ᐅᖃᓚᐅᑎᓯᐅᑏᑦ

LogoHome

You are here

ᐃᓯᖅᑕᐅᕙᓪᓕᐊᔪᓄᑦ ᑎᑎᕋᖅᑎ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
051-102320-AO-13736
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᓄᓇᕗᒻᒥᑦ ᐃᓄᖕᒥ ᐱᔭᐅᙱᒃᑯᓂ ᐃᖅᑲᓇᐃᔮᕆᔭᐅᓇᔭᖅᑐᖅ ᐅᑭᐅᓂᑦ ᐱᖓᓱᓂᒃ
ᑮᓇᐅᔾᔭᒃᓴᓇᔭᖅᑐᖅ: 
$81,861 - $92,918
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 23, 2020 - 11:59pm

ᐅᓇ ᐃᖅᑲᓇᐃᔮᒃᓴᖅ ᒪᒃᐱᖓᔪᖅ ᐆᒃᑐᖅᑐᓕᒫᓄᑦ.

ᐃᓯᖅᑕᐅᕙᓪᓕᐊᔪᓄᑦ ᑎᑎᕋᖅᑎ ᐃᓯᖅᐸᓪᓕᐊᔪᓄᑦ ᐱᔨᑦᑎᖃᑦᑕᖅᐳᖅ ᓄᓇᑕ ᓯᓚᑦᑐᖅᓴᕐᕕᐊᓂ ᐃᖃᓗᖕᓂᑦ ᐱᔭᒃᓴᖃᓯᐅᖑᒋᓪᓗᓂᓗ ᐱᓕᕆᐊᖑᒋᐊᓕᓕᒫᓂᒃ ᐊᒻᒪ ᐊᑐᖅᑕᐅᓯᖑᔪᓂᒃ ᑐᕌᖓᔪᓂ ᐃᓕᓐᓂᐊᖅᑎᓄᑦ ᐊᐅᓚᑦᑎᓂᓗᓂ  ᑎᑎᖅᑲᖁᑎᓄᓪᓗ ᐊᐅᓚᔾᔪᑎᒃᓴᖏᓐᓂ ᓯᓚᑦᑐᖅᓴᕐᕕᖕᒧᑦ ᐊᒻᒪ ᕿᑭᖅᑖᓗᖕᒥᑦ ᓄᓇᓕᖕᓂᑦ ᐃᓕᓐᓂᐊᕐᕕᖕᓄᑦ ᐱᖃᑕᐅᒋᕗᖅ ᐱᖅᑯᓯᓕᕆᕝᕕᖕᒥᑦ.

ᐃᖅᑲᓇᐃᔮᖓᑦ ᐱᔭᒃᓴᖃᖅᐳᖅ ᐃᓯᖅᐸᓪᓕᐊᔪᓂ ᑕᑯᓇᒃᐸᒃᖢᓂ, ᐊᑎᓕᖅᐸᒃᖢᓂᒋᑦ, ᓯᓚᑦᑐᖅᓴᕐᕕᒧᐊᕈᓐᓇᖅᑐᓂ ᐊᑎᓕᐅᖅᓯᕙᒃᖢᓂ, ᐃᓕᓐᓂᐊᕈᑎᒧᑦ ᑎᑎᕋᖅᐸᒃᖢᒋᑦ, ᐃᓕᓐᓂᐊᕈᑎᕕᓂᕐᓂᑦ ᑐᓂᓯᕙᒃᖢᓂ ᐊᒻᒪ ᐃᓕᓴᕆᔭᐅᔾᔪᑎᓂ ᑐᒃᓯᕋᖅᑐᖃᖅᑎᓪᓗᒍ, ᐱᓯᒪᖃᓯᐅᑎᕙᒃᖢᓂᒋᑦ ᐃᓕᓐᓂᐊᖅᑏᑦ ᐃᓕᓐᓂᐊᕈᑎᕕᓂᖏᓐᓂᒃ.  ᖃᖓᒍᒃᑲᓐᓂᖅ, ᐃᖅᑲᓇᐃᔮᖓᑦ ᑕᑯᓇᖃᑦᑕᖅᐳᖅ ᑐᓂᔭᐅᑎᓪᓗᒋᑦ ᐃᓕᓐᓂᐊᕈᑎᒋᔭᐅᓚᐅᖅᑐᓂ ᐊᒻᒪ ᑲᒪᖃᑦᑕᖅᐳᖅ ᐃᓕᓐᓂᐊᖅᑏᑦ ᑎᑎᖅᑲᖁᑎᖏᓐᓂ/ᑮᓇᐅᔭᒃᓴᖅᑕᐅᔪᓂ ᐃᑲᔪᖅᑎᒧᑦ.

ᐃᓯᖅᐸᓪᓕᐊᔪᓄᑦ ᑎᑎᕋᖅᑎ ᑲᒪᓲᔭᖃᑦᑕᖅᐳᖅ ᐃᓕᓐᓂᐊᑎᓂ ᓇᖕᒥᓂᖅ ᐱᔭᕆᐊᖃᖅᑐᓂ, ᐃᕐᖏᓇᖅᓯᐅᑎᒃᑯᑦ ᐊᒻᒪ/ᐅᕝᕙᓘᓐᓃᑦ ᑕᓚᕘᒃᑯᑦ ᑐᒃᓯᕋᐅᑎᓕᕆᑎᓪᓗᒍ ᓯᓚᑦᑐᖅᓴᕐᕕᖕᒥᑦ ᐊᒻᒪ/ᐅᕝᕙᓘᓐᓃᑦ ᐃᓕᓐᓂᐊᕈᑎᖏᓐᓂ ᐊᒻᒪ ᑮᓇᐅᔭᓕᕆᓂᕐᒧᑦ ᑎᑎᖅᑲᖁᑎᖏᓐᓂ.  ᐃᖅᑲᓇᐃᔮᖓᑦ ᐃᑲᔪᖃᑦᑕᖅᐳᖅ, ᐅᖃᐅᔾᔨᑎᐅᕙᒃᓗᓂ, ᐃᑲᔪᖃᑦᑕᕆᕗᕐᓗ ᓯᕗᓂᒃᓴᒥᑦ ᐃᓕᓐᓂᐊᖅᑎᓄᑦ ᐃᓕᓐᓂᐊᕋᓱᐊᖅᑐᓂ ᐱᓪᓗᒋᑦ ᐃᓕᓐᓂᐊᕈᑎᒃᓴᓂ ᐱᔪᒪᑎᓪᓗᒋᑦ, ᐱᓇᓱᒍᓐᓇᖅᑐᓂ ᐊᒻᒪ ᑐᒃᓯᕋᒃᑲᓐᓂᖅᑐᓂ ᐅᓪᓗᐊᓂ ᐃᓕᓐᓂᐊᖅᑎᑦ ᐊᑎᓕᐅᕆᐊᖃᖅᑎᓪᓗᒋᑦ, ᓄᖅᑲᖅᑎᓪᓗᒋᑦ ᐊᒻᒪ ᑮᓇᐅᔭᒃᑲᕕᓕᕆᑎᓪᓗᒍ.

ᐃᖅᑲᓇᐃᔭᑖᕈᓐᓇᖅᑐᑦ ᐅᑯᓂᖓ ᐱᖃᖁᔭᐅᓯᒪᕗᑦ:

  • ᐃᓱᓕᑦᑎᓯᒪᒋᐊᓕᒃ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒧᑦ, ᑎᑎᕋᕐᕕᓕᕆᔪᓂ ᐊᐅᓚᑦᑎᓂᕐᒧᑦ ᑐᕌᖓᔪᓂᒡᓗ ᑖᒃᑯᓂᖓᓕᕆᔪᓂ.
  • ᐊᕐᕌᒍᓂ ᐊᑕᐅᓯᖅ ᐃᖅᑲᓇᐃᔭᓚᐅᖅᓯᒪᓗᓂ ᑐᕌᖓᔪᓂ ᑎᑎᕋᕐᓕᕆᓂᕐᒧᑦ, ᐱᔪᒪᕗᑦ ᒐᕙᒪᒃᑯᓐᓃᓚᐅᖅᓯᒪᓗᓂ ᐅᕝᕙᓘᓐᓃᑦ ᓯᓚᑦᑐᖅᓴᕐᕕᖕᒥᕈᔪᒃ.
  • ᐅᖃᕈᓐᓇᑦᑎᐊᕐᓗᓂ ᐃᓄᒃᑎᑐᑦ ᐃᓱᒪᒋᔭᐅᔪᖅ ᐱᖁᑕᐅᓂᖓᓂᒃ.

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᑦ.

ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐱᓇᓱᒍᒪᒍᕕᑦ, ᐃᕐᖏᕐᓇᐅᑎᒃᑯᑦ ᐊᒻᒪ ᐱᔪᒥᓴᐅᑎᑦ ᐃᖅᑲᓇᐃᔮᕆᖃᑦᑕᖅᓯᒪᔭᕐᓄᑦ ᓇᓗᓇᐃᔭᖅᓯᒪᔪᑦ ᓇᒃᓯᐅᑎᓗᒋᑦ ᐅᕗᖓ nachr@arcticcollege.com. ᓇᓗᓇᐃᒃᑯᑕᖓᑕ ᓈᓴᐅᑖ ᑎᑎᕋᕐᓗᒍ ᐃᕐᖏᕐᓇᐅᑎᒃᑯᑦ ᐱᔾᔪᑎᖓᓄᑦ ᐃᕐᖏᓇᖅᓯᐅᑎᓐᓄᑦ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᔪᒪᓪᓗᑎᒃ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᒐᔭᖅᑐᑦ. ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖃᑕᐅᓂᐊᕐᓗᑎᒃ ᓄᓇᕗᒻᒥ ᓯᕗᓪᓕᖅᐸᐅᔾᔨᓂᕐᒧᑦ ᐃᖅᑲᓇᐃᔮᖅᑖᕋᓱᐊᖅᑐᓂᑦ ᐊᑐᐊᒐᖅ ᒪᓕᒃᖢᒍ.
  • ᐃᓚᖏᑦ ᐃᖅᑲᓇᐃᔮᒃᓴᑦ ᖃᐅᔨᓴᖅᑕᐅᒋᐊᓖᑦ ᐱᕋᔭᓚᐅᖅᓯᒪᖏᒃᑲᓗᐊᒪᖔᑦ ᑎᑎᖅᑲᖁᑎᒥᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᖏᑎᑕᐅᑐᐃᓐᓇᕆᐊᓕᒃ ᐆᒃᑐᕈᒪᔪᓂ ᐃᓱᒪᒋᔭᐅᒃᑲᓐᓂᕐᓗᑎᒡᓗ.
  • ᐃᖅᑲᓇᐃᔭᖅᑖᕋᓱᐊᖅᑐᑦ ᐃᖅᑲᓇᐃᔭᖅᑖᕋᓱᐊᕈᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ.
  • ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓕᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.
  • ᐃᖅᑲᓇᐃᔮᒧᑦ ᐅᓂᒃᑳᖅᓯᒪᔪᑦ ᐱᔭᒃᓴᐅᔪᑦ ᓱᒃᑲᔪᒃᑯᑦ, ᖃᕋᓴᐅᔭᒃᑯᑦ ᐃᕐᖏᓐᓇᐅᑎᒃᑯᑦ ᐃᑭᐊᖅᑭᕕᒃᑯᓪᓘᓐᓃᑦ.
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ.

                                                                                             

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ