ᐅᖃᓚᐅᑎᓯᐅᑏᑦ

You are here

ᑭᒍᑎᑦᑎᐊᕙᓕᕆᓂᕐᒧᑦ ᐅᔾᔨᕐᓇᖅᑎᑦᑎᔨ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
10-506077
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᐃᓱᓕᕝᕕᖃᖅᑐᖅ ᐃᖅᑲᓇᐃᔮᖅ ᒫᔾᔨ 31, 2021-ᒧᑦ
ᑮᓇᐅᔾᔭᒃᓴᓇᔭᖅᑐᖅ: 
$85,215.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016.00
ᒪᑐᕝᕕᒃᓴᖓ: 
ᔪᓚᐃ 17, 2020

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ ᑐᕌᖓᔪᖅ.

ᐅᖃᕐᕕᖃᖅᐸᒡᓗᓂ ᐊᐅᓚᑦᑎᔨᒋᔭᐅᔪᒧᑦ− ᑭᒍᑎᑦᑎᐊᕙᓕᕆᓂᕐᒧᑦ ᐱᓕᕆᓂᕆᔭᐅᕙᒃᑐᓄᑦ, ᑖᓐᓇ ᑭᒍᑎᑦᑎᐊᕙᓕᕆᓂᕐᒧᑦ ᐅᔾᔨᕐᓇᖅᓯᑎᑦᑎᔨ ᐱᑎᑦᑎᖃᑦᑕᕐᓂᐊᖅᐳᖅ ᓯᕗᓕᖅᑎᐅᓂᕐᒥᒃ ᑭᒍᑎᑦᑎᐊᕙᓕᕆᓂᕐᒧᑦ ᐅᔾᔨᕐᓇᖅᓯᑎᑦᑎᓂᕐᒥᒃ ᐅᑯᑎᒎᓇᖅ, ᐃᓕᓐᓂᐊᕐᓂᓕᕆᓂᒃᑯᑦ/ᐅᔾᔨᕐᓇᖅᓯᑎᑦᑎᓂᒃᑯᑦ/ᐊᔪᕈᓐᓃᖅᓯᒪᓂᒃᑯᑦ/ᐊᔪᙱᓐᓂᕆᔭᐅᔪᓂᒃ ᐊᖏᒡᓕᕙᓪᓕᐊᑎᑦᑎᓂᒃᑯᑦ, ᑭᒡᒐᖅᑐᐃᓂᒃᑯᑦ, ᐊᑐᐊᒐᓂᒃ ᐋᖅᑭᒃᓱᐃᓂᒃᑯᑦ, ᑲᔪᓯᑎᑦᑎᓂᒃᑯᓪᓗ ᓄᓇᓕᖕᓂᒃ ᐊᐅᓚᑦᑎᕙᓪᓕᐊᓂᕐᒥᒃ. ᑭᒍᑎᑦᑎᐊᕙᓕᕆᓂᕐᒧᑦ ᐅᔾᔨᕐᓇᖅᓯᑎᑦᑎᔨ ᐋᖅᑭᒃᓱᐃᕙᒃᐳᖅ ᐊᑐᖅᑕᐅᔪᓐᓇᖅᑐᓂᒃ, ᑲᔪᓯᑎᑦᑎᕙᒃᐳᖅ ᐱᓕᕆᐊᒃᓴᓂᒃ, ᓇᐅᑦᑎᖅᓱᖅᓯᕙᒃᐳᖅ ᖃᐅᔨᓴᖅᓯᕙᒃᐳᕐᓗ ᐃᓄᖕᓂᒃ ᖃᐅᔨᓴᖅᓯᓂᕐᒥᒃ ᐋᓐᓂᐊᕆᔭᐅᕙᒃᑐᓄᓪᓗ ᑎᑎᕋᖅᓯᒪᔪᓂᒃ ᐊᒃᑐᐊᓂᓕᖕᓂᒃ ᓄᓇᓕᖕᓂ ᐱᔭᐅᔭᕆᐊᓕᖕᓄᑦ ᐊᐅᓚᓂᕐᒧᓪᓗ ᐱᕙᒌᔭᕐᓂᕐᒧᑦ. 

ᐱᓇᔪᖕᓂᕐᒧᑦ ᐱᐅᓯᒋᐊᖅᑎᑦᑎᔪᒪᓪᓗᑎᒃ ᖃᓂᒃᑯᑦ ᖃᓄᐃᙱᑦᑎᐊᕈᓐᓇᕐᓂᖏᑦ ᓄᓇᕗᒻᒥᐅᑦ, ᑭᒍᑎᑦᑎᐊᕙᓕᕆᓂᕐᒧᑦ ᐅᔾᔨᕐᓇᖅᓯᑎᑦᑎᔨ ᐱᓕᕆᖃᑎᖃᖅᐸᒃᐳᖅ ᑕᒪᐃᓐᓂᑦᑎᐊᖅ ᑭᒍᑎᑦᑎᐊᕙᓕᕆᓂᕐᒧᑦ ᐃᖅᑲᓇᐃᔭᖅᑎᓂᒃ ᐊᔾᔨᒌᙱᑦᑐᓂᒡᓗ ᐋᓐᓂᐊᖃᕐᓇᙱᑦᑐᓕᕆᔨᓂᒃ, ᐱᓗᐊᙳᐊᖅᖢᓂ  ᑭᒍᑎᑦᑎᐊᕙᓕᕆᓂᕐᒧᑦ ᐱᓕᕆᔨᓪᓚᕆᖕᓂᒃ ᐅᔾᔨᕐᓇᖅᓯᑎᑦᑎᔪᒪᓪᓗᓂ ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒥᒃ.  ᐃᖅᑲᓇᐃᔮᒃᓴᖅ ᐱᑎᑦᑎᓪᓗᓂ ᐃᑲᔪᕐᓂᕐᒥᒃ ᓄᓇᓕᖕᓂ ᑭᒍᑎᑦᑎᐊᕙᓕᕆᓂᕐᒧᑦ ᑲᒪᔨᓂᑦ ᐊᑐᖅᑎᑦᑎᑎᓪᓗᒋᑦ ᑭᒍᑎᑦᑎᐊᕙᓕᕆᓂᕐᒧᑦ ᐃᓕᓐᓂᐊᖅᑎᑦᑎᓂᕐᒥᒃ ᐱᑕᖃᖅᑎᑦᑎᑦᑕᐃᓕᒪᓂᕐᒧᓪᓗ ᐱᓕᕆᐊᖑᕙᒃᑐᓂᒃ ᑐᕌᕆᔭᖃᕐᓗᑎᒃ ᐊᒃᑐᖅᓯᔪᒪᓂᖃᕐᓂᕐᒥᒃ ᖃᓂᒃᑯᑦ ᖃᓄᐃᙱᑦᑎᐊᕐᓂᖏᓐᓂᒃ ᓄᓇᕗᒻᒥᐅᑦ. ᐅᖃᖃᑎᖃᖅᐸᒡᓗᓂ ᐊᐅᓚᑦᑎᔨᒥᒃ ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᖑᕙᒃᑐᓂᒃ ᐋᓐᓂᐊᖃᓇᙱᑦᑐᓕᕆᔨᓪᓗᐊᑕᒥᒡᓗ, ᑖᓐᓇ ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᐅᔾᔨᕐᓇᖅᓯᑎᑦᑎᔨ ᐱᕙᒌᔭᖅᓯᕙᒃᐳᖅ ᓄᒃᑕᖅᐸᒃᐳᕐᓗ ᓄᓇᕗᒻᒥ ᓄᓇᓕᖕᓄᑦ ᑕᐃᒪᐃᖁᔭᐅᒑᖓᒥ, ᐱᓕᕆᖃᑎᖃᖅᐸᒃᖢᓂᓗ ᐊᓯᖏᓐᓂᒃ ᐱᖃᖅᑎᓂᒃ, ᐃᓚᒋᔭᐅᓪᓗᑎᒃ ᐱᓕᕆᕝᕕᒋᔭᐅᕙᒃᑐᑦ, ᐃᖅᑲᓇᐃᔭᕐᕖᑦ ᐊᓕᓐᓂᐊᕖᓪᓗ, ᓴᖅᑭᑎᑦᑎᔪᒪᓪᓗᑎᒃ ᐊᒃᑐᐊᓂᓕᖕᓂᒃ ᖃᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᐱᐅᓯᒋᐊᖅᑎᑦᑎᓂᕐᒧᑦ ᐱᒋᐊᖅᑕᐅᓯᒪᔪᓂᒃ.

ᖃᐅᔨᒪᓂᖅ, ᐊᔪᕈᓐᓃᖅᑕᐅᓯᒪᔪᑦ, ᐊᔪᙱᓐᓂᕆᔭᐅᔪᓪᓗ ᑕᐃᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᒃᐸᒃᐳᑦ ᐃᓕᓴᕆᔭᐅᓯᒪᔪᑎᒍᑦ ᓯᓚᑦᑐᖅᓴᕐᕕᔪᐊᒥ ᐊᓂᒍᐃᔾᔪᑎᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐅᔾᔨᕐᓇᖅᓯᑎᑦᑎᓂᕐᒥᒃ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓂᐅᕐᕈᑎᖃᕐᓂᕐᒥᒃ, ᑭᒃᑯᑐᐃᓐᓇᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒃᑐᐊᓂᓕᖕᓄᓪᓘᓐᓃᑦ ᐱᓕᕆᐊᒃᓴᓄᑦ ᑕᒪᓐᓇ ᐃᓚᖃᕐᓗᓂ ᐊᑕᐅᓯᕐᒥᒃ (1−ᒥᒃ) ᐊᕐᕌᒍᒥᒃ ᐱᓕᕆᖃᖅᑕᖅᓯᒪᓂᑰᓂᕐᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐅᔾᔨᕐᓇᖅᓯᑎᑦᑎᓂᕐᒧᑦ, ᑭᒃᑯᑐᐃᓐᓇᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒃᑐᐊᓂᓕᖕᒥᒡᓘᓐᓃᑦ ᐱᓕᕆᓂᐅᕙᒃᑐᒥᒃ.  ᐱᓕᕆᖃᑦᑕᖅᓯᒪᓂᖅ ᑭᒍᑎᓕᕆᓂᕐᒧᑦ ᖃᐅᔨᓴᖅᑐᓕᕆᓂᕐᒥᒃ ᐃᓱᒪᒋᔭᐅᓇᔭᖅᐳᖅ ᐱᓇᔪᒃᑐᓄᑦ ᐱᕚᓪᓕᕈᑕᐅᓂᖓᓂᒃ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ ᐃᓄᐃᓐᓇᖅᑎᑐᑦ, ᖃᓪᓗᓈᑐᑦ ᐊᒻᒪᓗ ᐅᐃᕖᑎᑐᑦ.  ᐅᖃᕈᓐᓇᕆᐊᓕᒃ ᐊᑕᐅᓯᐅᖏᑦᑐᒥᒃ ᓄᓇᕗᒻᒥᑦ ᐃᓕᓴᕆᔭᐅᓯᒪᔪᑦ ᐅᖃᐅᓯᕐᓂᑦ ᐃᑲᔫᑎᖃᕋᔭᖅᑐᖅ.  ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓂ, ᓄᓇᓕᖕᓂ, ᐱᖅᑯᓯᖏᓐᓂ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐃᑲᔫᑕᐅᓇᔭᖅᐳᖅ.

ᐃᓕᓐᓂᐊᖅᓯᒪᓂᖓ, ᖃᐅᔨᒪᓂᖓ, ᐱᓕᕆᔪᓐᓇᕐᓂᖓ ᐊᒻᒪ ᐊᔪᖏᓐᓂᖓ ᑲᑎᓪᓗᒋᑦ ᐃᓕᓐᓂᐊᓪᓚᕆᒃᓯᒪᔪᑐᑦ ᐊᒻᒪ ᐃᖅᑲᓇᐃᔭᓚᐅᖅᓯᒪᓂᖓ ᐃᓱᒪᒋᔭᐅᑐᐃᓐᓇᕆᐊᓕᒃ.

ᒫᓐᓇᐅᔪᖅ ᐃᖅᑲᓇᐃᔭᐃᓐᓇᖅᑐᑦ ᓄᓇᕗᑦ ᒐᕙᒪᒃᑯᓐᓂ ᐱᓇᔪᒃᑐᑦ ᐱᔭᐅᓗᑎᒡᓗ ᑖᔅᓱᒧᖓ ᐃᓱᓕᓐᓂᐊᖅᑐᒧᑦ ᑦ ᐃᓂᒃᓴᒧᑦ ᑖᔅᓱᒧᖓ ᓅᑎᑕᐅᑐᐃᓐᓇᕆᐊᓕᒃ ᐱᓕᕆᐊᒃᓴᒧᑦ ᐊᑯᓂᐅᓂᖓ ᒪᓕᒡᓗᒍ ᐊᐅᓚᑦᑎᔨᖓᓄᑦ ᐊᖏᖅᑕᐅᒃᐸᑦ.

ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓕᑦ ᐃᓐᓄᒃᓯᒪᖏᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ