ᐅᖃᓚᐅᑎᓯᐅᑏᑦ

You are here

ᐱᓕᕆᐊᓄᑦ ᐊᐅᓚᑦᓯᔨ

ᓄᓇᓕᒃ: 
ᐃᖃᓗᒃ`ᑐᑦᑎᐊᖅᒥ
ᐃᖃᓗᖕᓂ
ᒥᑦᑎᒪᑕᓕᒃ-ᒥ
ᑲᙱᖅᖠᓂᖅᒥ
ᓇᓗᓇᐃᒃᑯᑕᖓ: 
14-506186
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$99,743.00 - $113,159.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016.00 - $24,214.00

ᖁᕕᐊᓇᓪᓚᕆᒃᑑᓪᓗᓂ ᐱᓕᕆᐊᓄᑦ ᐊᐅᓚᑦᓯᔨᐅᓗᓂ ᐃᖅᑲᓇᐃᔭᓕᕐᕕᐅᔪᓐᓇᖅᑐᓂᒃ ᐱᑕᖃᕋᑦᑕ ᐊᔾᔨᒌᖖᒋᐅᖅᑐᓂ ᐊᕕᒃᑐᖅᓯᒪᓂᕐᓂ ᐱᓕᕆᐊᓄᑦ ᐊᐅᓚᑦᓯᓂᖃᕕᐅᓪᓗᑎᒃ ᐊᓪᓚᕝᕕᒋᔭᐅᔪᓂ (PMOs) ᓄᓇᓕᖏᓐᓂ ᑲᖏᖅᖠᓂᖅ, ᐃᖃᓗᒃᑑᑦᑎᐊᖅ, ᐃᖃᓗᐃᑦ ᐊᒻᒪᓗ ᒥᑦᑎᒪᑕᓕᐅᑉ. ᐃᖅᑲᓇᐃᔮᖅᑖᕈᒪᓪᓗᑎᒃ ᑐᒃᓯᕋᐅᑎᖃᖅᑐᑦ ᓇᓗᓇᐃᖅᓯᖁᔭᐅᕗᑦ ᐃᖅᑲᓇᐃᔭᕐᕕᒋᓕᕈᒪᓇᔭᖅᑕᒥᓐᓂᒃ ᐊᑕᐅᓯᕐᒥᒃ ᐅᕝᕙᓘᓐᓃᑦ ᐊᒥᓲᓂᖅᓴᓂᒃ ᓂᕈᐊᖅᓯᓗᑎᒃ ᓯᑕᒪᐅᓪᓗᑎᒃ ᐊᕕᒃᑐᖅᓯᒪᓂᐅᔪᓂ ᓄᓇᓕᒋᔭᐅᔪᓂ ᐃᖅᑲᓇᐃᔭᕐᕕᐅᓇᔭᖅᑐᓂᑦ.    

ᐃᓱᒪᑕᖃᕐᓗᓂ ᐊᕕᒃᑐᖅᓯᒪᓂᕐᒥ ᐱᓕᕆᐊᓄᑦ ᐊᐅᓚᑦᓯᔨᒋᔭᐅᔪᒥᒃ, ᐱᓕᕆᐊᓄᑦ ᐊᐅᓚᑦᓯᔨᐅᔪᖅ (PM) ᓴᖅᑮᔪᓐᓇᕆᐊᖃᕐᓂᐊᕐᑐᖅ ᓄᓇᕗᑦ ᒐᕙᒪᖓᑕ ᐱᓕᕆᐊᓄᑦ ᐊᐅᓚᑦᓯᓂᕐᒥ ᒪᓕᒐᖁᑎᖏᓂᒃ ᐊᒻᒪᓗ ᓄᓇᓕᓐᓂ ᒐᕙᒪᒃᑯᓐᓂᓗ ᐱᔨᑦᓯᕋᖅᑎᒃᑯᑦ  (CGS) ᐱᓕᕆᐊᓄᑦ ᐊᐅᓚᑦᓯᓂᕐᒥ ᐱᓕᕆᐊᖑᕙᓪᓕᐊᓂᖏᓐᓂᒃ ᐱᑕᖃᓕᖅᑎᑦᓯᒋᐊᕐᓂᕐᒥᓐᓂ ᐊᖏᔫᑎᐅᓪᓗᑎᒃ ᐊᒻᒪᓗ ᓴᓇᕐᕈᑎᓕᕆᓂᖅᑎᒍᑦ ᐊᒥᓱᐃᓕᖓᓪᓗᑎᒃ ᐋᖅᑭᐅᒪᓂᖃᖅᑑᓪᓗᑎᒃ ᐱᓕᕆᐊᖑᑲᐃᓐᓇᖅᑐᓄᑦ ᐊᑭᓪᓗᐊᖃᕋᔭᖅᓱᑎᒃ ᑎᑭᓪᓗᒋᑦ $50-ᒥᓕᐊᓐᑖᓚᓄᑦ ᐱᓕᕆᓂᖃᕐᕕᒃᓴᐅᓂᖏᑎᒍᑦ ᐊᒻᒪᓗ ᐊᐅᓚᑦᓂᖃᕈᑎᒃᓴᕆᔭᖏᑎᒍᑦ, ᐊᒻᒪᓗ ᑎᒍᒥᐊᖅᑎᒋᔭᐅᔪᑦ ᐱᓯᒪᓕᕆᐊᖃᖅᑕᖏᓂᒃ ᐊᖏᕈᑎᐅᓯᒪᓪᓗᑎᒃ ᓴᖅᑮᓯᒪᓕᖅᑎᑕᐅᔪᓐᓇᕐᓂᖏᓂᒃ. ᐱᓕᕆᐊᓄᑦ ᐊᐅᓚᑦᓯᔨᐅᔪᖅ ᐋᖅᑭᒃᓱᐃᕙᒋᐊᖃᕐᓂᐊᕐᑐᖅ ᐱᓕᕆᐊᖑᑲᐃᓐᓇᖅᑐᓄᑦ ᐸᕐᓇᐅᑎᓂᒃ ᒪᓕᒃᑎᑕᐅᓯᒪᓪᓗᑎᒃ ᐱᓕᕆᐊᓄᑦ ᐊᐅᓚᑦᓯᓂᕐᒥ ᐱᓕᕆᐊᖃᕈᓯᐅᕙᒃᑐᓂᒃ ᓲᕐᓗ ᑕᐃᒃᑯᓂᖓ ᓇᓂᔭᐅᔪᓐᓇᖅᑐᓄᑦ ᐱᓕᕆᐊᓂᒃ ᐊᐅᓚᑦᓯᓂᕐᒥ ᖃᐅᔨᒪᓂᖃᖅᑐᑦ ᑎᒥᖁᑎᖏᓐᓂᑦ ᑎᑎᕋᖅᑕᐅᓯᒪᔪᓂᑦ (PMBOK) ᐊᒻᒪᓗ ᓴᓇᕝᕕᓐᓂ ᒪᓕᒃᑕᐅᕙᒋᐊᓕᖁᑎᖏᓐᓂᑦ ᓲᕐᓗ ᐅᖃᓕᒫᒐᖖᒍᖅᑎᑕᐅᓯᒪᓪᓗᑎᒃ ᐱᓕᕆᐊᓄᑦ ᐊᐅᓚᑦᓯᓂᕐᒧᑦ ᐃᖅᑲᓇᐃᔭᖅᑎᖏᓂᑦ (PMI).

ᑖᔅᓱᒥᖓ ᐃᖅᑲᓇᐃᔭᖅᑎᐅᔪᖅ ᐱᓕᕆᐊᒃᓴᕆᔭᖏᑦ ᐊᕕᒃᑐᖅᓯᒪᓂᐅᔪᒧᑦ ᑐᕌᖓᓇᔭᕐᒪᑕ ᐊᒻᒪᓗ ᐃᖅᑲᓇᐃᔭᕐᕕᐅᔪᓂᑦ ᐃᖅᑲᓇᐃᔭᕐᕕᐅᔪᓄᑦ ᐱᓕᕆᐊᖑᕙᑦᑐᓄᑦ ᑐᒃᓯᕋᐅᑎᖃᕐᓂᕐᒥ ᐱᑕᖃᖅᑎᑕᐅᓪᓗᑎᒃ ᐱᓕᕆᐊᒧᑦ ᐊᐅᓚᑦᓯᓂᖃᕐᑎᐅᓂᕐᒧᑦ ᖃᐅᔨᒪᓂᖃᖅᑑᓗᓂ ᑕᒪᐃᓐᓄᑦ ᐱᔾᔪᑎᖃᖅᑐᓄᑦ ᓄᓇᕗᑦ ᒐᕙᒪᖓᑕ ᐃᖅᑲᓇᐃᔭᕐᕕᖏᓐᓂᒃ ᐊᒻᒪᓗ ᓴᓇᕝᕕᖏᓐᓂᒃ.

ᐱᓕᕆᐊᓄᑦ ᐊᐅᓚᑦᓯᔨᐅᔪᖅ ᐱᓗᐊᖅᑐᒥᒃ ᑕᐃᒪᓕ ᓴᖅᑮᔪᓐᓇᕆᐊᖃᕐᓂᐊᕐᑐᖅ

ᐊᑐᓕᖅᑎᑦᓯᓂᕐᒧᑦ ᓄᓇᕗᑦ ᒐᕙᒪᖓᑕ ᓄᓇᕗᑦ ᒐᕙᒪᖓᑕ ᐱᓕᕆᐊᓄᑦ ᐊᐅᓚᑦᓯᓂᕐᒥ ᒪᓕᒐᖁᑎᖏᓂᒃ ᐊᐅᓚᑦᓯᓂᐅᔪᓄᑦ ᓄᓇᕗᑦ ᒐᕙᒪᖓᑕ ᑮᓇᐅᔭᖁᑎᓕᒫᖏᓂᒃ ᐊᒻᒪᓗ ᐱᓕᕆᐊᓄᑦ ᐊᐅᓚᑦᓯᔨᑦ ᐊᒻᒪᓗ ᐊᐅᓚᑦᓯᔨᐅᔪᓂᑦ ᑮᓇᐅᔭᖁᑎᒃᓴᖃᖅᑎᑕᐅᓪᓗᑎᒃ ᐱᓕᕆᐊᖑᔪᓄᑦ ᑮᓇᐃᔭᐃᑦ ᐊᑐᕐᓂᖃᕐᓂᖅᐹᑎᒍᑦ ᐊᑐᖅᑕᐅᕙᖁᓪᓗᒋᑦ, ᑎᑭᓯᒪᓕᕋᓱᓐᓂᐊᕐᓗᑎᒃ ᐱᓕᕆᐊᒥ ᑐᕌᕐᕕᒋᔭᐅᔪᒪᔪᓄᑦ ᐱᓕᕆᕝᕕᓕᕆᓂᕐᓂ ᐊᒻᒪᓗ ᐋᖅᑭᒃᓱᐃᓯᒪᓕᖁᓪᓗᒋᑦ ᑮᓇᐅᔭᑎᒍᑦ ᖃᔅᓯᑐᕋᔭᕐᓂᖏᓐᓄᑦ ᐱᓕᕆᓂᖃᕐᕕᐅᑎᓪᓗᒋᑦ ᐋᖅᑭᐅᒪᓂᕆᔭᐅᔪᑦ ᖃᐅᔨᒋᐊᖅᑕᐅᔾᔪᑎᔅᓴᖏᓐᓂᒃ.
ᐃᖅᑲᓇᐃᔭᖅᑎᑖᖑᔪᖅ ᑖᔅᓱᒧᖓ ᐃᓂᒋᔭᐅᓕᕈᓐᓇᖅᑐᒧᑦ ᐃᓕᓐᓂᐊᕌᓂᒍᑎᖃᖅᓯᒪᔭᕆᐊᖃᕋᔭᕐᓂᖏᑦ ᐃᓚᖃᕆᐊᖃᕋᔭᕐᐳᑦ ᓯᓚᑦᑐᖅᓴᕐᕕᖕᒥ ᖁᑦᑎᖕᓂᖅᐹᓄᑦ ᐃᓕᓐᓂᐊᕌᓂᒍᑎᖃᖅᓯᒪᓂᖓᓂᒃ ᐃᓕᑕᕆᔭᐅᓯᒪᓪᓗᓂ ᓯᓚᑦᑐᖅᓴᕐᕕᐅᔪᒥᑦ ᑐᕌᖓᓪᓗᑎᒃ ᐃᓕᓐᓂᐊᕈᑎᒋᓯᒪᔭᕆᐊᖃᖅᑕᖏᓂᒃ (ᓴᓇᔨᒻᒪᕆᐅᓂᕐᒧᑦ, ᐃᒡᓗᕐᔪᐊᒃᓴᓕᐅᖅᑎᐅᓂᕐᒧᑦ, ᑕᐅᑦᑐᕆᓂᐊᖅᑕᖏᓂᒃ ᐋᖅᑭᒃᓱᐃᔨᐅᓂᕐᒧᑦ, ᐃᒡᓗᕐᔪᐊᒃᓴᓂᒃ ᓂᐅᕝᕈᑎᖃᖃᑦᑕᕐᓂᓕᕆᓂᕐᒧᑦ, ᐊᓯᖏᓂᒃᓗ).

ᐱᓕᕆᓂᖃᖅᓯᒪᔭᕆᐊᖃᕐᓂᖏᑦ ᒥᑭᓂᖅᐹᒥᒃ ᐅᑭᐅᓄᑦ ᐱᖓᓱᓄᑦ (3) ᐱᕙᓪᓕᐊᓂᖃᖅᓯᒪᓗᒋᑦ ᐱᔭᕆᑐᔪᓂᒃ ᐱᓕᕆᐊᓂᒃ ᐊᐅᓚᑦᓯᓂᖃᖅᓯᒪᔭᕆᐊᖃᕐᐳᖅ ᐊᖏᔫᑎᐅᓪᓗᑎᒃ ᐱᓕᕆᕝᕕᓐᓂᒃ ᐊᒻᒪᓗ/ᐅᕝᕙᓘᓐᓃᑦ ᓴᓇᕝᕕᓐᓂᒃ ᐃᒡᓗᕐᔪᐊᓕᐅᕐᓂᕐᓄᑦ ᐊᒻᒪᓗ/ᐅᕝᕙᓘᓐᓃᑦ ᓴᓇᔨᑦ ᐱᓕᕆᐊᖏᓐᓂᒃ ᐱᓕᕆᓂᖃᖅᓯᒪᓗᓂ. ᐱᓕᕆᐊᖃᓪᓚᑦᑖᕐᓯᒪᓗᓂ ᐊᐅᓚᑦᓯᓂᕐᒥᒃ ᐋᖅᑭᒃᓱᐃᕙᓪᓕᐊᓂᕐᒥ ᐊᒻᒪᓗ ᓴᓇᓂᖃᖅᓯᒪᓗᓂ ᐃᒡᓗᕐᔪᐊᒃᓴᓕᕆᓂᕐᒥ ᐱᓕᕆᐊᖑᔪᓂᒃ ᐃᓚᖃᖅᑎᑕᐅᓪᓗᑎᒃ ᓇᓗᓇᐃᔭᐃᓯᒪᓗᓂ ᐱᓕᕆᐊᕆᓯᒪᔭᒥᓂᒃ ᐊᐅᓚᑦᔨᐅᓯᒪᓂᕐᒧᑦ ᐱᓕᕆᐊᓂᒃ ᐃᖏᕐᕋᑦᑎᐊᖅᑎᑦᑎᓂᕆᓚᐅᖅᑕᒥᓂᒃ ᐊᔾᔨᕐᓚᒋᓪᓗᒋᑦ ᐊᖏᓂᕆᔭᖏᑎᒍᑦ ᐊᒻᒪᓗ ᐊᒥᓱᐃᓕᖓᔫᓂᖏᑎᒍᑦ. 

ᓄᓇᕗᑦ ᒐᕙᒪᖓᓂᑦ ᓯᕗᓪᓕᖅᐸᐅᑎᑕᐅᕙᓐᓂᐊᖅᑐᓂᒃ ᐃᖅᑲᓇᐃᔭᖅᑎᑖᕋᓱᐊᖅᑎᓪᓗᒋᑦ ᑲᔪᓯᑎᑕᐅᓯᒪᕗᑦ ᐊᑐᓕᖅᑎᑕᐅᓯᒪᓂᖏᑦ ᑖᒃᑯᓄᖓ ᐃᖅᑲᓇᐃᔮᒥᒃ ᐱᓯᒪᓕᕋᓱᐊᖅᑐᓄᑦ.

ᖃᐅᔨᒪᓂᖃᕐᓂᖓ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᒋᔭᖏᓂᒃ, ᐱᐅᓯᑐᖃᖓᓐᓂᒃ, ᓄᓇᖓᓐᓂᒃ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᑐᕐᓂᖃᒻᒪᕆᒐᔭᕐᑐᖅ.

 

ᑖᔅᓱᒥᖓ ᐃᓂᒋᔭᐅᓕᕈᓐᓇᖅᑐᒥᒃ ᐱᓯᒪᓕᕋᓱᐊᕈᒪᒍᕕᑦ, ᖃᕆᑕᐅᔭᑎᒍᑦ ᐃᖅᑲᓇᐃᔮᕆᓯᒪᔭᕐᓄᑦ ᑎᑎᕋᖅᑕᐅᓯᒪᔪᖁᑎᑎᑦ ᐃᓚᖃᕐᓗᒋᑦ ᖄᖓᓂ ᑎᑎᕋᖅᓯᒪᔭᕐᓂᒃ ᐊᐅᓪᓚᖅᑎᑦᓱᓐᓇᖅᐸᑦ ᐅᕗᖓ kivalliqhr@gov.nu.ca. ᐊᑏ ᑎᑎᕋᖃᑕᐅᓯᒪᓂᐊᖅᐸᑎᑦ ᐃᖅᑲᓇᐃᔮᑉ ᓈᓴᐅᑎᖓ ᖃᕆᑕᐅᔭᑎᒍᑦ ᐊᐅᓪᓚᖅᑎᑕᓂᖅ ᓱᓇᓂᒃ ᐱᔾᔪᑎᖃᕐᓂᖏᓄᑦ ᑎᑎᕋᖅᑕᕐᓂ.

  • ᓄᓇᕗᑦ ᒐᕙᒪᖓᑦ ᐱᓕᕆᐊᒃᓴᖃᕐᑐᑦ ᐱᑕᖃᓕᖅᑎᑦᓯᒋᐊᒥᒃ ᐱᔾᔪᑎᖃᖅᑎᐅᓗᑎᒃ ᐃᖅᑲᓇᐃᔭᖅᑎᖃᕐᓂᖏᑦ ᓇᓗᓇᐃᓐᓂᖅᓴᐅᓕᖅᑎᑕᐅᓂᒃᓴᖏᓄᑦ ᐊᖏᓂᖅᓴᐅᔪᒥᒃ ᑐᑭᓯᐅᒪᓂᖃᓕᖁᓪᓗᒋᑦ ᐊᒻᒪᓗ ᐱᔨᑦᓯᕋᕐᓂᖃᓕᖁᓪᓗᒋᑦ ᓄᓇᕗᒻᒥᐅᑦ ᐱᓯᒪᓕᕆᐊᖃᖅᑕᖏᓐᓂᒃ. ᓯᕗᓪᓕᖅᐸᐅᑎᑕᐅᒋᐊᕐᓂᐊᖅᑐᑦ ᓄᓇᕗᒻᒥᐅᑦ ᐃᓄᐃᑦ. ᐃᖅᑲᓇᐃᔮᖅᑖᕋᓱᐊᖅᑐᑦ ᓇᓗᓇᐃᖅᓯᓯᒪᑦᑎᐊᕆᐊᓖᑦ ᐱᓯᒪᓕᕋᓱᐊᕈᓐᓇᕐᓂᕐᒥᓐᓂᒃ ᐃᓱᒪᒃᓴᖅᓯᐅᕈᑎᐅᔪᓐᓇᕐᓂᐊᕐᒪᑕ ᒪᓕᒃᓗᒋᑦ ᓄᓇᕗᑦ ᓯᕗᓪᓕᖅᐸᐅᑎᑕᐅᔭᕆᐊᓖᑦ ᐃᖅᑲᓇᐃᔭᖅᑎᑖᕋᓱᐊᕐᓂᕐᒧᑦ ᒪᓕᒐᖁᑎᒋᔭᐅᔪᑦ.
  • ᐃᖅᑲᓇᐃᔮᖑᔪ ᐃᓚᖏᓐᓂ ᐃᓂᒋᔭᐅᔪᓂ ᐱᕋᔭᒃᓯᒪᖖᒋᒃᑲᓗᐊᕆᐊᖏᓐᓂᒃ ᖃᐅᔨᒋᐊᖅᑕᐅᓯᒪᔭᕆᐊᖃᖅᑎᑕᐅᕗᑦ. ᐱᕋᔭᒃᓯᒪᓂᖓᓄᑦ ᑎᑎᕋᖅᑕᐅᓯᒪᔪᓃᑦᑐᑦ ᐱᔾᔪᑎᒋᓗᒋᑦ ᐃᖅᑲᓇᐃᔮᖅᑖᕋᓱᐊᖃᑕᐅᔪᑦ ᐊᔪᓕᖅᑎᑕᐅᓯᒪᖖᒋᑐᐃᓐᓇᕆᐊᖃᕐᒥᔪᑦ ᐃᓱᒪᒃᓴᖅᓯᐅᕈᑎᐅᓂᐊᖅᑐᓂᑦ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᑐᓂᓯᓯᒪᓕᕈᓐᓇᖅᐳᑦ ᐃᖅᑲᓇᐃᔮᕆᓯᒪᔭᒥᓐᓄᑦ ᑎᑎᖅᑲᖁᑎᒥᓐᓂᒃ ᐊᑐᕐᓗᑎᒃ ᐃᓕᑕᕆᔭᐅᓯᒪᓪᓗᑎᒃ ᐅᖃᐅᓯᖅᑎᒍᑦ ᐋᖅᑭᒃᓱᐊᖑᓯᒪᔪᓂᒃ.
  • ᐃᓚᒋᔭᐅᖃᑕᐅᓂᕐᒥᓐᓄᑦ ᑎᑎᕋᖅᓯᒪᔪᓂᒃ ᐋᖅᑮᓯᒪᓕᕈᓐᓇᖅᐳᑦ ᓯᕗᓂᕐᒥ ᐃᓂᒋᔭᐅᓕᕈᓐᓇᖅᑐᓂᒃ ᐱᑕᖃᓕᕋᔭᖅᐸᑦ ᐃᓂᖃᓕᕈᓐᓇᖅᑎᑕᐅᓂᐊᖁᓪᓗᒋᑦ.
  • ᐃᖅᑲᓇᐃᔮᓄᑦ ᓇᓗᓇᐃᔭᐅᑏᑦ ᐱᔭᐅᓯᒪᓕᕈᓐᓇᖅᑐᑦ ᓱᑲᔪᒃᑯᑦ, ᖃᕆᑕᐅᔭᑎᒍᑦ ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᐱᑐᒃᓯᒪᕝᕕᖓᓐᓂᑦ.
  • ᑕᐃᒃᑯᐊ ᐃᖅᑲᓇᐃᔮᖅᑖᕋᓱᐊᖅᑐᓂᑦ ᓂᕈᐊᖅᑕᐅᓯᒪᔪᑦ ᑭᓯᒥᒃ ᖃᐅᔨᒋᐊᕐᕕᐅᓗᑎᒃ ᐅᖃᖃᑎᒋᔭᐅᔪᒪᔪᑦ ᑐᓴᖅᑎᑕᐅᓂᐊᖅᐳᑦ.
Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ