ᐅᖃᓚᐅᑎᓯᐅᑏᑦ

You are here

ᐱᓕᕆᐊᒃᓴᓕᕆᔨᒃᑯᑦ ᐱᔭᕆᐅᖅᓴᓕᕆᔨᓪᓗ ᐊᐅᓚᑦᑎᔨᖓ (ᒪᕐᕉᒃ ᐃᖅᑲᓇᐃᔮᒃ) - ᓴᖅᑭᖅᑎᑕᐅᑲᓐᓂᖅᑑᒃ

ᓄᓇᓕᒃ: 
ᖁᕐᓗᖅᑐᖅᒥ
ᓇᓗᓇᐃᒃᑯᑕᖓ: 
09-506027
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᓂᕈᐊᖅᑕᐅᔪᖃᙱᑉᐸᑦ ᓄᓇᕗᒻᒦᙶᖅᑐᒥ ᐃᓄᖕᒥ ᑖᓐᓇ ᐃᓂᐅᔪᖅ ᐃᖅᑲᓇᐃᔮᒧᑦ ᐊᑐᐃᓐᓇᐅᑎᑕᐅᓂᐊᖅᑐᖅ ᐊᕐᕌᒍᓄ ᐱᖓᓱᓄᑦ.
ᑮᓇᐅᔾᔭᒃᓴᓇᔭᖅᑐᖅ: 
$92,196.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$22,042.00
ᒪᑐᕝᕕᒃᓴᖓ: 
ᔫᓂ 12, 2020

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔭᑖᕋᓱᒃᑐᓕᒫᓄᑦ ᑐᕌᖓᔪᖅ.

ᐅᖃᖅᐸᒃᓗᓂ ᐊᐅᓚᑦᑎᔨᒧᑦ, ᐱᓕᕆᐊᒃᓴᓕᕆᔨᒃᑯᑦ ᐱᔭᕆᐅᖅᓴᓕᕆᔨᓪᓗ, ᐱᓕᕆᐊᒃᓴᓕᕆᔨᒃᑯᑦ ᐱᔭᕆᐅᖅᓴᓕᕆᔨᓪᓗ ᐊᐅᓚᑦᑎᔨᖓ(ᖏᑦ) ᑲᒪᒋᔭᖃᕐᓗᑎᒃ ᐱᓕᕆᐊᖃᕐᓂᕐᒥᒃ ᐊᑑᑎᖃᑦᑎᐊᖅᑐᓂᒃ ᐊᑐᖅᑎᑦᑎᔾᔪᑎᓂᒃ ᓄᓇᕘᑉ ᐃᓕᓐᓂᐊᕐᓂᓕᕆᓂᕐᒥ ᐱᓕᕆᐊᒃᓴᒥᑦ ᖃᐅᔨᒪᒋᐊᕐᓂᒃᑯᑦ ᐃᓕᓴᐃᔨᑦ ᐊᓯᖏᓪᓗ ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᑦ ᐱᓕᒻᒪᒃᓴᖅᑕᐅᓯᒪᑦᑎᐊᕐᓗᑎᒃ ᑕᐃᒃᑯᓄᖓ ᐱᓕᕆᐊᒃᓴᓄᑦ, ᐊᑐᓕᖅᑎᑦᑎᔾᔪᑎᓄᑦ, ᐊᑐᐊᒐᓄᑦ, ᐃᓕᓐᓂᐊᒐᒃᓴᓄᑦ ᓄᑖᖑᕆᐊᕈᑎᓄᑦ, ᐊᓯᖏᓐᓄᓪᓗ, ᐊᒃᑐᐃᕕᒋᕝᕕᖏᓐᓂ, ᐱᓕᕆᔨᒻᒪᕆᐅᓂᕐᒧᑦ ᖃᓄᐃᓕᐅᕈᑎᖏᓐᓂᑦ, ᐱᔨᑦᑎᕋᐅᑎᓪᓗ ᐱᑎᑕᖏᓐᓂᑦ.

ᐃᓕᓴᐃᔪᓐᓇᑦᑎᐊᕐᓂᕐᒧᑦ ᐱᓕᒻᒪᒃᓴᐃᓂᕐᓂ ᐱᓕᕆᐊᒃᓴᑦ ᑐᓂᓯᒪᓗᓂ ᐱᐅᓯᒋᐊᖅᓯᒪᔪᒥᒃ ᐃᓕᓐᓂᐊᖅᑎᑦᑎᓂᕐᓂ ᐊᑐᕐᓂᑰᓗᓂ ᐃᓕᓐᓂᐊᒐᒃᓴᓕᕆᓂᕐᓂ ᐱᓕᕆᐊᒃᓴᓂᒃᓗ ᐊᒻᒪᓗ ᓄᓇᕗᒻᒥ ᐃᓕᓐᓂᐊᕐᓂᓕᕆᓂᕐᒧᑦ ᐊᑐᖃᑦᑕᖅᑕᖏᓐᓂᑦ (ᑐᓂᓯᒪᓗᓂ ᐃᖅᑲᓇᐃᔭᓕᒃᑲᓐᓂᖅᑎᑦᑎᓂᕐᓂ ᐅᓄᕐᓂᖏᓐᓂᑦ), ᐱᐅᓯᒋᐊᕐᓗᒋᑦ ᐃᓕᓐᓂᐊᖅᑎᑦ ᐱᕙᒌᕐᓂᖏᑕ ᖁᑦᑎᖕᓂᖏᑦ, ᐊᒻᒪᓗᑦᑕᐅᖅ ᐊᖏᒃᓕᒋᐊᕐᓗᒋᑦ ᐃᓕᓐᓂᐊᖅᑎᑦ ᐊᖓᔪᖅᑳᓪᓗ ᖁᕕᐊᒋᔾᔪᑎᖏᑦ ᐃᓕᓐᓂᐊᕐᓂᕐᒧᑦ ᐱᑎᑕᓂᑦ ᐊᑐᖅᑎᑕᐅᔪᓂᒃᓗ ᓄᓇᕗᒻᒥ ᐃᓕᓐᓂᐊᕐᕕᖕᓄᑦ. ᑕᐃᒪᐃᓐᓂᖓᓄᑦ, ᐃᖅᑲᓇᐃᔭᓕᖅᑐᖅ(ᑦ) ᐃᖅᑲᓇᐃᔭᕐᓗᑎᒃ ᖃᐅᔨᒪᒋᐊᕐᓗᑎᒃ ᐃᓕᓐᓂᐊᖅᑎᑦᑎᔨᑦ ᐱᐅᔪᒃᑯᑦ ᐱᖃᕐᓗᑎᒃ ᐊᑐᖅᑎᑦᑎᓂᕐᓂ ᐃᓕᓐᓂᐊᒐᒃᓴᓂᑦ ᐋᖅᑭᒃᑕᓂᑦ ᒥᓂᔅᑕᒧᑦ ᐃᓕᓐᓂᐊᕐᓂᓕᕆᔨᒃᑯᑦ. ᑕᐃᑰᓈᖅᑐᖅ ᐊᐅᓚᑦᑎᔨᒃᑯᑦ(ᓄᑦ) ᐃᓕᓐᓂᐊᕐᓂᓕᕆᔨᒃᑯᑦ ᐊᑐᕐᓗᑎᒃ ᑕᑎᒋᔭᒃᓴᐅᓂᕐᒥᒃ ᑭᒃᑯᑐᐃᓐᓇᕐᓄᑦ ᑕᒪᐃᓐᓄᑦ ᐃᓕᓐᓂᐊᖅᑎᑦᑎᓂᕐᒥᒃ ᐱᑎᑕᕐᓄᑦ ᐃᓕᓐᓂᐊᖅᑎᓄᑦ ᓄᓇᕗᒻᒥ ᐃᓕᓐᓂᐊᕐᕕᖕᓂ. ᑕᐃᒪᐃᓐᓂᖓᓄᑦ, ᒥᓂᔅᑕ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᑕᑎᖃᖅᑐᖅ ᐃᖅᑲᓇᐃᔭᓕᖅᑐᒥᒃ(ᓂᑦ): (a) ᐱᑎᓪᓗᒋᑦ ᐃᓕᓐᓂᐊᖅᑎᑦᑎᔨᑦ ᑲᔪᓯᓗᑎᒃ ᐱᕙᓪᓕᐊᑎᑦᑎᓂᕐᓂ ᐃᓕᓴᐃᓂᕐᒧᑦ ᐊᔪᙱᑕᖏᓐᓂᑦ ᐱᖁᓪᓗᒋᑦ ᒫᓐᓇᓕᓴᑦ ᐃᓕᓐᓂᐊᕐᓂᕐᒧᑦ ᒪᓕᒐᒃᓴᖏᑦ ᐊᒻᒪᓗ, (b) ᐱᖁᓪᓗᒋᑦ ᐃᓕᓐᓂᐊᖅᑎᑦᑎᔨᑦ ᖃᐅᔨᒪᑎᑕᐅᙱᓐᓇᕐᓗᑎᒃ ᐊᑐᖅᑐᓕᒫᓂᒃ ᐊᑐᐊᒐᓂᑦ, ᐱᓕᕆᐊᒃᓴᓂᑦ, ᒪᓕᒋᐊᖃᖅᑐᓂᑦ, ᐊᓯᖏᓐᓂᒃᓗ ᓂᕆᐅᒋᔭᐅᔪᓂᑦ ᐋᖅᑭᒃᑕᓂᑦ ᓄᓇᕗᒻᒥ ᒐᕙᒪᒃᑯᓐᓄᑦ ᑐᓂᓯᒪᓂᖏᓐᓄᑦ ᐊᑐᕆᐊᓕᖕᓄᑦ ᑕᒪᐃᓐᓄᑦ ᐃᓕᓐᓂᐊᕐᓂᕐᒥᒃ.

ᑖᓐᓇ ᐱᓕᕆᐊᒃᓴᓕᕆᔨᒃᑯᑦ ᐱᔭᕆᐅᖅᓴᓕᕆᔨᓪᓗ ᐊᐅᓚᑦᑎᔨᖓ ᐃᑲᔪᖅᑐᐃᓗᓂ ᐱᓕᕆᕝᕕᐅᑉ ᐱᓇᓲᑎᒋᔭᖏᓐᓄᑦ ᐱᓕᕆᐊᖑᔪᐃᑦ ᐊᐅᓚᑕᐅᓂᖏᑕ ᖃᓄᐃᓐᓂᕆᔭᕆᐊᖃᖅᑕᖏᓐᓄᑦ ᐸᐃᑉᐹᓕᕆᔾᔪᑏᑦ ᑐᕌᖅᑎᑦᑎᒍᑏᑦ ᐊᒻᒪᓗ ᐱᖃᑕᐅᖃᑦᑕᕐᓗᓂ ᐃᓗᐊᓂ/ᐃᒃᓯᕚᖃᑕᐅᖃᑦᑕᕐᓗᓂ ᑲᑎᒪᔨᕋᓛᓂ (ᐱᔭᕆᐊᖃᕌᖓᑦ) ᑕᐃᒃᑯᓄᖓ ᐱᔾᔪᑎᓕᓐᓄᑦ ᖃᓄᐃᓕᐅᕐᓂᐅᔭᕆᐊᓖᑦ ᐊᒡᒍᑐᖅᓯᒪᕕᖕᓂ ᐅᕝᕙᓘᓐᓃᑦ ᐱᓕᕆᕝᕕᓕᒫᒥ. ᐊᒻᒪᓗᑦᑕᐅᖅ, ᐱᓕᕆᐊᒃᓴᓕᕆᔨᒃᑯᑦ ᐱᔭᕆᐅᖅᓴᓕᕆᔨᓪᓗ ᐊᐅᓚᑦᑎᔨᖓ ᓇᓗᓇᐃᖅᓯᓂᐊᖅᑐᖅ ᐱᔨᑦᓯᕋᕐᓂᕐᒥᑦ ᐃᑲᔪᖅᑐᕐᓂᕐᒥᓪᓗ ᐊᑐᐃᓐᓇᐅᑎᑦᓯᓂᖓ ᐊᑦᑐᐊᓂᓕᓐᓂᑦ/ᐊᒻᒪᓗ ᐋᖅᑭᑦᓯᒪᑉᐸᑕ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ (IQ) ᑐᙵᕕᒋᓐᓂᑦ ᐃᓄᐃᓪᓗ ᐱᒻᒪᕆᐅᒋᔭᖏᑦ (ISV).

ᐃᖅᑲᓇᐃᔮᖅᑖᖅᕋᓱᐊᖅᑐᖅ ᓯᕗᓪᓕᖅᐹᒥᑦ ᐱᔭᕇᖅᓯᒪᔪᐊᕐᓂᖃᕆᐊᖃᕋᔭᖅᑐᖅ (ᓯᓚᑦᑐᓴᕐᕕᔾᔪᐊᕐᒥᑦ ᐃᓕᓐᓂᐊᕌᓂᒍᓯᐊᖅ ᐱᔪᒥᒋᔭᐅᔪᖅ) ᓇᓪᓕᐊᓂᑦ ᐃᓕᓐᓂᐊᕐᓂᓕᕆᓂᕐᒧᑦ, ᐃᓐᓇᕐᓂᑦ ᐃᓕᓐᓂᐊᕐᓂᓕᕆᓂᕐᒧᑦ ᐊᔾᔨᑲᓴᖓᓂᓪᓘᓐᓃᑦ; ᐊᕐᕌᒍᕐᓄᑦ ᐱᖓᓱᓄᑦ ᐃᓕᓐᓂᐊᑎᑦᓯᓯᒪᓗᓂ (ᓄᓇᕗᒻᒥ ᐱᓕᕆᐊᖃᖃᑦᑕᖅᓯᒪᒍᓂᑦ ᐱᔪᒥᒋᔭᐅᔪᖅ); ᐊᕐᕌᒍᓐᓄᑦ ᐱᖓᓱᓄᑦ ᐱᓕᕆᐊᖃᖃᑦᑕᖅᓯᒪᒍᓂᑦ ᐱᓕᕆᐊᑦᓴᓕᕆᓂᕐᒥᑦ ᐊᕕᑦᑐᖅᓯᒪᔪᓂᑦ/ᓄᓇᕗᒻᒥ; ᐊᒻᒪᓗ ᐱᓕᕆᐊᖃᖃᑦᑕᖅᓯᒪᓗᓂ

ᐊᐅᓚᑦᓯᓂᕐᒥᑦ/ᑐᓂᓯᓂᕐᒥᑦ ᐃᓕᓐᓂᐊᕐᓂᐅᔪᓂᑦ ᑐᕌᒐᓕᓐᓂᑦ ᐃᓕᓐᓂᐊᑎᑦᓯᔨᓄᑦ. ᐃᓚᒋᐊᕐᓗᒍ ᑖᑦᓱᒧᖓ, ᐃᖅᑲᓇᐃᔮᖅᑖᕋᓱᐊᖅᑐᖅ ᖃᐅᔨᒪᓂᖃᑦᓯᐊᕆᐊᓕᒃ ᒫᓐᓇᐅᔪᖅ ᐃᓕᓐᓂᐊᕐᓂᓕᕆᓂᕐᒧᑦ ᐃᓕᓐᓂᐊᑎᑦᓯᔨᓄᓪᓗ ᐱᕙᓪᓕᐊᑎᑦᓯᓂᕐᒥᑦ ᐃᓱᒪᒋᔭᓂᑦ, ᐃᓐᓇᕐᓄᑦ ᐃᓕᓐᓂᐊᕐᓂᓕᕆᓂᕐᒧᑦ ᐃᓱᒪᒋᔭᓂᑦ, ᐱᐅᓂᖅᐹᓂᓪᓗ ᐱᓕᕆᔾᔪᓯᖃᕐᓂᕐᒥᑦ ᓴᓇᓂᕐᒥᑦ ᐱᓕᒻᒪᑦᓴᖅᑎᑦᓯᓂᕐᒧᑦ ᐱᓕᕆᐊᓂᑦ. ᐃᖅᑲᓇᐃᔮᖅᑖᖅᑐᖅ ᐃᓕᓐᓂᐊᑎᑦᓯᔨᐅᔪᓐᓇᑦᓯᐊᕆᐊᓕᒃ ᐱᓕᒻᒪᑦᓴᐃᔨᐅᓗᓂᓗ; ᐊᒻᒪ ᐱᓕᕆᐊᓂᑦ ᐊᐅᓚᑦᓯᔪᓐᓇᑦᓯᒍᓐᓇᕐᓂᖃᑦᓯᐊᕐᓗᓂ ᐱᓕᕆᐊᓄᓪᓘᓐᓃᑦ ᑭᓇᐅᔭᓂᑦ ᐊᑐᖅᑐᑦᓴᓄᑦ. ᑐᑭᓯᐅᒪᓗᓂ ᓄᓇᓕᖕᓂ, ᐃᓕᖅᑯᓯᒃᑰᖓᔪᓂᑦ ᐃᓕᓐᓂᐊᕐᓂᖅ; ᐃᓄᐃᓪᓗ ᖃᐅᔨᒪᔭᑐᖃᖏᓐᓂᑦ ᐃᓄᐃᓪᓗ ᐃᓅᖃᑎᒌᖕᓂᕐᒧᑦ ᐱᒻᒪᕆᐅᒋᔭᖏᓐᓂᑦ; ᑎᑎᖃᐅᔭᖅᓯᒪᔪᕐᓗ ᐋᖅᑭᒃᓯᒪᓂᒃᓴᖓ ᐅᑭᐅᖅᑕᖅᑐᒥ ᐋᖅᑭᒃᓯᒪᓗᓂ ᐃᓚᐅᓗᒋᑦ ᖃᕋᓴᐅᔭᑦ ᖃᕋᓴᐅᔭᓕᕆᔾᔪᑎᓪᓗ; ᐊᒻᒪᓗᑦᑕᐅᖅ, ᐃᓕᓴᕆᐅᒪᔭᖃᕐᓗᓂ, ᐊᔪᙱᓪᓗᓂᓘᓐᓃᑦ ᐃᓕᓴᕆᐅᒪᔭᖃᓕᕐᓂᕐᒥᑦ ᐊᑑᑎᖃᑦᑎᐊᖅᑐᒃᑯᓪᓗ ᐊᑕᐅᓯᙳᖅᑎᕆᓂᖅ ᐃᓕᓐᓂᐊᕐᓂᓕᕆᔨᒃᑯᑦ ᖃᕋᓴᐅᔭᒃᑰᖓᔪᓂᑦ ᐊᑐᖃᑦᑕᖅᑕᖏᓐᓂ ᐃᓗᐊᓃᑦᑐᓂᒃᓗ ᐱᔭᕆᐊᖃᖅᑐᖅ ᐃᓚᒋᑦᓱᓂᐅᒃ ᐃᖅᑲᓇᐃᔮᑉ.

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑐᑦ ᐊᒻᒪ ᐅᐃᕖᑐᑦ.

ᓄᓇᕗᒻᒥ ᐅᖃᐅᓯᖅᑕᕆᔭᐅᔪᒥᒃ ᐊᑕᐅᓯᐅᙱᑦᑐᒥᒃ ᐅᖃᕈᓐᓇᖅᐸᑦ ᓂᕈᐊᖅᑕᐅᓂᖅᓴᐅᓇᔭᖅᑐᖅ.

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ, ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᖅᑕᖏᑦ ᐃᓱᒪᒋᔭᐅᓇᔭᕐᒥᔪᑦ.

ᖃᐅᔨᒪᒋᐊᓕᒃ ᐃᓄᐃᑦ ᐅᖃᐅᓯᓂᒃ, ᓄᓇᓕᖕᓂᑦ, ᐃᓕᖅᑯᓯᕐᒥᑦ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ. 

ᐱᓇᔪᒃᑐᑐᐊᑦ ᐊᓂᒍᐃᔪᑦ ᖃᐅᔨᓴᕐᕕᐅᒃᑲᓐᓂᕐᓂᕐᒥᒃ ᐊᔪᖅᑎᑕᐅᔾᔮᙱᓚᑦ ᐅᖃᖃᖃᑎᒌᖕᓂᒃᑯᑦ ᐊᐱᖅᓱᖅᑕᐅᓂᕐᒥᒃ.

ᐃᓱᓕᓛᖅᑐᖅ ᒪᐃ 2023−ᒥ. ᒫᓐᓇ ᐃᖅᑲᓇᐃᔮᖃᓪᓚᕆᒃᑐᑦ ᓄᓇᕗᑦ ᒐᕙᒪᖓᓂ ᐱᓇᔪᒃᑐᑦ ᐱᔭᐅᓗᑎᒡᓗ ᑖᔅᓱᒧᖓ ᐃᓱᓕᕝᕕᒃᓴᓕᖕᒧᑦ  ᐃᖅᑲᓇᐃᔮᒧᑦ ᐱᓕᕆᕝᕕᒋᔭᐅᔪᒥ ᓅᑕᐅᑐᐃᓐᓇᕆᐊᓕᑦ ᐊᓯᐊᓄᑦ ᐃᖅᑲᓇᐃᔮᒧᑦ ᐃᓱᓕᓐᓇᓱᖕᓂᖓᓄᑦ.

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ