ᐅᖃᓚᐅᑎᓯᐅᑏᑦ

You are here

ᐃᖅᑲᖅᑐᐃᕕᒻᒥ ᐸᓖᓯ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
05-505819
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᑖᓐᓇ ᐃᖅᑲᓇᐃᔮᔅᓴᖅ ᑭᓪᓕᖃᖅᑎᑕᐅᔪᖅ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᑐᐊᖏᓐᓄᑦ.
ᑮᓇᐅᔾᔭᒃᓴᓇᔭᖅᑐᖅ: 
$95,882 ᐊᑕᐅᓯᕐᒧᑦ ᐊᕐᕌᒍᒧᑦ, 37.5 ᐃᑲᕋᐃᑦ/ᐱᓇᓱᐊᕈᓯᕐᒥᑦ
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016 ᐊᑕᐅᓯᕐᒧᑦ ᐊᕐᕌᒍᒧᑦ
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 30, 2020 - 11:59pm

ᑖᓐᓇ ᐃᖅᑲᓇᐃᔮᔅᓴᖅ ᐅᑉᐱᕆᔭᐅᔭᕆᐊᓕᒻᒦᑦᑐᑦ ᐊᒻᒪ ᓈᒻᒪᒋᔭᐅᔪᓂᑦ ᐱᕋᔭᓚᐅᖅᓯᒪᖏᓐᓂᖓᓄᑦ ᖃᐅᔨᓴᖅᑕᐅᔭᕆᐊᓕᒃ.

ᒪᓕᑦᑐᒍ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᑐᐊᒐᖅ ᑐᑭᒧᐊᕈᑦ 518, ᑖᓐᓇ ᐃᖅᑲᓇᐃᔮᔅᓴᖅ ᑭᓪᓕᖃᖅᑎᑕᐅᔪᖅ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᑐᐊᖏᓐᓄᑦ.

ᐊᖏᔪᖅᑳᖃᖅᑐᓂ ᐊᐅᓚᑦᑎᓄ ᐃᓄᓐᓅᖓᔪᓄᑦ ᐊᑎᓕᐅᓂᕐᒧᑦ ᐊᒻᒪ ᐃᖅᑲᖅᑐᐃᕕᒻᒥ ᐸᓖᓯ ᑎᒃᑯᐊᖅᑕᐅᓯᒪᔪᖅ ᐊᓐᓄᕌᖃᖅᑎᑕᐅᓪᓗᓂ ᐸᓖᓯ ᒪᓕᑦᑐᒍ ᐃᓚᖓ 2 ᐱᕋᔭᑉᐸᑦᑐᓄᑦ ᓇᓗᓇᐃᒃᑯᑕᖏᑦ ᑲᓇᑕᒥ ᐊᒻᒪ ᐃᓚᖓ 67 ᒪᓕᒐᓕᕆᓂᕐᒧᑦ ᐱᖁᔭᖅ ᓄᓇᕗᒻᒥ. ᐃᖅᑲᖅᑐᐃᕕᒻᒥ ᐸᓖᓯ ᑲᒪᒋᔭᖃᖅᑐᖅ ᐊᒻᒪ ᑲᒪᒋᔭᖃᖅᑐᓂ ᐃᖅᑲᖅᑐᐃᕕᒻᒥ ᐸᓖᓯᒧᑦ ᐊᓪᓚᕕᖓᓂ. ᑖᓐᓇ ᐃᖅᑲᓇᐃᔮᔅᓴᖅ ᐱᓕᕆᐊᖃᕆᐊᖃᖅᑐᖅ ᐊᐅᓚᑦᑎᓂᕐᒥᑦ ᐊᒻᒪ ᐊᐅᓚᓂᖏᓐᓄᑦ ᑎᒍᔭᐅᓯᒪᔪᑦ ᐊᐅᓚᑕᐅᓂᖏᓐᓄᑦ, ᐊᑦᑕᓇᐃᖅᓯᒪᓂᕐᒧᑦ ᐱᔨᑦᑎᖅᑕᑦ, ᐃᓄᓐᓅᖓᔪᓄᑦ ᐊᔭᐅᖅᓯᒋᕐᓂᖅ, ᐃᖅᑲᖅᑐᐃᕕᒻᒥ ᓈᓚᑦᑎᓂᑦ ᐊᐅᓚᑕᐅᓂᖏᑦ, ᐊᒻᒪ ᑎᑎᕋᖅᓯᒪᔪᑦ ᐊᐅᓚᑕᐅᓂᖏᑦ ᑭᒡᒐᑐᖅᑐᒋᑦ ᓄᓇᕗᒻᒥ ᒪᓕᒐᓕᕆᔨᒃᑯᑦ ᐊᒻᒪ ᓄᓇᕗᒻᒥ ᐃᖅᑲᑐᐃᕕ ᐅᕐᓂᓗᓐᓂᕐᒧᑦ ᓄᓇᕗᒻᒥ, ᐊᒻᒪ ᐊᐅᓚᑕᐅᓂᖏᓐᓄᑦ ᐊᔾᔨᒌᖏᑦᑐᑦ ᐱᔾᔪᑎᖃᖅᑐᑦ ᐊᐅᓚᑕᐅᓂᖏᑦ ᐊᑕᐅᓯᐅᓗᐊᖅᑐᒥᑦ ᒪᓕᒐᓕᕆᓂᕐᒧᑦ ᑲᑎᒪᔩᑦ ᐊᒻᒪ ᑎᒥᐅᔪᑦ. ᐃᓚᒋᐊᕐᓗᒍ, ᐃᖅᑲᓇᐃᔮᑖᖅᑐᖅ ᑲᒪᒋᔭᖃᖅᑐᖅ ᐊᐅᓚᓂᖏᓐᓄᑦ ᐊᓪᓚᕕᖓ ᐃᖅᑲᖅᑐᐃᕕᒻᒥ ᐸᓖᓯ ᐱᖃᓯᐅᔾᔨᔪᖅ ᑲᒪᒋᔭᖃᖅᑐᓂ ᐊᒻᒪ ᐊᐅᓚᑦᑎᓂᕐᒥᑦ ᐃᖅᑲᓇᐃᔭᖅᑎᓂᑦ ᐊᒻᒪ ᐊᔾᔨᒌᖏᑦᑐᓄᑦ ᑳᓐᑐᕌᖅᓯᒪᔪᓄᑦ ᐃᖅᑲᓇᐃᔭᖅᑎᓄᑦ 25−ᓂᑦ ᓄᓇᓕᓐᓂᑦ ᓄᓇᕗᒻᒥ.

ᐃᖅᑲᖅᑐᐃᕕᒻᒥ ᐸᓖᓯ ᖃᐅᔨᒪᓂᖃᕆᐊᓕᒃ ᓂᐅᕕᐊᔅᓴᓄᑦ ᐱᖁᔭᖅ, ᓂᕈᐊᖅᑕᐅᔪᑦ ᖃᓄᐃᓘᖅᑕᐅᔪᑦ ᐱᖁᔭᖅ, ᑮᓇᐅᔭᓕᐅᕋᓱᓐᓂᕐᒧᑦ ᐊᑐᖅᑐᐊᖅᑐᓂ ᐱᖁᔭᖅ, ᖃᓄᐃᓐᓂᖃᕆᐊᖃᖅᑐᓄᑦ ᓂᐅᕕᐊᔅᓴᐃᑦ ᐱᖁᔭᖅ. ᑐᖁᖓᔪᓕᕆᔨᒧᑦ ᐱᖁᔭᖅ, ᐊᑭᓕᔅᓴᓕᓐᓄᑦ ᖃᓱᑎᑕᐅᓂᖏᓐᓄᑦ ᐱᖁᔭᖅ, ᓂᕈᐊᓂᕐᒧᑦ ᐱᖁᔭᖅ, ᐃᖅᑲᖅᑐᐃᕕᒻᒥ ᓈᓚᑦᑎᓄᑦ ᐱᖁᔭᖅ, ᓄᓇᐃᑦ ᐊᑎᖏᓐᑦ ᐱᖁᔭᖅ, ᓄᓚᓕᒻᒥ ᐱᔪᓐᓇᐅᑎᓕᓐᓄᑦ ᓂᕈᐊᓂᕐᒧᑦ ᐱᖁᔭᖅ, ᐊᐅᓚᐅᑕᓯᕆᔨᓄᑦ ᐱᖁᔭᖅ, ᐅᔭᕋᓐᓂᐊᖅᑎᓄᑦ ᐱᖁᔭᖅ, ᓇᒻᒥᓂᖅ ᐱᖁᑎᒋᔭᐅᔪᓄᑦ ᐊᑦᑕᓇᐃᖅᓯᒪᓂᕐᒧᑦ ᐱᖁᔭᖅ ᑎᒍᔭᐅᓂᖏᓐᑦ ᐱᖁᔭᖅ, ᐊᖏᕋᖃᕐᕕᓄ ᐊᑐᖅᑐᐊᖅᑐᓄᑦ ᐱᖁᔭᖅ, ᓱᓇᒐᓚᖃᕐᕕᓐᓄᑦ ᐱᓕᕆᔨᓄᑦ ᐱᖁᔭᖅ, ᐃᖅᑲᖅᑐᐃᔨᕋᓛᓄᑦ ᐱᖁᔭᖅ, ᐊᒻᒪ ᓄᓇᕗᒻᒥ ᒪᓕᒐᐃᑦ ᐃᑦᑲᑐᐃᕕᒻᒥ. ᐃᖅᑲᓇᐃᔮᖅᑖᕋᓱᐊᖅᑐᖅ ᖃᐅᔨᒪᔭᕆᐊᖃᕐᒥᔪᖅ ᐱᓕᕆᒋᐊᖃᖅᑕᖏᓐᓂ ᐃᖅᑲᖅᑐᐃᕕᒻᒥ ᐸᓖᓯᒧᑦ ᐊᑦᑐᐊᓂᓕᓐᓄᑦ ᓈᓚᑦᑎᓄᑦ ᐃᖅᑲᖅᑐᖅᑕᐅᔪᓄᑦ ᐊᒻᒪ ᐱᓕᕆᖃᕈᓐᓇᕐᓗᓂ ᐱᓕᕆᒋᐊᓕᖏᓐᓂ ᐊᒻᒪ ᐊᐅᓚᓂᖏᓐᓂ ᐱᑕᖃᖅᑎᑕᐅᔪᑦ ᐊᑖᓂ ᐱᕋᔭᑉᐸᑦᑐᓄᑦ ᓇᓗᓇᐃᒃᑯᑕᑦ. ᐃᓚᒋᐊᕐᓗᒍ, ᐃᖅᑲᓇᐃᔮᑖᖅᑐᖅ ᑐᑭᓯᐅᒪᓂᖃᑦᑎᐊᕆᐊᓕᒃ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᓂᕐᒥᑦ ᐱᔪᓐᓇᑎᑦᑎᔪᓂᑦ ᑐᓂᖓᕕᐅᓗᓂ ᐊᐅᓚᑕᐅᓂᖏᓐᓄᑦ ᓄᓇᕗᒻᒥ ᒪᓕᒐᓕᕆᔨᒃᑯᑦ ᐊᒻᒪ ᐃᖅᑲᖅᑐᐃᕕᒻᒥ ᐸᓖᒥᒧᑦ ᑭᓱᖃᕐᕕᖏᑦ, ᑎᒍᔭᐅᔪᑦ ᓂᐅᕕᐊᔅᓴᐃᑦ ᐊᒻᒪ ᐊᐅᓚᑦᑎᓂᕐᒧᑦ ᐊᒻᒪ ᐋᖅᑭᒍᑕᐅᔪᓄᑦ ᑮᓇᐅᔭᐃᑦ ᐱᔭᐅᔪᓕᒫᓂᑦ. ᐃᖅᑲᓇᐃᔮᔅᓴᖅ ᐊᐅᓚᑦᑎᔪᖅ ᒫᓐᓇᐅᔪᒥᑦ ᐊᑐᖅᑐᔅᓴᓂᑦ ᖃᓂᒋᔭᖏᓐᓂ $500,000.

ᖃᐅᔨᒪᓂᖏᑦ, ᐊᔪᖏᓐᓂᖏᑦ, ᐊᒻᒪ ᐱᔪᓐᓇᕐᓂᖏᑦ ᐱᑕᖃᕆᐊᖃᖅᑎᑕᐅᔪᑦ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᑦᑐᑦ ᐅᑯᑎᒎᓇ ᐱᔭᕇᖅᓯᓯᒪᓂᕐᒧᑦ ᓯᓚᑦᑐᓴᕐᕕᒻᒥ ᓇᓗᓇᐃᒃᑯᑕᖅ ᐸᓖᓯᓄᑦ ᐱᔨᑦᑎᖅᑕᓄᑦ ᐅᕝᕙᓘᓐᓃᑦ ᒪᓕᒐᕐᓂᑦ ᐊᔭᐅᕆᐊᖅᓯᓂᕐᒧᑦ ᐊᒻᒪ ᐱᖓᓱᓂᑦ (3) ᐊᕐᕌᒍᓂᑦ ᐊᑦᑐᐊᓂᓕᒻᒧᑦ ᐃᖅᑲᓇᐃᔭᖃᑦᑕᖅᓯᒪᓗᓂ ᐊᔾᔨᐸᓗᖏᓐᓂ ᐃᖅᑲᓇᐃᔮᒥᑦ ᓄᓇᕗᒻᒥ ᐅᕝᕙᓘᓐᓃᑦ ᐊᓯᐊᓂ ᒐᕙᒪᐅᔪᓄᑦ ᑲᒪᒋᔭᖃᖅᑐᓄᑦ ᐊᔾᔨᒌᓐᖑᐊᖅᑎᒐᔅᓴᓂ ᐃᓄᓐᓅᖓᔪᓄᑦ ᐊᔭᐅᖅᓯᒋᐊᓂᒥᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᐱᓕᕆᐊᖑᒋᐊᓖᑦ. ᐊᑕᐅᓯᕐᒥᑦ (1) ᐊᕐᕌᒍᒥ ᐊᖏᔪᖅᑳᖑᖃᑦᑕᖅᓯᒪᓂᖓ ᐱᑕᖃᕆᐊᖃᖅᑎᑕᐅᔪᖅ. ᖁᕝᕙᓯᓐᓂᖓ 5 ᐊᖁᑦᑐᖅᓯᐅᑎᖃᕆᐊᓕᒃ ᓚᐃᓴᓐᓯᒥᑦ ᐱᔪᓐᓇᖅᑎᑕᐅᓗᓂ ᖁᕝᕙᓯᓐᓂᖓ 4 ᐊᖁᑦᑐᖅᓯᐅᒻᒥᑦ ᓚᐃᓴᓐᓯᒥᑦ ᐱᑕᖃᕆᐊᖃᖅᑎᑕᐅᒻᒥᔪᖅ.

ᐊᔾᔨᐸᓗᖏᓐᓂ ᑲᑎᓐᖓᔪᓂ ᐃᓕᓐᓂᐊᖅᓯᒪᓂᖓ ᐊᒻᒪ ᐃᖅᑲᓇᐃᔭᖃᖅᑕᖅᓯᒪᓂᖓ ᓈᒻᒪᒋᔭᐅᔪᓐᓇᖅᑐᑦ.

ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᓄᓇᕗᒻᒥ ᐃᓄᑦᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ. ᐅᖃᕈᓐᓇᕐᓗᓂ ᐊᑕᐅᓯᐅᓗᐊᖅᑐᒥ ᓄᓇᕗᒻᒥ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᐱᑕᖃᕆᐊᖃᖅᑎᑕᐅᔪᖅ. ᖃᐅᔨᒪᓂᖃᕐᓗᓂ ᐃᓄᐃᑦ ᐅᖃᐅᓯᖓᓂ, ᓄᓇᓕᓐᓂᑦ, ᐱᖅᑯᓯᖏᓐᓂ, ᓄᓇᖓᓂ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᑦ ᐱᑕᖃᕆᐊᖃᖅᑎᑕᐅᔪᑦ.

ᐃᖅᑲᓇᐃᔮᖅᑕᕆᒐᓱᐊᕈᒪᒋᒍᕕᐅᒃ ᑖᓐᓇ ᐃᖅᑲᓇᐃᔮᔅᓴᖅ, ᐊᐅᓪᓚᑎᓪᓗᒋᑦ ᖃᕋᓴᐅᔭᒃᑯᑦ ᑎᑎᖅᑲᖅ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᐅᕗᖓ GNHR@gov.nu.ca. ᓇᓗᓇᐃᕐᓗᒍ ᖃᐅᔨᒋᐊᕐᕕᖓᑕ ᓈᓴᐅᑎᖓ ᑭᓱᒧᑦ ᐱᔾᔪᑎᖓᓂ ᐃᕝᕕᑦ ᖃᕋᓴᐅᔭᒃᑯᑦ ᐊᐅᓪᓚᖅᑎᑕᖓᒍᑦ.

  • ᓄᓇᕗᑦ ᒐᕙᒪᒃᑯᑦ ᑲᔪᖏᖅᓯᒪᔪᑦ ᓴᖅᑭᑎᑦᑎᓂᕐᒥᑦ ᑭᒡᒐᖅᑐᐃᓂᖅᓴᓂᑦ ᐃᖅᑲᓇᐃᔭᖅᑎᓂᑦ ᑐᑭᓯᑦᑎᐊᓂᖅᓴᐅᔪᓐᓇᓂᐊᕐᒪᑕ  ᐊᒻᒪ ᐱᔨᑦᑎᕐᓗᒋᑦ ᐱᔭᕆᐊᖃᖅᑕᖏᓐᓂᑦ ᓄᓇᕗᒻᒥᐅᑦ. ᓯᕗᓪᓕᐅᔾᔭᐅᓂᐊᖅᑐᑦ ᓄᓇᕗᒻᒥ ᐃᓄᐃᑦ ᓇᓗᓇᐃᖅᓯᑦᑎᐊᕆᐊᓖᑦ ᑭᓇᐅᓂᕐᒥᓂ ᐱᔪᓐᓇᖅᑎᑕᐅᓂᖏᓐᓄᑦ ᐱᑎᑕᐅᓂᐊᕐᓗᓂ ᓯᕗᓪᓕᐅᔾᔭᐅᓂᕐᒧᑦ ᐃᓱᒪᒋᔭᐅᓂᕐᒧᑦ ᐊᑖᓂ ᓄᓇᕗᒻᒥ ᓯᕗᓪᓕᐅᔾᔭᐅᔭᕆᐊᓕᓐᓂ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᐊᒐᖅ.
  • ᐃᖅᑲᓇᐃᔮᔅᓴᐃᑦ ᐃᓚᖏᓐᓂᑦ ᐃᓂᐅᔪᓂᑦ ᐱᑕᖃᕆᐊᖃᖅᑎᑕᐅᔪᑦ ᖃᐅᔨᓴᖅᑕᐅᓗᑎ ᓈᒻᒪᒋᔭᐅᔪᒥᑦ ᐱᕋᔭᓚᐅᖅᓯᒪᖏᓐᓂᖓᓄᑦ. ᐱᕋᔭᒪᐅᖅᓯᒪᓂᐅᔪᖅ ᐱᓇᓱᐊᕈᓐᓇᐃᓕᑎᑦᑎᖏᑦᑐᖅ ᐃᓱᒪᒋᔭᐅᒃᑲᓂᕐᓂᐊᕐᓗᓂ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᑐᓂᓯᒍᓐᓇᖅᑐᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂ ᑎᑎᕋᖅᓯᒪᔪᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᓂᕈᐊᖅᑕᖏᓐᓂᑦ.
  • ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᑕᐅᔪᓐᓇᖅᑐᑦ ᐃᓐᓄᐃᓂᐊᕐᓗᑎ ᓯᕗᓂᔅᓴᒥ ᐃᓐᓄᑦᑕᐅᓯᒪᖏᑦᑐᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᓂᖏᑦ ᐱᔭᐅᔪᓐᓇᖅᑐᑦ ᓱᑲᔪᒃᑯᑦ, ᖃᕋᓴᐅᔭᒃᑯᑦ ᑎᑎᖅᑲᒃᑯᑦ ᐅᕝᕙᓘᓐᓃᑦ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓᒍᑦ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᓂᕈᐊᖅᑕᑐᐊᖑᔪᑦ ᐊᐱᖅᓱᖅᑕᐅᓂᕐᒧᑦ ᖃᐅᔨᒋᐊᕐᕕᐅᓂᐊᖅᑐᑦ.
Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ