ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᐱᕈᔭᕐᓂᑦ ᕿᒥᕐᕈᔨ, ᐃᖏᕐᕋᔪᓕᕆᓂᖅ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
15-505827
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑲᑐᔾᔨᖃᑎᒌᖑᓂᖓ: 
ᑮᓇᐅᔾᔭᒃᓴᓇᔭᖅᑐᖅ: 
$92,196.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016.00
ᒪᑐᕝᕕᒃᓴᖓ: 
ᐄᐳᕈ 01, 2020

ᑭᒃᑯᑐᐃᓐᓇᕐᓄᑦ ᒪᑐᐃᖓᔪᖅ.

ᐊᖏᔪᖅᑳᓕᒃ ᐊᐅᓚᑦᑎᔨᒥᑦ ᐃᖏᕐᕋᔪᓕᕆᓂᕐᒧᑦ ᐱᖁᔭᕐᓂᑦ ᐸᕐᓇᓂᕐᒧᓪᓗ, ᐱᕈᔭᕐᓂᑦ ᕿᒥᕐᕈᔨ, ᐃᖏᕐᕋᔪᓕᕆᓂᕐᒥᓪᓗ ᐃᓚᒋᔭᐅᓗᓂ, ᐱᖁᔭᕐᓂᑦ ᐊᒻᒪᓗ ᐸᕐᓇᑦᑎᓂᑦ ᐊᒻᒪᓗ ᑲᒪᖃᑕᐅᖃᑦᑕᕐᓗᓂ ᐱᖁᔭᕐᓂᑦ ᐃᑲᔪᖅᑐᐃᒋᐊᖃᓕᕈᑎᑦ ᐱᕙᓪᓕᐊᓂᕐᒥᑦ ᓄᓇᕗᒻᒥ ᐃᖏᕐᕋᔪᓕᕆᓂᕐᒥᑦ, ᐱᖃᓯᐅᑎᓪᓗᒋᑦ ᒪᓕᒐᕐᓂᑦ, ᐊᑐᐊᒐᕐᓂᑦ, ᐸᕐᓇᓂᕐᒧᑦ, ᑐᓴᐅᒪᖃᑦᑕᐅᑐᑎᓕᕆᓂᕐᒧᑦ ᒐᕙᒪᑐᓕᕆᓂᕐᒥᓪᓗ ᐱᒋᐊᕈᑕᐅᔪᓂᑦ ᐃᓗᓕᖏᓐᓂ ᐱᕙᓪᓕᐊᔪᓕᕆᓂᕐᒧᑦ ᐃᖏᕐᕋᔪᓕᕆᓂᕐᒧᓪᓗ ᒪᓕᒐᖏᓐᓂ. ᑐᕋᒐᖏᑦ ᑕᒃᑯᐊ ᐱᓕᕆᖃᑎᖃᕐᓗᑎᑦ ᐃᑲᔪᖅᑐᐃᓗᑎᓪᓗ ᓄᓇᕗᒻᒥᐅᑕᕐᓂᑦ ᐱᕙᓪᓕᐊᑎᑦᑎᓇᓱᐊᕐᓗᑎᑦ ᓴᓐᖓᑎᑦᑎᓇᓱᐊᕐᓗᑎᓪᓗ ᐱᕙᓪᓕᐊᑎᑦᑎᓂᕐᒥᑦ, ᐊᒻᒪᓗ ᐊᑦᑕᓇᖅᑕᐃᓕᒪᓂᕐᒧᑦ ᐃᖏᕐᕋᑎᑦᑎᑦᑎᐊᕐᓇᓱᐊᕐᓗᓂᓗ ᐃᓄᓐᓂᑦ, ᓱᓇᒃᑯᑖᕐᓂᑦ ᖃᐅᔨᒪᕐᓂᒥᓪᓗ. ᐃᖏᕐᕋᔪᓕᕆᓂᕐᒧᑦ ᐱᖁᔭᑦ ᐊᒻᒪᓗ ᐸᕐᓇᑦᑏᑦ ᑕᒪᒃᑯᐊ ᐱᓕᕆᐊᖑᓂᐊᖅᑐᑦ ᐃᖏᕐᕋᔪᓕᕆᔨᒃᑯᓐᓄᑦ ᑲᔪᓯᑦᑎᐊᕋᓗᐊᕐᒪᖔᑕ ᐱᔨᑦᑎᕋᐅᑎᐅᔪᓪᓗ ᖃᐅᔨᒪᓇᓱᐊᕐᓂᐊᖅᑐᑦ ᒪᓕᑦᑎᐊᕋᓗᐊᕐᒪᖔᑕᓗ ᓯᕗᓪᓕᖅᐸᐅᑎᔭᕆᐊᓕᖏᓐᓂ ᓄᓇᕗᑦ ᒐᕙᒪᒃᑯᖏᓐᓂ ᓯᕗᒃᑲᖅᑕᐃᓗᑎᑦ ᐱᖁᔭᓕᐅᕐᓂᖏᓐᓂ ᐃᑲᔪᖅᑐᐃᓗᑎᓪᓗ ᐊᓪᓚᕕᐅᑉ ᐃᓗᐊᓂ ᐊᒻᒪᓗ ᓯᓚᑖᓂ ᑐᓴᐅᒪᖃᑦᑕᐅᑎᓕᕆᓂᕐᒥᑦ ᐱᕙᓪᓕᐊᓂᕐᒥᑦ ᐃᖏᕐᕋᔪᓕᕆᓂᕐᒨᖓᔪᓂᑦ.

ᐱᖁᔭᕐᓂᑦ ᕿᒥᕐᕈᔨ, ᐃᖏᕐᕋᔪᓕᕆᓂᕐᒥᑦ ᑲᒪᒋᐊᓕᒃ ᐃᖏᕐᕋᔪᓕᕆᓂᕐᒨᖓᔪᓂᑦ ᒪᓕᒐᕐᓂᑦ, ᐊᑐᐊᒐᕐᓂᑦ, ᐱᖁᔭᕐᓂᑦ ᐸᕐᓇᐅᑎᓂᓪᓗ ᐱᒋᐊᕈᑕᐅᓯᒪᔪᓂᒃ. ᐸᕐᓇᖃᑦᑕᕋᕙᖅᑐᖅ ᒪᓕᒐᓕᐅᖅᑎᓄᑦ ᑐᓂᓂᐊᖅᑕᖏᓐᓂ ᐊᒻᒪᓗ ᐸᕐᓇᖃᑕᐅᖃᑦᑕᕐᓗᓂ ᑐᓂᓯᓗᓂ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔨᓄᑦ ᑲᑎᒪᔨᓄᑦ. ᑖᓐᓇ ᑲᒪᖃᑦᑕᕐᒥᔪᖅ ᐃᑲᔪᖅᑐᐃᓗᓂ ᓄᐊᑦᑎᒋᐊᖃᖅᑐᓂ ᐃᖏᕐᕋᔪᓕᕆᓂᕐᒨᖓᔪᓂᑦ ᐊᕐᕌᒍᑕᒫᖅᓯᐅᑎᓂᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᓂᑦ ᐊᒻᒪᓗ ᐊᑭᑐᔫᑎᓄᑦ ᒥᔅᓴᐅᓴᐃᓂᕐᒥᑦ. ᐃᖅᑲᓇᐃᔮᖅᑖᖅᑐᖅ ᖃᐅᔨᓴᖃᑦᑕᕋᔭᖅᑐᖅ ᐃᖏᕐᕋᑦᑎᐊᓕᕋᓗᐊᕐᒪᖓᑕ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐃᖏᕐᕋᔪᓕᕆᓂᕐᒧᑦ ᐃᑲᔫᑏᑦ ᐊᐅᓚᑦᑎᐊᖁᓪᓗᒋᑦ ᑕᑎᒋᔭᐅᔪᓐᓇᕐᓗᑎᓪᓗ ᐊᒻᒪᓗ ᐱᖁᔭᖅᒋᑦ ᐃᑲᔫᑎᑎᒍᓪᓗ ᐊᑐᐃᓐᓇᐅᑦᑎᐊᕐᓗᑎᑦ. ᐱᖁᔭᕐᓄᑦ ᕿᒥᕐᕈᔨ, ᐃᖏᕐᕋᔪᓕᕆᓂᕐᒧᓪᓗ ᑐᓴᕈᑎᓂᑦ ᑐᓂᓯᖃᑦᑕᕆᐊᓕᒃ ᐃᑲᔪᖅᑐᐃᓗᓂᓗ ᐃᖏᕐᕋᔪᓕᕆᓂᕐᒧᑦ ᓴᖅᑭᔮᖅᑎᑦᑎᒋᐊᖃᕐᓂᖏᓐᓂ ᐊᒻᒪᓗ ᐊᑐᓕᖅᑎᑦᑎᒋᐊᖃᕐᓂᖏᓐᓂ ᓄᓇᕗᑦ ᒐᕙᒪᒃᑯᖏᑦᑕ ᓯᕗᓪᓕᖅᐸᐅᑎᒋᓕᐊᓕᖏᓐᓂ, ᐱᖃᓯᐅᑎᓪᓗᒋ ᐱᓐᖑᖅᑎᑕᐅᓯᒪᔪᑦ ᐃᓄᐃᑦ ᐅᑉᐱᕆᔭᖏᑦ. ᑲᒪᖃᑦᑕᕐᓗᓂᓗ ᑐᔅᓯᕋᐅᑕᐅᔪᓂᑦ ᐃᖏᕐᕋᔪᓕᕆᓂᕐᒨᖓᔪᓂᑦ ᒪᓕᑦᑐᒋᑦ ᐊᑐᖅᑕᐅᔪᓐᓇᕐᓂᖏᑦ ᑐᓴᕈᑏᑦ ᐊᒻᒪᓗ ᐸᖅᑭᔭᐅᓂᕐᒧᑦ ᑲᓐᖑᓇᖅᑐᓂᓪᓗ ᐱᖁᔭᕐᓂᑦ (ATIPP) ᐱᓕᕆᐊᓪᓚᕆᐊᓗᐊ ᑕᕝᕙᓂ ᐃᖅᑲᓇᐃᔮᕐᒥ.

ᖃᐅᔨᒪᒋᐊᓕᒃ, ᐱᓕᒻᒪᔅᓯᒪᓗᓂ ᐱᔪᓐᓇᕐᓗᓂᓗ ᐃᖅᑲᓇᐃᔮᕐᒧᑦ ᐃᓕᓴᕆᔭᐅᓯᒪᔪᒃᑯᑦ ᓯᓚᑦᑐᖅᓴᕐᕕᔾᔪᐊᒥ ᐸᐃᑉᐸᖃᕐᓗᓂ ᑭᖑᓪᓕᖅᐹᖅᓯᐅᑎᖏᓐᓂ ᑲᑎᒪᔪᓕᕆᓂᐅᓂᕐᒥᑦ, ᐃᖏᕐᕋᔪᓕᕆᓂᕐᒥᑦ ᖃᔨᐅᓴᕐᓂᕐᒥᑦ, ᐃᖏᕐᕋᔪᓕᕆᓂᕐᒥᑦ ᐱᖁᔭᕐᓂᑦ, ᐃᖏᕐᕋᔪᓕᕆᓂᕐᒥᑦ ᐸᕐᓇᕐᓂᕐᒥᑦ, ᒪᓕᒐᕐᓂᑦ, ᐱᕙᓪᓕᐊᓂᕐᒥᑦ, ᑭᒃᑯᑐᐃᓐᓇᕐᓄᑦ ᐅᕝᕙᓘᓐᓃᑦ ᓇᒻᒥᓂᖃᖅᑐᓕᕆᓂᕐᒥᑦ ᐅᕝᕙᓘᓐᓃᑦ ᐃᖏᕐᕋᔪᓕᕆᓂᕐᒨᖓᔪᓂᑦ ᐊᒻᒪᓗ ᐊᕐᕌᒎᓐᓄᒃ ᒪᕐᕉᓐᓄᒃ ᐃᖅᑲᓇᐃᔭᖅᓯᒪᓗᓂ. ᑎᑎᕋᕈᓐᓇᑦᑎᐊᕐᓗᓂ ᐅᖃᐅᓯᒃᑯᓪᓗ ᐅᖃᐅᔾᔨᖃᑦᑕᕈᓐᓇᑦᑎᐊᕐᓗᓂ.

ᐃᓕᓴᕆᔭᐅᓯᒪᔪᑦ ᐅᖃᐅᓯᕐᓂᑦ ᓄᓇᕗᒻᒥ ᐃᓄᑦᑎᑐᑦ, ᖃᓪᓗᓇᑎᑐᑦ, ᐊᐃᕖᑎᑐᓪᓗ. ᐅᖃᒡᒐᖏᑦᑎᐊᕐᓗᓂ ᓇᓪᓕᐊᓐᓂ ᐊᑕᐅᓯᕐᒥᑦ ᒪᕐᕉᓂᓪᓘᓐᓃᑦ ᓄᓇᕗᑦ ᐅᖃᐅᓯᖏᓐᓂ ᐃᓕᓴᕆᔭᐅᓯᒪᔪᓂᑦ ᐱᑕᖃᕆᐊᖃᓪᓚᕆᑦᑐᖅ. ᐃᓄᑦᑎᑐᑦ ᖃᐅᔨᒪᔭᕆᐊᓕᒃ, ᓄᓇᓕᖏᓐᓂ, ᐱᖅᑯᓯᖏᓐᓂ, ᓄᓇᖓᓐᓂ ᐃᓄᐃᑦ ᖃᐅᔨᒪᑐᖃᖏᓐᓂᓪᓗ.

ᐊᔾᔨᐸᓗᖏᓐᓂ ᓈᒻᒪᒋᔭᐅᔪᓂᑦ ᐃᓕᓐᓂᐊᖃᑦᑕᖅᓯᒪᔭᖏᓐᓂ ᐊᑐᖃᑦᑕᖅᓯᒪᔭᖏᓐᓂᓪᓗ ᐃᓱᒪᖅᓴᖅᓱᐅᕈᑕᐅᒐᔭᖅᑐᑦ ᐱᖃᖅᑲᑦ.

ᐱᔪᓐᓇᖅᑐᓂᑦ ᑎᑎᕋᑐᐃᓐᓇᕆᐊᖃᖅᑐᒍᑦ ᓯᕗᓂᑦᑎᓐᓂ ᐃᓐᓄᒋᐊᓕᑦᑕᖃᕐᓂᖅᑲᑦ.

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ