ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᑮᓇᐅᔭᓕᕆᔨ

ᓄᓇᓕᒃ: 
ᐃᒡᓗᓕᖕᒥ
ᓇᓗᓇᐃᒃᑯᑕᖓ: 
13-505478
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᐱᑕᖃᙱᑉᐸᑦ ᓄᓇᕗᒻᒦᙶᖅᑐᒥ ᐃᓄᖕᒥᒃ, ᑖᓐᓇ ᐃᓂᐅᔪᖅ ᐃᖅᑲᓇᐃᔮᒧᑦ ᐊᑐᐃᓐᓇᐅᑎᑕᐅᓂᐊᖅᑐᖅ ᐊᕐᕌᒎᖕᓄᑦ ᐱᖓᓱᓄᑦ ᐃᖅᑲᓇᐃᔭᓚᐅᑲᖕᓂᕐᒧᑦ.
ᑮᓇᐅᔾᔭᒃᓴᓇᔭᖅᑐᖅ: 
$81,861
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$22,579.00
ᒪᑐᕝᕕᒃᓴᖓ: 
ᐄᐳᕈ 10, 2020

ᑖᕙᓂ ᐃᖅᑲᓇᐃᖅᔭᑎ ᐅᑉᐱᕆᔭᐅᔪᓐᓇᕆᐊᓕᒃ ᐊᒻᒪ ᐱᕋᔭᓐᓂᑰᒻᒪᖔᖅ ᖃᐅᔨᓴᖅᑕᐅᒋᐊᓕᒃ.

ᐅᓇ ᐃᖅᑲᓇᐃᔮᒃᓴᖅ ᐱᓇᔪᒃᑕᐅᔪᓐᓇᖅᑐᖅ ᑭᒃᑯᓕᒫᓄᑦ. ᐱᑕᖃᙱᑉᐸᑦ ᓄᓇᕗᒻᒦᙶᖅᑐᒥ ᐃᓄᖕᒥᒃ, ᑖᓐᓇ ᐃᓂᐅᔪᖅ ᐃᖅᑲᓇᐃᔮᒧᑦ ᐊᑐᐃᓐᓇᐅᑎᑕᐅᓂᐊᖅᑐᖅ ᐊᕐᕌᒎᖕᓄᑦ ᐱᖓᓱᓄᑦ ᐃᖅᑲᓇᐃᔭᓚᐅᑲᖕᓂᕐᒧᑦ.

ᐊᖓᔪᖅᑳᓕᒃ ᐊᐅᓚᑦᑎᔨᒥᒃ, ᑮᓇᐅᔭᖅᑑᑎᓄᑦ ᑮᓇᐅᔭᓕᕆᓂᕐᒧᓪᓗ ᐱᓕᕆᐊᒃᓴᓄᑦ ᐃᖃᓗᖕᓂ, ᑮᓇᐅᔭᓕᕆᔨ ᑮᓇᐅᔭᓕᕆᓂᕐᒧᑦ ᐱᔨᑦᑎᕋᖃᑦᑕᖅᐳᖅ ᓲᕐᓗ ᐊᑭᓕᕆᐊᓖᑦ, ᐅᑎᖅᑐᒃᓴᑦ, ᑮᓇᐅᔭᓕᐊᑦ, ᕿᒥᕐᕈᓂᖅ, ᐅᓂᒃᑳᑦ, ᑮᓇᐅᔭᓕᕆᓂᕐᒧᑦ ᐅᖃᖃᑎᖃᖅᐸᒡᓗᓂᑦ ᐃᑲᔪᖅᐸᒡᓗᓂᓗ ᑲᒪᒋᔭᐅᔪᓂᑦ, ᐊᓯᖏᓪᓗ ᐱᓕᕆᐊᒃᓴᑦ ᑎᑎᕋᕐᕕᖕᒥ ᒪᓕᒡᓗᒋᑦ ᑮᓇᐅᔭᓕᕆᓂᕐᒧᑦ ᑐᙵᕕᖏᑦ, ᑮᓇᐅᔭᓕᕆᓂᕐᒧᑦ ᐊᒻᒪ ᐊᑐᖅᑐᑦ ᒪᓕᒐᓕᐊᑦ, ᐊᑐᐊᒐᐃᑦ, ᐊᑐᕈᓰᑦ, ᐊᐅᓚᑦᑎᔾᔪᓰᑦ ᐊᒻᒪ ᐊᖏᖃᑎᒌᒍᑏᑦ, ᑮᓇᐅᔭᓕᕆᓂᕐᒧᑦ ᑲᒪᒋᔭᐅᔪᓪᓗ ᐱᔨᑦᑎᕋᖅᑕᐅᑦᑎᐊᖁᓪᓗᒋᑦ, ᒪᓕᒡᓗᒋᑦ ᑮᓇᐅᔭᓕᕆᓂᕐᒧᑦ ᐱᔨᑦᑎᕋᖕᓂᕐᒧᓪᓗ ᑐᕌᒐᕆᔭᐅᔪᑦ ᓄᓇᕗᑦ ᒐᕙᒪᖓᓂ.

ᑮᓇᐅᔭᓕᕆᔨ ᐱᕙᒌᔭᐃᖃᑦᑕᕐᓂᐊᖅᑐᖅ ᐱᓕᕆᐊᖃᖅᐸᒡᓗᓂᓗ ᐱᓕᕆᖁᔭᐅᔪᓂᒃ ᑮᓇᐅᔭᓕᕆᓂᒃᑯᑦ ᐱᔨᑦᑎᕋᕈᑎᖏᓐᓂᒃ ᐊᑭᓕᕆᐊᓕᖕᓂ, ᑮᓇᐅᔭᑦ ᐅᑎᖅᑐᒃᓴᑦ ᐊᒻᒪ ᑮᓇᐅᔭᖅᑖᕆᔭᐅᕙᓪᓕᐊᔪᑦ ᐊᐅᓚᓂᕆᔭᖏᓐᓂᒃ, ᐃᓚᒋᓗᒋᑦ ᐱᕙᓪᓕᐊᓂᕆᔭᐅᔪᑦ ᑮᓇᐅᔭᖅᑖᕆᔭᐅᕙᓪᓕᐊᔪᑦ, ᐱᓕᕆᐊᒃᓴᓄᑦ ᑐᕌᖓᔪᓄᑦ ᑮᓇᐅᔭᓕᕆᓃᑦ, ᐊᐃᑦᑑᑎᑦ ᐃᑲᔫᑎᓪᓗ, ᐊᖏᖃᑎᒌᒍᑎᒃᑰᖅᓯᒪᔪᑦ, ᐃᖅᑲᓇᐃᔭᖅᑎᑦ ᐊᑭᓕᖅᓱᖅᑕᐅᓂᖏᑦ, ᐊᐅᓪᓚᕈᑎᓄᑦ ᐊᒻᒪ ᑮᓇᐅᔭᓄᑦ ᐊᑐᐃᓐᓇᕐᓄᑦ ᓂᐅᕕᐅᑕᐅᔪᑦ, ᐊᑐᓕᖅᑎᑕᐅᓂᖓᓂ ᓇᓗᓇᐃᔭᖅᑕᐅᓂᖏᓐᓂᒃ ᐊᒻᒪ ᐊᐅᓚᓂᕆᔭᐅᔪᓂ, ᐊᒻᒪ ᐅᓂᒃᑳᓕᐅᕆᔭᕆᐊᖃᕐᓃᑦ.  ᓯᕗᒃᑲᖅᑕᐃᕙᒃᖢᓂᑦ ᐃᓚᐅᖃᑕᐅᕙᒃᖢᓂᓘᓐᓃᑦ ᐊᕙᑎᓕᕆᔨᒃᑯᓐᓂᑦ ᑮᓇᐅᔭᓕᕆᓂᕐᒧᑦ ᐊᑐᕆᐊᓕᖏᓐᓂᑦ ᓲᕐᓗ ᑮᓇᐅᔭᖅᑑᑎᒃᓴᓂᑦ ᑐᓐᓂᖅᑯᑎᖃᕐᓂᖅ, ᐊᕐᕌᒎᑉ ᓄᙳᐊᓂ ᐊᑐᕆᐊᓖᑦ, ᐊᐅᓚᑕᒃᓴᑦ ᐱᖁᑎᓂᒃ ᓈᓴᐃᓂᖅ ᐊᒻᒪ ᐊᑐᕈᓐᓃᖅᑎᑦᑎᖃᑦᑕᕐᓂᖅ ᐊᒥᐊᒃᑯᓂᑦ ᐊᑐᕈᓐᓃᖅᑐᓂᒡᓘᓐᓃᑦ, ᑲᔪᓯᑎᑦᑎᓂᕐᓗ ᐱᔪᓐᓇᐅᑎᖃᖅᑎᓂᒃ ᐊᒻᒪ ᐊᑎᓕᐅᕈᑎᓂᒃ.  ᖃᕆᓴᐅᔭᕐᒧᑦ ᑐᖅᑯᖅᑐᐃᕙᒃᖢᓂᑦ ᑎᑎᖅᑲᑯᓘᔭᕐᓂᑦ, ᓇᓗᓇᐃᔭᐃᕙᒃᖢᓂᑦ ᐊᒻᒪ ᐊᐅᓚᑦᑎᔾᔪᓯᓕᕆᕙᒃᖢᓂᑦ ᕿᒥᕐᕈᓗᓂᑦ ᒪᓕᒃᑲᓗᐊᕐᒪᖔᑦ ᑎᑎᖅᑲᓪᓗ ᑕᒻᒪᖅᑕᖅᓯᒪᙱᒃᑲᓗᐊᕐᒪᖔᑦ, ᓇᐅᑦᑎᖅᓱᕐᓗᒋᑦ ᑮᓇᐅᔭᖅᑑᑏᑦ ᐊᑐᖅᑕᐅᕙᓪᓕᐊᔪᓪᓗ, ᐋᖅᑭᒋᐊᖅᓯᕙᒃᖢᓂᓗ ᑮᓇᐅᔭᖃᕐᕕᑯᓘᔭᕐᓂᑦ.  ᑕᒻᒪᖅᓯᒪᔪᕐᓂᐊᖅᐸᒃᖢᓂᑦ ᐋᖅᑭᒋᐊᖅᓯᕙᒃᖢᓂᓗ.

ᐊᓯᖏᓐᓂᒃ ᐱᔨᑦᑎᕋᐅᑎᓕᕆᕙᒃᖢᓂᑦ, ᐱᖃᓯᐅᑎᓪᓗᓂᑦ ᐱᓕᕆᐊᒃᓴᓄᑦ ᐃᑲᔪᐃᓂᖅ, ᖃᖓᑦᑕᐅᑎᓕᕆᓂᖅ, ᑎᑎᕋᕐᕕᒃᓯᐅᑎᓄᑦ ᐊᒻᒪ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔾᔪᓯᓕᕆᓂᖅ ᐊᒻᒪ ᓂᐅᕕᖃᑦᑕᕐᓂᖅ.  ᑭᖑᕝᕖᕙᒃᖢᓂᑦ ᐃᖅᑲᓇᐃᔭᖅᑎᓂᒃ (ᐆᒃᑑᑦ ᑮᓇᐅᔭᓕᕆᓂᖅ, ᐱᓕᕆᐊᒃᓴᓕᕆᓂᖅ, ᑎᑎᕋᕐᕕᓕᕆᓂᖅ), ᐃᑲᔪᖅᐸᒃᖢᓂᓗ ᐱᓕᕆᐊᒃᓴᖃᐅᓕᕌᖓᑕ.    ᓱᖏᐅᓯᓴᖅᐸᒃᖢᒋᑦ ᐃᖅᑲᓇᐃᔭᓕᓵᖅᑐᑦ, ᐱᔭᕆᐅᖅᓴᑎᑦᑎᕙᒃᖢᓂᑦ ᐊᒻᒪ ᐱᔪᒥᓴᐃᕙᒃᖢᓂᑦ ᐱᕙᓪᓕᐊᓂᖅᐹᖑᖁᓪᓗᒋᑦ, ᓇᓗᓇᐃᖅᐸᒃᖢᓂᑦ ᐱᓕᒻᒪᒃᓴᕈᑕᐅᔭᕆᐊᓕᖕᓂᑦ ᐊᒻᒪ ᐱᕙᓪᓕᐊᓂᕆᔭᐅᔭᕆᐊᓕᖕᓂᑦ.  ᐃᑲᔪᖅᐸᒃᖢᒋᑦ ᓄᑖᖑᔪᑦ ᐃᖅᑲᓇᐃᔭᖅᑏᑦ ᐊᑐᕈᓯᕐᓄᑦ, ᑐᑭᓕᐅᕆᑦᑎᐊᕐᓂᖕᒧᑦ ᐊᒻᒪ ᐊᑐᖅᑕᐅᔾᔪᑎᖓᓄᑦ ᑮᓇᐅᔭᓕᕆᓂᕐᒧᑦ ᖃᖓᑦᑕᐅᑏᑦ, ᐃᖅᑲᓇᐃᔭᖅᑐᓕᕆᓂᖅ ᐊᒻᒪ ᑎᑎᕋᕐᕕᖕᒧ ᐊᑐᐊᒐᐃᑦ ᐊᒻᒪ ᐊᑐᕈᓰᑦ. 

ᖃᐅᔨᒪᓗᓂᑦ ᑮᓇᐅᔭᓕᕆᔾᔪᑎᓂᒃ, ᐊᓯᖏᓐᓂᒃ ᑐᖅᑯᖅᑕᐅᓯᒪᔪᓂᒃ, ᓈᓴᐅᓯᕆᔾᔪᑎᓂᒃ ᐊᒻᒪ ᑎᑎᖅᑲᓕᐅᕈᑎᓂᒃ, ᑕᒻᒪᖅᑕᖅᓯᒪᙱᑦᑐᓂᒡᓗ ᑮᓇᐅᔭᓕᕆᓂᕐᒧᑦ ᐊᓯᖏᓐᓂᒡᓗ ᐅᓂᒃᑳᓕᐅᖅᐸᒡᓗᓂᑦ, ᑕᒪᐃᓐᓄ ᑎᑎᖅᑲᓕᐅᖅᐸᒡᓗᓂᑦ ᐱᓕᕆᐊᒃᓴᓕᕆᔪᓂᒃ ᐊᒻᒪ ᑎᑎᕋᕐᕕᖕᓄ ᑎᑎᖅᑲᓂᒃ.  ᑐᑭᓯᐅᒪᑦᑎᐊᕐᓗᓂᑦ ᒪᓕᒐᕐᔪᐊᓂᑦ ᐊᒻᒪ ᐊᑐᐊᒐᕐᓂᑦ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔾᔪᑎᓂᒃ (ᐆᒃᑑᑦ ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᐱᖁᔭᖅ, ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᐊᑐᖅᑕᐅᔭᕆᐊᓖᑦ, ᐊᖏᖃᑎᒌᒍᑏᑦ).

ᖃᐅᔨᒪᓂᖓ, ᐊᔪᙱᓐᓂᖓ, ᐊᒻᒪ ᐱᔪᓐᓇᕐᓂᖏᑦ ᐊᔪᙱᑕᐅᔭᕆᐊᓖᑦ ᑖᔅᓱᒧᖓ ᐃᖅᑲᓇᐃᔮᖃᕐᓂᐊᖅᑐᒧᑦ ᐊᔪᕈᓐᓃᖅᑕᐅᒐᔪᒃᐳᑦ ᐃᓕᑕᕆᔭᐅᔾᔪᑎᑖᖅᓯᒪᔪᓄᑦ ᐊᔾᔨᐸᓗᐊᓂᒃ ᐱᓕᕆᐊᓕᖕᓄᑦ, ᕿᓚᒻᒥᐅᓛᒃᑯᓪᓗ ᐅᑭᐅᖕᓄᑦ ᒪᕐᕉᖕᓄᑦ ᐊᔾᔨᐸᓗᐊᓂᒃ ᑮᓇᐅᔭᓕᕆᔨᐅᓂᑰᓗᓂ ᖃᕆᑕᐅᔭᒃᑯᑦ ᐅᖃᐅᔾᔪᖅᓱᐃᔪᓐᓇᕐᓗᓂᓗ ᐃᑲᔪᕆᐊᓕᖕᓄᑦ ᐅᖃᐅᔾᔪᖅᑐᐃᓂᕐᒥᒃ.  ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ, ᐱᓕᒻᒪᒃᓴᖅᓯᒪᓗᓂ ᐊᒻᒪ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᑦ.

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑐᑦ ᐊᒻᒪ ᐅᐃᕖᑐᑦ.

ᐃᓄᒃᑎᑐᑦ ᐅᖃᓪᓚᒍᓐᓇᑦᑎᐊᕐᓗᓂ ᐃᑲᔪᕐᓂᖃᕐᓂᐊᖅᐳᖅ.

ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᖕᓂ, ᐃᓕᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

 

 

 

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ