ᐅᖃᓚᐅᑎᓯᐅᑏᑦ

You are here

ᐃᓱᒪᓕᕆᓂᕐᒧᑦ ᐋᓐᓂᐊᓯᐅᖅᑎ

ᓄᓇᓕᒃ: 
ᖁᕐᓗᖅᑐᖅᒥ
ᓇᓗᓇᐃᒃᑯᑕᖓ: 
10-06-415-124GM
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$ 95,882 to $108,810
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$22,042.00

ᐃᓪᓗᖃᖅᑎᑕᐅᓂᖅ: ᐃᓪᓗᒥᐅᖃᑎᖃᕋᔭᖅᑐᖅ ᐃᖅᑲᓇᐃᔭᖅᑎᓄᑦ ᐃᓪᓗᖃᑎᑕᐅᓂᕐᒧᑦ

ᐃᖅᑲᓇᐃᔮᒃᓴᖅ ᑕᑎᒋᔭᐅᔭᕆᐊᖃᕐᓇᖅᑑᓪᓗᓂ ᐱᕋᔭᒃᓯᒪᓂᑰᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᓕᒃ.

ᐅᓇ ᐃᖅᑲᓇᐃᔮᒃᓴᖅ ᐱᓇᔪᒃᑕᐅᔪᓐᓇᖅᑐᖅ ᑭᒃᑯᓕᒫᓄᑦ.

ᑲᒪᔨᖓᓂ ᐊᑕᐅᓯᙱᑦᑐᒥᑦ ᐱᓕᕆᐊᖑᖃᑦᑕᖅᑐᓂ ᓂᕈᐊᖅᑕᐅᔪᓂᒡᓘᓐᓃᑦ ᑭᐅᖃᑦᑕᖅᐳᖅ ᐃᖅᑲᓇᐃᔮᖓᑦ ᐱᓕᕆᖃᑎᖃᖃᑦᑕᖅᐳᖅ ᓘᒃᑖᕐᒪᕆᖕᓂᑦ ᓄᓇᓕᖕᓂᑦ ᐱᔨᑦᑎᕆᐊᖃᖅᑐᓂ ᐃᓄᖕᓄᑦ ᐃᓱᒪᒥᒍᑦ ᐋᓐᓂᐊᖅᑐᓂ ᐊᒻᒪ/ᐅᕝᕙᓘᓐᓃᑦ ᐃᓗᐊᖏᔾᔪᑎᖃᖅᑐᓂ, ᐊᑕᐅᓯᖏᑦᑐᓂ ᐅᐃᕆᔾᔪᑎᓕᖕᓂᑦ ᐊᒻᒪ ᐃᓅᓯᕐᒥᓂᒃ ᑭᐱᓯᔪᒪᓂᕐᒧᑦ ᐃᓱᒪᖃᑦᑕᖅᑐᓂ/ᐃᓅᓯᕐᒥᓂᒃ ᑭᐱᓯᓇᓱᐊᖃᑦᑕᖅᑐᓄᓪᓗ.

ᐃᖅᑲᓇᐃᔭᖅᑎ ᓯᕗᓕᖅᑕᐅᓂᐊᖅᑐᖅ ᐊᑐᐃᓐᓇᐅᑎᑦᓯᓂᕐᒧᑦ ᐋᓐᓂᐊᕐᕕᒻᒥ ᑐᑭᒧᐊᑦᑎᑦᓯᓂᕐᒧᑦ ᐅᐸᑦᑕᐅᖃᑦᑕᖅᑐᓄᓪᓗ ᐱᔨᑦᓯᕐᕕᐅᔪᓂᑦ ᓄᓇᓕᓐᓂᑦ. ᐋᓐᓂᐊᓯᐅᖅᑎ ᑲᒪᒋᔭᖃᕆᐊᓕᒃ ᑲᒪᒋᔭᐅᓂᕐᒧᑦ ᐱᕙᒌᔭᐅᑎᓂᑦ ᐱᕙᓪᓕᐊᑎᑦᓯᓂᕐᒧᑦ, ᐱᓕᕆᐊᓄᑦ ᐊᐅᓚᑦᑎᓂᖅ, ᑲᑎᒪᓂᕐᓂᑦ, ᐱᒋᐊᙵᕐᓂ ᑲᔪᓯᖏᓐᓇᕐᓂᕐᒧᓪᓗ ᖃᐅᔨᓴᕐᓂᕐᒥᒃ, ᐄᔭᒐᕐᓂᑦ ᐊᐅᓚᑦᓯᓂᕐᒧᑦ ᖃᐅᔨᓴᕐᓂᕐᒧᓪᓗ ᑐᐊᕕᕐᓇᖅᑐᓕᕆᔪᓐᓇᕐᓗᓂᓗ.

ᖃᐅᔨᒪᓂᖏᑦ, ᐊᔪᙱᓐᓂᖏᓐᓂᖏᓪᓗ ᐱᔭᐅᒐᔪᒃᑐᑦ ᑖᔅᓱᒧᖓ ᐃᓂᐅᔪᒧᑦ ᐃᓕᓐᓂᐊᕈᑎᖏᓐᓂᑦ ᐱᔭᕇᖅᓯᓯᒪᓗᓂ ᐋᓐᓂᐊᓯᐅᖅᑎᐅᓂᕐᒧᑦ ᐱᓕᕆᖃᑦᑕᖅᓯᒪᓗᓂ ᐃᓱᒪᓕᕆᓂᕐᒧᑦ, ᐱᔭᕇᕈᓯᐊᕐᒥᓪᓘᓐᓃᑦ ᓯᓚᑦᑐᖅᓴᕐᕕᒡᔪᐊᕐᒥ ᐃᓱᒪᓕᕆᓂᕐᒧᑦ ᐋᓐᓂᐊᓯᐅᖅᑎᐅᓂᕐᒧᑦ ᐱᖓᓱᓄᓪᓗ ᐊᕐᕌᒍᓄᑦ ᐱᓕᕆᖃᑦᑕᖅᓯᒪᓗᓂ ᐃᓱᒪᓕᕆᓂᕐᒧᑦ ᐋᓐᓂᐊᓯᐅᖅᑎᐅᓂᕐᒧᑦ. ᐃᓕᑕᕆᔭᐅᓯᒪᔪᒥ ᐱᔭᕇᕈᓯᐊᖅ ᐳᓚᕋᖅᑐᓕᕆᓂᕐᒧᑦ ᐊᐅᓚᑦᓯᓂᕐᒧᑦ ᓂᐅᕈᑎᖃᕐᓂᕐᒧᓪᓘᓐᓃᑦ, ᐊᑕᐅᓯᕐᒧᓪᓗ ᐊᕐᕌᒍᒧ ᐊᑦᑐᐊᓂᖃᖅᑐᒥ ᐱᓕᕆᖃᑦᑕᖅᓯᒪᓗᓂ. ᐃᖅᑲᓇᐃᔮᖅᑖᕋᓱᐊᖅᑐᑦ ᐊᑎᓕᐅᕈᓐᓇᕆᐊᓖᑦ ᒐᕙᒪᒃᑯᓐᓂ ᑎᒥᖓᓄᑦ ᐱᓕᕆᖃᑦᑕᑦᓯᐊᖅᓯᒪᓗᓂ ᒪᓕᒍᓐᓇᕐᓗᓂᓗ ᒪᓕᒐᕐᓂᑦ ᐃᓕᖅᑯᓯᕆᔭᐅᔭᕆᐊᓖᓪᓗ ᒪᓕᑦᑕᐅᖃᑦᑕᖅᑐᑦ. ᐊᖁᑦᑐᓐᓇᐅᑎᖃᕆᐊᓕᒃ.

ᐊᕐᕌᒍᓂ ᑕᓪᓕᒪᓂ ᐃᓱᒪᓕᕆᔨᐅᓂᕐᒧᑦ ᐋᓐᓂᐊᓲᖅᑎᐅᓂᕐᒧᑦ ᐃᓱᒪᒋᔭᐅᒐᔭᖅᑐᖅ.  ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ.  ᑐᓴᐅᒪᑎᑦᑎᔪᓐᓇᖅᐸᑦᓄᓇᕗᒻᒥ ᐅᖃᐅᓯᖅᑕᕆᔭᐅᔪᓂᒃ ᐊᑕᐅᓯᐅᖏᑐᒥᒃ ᐃᑲᔫᑎᖃᑦᑎᐊᕋᔭᖅᐳᖅ. ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓂᒃ, ᓄᓇᓕᖕᓂᑦ, ᐱᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐱᕚᓪᓕᕈᑕᐅᒐᔭᖅᐳᖅ. 

ᐅᓪᓗᓕᒫᖅᐸᒃᑐᓄᑦ, ᐃᖅᑲᓇᐃᔭᐃᓐᓴᕐᓂᐊᓕᖅᑐᓄᑦ ᐋᓐᓂᐊᓯᐅᑎᓄᑦ, ᐃᖅᑲᓇᐃᔭᖅᑎᑕᐅᓕᕐᓂᕐᒧᑦ ᖄᒃᑲᓐᓂᐊᒍᑦ ᐱᔭᐅᕙᒃᑐᑦ ᐅᑯᐊᖑᕗᑦ: $5,000.00-ᓂᒃ ᐅᓪᓗᐊᓂ ᐱᒋᐊᕐᕕᖓᓂ, $5,000.00−ᓂᒃ 18−ᓂᒃ ᑕᖅᑭᓂᒃ ᐃᖅᑲᓇᐃᔭᖅᓯᒪᓕᕈᑎᒃ, $10,000.00−ᓂᒡᓗ 30−ᓂᒃ ᑕᖅᑭᓂᒃ ᐃᖅᑲᓇᐃᔭᖅᓯᒪᓕᕈᑎᒃ. ᐃᓚᓕᐅᔾᔭᐅᓯᒪᒃᑲᓐᓂᖅᑐᑦ ᐱᔭᐅᒃᑲᓐᓂᖅᐸᒃᑐᑦ ᐃᓚᖃᖅᐳᑦ $9,000.00−ᓂᒃ ᐊᕐᕌᒍᑕᒫᑦ ᐱᓕᕆᓯᒋᐊᖅᑳᖅᐸᖕᓂᕐᒧᑦ ᐱᑎᑕᐅᒃᑲᓐᓂᖅᐸᒃᑐᒥᒃ, ᐊᒻᒪᓗ $375.00−ᑲᓐᓂᕐᓂᒃ ᑕᖅᑭᑕᒫᑦ ᑕᐃᑲᓃᙱᓐᓇᕐᓂᕐᒧᑦ ᐱᔭᐅᒃᑲᓐᓂᖅᐸᒃᑐᓂᒃ, ᑲᑎᖦᖢᒋᑦ $4,500.00−ᖑᓪᓗᑎᒃ ᐊᕐᕌᒍᑕᒫᑦ.

ᐊᔪᙱᑦᑐᑦ ᐊᑎᓕᐅᖅᑕᐅᑐᐃᓐᓇᕆᐊᖃᖅᐳᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᖅ ᐃᓐᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᔪᒃᓴᓂᒃ.

 

ᐱᓇᔪᒍᒪᒍᕕᑦ ᐃᖅᑲᓇᐃᔮᒃᓴᒧᑦ, ᓇᒃᓯᐅᑎᓗᒍ ᐃᕐᙲᓐᓈᖅᑕᐅᒃᑯᑦ ᑎᑎᖅᑲᖃᕐᓗᓂᓗ ᐃᖅᑲᓇᐃᔭᖅᑖᕋᓲᑏᑦ ᐅᕗᖓ nunavutnurses@gov.nu.ca.. ᐃᓚᓕᐅᑎᓗᒍ ᓇᓗᓇᐃᒃᑯᑕᖓᑕ ᓈᓴᐅᑎᖓ ᐱᔾᔪᑎᒋᔭᖓᓄᑦ ᑎᑎᕋᖅᓯᒪᓂᖓᓄᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕕᒃᐱᑦ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᖁᓪᓗᒋᑦ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖅᑳᖁᓪᓗᒋᑦ ᓄᓇᕗᒻᒥ ᐃᖅᑲᓇᐃᔭᖅᑎᑖᕋᓱᖕᓂᕐᒧᑦ ᐊᑐᐊᒐᖅ ᒪᓕᒃᖢᒍ.
  • ᐃᓚᖏᑦ ᐃᖅᑲᓇᐃᔮᒃᓴᑦ ᖃᐅᔨᓴᖅᑕᐅᔭᕆᐊᓖᑦ ᐱᕋᔭᓚᐅᖅᓯᒪᙱᒃᑲᓗᐊᒪᖔᑦ ᑎᑎᖅᑲᖁᑎᒥᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᙱᑎᑕᐅᑐᐃᓐᓇᕆᐊᓖᑦ ᐆᒃᑐᕈᒪᔪᓂ ᐃᓱᒪᒋᔭᐅᒃᑲᓐᓂᕐᓗᑎᒡᓗ.
  • ᐃᖅᑲᓇᐃᔮᒥᑦ ᐆᒃᑐᕈᒪᔪᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᑦᑕ ᐱᔪᒥᓴᐅᑎᖓᓂᑦ ᑐᓂᓯᔭᕆᐊᓕᒃ ᐅᖃᐅᓯᖅ ᓇᓕᐊᑐᐃᓐᓇᖅ ᐊᑐᕐᓗᒍ ᐃᓕᓴᕆᔭᐅᓯᒪᔪᓂᑦ.
  • ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓕᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.
  • ᐃᖅᑲᓇᐃᔮᒧᑦ ᐅᓂᒃᑳᖅᓯᒪᔪᑦ ᐱᔭᒃᓴᐅᔪᑦ ᓱᒃᑲᔪᒃᑯᑦ, ᐃᕐᖐᓐᓈᕈᑎᒃᑯᑦ ᐃᑭᐊᖅᑭᕕᒃᑯᓪᓘᓐᓃᑦ.
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ.
Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ