: 
$92,196.00
Northern Allowance: 
$15,016.00
Closing Date: 
ᓯᑎᐱᕆ 27, 2019

ᑖᓐᓇ ᐃᖅᑲᓇᐃᖅᔭᑎ ᐅᒃᐱᕆᔭᐅᔪᓐᓇᕆᐊᓕᒃ ᐊᒻᒪᓗ ᐱᕋᔭᖕᓂᑰᖕᒪᖔᑦ ᖃᐅᔨᓴᖅᑕᐅᒋᐊᓕᒃ.

ᐅᓇ ᐃᖅᑲᓇᐃᔮᒃᓴᖅ ᐱᓇᔪᒃᑕᐅᔪᓐᓇᖅᑐᖅ ᑭᒃᑯᓕᒫᓄᑦ.

ᖃᐅᔨᓴᕐᓂᖅ, ᐱᕙᒌᔭᕐᓂᖅ ᑕᐅᑦᑐᒃᓴᓕᐅᕐᓂᕐᓗ ᓄᓇᕗᑦ ᒐᕙᒪᖓᑕ ᐱᓪᓗᐊᑕᕐᓄᑦ ᑎᑎᕋᖅᓯᒪᔪᓄᑦ ᐅᖃᐅᓯᒃᑯᓪᓗ ᑐᓴᐅᒪᑎᑦᑎᓂᕐᒧᑦ ᑲᒪᒋᔭᒃᓴᕆᔭᐅᕗᑦ ᐋᖅᑭᒃᓯᒪᓕᖅᑎᑦᑎᓂᕐᒧᑦ ᑲᔪᓯᑎᑦᑎᓂᕐᒧᑦ ᐱᓕᕆᖃᑎᒋᒃᑐᓂ ᐅᑯᓇᓂ, ᑐᓴᐅᒪᑎᑦᑎᓂᕐᒧᑦ ᐱᕙᒌᔭᕐᓂᕐᒥ  ᐱᔨᑦᑎᕋᕐᕕᖃᕐᓂᕐᒧᓪᓗ. ᖃᕆᓴᐅᔭᓄᑦ ᐱᓕᕆᔾᔪᑕᐅᕙᒃᑐᓄᑦ ᖃᐅᔨᓴᖅᑎ ᐅᖃᕐᕕᖃᖃᐅᑎᒋᖃᑦᑕᕐᓂᐊᖅᐳᖅ ᐊᐅᓚᑦᑎᔨᒋᔭᐅᔪᒧᑦ, ᐋᖅᑭᒃᓯᒪᓕᖅᑎᑦᑎᓂᕐᒧᑦ ᑲᔪᓯᑎᑦᑎᓂᕐᒧᑦ ᐱᓕᕆᖃᑎᖃᑦᑎᐊᖅᐸᒡᓗᓂᓗ ᐊᓯᖏᓐᓄᑦ ᐊᑐᖅᑕᐅᔪᓐᓇᖅᑐᓄᑦ ᑕᒪᑐᒪᓂ ᐋᖅᑭᒃᓯᒪᓕᖅᑎᑦᑎᓂᕐᒧᑦ ᑲᔪᓯᓂᕐᒧᑦ ᐱᓕᕆᖃᑎᒌᓂ ᑕᒪᑐᒪᓂ ᑐᓴᐅᒪᑎᑦᓂᕐᒧᑦ ᐱᕙᒌᔭᕐᓂᕐᒥ ᐱᔨᑦᑎᕋᕐᕕᖃᕐᓂᕐᒧᓪᓗ ᐊᑕᖏᕐᓗᒍ ᐊᒻᒪᓗ ᑖᒃᑯᓇᓂᕐᒥᐅᑕᐅᙱᑦᑐᓂ ᓂᐅᕕᕐᕕᒋᔭᐅᕙᒃᑐᓂ. 

ᖃᕆᑕᐅᔭᓄᑦ ᐱᓕᕆᔾᔪᑕᐅᕙᒃᑐᓄᑦ ᖃᐅᔨᓴᖅᑎ ᑲᒪᒋᔭᖃᖃᑦᑕᕐᓂᐊᖅᐳᖅ ᐃᓕᐅᖅᑲᐃᓂᕐᒥᒃ, ᖃᐅᔨᓴᖅᓯᓂᕐᒥᒃ ᐊᐅᓚᑦᑎᓂᕐᒥᒡᓗ ᑕᒪᐃᓐᓂᒃ ᐊᒃᑐᐊᓂᓕᖕᓂᒃ ᑎᑎᕋᖅᓯᒪᔪᓂᒃ  ᓂᐱᒃᑯᓪᓗ ᐅᖃᖃᑎᖃᕐᓗᓂ ᑐᓴᐅᒪᑎᑦᑎᓂᕐᒧᑦ ᐊᑐᖅᑕᐅᔭᕆᐊᖃᖅᐸᒃᑐᓂᒃ, ᐊᑐᖅᑕᐅᒃᑲᓐᓂᕆᐊᖃᖅᐸᒃᑐᓂᒃ ᒪᓕᒃᑕᐅᔭᕆᐊᖃᖅᐸᒃᑐᓂᒡᓗ ᑖᒃᑯᓇᓂ ᐋᖅᑭᒃᓯᒪᓕᖅᑎᑦᑎᓂᕐᒧᑦ ᑲᔪᓯᓂᕐᒧᑦ ᐱᓕᕆᔾᔪᑕᐅᕙᒃᑐᓄᑦ ᐊᑐᖅᑕᐅᕙᒃᑐᓂ. ᑕᒪᓐᓇ ᐃᓚᖃᕐᓂᐊᖅᐳᖅ ᐊᖏᔪᑲᓪᓚᖕᒧᑦ ᐃᓂᒧᑦ ᐱᓕᕆᖃᑎᒌᒍᑕᐅᓇᔭᑐᒥᒃ (WAN−ᒥᒃ) ᓄᓇᓕᒡᔪᐊᓄᑦ ᐃᓂᒧᑦ ᐱᓕᕆᖃᑎᒌᒍᑕᐅᓇᔭᖅᑐᒥᒃ (MAN−ᒥᒃ) ᐊᒻᒪᓗ ᓄᓇᓕᖕᒥᐅᓄᑦ ᐃᓂᒧᑦ  ᐱᓕᕆᖃᑎᒋᒍᑕᐅᓇᔭᖅᑐᒥᒃ (LAN−ᒥᒃ), ᓂᐱᒧᑦ, ᓴᕕᒐᐅᔭᖃᙱᑦᑐᒧᑦ, ᐊᓯᔾᔨᖅᓯᓂᕐᒧᑦ, ᐊᖅᑯᑎᖃᖅᑎᑦᑎᓂᕐᒧᑦ ᐊᒃᑐᐊᓂᓕᖕᓄᓪᓗ ᐱᓕᕆᐊᖑᕙᒃᑐᓄᑦ.

ᖃᐅᔨᒪᓂᕆᔭᐅᔪᑦ, ᐊᔪᕈᓐᓃᖅᑕᐅᕙᒃᑐᑦ ᐊᔪᙱᓐᓂᕆᔭᐅᔪᓪᓗ ᐱᔭᐅᓯᒪᔭᕆᐊᓖᑦ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᒃᐸᒃᐳᑦ ᐃᓕᓴᕆᔭᐅᓯᒪᔪᒃᑯᑦ ᐱᖓᓱᓄᑦ (3−ᓄᑦ) ᐊᕐᕌᒍᓄᑦ ᐃᓕᓐᓂᐊᕐᕕᖕᒥ ᐃᓕᓐᓂᐊᕌᓪᓚᓚᐅᕐᓗᓂ ᐃᓕᓐᓂᐊᒃᑲᓐᓂᕐᓂᕐᒥ ᓯᓚᑦᑐᖅᓴᕐᕕᖕᒥ  ᐱᓕᕆᐊᖑᔭᒃᑐᒥ ᖃᕆᑕᐅᔭᓕᕆᓂᒃᑯᑦ ᖃᐅᔨᓴᕈᓐᓇᕐᓂᕐᒥᒃ, ᑐᓴᐅᒪᑎᑦᑎᓂᕐᒧᑦ ᐱᓕᕆᔾᔪᑕᐅᕙᒃᑐᓄᑦ ᐊᒃᑐᐊᓂᓕᖕᒧᓪᓘᓐᓃᑦ ᐱᓕᕆᓯᒋᐊᕐᓂᕐᒧᑦ ᐱᓕᕆᐊᖑᕙᒃᑐᒥᒃ; ᐊᒻᒪᓗᑦᑕᐅᖅ ᓂᐅᕕᑎᐅᕙᖕᓂᕐᒧᑦ ᓇᓗᓇᐃᒃᑯᑕᖃᕐᓂᕐᒧᑦ ᓲᕐᓗ ᒪᑯᓄᖓ, Cisco, Mitel, F5, Juniper Networks ᐊᒻᒪᓗ Riverbed.   ᐊᒻᒪᓗᑦᑕᐅᖅ, ᐱᓯᒪᔭᕆᐊᖃᖅᐳᑎᑦ  ᐅᓄᙱᓐᓂᖅᐹᖃᕐᓗᓂ  (5−ᓂᒃ) ᐊᕐᕌᒍᓂᒃ ᖃᖓᑦᑎᐊᓵᖅ ᑲᔪᓯᕙᓪᓕᐊᖏᓐᓇᖅᑐᒥᒡᓗ ᐱᓕᕆᖃᑦᑕᕐᓂᑰᓗᑎᑦ ᐊᖏᔪᒥ (750 ᐅᖓᑖᓃᑦᑐᓂᒃ ᐱᓕᕆᔾᔪᑎᓂᒃ) ᐃᓗᓕᖃᐅᑦᑎᐊᖅᑐᒥ ᐱᓕᕆᕝᕕᒋᔭᐅᔪᓕᒫᒥ WAN/MAN/LAN ᑖᒃᑯᑎᒎᓈᖅᑎᑦᑎᓂᕐᒧᑦ/ᐊᓯᔾᔨᖅᓯᓂᕐᒧᑦ ᐊᑐᖅᑕᐅᕙᒃᑐᓄᑦ ᐊᔾᔨᒌᙱᑦᑐᓂᒃ  ᐋᖅᑭᒃᓯᒪᔾᔪᑎᖃᕐᓗᑎᒃ ᖃᔅᓯᑲᓪᓚᖕᓂᑦ ᓂᐅᕕᖅᐸᒃᑐᓂᑦ, ᑕᓪᓕᒪᓄᓪᓗ (5−ᓄᑦ) ᐊᕐᕌᒍᓄᒃ ᑕᑯᒃᓴᐅᑎᑦᑎᖃᑦᑕᖅᓯᒪᓗᓂ ᑕᐅᑦᑐᖓᓄᑦ, ᐃᓕᐅᖅᑲᖅᑕᐅᓂᖓᓄᑦ, ᖃᓄᖅ ᐋᖅᑭᒃᓱᖅᓯᒪᓂᖓᓄᑦ ᐃᑲᔪᖅᑐᖅᑕᐅᓂᖓᓄᓪᓗ ᐱᓕᕆᖃᑎᒌᒍᑕᐅᔪᓄᑦ ᓇᒧᙵᐅᑎᑦᑎᓂᕐᒥᒃ/ᐊᓯᔾᔨᖅᓯᓂᕐᒥᒃ ᐱᖁᑎᓂᒃ ᐊᒃᑐᐊᓂᖃᕐᓂᖏᓐᓄᓪᓗ ᐱᓕᕆᐊᖑᔭᕆᐊᓕᖕᓄᑦ.   ᐱᓕᕆᖃᑦᑕᖅᓯᒪᓂᑰᓂᕐᒥᓂᒃ ᑕᑯᒃᓴᐅᑎᑦᑎᓪᓚᕆᒡᓗᓂ ᐱᓕᕆᐊᒃᓴᓂ ᐊᖏᖃᑎᖐᒍᑕᐅᓯᒪᔪᓂᒡᓗ ᐊᐅᓚᑦᑎᕝᕕᖃᕐᓂᕐᒥᒃ ᐱᓕᕆᕝᕕᒋᔭᐅᔫᑉ ᐃᓗᐊᓂ ᑐᓴᖅᑕᐅᔪᒃᓴᓂᒃ  ᐊᐅᓚᑦᑎᕙᖕᓂᕐᒥᒃ/ᑐᓴᖅᑕᐅᔪᑦᓴᓂᑦ ᑐᓴᐅᒪᑎᑦᑎᓂᕐᒧᑦ ᐱᓕᕆᔾᔪᑎᓄᑦ (IM/ICT) ᐊᕙᑎᖃᖅᐸᖕᓂᕐᒥᒃ ᓵᑦᑎᐊᕐᒥᐅᑕᖃᒃᓂᒃᒥᒡᓗ ᖃᖓᑦᑕᖅᑎᑕᐅᓯᒪᔪᒧᑦ ᐱᓕᕆᖃᑎᓂᕐᒧᑦ ᑐᓴᐅᒪᖃᑦᑕᐅᑎᔾᔪᑎᑦ ᐃᓱᒪᒋᔭᐅᓂᐊᖅᐳᑦ ᐱᖁᑎᒋᔭᐅᓂᖏᓐᓂᒃ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᖃᓪᓗᓈᑐᑦ ᐊᒻᒪᓗ ᐅᐃᕖᑐᑦ. ᐅᖃᕈᓐᓇᑦᑎᐊᕐᓗᓂ ᐃᓄᒃᑎᑐᑦ ᐱᒻᒪᕆᐅᕗᖅ. ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓂᒃ, ᓄᓇᓕᖕᓂᑦ, ᐱᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐱᕚᓪᓕᕈᑕᐅᓇᔭᖅᐳᖅ.

ᐃᓕᓐᓂᐊᖅᓯᒪᓂᖓ, ᖃᐅᔨᒪᓂᖓ, ᐱᓕᕆᔪᓐᓇᕐᓂᖓ ᐊᒻᒪ ᐊᔪᖏᓐᓂᖓ ᑲᑎᓪᓗᒋᑦ ᐃᓕᓐᓂᐊᓚᕆᒃᓯᒪᔪᑐᑦ ᐊᒻᒪ ᐃᖅᑲᓇᐃᔭᓚᐅᖅᓯᒪᓂᖓ ᐃᓱᒪᒋᔭᐅᑐᐃᓐᓇᕆᐊᓕᒃ.

ᐃᖅᑲᓇᐃᔭᕈᓐᓇᑐᐃᓐᓇᕆᐊᖃᖅᑐᓂᑦ ᓯᕗᓂᒃᓴᒧᑦ ᑎᑎᕋᖅᓯᒪᔪᖃᑐᐃᓐᓇᕆᐊᓕᒃ. 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ