ᐅᖃᓚᐅᑎᓯᐅᑏᑦ

You are here

ᐱᕋᔭᒃᑕᐅᓯᒪᔪᓄᑦ ᑲᒪᒋᔭᐅᓂᖏᓐᓄᑦ ᑲᒪᔨ

ᓄᓇᓕᒃ: 
ᐃᖃᓗᒃ`ᑐᑦᑎᐊᖅᒥ
ᓇᓗᓇᐃᒃᑯᑕᖓ: 
05-506856
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᐃᓱᓕᓛᖅᑐᖅ ᒫᔅᓯ 31, 2024 .ᐅᓇ ᐃᖅᑲᓇᐃᔮᒃᓴᖅ ᐅᑯᓄᖓᑐᐊᖅ ᑐᕌᖓᔪᖅ ᓄᓇᖃᖅᑐᓄᑦ ᐃᖃᓗᒃᑑᑦᑎᐊᕐᒥᐅᓄᑦ ᑭᓯᐊᓂ.
ᑮᓇᐅᔾᔭᒃᓴᓇᔭᖅᑐᖅ: 
$81,861.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$19,716.00
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 29, 2021 - 11:59pm

ᐅᓇ ᐃᖅᑲᓇᐃᔮᒃᓴᖅ ᖃᓄᑐᐃᓐᓇᖅ ᐱᔾᔪᑎᑖᖅᓴᕋᐃᑦᑐᖅ ᓈᒻᒪᒋᔭᐅᔪᒥᒡᓗ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᓂᒃ ᐱᕝᕕᐅᔭᕆᐊᖃᕋᔭᖅᑐᖅ, ᐊᒻᒪᓗ ᐱᔭᕆᐊᑭᑦᑐᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᔭᕆᐊᓕᒃ.

ᐅᓇ ᐃᖅᑲᓇᐃᔮᒃᓴᖅ ᐅᑯᓄᖓᑐᐊᖅ ᑐᕌᖓᔪᖅ ᓄᓇᖃᖅᑐᓄᑦ ᐃᖃᓗᒃᑑᑦᑎᐊᕐᒥᐅᓄᑦ ᑭᓯᐊᓂ.

ᐊᖓᔪᖅᑳᖃᕐᓗᓂ ᑐᑭᒧᐊᑦᑎᑦᓯᔨ ᓄᓇᓕᖕᒥ ᒪᓕᒐᓕᕆᓂᕐᒧᑦ, ᑖᓐᓇ ᐃᖅᑲᓇᐃᔮᖅ ᐋᖅᑭᐅᒪᑎᑦᑎᔨᐅᓂᖃᖅᑐᖅ ᐊᒻᒪᓗ ᐅᔾᔨᕆᔭᐅᔭᕆᐊᖃᕐᓂᖓᓂᒃ ᐱᕋᔭᑦᑕᐅᓯᒪᔪᑦ ᑲᒪᒋᔭᐅᔭᕆᐊᖃᕐᓂᖏᓐᓂᑦ ᐱᓕᕆᐊᒥᑦ ᑐᕌᖓᔪᓂᑦ ᐱᕋᔭᑦᑕᐅᓯᒪᔪᓂᑦ ᐊᑐᐃᓐᓇᑦᑕᐅᑎᒋᔪᓂᑦ ᐱᕋᔭᓐᓂᖅᑕᖃᓚᐅᖅᑎᓪᓗᒍ. ᐱᕋᔭᑦᑕᐅᓯᒪᔪᑦ ᑲᒪᒋᔭᐅᓂᖏᓐᓄᑦ ᑲᒪᔨᐅᔪᖅ ᓄᓇᕗᒻᒥᑦ ᐱᕋᔭᒃᑕᐅᓯᒪᔪᓄᑦ ᐱᔨᑦᑎᕋᑦᑎᒃᑯᑦ ᐱᓕᕆᖃᑎᒌᒃᑯᖏᓐᓂᑦ ᐃᖅᑲᓇᐃᔭᖃᑎᖃᖃᑦᑕᕐᓗᓂ ᑐᑦᑕᕐᕕᓪᓗᐊᑕᕆᔭᐅᔪᑦ ᐱᕋᔭᑦᑕᐅᓯᒪᔪᓄᑦ ᐅᖃᕐᕕᐅᖃᑦᑕᖅᑐᑦ. ᐱᔾᔪᑎᒋᓪᓗᐊᑕᖅᑕᖓ ᐊᑐᖅᑕᐅᓂᐊᖅᑐᖅ ᐱᕋᔭᑕᐅᓯᒪᔪᑦ ᑲᒪᒋᔭᐅᔭᕆᐊᖃᕐᓂᖏᑦ, ᑭᖑᓂᒐᑦ ᑲᒪᐅᓚᐅᖅᑎᓪᓗᒋᑦ ᐊᒻᒪᓗ ᖁᐊᖅᓵᖅᓯᒪᓗᐊᖅᑕᐃᓕᒪᓂᕐᒧᑦ. ᑖᓐᓇ ᐃᖅᑲᓇᐃᔮᕆᓗᒍ ᐊᐅᓪᓚᖃᑦᑕᕋᔭᖅᑐᖅ ᓄᓇᓕᓐᓄᑦ ᐃᑲᔪᕆᐊᖅᑐᕐᓗᓂ ᐱᕋᔭᑦᑕᐅᓯᒪᔪᓂᑦ ᓯᕗᓂᐊᒍᑦ, ᐊᒻᒪᓗ ᐃᖅᑲᖅᑐᐃᔨᒃᑯᑦ ᐃᖅᑲᖅᑐᐃᓂᖃᓕᖅᑎᓪᓗᒋᑦ. ᑖᓐᓇ ᐃᖅᑲᓇᐃᔮᖅ ᐋᖅᑭᔅᓱᐃᔨᐅᔪᖅ ᐊᒻᒪᓗ ᐃᓕᓐᓂᐊᖅᑎᑦᑎᔨᐅᓪᓗᓂ ᐊᓯᖏᓐᓄᑦ ᐱᓕᕆᕝᕕᐅᔪᒥᑦ ᐃᖅᑲᓇᐃᔭᖅᑎᐅᔪᓂᑦ ᐊᒻᒪᓗ ᐃᓄᓐᓂᑦ ᑭᒃᑯᑐᐃᓐᓇᕐᓂᑦ.

ᑖᓐᓇ ᐃᖅᑲᓇᐃᔮᖅ ᐃᑲᔪᖃᑦᑕᖅᑐᖅ ᓄᓇᕗᒻᒥ ᐱᕋᔭᑦᑕᐅᓯᒪᔪᑦ ᑲᒪᒋᔭᐅᓂᖏᓐᓄᑦ ᐱᓕᕆᐊᕐᒥᑦ ᐊᒻᒪᓗ ᐱᓕᕆᐊᔅᓴᒥᑦ ᑲᔪᓯᑎᑕᐅᕙᓪᓕᐊᔭᕆᐊᖃᕐᓂᖓᓄᑦ ᓵᑕᔅᓴᐅᔪᓐᓇᖅᑐᖅ ᐊᑐᐊᒐᖏᑦ ᐊᒻᒪᓗ ᐱᓕᕆᔾᔪᓯᖅ ᐊᒃᑐᐊᓂᖃᖅᑐᑦ ᑖᔅᓱᒧᖓ ᐱᓕᕆᐊᖑᕙᓪᓕᐊᔪᒪᔪᒧᑦ, ᐃᓚᒋᓗᒋᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᑐᖅᑯᖅᑕᐅᔭᕆᐊᖃᕐᓂᖏᑦ ᐅᓂᒃᑳᓕᐅᕐᓗᒋᓪᓗ; ᐱᕋᔭᑦᑕᐅᓯᒪᔪᑦ ᐃᑲᔪᖅᑕᐅᔭᕆᐊᖃᕐᓂᖏᓐᓄᑦ ᐃᑲᔪᖅᑕᐅᑦᑕᐅᑎᒋᓗᑎᑦ ᐱᕋᔭᓐᓂᖅᑕᖃᕋᑖᖅᑎᓪᓗᒍ ᐊᒻᒪᓗ ᐱᕋᔭᑦᑕᐅᓯᒪᔪᑦ ᐊᒻᒪᓗ ᐃᑲᔪᖅᑕᐅᓗᑎᑦ ᒪᑯᓂᖓ ᖃᓄᖅ ᐱᔨᑦᑎᕋᐅᑎᐅᔪᓂᑦ ᐊᑐᕈᓐᓇᕐᒪᖔᑕ ᐊᒻᒪᓗ ᓇᒧᑦ ᐃᓕᓐᓂᐊᖅᑎᑦᑎᓗᓂ ᐃᓄᓐᓄᑦ ᑕᒪᒃᑯᓂᖓ ᐃᑲᔪᖅᑕᐅᑦᑕᐃᒋᔭᕆᐊᖃᖅᑎᓪᓗᒋᑦ, ᑐᓂᔭᐅᓗᓂ ᐊᓯᖏᓐᓄᑦ ᐱᓕᕆᕝᕕᐅᔪᓄᑦ ᑭᒡᒐᖅᑐᐃᓗᑎᒃ ᐱᕋᔭᑦᑕᐅᓯᒪᔪᒥᑦ ᐱᔭᕆᐊᖃᑐᐊᖅᐸᑦ.

ᐃᖅᑲᓇᐃᔮᖅ ᐋᖅᑭᔅᓱᐃᔨᒋᔭᐅᔪᖅ ᑲᒪᔨᒋᔭᐅᓪᓗᓂᓗ ᐱᓇᓱᐊᒐᖃᕐᓂᕐᒥᑦ ᐱᓕᕆᐊᒃᓴᓄᑦ ᐃᑲᔪᖅᑐᐃᔨᓂᑦ ᐊᒻᒪᓗ ᓄᓇᓕᓐᓂᑦ ᐱᓕᕆᔨᐅᔪᓂᑦ ᐃᑲᔪᖃᑦᑕᖅᑐᓂᑦ ᐱᕋᔭᑦᑕᐅᓯᒪᔪᓂᑦ ᐱᔭᕆᐊᖃᑐᐊᖅᐸᑦ. ᐱᕋᔭᑦᑕᐅᓯᒪᔪᑦ ᑲᒪᒋᔭᐅᓂᖏᓐᓄᑦ ᑲᒪᔨ ᑐᑭᓯᐅᒪᑎᑦᑎᔾᔪᑎᔅᓴᓂᑦ ᐃᓄᓐᓄᑦ ᑐᓂᓯᖃᑦᑕᖅᑐᖅ ᖁᐊᖅᓵᖅᓯᒪᓂᒃᑰᖅᑐᓂᑦ ᐱᕋᔭᑦᑕᐅᓯᒪᓂᕐᒧᑦ. ᐃᖅᑲᓇᐃᔮᖑᔪᖅ ᐱᕙᓪᓕᑎᑦᑎᔨᐅᔪᖅ ᐋᖅᑭᐅᒪᑎᑦᑎᔨᐅᓪᓗᓂᓗ ᐱᓕᕆᖃᑎᒌᖑᔪᓂᑦ ᓄᓇᓕᓐᓂᑦ ᐱᓕᕆᕝᕕᔪᓂᑦ ᐊᒻᒪᓗ ᐱᓕᕆᖃᑕᐅᔪᓂᑦ ᓲᕐᓗᓂ ᐸᓖᓯᒃᑯᑦ, ᐃᖅᑲᖅᑐᖅᑕᐅᑎᑦᑎᔩᒃᑯᑦ ᑲᓇᑕᒥ, ᐃᓱᒪᓕᕆᔨᒃᑯᓐᓂ ᐊᒻᒪᓗ ᒪᓕᒐᓕᕆᔨᒃᑯᑦ ᐱᓕᕆᕝᕕᖓᓐᓂᒃ.

ᐱᕋᔭᑦᑕᐅᓯᒪᔪᑦ ᑲᒪᒋᔭᐅᓂᖏᓐᓄᑦ ᑲᒪᔨ ᑖᓐᓇ ᖃᐅᔨᓇᓱᓐᓂᖃᖃᑦᑕᕆᐊᓕᒃ ᓄᑖᖑᓛᖑᔪᓂᑦ ᐃᑲᔪᕈᑎᒃᓴᑦ ᖃᓄᐃᑦᑑᒻᒪᖔᑕ ᐱᐅᓛᒃᑯᑦ ᐊᑐᕈᓐᓇᖅᑐᖅ ᓄᓇᕗᒻᒥᑦ ᐱᔨᑦᑎᕋᖅᑎᑦᑎᔨᐅᔪᓄᑦ.

ᖃᐅᔨᒪᓂᖓ ᐃᓐᓇᕐᓂᑦ ᒪᒃᑯᒃᑐᓄᓪᓗ ᒪᓕᒐᓕᕆᔨᒃᑯᑦ ᓄᓇᕗᒻᒥᑦ; ᓄᓇᕗᒻᒥ ᐱᕋᔭᑦᑕᐅᓯᒪᓂᕐᒧᑦ ᐱᖁᔭᖅ, ᑲᓇᑕᒥ ᐱᕋᔭᑦᑕᐅᓯᒪᔪᓄᑦ ᐱᖁᔭᖅᑎᒍᑦ ᐱᔪᓐᓇᐅᑎᖏᑦ, ᓄᑕᖅᑲᓄᑦ ᐃᓚᒌᓄᓪᓗ ᐱᔨᑦᑎᕋᐅᑎᓄᑦ ᐱᖁᔭᖅ ᐊᒻᒪᓗ ᑲᓇᑕᐅᑉ ᑲᓇᑕᒥ ᐱᕋᔭᓕᕆᓂᕐᒧᑦ ᒪᓕᒐᐃᑦ ᖃᐅᔨᒪᔭᕆᐊᓕᖏᑦ ᑖᔅᓱᒥᖓ ᐃᖅᑲᓇᐃᔭᖅᑎᐅᓂᐊᕐᓗᓂ. ᖃᐅᔨᒪᓂᖃᑦᑎᐊᕐᓗᓂ ᐃᓄᐃᑦ ᐃᓕᖅᑯᓯᖓᓐᓂᒃ, ᓄᓇᓄᓇᑐᖃᕆᙱᑕᒥᓄᑦ ᓄᓇᑖᖅᑎᑕᐅᓯᒪᔪᑦ ᐊᒻᒪᓗ ᐅᑉᐱᕆᔭᐅᔪᑦ; ᑐᑭᓯᓯᒪᓂᖃᑦᑎᐊᕐᓗᓂ ᐃᓄᓕᕆᓂᕐᒧᑦ ᑮᓇᐅᔭᓕᐅᕋᓱᓐᓂᕐᒧᑦ ᐱᕙᓪᓕᐊᓂᕐᒧᓪᓗ ᓈᒻᒪᙱᒍᑕᐅᔪᓂᑦ ᐊᑦᑐᐃᓯᒪᓂᖃᖅᑐᓂᑦ ᐱᕋᔭᑦᑕᐅᖃᑦᑕᖅᑐᓕᑦ ᐊᒻᒪᓗ ᑐᑭᓯᐅᒪᓂᖃᑦᑎᐊᕐᓗᓂ ᐱᕋᓐᓂᕐᒧᑦ ᐱᓕᕆᐊᖑᕙᑦᑐᑦ ᐊᑦᑐᐊᓂᖃᖅᑐᑦ ᐱᕋᔭᑦᑕᐅᔪᓄᑦ; ᑐᑭᓯᐅᒪᓂᖃᕐᓗᓂ ᐱᔾᔪᔾᔨᔨᐅᓂᕐᒥᑦ ᖁᐊᖅᓵᖅᓯᒪᓂᒃᑰᖅᓯᒪᔪᓂᑦ, ᐃᑉᐱᒍᓱᑦᑎᐊᓂᕐᒧᑦ ᑕᖃᒪᓗᐊᖅᓯᒪᓂᕐᒥᑦ ᐊᒻᒪᓗ ᐱᒻᒪᕆᐅᓂᖓᓂᑦ ᐃᒻᒥᓂᒃ ᑲᒪᒋᑦᑎᐊᕆᐊᖃᕐᓂᕐᒧᑦ; ᐊᒻᒪᓗ ᐃᓐᓇᓄᑦ ᐃᓕᓐᓂᐊᖅᑎᑦᑎᓂᐅᔪᑦ ᐊᔾᔨᒌᙱᑦᑐᑦ ᐊᑐᖅᑕᐅᕙᑦᑐᑦ ᐱᔪᓐᓇᕆᐊᖃᕐᒥᔭᖏᑦ.

ᖃᐅᔨᒪᓂᖏᑦ, ᐊᔪᙱᑕᖃᕐᓂᖏᑦ, ᐊᒻᒪᓗ ᐱᔪᓐᓇᕐᓂᖃᑦᑎᐊᕆᐊᓕᒃ ᑖᔅᓱᒥᖓ ᐃᖅᑲᓇᐃᔮᖃᕐᓗᓂ ᐱᔭᓯᒪᔪᓐᓇᖅᑐᑦ ᐱᔭᕇᖅᓯᓂᒃᑯᑦ ᓯᓚᑦᑐᖅᓴᕐᕕᒻᒥᑦ ᐃᓕᓴᕆᔭᐅᔾᔪᑎᑖᖅᓯᒪᓗᓂ, ᓄᓇᓕᓐᓂᑦ ᐱᕙᓪᓕᐊᑎᑦᑎᓂᕐᒥᑦ, ᐃᓐᓇᕐᓄᑦ ᐃᓕᓂᐊᕐᓂᓕᕆᓂᖅ ᐱᖓᓱᓄᑦ ᐊᕐᕌᒍᓄᑦ ᐱᓕᕆᔨᒻᒪᕆᐅᓯᒪᓗᓂ ᐃᓄᓕᕆᓂᕐᒥᑦ ᐅᕝᕙᓘᓐᓃᑦ ᐃᓄᓕᕆᔨᒃᑯᓐᓂᑦ.

ᓄᓇᕗᒻᒥ ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᐅᑯᐊᖑᕗᑦ, ᐃᓄᒃᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ.

ᓄᓇᕗᒻᒥ ᐅᖃᐅᓯᖅᑕᖏᓐᓂᒃ ᐊᑕᐅᓯᐅᙱᑦᑐᒥᒃ ᐅᖃᕈᓐᓇᖅᐸᑦ ᐊᑲᐅᑦᑎᐊᕋᔭᖅᑐᖅ.

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᖅᑕᖏᑦ ᐃᓱᒪᒋᔭᐅᓇᔭᕐᒥᔪᑦ.

ᑐᓴᐅᒪᖃᑎᒌᒍᓐᓇᕐᓂᖅ ᐃᓄᒃᑎᑐᑦ ᐊᒻᒪ/ᐅᕝᕙᓘᓐᓃᑦ ᐃᓄᐃᓐᓇᖅᑐᓐ ᐱᑕᖃᕆᐊᖃᓪᓚᕆᒃᑐᖅ.

ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓂᒃ, ᓄᓇᓕᖏᓐᓂᑦ, ᐱᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᑲᔫᑕᐅᓇᔭᖅᐳᖅ.

 

ᑖᔅᓱᒥᖓ ᐃᖅᑲᓇᐃᔮᖅᑖᕋᓱᒍᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᔪᓐᓇᖅᑕᑎᑦ ᑎᑎᖅᑲᓕᐊᑦ ᐃᖅᑲᓇᐃᔭᖅᑖᕋᓱᐊᕈᑎᒥᒡᓗ ᐅᕗᖓ HRKitikmeot@gov.nu.ca. ᐃᓚᓕᐅᑎᓯᒪᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᐃᕐᖐᓐᓈᖅᑕᐅᒃᑯᑦ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᖁᓪᓗᒋᑦ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ.
  • ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖅᑳᖁᓪᓗᒋᑦ ᓄᓇᕗᒻᒥ ᐃᖅᑲᓇᐃᔭᖅᑎᑖᕋᓱᖕᓂᕐᒧᑦ ᐊᑐᐊᒐᖅ ᒪᓕᒃᖢᒍ.
  • ᐃᓚᖏᑦ ᐃᖅᑲᓇᐃᔮᒃᓴᑦ ᖃᐅᔨᓴᖅᑕᐅᔭᕆᐊᓖᑦ ᐱᕋᔭᓚᐅᖅᓯᒪᙱᒃᑲᓗᐊᒪᖔᑦ ᑎᑎᖅᑲᖁᑎᒥᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᓕᖅᑎᑕᐅᓪᓚᑦᑖᔾᔮᙱᑦᑐᑦ ᐆᒃᑐᖅᑐᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓗᑎᓪᓗ.
  • ᐃᖅᑲᓇᐃᔭᕈᓐᓇᑐᓂᑦ ᓯᕗᓂᒃᓴᒥ ᓴᖅᑭᑎᑕᐅᔪᖃᑐᐃᓐᓇᕆᐊᓕᒃ.
  • ᐃᖅᑲᓇᐃᔮᒧᑦ ᐅᓂᒃᑳᖅᓯᒪᔪᑦ ᐱᔭᒃᓴᐅᔪᑦ ᓱᒃᑲᔪᒃᑯᑦ, ᐃᕐᖐᓐᓈᖅᑕᐅᒃᑯᑦ ᐃᑭᐊᖅᑭᕕᒃᑯᓪᓘᓐᓃᑦ.
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᓂᕐᒧᑦ ᖃᐅᔨᒋᐊᕐᕕᐅᓂᐊᖅᐳᑦ.
Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ