ᐅᖃᓚᐅᑎᓯᐅᑏᑦ

You are here

ᒥᓂᔅᑕᐅᑉ ᑐᒡᓕᐊ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
DMHEALTH
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$219,265 to $274,082
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 30, 2021 - 11:59pm

ᐊᒃᑐᐃᔪᓐᓇᓪᓚᕆᒃᑐᖅ ᐃᖅᑲᓇᐃᔮᒃᓴᖅ ᓇᓗᓇᐃᖅᑕᐅᓯᒪᓪᓗᓂ ᐃᓅᖃᑎᒌᓂᑦ ᑲᑎᙵᖃᑎᒌᒃᐸᓪᓕᐊᑎᑦᑎᔪᓐᓇᕐᓂᕐᒥᒃ ᓴᐱᕈᓐᓃᖅᑎᑦᑎᕙᓪᓕᐊᓂᕐᒥᓪᓗ ᑲᑐᔾᔨᖃᑎᒌᖕᓂᒃᑯᑦ ᓴᖅᑭᑎᑦᑎᕙᒡᓗᓂᓗ ᐱᔨᑦᑎᕋᖅᑕᐅᔪᑦ ᐱᔭᕆᐊᓕᖏᑦ ᒪᓕᒃᑕᐅᑦᑎᐊᖃᑦᑕᖁᓪᓗᒋᑦ ᐊᒻᒪ ᑲᔪᓯᑎᑦᑎᓗᑎᒃ ᐃᑲᔪᖅᑐᐃᔪᒥᒃ, ᐱᔪᓐᓇᕐᓂᖅᑖᖅᑎᑦᑎᔪᒥᒃ ᐊᒻᒪ ᐃᒃᐱᒍᓱᑦᑎᐊᖅᑐᒥᒃ ᐃᖅᑲᓇᐃᔭᕐᕕᖕᒥ.   

1999-ᒥ ᐱᒋᐊᖅᑎᑕᐅᓪᓗᓂ, ᓄᓇᕗᑦ ᐃᓕᖅᑯᓯᑐᖃᑦᑎᓐᓂ ᑲᔪᓯᑎᑦᑎᑦᑎᐊᖅᖢᑎᒃ. ᓄᓇᕗᓕᒫᑲᓴᒃ ᑎᒍᒥᐊᓕᓚᐅᖅᓯᒪᔪᑦ ᐅᑭᐅᒐᓴᖕᓄᑦ ᐃᓄᖕᓄᑦ ᐱᐅᓯᑐᖃᕆᔭᐅᔪᒥᑦ ᐃᓕᖅᑯᓯᑐᖃᕐᒥᓂᒡᓗ.  ᑐᙵᕕᖃᖅᖢᑎᒃ ᐃᓕᖅᑯᓯᑐᖃᕐᒥᓂ ᐊᑐᑦᑎᐊᖅᑐᓂᒃ, ᓄᓇᕗᑦ ᒐᕙᒪᒃᑯᑦ ᐱᕙᒌᔭᓕᖅᐳᑦ ᑲᔪᓯᑦᑎᐊᖁᔨᓪᓗᑎᒃ ᓯᕗᓂᒃᓴᑦᑎᓐᓂ ᓴᖅᑭᑎᑦᑎᕙᓪᓕᐊᓪᓗᑎᒃ ᐃᓕᓐᓂᐊᕈᑎᑦᑎᐊᕙᖕᓂᑦ, ᐋᓐᓂᐊᕐᕕᖕᒥ ᑲᒪᒋᔭᐅᔾᔪᑎᓂᑦ, ᐃᓕᖅᑯᓯᑦᑎᓐᓂ, ᐊᕙᑎᑦᑎᓐᓂ ᓴᐳᔾᔨᔪᓂᒃ, ᐊᒻᒪ ᓴᓇᕝᕕᖕᓂ ᐱᕈᖅᐸᓪᓕᐊᑎᑦᑎᓂᕐᒥᒃ.

ᓄᓇᕗᑦ ᒐᕙᒪᒃᑯᑦ ᕿᓂᖅᐳᑦ ᒥᓂᔅᑕᐅᑉ ᑐᒡᓕᒃᓴᖓᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᒥᓂᔅᑕᒥᑦ ᐱᓕᕆᖃᑎᖃᑦᑎᐊᖃᑦᑕᕐᓂᐊᖅᑐᒥᒃ ᒪᓕᒡᓗᓂᓗ ᐱᓕᕆᕝᕕᐅᑉ ᑕᐅᑐᖅᑰᖅᑕᖓᓂᒃ "A ᓯᕗᓕᖅᑎᐅᓂᖅ ᐱᔨᑦᑎᕋᐅᑎᑦᑎᐊᕙᖕᓂᑦ ᓄᓇᓕᖏᓐᓄᑦ ᓄᓇᕗᒻᒥ ᐊᒻᒪ ᒐᕙᒪᒃᑯᓐᓄᑦ," ᐱᓕᕆᐊᒃᓴᕆᑎᑕᐅᔪᒥᑦ ᑲᔪᓯᑎᑦᑎᓪᓗᐊᑕᖃᑦᑕᕐᓂᐊᖅᐳᖅ"ᓴᖅᑭᔮᖅᑎᑦᑎᓂᕐᒧᑦ, ᓴᐳᔾᔨᓂᕐᒧᑦ, ᐊᒻᒪ ᐱᐅᓯᒋᐊᖅᑎᑦᑎᓂᕐᒧᑦ  ᓄᓇᕗᒻᒥᐅᓂᑦ ᖃᓄᐃᙱᑦᑐᓂᑦ ᐊᒻᒪ ᐃᓅᓯᖃᑦᑎᐊᖅᑐᓂᑦ, ᐃᓚᓕᐅᔾᔨᓗᑎᒃ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ ᓇᐅᒃᑯᓕᒫᑦᑎᐊᖅ ᐱᔨᑦᑎᕋᖅᑕᐅᔾᔪᑎᖏᓐᓂᒃ ᐊᒻᒪ ᐋᖅᑭᒃᓯᒪᓂᖓᓂ".

ᐱᒻᒪᕆᐅᒋᔭᖏᓐᓂᒃ ᐊᐅᓚᑕᐅᓗᓂ ᐱᐅᓂᖅᐹᒃᑯᑦ ᐱᔨᑦᑎᕋᕐᓂᕐᒧᑦ, ᑲᔪᓰᓐᓇᕈᓐᓇᖅᑐᓂᑦ, ᐋᓐᓂᐊᖅᑐᓕᕆᓂᖅ ᐊᑦᑕᕐᓇᖅᑕᐃᓕᒪᓂᕐᓗ, ᐊᒻᒪᓗ ᐊᐅᓚᑦᑎᕕᖕᒥ ᐱᓕᕆᑦᑎᐊᕐᓂᕐᒥᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ, ᒥᓂᔅᑕᒥᑦ ᐃᑲᔪᖅᑐᐃᓂᐊᖅᐳᖅ ᓴᖅᑭᑎᑦᑎᓗᑎᒃ ᑲᑐᔾᔨᓗᑎᒃ ᐊᒻᒪ ᐃᓛᒃᑯᑦ ᒥᓂᔅᑕᐅᔾᔪᑎᖓᑕ ᑲᒪᒋᔭᒃᓴᖏᓐᓂᒃ ᐊᒻᒪᓗᑦᑕᐅᖅ ᓵᑕᐅᔪᓐᓇᕐᓂᖓᓄᑦ ᒥᓂᔅᑕᐅᖃᑎᒌᓄᑦ. ᓇᓗᓇᐃᑦᑎᐊᒃᑲᓐᓂᕐᓗᒍ, ᐃᓕᖕᓂᑦ ᑕᑎᖃᖃᑦᑕᕐᓂᐊᖅᐳᑦ ᖃᓄᖅᑑᕈᑎᒃᓴᓂᒃ, ᐸᕐᓇᐃᓂᕐᒥᒃ, ᓯᕗᓕᖅᑎᐅᓂᕐᒥᒃ ᐋᖅᑭᒃᓱᐃᑎᓪᓗᒋᑦ ᐊᑐᐊᒐᕐᓂᑦ ᒪᓕᒐᕐᓂᓪᓗ, ᑐᓴᐅᒪᔪᓕᕆᓂᕐᒧᑦ, ᑮᓇᐅᔭᓂᒃ ᐊᑐᖅᑐᒃᓴᓂᒃ ᐋᖅᑭᒃᓱᐃᓂᕐᒥᒃ, ᐊᑭᑐᔫᑎᓂᒃ ᐸᕐᓇᐃᓂᕐᒥᒃ, ᑮᓇᐅᔭᓕᕆᔨᑦ ᐱᔨᑦᑎᕋᐅᑎᖏᓐᓂᒃ, ᐃᖅᑲᓇᐃᔭᖅᑐᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒥᒃ, ᐊᒻᒪ ᐱᓕᕆᐊᖑᔪᓂᒃ ᐃᑲᔪᖅᑐᐃᓂᕐᒥᒃ. ᓯᕗᓕᖅᑎᐅᓂᖅ ᑐᑭᒧᐊᒃᑎᑦᑎᓂᕐᓗ ᐅᑯᓇᓂ ᐋᓐᓂᐊᓯᐅᖅᑎᓕᕆᓂᖅ, ᐊᕕᒃᑐᖅᓯᒪᔪᓂᑦ ᐱᔨᑦᑎᕋᕐᓂᕐᒥᒃ, ᐊᒻᒪ ᑕᒪᐃᓐᓂ ᐱᓕᕆᕝᕕᐅᔪᒥ ᐱᐅᔪᓂᒃ ᐱᓕᕆᐊᒃᓴᖃᖅᑎᑦᑎᓂᕐᒥᒃ ᐱᓕᕆᐊᖑᓪᓗᐊᑕᖃᑕᐅᔪᑦ ᑕᕝᕙᓂ ᐱᔨᑦᑎᕋᕐᕕᖕᒥᑦ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕᐅᑉ ᑐᒡᓕᕆᓕᖅᑕᖓ, ᑐᑭᒧᐊᒃᑎᑦᑎᖃᑦᑕᕐᓂᐊᖅᐳᖅ ᓯᕗᓕᖅᑎᐅᓗᓂᓗ ᐊᐅᓚᓂᕆᓪᓗᐊᑕᕆᐊᓕᖏᑦ ᐱᔾᔪᑎᒋᓪᓗᒋᑦ ᐋᓐᓂᐊᖅᑐᓕᕆᔨᒃᑯᓐᓂ. ᐃᓅᓯᖏᓐᓂ ᐃᓅᑦᑎᐊᕐᓂᖏᓐᓂᒡᓗ ᐊᒃᑐᐃᖃᑦᑕᕐᓂᐊᖅᐳᖅ ᓄᓇᖃᖅᑐᓂᑦ ᓄᓇᕘᓕᒫᒥ ᖃᓄᐃᓕᐅᕈᑎᒃᓴᓂᒃ ᐱᓕᕆᔾᔪᓯᕐᓂᓪᓗ ᐊᑐᖃᑦᑕᖅᑐᑦ ᐃᓚᓕᐅᑎᓯᒪᔪᖅ ᐃᓕᓐᓂᐊᖅᑎᑦᓯᓂᕐᒥᒃ ᐊᒻᒪᓗ ᐊᔪᕈᓐᓃᖅᓴᐃᓂᕐᒥᒃ, ᐃᓄᓕᕆᓂᕐᒧᑦ ᐊᑐᐊᒐᓕᕆᓂᕐᒥᒃ, ᑲᑐᔾᔨᖃᑎᖃᕐᓂᕐᒥᒃ ᐱᓕᕆᖃᑎᖃᕐᓂᕐᒥᓪᓗ, ᒪᓕᒋᐊᓕᖕᓂᒃ, ᓄᓇᓕᖕᓂ ᐱᕙᓪᓕᐊᑎᑦᓯᓂᕐᒥᒃ, ᐊᒻᒪ ᐃᑲᔪᖅᑐᐃᓂᕐᒥᒃ ᐋᓐᓂᐊᕕᖕᒥ ᖃᓄᐃᓕᔪᖃᓚᐅᙱᓐᓂᖓᓂ ᑲᒪᒋᔭᖃᑦᑎᐊᕐᓂᕐᒥᒃ.

ᑖᓐᓇ ᐱᕕᒃᓴᑦᑎᐊᕙᐅᕗᖅ ᓯᕗᓕᖅᑎᐅᑯᑖᒃᓯᒪᔪᒧᑦ ᐃᓄᖕᓂᒃ ᐊᐅᓚᑦᑎᔨᐅᖃᑦᑕᖅᓯᒪᓗᓂ ᐊᒻᒪᓗ ᐱᓕᕆᔾᔪᓯᐅᔪᓂᑦ ᓇᓗᓇᖅᑐᒥᑦ, ᐅᓄᖅᑐᓂᑦ−ᐱᖃᖅᑎᐅᖃᑕᐅᔪᑦ ᐃᓂᖓᓂ. ᓯᕗᓕᖅᑎᐅᔪᓐᓇᑦᑎᐊᕆᐊᖃᖅᐳᑎᑦ ᑐᑭᓕᐅᕆᔪᓐᓇᕐᓗᓂ ᐊᑐᕈᓐᓇᕐᓗᓂᓗ ᒪᓕᒐᕐᓂᒃ ᓲᕐᓗ ᐋᓐᓂᐊᓯᐅᖅᑎᒻᒪᕆᖕᓄᑦ ᐱᖁᔭᖅ, ᐋᓐᓂᐊᖅᑐᓕᕆᓂᕐᒧᑦ ᐱᖁᔭᖅ ᐊᒻᒪ ᐋᓐᓂᐊᕕᖕᒥ ᑲᒪᒋᔭᐅᕙᒃᑐᓄᑦ ᐱᖁᔭᖅ, ᐊᐅᓚᑦᑎᑦᑎᐊᖅᐸᒡᓗᓂᓗ ᐋᖅᑭᐅᒪᑎᑦᑎᑦᑎᐊᖅᐸᒡᓗᓂᓗ ᐱᓕᕆᔨᓪᓚᕆᖕᓄᑦ ᒪᓕᒃᑕᐅᕙᒃᑐᓂᒃ ᐱᓕᕆᔾᔪᑎᑦᑎᐊᕙᐅᓛᓂᓪᓗ, ᑭᒡᒐᖅᑐᐃᓗᓂᓗ ᐊᓯᐅᑎᑦᑎᑦᑕᐃᓕᒪᓂᕐᒧᑦ ᐱᐅᓯᒋᐊᖅᑎᑦᑎᓂᕐᒧᓪᓗ ᓄᓇᕗᒻᒥᐅᑦ ᖃᓄᐃᙱᓐᓂᖏᓐᓂᒃ.  ᖃᐅᔨᒪᔭᐅᑦᑎᐊᕐᓂᕐᓂ ᑎᑎᕋᖅᓯᒪᔪᖁᑎᖃᕐᓂᐊᕆᕗᑎᑦ ᐱᐊᓂᒃᓯᔪᓐᓇᕐᓂᕐᓂ ᓯᕗᓕᖅᑎᓪᓗᐊᑕᐅᓪᓗᑎᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᓪᓗ ᑲᒪᔨᐅᔪᓐᓇᕐᓂᕐᒥᒃ ᐋᓐᓂᐊᖃᕐᓇᙱᑦᑐᓕᕆᔨᑦ ᐱᓕᕆᕝᕕᖓᓂ. 

ᖃᓄᖅᑑᕈᓐᓇᑦᑎᐊᕐᓂᕐᒧᑦ ᐃᓱᒪᒃᓴᖅᓯᐅᕈᓐᓇᕐᓗᑎᑦ ᐊᒻᒪ ᐱᔨᑦᑎᕋᖅᑕᕐᓂ−ᐅᔾᔨᕈᓱᑦᑎᐊᕐᓗᑎᑦ ᓯᕗᓕᖅᑎᐅᓗᑎᑦ ᐊᓯᔾᔩᓂᕐᒧᑦ, ᐆᒃᑑᑎᑦᑎᐊᕙᐅᓂᐊᖅᐳᑎᑦ ᓄᓇᓕᖕᓂᓗ−ᐅᔾᔨᕈᓱᑦᑎᐊᕐᓗᑎᑦ ᐱᔨᑦᑎᕋᖅᐸᒡᓗᑎᑦ ᓴᖅᑭᑎᑦᑎᓇᓱᒃᑎᓪᓗᑎᑦ ᖃᓄᑐᐃᓐᓇᖅ ᐅᖃᐅᓯᓕᖕᓂᑦ, ᐃᓚᓕᐅᔾᔨᓯᒪᑦᑎᐊᕐᓗᑎᑦ, ᐊᔾᔨᒌᙱᑦᑐᓂᓪᓗ ᐃᓕᖅᑯᓯᓕᖕᓂᑦ, ᐋᔩᖃᑎᒌᒃᑎᑦᑎᕙᒡᓗᑎᑦ ᐃᓱᒪᒋᔭᐅᔪᓂᓪᓗ ᐃᑲᔪᖅᑐᐃᕙᒡᓗᑎᑦ ᐃᖅᑲᓇᐃᔭᖅᑎᓂᑦ ᓇᖕᒥᓂᖃᖃᑕᐅᔪᓂᓪᓗ ᓇᓂᑐᐃᓐᓇᑦᑎᐊᖅ, ᐊᑲᐅᙱᓕᐅᕈᑎᓕᖕᓂᓪᓗ ᐋᖅᑭᒃᓯᓇᓱᒃᐸᒡᓗᑎᑦ ᓴᖅᑭᑉᐸᓪᓕᐊᔪᓂᓪᓗ ᐃᓱᒪᒋᔭᒃᓴᓂᒃ ᐃᓛᓐᓂᒃᑯᑦ ᓇᓗᓇᖅᑐᒦᓕᖅᐸᒃᑐᓂᑦ ᐃᓱᒪᒋᔭᖃᕐᓂᖅᓴᐅᔪᒪᔪᓂᓪᓗ ᐊᒻᒪ ᓯᕗᓪᓕᐅᔾᔭᐅᖁᔨᓂᖅᓴᓂᒃ. ᒥᓂᔅᑕᒧᑦ ᑐᒡᓕᕆᔭᐅᓗᓂ ᑕᕝᕙᓂ ᐱᓕᕆᕝᕕᑦᑎᐊᕙᖕᒥᑦ, ᐱᓕᕆᖃᑕᐅᑦᑎᐊᖃᑦᑕᕐᓂᐊᖅᐳᑎᑦ ᐃᓅᖃᑎᒌᑦᑎᐊᓕᒃᑲᓐᓂᖁᓪᓗᒋᑦ ᓄᓇᓕᖕᓂ ᐊᒻᒪ ᓄᓇᓕᖕᓂ ᑐᑦᑕᕐᕕᖏᓐᓂ, ᓇᓗᓇᐃᖅᓯᕙᒡᓗᑎᑦ ᑮᓇᐅᔭᖅᑕᖃᕐᓂᖓᓂ ᒐᕙᒪᒋᔭᐅᓪᓗᐊᑕᖅᑐᑦ ᐊᒻᒪ ᓄᓇᓕᖕᓂ ᓯᕗᓪᓕᐅᑎᑕᐅᔪᒪᔪᑦ ᑲᒪᒋᔪᒪᓪᓗᒋᑦ, ᐊᒻᒪᓗ ᐊᓯᖏᓐᓂᒃ ᒐᕙᒪᒃᑯᑦ ᐱᓕᕆᕝᕕᖏᓐᓂ ᑲᑐᔾᔨᖃᑎᖃᖅᐸᒡᓗᑎᑦ ᖃᐅᒪᔭᕐᓂ ᐊᑐᕈᒥᓇᕐᓂᖅᐹᓂᓪᓗ ᑐᓴᖅᑎᑦᑎᖃᑕᐅᑎᕙᒡᓗᓯ. 

ᐊᐅᓚᑦᑎᔨᒻᒪᕆᖕᒧᑦ ᐃᓂᒃᓴᖅ ᐱᕕᒃᓴᖃᖅᑎᑦᑎᕗᖅ ᐃᑲᔪᖅᑐᐃᔪᓐᓇᕐᓗᓂ ᑲᔪᓯᑎᑕᐅᔪᒧᑦ ᐆᒻᒪᕆᒃᑐᓂᓪᓗ ᐊᖏᔪᒻᒪᕆᐊᓗᖕᒥ ᐱᕈᖅᐸᓪᓕᐊᔪᓂᓪᓗ ᓄᓇᕗᒻᒥ ᐃᓅᓯᖃᑦᑎᐊᕐᓂᖏᓐᓂᓪᓗ ᓄᓇᓕᖕᓂ, ᖁᕕᐊᒋᔭᖃᕐᓗᓂᓗ ᐱᔪᒥᓇᑦᑎᐊᖅᑐᒥᒃ ᐊᑭᓕᖅᑕᐅᔾᔪᑎᓂᒃ ᐃᑲᔫᓯᐊᓂᒡᓗ ᑲᑎᓯᒪᔪᓂᑦ. 

ᐱᓇᔪᒍᒪᒍᕕᑦ ᑖᔅᓱᒥᖓ ᖃᓄᖅᑑᕈᓐᓇᕐᓗᓂ ᓯᕗᓕᖅᑎᐅᓂᕐᒧᑦ, ᐱᓇᔫᑏᑦ ᓇᒃᓯᐅᑎᓗᒍ Phelps−ᒧᑦ ᐅᕙᓂ careers@phelpsgroup.ca ᐃᖅᑲᓇᐃᔮᒃᓴᖅ ᓇᓗᓇᐃᕐᓗᒍ ᑎᑎᕋᖅᑕᕕᑦ ᐱᔾᔪᑎᒋᔭᖓᓄᑦ.  ᑐᒃᓯᕋᐅᑎᑦ ᐃᓱᓕᕝᕕᒃᓴᖓ: ᐅᑐᐱᕆ 30 2021.

401 Bay Street, Suite 1400, Toronto, ON M5H 2Y4
ᐅᖄᓚᐅᑎᒃᑯᑦ: 416 364 6229

 

Expiry Options: 
ᒪᑐᕕᒃᓴᖓᑕ ᐅᓪᓗᖓ