ᐅᖃᓚᐅᑎᓯᐅᑏᑦ

You are here

ᐃᖅᑲᖅᑐᐃᕕᓕᕆᔾᔪᑕᐅᔪᓄᑦ ᐊᑎᓕᐅᖅᑎ - ᒪᓂᓴᐅᑕᐅᒃᑲᓐᓂᖅᑐᖅ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
05-507056
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᐅᓇ ᐃᖅᑲᓇᐃᔮᒃᓴᖅ ᐅᑯᓄᖓᑐᐊᖅ ᑐᕌᖓᔪᖅ ᓄᓇᖃᖅᑐᓄᑦ ᐃᖃᓗᖕᓂᑦ ᑭᓯᐊᓂ.
ᑮᓇᐅᔾᔭᒃᓴᓇᔭᖅᑐᖅ: 
$92,196 to $104,637 per year, 37.5 hours/week
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016 per year
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᕕᕝᕗᐊᓕ 4, 2022 - 11:59pm

ᐅᓇ ᐃᖅᑲᓇᐃᔮᒃᓴᖅ ᐅᑯᓄᖓᑐᐊᖅ ᑐᕌᖓᔪᖅ ᓄᓇᖃᖅᑐᓄᑦ ᐃᖃᓗᖕᓂᑦ ᑭᓯᐊᓂ.

ᐅᓂᒃᑳᐸᓪᓗᓂ ᑐᑭᒧᐊᑦᑎᑦᓯᔨᖓᓄᑦ ᒪᓕᒐᖅᑎᒍᑦ ᑎᑎᕋᕐᕕᐅᕙᓪᓕᐊᔪᓕᕆᔨᒧᑦ, ᐃᖅᑲᖅᑐᐃᕕᓕᕆᔾᔪᑕᐅᔪᓄᑦ ᐊᑎᓕᐅᖅᑎ (DR) ᑕᑎᒋᔭᐅᔪᖅ ᑐᕋᐃᓐᓇᖅᑐᒥ ᐊᐅᓚᓂᕐᓄᑦ ᑎᒥᐅᔪᒧᑦ, ᓇᒻᒥᓂᕆᔭᕐᓄᑦ ᓄᓇᖁᑎᓂᑦ, ᑲᑐᔾᔨᖃᑎᒌᑦᓯᐊᖅᑐᓄᑦ, ᑲᑐᔾᔨᖃᑎᒌᓄᑦ ᓴᐳᒻᒦᔨᓄᓪᓗ ᐃᓚᐅᖃᑕᐅᔾᔪᑎᓄᑦ. ᐱᕙᓪᓕᐊᓂᕐᒧᑦ ᑕᐅᑐᒃᑕᒃᑯᑦ, ᐱᔾᔪᑎᖓ ᐃᖅᑲᓇᐃᔮᑉ ᐊᐅᓚᑦᓯᓯᐊᕐᓂᕐᒧᑦ ᑕᑎᒋᔭᐅᔪᓐᓇᖅᑐᒥᓪᓗ ᑎᑎᕋᕐᕕᓐᓂᑦ ᐃᓕᓐᓂᐊᖅᑕᐅᔭᕆᐊᓖᑦ ᐱᕙᓪᓕᐊᔪᓕᕆᓂᕐᒧᑦ ᓄᓇᕗᒻᒥ. ᐃᖅᑲᓇᐃᔭᖅᑎ ᐃᓚᒋᔭᐅᓂᐊᖅᑐᖅ ᓇᓗᓇᖅᓯᓂᕐᒧᑦ ᐃᓘᓐᓇᑎᒃ ᒪᓕᒋᐊᓖᑦ ᐊᔾᔨᒌᖏᑦᑐᓄᑦ ᐱᖁᔭᕐᓄᑦ ᐊᑐᖅᑕᐅᑦᓯᐊᕐᓂᖏᓐᓄᑦ ᐃᓘᓐᓇᖏᓐᓄᑦ ᑮᓇᐅᔭᓄᑦ ᐃᓯᖅᐸᓪᓕᐊᔪᑦ ᑲᒪᒋᔭᐅᑦᓯᐊᕐᓂᖏᓐᓄᑦ  ᒪᓕᒐᖅᑎᒍᑦ ᑎᑎᕋᕐᕕᐅᕙᓪᓕᐊᔪᓕᕆᕕᐅᑉ ᐱᓕᕆᕝᕕᖓᓂᑦ. ᑖᓐᓇ ᐃᖅᑲᓇᐃᔮᖅ ᑲᒪᒋᔭᖃᖅᑐᒪᕆᐅᓂᐊᖅᑐᖅ ᐃᓚᖃᖅᑐᓂᑦ ᐋᖅᑭᑦᓱᐃᓂᕐᒧᑦ, ᑲᒪᒋᔭᖃᕐᓂᕐᒧᑦ, ᐱᓕᒻᒪᑦᓴᕐᓂᖅ, ᑲᑐᔾᔨᖃᑎᖃᕐᓗᓂ ᒪᓕᒐᑎᒍᑦ ᑎᑎᕋᕐᕕᐅᕙᓪᓕᐊᔪᓕᕆᓂᕐᒧᑦ ᖃᐅᔨᒪᔨᑕᖅᒥ, ᖃᐅᔨᓴᕐᓂᕐᒧᓪᓗ ᒪᓕᒐᖅᑎᒍᑦ ᑎᑎᕋᕐᕕᐅᕙᓪᓕᐊᔪᓕᕆᔨᓂᑦ, ᐊᒻᒪ ᐃᓘᓐᓇᖏᓐᓂᑦ ᑳᓐᑐᕌᒃᓂᑦ ᐃᓕᓐᓂᐊᖅᑎᓂᓪᓗ ᐃᖅᑲᓇᐃᔭᖅᑎᓂᑦ.

ᐃᖅᑲᓇᐃᔮᖅ ᐊᑦᑐᐃᓂᖃᖅᑐᖅ ᐃᓚᒋᔭᐅᔪᓕᒫᓄᑦ ᑭᒃᑯᑐᐃᓐᓇᕐᓂᑦ, ᐊᔾᔨᒌᖏᑦᑐᓂᑦ ᑲᑐᔾᔨᖃᑎᒌᓂᑦ ᒪᓕᒐᓕᕆᔨᖏᓐᓂᓪᓗ ᐱᔪᒪᓂᖃᖅᑐᓂᑦ ᓇᒻᒥᓂᖃᕐᓂᕐᒧᑦ ᓄᓇᒥ ᐊᓯᖏᓐᓂᓪᓗ ᐊᑭᓖᓐᓂᕈᓂ ᕿᑐᕐᖏᐅᕈᑎᓄᑦ ᓄᓇᕗᒻᒥ ᐃᓚᒋᔭᐅᔪᓄᓪᓗ ᓄᓇᒥ ᑮᓇᐅᔭᓄᑦ ᐃᓯᖅᐸᓪᓕᐊᔪᓄᑦ ᐃᓚᒋᔭᓕᓐᓂᑦ ᓴᐳᒻᒥᔭᐅᔪᒪᓂᕐᓄᑦ ᑕᒪᒃᑮᓐᓄᑦ ᓇᒻᒥᓂᖅ ᑎᒥᐅᔪᓪᓗ. ᐊᑦᑐᐃᓂᖃᕐᒥᔪᖅ ᒐᕙᒪᒃᑯᓐᓂᑦ ᐱᓕᕆᕝᕕᐅᔪᓂᑦ ᐃᓚᒋᔭᖃᖅᑐᓂᑦ ᓄᓇᒥ ᐊᐅᓚᑦᓯᓂᕐᒧᑦ, ᖃᐅᔨᓴᕐᓂᖅ, ᐱᕙᓪᓕᐊᑎᑦᓯᓂᖅ ᑮᓇᐅᔭᓕᕆᓂᕐᒧᓪᓗ ᑕᐅᖅᓰᓂᖅ ᑮᓇᐅᔭᑎᒍᑦ ᐃᓚᒋᓗᒍ ᓄᓇᓕᓐᓂ ᐱᕙᒌᔭᐃᓂᖅ ᓄᓇᓕᕆᓂᕐᓗ ᐱᓕᕆᕝᕕᒻᒥ (COS), ᐊᐅᓚᑦᓯᔨ ᓄᓇᓕᕆᓂᕐᒧᑦ ᓄᓇᖃᖅᑳᖅᑐᓕᕆᔨᒃᑯᑦ ᐅᑭᐅᖅᑕᖅᑐᒥᐅᓄᓪᓗ ᑲᓇᑕᒥ, ᓄᓇᙳᐊᕐᓂᑦ (ᖃᐅᔨᓴᕐᓂᖅ) ᓄᓇᒥᙶᖅᓯᒪᔪᓕᕆᔨᒃᑯᑦ ᑲᓇᑕᒥ. ᐱᔨᑦᓯᕋᖅᑕᐅᖃᑦᑕᖅᑐᑦ ᐃᓚᖃᖅᐳᑦ ᐊᓯᖏᓐᓂᑦ ᑲᑐᔾᔨᖃᑎᒌᓂᒃ ᐃᓚᒋᔭᐅᔪᓂᑦ ᓄᓇᒥ ᐊᐅᓚᑦᓯᓂᕐᒧᑦ ᓲᕐᓗ ᕼᐋᒻᒪᓚᓂ ᑖᒃᓰᔭᐃᓂᕐᒧᑦ ᐱᔪᓐᓇᐅᑎᓖᑦ, ᕼᐋᒻᒪᓚᒃᑯᑦ, ᓇᓗᓇᐃᖅᑕᐅᓯᒪᔪᑦ ᐃᓄᐃᑦ ᑲᑐᔾᔨᖃᑎᒌᖏᑦ, ᖃᐅᔨᓴᖅᑏᑦ ᐊᒻᒪᓗ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐊᒻᒪ ᐊᔾᔨᒌᖏᑦᑐᑦ ᑮᓇᐅᔭᓕᕆᓂᕐᒧᑦ ᐱᓕᕆᕝᕕᐅᔪᑦ ᐊᑐᐃᓐᓇᐅᑎᑦᓯᔪᑦ ᑮᓇᐅᔭᓕᕆᓂᕐᒧᑦ ᓴᐳᔾᔨᓯᒪᓂᕐᒧᑦ ᓄᓇᒥ ᓇᒻᒥᓂᕆᔭᐅᔪᓂᓪᓘᓐᓃᑦ ᐱᖁᑎᓂᑦ. ᑲᓇᑕᓕᒫᒥᑦ, ᐃᖅᑲᓇᐃᔮᖅ ᐃᑲᔪᖃᖅᑕᖅᑐᖅ ᓇᓗᓇᐃᖅᓯᓂᕐᒧᑦ ᓈᒻᒪᒐᓗᐊᕐᒪᖔᑕ ᐃᓗᐊᓂ ᐊᑦᑕᕐᓇᔾᔭᐃᒃᑯᑎᓄᑦ ᑲᓇᑕᒥ ᐊᑎᓕᐅᖅᑕᐅᖃᑦᑕᕐᓂᕐᒧᑦ ᑐᖅᑯᖅᑕᐅᓯᒪᔪᑦ (NRD), ᐊᑐᖅᑕᐅᖃᑦᑕᖅᑐᓪᓗ ᖃᕆᑕᐅᔭᒃᑯᑦ ᑲᑎᑕᐅᓯᒪᔪᑦ ᖃᐅᔨᓴᖅᑕᐅᓂᖏᑦ ᐱᔭᐅᕙᓪᓕᐊᓂᖏᓐᓄᓪᓗ (SEDAR), ᓄᖅᑲᖅᑎᑦᓯᒍᑎ ᑕᐅᖅᓰᒍᑎᓂᒃ ᐊᑑᑎᓂᖏᑦᑐᓂᑦ ᖃᐅᔨᓴᖅᑕᐅᓂᖏᑦ (CTO) ᐊᒻᒪᓗ ᐊᑐᖅᑕᐅᖃᑦᑕᖅᑐᖅ ᖃᕆᑕᐅᔭᒃᑯᑦ ᓴᖅᑭᑎᑦᓯᓂᕐᒧᑦ ᑭᒡᒐᖅᑐᐃᔨᓂᑦ (SEDI).

ᖃᐅᔨᒪᓂᖏᑦ, ᐊᔪᓐᖏᓐᓂᖏᓐᓂᖏᓪᓗ ᐱᔭᐅᓯᒪᔪᓐᓇᖅᑐᑦ ᐆᒧᖓ ᐃᖅᑲᓇᐃᔮᒧᑦ ᐃᓕᓴᕆᔭᐅᓯᒪᔪᒥᑦ ᐱᔭᕇᕈᓯᐊᖅᒥ ᒪᓕᒐᓕᕆᓂᕐᒧᑦ, ᑕᐅᖅᓰᔪᓕᕆᓂᕐᒧᑦ, ᑮᓇᐅᔭᓕᕆᓂᖅ, ᓇᒻᒥᓂᖃᕐᕕᓐᓂ ᐊᓪᓚᕝᕕᓕᕆᓂᖅ ᐊᑦᑐᐊᓂᖃᖅᑐᒥᓪᓘᓐᓃᑦ ᐋᖅᑭᒃᓱᐃᓂᖅᒧᑦ ᑕᓪᓕᒪᓄᓪᓗ (5) ᐊᕐᕌᒍᓄᑦ ᐱᓕᕆᖃᑦᑕᖅᓯᒪᓂᖅ ᒪᓕᒐᓕᕆᓂᕐᒧᑦ ᓴᖅᑭᔮᕐᕕᐅᓚᕆᓪᓗᓂ ᑎᒥᐅᔪᖅ/ᑮᓇᐅᔭᓕᐅᕋᓱᓐᓂᕐᒧᑦ, ᐃᓪᓗᑖᕐᓂᕐᒧᑦ ᐊᒻᒪᓗ ᓴᐳᒻᒥᔾᔪᑎᓂᑦ ᒪᓕᒐᕐᓂᑦ.  ᐊᕐᕌᒍᒥᒃ ᐊᑕᐅᓯᕐᒥᒃ ᑲᒪᔨᐅᖃᑦᑕᖅᓯᒪᓗᓂ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ. ᐃᖅᑲᓇᐃᔭᖅᑖᕋᓱᐊᖅᑐᑦ ᐃᖅᑲᓇᐃᔭᖅᑖᕋᓱᐊᕈᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ. ᐱᔪᓐᓇᕐᓂᖃᕐᓂᖅ ᑐᓴᐅᒪᖃᑎᖃᕈᓐᓇᕈᓂ ᐅᐃᕖᑎᑐᑦ ᐊᑲᐅᒋᔭᐅᓇᔭᖅᐳᖅ. ᖃᐅᔨᒪᒃᐸᑦ ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖏᓐᓂ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᑦ ᑖᑦᓱᒧᖓ ᐃᖅᑲᓇᐃᔮᕐᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᓱᐊᖁᔨᓪᓗᑕ ᐃᓕᖕᓂᑦ ᓇᓕᒧᖓᓂ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒍᕕᑦ ᐃᓕᓐᓂᐊᖅᓯᒪᓂᕐᒧᑦ ᐱᓕᕆᖃᑦᑕᖅᓯᒪᓂᕐᒧᓪᓗ ᐱᔭᕆᐊᖃᖅᑐᑦ ᓇᓕᒧᖓᓂ ᖁᓛᓂᑦ ᑎᑎᕋᖅᓯᒪᔪᓂᑦ.

ᐊᔪᙱᑎᑕᐅᔪᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓖᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

ᑖᔅᓱᒥᖓ ᐃᖅᑲᓇᐃᔮᒃᓴᒥᑦ ᐆᒃᑐᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᑎᑦ ᐃᖅᑲᓇᐃᔮᒧᑦ ᐱᔪᒥᓴᐅᑎᑦ ᓇᒃᓯᐅᑎᓗᒍ ᐅᕗᖓ gnhr@gov.nu.ca. ᐃᓚᓕᐅᑎᓯᒪᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᐃᕐᖐᓐᓈᖅᑕᐅᑎᖕᓂ.

  • ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᒻᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᒻᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᓪᓗᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖃᓇᐃᔭᑖᕐᓂᕐᒧᑦ ᐊᑐᐊᒐᖅ.
  • ᒐᕙᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᖃᐅᔨᓴᖅᑕᐅᓂᕐᒦᑦᑐᑦ ᐱᔭᕆᐊᖃᖅᑐᑦ ᐊᑐᐃᓐᓇᐅᑎᑦᓯᓂᕐᒥᓪᓗ ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᓪᓕᐊᑕ ᐊᖓᔪᖅᑳᖓᓐᓂᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᓪᓕᐊᑕ ᐊᖓᔪᖅᑳᖓᓄᑦ ᐊᑕᔭᕆᐊᓕᒃ ᐱᓇᓱᐊᕈᑎᓐᓄᑦ ᐃᓱᒪᒋᔭᐅᓂᐊᕐᒪᑦ. 
  • ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᑦ ᐊᔪᓕᕈᑕᐅᙱᑐᐃᓐᓇᕆᐊᓕᒃ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ. ᖃᐅᔨᓴᖅᑕᐅᓂᖏᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᓐᓂᐊᖅᐳᑦ ᐱᓕᕆᐊᒃᓴᕆᔭᐅᔪᑦ ᐃᖅᑲᓇᐃᔮᒃᓴᒥ.  ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᓄᑦ ᐅᕝᕙᓘᓐᓃᑦ ᐃᓄᓐᓂ ᐱᔭᕆᐊᑭᑦᑐᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᕈᑎᓄᑦ. 
  • ᐃᖅᑲᓇᐃᔭᖅᑖᕋᓱᐊᖅᑐᑦ ᐃᖅᑲᓇᐃᔭᖅᑖᕋᓱᐊᕈᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ.
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
  • ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᕈᑏᑦ ᐋᒡᒑᖅᑕᐅᑐᐃᓐᓇᕆᐊᓕᒃ.   
Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ