ᐅᖃᓚᐅᑎᓯᐅᑏᑦ

You are here

ᐱᓕᒻᒪᒃᓴᐃᔨ ᐃᖃᐃᓕᓴᖅᑎᑦᑎᔨ

Groups: 
ᐋᓐᓂᐊᖃᖕᓇᙱᑦᑐᓕᕆᔨᒃᑯ
ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑖ: 
10-504205
ᐃᒪᓐᓇᐃᑦᑑᓂᖓ ᐃᖃᓇᐃᔭᖅ: 
ᒪᑐᐃᖓᑎᑕᐅᒐᔭᖅᑐᖅ ᐊᑖᐅᓯᒃ ᐱᖓᓱᓄᑦ
ᑲᑐᔨᖃᑎᒋᑦ ᖃᓄᐃᓕᖓᒡᒪᖔᑕ: 
ᑕᓐᓇ ᐃᖃᓇᐃᔮᖅ ᐃᓚᒋᔭᐅᕗᖅ ᓄᓇᕗᑦ ᐃᖃᓇᐃᔭᖅᑎᐅᖃᑎᒋᑦ ᑲᑐᔨᖃᑎᒋᖏᓂ
ᑮᓐᓇᐅᔭᒃᓵᖓ: 
$99,743 ᐊᕐᕌᒍᒧᑦ, 37.5−ᓄᑦ ᐃᑲᕐᕋᓄᑦ/ᐱᓇᓱᐊᕈᓯᕐᒥ
ᑐᓴᕆᐊᕐᕕᒃᓴᖅ: 
$15,016 ᐊᕐᕌᒍᒧᑦ
ᑖᓐᓇ ᐃᖅᑲᓇᐃᔮᖅ ᐃᒡᓗᖃᖅᑎᑕᐅᔪᖅ
Closing Date: 
ᒫᑦᓯ 02, 2018

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᖅ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᐱᓕᒻᒪᒃᓴᐃᔨ ᐃᖃᐃᓕᓴᖅᑎᑦᑎᔨ ᐋᓐᓂᐊᖅᑐᓕᕆᔨᒻᒪᕆᐅᔪᖅ ᐱᓕᒻᒪᒃᓴᖅᑎᑦᑎᔨᐅᖃᑕᐅᕙᒃᖢᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᒻᒪ ᐅᓂᒃᑳᖅᐸᒃᖢᓂ ᕿᑭᖅᑕᓂ ᐱᓕᒻᒪᒃᓴᖅᑎᑦᑎᔨᑦ ᐊᐅᓚᑦᑎᔨᖓᓄᑦ. ᐃᖅᑲᓇᐃᔭᖅᑎᙳᖅᑐᖅ ᐸᕐᓇᐃᖃᑦᑕᖅᐸᖅ, ᓴᖅᑭᑎᑦᑎᖃᑦᑕᖅᐳᖅ, ᐋᖅᑭᒃᓱᐃᕙᒃᖢᓂ, ᑲᔪᓯᑎᑦᑎᕙᒃᖢᓂ ᐊᒻᒪ ᖃᐅᔨᓴᖅᐸᒃᖢᓂ ᐱᓕᒻᒪᒃᓴᐃᔨ ᐃᖅᑲᐃᓕᓴᖅᑎᑦᑎᔨᑦ ᐱᔨᑦᑎᕋᐅᑎᖏᓐᓂᒃ ᐃᓄᓕᒫᖏᓐᓄᑦ ᕿᑭᖅᑕᓂ.

ᐱᓕᒻᒪᒃᓴᖅᑎᑦᑎᔨ ᐃᖃᐃᓕᓴᖅᑐᓕᕆᔨ ᑲᒪᒋᔭᖃᖅᐳᖅ ᐋᖅᑭᐅᒪᓂᖏᓐᓂᒃ ᐱᔾᔪᑎᖃᖅᑐᓂᒃ ᓇᐅᒃᑯᓕᒫᖅ ᐃᖅᑲᐃᓕᓴᖅᑐᓕᕆᔨᒃᑯᓐᓂ ᑲᒪᒋᔭᐅᕙᒃᑐᓂᒃ, ᐊᒻᒪᓗᑦᑕᐅᖅ ᑲᒪᔨᐅᔪᓐᓇᕐᓗᓂ ᓄᓇᓕᖕᓂ ᐱᓕᒻᒪᒃᓴᐃᔨᐅᑉ ᐃᑲᔪᖅᑎᖏᓐᓄᑦ. ᐃᖅᑲᓇᐃᔭᖅᑎᙳᖅᑐᖅ ᐋᖅᑭᒃᓱᐃᖃᑦᑕᕐᓂᐊᖅᐳᖅ ᓴᖅᑭᑎᑦᑎᕙᒡᓗᓂᓗ ᐃᓕᓐᓂᐊᑎᑦᑎᔾᔪᑎᓂᑦ ᐃᓚᒌᓂᑦ, ᓄᓇᓕᖕᓂᑦ, ᐊᖏᕐᕋᓕᕆᔨᓂᑦ, ᓄᓇᓕᖕᓂ ᐃᓚᒋᔭᐅᔪᓂᑦ, ᑲᑐᔾᔨᖃᑎᒌᓂᑦ ᐊᒻᒪ ᐊᓯᖏᓐᓂᒃ ᐋᓐᓂᐊᖅᑐᓕᕆᔨᒻᒪᕆᖕᓂᑦ.

ᐱᔪᒥᒋᔭᐅᓇᔭᖅᑐᖅ, ᓯᓚᑦᑐᖅᓴᕐᕕᒡᔪᐊᕐᒥ ᐃᓕᓐᓂᐊᕌᓂᒍᓯᐊᖅᓯᒪᓗᓂ ᐱᓕᒻᒪᒃᓴᐃᓂᕐᒧᑦ ᐃᖃᐃᓕᓴᖅᑎᑦᑎᓂᕐᒧᑦ ᐅᕝᕙᓘᓐᓃᑦ ᐊᔾᔨᐸᓗᖓᓂ ᐊᒻᒪ ᐱᓕᕆᐊᒃᓴᒥᓂᒃ ᐱᓕᕆᑦᑎᐊᖃᑦᑕᖅᓯᒪᓂᖓᓂᒃ ᑎᑎᕋᖅᑕᐅᓯᒪᓗᓂ ᓯᓚᑦᑐᖅᓴᕐᕕᖕᒥ ᐱᓕᒻᒪᒃᓴᕐᓂᕐᒧᑦ ᐃᖃᐃᓕᓴᖅᑎᑦᑎᓂᕐᒧᑦ ᑲᓇᑕᐅᑉ ᐊᕕᒃᑐᖅᓯᒪᓂᖓᓂ.  ᐊᔾᔨᒋᙱᑦᑐᓂᒃ ᐋᓐᓂᐊᕐᕕᖕᒥ ᐱᓕᕆᖃᑦᑕᖅᓯᒪᔭᕆᐊᖃᖅᐳᑎᑦ ᐊᕐᕌᒍᒥᓪᓗ ᐊᑕᐅᓯᕐᒥᒃ ᐋᓐᓂᐊᕐᕕᖕᒥ ᐱᓕᕆᖃᑕᐅᓯᒪᒍᓂ ᐱᔪᒥᒋᔭᐅᓇᔭᖅᐳᖅ.  ᑖᔅᓱᒧᖓ ᐃᖅᑲᓇᐃᔮᒧᑦ ᐅᑯᓂᖓ ᐱᓯᒪᔭᕆᐊᖃᕆᕗᑎᑦ: ᓇᓗᓇᐃᖅᑕᐅᓯᒪᔪᓂᒃ ᐱᓕᕆᔨᒻᒪᕆᖕᓄᑦ ᐃᖃᐃᓕᓴᖅᑎᑦᑎᓂᕐᒧᑦ ᖃᐅᔨᓴᕈᓐᓇᕐᓗᓂ ᐊᑲᐅᓂᖅᓴᒃᑰᖅᑎᑦᑎᓇᓱᒍᓐᓇᕐᓗᓂᓗ ᐊᔾᔨᒌᖏᑦᑐᓄᑦ ᑲᒪᒋᔭᖏᓐᓄᑦ, ᐋᓐᓂᐊᕐᕕᖕᒥ ᐃᓱᒪᓕᐅᕆᔪᓐᓇᕐᓗᓂ ᐊᑐᓕᖁᔨᔪᓐᓇᕐᓗᓂᓗ ᐱᓕᕆᔨᒻᒪᕆᐅᓗᓂ, ᓇᓗᓇᐃᖅᑕᐅᓯᒪᔪᓂᒃ ᖃᐅᔨᒪᓗᓂ ᖃᐅᔨᓴᕈᑎᓂᑦ ᐊᒻᒪ ᓘᒃᑖᒧᑦ ᐋᖅᑭᒃᑕᐅᓯᒪᔪᓂᑦ ᐱᒡᒐᖅᑐᓄᑦ ᐃᑲᔫᑎᒃᓴᓂᒃ ᐅᑭᐅᖅᑕᖅᑐᒥ ᐋᖅᑭᒃᓯᒪᔪᓂᑦ, ᐋᓐᓂᐊᕐᕕᖕᒥ ᖃᐅᔨᒪᓗᓂ ᓯᖓᐃᖑᓪᓗᓂ ᐋᖓᔮᖃᑦᑕᕐᓂᕐᒧᑦ  ᐊᒃᑐᖅᑕᐅᓯᒪᔪᓂᑦ ᐊᒻᒪᓗ ᐊᔾᔨᒌᖏᑦᑐᓂᑦ ᓄᑕᕋᓛᓂᑦ ᐃᓕᖅᑯᓯᕐᓗᒃᑐᓂᑦ ᐃᒃᐱᖕᓂᐊᔾᔪᑎᒃᑯᑦ ᐋᓐᓂᐊᖅᑖᕆᔭᐅᓯᒪᔪᓂᑦ.  ᐋᑭᒃᓱᐃᔪᓐᓇᕆᐊᖃᖅᐳᑎᑦ ᐱᓕᕆᐊᕆᔭᕐᓂᒃ ᑲᒪᔨᖃᐃᓐᓇᙱᒃᑲᓗᐊᕐᓗᑎᑦ ᐊᒻᒪ ᑐᓴᐅᒪᑎᑦᑎᔪᓐᓇᑦᑎᐊᕐᓗᑎᑦ ᐊᒻᒪ ᐃᓅᖃᑎᖃᕈᓐᓇᑦᑎᐊᕐᓗᑎᑦ ᐊᒻᒪᓗ ᖃᕆᓴᐅᔭᓕᕆᔪᓐᓇᑦᑎᐊᕐᓗᑎᑦ ᐊᒻᒪ ᐃᓕᓐᓂᐊᕈᓐᓇᕐᓗᑎᑦ ᐊᔾᔨᒌᙱᑦᑐᓂᒃ ᖃᕆᓴᐅᔭᓕᕆᔾᔪᑎᓂᒃ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑎᑐᑦ ᐊᒻᒪᓗ ᐅᐃᕖᑎᑐ.

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ, ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖏᑦ ᐊᒻᒪ ᐱᔪᓐᓇᖅᑕᖏᑦ ᐃᓱᒪᒋᔭᐅᓇᔭᕐᒥᔪᑦ.

ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᖕᓂ, ᐃᓕᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐃᖅᑲᓇᐃᔮᒃᓴᖅ ᐃᓱᓕᕝᕕᒃᓴᖃᖅᑐᖅ ᐋᒌᓯ 24, 2018-ᒥᑦ. ᒫᓐᓇ ᐃᖅᑲᓇᐃᔮᖃᓪᓚᕆᒃᑐᑦ ᓄᓇᕗᑦ ᒐᕙᒪᖓᓂ ᐱᓇᔪᒃᑐᑦ ᐱᔭᐅᓗᑎᒡᓗ ᑖᔅᓱᒧᖓ ᐃᓱᓕᕝᕕᒃᓴᓕᖕᒧᑦ  ᐃᖅᑲᓇᐃᔮᒧᑦ ᐱᓕᕆᕝᕕᒋᔭᐅᔪᒥ ᓅᑕᐅᑐᐃᓐᓇᕆᐊᓕᑦ ᐊᓯᐊᓄᑦ ᐃᖅᑲᓇᐃᔮᒧᑦ ᐃᓱᓕᓐᓇᓱᖕᓂᖓᓄᑦ.

ᐊᔪᙱᑦᑐᑦ ᐊᑎᓕᐅᖅᑕᐅᑐᐃᓐᓇᕆᐊᖃᖅᐳᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᖅ ᐃᓐᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᔪᒃᓴᓂᒃ.  

  • ᓄᓇᕗᒻᒥ ᒐᕙᒪᒃᑯᑦ ᓴᖅᑭᑎᓯᒪᔪᒪᖕᒪᑕ ᑭᒡᒐᖅᑐᐃᓂᖅᓴᐅᔪᓂᒃ ᐱᓕᕆᔨᐅᔪᓂᒃ ᑐᑭᓯᐅᒪᒃᑲᓐᓂᕈᒪᓪᓗᑎᒃ ᐊᒻᒪᓗ ᐱᔨᑦᑎᕈᒪᓪᓗᑎᒃ ᐱᔭᐅᔪᒪᕙᒃᑐᑦ ᓄᓇᕗᒻᒥᐅᓂᑦ. ᑲᔪᓯᑦᑎᐊᖁᓪᓗᒋᑦ, ᓯᕗᓪᓕᖅᐸᐅᔾᔭᐅᓇᔭᖅᑐᑦ ᓄᓇᕗᒻᒥ ᓄᓇᖃᖃᑕᐅᔪᑦ
  • ᓂᕈᐊᒐᒃᓴᐅᔪᑦ ᓇᓗᓇᐃᖅᓯᑦᑎᐊᕆᐊᓖᑦ ᐱᔪᓐᓇᖅᑎᑕᐅᓂᕐᒥᖕᓂᒃ ᓯᕗᓕᐅᔾᔭᐅᔪᒪᒍᑎ
  • ᐃᓱᒪᒋᔭᐅᔪᒪᓂᕐᒧᑦ ᑖᔅᓱᒨᓇ ᓄᓇᕘᒥ ᓯᕗᓪᓕᐅᔾᔨᑎᑦᑎᓂᕐᒧᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᐊᒐᒃᑯᑦ. ᐱᕋᔭᒃᓯᒪᓂᕐᒧᑦ ᐸᐃᐹᒥᒃ ᐱᓯᒪᔪᑦ ᐱᔭᐅᔾᔮᖏᓐᓂᕋᖅᑕᐅᔪᓐᓇᙱᓚᑦ ᐃᓱᒪᒃᓴᖅᓯᐅᕈᑕᐅᓇᔭᖅᑐᑦ ᑭᓯᐊᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᔪᑦ ᑭᓱᓕᕆᖃᑦᑕᕋᔭᕐᓂᕐᒧᑦ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᐅᕝᕙᓘᓐᓃᑦ ᐃᑭᐊᖅᑭᕕᐊᒍᑦ.
  • ᑕᐃᒃᑯᐊ ᓂᕈᐊᖅᑕᐅᔪᑦ ᐊᐱᖅᓱᖅᑕᐅᔪᒃᓴᖑᖅᖢᑎᒃ ᐅᖃᕐᕕᒋᔭᑐᐊᕆᓇᔭᖅᑕᕗᑦ ᐊᐱᕐᓱᕐᓂᐊᕐᓗᑎᒍ
ᑐᓴᕆᐊᕐᕕᒃᓴᖅ: 
ᑮᓇᐅᔭᓕᕆᔨᒃᑯᑦ (Department of Finance Iqaluit)

ᓄᓇᕗᑦ ᒐᕙᒪᒃᑯᑦ
PO Box 1000, Station 430, Iqaluit, Nunavut X0A 0H0
ᐅᖃᓘᑖ: (867) 975-6222
ᐊᑭᖃᙱᑦᑐᖅ: 1-888-668-9993
ᓱᒃᑲᔪᖅ: (867) 975-6220
ᐃᕐᖐᓐᓇᖅ: gnhr@gov.nu.ca
www.gov.nu.ca/finance