ᐅᖃᓚᐅᑎᓯᐅᑏᑦ

You are here

ᑮᓇᐅᔭᓕᕆᔨᒻᒪᕆᒃ ᑎᑎᕋᖅᑎ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
03-506271
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$81,861
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 23, 2020 - 11:59pm

ᐅᓇ ᐃᖅᑲᓇᐃᔮᒃᓴᖅ ᒪᒃᐲᖓᔪᖅ ᐆᒃᑐᖅᑐᓕᒫᓄᑦ.    

ᐊᖓᔪᖅᑳᖃᕐᓗᓂ ᐊᐅᓚᑦᓯᔨᖓᓂᑦ, ᑮᓇᐅᔭᓕᕆᔨᒻᒪᕆᒃᑯᓐᓂᑦ ᑮᓇᐅᔭᓕᕆᔨᒻᒪᕆᒃ ᑎᑎᕋᖅᑎ (SRO) ᐊᑐᐃᓐᓇᐅᑎᑦᓯᓂᐊᖅᑐᖅ ᑮᓇᐅᔭᓕᕆᔾᔪᑎᓂᑦ ᐱᔨᑦᓯᕋᕐᓂᕐᒧᑦ ᐃᓘᓐᓇᖏᓐᓄᑦ ᒐᕙᒪᒃᑯᑦ ᐱᓕᕆᕝᕕᖏᓐᓄᑦ ᐃᑲᔪᖅᑐᕐᓂᕐᒥᑦ ᓈᒻᒪᑦᑐᓂᑦ ᒫᓐᓇᐅᔪᕐᓗ ᑮᓇᐅᔭᓕᕆᓂᕐᒧᑦ ᐅᓂᒃᑳᓕᐅᕐᓂᕐᒥᑦ. ᑖᓐᓇ ᐃᖅᑲᓇᐃᔮᖅ ᐱᓕᕆᐊᖃᕐᓂᐊᖅᑐᖅ ᓇᓗᓇᐃᖅᓯᓂᕐᒥᑦ ᑮᓇᐅᔭᓕᕆᓂᕐᒧᑦ ᑲᔪᓯᑎᑦᓯᓂᖅ ᐊᐅᓚᓂᖃᑦᓯᐊᕋᓗᐊᕐᒪᖔᑦ ᐊᑑᑎᖃᑦᑎᐊᖅᑐᒥᓪᓗ. ᐃᑲᔪᖅᑐᐃᑦᑎᐊᖏᓐᓂᖅ, ᐱᓕᒻᒪᒃᓴᕐᓂᕐᒧᑦ ᐊᒻᒪᓗ ᓇᓛᒎᕆᐊᓕᖕᓂᒃ ᑮᓇᐅᔭᓕᕆᓂᕐᒧᑦ ᐊᐅᓚᑎᑦᑎᓂᖅ ᑕᐃᒪᐃᑐᒦᓗᓂ ᓇᓕᒧᒃᓲᑎᔪᒥ ᐱᕋᔭᖕᓂᐅᓂᕋᖅᑕᐅᑐᐃᓐᓇᕆᐊᖃᕐᒪᑦ, ᑎᒡᓕᖕᓂᕐᒧᑦ, ᐊᒻᒪᓗ ᑲᒪᑦᑎᐊᖏᓐᓂᕐᒧᑦ ᑮᓇᐅᔭᖅᑖᕈᑎᒋᑎᑕᐅᓯᒪᔪᓂᒃ. ᑮᓇᐅᔭᓕᕆᔨᒻᒪᕆᒃ ᑎᑎᕋᖅᑎ ᓂᕆᐅᒋᔭᐅᔪᖅ ᐅᖃᐅᔾᔨᒋᐊᕈᓐᓇᖃᑦᑕᕆᐊᖃᕐᓂᖓᓂᑦ ᐊᐅᓚᑦᑎᔨᒧᑦ ᑮᓇᐅᔭᓕᕆᓂᕐᒧᑦ ᑐᔅᓯᕋᐅᑕᐅᔪᑦ ᐊᑐᐊᒐᐃᑦ ᐊᓯᔾᔨᖅᑕᐅᔪᒪᔾᔪᑏᑦ ᐱᓪᓗᒋᑦ ᐊᑦᑐᐃᓂᕆᒐᔭᖅᑕᖏᓐᓂᑦ  ᑮᓇᐅᔭᓕᕆᓂᕐᒧᑦ ᐱᓕᕆᔾᔪᓰᑦ ᐋᖅᑭᓱᖅᓯᒪᕙᒌᑦᑐᑦ ᐱᓪᓗᒋᑦ ᐊᒻᒪᓗ ᑖᒃᑯᓂᖓ ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᐱᖁᔭᖅ (FAA).

ᐃᓚᖏᑦ ᐱᔭᑦᓴᖏᑦ ᐱᖃᓯᐅᑎᕗᑦ: ᐋᖅᑭᑦᑎᐊᖅᓯᒪᔪᒥ ᓈᒻᒪᑦᑐᒥᓪᓗ ᑲᔪᓯᑎᑦᓯᓂᕐᒥᑦ ᑮᓇᐅᔭᐃᑦ ᐱᔭᐅᕙᓪᓕᐊᓂᖏᓐᓄᑦ, ᐊᑭᓕᕋᑦᓴᓕᐅᕐᓂᖅ, ᑮᓇᐅᔭᖅᑖᕈᑕᐅᔪᑦ ᑮᓇᐅᔭᓕᕆᓂᕐᒧᓪᓗ ᐋᖅᑭᒋᐊᕈᑎᖃᕐᓂᖅ; ᓇᓗᓇᐃᖅᓯᓂᕐᒥᑦ ᓈᒪᒋᔭᐅᔪᑦ ᑮᓇᐅᔭᓂᒃ ᓈᓴᐃᓂᕐᒧᑦ ᒪᓕᒐᐃᑦ (GAAP) ᑮᓇᐅᔭᓕᒫᓄᑦ ᑮᓇᐅᔭᓂᓪᓗ ᐅᑎᖅᑐᒃᓴᓂᑦ ᓅᑉᐸᓕᐊᓂᐅᔪᑦ ᐊᑐᑦᑕᐅᓯᐊᕋᓗᐊᕐᒪᖔᑕ; ᖃᐅᔨᓴᕐᓂᕐᒥᑦ ᐊᑐᕆᐊᓕᓐᓂᑦ ᑮᓇᐅᔭᓕᕆᓂᕐᒧᑦ ᐱᓕᕆᔾᔪᓯᕐᓂᑦ ᓇᓗᓇᐃᖅᓯᓂᕐᒥᑦ ᐊᑐᓕᖁᔨᓂᕐᒥᓪᓗ ᐱᔭᕆᐊᓕᓐᓂᑦ ᐊᐅᓚᑦᓯᑲᓐᓂᕆᐊᖃᕐᓂᕐᒧᑦ; ᑭᐅᖃᑦᑕᕐᓗᓂ ᑐᑭᓯᒋᐊᕈᑎᓄᑦ ᐱᓕᕆᕝᕕᐅᔪᓂᑦ ᖃᓄᐃᑦᑑᓂᖏᓐᓂᑦ ᐊᑭᓕᒐᑦᓴᙳᖅᑎᑦᑎᕙᖕᓂᕐᒥᑦ ᑮᓇᐅᔭᖅᑕᕈᑕᐅᔪᓂᓪᓗ ᑲᔪᓯᑎᑦᓯᓂᕐᒥᑦ; ᐊᒻᒪᓗ ᓇᓗᓇᐃᖅᓯᓂᕐᒥᑦ ᐊᑐᖅᑕᐅᖃᑦᑕᖅᑐᑦ ᓱᓕᑦᓯᐊᕐᓂᕐᒧᑦ, ᑕᑎᒋᔭᐅᒍᓐᓇᓂᕐᒥᑦ ᑕᒪᖅᓯᒪᖏᓐᓂᕐᒥᓪᓗ.

ᐃᖅᑲᓇᐃᔮᖅᑖᖅᑐᖅ ᑖᑦᓱᒧᖓ ᐃᖅᑲᓇᐃᔮᒧᑦ ᐱᔭᕇᕈᓯᐊᖅᓯᒪᒋᐊᓕᒃ ᐱᓕᕆᐊᓂᑦ ᐊᐅᓚᑦᓯᓂᕐᒧᑦ ᐊᑦᑐᐊᓂᖃᖅᑐᓂᓪᓘᓐᓃᑦ ᒪᕐᕉᓐᓄᑦ ᐊᕐᕌᒎᓐᓄᑦ (2) ᐱᓕᕆᓯᒪᓂᑰᓗᓂ ᑮᓇᐅᔭᓕᕆᓂᓕᒫᑦᑎᐊᓄᑦ ᐃᓚᖃᖅᓱᓂ ᑭᓕᒃᓴᖅᑖᑦᑎᑦᑎᓂᖅ, ᓂᐅᕕᕈᑕᐅᔪᑦ ᓇᓕᖅᑲᖏᑦ, ᐊᒻᒪ ᑮᓇᐅᔭᓕᕆᓂᕐᒧᑦ ᓇᓕᒧᒌᓕᖅᑎᑦᑎᓂᖅ ᐱᔭᕆᐊᖃᖅᑐᖅ. ᐊᒻᒪᓗᑦᑕᐅᖅ, ᐱᖓᓱᓄᑦ ᐊᕐᕌᒍᓐᓄᑦ (3) ᐱᓕᕆᓯᒪᓂᑰᓗᓂ ᐊᔪᕐᓇᕐᓂᕆᔭᖓ, ᐅᓄᖅᑐᓂᒃ-ᐃᖅᑲᓇᐃᔭᖅᑐᓄᑦ ᖃᕆᑕᐅᔭᓕᕆᓂᕐᒥᓪᓗ ᐱᔭᕆᐊᖃᖅᑐᖅ. ᐃᑲᔫᑎᖃᕋᔭᖅᑐᖅ ᐃᓕᓐᓂᐊᕐᓯᒪᒍᕕᑦ ᐱᓕᕆᔨᒻᒪᕆᐅᓂᕐᒧᑦ ᑮᓇᐅᔭᐃᑦ ᐊᐅᓚᓂᖏᓐᓂᒃ ᐱᓕᕆᐊᒧᑦ.

ᐃᓕᓐᓂᐊᖅᓯᒪᓂᖓ, ᖃᐅᔨᒪᓂᖓ, ᐱᓕᕆᔪᓐᓇᕐᓂᖓ ᐊᒻᒪ ᐊᔪᖏᓐᓂᖓ ᑲᑎᓪᓗᒋᑦ ᐃᓕᓐᓂᐊᓪᓚᕆᒃᓯᒪᔪᑐᑦ ᐊᒻᒪ ᐃᖅᑲᓇᐃᔭᓚᐅᖅᓯᒪᓂᖓ ᐃᓱᒪᒋᔭᐅᑐᐃᓐᓇᕆᐊᓕᒃ.

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑐᑦ ᐊᒻᒪ ᐅᐃᕖᑐᑦ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᖅᑕᕆᔭᒥᒃ ᐃᑲᔫᑎᖃᑦᑎᐊᕋᔭᖅᐳᖅ. ᖃᐅᔨᒪᒃᐸᑦ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᖕᓂ, ᐃᓕᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐃᑲᔫᑎᖃᑦᑎᐊᕋᔭᖅᐳᖅ.

ᐃᖅᑲᓇᐃᔭᕈᓐᓇᑐᐃᓐᓇᕆᐊᖃᖅᑐᓂᑦ ᓯᕗᓂᒃᓴᒧᑦ ᑎᑎᕋᖅᓯᒪᔪᖃᑐᐃᓐᓇᕆᐊᓕᒃ.

ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐱᓇᓱᐊᕈᒪᒍᕕᑦ, ᐃᕐᖏᓐᓇᐅᑎᒃᑯᑦ ᓇᒃᓯᐅᑎᓗᒍ ᖄᖓᒍᑦ ᑎᑎᖅᑲᖃᓪᓗᓂ ᐃᖅᑲᓇᐃᔭᖅᑖᕋᓱᐊᕈᑎᒥᑦ ᐅᕗᖓ GNHR@gov.nu.ca.  ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᐃᕐᖐᓐᓈᖅᑕᐅᒃᑯᑦ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᔪᒪᓪᓗᑎᒃ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓇᔭᖅᑐᑦ. ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐊᔪᙱᑎᑕᐅᓂᐊᕐᓗᑎᒃ ᓄᓇᕗᒻᒥ ᓯᕗᓪᓕᖅᐸᐅᔾᔨᓂᕐᒧᑦ ᐃᖅᑲᓇᐃᔮᖅᑖᕋᓱᐊᖅᑐᓂᑦ ᐊᑐᐊᒐᖅ ᒪᓕᒃᖢᒍ.
  • ᐃᓚᖏᑦ ᐃᖅᑲᓇᐃᔮᒃᓴᑦ ᖃᐅᔨᓴᖅᑕᐅᒋᐊᓖᑦ ᐱᕋᔭᓚᐅᖅᓯᒪᙱᒃᑲᓗᐊᒪᖔᑦ ᑎᑎᖅᑲᖁᑎᒥᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᖏᑎᑕᐅᑐᐃᓐᓇᕆᐊᓕᒃ ᐆᒃᑐᕈᒪᔪᓂ ᐃᓱᒪᒋᔭᐅᒃᑲᓐᓂᕐᓗᑎᒡᓗ.
  • ᐃᖅᑲᓇᐃᔭᖅᑖᕋᓱᐊᖅᑐᑦ ᐃᖅᑲᓇᐃᔭᖅᑖᕋᓱᐊᕈᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ.
  • ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓕᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.
  • ᐃᖅᑲᓇᐃᔮᒧᑦ ᐅᓂᒃᑳᖅᓯᒪᔪᑦ ᐱᔭᒃᓴᐅᔪᑦ ᓱᒃᑲᔪᒃᑯᑦ, ᐃᕐᖐᓐᓈᖅᑕᐅᑦ ᐃᑭᐊᖅᑭᕕᒃᑯᓪᓘᓐᓃᑦ.  
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ.
Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ