ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᓂᕿᑦᑎᐊᕙᓕᕆᓂᕐᒧᑦ ᐃᑲᔪᖅᑎ

ᓄᓇᓕᒃ: 
ᐃᖃᓗᒃ`ᑐᑦᑎᐊᖅᒥ
ᓇᓗᓇᐃᒃᑯᑕᖓ: 
10-505941
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᐃᖅᑲᓇᐃᔭᐃᓐᓇᕋᔭᖅᑐᖅ
ᑮᓇᐅᔾᔭᒃᓴᓇᔭᖅᑐᖅ: 
$52,475.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$19,716.00
ᒪᑐᕝᕕᒃᓴᖓ: 
ᐄᐳᕈ 03, 2020

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᖏᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᖏᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᖅ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᐃᖅᑲᓇᐃᔭᑐᓕᕆᓂᕐᒧᑦ ᐊᑐᐊᒐᑦ 518 ᒪᓕᓪᓗᒋᑦ ᑖᓐᓇ ᐃᖅᑲᓇᐃᔮᔅᓴᖅ ᒪᑐᐃᖓᔪᖅ ᐃᖃᓗᒃᑑᑦᑎᐊᕐᒥᐅᑕᑐᐊᓄᑦ.

ᓂᕿᑦᑎᐊᕙᓕᕆᓂᕐᒧᑦ ᐃᑲᔪᖅᑎ ᑖᓐᓇ ᓂᕿᑦᑎᐊᕙᓕᕆᓂᖅ ᐃᑲᔪᖅᑎ ᑲᑐᔾᔨᖃᑎᖃᕐᓗᓂ ᓂᕿᓕᐅᖅᑎᒥᑦ, ᐋᓐᓂᐊᓯᐅᖅᑎᓂᑦ ᐊᒻᒪ ᓂᕿᑦᑎᐊᕙᓕᕆᓂᕐᒧᑦ ᐃᖅᑲᓇᐃᔭᖅᑎᖏᓐᓂᑦ ᑖᒃᑯᐊ ᐋᓐᓂᐊᕕᓕᐊᖅᓯᒪᔪᖅ ᓴᓗᒪᔪᓂᑦ ᐊᑦᑕᕐᓇᖏᑦᑐᒥᓪᓗ ᐱᖃᖅᑎᑕᐅᔪᓐᓇᖁᓪᓗᒋᑦ. ᑖᓐᓇ ᐃᖅᑲᓇᐃᔮᖅ ᑲᒪᒋᔭᖃᖅᑐᖅ ᐊᑐᐃᓐᓇᕈᖅᓴᐃᓂᕐᒥᑦ ᐊᒻᒪ ᓂᕆᔭᔅᓴᓂ ᑐᓂᐅᓯᐅᖅᑲᐃᓂᕐᒥᑦ ᓈᒻᒪᑦᑐᓂᑦ ᐊᒻᒪ ᓂᕿᓂᒃ ᐊᑦᑕᕐᓇᖏᑦᑑᓂᕋᖅᑕᐅᔪᓂᑦ ᐃᒥᒐᔅᓴᖏᓐᓂᑦᓪᓗ ᐋᓐᓂᐊᕕᓕᐊᖅᓯᒪᔪᓄᑦ. ᑖᓐᓇ ᐃᖅᑲᓇᐃᔮᖅ ᑲᒪᒋᔭᖃᕐᒥᔪᖅ ᓂᕆᕕᖓᓗ ᓂᖅᑎᐅᕐᕕᖓᓗ ᓴᓗᒪᑎᑕᐅᓗᑎᑦ ᐊᒻᒪ ᐋᖅᑭᐅᒪᑎᑕᐅᖏᓐᓇᕐᓗᑎᑦ ᒪᓕᓪᓗᒋᑦ ᒪᓕᒐᐃᑦ, ᐊᑐᐊᒐᐃᑦ ᐊᒻᒪ ᐱᓕᕆᕝᕕᒻᒥᑦ ᐱᓕᕆᔾᔪᓯᖏᑦ ᒪᓕᓪᓗᒋᑦ.

ᓂᕿᑦᑎᐊᕙᓕᕆᓂᕐᒧᑦ ᐃᑲᔪᖅᑎ ᓂᕆᔭᔅᓴᓂᑦ ᑕᒧᐊᔅᓴᓂᓪᓗ ᐋᓐᓂᐊᕕᓕᐊᖅᓯᒪᔪᓄᑦ ᑐᓂᓯᐅᖅᑲᐃᖃᑦᑕᖅᑐᖅ ᐅᓂᔅᓯᒪᑎᑕᐅᔪᓄᑦ ᐊᒻᒪ ᑖᓐᓇ ᐃᓚᒋᔭᐅᓪᓚᕆᑦᑐᓂᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᓕᕆᖃᑎᒌᓄᑦ. ᑖᓐᓇᓗ ᐃᖅᑲᓇᐃᔮᖅ ᖃᐅᔨᒪᒋᐊᖅᑎᐅᓪᓗᓂ ᓂᕿᓕᕆᕕᖓ ᓴᓗᔫᒐᓗᐊᕐᒪᖔᖅ ᐊᒻᒪ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᓇᔪᖅᑕᐅᖃᑦᑕᑎᓪᓗᒍ ᓈᒻᒪᒋᐊᖃᕐᒪᑦ ᑖᓐᓇ ᑭᒡᒐᖅᑐᐃᒻᒪᑦ ᐋᓐᓂᐊᕕᒻᒥᑦ ᖃᓄᐃᑦᑑᓂᖓ ᑕᑯᔭᐅᓂᖓ ᐊᒻᒪ ᐃᓚᐅᖃᑕᐅᔾᔪᑎᖏᓐᓄᑦ ᑲᑎᒪᔨᓄᑦ ᒪᓕᑦᑕᐅᒋᐊᖃᖅᑐᑦ ᐱᓪᓗᒋᑦ.

ᐃᖅᑲᓇᐃᔭᖅᑏᑦ ᓯᕗᓪᓕᖅᐹᖑᓪᓗᑎᑦ ᑲᒪᔨᐅᔪᑦ ᓱᕈᖅᓯᒪᑎᑦᑎᑕᐃᓕᒪᓂᕐᒥᑦ, ᓂᕿᑦᑎᐊᕙᓕᕆᓂᕐᒧᑦ ᐃᑲᔪᖅᑎ ᑖᒃᑯᐊ ᑐᙵᕕᐅᔪᑦ ᓂᕿᓂᑦ ᐊᑦᑕᕐᓇᓕᖅᑎᑦᑎᑕᐃᓕᒪᓂᕐᒧᑦ, ᓱᕈᖅᑎᑦᑎᑦᑕᐃᓕᒪᓂᕐᒧᑦ ᐊᒻᒪ ᑕᒪᒃᑯᐊ ᓱᕈᕐᓇᑑᑐᐃᓐᓇᕆᐊᓖᑦ ᐅᔾᔨᖅᓱᖅᑕᐅᓯᒪᐃᓐᓇᕐᓗᑎᑦ ᒪᓕᒋᐊᓕᖏᑦ ᐊᑐᖅᑕᐅᖏᓐᓇᕐᓗᑎᑦ.

ᑖᑯᓂᖓ ᐃᖅᑲᓇᐃᔮᓖᑦ ᐅᓐᓄᒃᓯᐅᖃᑦᑕᕋᔭᖅᑐᑦ, ᐃᓚᒋᓗᒋᑦ ᐱᓇᓱᐊᕈᓯᐅᑉ ᓄᙳᐊᓂᑦ ᓄᖅᖃᖓᓐᓇᐅᑎᓪᓗᒍᓗ, ᐱᓕᕆᕝᕕᐅᔪᖅ ᐊᐅᓚᓂᖃᓲᖑᒻᒪᑦ ᐃᑲᕋᓄᑦ 24ᓄ ᐱᓇᓱᐊᕈᓯᓕᒫᖅ ᐊᕐᕌᒍᓕᒫᒥᑦ.

ᐃᖅᑲᓇᐃᔮᖅᑖᖅᑐᖅ ᖁᕝᕙᓯᓐᓂᓕᒻᒥ 6 ᐃᓕᓐᓂᐊᖅᓯᒪᓂᖃᕆᐊᓕᒃ ᑐᓵᔨᐅᒍᓐᓇᕐᓗᓂᓗ ᐋᓐᓂᐊᕐᕕᒻᒥᑦ/ᐱᓕᕆᕝᕕᒻᒥ ᐊᑐᐊᒐᖏᓐᓂᑦ ᐱᓕᕆᔾᔪᓯᖏᓐᓂᓪᓗ ᐊᑐᓕᖅᑎᑦᓯᓂᕐᒥᓪᓗ; ᐊᔪᙱᑕᖃᕐᓂᕐᓗ ᐊᑐᕈᓐᓇᕐᓂᕐᒥᑦ ᓴᓗᒻᒪᖅᓴᐃᔾᔪᑎᓂᑦ ᐊᑕᓇᖏᑦᑐᒥᑦ ᐊᑑᑎᖃᑦᑎᐊᖅᑐᒥᓪᓗ, ᑐᓴᐅᒪᖃᖅᑕᐅᑎᒍᓐᓇᑦᓯᐊᕐᓗᓂ ᐱᔭᕆᐊᖃᓪᓚᕆᑦᑐᖅ ᐊᓯᖏᓐᓂᑦ ᐱᓕᕆᕝᕕᐅᔪᓂᑦ, ᐊᒻᒪᓗᑦᑕᐅᖅ, ᑕᑯᑦᓴᐅᑎᑦᓯᓂᕐᒥᑦ ᐱᔪᒪᓂᕐᒥᑦ ᐊᓯᖏᓐᓂᑦ ᐱᓕᕆᐊᓂᑦ ᑭᒡᒐᖅᑐᐃᓗᓂ ᐊᖓᔪᖅᑳᕐᒥᑦ.

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑐᑦ ᐊᒻᒪ ᐅᐃᕖᑐᑦ.

ᓄᓇᕗᒻᒥ ᐅᖃᐅᓯᖅᑕᕆᔭᐅᔪᒥᒃ ᐊᑕᐅᓯᐅᙱᑦᑐᒥᒃ ᐅᖃᕈᓐᓇᖅᐸᑦ ᓂᕈᐊᖅᑕᐅᓂᖅᓴᐅᓇᔭᖅᑐᖅ.

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ, ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᖅᑕᖏᑦ ᐃᓱᒪᒋᔭᐅᓇᔭᕐᒥᔪᑦ.

ᓂᕿᓕᕆᓂᕐᒧᑦ ᐱᔨᑦᓯᕋᕐᓂᕐᒧᑦ ᓇᓗᓇᐃᒃᑯᑕᖃᕈᓂ ᐊᑲᐅᓇᔭᖅᑐᖅ.

ᖃᐅᔨᒪᓗᓂ ᐃᓄᐃᑦ ᐅᖃᐅᓯᖏᓐᓂᒃ, ᓄᓇᓕᖏᓐᓂᑦ, ᐃᓕᖅᑯᓯᖏᓐᓂᑦ, ᓄᓇᖓᓂᒃ ᐃᓄᐃᓪᓗ ᖃᐅᔨᒪᔭᑐᖃᖏᓐᓂᒃ ᐃᑲᔪᕐᓂᖃᕋᔭᖅᑐᖅ.

ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓖᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ