ᐅᖃᓚᐅᑎᓯᐅᑏᑦ

You are here

ᓄᓇᓕᖕᓂ ᒪᓕᒐᓕᕆᓂᕐᒧᑦ ᑐᓴᐅᒪᑎᑦᑎᔨ

ᓄᓇᓕᒃ: 
ᑭᖕᖓᐃᑦᒥ
ᓴᓂᕋᔭᒥ
ᓇᓗᓇᐃᒃᑯᑕᖓ: 
05-506851 – Sanirajak, 05-506671 - Kinngait
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᐅᓇ ᐃᖅᑲᓇᐃᔮᒃᓴᖅ ᑭᓪᓕᖃᖅᑎᑕᐅᔪᖅ ᓄᓇᕗᒻᒥᐅᓕᒫᓄᑦ ᐃᓄᓐᓄᑦ ᓄᓇᖃᖅᓱᓂᓗ ᓴᓂᕋᔭᖕᒥ ᑭᙵᕐᓂᓪᓗ.
ᑮᓇᐅᔾᔭᒃᓴᓇᔭᖅᑐᖅ: 
$81,861
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
ᓴᓂᕋᔭᒃ − $23,561.00 ᐊᕐᕌᒍᓕᒫᒧᑦ, ᑭᙵᐃᑦ − $20,980.00 ᐊᕐᕌᒍᓕᒫᒧᑦ
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᑎᓯᐱᕆ 10, 2021 - 11:59pm

ᐅᓇ ᐃᖅᑲᓇᐃᔮᒃᓴᖅ ᑭᓪᓕᖃᖅᑎᑕᐅᔪᖅ ᓄᓇᕗᒻᒥᐅᓕᒫᓄᑦ ᐃᓄᓐᓄᑦ ᓄᓇᖃᖅᓱᓂᓗ ᓴᓂᕋᔭᖕᒥ ᑭᙵᕐᓂᓪᓗ.

ᓄᓇᓕᖕᓂ ᒪᓕᒐᓕᕆᔨᒧᑦ ᐅᖃᖅᐸᒡᓗᓂ, ᓄᓇᓕᖕᓂ ᒪᓕᒐᓕᕆᓂᕐᒧᑦ ᑐᓴᐅᒪᑎᑦᑎᔨ (CJOW) ᐊᐅᓚᑦᑎᓂᐊᖅᑐᖅ ᐊᔪᕈᓐᓃᖅᓴᖅᑎᑦᑎᕙᒡᓗᓂᓗ ᐱᓕᕆᐊᒃᓴᓂ ᓄᓇᓕᖕᓂ ᒪᓕᒐᓕᕆᓂᕐᒧᑦ ᑲᑎᒪᔨᕋᓛᓂᒃ ᐱᔾᔪᑎᖃᖅᑐᓂᒃ ᐅᑎᖅᑎᑦᑎᓂᕐᒥᒃ ᒪᓕᒐᓕᕆᓂᕐᒧᑦ ᑐᕌᖓᑎᑕᐅᔪᓄᑦ ᓯᕗᓂᐊᒍᑦ / ᐸᓯᔭᒃᓴᐅᓕᖅᑎᑦᑎᓪᓗᒋᓪᓗ. ᓄᓇᓕᖕᓂ ᒪᓕᒐᓕᕆᓂᕐᒧᑦ ᑐᓴᐅᒪᑎᑦᑎᔨ ᐱᓕᕆᖃᑎᖃᖃᑦᑕᕐᓂᐊᖅᑐᖅ ᐊᕕᒃᑐᖅᓯᒪᔪᓂᒃ ᓄᓇᓕᖕᓂ ᒪᓕᒐᓕᕆᔨᒥᒃ ᒐᕙᒪᒃᑯᓐᓂ ᐊᑐᓕᖅᑎᑕᐅᔪᓂᒃ ᐊᒻᒪ ᐱᓕᕆᐊᕆᕙᒡᓗᓂᒋᑦ ᐃᓚᒌᓂᒃ ᐋᓐᓂᖅᑎᑕᐅᑦᑕᐃᓕᑕᓂᖏᓐᓄᑦ ᐱᖁᔭᖅ (FAIA). ᐱᖁᔭᕐᒧᑦ ᑐᕌᒐᕆᔭᐅᓂᐊᖅᑐᖅ ᐊᑦᑕᕐᓇᖅᑐᒦᑎᑦᑕᐃᓕᓗᒋᑦ ᐱᕋᔭᒃᑕᐅᓯᒪᔪᑦ ᐃᑲᔪᕐᓗᒋᓪᓗ ᐃᓚᒌᑦ ᐱᕋᔭᒃᑕᐅᓯᒪᔪᑦ ᐃᓚᖏᓪᓗ ᐊᐃᓯᒪᔪᓐᓇᖁᓪᓗᒋᑦ, ᐃᓚᒥᓄᑦ ᑕᑯᖃᑦᑕᐅᑎᔪᓐᓇᕐᓗᑎᒃ, ᐃᓕᓐᓂᐊᕐᕕᖕᒧᐊᕈᓐᓇᕐᓗᑎᒃ, ᐃᖅᑲᓇᐃᔭᕆᐊᕈᓐᓇᕐᓗᑎᒃ ᐊᒻᒪ ᓄᓇᓕᖕᓂ ᐃᑲᔪᖅᓱᖅᑕᐅᓗᑎᒃ.

ᓄᓇᓕᖕᓂ ᒪᓕᒐᓕᕆᓂᕐᒧᑦ ᐃᖅᑲᓇᐃᔭᖅᑎ ᐅᔾᔨᕐᓇᖅᓯᑎᑦᑎᕚᓪᓕᖅᐸᒃᐳᖅ ᑭᒃᑯᑐᐃᓐᓇᕐᓂ ᑐᓴᐅᒪᑎᑦᑎᓂᕐᒥᒃ ᐊᑐᖅᓯᔪᓐᓇᖅᑎᑦᑎᓂᕐᒥᒡᓗ ᐱᓕᕆᕝᕕᐅᔪᓄᑦ ᐃᓚᒌᖕᓄᑦ ᓂᖓᖅᑕᐅᑦᑕᐃᓕᒪᓂᕐᒧᑦ ᐱᖁᔭᕐᓄᑦ ᐱᓕᕆᖃᑎᖃᖅᐸᒡᓗᓂᓗ ᓄᓇᓕᖕᓂ ᒪᓕᒐᓕᕆᓂᕐᒥᑦ ᐃᓚᐅᖃᑕᐅᒋᐊᓕᖕᓄᑦ ᐃᓚᒋᓗᒋᑦ ᐸᓖᓯᒃᑯᑦ, ᓄᓇᓕᖕᓂ ᐃᖅᑲᖅᑐᐃᕕᓕᕆᔨᒃᑯᑦ, ᐃᓄᓕᕆᔨᒃᑯᑦ, ᐃᑲᔪᖅᑕᐅᕕᓕᕆᔩᑦ ᐊᒻᒪ ᑎᒍᔭᐅᓯᒫᓪᓚᓚᐅᖅᖢᑎᒃ ᓇᐅᑦᑎᖅᓱᖅᑕᐅᓂᖏᓐᓂᒃ, ᐊᓯᖏᓪᓗ. ᑖᒃᑯᐊ ᓄᓇᓕᖕᒥ ᒪᓕᒐᓕᕆᓂᕐᒧᑦ ᐃᖅᑲᓇᐃᔭᖅᑎ ᐱᓕᕆᕝᕕᒻᒧᑦ ᑐᖅᑲᑕᕐᕕᐅᓪᓗᐊᑕᖅᑐᑦ ᓄᓇᓕᓐᓄᑦ ᐊᒻᒪ ᑲᑎᖅᓱᐃᓂᒃᑯᑦ ᐊᒻᒪ ᐱᔭᐅᓗᑎᑦ ᓄᓇᕗᑦ ᒐᕙᒪᒃᑯᑦ ᒪᓕᒐᓕᕆᔨᒃᑯᑦ ᐊᒻᒪᓗ ᓄᓇᓕᓐᓂᑦ ᐃᑲᔫᑎᐅᔪᓐᓇᖅᑐᓂᑦ ᖃᐅᔨᒋᐊᕐᕕᔅᓴᓂᑦ ᑐᓴᐅᒪᔾᔪᑎᑦᑎᓗᑎᑦ.

ᖃᐅᔨᒪᓂᖏᑦ, ᐊᔪᙱᓐᓂᖏᓐᓂᖏᓪᓗ ᐱᔭᐅᒐᔪᒃᑐᑦ ᑖᔅᓱᒧᖓ ᐃᓂᐅᔪᒧᑦ ᐃᓕᓐᓂᐊᕈᑎᖏᓐᓂᑦ ᐱᔭᕇᖅᓯᓯᒪᓗᓂ ᖁᕝᕙᓯᖕᓂᓕᖕᒥᒃ ᐱᖓᓱᑦ ᐊᕐᕌᒍᑦ ᐊᔾᔨᑲᓴᖓᓂ ᐱᓕᕆᖃᑦᑕᖅᓯᒪᓂᑰᓗᓂ. ᑕᕝᕙᓂ ᐃᓂᐅᔪᒥ ᖃᐅᔨᒪᓂᖃᑦᑎᐊᕆᐊᓕᒃ ᐱᕋᔭᒃᐸᒃᑐᓕᕆᓂᕐᒧᑦ ᐊᑐᖅᑕᐅᔾᔪᓯᖏᓐᓂᒃ, ᐃᖅᑲᖅᑐᐃᕕᓕᕆᓂᕐᒥᒃ ᐊᒻᒪ ᐃᓐᓇᕐᓄᑦ ᒪᒃᑯᒃᑐᓄᓪᓗ ᒪᓕᒐᓕᕆᓂᕐᒥᑦ ᓄᓇᕗᒻᒥ. ᐃᖅᑲᓇᐃᔭᓕᖅᑐᖅ ᐱᔪᓐᓇᕐᓂᖃᕆᐊᖃᖅᑐᖅ ᐃᖅᑲᓇᐃᔭᕈᓐᓇᕐᓗᓂ ᐃᓄᑑᔾᔨᓗᓂ ᑲᒪᒋᔭᐅᓗᐊᕌᓗᙱᓪᓗᓂ ᐱᓯᒪᓗᓂ ᐊᑑᑎᖃᑦᑎᐊᖅᑐᓂᒃ ᐅᖃᓪᓚᖕᓂᒃᑯᑦ ᑎᑎᕋᕐᓂᒃᑯᓪᓗ ᐊᔪᙱᓐᓂᕐᒥᒃ ᐊᒻᒪᓗᑦᑕᐅᖅ ᐊᑑᑎᖃᑦᑎᐊᖅᑐᒥᒃ ᐅᖃᐅᓯᖃᕐᓂᕐᒥᒃ ᐃᓄᖕᓄᑦ ᐃᓄᒋᐊᒃᑐᒃᑯᕕᖕᓂᒃᓗ ᐅᖃᓪᓚᒍᓐᓇᕐᓂᕐᓂ ᐱᔪᓐᓇᕐᓂᕐᓂᑦ. ᐃᖅᑲᓇᐃᔭᓕᖅᑐᖅ ᐃᖅᑲᓇᐃᔭᕐᓗᓂ ᖃᐅᔨᒪᓂᖃᕆᐊᓕᒃ ᖃᕆᑕᐅᔭᒃᑯᑦ ᑎᑎᕋᕈᑎᓂᒃ ᐊᕕᒃᑐᖅᓯᒪᔪᓂ, ᑎᑎᖅᑲᓕᐅᕈᑎᓂᒃ ᐊᒻᒪ ᐊᔾᔨᙵᐊᖃᖅᑎᑦᑎᔪᓐᓇᖅᑐᓂᒃ ᐱᓕᕆᐊᒃᓴᓂᑦ ᐊᒻᒪ ᐊᐅᓚᑦᑎᔪᓐᓇᕐᓗᓂ ᐃᓄᖕᓄᑦ ᖃᓄᐃᓐᓇᓄᑦ ᑲᑎᒪᓂᕐᓄᓪᓗ. ᑭᖑᓪᓕᖅᐹᖓ, ᐃᖅᑲᓇᐃᔭᓕᖅᑐᖅ ᖃᐅᔨᒪᓂᖃᕆᐊᖃᖅᑐᖅ ᓴᖅᑭᔮᖅᑎᑦᑎᓂᕐᒥᒃ ᐃᓅᓯᕆᔭᒧᑦ-ᒪᑭᑉᐸᓪᓕᐊᔾᔪᑎᒃᓴᓄᑦ ᐱᔾᔪᑎᖏᓐᓂᒃ ᐊᒃᑐᐃᔪᓂᒃ ᐱᓂᕐᓗᒃᑕᐅᔪᓄᑦ ᑐᑭᓯᐊᓂᖃᕐᓗᓂᓗ ᐱᓂᕐᓗᒃᑕᐅᔪᓄᑦ ᐱᕋᔭᖕᓂᕐᒧᑦ ᐱᔾᔪᑎᓂᑦ. ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᖅ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ. ᐃᖅᑲᓇᐃᔭᖅᑖᕋᓱᐊᖅᑐᑦ ᐃᖅᑲᓇᐃᔭᖅᑖᕋᓱᐊᕈᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ. ᐅᖃᓪᓚᒍᓐᓇᕆᐊᓕᒃ ᐃᓄᒃᑐᒃ ᑖᔅᓱᒧᖓ ᐃᖅᑲᓇᐃᔮᒧᑦ.  ᖃᐅᔨᒪᒃᐸᑦ ᐃᓄᐃᑦ ᓄᓇᓕᓐᓂ, ᐃᓕᖅᑯᓯᖏᓐᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᓄᒃᑐᑦ ᐱᓕᕆᖃᑦᑕᖅᓯᒪᓗᓂᓪᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᑦ ᑖᑦᓱᒧᖓ ᐃᖅᑲᓇᐃᔮᖅᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᓱᐊᖁᔨᑦᓱᑕ ᐃᓕᓐᓂᑦ ᓇᓕᒧᓱᑦᑐᓂᑦ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒪᓂᕐᒧᑦ ᐃᓕᓐᓂᐊᖅᓯᒪᓂᕐᒧᑦ ᐱᓕᕆᖃᑦᑕᖅᓯᒪᓂᕐᒧᓪᓗ ᐱᔭᕆᐊᖃᖅᑐᓂᑦ ᖁᓛᓂᑦ ᑎᑎᕋᖅᓯᒪᔪᓂᑦ. ᖃᐅᔨᒪᓗᓂ ᐃᓄᐃᑦ ᐃᓕᖅᑯᓯᖏᓐᓂᒃ ᐃᓄᐃᓪᓗ ᖃᐅᔨᒪᔭᑐᖃᖏᑕ ᐃᓗᓕᖏᓐᓂᒃ ᐱᔾᔪᑎᖃᕐᓂᖏᓐᓄᑦ ᐃᓅᖃᑎᒌᓄᑦ ᒪᓕᒐᓕᕆᓂᕐᒥᒃ ᐊᒻᒪ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ ᐱᔭᕆᐊᖃᖅᐸᑦ.

ᐃᖅᑲᓇᐃᔮᖅᑖᕋᓱᒃᑐᓄᑦ ᐊᑏᑦ ᐃᓚᔭᐅᑐᐃᓐᓇᕆᐊᓕᒃ ᓯᕗᓂᒃᓴᒥ ᐃᖅᑲᓇᐃᔮᒃᓴᓄᑦ

 

ᐃᖅᑲᓇᐃᔮᒃᓴᒧᑦ ᐱᓇᔪᒍᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᖅᑕᑎᑦ ᐱᔪᒪᔾᔪᑎ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᕐᓄᑦ ᓇᓗᓇᐃᔭᖅᓯᒪᔪᑦ ᓇᒃᓯᐅᑎᓗᒋᑦ ᐅᕗᖓ IGLOOLIK_HR@gov.nu.ca.. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓐᓄᑦ ᐃᕐᖐᓐᓈᖅᑕᐅᒃᑯᑦ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᖁᓪᓗᒋᑦ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖅᑳᖁᓪᓗᒋᑦ ᓄᓇᕗᒻᒥ ᐃᖅᑲᓇᐃᔭᖅᑎᑖᕋᓱᖕᓂᕐᒧᑦ ᐊᑐᐊᒐᖅ ᒪᓕᓪᓗᒍ.
  • ᐃᖅᑲᓇᐃᔮᖅᑖᖅᑐᑦ ᐃᓚᖏᓐᓂ ᖃᐅᔨᓴᖅᑕᐅᔭᕆᐊᖃᓲᖑᖕᒪᑕ ᐱᕋᔭᓚᐅᖅᓯᒪᔪᕕᓂᐅᓂᕐᒧᑦ ᑎᑎᖅᑲᖁᑎᖏᓐᓂᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᕈᑕᐅᙱᑐᐃᓐᓇᕆᐊᖃᖅᑐᖅ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᒃᑲᓐᓂᕐᓗᑎᒡᓗ.
  • ᐃᖅᑲᓇᐃᔮᒥᑦ ᐆᒃᑐᕈᒪᔪᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᑦᑕ ᐱᔪᒥᓴᐅᑎᖓᓂᑦ ᑐᓂᓯᔭᕆᐊᓕᒃ ᐅᖃᐅᓯᖅ ᓇᓕᐊᑐᐃᓐᓇᖅ ᐊᑐᕐᓗᒍ ᐃᓕᓴᕆᔭᐅᓯᒪᔪᓂᑦ.
  • ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓕᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.
  • ᐃᖅᑲᓇᐃᔮᒧᑦ ᐅᓂᒃᑳᖅᓯᒪᔪᑦ ᐱᔭᒃᓴᐅᔪᑦ ᓱᒃᑲᔪᒃᑯᑦ, ᖃᕆᑕᐅᔭᒃᑯᑦ ᐃᕐᖐᓐᓈᐅᑎᒃᑯᑦ ᐃᑭᐊᖅᑭᕕᒃᑯᓪᓘᓐᓃᑦ.
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ.
Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ