ᐅᖃᓚᐅᑎᓯᐅᑏᑦ

You are here

ᒪᓕᒐᓕᕆᔨ (ᐊᑕᐅᓯᐅᖏᑦᑐᑦ ᐃᖅᑲᓇᐃᔮᑦᓴᐃᑦ) ᓴᖅᑭᔮᖅᑎᑕᐅᒃᑲᓐᓂᖅᑐᖅ

Community: 
ᐃᖃᓗᖕᓂ
Reference number: 
05-505621
Union Status: 
Salary: 
$115,241,591-ᒥᑦ $148,356−ᒧᑦ ᓇᓕᒧᓱᑦᓱᑐᖅ ᐃᖅᑲᓇᐃᔭᓕᒪᓂᖓ ᒪᓕᓪᓗᒍ
Northern Allowance: 
$15,016.00
Closing Date: 
ᓯᑎᐱᕆ 27, 2019

ᐃᖅᑲᓇᐃᔮᒃᓴᖅ ᑕᑎᒋᔭᐅᔭᕆᐊᖃᕐᓇᖅᑑᓪᓗᓂ ᐱᕋᔭᒃᓯᒪᓂᑰᖏᒃᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᓕᒃ.

ᐅᓇ ᐃᖅᑲᓇᐃᔮᒃᓴᖅ ᐱᓇᔪᒃᑕᐅᔪᓐᓇᖅᑐᖅ ᑭᒃᑯᓕᒫᓄᑦ.

ᒪᓕᒐᓕᕆᔨ ᐱᓕᕆᖃᑎᖃᖃᑦᑕᖅᑐᖅ ᒪᓕᒐᓕᕆᓂᕐᒥ ᐱᖁᔭᕐᔪᐊᓕᕆᓂᕐᓗ ᐱᓕᕆᕝᕕᖓ ᒪᓕᒐᓕᕆᔨᒃᑯᑦ. ᑐᑭᒧᐊᑦᑎᑦᓯᔨᖃᕐᓗᓂ ᑐᓪᓕᐊᓂᑦ ᒥᓂᔅᑕᐅᑉ ᒪᓕᒐᓕᕆᔨᒃᑯᓐᓄᑦ, ᒪᓕᒐᓕᕆᔨᒻᒪᕆᐅᑉ ᑐᓪᓕᒃᑲᓐᓂᖓ ᐃᑲᔪᖅᑎᖓ, ᑐᑭᒧᐊᑦᑎᑦᓯᔨᖓᓂᓪᓗ ᒪᓕᒐᓕᕆᓂᕐᒥ ᐱᖁᔭᕐᔪᐊᓕᕆᓂᕐᓗ ᐃᖅᑲᓇᐃᔮᖅᑖᖅᑐᖅ ᐊᑐᐃᓐᓇᐅᑎᑦᓯᓂᐊᖅᑐᖅ ᒪᓕᒐᓕᕆᓂᕐᒧᑦ ᐱᔨᑦᓯᕋᕐᓂᕐᒥᑦ ᒥᓂᔅᑕᓄᑦ, ᐃᓘᓐᓇᖏᓐᓄᑦ ᒐᕙᒪᒃᑯᑦ ᐱᓕᕆᕝᕕᖏᓐᓄᑦ ᐃᓚᖏᓐᓂᓪᓗ ᑭᒃᑯᑐᐃᓐᓇᕐᓄᑦ ᑐᑦᑕᕐᕕᐅᒧᓂᑦ. ᑖᓐᓇ ᐃᖅᑲᓇᐃᔮᖅ ᑭᒡᒐᖅᑐᐃᖃᑦᑕᕆᕗᑦ ᐃᓱᒪᒋᔭᖏᓐᓂᒃ ᓄᓇᕗᑦ ᒐᕙᒪᖓᓂᒃ ᐃᖅᑲᖅᑐᐃᕕᓕᒫᓂᒃ ᑭᒡᒐᖅᑐᐃᔨᓂᒃ ᐃᖅᑲᖅᑐᐃᓂᒃᑯᓪᓗ ᒐᕙᒪᑐᖃᒃᑯᓪᓗ ᐊᓯᖏᑎᒍᓪᓗ ᐋᔩᖃᑎᒌᓐᓂᕐᓄᑦ.

ᐃᖅᑲᓇᐃᔮᖅᑖᖅᑐᑦ ᐊᑐᐃᓐᓇᐅᑎᑦᓯᓂᐊᖅᑐᖅ ᒪᓕᒐᓕᕆᓂᕐᒧᑦ ᐱᔨᑦᓯᕋᕐᓂᕐᒥᑦ ᐊᑦᑐᐊᓂᓕᓐᓂᑦ ᓂᐅᕕᕐᓂᕐᒧᑦ ᒪᓕᒐᓕᕆᓂᕐᒥᑦ, ᐃᓚᒋᔭᐅᓗᓂ ᑎᑎᕋᖅᑕᐅᒋᐊᕐᖓᖅᑐᓂᑦ ᕿᒥᕐᕈᓂᕐᒥᓪᓗ ᐊᖏᔪᓂᑦ ᑎᑎᕋᖅᓯᒪᔪᒃᑯᑦ ᐊᖏᖃᑎᒌᑦᓱᑎᒃ ᐱᓕᕆᖃᑎᒌᓄᑦ, ᐊᐃᑦᑑᑎᓄᑦ ᐊᖏᖃᑎᒌᒍᑎᓂᑦ, ᑎᑎᕋᖃᑦᑕᕆᐊᓖᑦ ᐊᑐᖅᑕᐅᓂᐊᕐᓗᑎᑦ ᐊᔾᔨᒌᖏᑦᑐᓄᑦ ᒐᕙᒪᒃᑯᓐᓄᑦ ᐱᓕᕆᕝᕕᐅᔪᑦ.  ᐃᖅᑲᓇᐃᔮᖅᑖᖅᑐᑦ ᐊᑐᐃᓐᓇᐅᑎᑦᓯᓂᐊᕐᒥᔪᖅ ᒪᓕᒐᓕᕆᓂᕐᒧᑦ ᐅᖃᐅᔾᔨᓂᕐᒥᑦ ᐱᔨᑦᓯᕋᕐᓂᕐᒥᓪᓗ ᐊᑦᑐᐊᓂᓕᓐᓂᑦ ᒐᕙᒪᒃᑯᑦ ᓂᐅᕕᕐᓂᕆᖃᑦᑕᖅᑕᖓᓂᑦ, ᐃᖅᑲᓇᐃᔭᕐᓂᕐᒧᑦ ᐃᖅᑲᓇᐃᔭᖅᑎᓄᓪᓗ ᒪᓕᒐᕐᓂᑦ, ᓄᓇᕗᒻᒧ ᐊᖏᖃᑎᒌᒍᑦ ᓄᓇᑖᕈᑎᓄᑦ, ᐊᒻᒪᓗ ᑲᓇᑕᒥᐅᑕᓄᑦ ᐱᔪᓐᓇᐅᑏᑦ ᐃᓱᒪᖅᓲᑏᓪᓗ.

ᐃᖅᑲᓇᐃᔮᖅᑖᖅᑐᖅ ᐱᔭᕇᕈᓯᐊᕐᓯᒪᒋᐊᓕᒃ ᑎᑎᕋᖅᓯᒪᙱᑦᑐᓂᑦ ᒪᓕᒐᕐᓂᑦ ᐃᓕᑕᕆᔭᐅᓯᒪᔪᒥᑦ ᑲᓇᑕᒥ ᓯᓚᑦᑐᖅᓴᕐᕕᔾᔪᐊᕐᒥᑦ ᐱᓯᒪᑦᓯᓗᓂᓪᓘᓐᓃᑦ ᓇᓗᓇᐃᒃᑯᑕᕐᒥᑦ ᐊᔪᙱᔾᔪᑎᑖᖅᓯᒪᓂᖓ ᑲᓇᑕᓕᒫᒥᑦ ᑲᑎᒪᔨᓂᑦ ᐃᓚᐅᖃᑕᐅᔾᔪᑎᒥᒃ ᑐᙵᕕᖓᓐᓄᑦ ᑲᑐᔾᔨᖃᑎᒌᑦ ᒪᓕᒐᓕᕆᓂᕐᒧᑦ ᑲᓇᑕᒥ.  ᐃᖅᑲᓇᐃᔭᖅᑎ ᐱᔪᓐᓇᕐᓂᖃᕆᐊᓕᒃ ᐃᓚᒋᔭᐅᔾᔪᑎᒥᑦ ᒪᓕᒐᓕᕆᔩᑦ ᑲᑐᔾᔨᖃᑎᒌᖏᑦ ᓄᓇᕗᒻᒥ ᐊᒻᒪᓗ/ᐅᕝᕙᓗᓃᑦ ᐃᓚᒋᔭᐅᓪᓗᓂ ᑲᔪᓯᑦᓯᐊᕐᓯᒪᓂᖏᓐᓄᑦ ᐊᕕᑦᑐᖅᓯᒪᔪᓂᑦ ᐅᑭᐅᖅᑕᖅᑐᒥᓪᓘᓐᓃᑦ ᐱᖁᔭᓕᕆᔨᒃᑯᓐᓂᑦ. ᐃᖅᑲᓇᐃᔮᖅᑖᖅᑐᖅ ᑕᑯᑦᓴᐅᑎᑦᓯᓂᐊᖅᑐᖅ ᑎᑎᕋᕈᓐᓇᕐᓂᕐᒥᑦ ᐅᖃᕈᓐᓇᕐᓂᕐᒥᓪᓗ ᖃᓪᓗᓈᑎᑐᑦ ᐅᖃᐅᓯᖅᑕᕐᒥᑦ, ᐃᓱᒪᑦᓴᖅᓯᐅᑦᓯᐊᕈᓐᓇᕐᓗᓂᓗ, ᑐᑭᓯᐅᒪᑦᓯᐊᕐᓗᓂᓗ ᐱᔨᑦᓯᕋᖅᑕᒥ ᐱᔪᒪᓂᖓᓂᑦ ᐱᔭᕆᐊᓕᖏᓐᓂᓪᓗ. ᐃᒪᐃᒐᔪᑉᐳᖅ ᖁᓛᓃᑦᑐᑦ ᐱᔭᐅᒐᔪᑦᑐᑦ ᒪᕐᕉᓐᓄᑦ ᐊᕐᕌᒍᓐᓄᑦ (2) ᐱᓕᕆᓯᒪᓂᑰᓗᓂ ᐊᔾᔨᐸᓗᖏᓐᓂᑦ ᒪᓕᒐᓕᕆᓂᕐᒧᑦ ᐱᓕᕆᓂᕐᒥᑦ ᖃᓄᐃᑑᓂᖓᓂᓪᓘᓐᓃᑦ ᐱᓕᕆᐊᑉ ᐊᔾᔨᒌᖏᑦᑐᓂᓪᓗ ᑕᑯᑦᓴᐅᑎᑦᓯᓂᕐᒥᑦ ᐱᔪᓐᓇᕐᓂᕐᒥᑦ ᒐᕙᒪᒃᑯᑦ ᒪᓕᒐᓕᕆᓂᕐᒧᑦ ᒪᓕᒐᓕᕆᔨᐅᓂᕐᒥᑦ.

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ ᐃᓄᐃᓐᓇᖅᑐᓐ, ᖃᓪᓗᓈᑎᑐᑦ ᐅᐃᕖᑎᑐᓪᓗ. ᖃᐅᔨᒪᒃᐸᑦ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᖏᓐᓂᒃ, ᐃᓕᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐊᒻᒪ ᐅᖃᕈᓐᓇᕐᓗᓂ ᓄᓇᕗᒻᒥᑦ ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓇᓪᓕᐊᖕᓂᑐᐃᓐᓇᖅ ᐅᖃᕈᓐᓇᑦᑎᐊᕐᓗᓂ.

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ ᐃᓕᓐᓂᐊᖅᓯᒪᓂᖓ ᐊᒻᒪ ᐃᖅᑲᓇᐃᔭᖃᑦᑕᖅᓯᒪᓂᖓ ᐃᓱᒪᒋᔭᐅᒐᔭᕐᒥᔪᑦ.

ᐃᖅᑲᓇᐃᔭᕈᓐᓇᑐᐃᓐᓇᕆᐊᖃᖅᑐᓂᑦ ᓯᕗᓂᒃᓴᒧᑦ ᑎᑎᕋᖅᓯᒪᔪᖃᑐᐃᓐᓇᕆᐊᓕᒃ.

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ