ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᓂᐅᕕᖅᑎ − ᖃᕆᓴᐅᔭᓕᕆᔾᔪᑎᑦ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
14-505885
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$88,608.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016.00
ᒪᑐᕝᕕᒃᓴᖓ: 
ᐄᐳᕈ 03, 2020

ᐅᓇ ᐃᖅᑲᓇᐃᔮᒃᓴᖅ ᒪᒃᐲᖓᔪᖅ ᐆᒃᑐᕈᒪᔪᓕᒫᓄᑦ.

ᓂᐅᕕᖅᑐᓕᕆᔨᒻᒪᕆᖕᒧᑦ ᑐᓴᖅᑎᑦᑎᕙᒡᓗᓂ, ᓂᐅᕕᖅᑎ − ᖃᕆᓴᐅᔭᓕᕆᔾᔪᑎᓂᑦ ᑲᒪᒋᔭᒃᓴᖃᖅᐳᖅ ᓂᐅᕕᖅᐸᒃᑐᑦ ᐱᔨᑦᑎᕋᐅᑎᖏᓐᓂᒃ ᐱᖁᑎᓄᑦ ᐱᔨᑦᑎᕋᐅᑎᓄᓪᓗ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᓐᓄᑦ ᑐᑦᑕᕐᕕᖏᓐᓄᓪᓗ. ᑖᔅᓱᒥᖓ ᐃᖅᑲᓇᐃᔮᓕᒃ ᐱᖁᑎᓂᒃ ᓂᐅᕕᐊᒃᓴᓕᕆᒻᒪᕆᐅᓂᐊᖅᐳᖅ ᖃᕆᓴᐅᔭᓕᕆᔾᔪᑎᓂᒃ ᓂᐅᕕᖅᑕᐅᔪᓂᑦ ᓇᓂᓕᒫᖅ ᓄᓇᕗᑦ ᒐᕙᒪᒃᑯᓐᓂ. ᐅᑯᓂᖓ ᐃᓚᖃᕈᓐᓇᖅᑐᖅ ᑖᒃᑯᐊᑐᐊᖑᙱᖦᖢᑎᒡᓗ ᖃᐅᔨᓴᕐᓂᖅ, ᐊᑐᖅᑕᐅᖃᑦᑕᕐᓂᐊᖅᑐᓂᒃ ᓂᐅᕕᖅᑕᐅᔪᓂᓪᓗ ᖃᕆᓴᐅᔭᒃᑯᑦ ᐊᑐᒐᕐᓂᒃ ᖃᕆᓴᐅᔭᓕᕆᔾᔪᑎᓂᓪᓗ ᐱᔨᑦᑎᖅᑕᐅᔪᓄᑦ, ᐊᒻᒪᓗᑦᑕᐅᖅ ᐱᖁᑎᓄᑦ ᐱᔨᑦᑎᕋᐅᑎᓄᓪᓗ ᓄᓇᕗᑦ ᒐᕙᒪᒃᑯᑦ ᑐᓴᐅᒪᖃᑦᑕᐅᑎᔾᔪᑎᖏᓐᓄᑦ ᐊᒃᑐᐊᓂᓕᖕᓂᒃ. ᑖᔅᓱᒥᖓ ᐃᖅᑲᓇᐃᔮᓕᒃ ᐃᑲᔪᖃᑦᑕᕐᓂᐊᖅᐳᖅ ᐊᓪᓚᕝᕕᓕᕆᔨᒻᒪᕆᖕᓂᒃ ᐊᒻᒪ ᐱᓕᕆᕝᕖᑦ ᐊᐅᓚᑦᑎᔨᖏᓐᓂᒃ ᐊᑐᕆᐊᓕᖏᓐᓂᒃ ᓇᓗᓇᐃᖅᓯᓗᑎᒃ ᐊᒻᒪ ᑐᑭᓯᒋᐊᕈᑎᒃᓴᓂᒃ ᐊᔪᕆᖅᓲᔾᔨᓯᒪᔪᓂᒡᓗ ᓴᖅᑭᑎᑦᑎᓗᑎᒃ ᓂᐅᕕᐊᖑᔪᑦ ᐱᓕᕆᔾᔪᓯᖏᓐᓂᒃ ᐱᔭᐅᓂᐊᖅᑐᓄᑦ ᑐᕌᖓᔪᓂᒃ ᖃᕆᓴᐅᔭᓕᕆᔨᒃᑯᓐᓂ ᐱᖁᑎᓄᑦ ᐱᔨᑦᑎᕋᐅᑎᓄᓪᓗ.

ᑕᒪᒃᑭᖅᖢᒋᑦ ᐱᓕᕆᐊᒃᓴᖏᑦ ᐱᔾᔪᑎᖏᓪᓗ ᑖᔅᓱᒪ ᐃᖅᑲᓇᐃᔮᒃᓴᐅᑉ ᐊᐅᓚᑦᑎᔭᕆᐊᖃᖅᐳᑦ ᑐᓴᐅᒪᑎᑦᑎᕙᒡᓗᓂᓗ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐊᒻᒪ ᓂᐅᕕᖅᑎᑦᑎᔨᓂᑦ ᐊᔾᔨᒌᒃᑎᓪᓗᒋᑦ ᓂᐅᕕᖅᑎᑦᑎᖃᑦᑕᖁᓪᓗᒋᑦ ᐱᖁᑎᓂᒃ, ᓱᓇᒃᑯᑖᓂᒃ ᐊᒻᒪ ᐱᔨᑦᑎᕋᐅᑎᓂᒃ ᐊᐅᓚᑦᑎᕖᑦ ᐱᔭᕆᐊᓕᖏᓐᓂᒃ ᒪᓕᖁᓪᓗᒋᑦ. ᐃᖅᑲᓇᐃᔭᖅᑎᙳᖅᑐᖅ ᐋᖅᑭᒃᓱᐃᖃᑦᑕᕐᓂᐊᖅᐳᖅ ᐱᓕᕆᖃᑎᒌᒃᑎᑦᑎᔪᓐᓇᑦᑎᐊᕐᓗᓂᓗ ᓂᐅᕕᖅᐸᒃᑐᓂᑦ, ᓈᒻᒪᒃᓯᔭᕌᖓᑦ ᖃᐅᔨᓴᖅᐸᒡᓗᓂ ᐊᑭᖏᑕ ᖃᓄᐃᓕᕙᓪᓕᐊᓂᖏᓐᓂᒃ ᐊᒻᒪ ᓂᐅᕕᖅᑎᑦᑎᔨᑦ ᐱᓕᕆᐊᖏᓐᓂᒃ ᐊᒻᒪ ᐊᐅᓚᑦᑎᔨᐅᔪᑦ ᑳᑦᑐᓛᖏᓐᓂᒃ. ᑖᓐᓇ ᐃᖅᑲᓇᐃᔮᒃᓴᖅ ᑭᒡᒐᖅᑐᐃᔨᐅᕗᖅ ᓄᓇᕗᑦ ᒐᕙᒪᒃᑯᓐᓂ ᑭᒃᑯᑐᐃᓐᓇᓄᑦ ᐊᒻᒪ ᓵᑕᐅᓕᕈᓐᓇᕐᓗᓂ ᐅᑯᓄᖓ ᓄᓇᕗᑦ ᒐᕙᒪᒃᑯᑦ ᓂᐅᕕᖅᑕᐅᔪᑦ ᐊᑐᐊᒐᖏᓐᓂᒃ ᐊᒻᒪ ᐱᓕᕆᔾᔪᓯᖏᓐᓂᒃ.

ᖃᐅᔨᒪᔭᕆᐊᓕᖏᑦ, ᐊᔪᙱᑦᑕᕆᐊᓕᖏᑦ ᐊᒻᒪ ᐱᓕᕆᔪᓐᓇᕆᐊᓕᖏᑦ ᐃᖅᑲᓇᐃᔮᒧᑦ ᐱᔭᐅᓯᒪᓕᕋᔪᒃᐳᑦ ᐊᓂᒍᐃᔾᔪᑎᖃᕐᓗᓂ ᖃᕆᓴᐅᔭᓕᕆᔾᔪᑎᓂᒃ ᖃᐅᔨᓴᕐᓂᕐᒥᒃ, ᖃᕆᓴᐅᔭᓕᕆᔾᔪᑎᓂᒃ ᐅᕝᕙᓘᓐᓃᑦ ᐊᒃᑐᐊᓂᓕᖕᒥᑦ ᓴᓇᕝᕕᖕᒥ ᐊᕐᕌᒍᓂ ᑎᓴᒪᓂᒃ ᑕᐃᒪᐃᑦᑐᒥᑦ ᐱᓕᕆᖃᑦᑕᖅᓯᒪᓗᓂ.  ᑎᑎᕋᕈᓐᓇᑦᑎᐊᕐᓗᓂ ᐊᒻᒪ ᑎᑎᕋᕈᓐᓇᕐᓗᓂ ᖃᕆᓴᐅᔭᓕᕆᔾᔪᑎᓂᒃ ᑎᑎᖅᑲᓂᒃ.

ᓄᓇᕗᒻᒥ ᐅᖃᐅᓯᖅᑕᕆᔭᐅᔪᑦ ᐅᑯᐊᖑᕗᑦ ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᖃᓪᓗᓈᑐᑦ ᐊᒻᒪ ᐅᐃᕖᑐᑦ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᖅᑕᕆᔭᒥᒃ ᐃᑲᔫᑎᖃᑦᑎᐊᕋᔭᖅᐳᖅ. ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓂᒃ, ᓄᓇᓕᖕᓂᑦ, ᐱᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐱᕚᓪᓕᕈᑕᐅᓇᔭᖅᐳᖅ

ᐃᓕᓐᓂᐊᖅᓯᒪᓂᖓ, ᖃᐅᔨᒪᓂᖓ, ᐱᓕᕆᔪᓐᓇᕐᓂᖓ ᐊᒻᒪ ᐊᔪᖏᓐᓂᖓ ᑲᑎᓪᓗᒋᑦ ᐃᓕᓐᓂᐊᓚᕆᒃᓯᒪᔪᑐᑦ ᐊᒻᒪ ᐱᓕᕆᓯᒪᓪᓚᕆᒃᑐᑐᑦ ᐃᓱᒪᒋᔭᐅᑐᐃᓐᓇᕆᐊᓕᒃ.

ᐃᖅᑲᓇᐃᔭᖅᑎᙳᖅᑐᖅ ᐃᓚᐅᔪᒪᑦᑎᐊᖃᑦᑕᕆᐊᓕᒃ ᐃᓕᓐᓂᐊᖅᑎᑕᐅᖏᓐᓇᖃᑦᑕᖅᑐᓂᑦ ᓴᓇᕝᕕᖕᓂ ᐃᓕᓴᕆᔭᐅᓯᒪᔪᒥᑦ ᐊᑐᐃᓐᓇᐅᑎᑦᑎᓲᓂᑦ ᐃᖅᑲᓇᐃᔭᕐᕕᖕᒥ ᐱᓕᕆᔨᒻᒪᕇᑦ ᓂᐅᕕᖃᑦᑕᖅᑐᑦ ᐃᓕᓐᓂᐊᒐᒃᓴᖏᓐᓂᒃ.

      ᐱᓇᔪᒍᓐᓇᖅᑐᓂᒃ ᑎᑎᕋᖅᓯᒪᔪᓂᒃ ᓴᖅᑭᑎᑕᐅᔪᖃᑐᐃᓐᓇᕆᐊᓕᒃ ᓯᕗᓂᒃᓴᑦᑎᓐᓂ ᐃᖅᑲᓇᐃᔮᒃᓴᓂᒃ ᓴᖅᑭᑎᑕᐅᔪᖃᓕᖅᐸᑦ.     

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ