ᐅᖃᓚᐅᑎᓯᐅᑏᑦ

You are here

ᓂᕿᓕᕆᔩᑦ ᐊᐅᓚᑦᑎᔨᖓ

Community: 
ᐃᖃᓗᖕᓂ
Reference number: 
05-505606
Union Status: 
Salary: 
$88,608.00
Northern Allowance: 
$15,016.00
Closing Date: 
ᓯᑎᐱᕆ 06, 2019

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᖅ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ ᑐᕌᖓᔪᖅ.

ᐃᑲᔪᖅᑕᐅᕕᐅᑉ ᐊᖓᔪᖄᖓᑕ ᑐᒡᓕᐊ ᐱᓕᕆᐊᓄᑦ ᑐᓴᖅᑎᑦᑎᕙᒡᓗᓂ, ᓂᕿᓕᕆᔨᑦ ᐊᐅᓚᑦᑎᔨᖓ ᐊᐅᓚᑦᑎᔨᐅᓂᐊᖅᐳᖅ ᑐᑭᒧᐊᒃᑎᑦᑎᕙᒡᓗᓂᓗ ᓂᕿᓕᕆᓂᕐᒥᒃ ᑕᓪᓕᒪᓄᑦ ᐃᑲᔪᖅᑕᐅᕕᖕᓄᑦ: ᕿᑭᖅᑖᓗᖕᒥ ᐃᑲᔪᖅᑕᐅᕕᒃ, ᒪᑭᒋᐊᕐᕕᒃ, ᐅᑭᐅᑭᑦᑐᑦ ᐱᕋᔭᖃᑦᑕᖅᑐᑦ, ᐅᑕᖅᑭᕕᒃ ᓄᓇᓕᖕᓂ ᐃᓂᖓᑦ, ᐊᒻᒪ ᐊᕐᓇᓄᑦ ᐃᑲᔪᖅᑕᐅᕕᒃ. ᑖᔅᓱᒥᖓ ᐃᖅᑲᓇᐃᔮᓕᒃ ᓂᕿᑦᑎᐊᕙᓕᕆᓂᐅᑉ ᐊᑲᐅᓯᓴᕐᓂᐅᓪᓗ ᐊᑐᕆᐊᓕᖏᓐᓂᒃ ᐊᒻᒪ ᑎᒍᔭᐅᓯᒪᔪᑦ ᐊᑐᕆᐊᓕᖏᓐᓂᒃ ᓴᖅᑭᑎᑦᑎᓇᓱᖃᑦᑕᕐᓂᐊᖅᐳᖅ ᓂᕆᔭᒃᓴᓂᑦ ᐱᕙᒌᔭᕐᓂᒃᑯᑦ, ᐱᕙᓪᓕᐊᑎᑦᑎᓂᒃᑯᑦ ᐊᔾᔨᒌᓕᖅᑎᑕᐅᔪᓂᑦ ᓂᕿᓕᐅᒐᒃᓴᓂᑦ, ᐊᒻᒪ ᓴᖅᑭᑎᑦᑎᓂᕐᒧᑦ ᑎᑎᕋᖅᓯᒪᔪᓂᑦ.

ᐊᐅᓚᑦᑎᔨ ᐱᓕᕆᐊᒃᓴᖃᖅᐳᖅ ᐸᕐᓇᐃᕙᒡᓗᓂ, ᐋᖅᑭᒃᓱᐃᕙᒡᓗᓂ, ᑐᑭᒧᐊᒃᑎᑦᑎᕙᒡᓗᓂ, ᐊᐅᓚᑦᑎᕙᒡᓗᓂ ᐊᒻᒪ ᖃᐅᔨᓴᖅᐸᒡᓗᓂ ᖃᐅᑕᒫᑦ ᐊᐅᓚᓂᕆᔭᖏᓐᓂᒃ. ᐊᑐᓕᖅᑎᑦᑎᖃᑦᑕᕐᓂᐊᕆᕗᖅ ᐊᐅᓚᓂᕆᔭᖏᑕ ᐱᓕᕆᔾᔪᑎᖏᓐᓂᒃ, ᐊᒻᒪ ᓇᓗᓇᐃᖅᓯᑦᑎᐊᖅᐸᒡᓗᓂ ᐋᓐᓂᐊᖅᑐᓕᕆᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᒪᓕᒐᓕᒫᑦ ᒪᓕᒃᑕᐅᔭᕆᐊᖃᕐᓂᖏᓐᓂᒃ. ᐱᓕᕆᐊᒃᓴᖃᕐᓂᐊᕆᕗᑎᑦ ᐅᑯᓂᖓ: ᐊᒡᓚᕝᕕᖕᒥ ᐊᐅᓚᓂᕆᔭᖏᓐᓂᒃ; ᐊᕕᒃᑐᖅᓯᒪᓂᖏᓐᓂ ᐃᖅᑲᓇᐃᔭᖅᑎᑦᑎᓂᕐᒥᒃ; ᖃᐅᔨᓴᖅᐸᒡᓗᑎᑦ ᐊᒻᒪᓗ ᐃᖅᑲᓇᐃᔭᖅᑎᓂᒃ ᑲᒪᔨᐅᕙᒡᓗᑎᑦ; ᐋᖅᑭᒃᓱᐃᕙᒡᓗᑎᑦ ᐃᖅᑲᓇᐃᔭᖅᑎᑦ ᐱᓕᕆᕝᕕᒋᓂᐊᖅᑕᖏᓐᓂᒃ; ᖃᐅᔨᓴᖅᐸᒡᓗᑎᑦ ᐃᖅᑲᓇᐃᔭᖅᑎᑦ ᐱᓕᕆᓂᕆᔭᖏᓐᓂᒃ; ᐊᒻᒪᓗ ᐅᖃᐅᓯᕆᕙᒡᓗᒋᑦ ᐋᖅᑭᒐᓱᒃᐸᒡᓗᒋᓪᓗ ᐃᖅᑲᓇᐃᔭᖅᑎᑦ ᐊᑲᐅᙱᓕᐅᕈᑎᖏᑦ. ᐋᖅᑭᐅᒪᑎᑦᑎᑦᑎᐊᕆᐊᓕᒃ ᖃᐅᔨᓴᖅᐸᒡᓗᒋᓪᓗ ᑮᓇᐅᔭᓕᕆᓂᕐᒧᑦ ᐅᓂᒃᑳᓕᐊᑦ ᐊᒻᒪ ᑮᓇᐅᔭᖅᑑᑎᒃᓴᑦ, ᐊᒻᒪ ᑭᖑᓪᓕᖅᐹᒥ ᑕᑎᒋᔭᐅᔪᓐᓇᕐᓗᓂ ᑕᒪᐃᓐᓂᒃ ᐊᐅᓚᓂᕆᔭᖏᑕ ᑮᓇᐅᖏᓐᓂᒃ ᑲᔪᓯᑦᑎᐊᖅᑐᓂᑦ, ᐃᖅᑲᓇᐃᔭᖅᑎᒧᑦ.

ᐱᔪᒥᒋᔭᐅᓇᔭᖅᑐᖅ ᐃᖅᑲᓇᐃᔮᖅᑖᕋᓱᒃᑐᓂᑦ ᐊᕐᕌᒍᓂ ᒪᕐᕉᖕᓂᒃ ᓂᕿᓕᐅᖅᑎᐅᓂᕐᒧᑦ ᐃᓕᓴᕆᔭᐅᔾᔪᑎᑖᖅᑎᓯᒪᓗᓂ, ᐅᕝᕙᓘᓐᓃᑦ ᐊᐅᐸᖅᑐᒧᑦ ᓇᕿᑕᐅᓯᒪᔪᒥᑦ ᓇᓗᓇᐃᒃᑯᑕᖃᕐᓗᓂ, ᐃᓕᓴᕆᔭᐅᓯᒪᔪᒥᑦ ᐃᓕᓐᓂᐊᕐᕕᖕᒥ. ᐊᒻᒪᓗᑦᑕᐅᖅ, ᑖᔅᓱᒥᖓ ᐃᖅᑲᓇᐃᔮᓕᒃ: “ᓂᕿᓂᒃ ᐊᑦᑕᕐᓇᖅᑕᐃᓕᒪᑎᑦᑎᓂᕐᒧᑦ I ᐊᒻᒪ II” ᓇᓗᓇᐃᒃᑯᑕᖃᕆᐊᓕᒃ ᐊᕐᕌᒍᑦ ᐱᖓᓱᑦ ᐃᓗᐊᓂ, ᐃᖅᑲᓇᐃᔭᕐᕕᖕᒥ ᐅᓗᕆᐊᓇᖅᑐᓂᑦ ᑐᑭᓯᒋᐊᕈᑎᓪᓗᐊᑕᕐᓂᑦ, ᐋᓐᓂᖅᑐᓕᕆᓂᒥᒃ ᐊᒻᒪ ᐊᓂᖅᓵᖅᑎᑦᑎᓇᓱᒍᓐᓇᕐᓂᕐᒧᑦ ᓇᓗᓇᐃᒃᑯᑕᖃᕐᓗᓂ. ᐊᒻᒪᓗᑦᑕᐅᖅ, ᐃᖅᑲᓇᐃᔭᖅᑎᙳᖅᑐᖅ ᐊᕐᕌᒍᓂᑦ ᐱᖓᓱᓂᑦ ᑭᒡᓕᖃᕐᓗᒍ ᐊᖓᔪᖅᑳᖑᖃᑕᐅᖃᑦᑕᖅᓯᒪᔭᕆᐊᓕᒃ ᓂᕿᓕᕆᔨᑦ ᓴᓇᕝᕕᖏᓐᓄᓪᓚᑦᑖᖅ, ᐊᒻᒪᓗ ᐊᕐᕌᒍᓂᑦ ᐱᖓᓱᓂᑦ ᑭᒡᓕᖃᕐᓗᒍ ᓂᕿᓕᐅᖅᑎᐅᖃᑦᑕᖅᓯᒪᓗᓂ ᓴᓇᕝᕕᖕᒥ, ᐱᓗᐊᖅᑐᒥ ᐋᓐᓂᐊᕐᕕᖕᒦᑦᑐᓄᑦ ᐊᔾᔨᐸᓗᖓᓂᓪᓘᓐᓃᑦ, ᐃᓄᒋᐊᒃᑐᓄᑦ ᓂᖅᖠᐅᖅᐸᒡᓗᓂ. ᓂᕆᔭᒃᓴᓂᒃ ᓂᐅᕕᖃᑦᑕᖅᓯᒪᔭᕆᐊᓕᒃ ᐊᒻᒪ ᐱᖁᑎᒋᔭᐅᔪᓂᑦ ᐊᐅᓚᑦᑎᔨᐅᖃᑦᑕᖅᓯᒪᔭᕆᐊᓕᒃ ᐃᓄᒋᐊᒃᑐᓄᑦ (100-ᓂ ᐅᖓᑖᓂᓪᓘᓐᓃᑦ ᐃᓄᖕᓂᑦ).

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᔪᑦ ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᖃᓪᓗᓈᑐᑦ, ᐅᐃᕖᑎᑐᓪᓗ.  ᐅᖃᕈᓐᓇᕐᓗᓂ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐃᓕᓴᕆᔭᐅᓯᒪᔪᑦ ᐅᖃᐅᓯᖏᓐᓂᒃ ᐊᑑᑎᒐᔭᖅᑐᖅ.  ᖃᐅᔨᒪᓗᓂ ᐃᓄᐃᑦ ᐅᖃᐅᓯᖏᓐᓂᒃ, ᓄᓇᓕᖕᓂ, ᐱᖅᑯᓯᑐᖃᕐᒥᑦ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ.

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ