ᐅᖃᓚᐅᑎᓯᐅᑏᑦ

You are here

ᓄᓇᓕᓐᓂᑦ ᐃᓄᓕᕆᔨ (ᐃᖅᑲᓇᐃᔮᖃᑲᐃᓐᓇᕐᓂᖅ)

Groups: 
ᐃᓄᓕᕆᔨᒃᑯ
ᓄᓇᓕᒃ: 
ᐃᒃᐱᐊᕐᔪᒃᒥ, ᐊᕐᕕᐊᑦᒥ, ᖃᒪᓂᕐᑐᐊᒥ, ᐃᖃᓗᒃ`ᑐᑦᑎᐊᖅᒥ, ᑭᖕᖓᐃᑦᒥ, ᐃᒡᓗᓕ`ᒐᕐᔪᒃ-ᒥ, ᑲᖏᖅᑐᒐᐱᒥ, ᓴᓪᓕᖅᒥ, ᐅᖅᓱᖅ`ᑐᖅᒥ, ᐊᐅᓱᐃᑦᑐᖅ-ᒥ, ᓴᓂᕋᔭᒥ, ᐃᒡᓗᓕᖕᒥ, ᐃᖃᓗᖕᓂ, ᑭᒻᒥᕈᒻᒥᑦ, `ᑯ`ᒐᕈᒃᒥ, ᖁᕐᓗᖅᑐᖅᒥ, ᓇᐅᔮᓂ, ᐸᓐᓂᑦ`ᑐᖅᒥ, ᒥᑦᑎᒪᑕᓕᒃ-ᒥ, ᕿᑭᖅᑕᔪᐊᒥᑦ, ᑲᙱᖅᖠᓂᖅᒥ, ᖃᐅᓱᐃᑦᑐᒥᑦ, ᓴᓂᑭᓗᐊᖅᒥᑦ, ᑕᓗᕐᔪᐊᒥᑦ, ᑎᑭᕋᕐᔪᐊᖅ-ᒥ
ᓇᓗᓇᐃᒃᑯᑖ: 
18-CASUAL-CSSW
ᐃᒪᓐᓇᐃᑦᑑᓂᖓ ᐃᖃᓇᐃᔭᖅ: 
Casual
ᑲᑐᔨᖃᑎᒋᑦ ᖃᓄᐃᓕᖓᒡᒪᖔᑕ: 
ᑕᓐᓇ ᐃᖃᓇᐃᔮᖅ ᐃᓚᒋᔭᐅᕗᖅ ᓄᓇᕗᑦ ᐃᖃᓇᐃᔭᖅᑎᐅᖃᑎᒋᑦ ᑲᑐᔨᖃᑎᒋᖏᓂ
ᑮᓐᓇᐅᔭᒃᓵᖓ: 
$83,538−ᒥᑦ $100,562 ᐊᕐᕌᒍᒧᑦ, 37.5 ᐃᑲᕐᕋᑦ/ᐱᓇᓱᐊᕈᓯᕐᒥ
ᑐᓴᕆᐊᕐᕕᒃᓴᖅ: 
$15,016-ᒥ $30,424-ᒧ ᐊᕐᕌᒍᒧᑦ, ᑐᙵᕕᒋᓗᒍ ᓄᓇᓖᑦ
ᑖᓐᓇ ᐃᖅᑲᓇᐃᔮᖅ ᐃᒡᓗᖃᖅᑎᑕᐅᔪᖅ
Closing Date: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ

ᖁᕕᐊᓱᒍᑎᖃᕆᑦ ᓄᓇᕗᑦ ᐱᐅᔪᓪᓚᕆᐅᓂᐊᓄᑦ ᓄᓇᖓ, ᐱᓕᕆᐊᖃᕐᓇᖅ ᓄᓇᓕᓐᓂᑦ ᐃᓅᓯᕐᒥᑦ,  ᐃᓄᓐᓄᓪᓗ ᓴᓇᐅᒐᖃᒻᒪᕆᑦᓱᓂ, ᐆᒪᔪᕐᓂᑦ ᕿᒥᕐᕈᕕᑦᓴᐅᑦᓱᓂ ᐱᓕᕆᐊᖃᕐᓂᕐᒥᓪᓗ ᐃᓄᐃᑦ ᐃᓕᖅᑯᓯᖓᓂᑦ,  ᐊᒥᓱᓄᑦ ᐃᑲᔪᖅᑕᐅᔾᔪᑏᑦ ᓄᓇᖃᕐᓂᕐᒥᑦ ᐃᖅᑲᓇᐃᔮᖃᕐᓂᕐᒥᓪᓗ ᓄᓇᕗᒻᒥ 25 ᓄᓇᓕᖏᓐᓂᑦ! ᒐᕙᒪᒃᑯᑦ ᓄᓇᕗᒻᒥᑦ, ᐊᖅᑯᑕᐅᓗᓂ ᐃᓄᓕᕆᔨᒃᑯᑦ, ᐃᖅᑲᓇᐃᔭᖅᑎᑖᕈᒪᒻᒪᑕ ᐃᓄᓕᕆᔨᒥᑦ ᐊᒥᓱᓄᑦ ᐃᖅᑲᓇᐃᔮᓄᑦ ᓄᓇᕗᒻᒥᑦ! ᐱᔪᒪᓂᖃᕈᕕᑦ ᖁᕕᐊᒋᔭᖃᕈᕕᓪᓗ ᖃᓄᐃᓕᐅᕈᓘᔭᕐᓂᕐᒥᑦ, ᑖᓐᓇ ᐊᑦᓱᕈᓐᓇᖅᑐᖅ ᖁᕕᐊᓇᕈᓐᓇᖅᓱᓂᓗ ᐱᕕᖃᕐᓂᐅᔪᖅ!  ᐃᓚᒋᔭᐅᒋᑦ ᐱᓕᕆᖃᑎᒌᑦᑎᓐᓄᑦ ᐃᑲᔪᕐᓗᑎᓪᓗ ᓴᖅᑭᔮᖅᑎᑦᓯᓂᕐᒥᑦ ᐱᐅᓯᕚᓪᓕᑎᑦᓯᓂᕐᒥᓪᓗ ᑕᒪᐃᓐᓅᖓᔪᓄᑦ ᖃᓄᐃᖏᓐᓂᖏᓐᓄᑦ ᓄᓇᕗᒻᒥᐅ!

ᐱᓕᕆᐊᑦᓴᑎᑦ

ᖃᐅᔨᒃᑲᐅᑎᖃᑦᑕᕐᓗᓂ ᐊᖓᔪᖅᑳᖓᓄᑦ ᓱᕈᓯᕐᓄᑦ ᖃᑕᙳᑎᒌᓄᓪᓗ ᐱᔨᑦᑎᕋᖅᑎᒃᑯᓐᓄᑦ ᑭᒡᒐᖅᑐᐃᓂᐊᖅᑐᑎᑦ ᐃᓄᓕᕆᔨᒃᑯᓐᓂᑦ ᐱᔾᔪᑕᐅᔪᓕᒫᓄᑦ ᐊᑦᑐᐊᓂᓕᓐᓄᑦ ᐱᐅᓯᕚᓪᓕᐊᑎᑦᓯᓂᕐᒥᑦ ᑕᒪᐃᓐᓅᖓᔪᓄᑦ ᖃᓄᐃᖏᓐᓂᖏᓐᓄᑦ ᑭᒃᑯᑐᐃᓐᓇᐃᑦ ᐃᓚᒌᓪᓗ ᓄᓇᓕᑦ ᓇᓪᓕᐊᓂᑐᐃᓐᓇᖅ ᐃᓕᔭᐅᓯᒪᕕᒋᔭᖓᓐᓂᑦ. ᐱᓕᕆᔨᒻᒪᕆᐅᓂᐊᕐᓗᓂ ᓄᓇᓕᖕᓂ, ᐃᖅᑲᓇᐃᔭᖅᑎᙳᖅᑐᖅ ᑭᒡᒐᖅᑐᐃᖃᑦᑕᕐᓂᐊᕆᕗᖅ ᐃᓄᓕᕆᔨᒃᑯᓐᓂ ᐊᓯᖏᓐᓂᒃ ᐱᓕᕆᔾᔨᒪᕆᐅᔪᓂᒃ ᐱᓕᕆᖃᑎᖃᖅᐸᒡᓗᓂ ᐅᑯᓂᖓ, ᑖᒃᑯᐊᑐᐊᖑᙱᓪᓗᑎᒡᓗ, ᐸᓖᓯᒃᑯᓐᓂ, ᐃᓱᒪᓕᕆᔨᒥᒃ, ᐃᓗᐊᖅᓴᐃᔨᒥᒃ, ᐃᓕᓐᓂᐊᕐᓂᓕᕆᔨᒃᑯᓐᓂ, ᒪᓕᒐᓕᕆᔨᒃᑯᓐᓂ ᐊᒻᒪ ᐊᔾᔨᒌᙱᑦᑐᓂᒃ ᓄᓇᓕᖕᓂ ᐃᑲᔪᖅᑎᒋᔭᐅᔪᓂᒃ.  ᐃᓱᒪᒋᔭᐅᓂᐊᖅᑐᑎᑦ ᐱᒻᒪᕆᐅᓂᕐᒥᑦ ᐱᔨᑦᓯᕋᖅᑎᑦᓯᔨᐅᓂᕐᓄᑦ ᓄᓇᓕᓐᓄᑦ. ᑐᕌᒐᐅᓗᐊᖅᑐᑦ ᑲᒪᒋᒋᐊᓕᑎᑦ ᐃᓚᒋᔭᖃᖅᑐᑦ: 

  • ᐱᓕᕆᐊᑦᓴᓂᑦ ᑲᔪᓯᑎᑦᓯᓂᕐᒥᑦ
  • ᓱᕈᓰᑦ ᑲᒪᒋᔭᐅᑦᓯᐊᕐᓂᖏᓐᓄᑦ
  • ᐃᓐᓇᕐᓂᑦ ᓴᐳᔾᔨᓂᕐᒧᑦ ᐱᔨᑦᓯᕋᕐᓂᕐᒥᑦ
  • ᑭᒃᑯᑐᐃᓐᓇᐃᑦ ᐃᓚᒌᓪᓗ/ᑲᑎᙵᐅᖅᑐᑦ ᐃᓅᓯᓕᕆᓂᕐᒥᑦ
  • ᐃᓐᓇᐅᓗᐊᓕᕐᓂᕐᒧᑦ/ᑎᒥᒥᒍᑦ ᖃᓄᐃᔾᔪᑎᖃᖅᑐᓂᑦ ᐱᔨᑦᓯᕋᕐᓂᕐᒥᑦ
  • ᐊᑐᐃᓐᓇᐅᑎᑦᓯᓂᕐᒥᑦ ᑐᑦᑕᕐᕕᒋᔭᐅᓂᕐᒧᑦ ᐱᔨᑦᓯᕋᕐᓂᕐᒥᑦ ᓄᓇᓕᓐᓂᑦ ᐱᓗᐊᖅᑐᒥᑦ
  • ᑎᒍᐊᕐᓃᑦ

ᑭᒃᑰᕕᑕ

ᐱᓕᕆᕝᕕᕗᑦ ᑲᒪᒋᔭᓕᒃ ᐱᕙᓪᓕᐊᑎᑦᓯᓂᕐᒥᑦ ᐊᑐᓕᖅᑎᑦᓯᓂᕐᒥᓪᓗ ᖃᓄᖅᑑᕈᑎᓂᑦ ᐱᓕᕆᐊᓂᑦ ᐱᓕᕆᐊᖑᕙᓪᓕᐊᑎᑦᓯᓂᕐᒥᓪᓗ ᓄᓇᓕᓕᓐᓄᑦ ᓄᓇᕗᒻᒥᑦ  ᓱᕈᓯᕐᓄᑦ ᖃᑕᙳᑎᒌᓄᓪᓗ ᐱᔨᑦᑎᕋᖅᑎᓂᕐᒥᑦ, ᐃᖅᑲᓇᐃᔮᓂᑦ ᐱᕙᓪᓕᐊᑎᑦᓯᓂᕐᒥᑦ ᐃᓕᓐᓂᐊᑎᑦᓯᓂᕐᒥᓪᓗ, ᑎᒍᐊᕐᓃᑦ, ᐃᑲᔫᓯᐊᓂᕐᒥᑦ, ᐊᔪᖅᓴᕈᓐᓃᖅᐸᓪᓕᑎᑦᓯᓇᓱᐊᕐᓂᕐᒧᑦ. ᑖᑦᑯᐊ ᐱᔨᑦᓯᕋᕐᓂᐅᔪᑦ ᑐᕌᒐᖃᕐᓂᕐᒥᑦ ᐃᑲᔪᕐᓂᕐᒥᑦ ᓴᙱᓕᑎᑦᓯᓂᕐᒥᑦ ᓇᓗᓇᐃᖅᓯᓂᕐᒥᓪᓗ ᖃᓄᐃᖏᓐᓂᖏᓐᓂᑦ ᓄᓇᓕᓕᓐᓂᑦ ᓄᓇᕗᒻᒥᑦ ᓄᓇᓕᖏᓐᓂᓪᓗ.

ᓄᓇᓕᓐᓂᑦ ᐃᓄᓕᕆᔨ ᐱᒻᒪᕆᐅᔪᒥᑦ ᐱᓕᕆᐊᖃᕐᓂᐊᖅᑐᖅ ᓱᕈᓯᕐᓄᑦ ᖃᑕᙳᑎᒌᓄᓪᓗ ᐱᔨᑦᓯᕋᖅᑎᓄᑦ ᐱᓕᕆᕝᕕᖓᓂᑦ. ᑖᒃᑯᐊ ᐃᖅᑲᓇᐃᔮᑦ ᐃᓂᖃᖅᑐᑦ ᐊᑐᓂᑦ ᓄᓇᕗᒻᒥ 25 ᓄᓇᓕᖏᓐᓂᑦ.

ᓱᓇᓂᑦ ᐊᑐᐃᓐᓇᐅᑎᑦᓯᕕᑕ

  • ᐊᑐᐃᓐᓇᐅᑎᑦᓯᕕᐅᓂᐊᖅᑐᑎᑦ ᑮᓇᐅᔭᑦᓵᖃᑦᓯᐊᕐᓂᐊᖅᑐᑎᑦ ᐊᑭᓕᖅᑐᖅᑕᐅᓂᐊᖅᑐᑎᑦ $83,538-ᒥ &100,562-ᒧ ᐊᕐᕌᒍᑕᒫᑦ. ᐊᒻᒪᓗᑦᑕᐅᖅ, ᐊᑐᐃᓐᓇᐅᑎᑦᓯᕕᐅᓂᐊᖅᑐᑎᑦ ᐱᔪᒥᓇᖅᑐᒥᑦ ᐅᑭᐅᖅᑕᖅᑐᒥᐅᖑᓂᕐᒧᑦ ᐃᓚᒋᐊᕈᑎᓂᑦ ᐃᒪᓐᓇᐃᑦᑐᓂᑦ $15016-ᒥ $30,424-ᒧ ᐊᕐᕌᒍᑕᒫᑦ, ᑐᙵᕕᒋᓗᒍ ᓇᒥ ᓄᓇᓕᓐᓂᒥᐅᑕᐅᓃᑦ.
  • ᐃᖅᑲᓇᐃᔭᖅᑎᐅᓂᕐᒧᑦ ᐱᖁᑎᖃᖅᑎᑕᐅᔪᕐᓇᖅᑐᒥᑦ ᐊᑐᐃᓐᓇᖅᑕᖃᕈᓐᓇᖅᑐᖅ
  • ᐊᓯᐊᓄᑦ ᓅᓐᓂᕐᒧᑦ ᐃᑲᔪᖅᑕᐅᓂᖅ
  • ᐱᕕᖃᕐᓂᐅᔪᒥᑦ ᐃᖅᑲᓇᐃᔮᒥᑦ ᓯᕗᒧᐊᑦᑎᑦᓯᒋᐊᕈᑎᑦᓴᒥᑦ
  • ᐱᔪᒥᓇᖅᑐᒥᑦ ᐃᑲᔪᖅᑕᐅᔾᔪᑎᑖᕐᓂᖅ ᓄᖅᑲᖓᑲᐃᓐᓇᕐᓂᕐᒧᓪᓗ ᐱᔪᓐᓇᖅᑎᑕᐅᓂᖅ
  • ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᔪᖅ ᓄᓇᕗᒻᒥ ᐃᖅᑲᓇᐃᔭᖅᑎᑦ ᑲᑐᔾᔨᖃᑎᒌᓄᑦ

ᓱᓇᓂᑦ ᐊᑐᕆᐊᓕᑦᑕᖃᖅᑲ?   

  • ᐃᓕᑕᕆᔭᐅᔾᔪᑎᖃᕐᓗᓂ ᐃᓄᓕᕆᓂᕐᒧᑦ / ᐱᔭᕇᕈᐊᕐᒥᑦ ᐃᓄᓕᕆᓂᕐᒧᑦ
  • ᐊᕐᕌᒍᓕᒪᕐᒧᑦ ᓄᑕᕋᕐᓂᑦ ᓴᐳᔾᔨᓂᕐᒥᑦ ᐱᓕᕆᖃᑦᑕᖅᓯᒪᓂᑰᓗᓂ
  • ᖁᕝᕙᓯᖕᓂᓕᖕᒥᒃ 5-ᒥᒃ ᐊᖁᑦᑐᓐᓇᐅᑎᖃᕐᓗᓂ ᐱᑖᕋᓱᓪᓗᓂᓘᓐᓃᑦ ᐃᖅᑲᓇᐃᔮᖃᓕᕐᓗᓂ ᑕᖅᑭᓂᑦ ᓯᑕᒪᓂᑦ
  • ᐱᕋᔭᒃᓯᒪᓂᑰᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᔾᔪᑎᒥᒃ ᐊᑦᑕᕐᓇᖅᑐᒦᑎᑦᑎᓂᐊᙱᒃᑲᓗᐊᕐᒪᖔᕐᓗ ᖃᐅᔨᓴᖅᑕᐅᔾᔪᑎᒥᒃ

ᑭᓪᓕᖃᖅᑎᑕᐅᓂᓕᒃ ᑎᑎᖅᑲᕐᒥᑦ ᐱᔪᓐᓇᕐᓂᖃᖅᑎᑕᐅᓂᕐᒥᑦ ᐱᓕᕆᐊᖃᕐᓂᕐᒥᑦ ᓄᓇᕗᒻᒥᑦ ᐊᑐᐃᓐᓇᐅᑎᑕᐅᔪᖅ ᐃᖅᑲᓇᐃᔮᖃᑲᐃᓐᓇᕐᓂᕐᒧᑦ ᐃᖅᑲᓇᐃᔮᖅᑖᖅᑐᓂᑦ, ᐊᖏᖅᑕᐅᓚᐅᖅᑎᓪᓗᒍ ᑐᑭᒧᐊᑦᑎᑦᓯᔨᒧᑦ.

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑐᑦ ᐅᐃᕖᑎᑐᓪᓗ. ᐅᖃᕈᓐᓇᕐᓂᖅ ᐃᓄᒃᑎᑐᑦ ᐃᓄᐃᓐᓇᖅᑐᓪᓘᓐᓃᑦ ᐊᑲᐅᒻᒪᕆᒐᔭᖅᑐᖅ.

ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᖕᓂ, ᐃᓕᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᕐᓂᖓ ᐃᓱᒪᒋᔭᐅᓇᔭᕐᒥᔪᑦ.

ᐃᖅᑲᓇᐃᔮᒃᓴᒧᑦ ᐱᓇᔪᖃᑕᐅᔪᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᔪᓐᓇᖅᐸᑦ ᑎᑎᕋᖅᑕᕕᑦ ᖄᖓ ᐊᒻᒪᓗ ᐱᔪᒥᓴᐅᑎᑦ ᐅᑯᓄᖓ GNHR@gov.nu.ca. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᐃᕐᖐᓐᓈᖅᑕᐅᒃᑯᑦ.

  • ᓄᓇᕗᑦ ᒐᕙᒪᖓᑦ ᑭᒡᒐᖅᑐᖅᑎᐊᒃᑲᓐᓂᕈᒪᕗᑦ ᐃᖅᑲᓇᐃᔭᕐᕕᖕᓂᑦ ᑐᑭᓯᐅᒪᒃᑲᓐᓂᖁᓗᒋᓪᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ.  ᓄᓇᕗᒻᒥ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
  • ᓂᕈᐊᒐᒃᓴᑦ ᐱᔪᓐᓇᕐᓂᒥᓂᒃ ᑐᓴᐅᒪᑎᑦᑎᑎᐊᕆᐊᓖᑦ ᓯᕗᓪᓕᐅᔾᔭᐅᔪᓐᓇᖁᓗᒋᑦ ᓄᓇᕗᒻᒥᑦ ᓯᕗᓪᓕᐅᔾᔭᐅᓂᖏᓐᓂ ᐃᖅᑲᓇᐃᔭᕋᓱᐊᕈᑎᒧᑦ ᐊᑐᐊᒐᖏᓐᓂᒃ.
  • ᐃᖅᑲᓇᐃᔮᑦ ᐃᓚᖏᑦ ᐱᕝᕕᐅᔪᒪᓲᖑᖕᒪᑕ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᖕᒪᖔᑦ ᖃᐅᔨᓴᕈᑎᓂᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᕈᑕᐅᙱᑐᐃᓐᓇᕆᐊᖃᖅᑐᖅ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᒃᑲᓐᓂᑐᐃᓐᓇᕋᔭᖅᑐᑦ.
  • ᐃᖅᑲᓇᐃᔭᕈᓐᓇᑐᐃᓐᓇᕆᐊᓕᖕᓂᑦ ᓯᕗᓂᒃᓴᒧᑦ ᓴᓇᔪᖃᑐᐃᓐᓇᕆᐊᓕᒃ.
  • ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖓ ᐱᔭᐅᔪᓐᓇᖅᑐᖅ ᓱᒃᑲᔪᒃᑯᑦ, ᐃᕐᖐᓐᓈᖅᑕᐅᒃᑯᑦ ᐃᑭᐊᖅᑭᕕᒃᑯᓪᓘᓐᓃᑦ.
  • ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓂᐊᖅᑐᑦ ᖃᐅᔨᑎᑕᐅᓂᐊᖅᐳᑦ.

ᖃᐅᔨᒋᐊᕐᕕᒃᓴᖅ:

ᓄᓇᕗᑦ ᒐᕙᒪᖓ        ᐅᖄᓚᐅᑎ:       1-888-668-9993(ᐊᑭᖃᙱᑦᑐᒃᑯᑦ)

ᑎᑎᖅᑲᒃᑯᕕᐊ 1000, ᐅᕙᓂ 430          ᓱᑲᑦᑐᒃᑯᑦ:        (867) 975-6220

ᐃᖃᓗᐃᑦ, ᓄᓇᕗᑦ X0A 0H0                   ᐃᕐᖐᓈᖅᑕᐅᑦ:    gnhr@gov.nu.ca