ᐅᖃᓚᐅᑎᓯᐅᑏᑦ

You are here

ᒥᓂᔅᑕᐅᑉ ᑐᒡᓕᖓᑕ ᐃᑲᔪᖅᑎᖓ, ᓄᓇᕗᒥᑦ ᒐᕙᒪᒃᑯᑦ

ᓄᓇᓕᒃ: 
ᑲᙱᖅᖠᓂᖅᒥ
ᓇᓗᓇᐃᒃᑯᑕᖓ: 
14-10158
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑲᑐᔾᔨᖃᑎᒌᖑᓂᖓ: 
ᑮᓇᐅᔾᔭᒃᓴᓇᔭᖅᑐᖅ: 
$126,287.00-181,410.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$18,517
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 22, 2021 - 11:59pm

ᐅᓇ ᐃᖅᑲᓇᐃᔮᒃᓴᖅ ᒪᑐᐃᖓᔪᖅ ᑭᑯᑐᐃᓐᓇᕐᓄᑦ ᐱᓇᓱᒍᒪᔪᓄᑦ.

ᐃᖅᑲᓇᐃᔮᒃᓴᖅ ᐃᓚᒋᔭᐅᔪᖅ ᐱᓕᕆᓕᒪᓂᕐᓴᓂᒃ ᐊᐅᓚᑦᑎᔨᓄᑦ ᐃᖅᑲᓇᐃᔭᖅᑎᓂᒃ ᐱᓕᕆᐊᖃᖅᑐᓂᒃ “ᐃᑲᔪᖅᑎᒻᒪᕆᐅᓗᑎᒃ ᓇᖕᒥᓂᖅ ᒐᕙᒪᓕᕆᔪᓂᒃ, ᓄᓇᓕᖕᓂᒃ ᐱᔨᑦᑎᕋᖅᑎᐅᔪᓂᒃ ᐃᓅᖃᑎᒌᓄᑦ ᐊᒻᒪ ᐃᓕᖅᑯᓯᑎᒍᑦ ᐱᔭᐅᔭᓕᕆᐊᓕᒃᑯᑦ ᐊᒻᒪᓗ ᐃᑲᔪᖃᑕᐅᓐᓇᖅᖢᓂ ᓄᓇᕗᒥᑦ ᐱᕈᖅᐸᓪᓕᐊᓂᖓᓂᒃ ᐊᒻᒪᓗ ᐃᓕᖅᑯᓯᓕᕆᓂᒃᑯᑦ ᐊᕙᑎᒋᔭᒪᓪᓗ ᖃᓄᐃᑎᑦᑎᑦᑕᐃᓕᓂᕐᒧᑦ.”

ᐱᒋᐊᓪᓚᕆᓚᐅᖅᓯᒪᓪᓗᓂ 1999-ᒥᑦ, ᓄᓇᕗᑦ ᐱᑕᖃᓕᕐᓯᒪᔪᖅ ᐃᓕᖅᑯᓯᖅ ᐱᕙᓪᓕᐊᓂᕐᒥᒃ ᖃᐅᔨᒪᓕᖕᓂᖓᒍᑦ. ᓄᓇᕗᑦ ᐊᕐᕌᒍᒐᓴᖕᓂᒃ ᐃᓄᖕᓄᑦ ᐊᑐᖅᑕᐅᓯᒪᕙᒃᑐᓂᒃ ᐊᒻᒪ ᐃᓕᖅᑯᓯᕐᓂᒃ ᐱᓕᕆᐊᖃᑐᐃᓐᓇᓕᕐᑐᖅ. ᑐᙵᕕᖃᓪᓚᕆᒃᖢᓂᒃ ᐃᓕᖅᑯᓯᖃᓪᓚᕆᖕᓂᕐᒥᒃ, ᓄᓇᕗᒥᑦ ᒐᕙᒪᒃᑯᑦ (GN) ᐸᕐᓇᒃᓯᒪᔪᖅ ᓯᕗᓂᕆᓂᐊᖅᑕᒧᑦ ᒪᑯᓂᖓ ᐱᓕᕆᐊᖃᕐᓂᐊᕐᓗᑎᒃ ᐱᐅᓛᒃᑯᑦ ᐃᓕᓐᓂᐊᕈᑎᓕᕆᓂᕐᒥᒃ, ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ, ᐃᓕᖅᑯᓯᓕᕆᓂᕐᒥᒃ, ᐊᕙᑎᒋᔭᒥᒃ ᓴᐳᔾᔨᓯᒪᔪᒪᔪᓂᒃ ᐊᒻᒪᓗ ᐱᓕᕆᕝᕕᐅᔪᑦ ᐱᕈᖅᐸᓪᓕᐊᓂᖏᓐᓂᒃ.

ᐅᕙᓃᖢᓂ ᑲᖏᖅᖠᓂᖅ, ᓄᓇᕗᑦ ᐊᒻᒪᓗ ᐅᓂᒃᑳᓕᐅᕐᐸᒡᓗᑎᒃ ᒥᓂᒡᑕᐅᑉ ᑐᒡᓕᖓᓄᑦ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ (CGS), ᑲᒪᒋᔭᖃᕋᔭᖅᑐᑎᑦ ᐊᑐᓕᖅᑎᑦᑎᓂᕐᒥᒃ ᐊᑐᕈᑎᖃᖅᑐᒃᑯᑦ ᐊᑐᐊᒐᕐᓄᑦ ᖃᓄᐃᓕᐅᕈᑎᒃᓴᓂᒃ, ᐱᓕᕆᔾᔪᑎᓕᕆᓂᒃᑯᑦ ᐃᑲᔪᖅᑐᐃᒍᑎᓂᒃ, ᐱᙳᐊᖅᑐᓕᕆᓂᒃᑯᑦ ᖃᓄᐃᓕᐅᕈᑎᒃᓴᓂᒃ ᐊᒻᒪᓗ ᑕᒪᐃᓐᓂᒃ ᑮᓇᐅᔭᖅᑐᔪᓂᒃ ᖃᓄᐃᓕᐅᕈᑎᒃᓴᐅᔪᓂᒃ ᐊᕕᒃᑐᖅᓯᒪᓂᒃᑯᑦ ᑎᑎᕋᕐᕕᓂᒃ ᐊᒻᒪᓗ ᑕᒪᐃᓐᓂᒃ 25-ᓂ ᓄᓇᓕᖕᓂ. ᐱᓕᕆᐊᒃᓴᑎᑦ ᒪᕐᕈᐃᓕᖓᔪᑦ: ᐃᑲᔪᕐᐸᒡᓗᑎᒃ ᐱᓕᕆᐊᒃᓴᓂᒃ ᐱᓕᕆᐊᖃᓕᖅᑎᑦᑎᓂᒃᑯᑦ ᐊᒻᒪᓗ ᐱᔨᑦᑎᕋᐅᑎᓂᒃ (ᐱᓗᐊᕐᑐᒥᑦ ᑮᓇᐅᔭᓕᐅᕈᑎᖃᑦᑎᐊᕐᓂᒃᑯᑦ) ᐃᑲᔪᕈᓐᓇᖅᑐᓂᒃ ᓄᓇᓕᖕᓂ ᐃᓅᓯᖃᑦᑎᐊᕈᓐᓇᕐᓂᕐᒥᒃ; ᐊᒻᒪᓗ ᐅᓗᕆᐊᓇᙱᑦᑐᒦᑎᑦᑎᕙᖕᓂᕐᒥᒃ, ᐋᓐᓂᐊᖃᕐᓇᙱᑦᑐᒥᒃ ᓄᓇᓕᖕᓄᑦ.

ᓄᑖᖑᓗᑎ ᒥᓂᔅᑕᐅᑉ ᑐᒡᓕᖓᑕ ᐃᑲᔪᖅᑎᖓ ᓄᓇᓕᖕᓂ ᒐᕙᒪᓕᕆᓂᕐᒧᑦ, ᐊᖓᔪᖅᑳᖑᓇᔭᖅᑐᑎᑦ ᐊᐅᓚᑕᐅᔾᔪᑎᓄᑦ ᐱᓕᕆᐊᒃᓴᓂᒃ ᐊᒻᒪᓗ ᐋᖅᑭᒃᓱᐃᓗᑎᒃ ᖃᓄᐃᓕᐅᕈᑎᒃᓴᓂᒃ, ᐸᕐᓇᐅᑎᒃᓴᓂᒃ ᐊᒻᒪᓗ ᐊᑐᐊᒐᒃᓴᓂᒃ ᐱᓕᕆᖃᑎᒌᖕᓂᒃᑯᑦ ᐊᑐᓕᖅᑎᑕᐅᔪᓂᒃ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂᒃ ᐱᓕᕆᐊᖃᕐᓂᖏᓐᓂᒃ ᐃᓄᖕᓄᑦ ᓈᒻᒪᖕᓂᕐᓴᐅᔪᓂᒃ ᐊᒻᒪᓗ ᓄᓇᕗᒥᑦ ᓄᓇᓕᖕᓂ ᐱᕈᖅᑎᑦᑎᕙᓪᓕᐊᓂᕐᒥᒃ ᑐᑭᒧᐊᖅᑎᑦᑎᔨᐅᑎᓪᓗᒋᑦ ᐱᔭᐅᔭᕆᐊᖃᖅᑐᒃᑯᑦ ᐊᑐᖅᑕᐅᔭᕆᐊᓕᖕᓄᓪᓗ ᓄᓇᖃᖅᑐᓄᑦ. ᓄᓇᓕᖕᓂ ᐱᕈᖅᑎᑦᑎᕙᓪᓕᐊᓂᖅ ᓯᕗᓪᓕᐅᑎᑕᐅᓯᒪᓂᖓᓄᑦ, ᐃᑲᔪᖃᑦᑕᕐᓂᐊᖅᑐᑎᑦ ᐊᒻᒪ ᓄᓇᓕᖕᓂ ᐱᕙᓪᓕᐊᔪᓕᕆᓂᕐᒧᑦ ᐱᓕᕆᐊᒃᓴᐃᑦ ᐊᒻᒪ ᐱᔨᑦᑎᕋᐅᑏᑦ ᐊᑐᖅᑕᐅᑎᑕᐅᓂᖏᓐᓂᒃ ᐊᒻᒪᓗ ᐃᑲᔪᕐᓗᑎᑦ ᓄᓇᓖᑦ ᐱᖁᑎᑖᕆᔭᕆᐊᖃᖅᑕᖏᑦᑎᒍᑦ, ᖃᐅᔨᓴᕈᑎᓂᒃ ᑲᒪᒋᔭᖃᖅᐸᒡᓗᑎ, ᐸᕐᓇᐅᓯᐅᕐᓂᕐᒥᒃ ᐊᒻᒪ ᑮᓇᐅᔭᖅᑐᔪᓄᑦ ᐱᔭᐅᔭᕆᐊᓕᖕᓂᒃ ᐊᐅᓚᔾᔪᑎᓕᕆᓂᒃᑯᑦ ᐊᒻᒪᓗ ᒐᕙᒪᑐᖃᒃᑯᓐᓂᒃ ᐃᑲᔫᑎᒃᓴᓄᑦ ᐱᓕᕆᐊᖑᔪᓂᒃ.

ᐅᑯᐊ ᐱᓕᕆᐊᒃᓴᕈᓘᔭᐃᑦ ᐊᔪᕈᓐᓃᖅᓯᒪᔪᒧᑦ ᐱᓕᕆᓕᒪᓂᕐᓴᒧᑦ ᐊᐅᓚᑦᑎᔨᒧᑦ ᐱᓕᕆᖃᑎᖃᐅᕈᓐᓇᕐᓗᓂ ᐊᐅᓚᑦᑎᓂᒃᑯᑦ, ᐱᓕᕆᐊᖃᓕᒪᓗᓂ ᑭᒃᑯᓕᒫᓄᑦ ᒐᕙᒪᓕᕆᔪᓂᒃ ᐊᒻᒪᓗ ᓄᓇᖃᖅᑳᖅᑐᓂᒃ ᐊᒻᒪ ᑲᑐᔾᔨᖃᑎᒌᓂᒃ ᐊᒻᒪᓗ ᖃᐅᔨᒪᓗᓂ ᓄᓇᕗᒥᑦ ᒪᓕᒐᓕᕆᔾᔪᑎᓂᒃ ᒪᐅᓇ ᒐᕙᒪᑐᖃᒃᑯᑦ, ᓄᓇᕗᑎᒍᑦ ᐊᒻᒪ ᓄᓇᓕᖕᑎᒍᑦ ᐊᒻᒪᓗ ᓄᓇᖃᖅᑳᖅᑐᑦ ᓇᖕᒥᓂᖅ ᒐᕙᒪᓕᕆᔾᔪᑎᖏᓐᓂᒃ.

ᑕᐅᑐᒃᖢᒍᑦ ᐊᖏᑎᒋᓂᖓ ᒥᓂᔅᑕᐅᑉ ᑐᒡᓕᖓᑕ ᐃᑲᔪᖅᑎᐅᑉ (ADM) ᐱᓕᕆᐊᒃᓴᖏᑦ, ᐱᓕᕆᓕᒪᓂᕐᓴᐅᑉ ᐱᓕᕆᐊᖏᑦᑎᑐᑦ ᐱᓕᕆᐊᖃᖃᑦᑕᕐᓂᐊᖅᑐᓂᒃ ᓄᓇᓕᖕᓂ ᒐᕙᒪᓕᕆᓂᒃᑯᑦ, ᑲᒪᒋᔭᖃᕐᓂᒃᑯᑦ ᒪᑯᓂᖓ ᖃᓄᐃᓕᐅᕈᑎᐅᕙᒃᑐᓂᒃ: ᓄᓇᓕᖕᓂ ᒐᕙᒪᓕᕆᓂᕐᒥᒃ; ᐊᕐᕌᒍᒧᑦ ᕼᐋᒻᒪᓚᒃᑯᑦ ᓂᕈᐊᕐᓇᓕᕆᔾᔪᑎᖏᓐᓂᒃ; ᕼᐋᒻᒪᓚᒃᑯᑦ ᑮᓇᐅᔭᓕᕆᔾᔪᑎᖏᓐᓂᒃ; ᓄᓇᓕᖕᓂ ᐊᐅᓚᑕᐅᔪᓂᒃ ᐊᒻᒪ ᐸᕐᓇᐅᓯᐅᕈᑎᓂᒃ; ᑮᓇᐅᔭᖅᑐᔪᓂᒃ ᐸᕐᓇᐅᓯᐅᕐᓂᕐᒥᒃ, ᒐᕙᒪᑐᖃᒃᑯᑦ ᐃᑲᔫᓯᐊᒃᓴᓄᑦ ᐱᓕᕆᐊᒃᓴᖏᓐᓂᒃ; ᐊᐅᓚᑦᑎᓂᖅ ᒪᓕᒐᓕᕆᓂᒃᑯᑦ ᖃᓄᐃᓕᖓᒍᑎᓂᒃ ᐊᒻᒪ ᓂᕆᐅᒋᔭᐅᔪᓂᒃ; ᐊᒻᒪᓗ ᑐᐊᕕᕐᓇᖅᑐᓕᕆᓂᕐᒧᑦ ᐊᐅᓚᑦᑎᓂᖅ, ᐱᖏᖕᓇᖅᑐᓕᕆᓂᖅ, ᓄᓇᒥ ᐃᓂᖓᓄᐊᖅᑎᕆᕙᖕᓂᖅ, ᐸᕐᓇᐅᓯᐅᖅᐸᖕᓂᕐᒥᒃ ᐊᒻᒪ ᐊᔪᕈᓐᓃᕐᓴᕈᑎᓂᒃ.

ᑕᒪᒃᑯᓂᖓ ᐊᔪᕈᓐᓃᕈᑎᒋᓯᒪᔭᑎᑦ ᐃᓕᓐᓂᐊᒃᑲᓐᓂᖅᓯᒪᓂᕐᒨᖓᓇᔭᖅᑐᑦ ᒪᑯᓂᖓ ᓄᓇᓕᖕᓂᒃ ᐸᕐᓇᐅᓯᐅᕐᓂᕐᒥᒃ, ᐱᓕᕆᔾᔪᑎᓕᕆᓂᕐᒥᒃ, ᓇᖕᒥᓂᖃᕐᓂᕐᒧᑦ ᐊᐅᓚᔾᔪᑎᒃᓴᓂᒃ ᐅᕝᕙᓘᓐᓃᑦ ᑕᒪᐃᖔᕐᓯᒪᔪᓂᒃ, ᐃᓚᖃᕐᓗᓂ ᐊᕐᕌᒍᓂ ᖁᓕᓂᒃ ᐅᖓᑖᓂᒡᓘᓐᓃᑦ ᑕᒪᐅᖔᖓᔪᓂᒃ ᐱᓕᕆᐊᖃᓕᒪᓗᑎᒃ. ᐅᖃᐅᓯᖃᕈᕕᑦ ᒪᕐᕈᐃᓂᒃ ᓄᓇᕗᑦ ᐅᖃᐅᓯᖏᓐᓂᒃ ᐱᐅᓇᔭᖅᑐᖅ. ᖃᐅᔨᒪᒋ: ᐅᓇ ᐃᖅᑲᓇᐃᔮᒃᓴᖅ ᐅᒃᐱᕐᓇᕐᓂᕐᒧᑦ ᐃᖅᑲᓇᐃᔮᖑᖕᒪᑦ ᐊᒻᒪᓗ ᐱᕋᔭᒃᓯᒪᙱᒃᑲᓗᐊᕆᐊᒃᓴᖅ ᖃᐅᔨᓴᖅᑕᐅᓐᓇᖅᖢᓂ.

ᓄᓇᕗᒥᑦ ᐅᖃᐅᓯᕆᔭᐅᔪᑦ ᐅᑯᐊᖑᔪᑦ ᐃᓄᒃᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑐᑦ ᐊᒻᒪ ᐅᐃᕖᑐᑦ.

ᒪᕐᕈᐃᓂ ᐅᖃᕈᓐᓇᑦᑎᐊᕈᓂ ᓄᓇᕗᑦ ᐅᖃᐅᓯᖏᓐᓂᒃ ᐱᐅᓇᔭᖅᑐᖅ. ᖃᐅᔨᒪᒍᓂ ᐃᓄᒃᑐᑦ, ᓄᓇᓕᖕᓂ, ᐃᓕᖅᑯᓯᖅᒥᒃ, ᓄᓇᒥ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖓᓂᒃ ᐱᐅᓪᓚᕆᒃᑲᔭᖅᑐᖅ.

ᑖᔅᓱᒧᖓ ᐃᖅᑲᓇᐃᔮᒧᑦ ᒐᕙᒪᒃᑯᓐᓂᑦ ᐊᐅᓚᑦᑎᓂᕐᒥᒃ, ᐃᖅᑲᓇᐃᔮᖅᑖᕋᓲᑎᓯ ᓇᒡᓯᐅᑎᓗᒋᑦ ᐅᕗᖓ Phelps ᐅᕙᓂ careers@phelpsgroup.ca, ᓇᓗᓇᐃᕐᓗᒍ ᐃᖅᑲᓇᐃᔮᒃᓴᒧᑦ ᐊᑎᕆᔭᐅᔪᖅ ᑎᑎᕋᖅᕕᒃᑯᑦ ᓇᓗᓇᐃᕐᓯᒍᑎᖓᒍᑦ. ᐃᖅᑲᓇᐃᔮᖅᑖᕋᓱᖕᓂᕐᒧᑦ ᒪᑐᕝᕕᖓ: ᐅᒃᑑᐱᕆ 22, 2021.

ᓄᓇᕗᒥᑦ ᒐᕙᒪᒃᑯᑦ ᐱᓇᓱᐊᒐᖃᕐᒪᑕ ᐃᖅᑲᓇᐃᔭᖅᑎᓂᒃ ᑐᑭᓯᓯᒪᓂᕐᓴᐅᔪᓂᒃ ᐊᒻᒪᓗ ᐃᔨᑦᑎᕋᕈᓐᓇᖅᑐᓂᒃ ᓄᓇᕗᒥᐅᓂᒃ. ᓯᕗᓪᓕᐅᑎᑕᐅᓂᐊᕐᑐᑦ ᓄᓇᕗᒥᑦ ᐃᓄᐃᑦ. ᐃᖅᑲᓇᐃᔮᖅᑖᕋᓱᒃᑐᑦ ᓇᓗᓇᐃᑦᑎᐊᕆᐊᖃᖅᑐᑦ ᐊᔪᙱᔾᔪᑎᖏᓐᓂᒃ ᐃᓱᒪᒋᔭᐅᔪᓐᓇᕐᓂᐊᕐᒪᑕ ᐅᕘᓇ ᓄᓇᕗᒥᑦ ᓯᕗᓪᓕᐅᑎᑦᑎᓂᒃᑯᑦ ᐃᖅᑲᓇᐃᔭᖅᑎᑦᑎᓂᕐᒥᒃ. ᑕᒪᒃᑯᐊ ᐱᓇᓱᒍᑎᐅᔪᑦ ᓇᒡᓯᐅᔾᔭᐅᓂᖏᑦ ᖁᕕᐊᒋᔭᐅᒐᓗᐊᖅᖢᑎᒃ ᐊᒻᒪᓗ ᑲᒪᒋᔭᐅᓪᓗᑎᒃ ᑖᒃᑯᑎᒎᓇᑐᐊᖅ, ᐊᐱᖅᓱᖅᑕᐅᒃᑲᓐᓂᕈᒪᔪᑦ ᑭᓯᐊᓂ ᖃᐅᔨᑎᑕᐅᓂᐊᕐᒪᑕ.

401 Bay Street, Suite 1400, Toronto, ON M5H 2Y4
ᐅᖄᓚᐅᑎᖓ: 416 364 6229

careers@phelpsgroup.ca

Expiry Options: 
ᒪᑐᕕᒃᓴᖓᑕ ᐅᓪᓗᖓ