ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᓂᕿᓄᑦ ᐊᑦᑕᓇᐃᖅᓯᒪᓂᕐᒧᑦ ᐊᐅᓚᑦᑎᔨ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
17-506263
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᑖᓐᓇ ᐃᖅᑲᓇᐃᔮᔅᓴᖅ ᐃᖅᑲᓇᐃᔮᔅᓴᐅᑲᐃᓐᓇᓂᐊᖅᑐᖅ ᐃᓱᓕᓐᓂᖃᖅᑐᖅ ᓯᑎᐱᕆ 1, 2023
ᑮᓇᐅᔾᔭᒃᓴᓇᔭᖅᑐᖅ: 
$92,196 ᐊᑕᐅᓯᕐᒧᑦ ᐊᕐᕌᒍᒧᑦ, 37.5 ᐃᑲᕋᐃᑦ/ᐱᓇᓱᐊᕈᓯᕐᒥᑦ
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016 ᐊᑕᐅᓯᕐᒧᑦ ᐊᕐᕌᒍᒧᑦ
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᓄᕕᐱᕆ 6, 2020 - 11:59pm

ᑖᓐᓇ ᐃᖅᑲᓇᐃᔮᔅᓴᖅ ᑭᒃᑯᓕᒫᓄᑦ ᒪᑐᐃᖓᔪᖅ

ᓄᓇᕗᒻᒥ ᓂᕿᓄᑦ ᐊᑦᑕᓇᐃᖅᓯᒪᓂᕐᒧᑦ ᐊᐅᓚᑦᑎᔨ ᐊᑖᓃᑦᑐᖅ ᐊᔪᖅᓴᓗᐊᖅᑕᐃᓕᒪᔪᓕᕆᔨᒃᑯᓐᓂᑦ ᐃᓄᓕᕆᔨᒃᑯᓐᓂᑦ. ᐱᓕᕆᕕᐅᔪᖅ ᖃᐅᔨᓴᖃᑦᑕᖅᑐᖅ, ᑐᓴᖅᑎᑦᑎᖃᑦᑕᖅᑐᖅ, ᐊᒻᒪ ᐃᑲᔪᖅᑐᓂ ᐊᐅᓚᑕᐅᓂᖓᓄᑦ ᐊᒻᒪ ᐱᓕᕆᖃᑎᒌᒍᑕᐅᓂᖓᓄᑦ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᐱᓕᕆᐊᓂᑦ ᑲᑐᔾᔨᖃᑎᒌᓂᑦ  ᐅᑯᑎᒎᓇ ᐱᓕᕆᖃᑎᒌᓪᓂᖅ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᐱᖁᔭᖅ. ᑖᓐᓇ ᐱᖃᓯᐅᔾᔨᔪᖅᐃᑲᔪᖃᑦᑕᕐᓂᖅ ᐊᕐᕌᒍᑕᒫᑦ ᓄᓇᓕᒻᒥᑦ ᐱᖃᑕᐅᑎᑦᑎᓂᕐᒥᑦ ᓄᓇᕗᒻᒥ ᑲᑎᒪᔨᑎᒍᑦ ᐊᔪᖅᓴᓗᐊᖅᑕᐃᓕᒪᓂᕐᒧᑦ ᐊᒻᒪ ᓄᓇᕗᒻᒥ ᓂᕿᓄᑦ ᐊᑦᑕᓇᐃᖅᓯᒪᓂᕐᒧᑦ ᑲᑐᔾᔨᖃᑎᒌᖏᑦ. ᐱᓕᕆᕕᒻᒧᑦ ᐃᖅᑲᓇᐃᔭᖅᑏᑦ ᐱᓕᕆᐊᓂᑦ ᐊᒻᒪ ᐊᑐᐊᒐᕐᓂᑦ ᖃᐅᔨᓴᓂᕐᒧᑦ ᑐᕌᖓᔪᑦ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ, ᐊᑐᓕᖁᔭᓕᐅᕐᓗᓂ ᐋᖅᑭᒋᐊᖅᑕᐅᔭᕆᐊᖃᖅᑐᓂᑦ, ᐊᒻᒪ ᐃᖅᑲᓇᐃᔭᕐᓗᓂ ᐱᕙᓪᓕᐊᑎᑕᐅᓂᖓᓄᑦ ᐊᒻᒪ ᐊᑐᓕᖅᑎᑕᐅᓂᖓᓄᑦ ᑐᕌᖅᑕᐅᔪᑦ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᐱᓕᕆᐊᖑᔪᓂᑦ.

ᐊᖏᔪᖅᑳᖃᖅᑐᓂ ᑐᑭᒧᖃᐊᖅᑎᑦᑎᔨ, ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ, ᓄᓇᕗᒻᒥ ᓂᕿᓄᑦ ᐊᑦᑕᓇᐃᖅᓯᒪᓂᕐᒧᑦ ᐊᐅᓚᑦᑎᔨ ᐱᒻᒪᕆᐅᔪᖅ ᐃᖅᑲᓇᐃᔮᖅ ᐱᑕᖃᖅᑎᑦᑎᓂᐊᖅᑐᖅ ᓇᓗᓇᐃᔭᖅᓯᒪᔭᕆᐊᓕᓐᓄᑦ ᐊᔪᓐᓂᖃᓂᕐᒧᑦ ᐊᒻᒪ ᐊᑐᐊᒐᕐᓂ ᓯᕗᓕᖅᑎᐅᓂᕐᒧᑦ ᐱᔾᔪᑎᖃᖅᑐᓂᑦ ᓂᕿᓄᑦ ᐊᑦᑕᓇᐃᖅᓯᒪᓂᕐᒧᑦ ᐊᒻᒪ ᓂᕿᖃᑦᑎᐊᓂᕐᒧᑦ ᓂᕈᐊᖅᑕᓯᒪᔪᓄᑦ ᐱᔪᒪᓂᕆᔭᐅᒐᔪᑦᑐᖅ ᐊᒻᒪ ᓯᕗᓪᓕᐅᔾᔭᐅᓪᓗᓂ ᓄᓇᕗᒻᒥ. ᐊᐅᓚᑦᑎᔨ ᐱᓕᕆᐊᖃᓂᐊᖅᑐᖅ ᓴᖅᑭᑎᑦᑎᓂᕐᒥᑦ ᐊᔾᔨᒌᖏᑦᑐᓂᑦ ᐋᖅᑭᒍᑎᓂᑦ ᓂᕿᓄᑦ ᐊᑦᑕᓇᐃᖅᓯᒪᖏᓂᕐᒧᑦ ᓄᓇᕗᒻᒥ ᓴᖅᑭᑎᑦᑎᓪᓗᓂ, ᐊᑐᓕᖅᑎᑎᓪᓗᓂ, ᐊᐅᓚᑦᑎᓪᓗᓂ ᐊᒻᒪ ᑲᒪᒋᔭᖃᖅᑐᓂ ᐊᑐᐊᒐᕐᓂᑦ, ᐱᓕᕆᐊᖑᔪᑦ, ᐱᓕᕆᐊᑦ ᐊᒻᒪ ᐃᑲᔪᖅᑕᐅᓂᐅᔪᑦ. ᐊᐅᓚᑦᑎᔨ ᑲᒪᒋᔭᖃᓂᐊᕐᒥᔪᖅ ᐃᑲᔪᖅᑎᓪᓗᐊᑕᐅᓗᓂ ᓄᓇᓕᒻᒥ ᑲᑐᔾᔨᖃᑎᒌᒧᑦ ᑐᑭᒧᐊᖅᑎᑦᑎᔪᓂᑦ ᓂᕿᓄᑦ ᐊᑦᑕᓇᐃᖅᓯᒪᓂᕐᒧᑦ ᐱᓕᕆᐊᓂᑦ ᐊᒻᒪ ᐱᓕᕆᑎᑦᑎᓪᓗᓂ ᐊᐅᓚᑕᐅᓂᖏᓐᓄᑦ ᐱᓕᕆᔭᐅᔪᑦ ᒐᕙᒪᒃᑯᑦ ᐱᓕᕆᕕᖏᓐᓂᑦ ᐊᒻᒪ ᐊᔾᔨᒌᖏᑦᑐᓂᑦ ᑎᒥᐅᔪᓂᑦ.

ᐃᖅᑲᓇᐃᔮᖅᑖᖁᒥᓇᖅᑐᖅ ᐱᓯᒪᑦᑎᓂᐊᖅᑐᖅ ᐃᓕᓴᕆᔭᐅᓯᒪᔪᒥᑦ ᓇᓗᓇᐃᒃᑯᑕᒥᑦ ᓄᓇᓕᒻᒥᑦ ᐅᕝᕙᓘᓐᓃᑦ ᐃᓄᓐᓄᑦ ᐊᑐᐊᒐᕐᓂᑦ ᐱᕙᓪᓕᐊᑎᑦᑎᓂᕐᒧᑦ ᐅᕝᕙᓘᓐᓃᑦ ᐊᓯᖏᓐᓂ ᐃᖅᑲᓇᐃᔮᒧᑦ ᐊᑦᑐᐊᓂᓕᓐᓂᑦ ᐊᒻᒪ ᒪᕐᕉᓐᓂᒃ ᐊᕐᕌᒍᓐᓂ ᐊᑦᑐᐊᓂᓕᓐᓂᑦ ᐃᖅᑲᓇᐃᔭᖃᑦᑕᖅᓯᒪᓗᓂ. ᐃᖅᑲᓇᐃᔭᖃᑦᑕᖅᓯᒪᓗᓂ ᐃᓄᐃᑦ ᐊᑐᖃᑦᑕᖅᑕᖏᓐᓂᑦ ᐊᒻᒪ ᐃᖅᑲᓇᐃᔭᑲᖅᑦᓴᖅᓯᒪᓗᓂ ᐃᓄᓐᓂᑦ ᐃᓱᒪᒋᔭᐅᓂᐊᖅᑐᑦ ᐱᑕᖃᕆᐊᖃᖅᑎᑕᐅᓗᑎ.

ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᓄᓇᕗᒻᒥ ᐃᓄᑦᑎᑐᑦ, ᐃᓄᐃᓐᓇᖅᑐᓐ, ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ. ᐃᓄᑦᑎᑑᐳᓐᓇᕐᓗᓂ ᐅᕝᕙᓘᒻᓃᑦ ᖏᐅᖃᕈᓐᓇᕐᓗᓂ ᒪᕐᕉᓐᓂᒃ ᐊᒥᓲᓂᖅᓴᓂᓪᓘᓐᓃᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᐱᑕᖃᕆᐊᖃᖅᑎᑕᐅᔪᖅ. ᖃᐅᔨᒪᓂᖃᕐᓗᓂ ᐃᓄᐃᑦ ᐅᖃᐅᓯᖓᓂ, ᓄᓇᓕᓐᓂᑦ, ᐱᖅᑯᓯᖏᓐᓂ, ᓄᓇᖓᓂ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᑦ ᐱᑕᖃᕆᐊᖃᖅᑎᑕᐅᔪᑦ.

ᐊᔾᔨᐸᓗᖏᓐᓂ ᐱᓯᒪᑦᑎᔪᑦ ᓈᒻᒪᒋᔭᐅᔪᓂᑦ ᑲᑎᓐᖓᔪᓂᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᐃᓱᒪᒋᔭᐅᓂᐊᖅᑐᑦ.

ᒫᓐᓇᐅᔪᒥᑦ ᓇᓗᓇᐃᖅᓯᒪᓪᓚᕆᖏᑦᑐᑦ ᓄᓇᕗᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔮᖅᑖᕋᓱᐊᖅᑐᑦ ᐊᒻᒪ ᐃᖅᑲᓇᐃᔮᖅᑖᕐᓗᑎ ᑖᔅᒧᓄᖓ ᐃᖅᑲᓇᐃᔮᖑᑲᐃᓐᓇᖅᑐᒧᑦ ᑐᓂᔭᐅᓂᐊᖅᑐᖅ ᑎᒥᐅᑉ ᐃᓗᐊᓂ ᐊᐅᓛᖅᑕᐅᓂᕐᒧᑦ ᐊᑯᓂᐅᓂᖓᓄᑦ ᑐᓐᖓᓂᖃᖅᑐᓂᑦ ᐊᖏᔪᖅᑳᒧᑦ ᐊᖏᖅᑕᐅᓂᖓᓄᑦ.

ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᓯᒪᔪᑦ ᓴᖅᑭᖅᑎᑕᐅᔪᓐᓇᖅᑐᑦ ᐃᓐᓄᐃᓗᑎᑦ ᓯᕗᓂᔅᓴᒥᑦ ᐃᓐᓄᑦᑕᐅᓯᒪᖏᑦᑐᓂᑦ.

ᐃᖅᑲᓇᐃᔮᖅᑕᕆᒐᓱᐊᕈᒪᒋᒍᕕᐅᒃ ᑖᓐᓇ ᐃᖅᑲᓇᐃᔮᔅᓴᖅ, ᐊᐅᓪᓚᑎᓪᓗᒋᑦ ᖃᕋᓴᐅᔭᒃᑯᑦ ᑎᑎᖅᑲᖅ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᐅᕗᖓ GNHR@gov.nu.ca. ᓇᓗᓇᐃᕐᓗᒍ ᖃᐅᔨᒋᐊᕐᕕᖓᑕ ᓈᓴᐅᑎᖓ ᑭᓱᒧᑦ ᐱᔾᔪᑎᖓᓂ ᐃᕝᕕᑦ ᖃᕋᓴᐅᔭᒃᑯᑦ ᐊᐅᓪᓚᖅᑎᑕᖓᒍᑦ.

ᓄᓇᕗᑦ ᒐᕙᒪᒃᑯᑦ ᑲᔪᖏᖅᓯᒪᔪᑦ ᓴᖅᑭᑎᑦᑎᓂᕐᒥᑦ ᑭᒡᒐᖅᑐᐃᓂᖅᓴᓂᑦ ᐃᖅᑲᓇᐃᔭᖅᑎᓂᑦ ᑐᑭᓯᑦᑎᐊᓂᖅᓴᐅᔪᓐᓇᓂᐊᕐᒪᑕ  ᐊᒻᒪ ᐱᔨᑦᑎᕐᓗᒋᑦ ᐱᔭᕆᐊᖃᖅᑕᖏᓐᓂᑦ ᓄᓇᕗᒻᒥᐅᑦ. ᓯᕗᓪᓕᐅᔾᔭᐅᓂᐊᖅᑐᑦ ᓄᓇᕗᒻᒥ ᐃᓄᐃᑦ ᓇᓗᓇᐃᖅᓯᑦᑎᐊᕆᐊᓖᑦ ᑭᓇᐅᓂᕐᒥᓂ ᐱᔪᓐᓇᖅᑎᑕᐅᓂᖏᓐᓄᑦ ᐱᑎᑕᐅᓂᐊᕐᓗᓂ ᓯᕗᓪᓕᐅᔾᔭᐅᓂᕐᒧᑦ ᐃᓱᒪᒋᔭᐅᓂᕐᒧᑦ ᐊᑖᓂ ᓄᓇᕗᒻᒥ ᓯᕗᓪᓕᐅᔾᔭᐅᔭᕆᐊᓕᓐᓂ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᐊᒐᖅ.
ᐃᖅᑲᓇᐃᔮᔅᓴᐃᑦ ᐃᓚᖏᓐᓂᑦ ᐃᓂᐅᔪᓂᑦ ᐱᑕᖃᕆᐊᖃᖅᑎᑕᐅᔪᑦ ᖃᐅᔨᓴᖅᑕᐅᓗᑎ ᓈᒻᒪᒋᔭᐅᔪᒥᑦ ᐱᕋᔭᓚᐅᖅᓯᒪᖏᓐᓂᖓᓄᑦ. ᐱᕋᔭᒪᐅᖅᓯᒪᓂᐅᔪᖅ ᐱᓇᓱᐊᕈᓐᓇᐃᓕᑎᑦᑎᖏᑦᑐᖅ ᐃᓱᒪᒋᔭᐅᒃᑲᓂᕐᓂᐊᕐᓗᓂ.
ᐃᖅᑲᓇᐃᔮᖅᑖᕋᓱᐊᖅᑐᑦ ᑐᓂᓯᒍᓐᓇᖅᑐᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂ ᑎᑎᕋᖅᓯᒪᔪᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᓂᕈᐊᖅᑕᖏᓐᓂᑦ.
ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᑕᐅᔪᓐᓇᖅᑐᑦ ᐃᓐᓄᐃᓂᐊᕐᓗᑎ ᓯᕗᓂᔅᓴᒥ ᐃᓐᓄᑦᑕᐅᓯᒪᖏᑦᑐᓂ.
ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᓂᖏᑦ ᐱᔭᐅᔪᓐᓇᖅᑐᑦ ᓱᑲᔪᒃᑯᑦ, ᖃᕋᓴᐅᔭᒃᑯᑦ ᑎᑎᖅᑲᒃᑯᑦ ᐅᕝᕙᓘᓐᓃᑦ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓᒍᑦ.
ᐃᖅᑲᓇᐃᔮᖅᑖᕋᓱᐊᖅᑐᑦ ᓂᕈᐊᖅᑕᑐᐊᖑᔪᑦ ᐊᐱᖅᓱᖅᑕᐅᓂᕐᒧᑦ ᖃᐅᔨᒋᐊᕐᕕᐅᓂᐊᖅᑐᑦ.

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ