ᐅᖃᓚᐅᑎᓯᐅᑏᑦ

You are here

ᐱᓐᖑᐊᖅᑐᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐱᓐᖑᐊᖅᑐᓕᕆᔨ

ᓄᓇᓕᒃ: 
ᖃᒪᓂᕐᑐᐊᒥ
ᓇᓗᓇᐃᒃᑯᑕᖓ: 
14-506317
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᐃᖅᑲᓇᐃᔮᖑᑲᐃᓐᓇᖅᑐᖅ ᑎᑭᑦᑐᒍ ᑎᓯᐱᕆ 2022
ᑮᓇᐅᔾᔭᒃᓴᓇᔭᖅᑐᖅ: 
$88,608.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$24,381.00
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᓄᕕᐱᕆ 6, 2020 - 12:00am

ᑖᓐᓇ ᐃᖅᑲᓇᐃᔮᔅᓴᖅ ᐅᑉᐱᕆᔭᐅᔭᕆᐊᓕᒻᒦᑦᑐᖅ ᐊᒻᒪ ᓈᒻᒪᒋᔭᐅᔪᓂᑦ ᐱᕋᔭᓚᐅᖅᓯᒪᖏᓐᓂᖓᓄᑦ ᖃᐅᔨᓴᖅᑕᐅᔭᕆᐊᓕᒃ, ᐊᒻᒪᓗ ᐊᑦᑕᓇᕈᓐᓇᕐᓂᖓᓄᑦ ᖃᐅᔨᓴᖅᑕᐅᔭᕆᐊᓕᒃ.

ᑖᓐᓇ ᐃᖅᑲᓇᐃᔮᔅᓴᖅ ᑭᒃᑯᓕᒫᓄᑦ ᒪᑐᐃᖓᔪᖅ.

ᐊᖏᔪᖅᑳᖃᖅᑐᓂ ᐊᐅᓚᑦᑎᔨᒥᑦ ᐱᓐᖑᐊᖅᑐᓕᕆᓂᕐᒧᑦ ᐱᓕᕆᐊᓂᑦ, ᐱᓐᖑᐊᖅᑐᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐱᓐᖑᐊᖅᑐᓕᕆᔨ, ᓇᓗᓇᐃᔭᖅᓯᒪᔭᕆᐊᓕᓐᓂᑦ ᐃᑲᔪᖃᑦᑕᖅᑐᖅ ᐱᓐᖑᐊᖅᑐᓕᕆᓂᕐᒥᑦ ᑎᒍᒥᐊᖅᑎᐅᖃᑕᐅᔪᑦ ᐱᖃᓯᐅᑎᓪᓗᑎ ᐊᓯᖏᑦ ᓄᓇᕗᑦ ᒐᕙᒪᒃᑯᑦ ᐱᓕᕆᕕᖏᑦ, ᓄᓇᓖᑦ, ᑲᑐᔾᔨᖃᑎᒌᑦ ᐊᒻᒪ ᐃᓄᐃᑦ ᐸᕐᓇᐃᓂᕐᒥᑦ ᐊᒻᒪ ᐊᑐᓕᖅᑎᑕᐅᓂᖏᓐᓄᑦ ᐱᓐᖑᐊᖅᑐᓕᕆᓂᕐᒧᑦ ᐱᓕᕆᐊᑦ ᐊᒻᒪ ᐱᔨᑦᑎᖅᑕᐅᔪᑦ. ᑖᓐᓇ ᐃᖅᑲᓇᐃᔮᔅᓴᖅ ᐃᑲᔪᖅᑐᖅ ᐱᕙᓪᓕᐊᖏᓐᓇᖅᑐᓄᑦ ᐱᓐᖑᐊᓂᕐᒧᑦ, ᐱᓕᕆᑎᑦᑎᓂᕐᒧᑦ, ᐊᒻᒪ ᐱᓐᖑᐊᓂᕐᒧᑦ ᐱᓕᕆᐊᓄᑦ ᓄᓇᕗᒻᒥᐅᓄᑦ, ᑖᓐᓇ ᑎᑭᑦᑕᐅᔪᖅ ᓴᖅᑭᑎᑦᑎᓪᓗᓂ ᐊᒻᒪ ᒪᑭᒪᑎᑦᑎᓪᓗᓂ ᐊᓯᖏᓐᓂ ᑎᒍᒥᐊᖅᑎᐅᖃᑕᐅᔪᓂᑦ ᐱᓐᖑᐊᖅᑐᓕᕆᓂᕐᒥᑦ.

ᑖᓐᓇ ᐃᖅᑲᓇᐃᔮᔅᓴᖅ ᐃᑲᔪᖅᑐᖅ ᐊᑕᖏᖅᑐᒍ ᑐᕌᒐᖓ ᐱᓕᕆᕕᒻᒧᑦ ᐃᖅᑲᓇᐃᔭᖃᑦᖅᑐᓂ ᑕᕝᕗᖓᑦᑕᐅᑎᒋ ᑲᑐᔾᔨᖃᑎᒌᓄᑦ, ᓄᓇᓕᓐᑦ, ᐊᒻᒪ ᐃᓄᓐᓄᑦ ᐱᕈᖅᑎᑦᑎᓗᑎ ᒪᑭᑕᑎᔅᓴᐅᔪᒥ ᐱᓐᖑᐊᖅᑐᓕᕆᓂᐅᔪᒥᑦ ᓄᓇᕗᒻᒥ. ᐃᖅᑲᓇᐃᔮᑖᖅᑐᖅ ᐱᓯᒪᑦᑎᓂᐊᖅᑐᖅ ᐊᐅᓚᓂᖃᑦᑎᐊᖅᑐᒥᑦ ᐱᓕᕆᖃᑎᖃᕐᓂᐅᔪᓂᑦ ᑎᒍᒥᐊᖅᑎᐅᖃᑕᐅᔪᓂᑦ ᐊᒻᒪ ᑐᑭᒧᐊᖅᑎᑦᑎᓗᓂ ᐱᔾᔪᑎᖃᖅᑐᓂᑦ ᐱᔭᔅᓴᐅᓂᓐᓄᑦ, ᐊᒻᒪ ᐊᐅᓚᑕᐅᓂᖏᓐᓄᑦ ᑮᓇᐅᔭᓕᕆᓂᕐᒧᑦ ᐃᑲᔪᓂᕐᒧᑦ ᐱᑕᖃᖅᑎᑕᐅᔪᓂᑦ ᐱᓕᕆᕕᒻᒧᑦ ᑐᓂᔭᐅᑐᐃᓐᓇᖅᑐᓂᑦ ᐊᒻᒪ ᑐᓂᔭᐅᔪᓂᑦ ᐱᓕᕆᐊᒥᑦ.

ᐱᓐᖑᐊᖅᑐᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐱᓐᖑᐊᖅᑐᓕᕆᔨ ᑲᒪᒋᔭᖃᓂᐊᖅᑐᖅ ᐸᕐᓇᐃᓂᕐᒥᑦ ᐊᒻᒪ ᐃᓚᐅᖃᑕᐅᓂᕐᒥᑦ ᖃᓄᐃᓘᖅᑕᐅᔪᓂᑦ ᐊᑦᑐᐊᓂᓕᓐᓄᑦ ᐱᖠᕆᐊᓄᑦ, ᐊᒻᒪ ᐱᔨᑦᑎᖅᑕᓄᑦ ᐱᓕᕆᕕᒻᒧᑦ ᐊᒻᒪ ᐱᓕᕆᖃᑎᖏᓐᓄᑦ. ᑖᓇ ᐃᖅᑲᓇᐃᔮᖅ ᑐᑭᓯᐅᒪᓂᖃᕆᐊᓕᒃ ᐃᑲᔪᑐᐃᓐᓇᖃᑦᑕᖅᑐᓂᑦ ᐊᒻᒪ ᓯᕗᓪᓕᐅᔾᔨᔪᓐᓇᓂᕐᒥᑦ  ᐱᓕᕆᐊᖑᒋᐊᓕᓐᓂᑦ ᑎᑭᑦᑐᒍᓐᓇᓂᐊᕐᓗᓂ ᐃᓱᓕᔾᕕᖏᓐᓂ. ᑐᑭᓯᐅᒪᓂᖃᕐᓗᓂ ᐊᖏᖅᑕᐅᓯᒪᔪᓂᑦ ᐱᓐᖑᐊᕈᑎᓂᑦ ᐱᕙᓪᓕᐊᑎᑦᑎᓂᕐᒧᑦ ᐊᑐᐊᒐᐃᑦ ᐊᒻᒪ ᒪᓕᒐᐃᑦ (ᓲᕐᓗ,  ᑲᓇᑕᒥ ᐱᓐᖑᐊᖅᑐᓕᕆᓂᕐᒧᑦ ᐊᑐᐊᒐᖅ, ᐊᒻᒪ ᑲᓇᑕᒥ ᐱᓐᖑᐊᖅᑐᓕᕆᓂᕐᒧᑦ ᐃᓅᓯᓕᒫᒧᑦ/ᐊᑯᓂᐅᔪᒧᑦ ᐊᑯᓂᐅᓂᖓ ᐱᓐᖑᐊᖅᑎᓂᑦ ᐱᕙᓪᓕᐊᑎᑦᑎᓂᕐᒧᑦ) ᐱᖃᓯᐅᑎᓯᒪᓪᓗᑎ ᐱᓕᕆᐊᒥᑦ ᐱᕙᓪᓕᐊᑎᑦᑎᓂᕐᒥᑦ, ᐊᑐᓕᖅᑎᑦᑎᓂᕐᒥᑦ, ᐊᒻᒪ ᖃᐅᔨᓴᐃᓂᕐᒥᑦ ᐃᓗᐊᓂ ᐃᑲᔪᑐᐃᓐᓇᖃᑦᑕᖅᑐᓂᑦ ᐅᕝᕙᓘᓐᓃᑦ ᒐᕙᒪᒃᑯᓐᓂᑦ ᐱᑕᖃᕆᐊᖃᖅᑎᑕᐅᔪᑦ.

ᐃᖅᑲᓇᐃᔮᖅᑖᖁᒥᓇᖅᑐᖅ ᓯᓚᑦᑐᓴᕐᕕᔪᐊᒥᑦ ᓇᓗᓇᐃᑦᒃᑯᑕᖃᕋᔭᖅᑐᖅ ᐊᑦᑐᐊᓂᓕᓐᓄᑦ ᐃᖅᑲᓇᐃᔮᒧᑦ (ᓲᕐᓗ, ᐱᓐᖑᐊᖅᑐᓕᕆᓂᖅ ᐅᕝᕙᓘᓐᓃᑦ ᖃᐅᔨᓴᕐᓂᖅ ᑎᒥᐅᑉ ᐊᐅᓚᔪᓐᓇᕐᓂᖓᓂᑦ), ᐊᒻᒪ ᒪᕐᕉᒃ (2) ᐊᕐᕌᒎᓐᓂᒃ ᐊᑦᑐᐊᓂᓕᓐᓄᑦ ᐃᖅᑲᓇᐃᔭᖃᑦᑕᖅᓯᒪᓗᓂ. ᑭᓯᐊᓂᓕ, ᓈᒻᒪᒋᔭᐅᔪᓂᑦ ᑲᑎᓐᖓᔪᓂᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᖏᓐᓂᖏᑦ, ᐊᒻᒪ ᐱᔪᓐᓇᕐᓂᖏᑦ ᐃᓱᒪᒋᔭᐅᔪᓐᓇᖅᑐᑦ.

ᐅᖃᕈᓐᓇᕐᓗᓂ ᐊᑕᐅᓯᐅᓗᐊᖅᑐᒥᑦ ᐃᓕᓴᕆᔭᐅᓯᒪᔪᓂ ᓄᓇᕗᒻᒥ ᐱᖓᓱᑦ ᐃᓕᓴᕆᔭᐅᓯᒪᔪᑦ ᐅᖃᐅᓯᕐᓂᑦ ᐱᑕᖃᕆᐊᖃᖅᑐᖅ (ᓲᕐᓗ ᐃᓄᑦᑎᑐᑦ / ᐃᓄᐃᓐᓇᖅᑐᓐ, ᐅᐃᕖᑎᑐᑦ, ᐊᒻᒪ ᖃᓪᓗᓈᑎᑐᑦ. ᖃᐅᔨᒪᓂᖃᕐᓗᓂ ᐃᓄᐃᑦ ᐅᖃᐅᓯᖓᓐᓂ, ᓄᓇᓕᖏᓐᓂ, ᐱᖅᑯᓯᖏᓐᓂ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐱᑕᖃᕆᐊᖃᖅᑐᑦ.

ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᑕᐅᔪᓐᓇᖅᑐᑦ ᐃᓐᓄᐃᓂᐊᕐᓗᑎ ᓯᕗᓂᔅᓴᒥ ᐃᓐᓄᑦᑕᐅᓯᒪᖏᑦᑐᓂ.

 

ᐃᖅᑲᓇᐃᔮᖅᑕᕆᒐᓱᐊᕈᒪᒋᒍᕕᐅᒃ ᑖᓐᓇ ᐃᖅᑲᓇᐃᔮᔅᓴᖅ, ᐊᐅᓪᓚᑎᓪᓗᒋᑦ ᑎᑎᖅᑲᖅ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᐅᕗᖓ KivalliqHR@gov.nu.ca. ᓇᓗᓇᐃᕐᓗᒍ ᖃᐅᔨᒋᐊᕐᕕᖓᑕ ᓈᓴᐅᑎᖓ ᑭᓱᒧᑦ ᐱᔾᔪᑎᖓᓂ ᐃᕝᕕᑦ ᖃᕋᓴᐅᔭᒃᑯᑦ ᐊᐅᓪᓚᖅᑎᑕᖓᒍᑦ.

  • ᓄᓇᕗᑦ ᒐᕙᒪᒃᑯᑦ ᑲᔪᖏᖅᓯᒪᔪᑦ ᓴᖅᑭᑎᑦᑎᓂᕐᒥᑦ ᑭᒡᒐᖅᑐᐃᓂᖅᓴᓂᑦ ᐃᖅᑲᓇᐃᔭᖅᑎᓂᑦ ᑐᑭᓯᑦᑎᐊᓂᖅᓴᐅᔪᓐᓇᓂᐊᕐᒪᑕ  ᐊᒻᒪ ᐱᔨᑦᑎᕐᓗᒋᑦ ᐱᔭᕆᐊᖃᖅᑕᖏᓐᓂᑦ ᓄᓇᕗᒻᒥᐅᑦ. ᓯᕗᓪᓕᐅᔾᔭᐅᓂᐊᖅᑐᑦ ᓄᓇᕗᒻᒥ ᐃᓄᐃᑦ ᓇᓗᓇᐃᖅᓯᑦᑎᐊᕆᐊᓖᑦ ᑭᓇᐅᓂᕐᒥᓂ ᐱᔪᓐᓇᖅᑎᑕᐅᓂᖏᓐᓄᑦ ᐱᑎᑕᐅᓂᐊᕐᓗᓂ ᓯᕗᓪᓕᐅᔾᔭᐅᓂᕐᒧᑦ ᐃᓱᒪᒋᔭᐅᓂᕐᒧᑦ ᐊᑖᓂ ᓄᓇᕗᒻᒥ ᓯᕗᓪᓕᐅᔾᔭᐅᔭᕆᐊᓕᓐᓂ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᐊᒐᖅ.
  • ᐃᖅᑲᓇᐃᔮᔅᓴᐃᑦ ᐃᓚᖏᓐᓂᑦ ᐃᓂᐅᔪᓂᑦ ᐱᑕᖃᕆᐊᖃᖅᑎᑕᐅᔪᑦ ᖃᐅᔨᓴᖅᑕᐅᓗᑎ ᓈᒻᒪᒋᔭᐅᔪᒥᑦ ᐱᕋᔭᓚᐅᖅᓯᒪᖏᓐᓂᖓᓄᑦ. ᐱᕋᔭᒪᐅᖅᓯᒪᓂᐅᔪᖅ ᐱᓇᓱᐊᕈᓐᓇᐃᓕᑎᑦᑎᖏᑦᑐᖅ ᐃᓱᒪᒋᔭᐅᒃᑲᓂᕐᓂᐊᕐᓗᓂ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᑐᓂᓯᒍᓐᓇᖅᑐᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂ ᑎᑎᕋᖅᓯᒪᔪᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᓂᕈᐊᖅᑕᖏᓐᓂᑦ.
  • ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᑕᐅᔪᓐᓇᖅᑐᑦ ᐃᓐᓄᐃᓂᐊᕐᓗᑎ ᓯᕗᓂᔅᓴᒥ ᐃᓐᓄᑦᑕᐅᓯᒪᖏᑦᑐᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᓂᖏᑦ ᐱᔭᐅᔪᓐᓇᖅᑐᑦ ᓱᑲᔪᒃᑯᑦ, ᖃᕋᓴᐅᔭᒃᑯᑦ ᑎᑎᖅᑲᒃᑯᑦ ᐅᕝᕙᓘᓐᓃᑦ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓᒍᑦ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᓂᕈᐊᖅᑕᑐᐊᖑᔪᑦ ᐊᐱᖅᓱᖅᑕᐅᓂᕐᒧᑦ ᖃᐅᔨᒋᐊᕐᕕᐅᓂᐊᖅᑐᑦ
Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ