ᐅᖃᓚᐅᑎᓯᐅᑏᑦ

You are here

ᐃᖅᑲᓇᐃᔭᖅᑎᓂᒃ ᐱᓕᕆᖃᑎᖃᖅᐸᖕᓂᕐᒧᑦ ᖃᐅᔨᒪᔨᑕᖅ - ᓴᖅᑭᔮᖅᑎᑕᐅᒃᑲᓐᓂᖅᑐᖅ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
04-506314
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$99,743.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016.00
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᓄᕕᐱᕆ 6, 2020 - 12:00am

ᐅᓇ ᐃᖅᑲᓇᐃᔮᒃᓴᖅ ᒪᒃᐲᖓᔪᖅ ᐆᒃᑐᖅᑐᓕᒫᓄᑦ.

ᐅᖃᕐᕕᖃᖅᐸᒡᓗᓂ ᐊᐅᓚᑦᑎᔨᒧᑦ, ᐃᖅᑲᓇᐃᔭᖅᑎᓂᒃ ᐱᓕᕆᖃᑎᖃᖅᐸᖕᓂᕐᒧᑦ, ᐃᖅᑲᓇᐃᔭᖅᑎᓂᒃ ᐱᓕᕆᖃᑎᖃᖅᐸᖕᓂᕐᒧᑦ ᖃᐅᔨᒪᔨᑕᖅ ᐊᔪᙱᓐᓂᖃᑦᑎᐊᖅᑐᒥ ᐅᖃᐅᔾᔪᐃᕙᒃᑐᖅ, ᐱᓕᒻᒪᒃᓴᕐᓂᕐᒥᒃ ᑕᓯᐅᖅᓯᓂᕐᒥᒡᓗ ᐱᓕᕆᕝᕕᒋᔭᐅᔪᓄᑦ ᑲᒪᒋᔭᖃᕐᓂᐊᖅᑎᓪᓗᒋᑦ ᐃᖅᑲᓇᐃᔭᕐᕕᐅᔪᖅ/ᐃᖅᑲᓇᐃᔭᖅᑎ ᐃᓅᖃᑎᒌᒃᐸᖕᓂᖏᓐᓄᑦ, ᐊᑐᖅᑎᑦᑎᓂᕐᒧᑦ ᐃᖅᑲᓇᐃᔮᒧᓪᓗ ᐅᑎᕐᓂᕐᒧᑦ ᐃᓱᒪᒋᔭᒃᓴᓄᑦ, ᓈᒻᒪᒋᔭᐅᓯᒪᙱᑦᑐᓄᑦ ᖃᓄᐃᓕᐅᖅᑎᑦᑎᓂᕐᒧᓪᓗ ᐱᓕᕆᐊᖑᓇᔭᖅᑐᓄᑦ ᑕᒪᒃᑯᐊ ᐱᒻᒪᕆᐊᓘᑎᓪᓗᒋᑦ ᐃᓚᒋᔭᐅᓪᓗᑎᒃ ᐱᕙᓪᓕᐊᓂᕆᔭᐅᔪᒥ ᑲᔪᓯᓂᕆᔭᐅᔪᒥᓗ ᑲᔪᓯᓂᖃᑦᑎᐊᖅᑐᒃᑯᑦ ᐊᖏᖃᑎᒌᒍᑕᐅᑦᑎᐊᖅᓯᒪᔪᒃᑯᓪᓗ ᐃᖅᑲᓇᐃᔭᕐᓂᕐᒧᑦ ᐃᓂᒋᔭᐅᓇᔭᖅᑐᒧᑦ ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᔭᖏᓐᓂ, ᑲᑎᒪᔨᖏᓐᓂ ᑐᑦᑕᕐᕕᒋᔭᖏᓐᓂᓗ.  ᑕᕝᕙᓂ ᐃᓂᐅᔪᒥ ᐅᔾᔨᕐᓇᖅᓯᑎᑦᑎᕙᒃᐳᖅ ᑲᔪᓯᓂᖃᑦᑎᐊᖅᑐᒥ ᐱᓕᕆᖃᑎᒌᖕᓂᐅᔪᓂ ᐋᔩᖃᑎᒌᒃᑎᑦᑎᔩᑦ ᐊᒻᒪ ᓄᓇᕗᑦ ᒐᕙᒪᒃᑯᖏᑕ ᐱᓕᕆᕝᕕᖏᑦᑕ, ᑲᑎᒪᔩᑦ ᑎᒥᖁᑎᒋᔭᐅᔪᓪᓗ ᐊᑯᓐᓂᖏᓐᓂᒃ.  

ᐃᓚᖏᑦ ᑲᒪᒋᔭᒃᓴᑦ ᓂᕆᐅᒋᔭᐅᔪᓪᓗ ᑕᕝᕙᙵᑦ ᐃᓂᐅᔪᒥᑦ ᐃᓚᖃᖅᑐᑦ: ᐊᑐᓕᖁᔨᓂᕐᒥᒃ, ᖃᐅᔨᓴᑦᑎᐊᕐᓂᒃᑯᑦ, ᓈᒻᒪᒃᑐᓂ ᐊᐅᓚᔾᔭᐃᒍᑎᓂᒃ ᐊᒃᑐᐊᓂᕆᔭᖏᓐᓂᒃ ᐃᖅᑲᓇᐃᔭᖅᑎᖁᑎᑦ/ᐃᖅᑲᓇᐃᔭᕐᕕᒋᔭᕐᓂ ᐱᓕᕆᖃᑕᐅᓂᒃᑯᑦ; ᖃᐅᔨᓴᖅᐸᓪᓕᐊᓂᕐᒥᒃ ᐃᖅᑲᓇᐃᔭᖅᑎᖁᑎᑦ/ᐃᖅᑲᓇᐃᔭᕐᕕᒋᔭᑦ ᐱᔾᔪᑎᖏᓐᓂᒃ; ᐋᖅᑭᒃᓯᓂᕐᒥᒃ ᐅᓐᓂᕐᓗᒍᑎᒃᓴᕐᓂᒃ ᐊᑲᐅᙱᓕᐅᕈᑕᐅᔪᓂᒃ; ᐃᑲᔪᖃᑦᑕᕐᓗᓂ ᐊᐅᓚᑦᑎᔨᓂᒃ ᐅᖃᐅᔾᔪᐃᓂᕐᒧᑦ ᐱᓕᕆᐊᖑᔪᓂ; ᐃᑲᔪᖅᑐᐃᕙᒡᓗᓂ ᑐᑭᓕᐅᕆᔭᐅᔪᓂ ᑲᑐᔾᔨᖃᑎᒌᖕᓄᑦ ᐊᖏᖃᑎᒌᖕᓂᕐᒥᒃ ᐊᒻᒪ ᐃᖅᑲᓇᐃᔭᖅᑐᓕᕆᔨᒃᑯᑦ ᐊᑐᐊᒐᖏᓐᓂᒃ; ᐃᑲᔪᖅᐸᒡᓗᓂ ᐊᑐᓕᖅᑎᑦᑎᓂᕐᒥᒃ ᐱᓕᕆᐊᖑᕙᓪᓕᐊᔪᒪᔪᓂ ᖁᕝᕙᕆᐊᖅᓯᓂᕐᒧᑦ ᓈᒻᒪᒃᑐᒃᑯᑦ ᐱᓕᕆᕝᕕᖕᓂ; ᐸᕐᓇᐃᓂᕐᒥᒃ ᐊᐅᓚᑦᑎᓂᕐᒥᒡᓗ ᐊᑲᐅᙱᓕᐅᕈᑕᐅᔪᓂ ᐃᓄᐃᓪᓗ ᐱᔪᓐᓇᐅᑎᖏᓐᓄᑦ ᑭᒡᒐᖅᑐᐃᔨᓂᒃ.   

ᑖᓐᓇ ᐱᔪᒥᓇᓛᖑᓇᔭᖅᑐᖅ ᑖᔅᓱᒧᖓ ᐃᓂᐅᔪᒧᑦ ᓯᓚᑦᑐᖅᓴᕐᕕᔾᔪᐊᕐᒥ ᐃᓕᓐᓂᐊᕈᑎᑖᖅᓯᒪᓪᓗᐊᖅᑐᖅ ᐃᓕᓴᕆᔭᐅᓯᒪᔪᒥᑦ ᓯᓚᑦᑐᖅᓴᕐᕕᔾᔪᐊᕐᒥ ᐱᓕᕆᕝᕕᖕᓂ ᐱᓕᕆᖃᑎᒌᖕᓂᕐᒥᒃ, ᓇᖕᒥᓂᖃᕐᓂᕐᒧᑦ ᓯᓚᑦᑐᖅᓴᕐᕕᔾᔪᐊᕐᒥ ᐃᓕᓐᓂᐊᕈᑎᑖᕐᓂᕐᒥᒃ (ᐃᖅᑲᓇᐃᔭᖅᑐᓕᕆᔨᒃᑯᓐᓂᑦ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᓂ ᐱᓕᕆᖃᑎᒌᖕᓂᓪᓗᐊᑕᕐᓂᒃ), ᐱᓕᕆᕝᕕᖕᓂ ᐃᓱᒪᓕᕆᓂᖅ, ᐅᕝᕙᓘᓐᓃᑦ ᐱᓕᕆᕝᕕᖕᓂ ᒪᓕᒐᓕᕆᓂᕐᒥᒃ.   ᐃᓚᒃᑲᓐᓂᖃᕐᓗᓂ, ᒥᑭᓛᖑᓗᒍ ᐊᕐᕌᒎᒃ ᒪᕐᕉᒃ (2) ᐊᒃᑐᐊᓂᖃᖅᑐᓂ ᐱᓕᕆᖃᑦᑕᖅᓯᒪᓂᑰᔭᕆᐊᓕᒃ.  ᐃᑲᔪᕐᓂᖃᕋᔭᖅᑐᑦ ᐃᓚᖃᑦᖅᑐᑦ ᖃᐅᔨᒪᓂᖃᑦᑎᐊᕐᓂᕐᒥᒃ ᐊᑐᖅᑎᓂᒃ ᐱᓕᕆᕝᕕᖕᓂ, ᑲᑎᒪᔨᓂᒃ ᐱᓕᕆᕝᕕᖕᓂᓗ ᓄᓇᕗᒻᒥ ᐊᒻᒪ ᑐᑭᓯᐅᒪᓂᖃᑦᑎᐊᕐᓗᓂ ᐊᑭᓕᖅᓱᒐᒃᓴᑦ ᐊᑐᐊᒐᖏᓐᓂᒃ ᖃᓄᐃᓕᐅᕈᑎᖏᓐᓂᒡᓗ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᖃᓪᓗᓈᑐᑦ ᐊᒻᒪᓗ ᐅᐃᕖᑐᑦ. ᐅᖃᕈᓐᓇᑦᑎᐊᕐᓂᕐ ᐅᐃᕖᑐᑦ ᐱᒻᒪᕆᐅᕗᖅ. ᖃᐅᔨᒪᒃᐸᑦ ᐃᓄᐃᑦ ᐅᖃᐅᓯᖏᓐᓂᒃ, ᓄᓇᓕᖏᓐᓂᑦ, ᐃᓕᖅᑯᓯᖏᓐᓂᑦ, ᓄᓇᖓᓂᒃ ᐃᓄᐃᓪᓗ ᖃᐅᔨᒪᔭᑐᖃᖏᓐᓂᒃ ᐃᑲᔫᑎᖃᕋᔭᖅᑐᖅ.

ᐃᓕᓐᓂᐊᖅᓯᒪᓂᖓ, ᖃᐅᔨᒪᓂᖓ, ᐱᓕᕆᔪᓐᓇᕐᓂᖓ ᐊᒻᒪ ᐊᔪᖏᓐᓂᖓ ᑲᑎᓪᓗᒋᑦ ᐃᓕᓐᓂᐊᓚᕆᒃᓯᒪᔪᑐᑦ ᐊᒻᒪ ᐃᖅᑲᓇᐃᔭᓚᐅᖅᓯᒪᓂᖓ ᐃᓱᒪᒋᔭᐅᑐᐃᓐᓇᕆᐊᓕᒃ.

ᐃᖅᑲᓇᐃᔭᕈᓐᓇᑐᐃᓐᓇᕆᐊᖃᖅᑐᓂᑦ ᓯᕗᓂᒃᓴᒧᑦ ᑎᑎᕋᖅᓯᒪᔪᖃᑐᐃᓐᓇᕆᐊᓕᒃ. 

 

ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐱᓇᓱᐊᕈᒪᒍᕕᑦ, ᐃᕐᖏᓐᓇᐅᑎᒃᑯᑦ ᓇᒃᓯᐅᑎᓗᒍ ᖄᖓᒍᑦ ᑎᑎᖅᑲᖃᓪᓗᓂ ᐃᖅᑲᓇᐃᔭᖅᑖᕋᓱᐊᕈᑎᑦ  GNHR@gov.nu.ca−ᒧᑦ. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᐃᕐᖐᓐᓈᖅᑕᐅᒃᑯᑦ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᔪᒪᓪᓗᑎᒃ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᒐᔭᖅᑐᑦ.   ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖃᑕᐅᓂᐊᕐᓗᑎᒃ ᓄᓇᕗᒻᒥ ᓯᕗᓪᓕᖅᐸᐅᔾᔨᓂᕐᒧᑦ ᐃᖅᑲᓇᐃᔮᖅᑖᕋᓱᐊᖅᑐᓂᑦ ᐊᑐᐊᒐᖅ ᒪᓕᒃᖢᒍ.
  • ᐃᓚᖏᑦ ᐃᖅᑲᓇᐃᔮᒃᓴᑦ ᖃᐅᔨᓴᖅᑕᐅᒋᐊᓖᑦ ᐱᕋᔭᓚᐅᖅᓯᒪᖏᒃᑲᓗᐊᒪᖔᑦ ᑎᑎᖅᑲᖁᑎᒥᒃ.  ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᖏᑎᑕᐅᑐᐃᓐᓇᕆᐊᓕᒃ ᐆᒃᑐᕈᒪᔪᓂ ᐃᓱᒪᒋᔭᐅᒃᑲᓐᓂᕐᓗᑎᒡᓗ. 
  • ᐃᖅᑲᓇᐃᔭᖅᑖᕋᓱᐊᖅᑐᑦ ᐃᖅᑲᓇᐃᔭᖅᑖᕋᓱᐊᕈᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ.
  • ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓕᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.
  • ᐃᖅᑲᓇᐃᔮᒧᑦ ᐅᓂᒃᑳᖅᓯᒪᔪᑦ ᐱᔭᒃᓴᐅᔪᑦ ᓱᒃᑲᔪᒃᑯᑦ, ᐃᕐᖏᓇᐅᑎᒃᑯᑦ ᐃᑭᐊᖅᑭᕕᒃᑯᓪᓘᓐᓃᑦ.
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᒐᔭᖅᑐᑦ ᖃᐅᔨᓴᖅᑕᐅᑎᓪᓗᒋᑦ.
Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ