ᐅᖃᓚᐅᑎᓯᐅᑏᑦ

You are here

ᓄᓇᓕᒻᒥ ᒪᓕᒐᓕᕆᓂᕐᒧᑦ ᐱᓕᕆᔨ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
05-506662
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᐃᖅᑲᓇᐃᔮᒃᓴᖅ ᐅᑯᓄᖓᑐᐊᖅ ᑐᕌᖓᔪᖅ ᓄᓇᖃᖅᑐᓄᑦ ᐃᖃᓗᖕᓂᑦ ᑭᓯᐊᓂ. (ᓄᓇᕗᒻᒥᐅᑕᒧᑦ ᐃᓐᓄᒃᑕᐅᖏᑉᐸᑦ ᐃᖅᑲᓇᐃᔮᒃᓴᖅ 3 ᐃᓂᒋᔭᐅᑲᐃᓐᓇᕐᓂᐊᖅᑐᖅ.)
ᑮᓇᐅᔾᔭᒃᓴᓇᔭᖅᑐᖅ: 
$92,196.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016.00
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 29, 2021 - 11:59pm

ᑖᓐᓇ ᐊᑦᑐᖅᑕᐅᓴᕋᐃᑦᑐᒦᑦᑐᖅ ᐃᖅᑲᓇᐃᔮᖅ ᐊᒻᒪ ᓈᒻᒪᒋᔭᐅᔪᓂᑦ ᐱᕋᔭᓚᐅᖅᓯᒪᖏᓐᓂᖓᓄᑦ ᖃᐅᔨᓴᖅᑕᐅᔭᕆᐊᓕᒃ, ᐊᒻᒪᓗᑦᑕᐅᖅ ᐊᑦᑕᓇᕈᓐᓇᕐᓂᖓᓄᑦ ᖃᐅᔨᓴᖅᑕᐅᔭᕆᐊᓕᒃ.

ᐅᓇ ᐃᖅᑲᓇᐃᔮᒃᓴᖅ ᐅᑯᓄᖓᑐᐊᖅ ᑐᕌᖓᔪᖅ ᓄᓇᖃᖅᑐᓄᑦ ᐃᖃᓗᖕᓂᑦ ᑭᓯᐊᓂ.

ᐊᖏᔪᖅᑳᖃᖅᑐᓂ ᓄᓇᓕᒻᒥ ᒪᓕᒐᓕᕆᓂᕐᒧᑦ ᐊᐅᓚᑦᑎᔨ,  ᓄᓇᓕᒻᒥ ᒪᓕᒐᓕᕆᓂᕐᒧᑦ ᐱᓕᕆᔨ (CJS) ᑲᒪᒋᔭᖃᓂᐊᖅᓐᑐᖅ ᐱᔨᑦᑎᖅᑕᐅᔪᓂᑦ ᓄᓇᓕᒻᒧ ᒪᓕᒐᓕᕆᓂᕐᒧᑦ ᐱᓕᕆᕕᒻᒧᑦ ᓄᓇᓕᒻᒧᑦ ᐊᐅᓚᑕᐅᔪᓂᑦ ᒪᓕᒐᓕᕆᓂᕐᒧᑦ ᐱᓕᕆᐊᓕᐅᖅᑕᐅᔪᓂᑦ ᐃᓚᖓᓐᓂᑦ ᑎᓴᒪᐅᔪᓂᑦ ᓄᓇᕗᒻᒥ ᐊᕕᑦᑐᖅᓯᒪᔪᓂᑦ.ᓴᖅᑭᑎᑦᑎᓂᐊᖅᑐᑎᑦ ᐊᒻᒪ ᑐᓂᓗᒋᑦ ᐱᖅᑯᓯᓅᖓᔪᓂᑦ ᐊᑦᑐᐊᓂᓕᓐᓄᑦ ᓯᕗᓂᐊᒍᑦ ᐊᒻᒪ ᑭᖑᓂᐊᒍᑦ ᐃᖅᑲᖅᑐᕋᔅᓴᐅᑎᓪᓗᒋᑦ ᑭᐅᔾᔪᑎᓂᑦ ᓴᖑᑎᑦᑎᔾᔪᑎᓄᑦ, ᐱᕋᔭᑦᑕᐃᓕᑎᑦᑎᓂᕐᒥᑦ ᐱᓕᕆᔭᐅᔪᓂᑦ, ᒪᓕᒐᓕᕆᓂᕐᒧᑦ ᐃᓕᓐᓂᐊᑎᑦᑎᓂᖅ, ᐊᒻᒪ ᐃᑲᔪᖅᑐᐃᓂᖅ ᐅᔭᐅᖅᓯᒋᐊᓂᕐᒧᑦ. CJS ᓴᖅᑭᔮᖅᑎᑕᖏᑦ ᐱᕙᓪᓕᐊᑎᑕᐅᓂᖓ ᐊᒻᒪ ᐊᑐᓕᖅᑎᑕᐅᓂᖓ ᐊᓯᖏᓐᓂ ᓄᓇᓕᒻᒧᑦ ᐊᐅᓚᑕᐅᔪᑦ ᒪᓕᒐᓕᕆᓂᕐᒧᑦ ᐱᓕᕆᐊᖑᔪᑦ, ᐃᑲᔪᕐᓂᖅ ᐋᓐᓂᖅᑕᐅᓯᒪᔪᓂᑦ ᐱᕋᔭᓐᓂᒃᑯᑦ ᐊᑖᓂ ᐃᓚᒌᓂ ᐋᓐᓂᖅᑎᕆᑎᑦᑕᐃᓕᓂᕐᒧᑦ ᐱᖁᔭᖅ.

ᐃᓚᖏᑦ ᑲᒪᒋᔭᓪᓗᐊᑕᕆᐊᖃᖅᑕᖏᑦ ᐱᖃᓯᐅᔾᔨᔪᑦ: ᑕ−ᕗᖓᑦᑕᐅᑎᒋ ᑲᒪᔨᐅᓂᕐᒧᑦ ᓄᓇᓕᒻᒥ ᒪᓕᒐᓕᕆᓂᕐᒧᑦ ᑐᓴᖅᑎᑦᑎᒋᐊᖅᑎᓂᑦ ᐱᔾᔪᑎᖃᖅᑐᓂᑦ ᖃᓄᐃᓘᖃᑦᑕᕐᓂᖏᓐᓄᑦ, ᐅᐸᖃᑦᑕᕐᓂᖏᓐᓄᑦ, ᓄᖅᑲᖓᑲᐃᓐᓇᕐᓂᖏᓐᓄ ᐊᒻᒪ ᖃᐅᔨᓴᑕᐅᓂᖏᓐᓄᑦ; ᐃᓕᓐᓂᐊᑎᑦᑎᓪᓗᓂ ᐱᕙᓪᓕᐊᑎᑦᑎᓂᕐᒥᑦ; ᐃᓕᓐᓂᐊᑎᑦᑎᓪᓗᓂ ᐊᒻᒪ ᐃᑲᔪᐃᓐᓇᖃᑦᑕᖅᑐᓂ ᓄᓇᓕᒻᒥ ᒪᓕᒐᓕᕆᓂᕐᒧᑦ ᑲᑎᒪᔨᕋᓛᓂᑦ; ᖃᐅᔨᒪᓂᖃᖅᑎᑦᑎᓗᓂ ᐊᒻᒪ ᐊᔪᖏᓐᓂᐅᔪᓂᑦ ᒪᓕᒐᓕᕆᓂᕐᒧᑦ ᐊᑐᖅᑕᐅᔪᓐᓇᖅᑐᓂᑦ; ᖃᐅᔨᓴᖃᑦᑕᕐᓂᖅ ᓄᓇᓕᒻᒧᑦ ᐊᐅᓚᑕᐅᔪᓂᑦ ᒪᓕᒐᓕᕆᓂᕐᒧᑦ ᐱᓕᕆᐊᓂᑦ ᐊᐅᓚᓂᖃᑦᑎᐊᖁᓪᓗᒋᑦ ᐊᒻᒪ ᐊᑐᑦᑎᐊᕐᓗᑎ ᓴᖅᑭᑎᑦᑎᓗᒥᓂ ᐊᑐᓕᖁᔭᐅᔪᓂᑦ; ᐃᑲᔪᖃᑦᑕᕐᓂᖅ ᓄᓇᓕᒻᒥ ᒪᓕᒐᓕᕆᓂᕐᒧᑦ ᐊᐅᓚᑦᑎᔨᒥᑦ ᐋᖅᑭᓱᖅᑕᐅᓂᖏᓐᓄᑦ ᐋᖅᑭᒍᑏᑦ ᓇᓗᓇᐃᕐᓗᒋᑦ ᐱᔭᐅᔭᕆᐊᓖᑦ. ᐃᖅᑲᓇᐃᔮᑖᖅᑐᖅ ᑲᒪᒋᔭᖃᓂᐊᕐᒥᔪᖅ ᒪᓕᓐᓂᖃᖁᔨᓗᓂ ᐅᖃᖅᓯᒪᓂᖏᓐᓄᑦ ᓇᓗᓇᐃᔭᖅᓐᓯᒪᔪᑦ ᑐᓂᓯᓂᕐᒧᑦ ᐊᖏᕈᑎᓂᑦ ᓇᓗᓴᐃᕐᓗᒋᑦ ᐱᓕᕆᐊᑦ ᐊᑐᓕᖅᑎᑕᐅᒐᓗᐊᕐᒪᖔᑕ.

ᖃᐅᔨᒪᓂᖏᑦ, ᐊᔪᖏᓐᓂᖏᑦ, ᐊᒻᒪ ᐱᔪᓐᓇᕐᓂᖏᑦ ᐱᑕᖃᕆᐊᖃᖅᑎᑕᐅᔪᑦ ᐱᔭᐅᒐᔪᑦᑐᑦ ᐅᑯᑎᒎᓇ ᐱᔭᕇᖅᓯᓯᒪᓂᕐᒧᑦ ᓇᓗᓇᐃᒃᑯᑕᖅ ᐃᓕᓴᕆᔭᐅᓯᒪᔪᒥᑦ ᐃᓕᓐᓂᐊᕕᒻᒥ ᐃᓅᓯᓕᕆᓂᕐᒧᑦ ᖃᐅᔨᓴᕐᓂᐅᔪᓂᑦ ᐅᕝᕙᓘᓐᓃᑦ ᐊᑦᑐᐊᓂᓕᓐᓄᑦ ᐃᖅᑲᓇᐃᔮᒧᑦ ᐊᒻᒪᓗ ᐱᖓᓱᓂ (3) ᐊᕐᕌᖑᓂ ᐃᖅᑲᓇᐃᔮᒧᑦ ᐊᑦᑐᐊᓂᓕᒻᒧᑦ ᐃᖅᑲᓇᐃᔭᖃᑦᑕᖅᓯᒪᓗᓂ. ᑲᒪᔨᐅᖃᑦᑕᖅᓯᒪᓗᓂ ᐅᕝᕙᓘᓐᓃᑦ ᐊᐅᓚᑦᑎᓗᓂ ᐃᖅᑲᓇᐃᔭᖅᑎᓂᑦ ᐱᑕᖃᕆᐊᖃᖅᑎᑕᐅᒻᒥᔪᑦ ᑖᔅᓱᒧᖓ ᐃᖅᑲᓇᐃᔮᔅᓴᒧᑦ. ᐊᓪᓚᕕᒻᒥ ᐊᐅᓚᑦᑎᓂᕐᒧᑦ ᐃᖅᑲᓇᐃᔭᖃᑦᑕᖅᓯᒪᓗᓂ ᐃᓱᒪᒋᔭᐅᒐᔭᖅᑐᑦ ᐱᑕᖃᕆᐊᖃᖅᑐᑎᑦ.

ᐊᔾᔨᐸᓗᖏᓐᓂ ᐱᓯᒪᑦᑎᔪᑦ ᓈᒻᒪᒋᔭᐅᔪᓂᑦ ᑲᑎᓐᖓᔪᓂᑦ ᐃᓕᓐᓂᐊᖅᓯᒪᓂᒐ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐃᓱᒪᒋᔭᐅᓂᐊᖅᑐᑦ.

ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᓄᓇᕗᒻᒥ ᐃᓄᑦᑎᑐᑦ, (ᐃᓄᐃᓐᓇᖅᑐᓐ), ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ. ᖃᐅᔨᒪᓂᖃᕐᓗᓂ ᐃᓄᐃᑦ ᐅᖃᐅᓯᖓᓐᓂ, ᓄᓇᓕᖏᓐᓂ, ᐱᖅᑯᓯᖏᓐᓂ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐱᑕᖃᕆᐊᖃᖅᑐᑦ.

ᒫᓐᓇ ᐃᖅᑲᓇᐃᔮᖃᓪᓚᕆᑦᑐᑦ ᒐᕙᒪᒃᑯᖏᓐᓂ ᓄᓇᕗᑦ ᐃᖅᑲᓇᐃᔮᖅᑖᕋᓱᐊᖅᑐᑦ ᐱᔭᐅᒍᓂ ᑕᕝᕗᖓ ᐃᖅᑲᓇᐃᔮᕐᒧᑦ ᒪᓂᒪᑎᑦᓯᕕᐅᑐᐃᓐᓇᕆᐊᓕᒃ ᐃᓗᐊᓂ ᐊᐅᓪᓛᖅᑎᑕᐅᓂᕐᒥᒃ ᐊᑑᑎᓂᖓᓂᒃ ᐃᖅᑲᓇᐃᔮᖅ ᐊᖓᔪᖅᑳᒧᑦ ᐊᖏᖅᑕᐅᑐᐊᕈᓂ.

ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᑕᐅᔪᓐᓇᖅᑐᑦ ᐃᓐᓄᐃᓂᐊᕐᓗᑎ ᓯᕗᓂᔅᓴᒥ ᐃᓐᓄᑦᑕᐅᓯᒪᖏᑦᑐᓂ

 

ᐃᖅᑲᓇᐃᔮᖅᑕᕆᒐᓱᐊᕈᒪᒋᒍᕕᐅᒃ ᑖᓐᓇ ᐃᖅᑲᓇᐃᔮᔅᓴᖅ, ᐊᐅᓪᓚᑎᓪᓗᒋᑦ ᑎᑎᖅᑲᖅ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᐅᕗᖓ GNHR@gov.nu.ca. ᓇᓗᓇᐃᕐᓗᒍ ᖃᐅᔨᒋᐊᕐᕕᖓᑕ ᓈᓴᐅᑎᖓ ᑭᓱᒧᑦ ᐱᔾᔪᑎᖓᓂ ᐃᕝᕕᑦ ᖃᕋᓴᐅᔭᒃᑯᑦ ᐊᐅᓪᓚᖅᑎᑕᖓᒍᑦ.

  • ᓄᓇᕗᑦ ᒐᕙᒪᒃᑯᑦ ᑲᔪᖏᖅᓯᒪᔪᑦ ᓴᖅᑭᑎᑦᑎᓂᕐᒥᑦ ᑭᒡᒐᖅᑐᐃᓂᖅᓴᓂᑦ ᐃᖅᑲᓇᐃᔭᖅᑎᓂᑦ ᑐᑭᓯᑦᑎᐊᓂᖅᓴᐅᔪᓐᓇᓂᐊᕐᒪᑕ  ᐊᒻᒪ ᐱᔨᑦᑎᕐᓗᒋᑦ ᐱᔭᕆᐊᖃᖅᑕᖏᓐᓂᑦ ᓄᓇᕗᒻᒥᐅᑦ. ᓯᕗᓪᓕᐅᔾᔭᐅᓂᐊᖅᑐᑦ ᓄᓇᕗᒻᒥ ᐃᓄᐃᑦ ᓇᓗᓇᐃᖅᓯᑦᑎᐊᕆᐊᓖᑦ ᑭᓇᐅᓂᕐᒥᓂ ᐱᔪᓐᓇᖅᑎᑕᐅᓂᖏᓐᓄᑦ ᐱᑎᑕᐅᓂᐊᕐᓗᓂ ᓯᕗᓪᓕᐅᔾᔭᐅᓂᕐᒧᑦ ᐃᓱᒪᒋᔭᐅᓂᕐᒧᑦ ᐊᑖᓂ ᓄᓇᕗᒻᒥ ᓯᕗᓪᓕᐅᔾᔭᐅᔭᕆᐊᓕᓐᓂ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᐊᒐᖅ.
  • ᐃᖅᑲᓇᐃᔮᔅᓴᐃᑦ ᐃᓚᖏᓐᓂᑦ ᐃᓂᐅᔪᓂᑦ ᐱᑕᖃᕆᐊᖃᖅᑎᑕᐅᔪᑦ ᖃᐅᔨᓴᖅᑕᐅᓗᑎ ᓈᒻᒪᒋᔭᐅᔪᒥᑦ ᐱᕋᔭᓚᐅᖅᓯᒪᖏᓐᓂᖓᓄᑦ. ᐱᕋᔭᒪᐅᖅᓯᒪᓂᐅᔪᖅ ᐱᓇᓱᐊᕈᓐᓇᐃᓕᑎᑦᑎᖏᑦᑐᖅ ᐃᓱᒪᒋᔭᐅᒃᑲᓂᕐᓂᐊᕐᓗᓂ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᑐᓂᓯᒍᓐᓇᖅᑐᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂ ᑎᑎᕋᖅᓯᒪᔪᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᓂᕈᐊᖅᑕᖏᓐᓂᑦ.
  • ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᑕᐅᔪᓐᓇᖅᑐᑦ ᐃᓐᓄᐃᓂᐊᕐᓗᑎ ᓯᕗᓂᔅᓴᒥ ᐃᓐᓄᑦᑕᐅᓯᒪᖏᑦᑐᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᓂᖏᑦ ᐱᔭᐅᔪᓐᓇᖅᑐᑦ ᓱᑲᔪᒃᑯᑦ, ᖃᕋᓴᐅᔭᒃᑯᑦ ᑎᑎᖅᑲᒃᑯᑦ ᐅᕝᕙᓘᓐᓃᑦ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓᒍᑦ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᓂᕈᐊᖅᑕᑐᐊᖑᔪᑦ ᐊᐱᖅᓱᖅᑕᐅᓂᕐᒧᑦ ᖃᐅᔨᒋᐊᕐᕕᐅᓂᐊᖅᑐᑦ.
Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ