ᐅᖃᓚᐅᑎᓯᐅᑏᑦ

You are here

ᓄᓇᕘᒥ ᐊᓈᓇᙳᓵᖅᑐᑦ, ᓄᑕᕋᓛᑦ ᐊᒻᒪ ᐃᕐᓂᓱᒃᓰᔨᓄᑦ ᐊᐅᓚᑦᑎᔨ ᓴᖅᑭᔮᖅᑎᑕᐅᒃᑲᓐᓂᖅᑐᖅ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
10-506072
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$103,662.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016.00
ᒪᑐᕝᕕᒃᓴᖓ: 
ᔪᓚᐃ 17, 2020

ᐅᓇ ᐃᖅᑲᓇᐃᔮᒃᓴᖅ ᒪᒃᐲᖓᔪᖅ ᐆᒃᑐᖅᑐᓕᒫᓄᑦ.

ᖃᐅᔨᒃᑲᐅᑎᖃᑦᑕᕐᓗᓂ ᒥᓂᔅᑕᐅᑉ ᑐᓪᓕᐊᑕ ᐃᑲᔪᖅᑎᖓᓄᑦ ᐱᓕᕆᐊᒃᓴᖏᑦ ᐊᑐᖅᑕᐅᔭᕆᐊᓖᓪᓗ, ᓄᓇᕘᒥ ᐊᓈᓇᙳᓵᖅᑐᑦ, ᓄᑕᕋᓛᑦ ᐃᕐᓂᓱᑦᓰᔨᓄᑦ ᐊᐅᓚᑦᓯᔨ ᓴᖅᑭᖅᑎᑕᐅᓯᒪᔪᖅ ᐊᑐᐃᓐᓇᐅᑎᑦᓯᓂᕐᒥᑦ ᐱᓕᕆᕝᕕᒻᒥ ᓯᕗᓕᖅᑎᐅᓂᕐᒧᑦ ᐱᕙᓪᓕᐊᑎᑦᓯᖏᓐᓇᕐᓂᕐᒥᓪᓗ ᐃᓅᓕᕋᑖᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᔨᑦᓯᕋᕐᓂᕐᒥᑦ ᓄᓇᕗᒻᒥ.  ᑖᓐᓇ ᐃᖅᑲᓇᐃᔮᖅ ᑲᒪᒋᔭᖃᕐᓂᐊᖅᑐᖅ ᐱᐅᓂᖏᓐᓂᑦ ᐱᔪᓐᓇᕐᓂᕐᒥᓪᓗ ᐃᓕᖅᑯᓯᕐᒧᑦ ᐊᑦᑐᐊᓂᓕᓐᓂᑦ ᐃᓚᒌᓄᑦ, ᓄᖅᑲᖓᑎᑦᓯᓂᕐᒥᑦ ᐱᓕᕆᖃᑎᒌᓐᓂᕐᒥᓪᓗ ᐊᓈᓇᐅᓂᕐᒧᑦ, ᐊᓈᓇᐅᓂᒃᑯᑦ, ᐊᓈᓇᐅᓂᕐᒥᒃ ᐃᒃᐱᖕᓂᐊᔪᖅ/ᐊᓈᓇᐅᔪᓐᓇᖅᑐᖅ/ᐃᓅᓕᕋᑖᑐᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᔨᑦᓯᕋᕐᓂᕐᒥᑦ, ᐃᓚᒋᔭᐅᓗᓂ ᐃᓚᓕᐅᔾᔨᓗᓂ ᐃᕐᓂᓱᑦᓰᔨᖃᕐᓂᕐᒥᑦ, ᓄᓇᕗᒻᒥ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑐᖅᑕᐅᖃᑦᑕᖅᑐᓂᑦ. ᑕᒪᓐᓇ ᑲᔪᓯᑎᑕᐅᔪᓐᓇᖅᑐᖅ ᐊᖅᑯᑎᖃᕐᓗᑎᒃ, ᓄᓇᓕᓐᓂᑦ ᐱᕙᓪᓕᐊᑎᑦᓯᓂᕐᒥᑦ ᐱᔪᓐᓇᖅᑎᑖᖅᑎᑦᓯᕙᓪᓕᐊᓂᕐᒧᑦ ᐊᑯᓂᐅᔪᒥᓪᓗ ᓂᕈᐊᖅᑕᐅᓯᒪᔪᓂᑦ ᓄᓇᓕᓐᓃᖃᑦᑕᕐᓂᕐᒥᑦ. ᑖᓐᓇ ᐃᖅᑲᓇᐃᔮᖅ ᑲᒪᒋᔭᖃᕐᓂᐊᖅᑐᖅ ᐱᕙᒌᔭᕐᓂᕐᒥᑦ, ᐱᕙᓪᓕᐊᑎᑦᓯᓂᕐᒥᑦ, ᐃᑲᔪᖅᑐᕐᓂᕐᒥᑦ, ᖃᐅᔨᓴᕐᓂᕐᒥᑦ ᖃᐅᔨᓴᕐᓂᕐᒥᓪᓗ ᐊᑐᐊᒐᕐᓂᑦ ᐊᐅᓚᔾᔪᑎᓂᓪᓗ ᐱᓕᕆᔾᔪᓯᕐᓂᑦ ᐊᓈᓇᙳᓵᖅᑐᓄᑦ ᐃᓅᓕᕋᑖᓄᓪᓗ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᔨᑦᓯᕋᕐᓂᕐᒥᑦ. ᑖᓐᓇ ᐃᖅᑲᓇᐃᔮᖅ ᐱᐅᓯᕚᓪᓕᑎᑦᓯᒋᐊᓕᒃ ᐊᓈᓈᙳᓵᖅᑐᓄᑦ ᐃᓅᓕᕆᑖᓄᓪᓗ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᔨᑦᓯᕋᕐᓂᕐᒧᑦ ᐃᓂᒋᔭᐅᔪᓐᓇᕐᑐᓂᑦ ᓄᓇᕗᒻᒥ, ᐅᖃᐅᓯᖃᕐᓂᕐᒥᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑦᑐᐃᓂᖃᖅᑐᓂᑦ ᐃᑲᔫᑎᖃᕐᓂᕐᒥᓪᓗ ᓴᖅᑭᑎᑦᓯᓂᕐᒥᑦ ᐱᐅᔪᒻᒪᕆᒻᒥᑦ ᐊᓈᓇᙳᓵᖅᑐᓄᑦ ᐃᓅᓕᕋᑖᓄᓪᓗ ᐋᓐᓂᐊᖃᑦᑕᐃᓕᒪᓂᕐᒧᑦ ᐃᓚᓕᐅᔾᔨᓯᒪᓂᕐᒥᑦ ᐱᖅᑯᓯᑐᖃᖏᓐᓂᑦ ᐃᓄᐃᑦ ᖃᐅᔨᒪᓂᖏᓐᓂᓪᓗ. 

ᐃᖅᑲᓇᐃᔮᓕᒃ ᐊᑐᓕᖅᑎᑦᑎᔨᐅᓪᓗᐊᑕᖃᑦᑕᕐᓂᐊᖅᑐᖅ ᐃᓚᐅᕙᒡᓗᓂ ᐱᓕᕆᔨᐅᖃᑎᒌᓂᒃ ᐊᒻᒪ ᑲᑎᒪᔨᕋᓛᓂᒃ  ᐱᔾᔪᑕᐅᓲᖑᓂᖏᓐᓄᑦ ᐃᕐᓂᓱᒃᓰᔨᑦ ᐊᒻᒪ ᐊᓈᓇᙳᓵᖅᑐᑦ/ᓄᑕᕋᓛᓄᑦ ᐱᔨᑦᑎᕋᖅᑎᑦ ᐊᒻᒪ ᐃᑲᔪᖅᐸᒡᓗᒋᑦ ᓄᓇᓖᑦ  ᐱᒋᐊᖅᑎᑉᐸᓪᓕᐊᓗᒋᑦ ᐃᕐᓂᓱᒃᓰᓂᕐᒥᒃ.  ᑖᓐᓇ ᐃᖅᑲᓇᐃᔮᖅ ᐱᓕᕆᖃᑎᖃᕐᓂᐊᖅᑐᖅ ᐊᔾᔨᒌᖏᑦᑐᓂᑦ ᐱᖃᖅᑎᑦᑎᔨᓂᒃ ᑲᒪᒋᔭᓕᓐᓂᑦ ᐊᓈᓇᙳᓵᖅᑐᓂᒃ ᐃᓅᓕᕋᑖᓂᓪᓗ ᐃᓚᒋᔭᖃᕐᓗᑎᒃ, ᓇᓗᓇᐃᒃᑯᑕᖅᑖᖅᓯᒪᔪᑦ ᐃᕐᓂᓱᑦᓰᔩᑦ, ᐋᓐᓂᐊᓯᐅᖅᑏᑦ ᐃᓚᒋᔭᐅᓗᑎᒃ ᓄᓇᓕᓐᓂᑦ ᐋᓐᓂᐊᓯᐅᖅᑏᑦ ᐋᓐᓂᐊᓯᐅᖅᑎᓯᐅᑎᓂᓪᓗ ᐱᓕᕆᐊᖃᖅᑐᖅ, ᑐᓴᐅᒪᑎᑦᓯᔨᓄᑦ ᐊᐅᓚᑦᓯᔩᑦ ᓇᔾᔨᔪᓕᕆᔨ ᐃᓕᓐᓂᐊᑎᑦᓯᔨ ᐊᒻᒪ ᐱᔾᔪᑎᒃᓴᖅᑖᖅᑎᑦᑎᔨᑦ, ᓇᔾᔨᔪᓕᕆᔨ, ᓄᓇᓕᖕᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒡᒐᖅᑐᐃᔨᑦ, ᓇᔾᔨᔪᓂᑦ ᓂᕿᑦᑎᐊᕙᓕᕆᓂᕐᒧᑦ ᐊᐅᓚᑦᑎᔨᑦ, ᐃᓐᓇᐃᑦ, ᖃᑕᙳᑎᒌᓄᑦ ᓘᒃᑖᕆᔭᑦ, ᐊᒻᒪ ᓯᖓᐃᔪᓕᕆᔨᑦ, ᐊᑐᓕᖅᑕᐅᕙᓪᓕᐊᓗᓂ ᑲᑐᔾᔨᖃᑎᒌᓂᒃ ᐊᔪᕈᓐᓃᖅᓴᐅᑦ.

ᖃᐅᔨᒪᔭᖏᑦ, ᐊᔪᙱᑕᖏᑦ ᐱᓕᕆᔪᓐᓇᕐᓂᖏᓪᓗ ᑖᑦᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᑦᑐᑦ ᐊᑎᓕᐅᖅᑕᐅᖃᑕᐅᓯᒪᔭᕆᐊᖃᕐᓂᐊᖅᑐᖅ ᓄᓇᕗᒻᒥ ᐃᕐᓂᓱᒃᓰᔨᓂᒃ ᐊᑎᓕᐅᕆᔨᑦ ᑲᑎᒪᔨᕋᓛᓂᒃ ᑕᓪᓕᒪᓄᓪᓗ ᐊᕐᕌᒍᓐᓄᑦ (5) ᐱᓕᕆᓯᒪᓂᑰᓗᓂ ᐃᕐᓂᓱᑦᓰᔨᐅᓗᓂ ᐊᕐᕌᒍᕐᒥᓪᓗ ᐊᑕᐅᓯᕐᒥᑦ (1) ᐅᑭᐅᖅᑕᖅᑐᖅᒥ ᐱᓕᕆᓯᒪᓂᑰᓗᓂ ᓄᓇᕗᒻᒥ ᑲᒪᔨ ᐃᓅᓵᖅᑐᓄᑦ ᐋᓐᓂᐊᓯᐅᕐᓂᖕᒧᑦ ᐃᓕᑕᕆᔭᐅᔾᔪᑎᖃᕐᓗᓂᓘᓐᓃᑦ ᐋᓐᓂᐊᓯᐅᖅᑎᐅᓂᕐᒧᑦ ᐊᕐᕌᒍᓐᓄᓪᓗ ᑕᓪᓕᒪᓄᑦ (5)  ᐃᕐᓂᓱᑦᓰᖃᑦᑕᖅᓯᒪᓂᑰᓗᓂ ᐊᑕᐅᓯᕐᒧᓪᓗ ᐊᕐᕌᒍᒻᒧᑦ (1) ᐅᑭᐅᖅᑕᖅᑐᒦᓐᓂᑰᓗᓂ ᐃᓅᓵᖅᑐᓄᑦ ᐋᓐᓂᐊᖃᒃᓇᖏᑦᑐᓕᕆᓂᕐᒧᑦ ᐱᔨᑦᓯᕋᕐᓂᕐᒥᑦ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ ᐃᓄᐃᓐᓇᖅᑎᑐᑦ, ᖃᓪᓗᓈᑐᑦ ᐊᒻᒪᓗ ᐅᐃᕖᑎᑐᑦ.  ᐅᖃᕈᓐᓇᕆᐊᓕᒃ ᐊᑕᐅᓯᐅᖏᑦᑐᒥᒃ ᓄᓇᕗᒻᒥᑦ ᐃᓕᓴᕆᔭᐅᓯᒪᔪᑦ ᐅᖃᐅᓯᕐᓂᑦ ᐃᑲᔫᑎᖃᕋᔭᖅᑐᖅ.  ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓂ, ᓄᓇᓕᖕᓂ, ᐱᖅᑯᓯᖏᓐᓂ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐃᑲᔫᑕᐅᓇᔭᖅᐳᖅ.

ᐊᔾᔨᖏᓪᓗ ᐊᒻᒪᓗ ᑲᑎᓪᓗᒋᑦ ᐃᓕᓐᓂᐊᖅᓯᒪᓂᖓ, ᐱᓕᕆᔪᓐᓇᕐᓂᖓᓗ ᐃᓱᒪᒋᔭᐅᑐᐃᓐᓇᕆᐊᓕᑦ.

ᐃᖅᑲᓇᐃᔭᕈᓐᓇᖅᑐᑦ ᐊᑎᓕᐅᖅᑕᐅᑐᐃᓐᓇᕆᐊᖃᖅᐳᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᖅ ᐃᓐᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᔪᒃᓴᒥᒃ.

 

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ