ᐅᖃᓚᐅᑎᓯᐅᑏᑦ

You are here

ᓂᕐᔪᑎᓂᒃ ᖃᐅᔨᓴᖅᑎᑉ ᐃᑲᔪᖅᑎᖓ II - ᐱᓕᒻᒪᒃᓴᖅᑐᖅ

Community: 
ᐃᒡᓗᓕᖕᒥ
Reference number: 
13-505467
Type of Employment 2: 
ᐃᓱᓕᕝᕕᒃᓴᓕᒃ ᐃᓱᓕᕝᕕᒃᓴᖓ ᐊᐃᕐᕆᓕ 23, 2021
Salary: 
$85,215.00
Northern Allowance: 
$ 22,579.00
Closing Date: 
ᓯᑎᐱᕆ 27, 2019

ᐃᖅᑲᓇᐃᔮᒃᓴᖅ ᑕᑎᒋᔭᐅᔭᕆᐊᖃᕐᓇᖅᑑᓪᓗᓂ ᐱᕋᔭᒃᓯᒪᓂᑰᖏᒃᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᓕᒃ.

ᐃᖅᑲᓇᐃᔭᖅᑐᓕᕆᓂᕐᒧᑦ ᐊᑐᐊᒐᖅ 518 ᒪᓕᒡᓗᒍ, ᐅᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᐅᓄᑦ ᐃᓄᖕᓄᑐᐊᖅ ᐱᓇᓱᒃᑕᐅᔪᓐᓇᖅᑐᖅ.

ᐅᖃᕐᕕᖃᖅᐸᒡᓗᓂ ᐆᒪᔪᓕᕆᓂᕐᒧᑦ ᖃᐅᔨᓴᕐᓂᕐᒥᒃ ᐊᐅᓚᑦᑎᔨᒧᑦ, ᓂᕐᔪᑎᓂᒃ ᖃᐅᔨᓴᖅᑎᐅᑉ ᐃᑲᔪᖅᑎᖓ II − ᐱᓕᒻᒪᒃᓴᖅᑐᖅ ᑲᒪᒋᔭᖃᕐᓂᐊᖅᑐᖅ ᐊᑐᐃᓐᓇᐅᑎᑦᑎᓂᕐᒥᒃ ᖃᕆᑕᐅᔭᓕᕆᓂᕐᒧᑦ ᐃᑲᔪᖅᓱᐃᓂᕐᒥᒃ ᐱᓕᕆᐊᒃᓴᓕᒫᓄᑦ ᐆᒪᔪᓕᕆᓂᖕᒧᑦ ᖃᐅᔨᓴᕐᓂᕐᒧᑦ ᐱᓕᕆᐊᓂᑦ. ᓂᕐᔪᑎᓂᒃ ᖃᐅᔨᓴᖅᑎᐅᑉ ᐃᑲᔪᖅᑎᖓ II − ᐱᓕᒻᒪᒃᓴᖅᑐᖅ ᐃᑲᔪᖅᓱᐃᖃᑦᑕᕐᓂᐊᕐᒥᔪᖅ ᐱᓕᕆᕝᕕᖕᒥ ᐱᓕᕆᐊᒃᓴᓂ/ᐱᓕᕆᐊᖑᔪᑦ ᐃᓗᓕᖏᓐᓂᒃ ᐱᓕᕆᐊᕆᔭᐅᔪᓂ ᐆᒪᔪᓂᒃ ᖃᐅᔨᓴᖅᑎᒧᑦ ᐆᒪᔪᓕᕆᓂᖕᒧᑦ ᖃᐅᔨᓴᖕᓂᕐᒧᑦ ᐱᓕᕆᐊᓂᒃ.

ᖃᐅᔨᔭᐅᓯᒪᔪᓂ ᓄᐊᑦᑎᓂᕐᒥᒃ ᐊᒻᒪ ᑲᑎᖅᓱᐃᓂᕐᒥᒃ ᖃᐅᔨᔭᐅᓯᒪᔪᓂ/ᐆᒃᑐᕋᐅᑎᓂ ᐱᓕᕆᕙᓪᓕᐊᓂᖏᓐᓂᒃ ᐊᓯᖏᓐᓂᒡᓗ ᑎᑎᕋᕐᕕᓕᕆᔾᔪᑎᓂᒃ ᐃᑲᔪᕋᔭᖅᑐᖅ ᓂᕈᐊᖅᑕᐅᔪᒥ ᖃᐅᔨᒪᓂᖃᑦᑎᐊᕐᓗᓂ ᐱᓕᕆᖃᑦᑕᖅᓯᒪᓂᑰᓗᓂᓗ ᐱᕙᒌᔭᕐᓂᕐᒧᑦ ᐱᓕᕆᐊᕆᖃᑦᑕᕐᓂᐊᖅᑕᖏᓐᓂᒃ ᓂᕐᔪᑎᓂᒃ ᖃᐅᔨᓴᖅᑎᐅᑉ ᐃᑲᔪᖅᑎᖓ II ᓄᓇᕗᑦ ᒐᕙᒪᒃᑯᓐᓂᑦ. ᓂᕈᐊᖅᑕᐅᓕᖅᑎᓪᓗᒍ ᐊᒻᒪ ᐱᐊᓂᒃᓯᕙᓪᓕᐊᑦᑎᐊᓕᖅᑎᓪᓗᒍ ᐱᔨᑦᑎᕋᕐᓂᕆᔭᖓ ᓂᕐᔪᑎᓂᒃ ᖃᐅᔨᓴᖅᑎᐅᑉ ᐃᑲᔪᖅᑎᖓ II − ᐱᓕᒻᒪᒃᓴᖅᑑᑉ ᐱᓕᕆᐊᒃᓴᖏᓐᓂᒃ, ᐃᖅᑲᓇᐃᔭᐃᓐᓇᖅᑐᒧᑦ ᓂᕐᔪᑎᓂᒃ ᖃᐅᔨᓴᖅᑎᐅᑉ ᐃᑲᔪᖅᑎᖓ ᒪᓂᒪᑎᑕᐅᑐᐃᓐᓇᕆᐊᓕᒃ ᓂᕈᐊᖅᑕᐅᔪᒧᑦ.

ᐱᔪᒪᓂᖃᑦᑎᐊᕆᐊᓕᒃ ᓂᕐᔪᑎᓂᒃ ᐆᒪᔪᓂᒡᓗ ᖃᐅᔨᓴᕐᓂᕐᒥᒃ ᓂᕈᐊᖅᑕᐅᓂᐊᕐᓗᓂ ᑖᔅᓱᒧᖓ ᐃᓂᐅᔪᒧᑦ.  ᑖᓐᓇ ᐃᖅᑲᓇᐃᔭᖅᑎᑖᕆᔭᐅᔪᖅ ᐊᑐᕈᓐᓇᕆᐊᖃᖅᑐᖅ ᖃᕆᑕᐅᔭᓂᒃ ᐊᒻᒪ ᖃᕆᑕᐅᔭᓕᕆᔾᔪᑎᓂᒃ. ᑐᓴᐅᒪᖃᑎᒌᒍᓐᓇᕐᓂᖃᕐᓗᓂ ᐊᒻᒪ ᐃᓅᖃᑎᖃᑦᑎᐊᕐᕈᓐᓇᕐᓂᖃᕐᓗᓂ ᑐᓴᖅᑎᑦᑎᖃᑦᑕᕐᓂᕐᒥᒃ ᑐᓴᐅᒪᔾᔪᑎᒃᓴᓂᒃ ᒪᓕᒃᑕᐅᕙᒃᑐᓂᒡᓗ ᐱᓕᕆᕝᕕᐅᑉ ᐃᖅᑲᓇᐃᔭᖅᑎᖁᑎᖏᓐᓂᒃ, ᓂᕐᔪᑎᓂᒃ ᖃᐅᔨᓴᖅᑎᓂᒃ, ᖃᐅᔨᓴᖅᑎᓂᒃ ᐊᒻᒪ ᐆᒪᔪᕐᓂᐊᖅᑎᒃᑯᓐᓂᒃ, ᐱᓗᐊᙳᐊᖅᑐᒥ ᐊᐅᓚᑦᑎᖃᑎᒌᖕᓂᕐᒧᑦ ᐱᓕᕆᖃᑎᒌᓂᒃ ᐃᓚᒋᓪᓗᒋᑦ ᐊᖑᓇᓱᒃᑐᓕᕆᔨᒃᑯᑦ ᐊᔪᙱᑕᐅᔭᕆᐊᓖᑦ ᓂᕈᐊᖅᑕᐅᓂᐊᕐᓗᓂ ᑖᔅᓱᒧᖓ ᐃᖅᑲᓇᐃᔮᒧᑦ. ᑖᓐᓇ ᐃᖅᑲᓇᐃᔭᖅᑎᑖᕆᔭᐅᔪᖅ ᐃᓕᑦᑎᕙᓪᓕᐊᖏᓐᓇᕈᒪᓂᖃᑦᑎᐊᕆᐊᖃᕐᒥᔪᖅ ᐊᒻᒪ ᐱᐅᓯᕚᓪᓕᖅᑎᑦᑎᓂᕐᒥᒃ ᐊᔪᙱᑦᑕᕆᐊᓕᖏᓐᓂᒃ ᖃᓄᐃᓕᐅᖃᑦᑕᕐᓂᖏᓐᓂᒡᓗ.  ᓯᓚᒥᑦ ᐱᓕᕆᐊᒃᓴᓕᕆᖃᑦᑕᖅᓯᒪᓂᑰᓗᓂ, ᑕᒻᒪᕇᒃᑯᑎᓂᒃ ᐊᑐᕈᓐᓇᕐᓗᓂ ᐊᓐᓇᒍᑎᓂᒡᓗ ᐱᓕᕆᔪᓐᓇᕐᓂᕐᒥᓂᒃ ᓴᖅᑭᑦᑎᓯᒪᓗᓂ ᐃᒃᑮᕐᓇᖅᑐᒥᒡᓗ ᐱᓕᕆᔪᓐᓇᕐᓂᖃᕆᐊᓕᒃ.

ᖃᐅᔨᒪᔭᕆᐊᓕᖏᑦ, ᐊᔪᙱᑦᑕᕆᐊᓕᖏᑦ, ᐱᓕᕆᔪᓐᓇᕆᐊᓕᖏᓪᓗ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᒃᑐᑦ ᐃᓕᓐᓂᐊᕈᑎᖏᓐᓂᑦ ᐱᔭᕇᖅᓯᓯᒪᓗᓂ ᖁᕝᕙᓯᖕᓂᓕᖕᒥᒃ 12−ᒥᑦ ᐊᔾᔨᑲᓴᖓᓂᒡᓘᓐᓃᑦ ᐱᓕᕆᖃᑦᑕᖅᓯᒪᓂᑰᓗᓂ. ᐱᐊᓂᒃᓯᓯᒪᓗᓂ ᐱᓕᕆᓂᒃᑯᑦ ᐃᓱᓕᑦᑎᓂᕐᒧᑦ ᐃᓕᓴᕆᔭᐅᔾᔪᑎᑖᖅᓯᒪᓗᓂ ᐊᓯᔾᔨᒋᐊᒐᒃᓴᐅᔪᓂᒃ ᐃᓱᒪᒋᔭᐅᓂᐊᖅᐳᖅ ᐃᑲᔫᑎᖃᕐᓂᕐᒥᒃ. ᖃᐅᔨᒪᒃᐸᑦ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᖕᓂᑦ, ᐃᓕᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᑲᔫᑎᖃᑦᑎᐊᕋᔭᕐᒥᔪᖅ. ᐊᓯᖏᑦ ᐃᑲᔫᑎᒃᓴᑦ ᐃᓚᖃᖅᑐᑦ: PAL−ᖃᕐᓂᕐᒥᒃ, ᖁᑭᐅᓯᕆᔪᓐᓇᕐᓂᕐᒥᒃ, ᖃᐅᔨᒪᓂᖃᑦᑎᐊᕐᓗᓂ ᐊᔾᔨᒌᙱᑦᑐᓂᒃ ᐅᑭᐅᖅᑕᖅᑐᒥ ᐆᒪᔪᑦ ᑭᓲᓂᖏᓐᓂᒃ; ᐋᓐᓂᖅᑐᓕᕆᓂᕐᒥᒃ ᐊᒻᒪ CPR-C−ᒥᒃ ᐃᓕᓴᕆᔭᐅᔾᔪᑎᑖᖅᓯᒪᓗᓂ, ᐃᓄᒃᑎᑐᓪᓗ ᑐᓴᐅᒪᖃᑎᒌᒍᓐᓇᕐᓗᓂ.

ᐱᔪᒥᓴᐅᑎᖕᓂᒃ, ᓇᓗᓇᐃᕐᓗᑎᑦ ᐱᓕᕆᖃᑦᑕᕐᓂᑯᑎᑦ ᐊᒻᒪ ᐊᔪᙱᑦᑕᕆᐊᓕᒃᑎᑦ ᐊᒃᑐᐊᓂᖃᕐᓂᖏᓐᓄᑦ ᐱᓕᕆᖃᑦᑕᕐᓂᑯᖕᓂᑦ ᐊᔪᙱᑦᑕᕆᐊᓕᖕᓂᒡᓗ ᓇᓗᓇᐃᖅᓯᒪᔪᒥ ᐃᖅᑲᓇᐃᔮᒃᓴᒥ.

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ, ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᖅᑕᖏᑦ ᐃᓱᒪᒋᔭᐅᓇᔭᕐᒥᔪᑦ. 

ᐃᖅᑲᓇᐃᔭᕈᓐᓇᖅᑐᓂᑦ ᓴᖅᑭᑦᑎᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᑦ ᐃᓐᓄᒃᑕᐅᖁᓪᓗᒋᑦ.

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ