ᐅᖃᓚᐅᑎᓯᐅᑏᑦ

You are here

ᐃᓐᓇᕐᓂᒃ ᐅᖃᓕᒫᕆᐅᖅᓴᑎᑦᓯᓂᖅ ᐃᓕᓐᓂᐊᖅᑎᑦᓯᓂᕐᒧᓐᓄ ᑲᒪᔨ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
09-505887
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$92,196
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$ 15,016
ᒪᑐᕝᕕᒃᓴᖓ: 
ᔫᓂ 12, 2020

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᖏᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᖏᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᓪᓗ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ ᑐᕌᖓᔪᖅ.

ᖃᐅᔨᒃᑲᐅᑎᖃᑦᑕᕐᓗᓂ ᐊᐅᓚᑦᓯᔨᖓᓄᑦ, ᐃᓐᓇᕐᓄᑦ ᐱᓕᕆᐊᓄᑦ, ᐃᓐᓇᕐᓂᒃ ᐅᖃᓕᒫᕆᐅᖅᓴᑎᑦᓯᓂᖅ  ᐃᓕᓐᓂᐊᖅᑎᑦᓯᓂᕐᒧᓐᓄ ᑲᒪᔨ ᑲᒪᒋᔭᖃᕆᐊᓕᒃ ᓴᓇᓂᕐᒥᑦ, ᐊᑐᓕᖅᑎᑦᓯᓂᕐᒥᑦ, ᖃᐅᔨᓴᕐᓂᕐᒥᑦ ᖃᐅᔨᓴᕐᓂᕐᒧᓪᓗ ᐱᓕᕆᐊᓂᑦ ᓴᓇᒪᔪᓂᑦ ᐱᐅᓯᕚᓪᓕᑎᑦᓯᓂᕐᒧᑦ ᐃᓐᓇᕐᓄᑦ ᐅᖃᓕᒫᕆᐅᖅᓴᑎᑦᓯᓂᕐᒧᑦ ᖃᓪᓗᓈᑎᑐᑦ ᐃᓄᑦᑎᑐᓪᓗ ᐅᓄᖅᓯᑎᑦᓯᓂᕐᒥᓪᓗ ᐃᓕᓐᓂᐊᕐᓂᕐᒧᑦ ᐊᔪᙱᓐᓂᕆᔭᐅᔪᓂᑦ. ᑖᓐᓇ ᐃᖅᑲᓇᐃᔭᖅᑎ, ᐱᓕᕆᐊᕆᔭᒥᑎᒍᑦ ᓇᓗᙱᑦᑎᐊᕋᓱᒃᐸᒃᐳᖅ ᑖᓐᓇ ᐱᓕᕆᕝᕕᒃ ᒪᓕᑦᑎᐊᕋᓗᐊᕐᒪᖔᑦ ᑭᐅᖃᑦᑕᒪᒑᓗ ᒪᓕᒋᐊᖃᖅᐸᑦᑐᓄᑦ ᓇᓗᓇᐃᔭᖅᓯᒪᔪᓄᑦ ᐃᓕᓐᓂᐊᕐᓂᓕᕆᓂᕐᒧᒃ ᐱᖁᔭᕐᒥ ᒪᓕᒐᕐᒥᓪᓗ. ᑲᒪᔨ ᐱᓕᕆᖃᑎᖃᕐᓂᐊᖅᑐᖅ ᐱᓕᕆᕝᕕᐅᑉ ᐃᖅᑲᓇᐃᔭᖅᑎᖏᓐᓂᑦ ᐃᓕᓐᓂᐊᕐᓂᓕᕆᓂᕐᒧᓪᓗ ᐱᖃᖃᑕᐅᔪᓂᑦ / ᐱᓕᕆᖃᑎᒌᓂᑦ ᓇᓗᓇᐃᖅᓯᓂᕐᒧᑦ ᐃᓕᓐᓂᐊᕐᓂᖅ ᐅᖃᓕᒫᕆᐅᖅᓴᓂᕐᓗ ᐱᓕᕆᐊᑦ ᐱᔨᑦᓯᕋᐅᑏᓪᓗ ᐊᑐᐃᓐᓇᐅᒪᖔᑕ ᐃᓐᓇᕐᓄᑦ ᐃᓕᓐᓂᐊᖅᑎᓄᑦ ᐊᔾᔨᒌᖏᑦᑐᓂᑦ ᑲᑐᔾᔨᖃᑎᒌᓂᑦ (ᓲᕐᓗ. ᓯᓚᑦᑐᖅᓴᕐᕖᑦ, ᑮᓇᐅᔾᔭᒐᓱᙱᑦᑐᑦ, ᐊᓯᖏᓪᓗ.) ᐊᔪᕈᓐᓃᑎᑦᓯᓂᕐᒧᑦ ᓄᓇᕗᒻᒥᐅᓂᑦ ᑲᔪᓯᑎᑦᓯᕐᓂᕐᒧᑦ ᐃᓕᓐᓂᐊᕐᓂᕐᒧᑦ ᐱᓕᕆᔨᒻᒪᕆᖑᓂᕐᒧᓪᓗ ᑐᕌᒐᖏᓐᓂᑦ.

ᐃᖅᑲᓇᐃᔭᖅᑎ ᑲᒪᒋᔭᖃᕐᓂᐊᖅᑐᖅ ᑕᑎᒋᔭᐅᓗᓂᓗ ᐅᑯᓄᖓ: ᖃᐅᔨᓴᕐᓂᕐᒧᑦ ᐊᑐᐊᒐᕐᓂᑦ ᓯᕗᓪᓕᐅᔾᔨᓂᕐᒥᓪᓗ ᒐᕙᒪᒃᑯᓐᓂᑦ ᐅᖃᐅᓯᐅᔪᓂᑦ ᒪᓕᒐᕐᓂᑦ ᒪᓕᑦᑕᐅᔭᕆᐊᓕᓐᓂᑦ, ᐊᑐᐊᒐᕐᓄᑦ ᐅᖃᓕᒫᒐᕐᓂᑦ ᐊᖏᖅᑕᐅᓯᒪᒧᓂᑦ ᓯᕗᓕᖅᑎᒧᑦ, ᖃᓄᐃᑦᑐᑐᐃᓐᓇᕐᓂᓪᓗ ᐅᓂᒃᑳᓂᑦ ᑎᑎᕋᖅᑕᐅᓯᒪᔪᓂᓪᓗ ᓇᓗᓇᐃᖅᓯᓂᕐᒧᑦ ᒪᓕᑦᓯᐊᕐᓂᖏᓐᓄᑦ ᐱᓕᕆᕝᕕᐅᔪᑦ ᐊᑐᐊᒐᕐᓂᑦ ᐱᓕᕆᐊᓂᓪᓗ; ᐱᕙᓪᓕᐊᑎᑦᓯᓂᕐᒥᑦ ᖃᓄᐃᓕᐅᕈᑕᐅᔪᒪᔪᓂᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᑦ ᑐᓴᐅᒪᖃᑦᑕᐅᑎᓂᕐᒥᑦ / ᐅᖃᐅᔾᔨᒋᐊᕐᓂᕐᒧᑦ ᐱᖁᑎᓂᑦ ᓇᓗᓇᐃᖅᓯᓂᕐᒥᑦ ᐱᓕᕆᕝᕕᒻᒥ ᐃᖅᑲᓇᐃᔭᖅᑏᑦ ᐱᓕᕆᖃᑎᒌᓪᓗ ᐅᔾᔨᕈᓱᓐᓂᖏᓐᓂᑦ ᐱᓕᕆᕝᕕᐅᑉ ᑲᒪᒋᔭᕆᐊᓕᖏᓐᓂᑦ: ᑲᒪᒋᔭᖃᕐᓂᕐᒥᑦ ᖃᐅᔨᓴᕐᓂᕐᒥᑦ ᓇᓗᓇᐃᖅᑕᐅᓯᒪᔪᓂᑦ ᐱᐅᓂᖅᐹᒃᑯᑦ ᐊᑐᕆᐊᓖᑦ ᐃᓐᓇᕐᓄᑦ ᐅᖃᓕᒫᕆᐅᖅᓴᑎᑦᓯᓂᕐᒧᑦ ᐃᓕᓐᓂᐊᑎᑦᓯᓂᕐᒧᓪᓗ ᖃᐅᔨᓴᕐᓂᕐᒥᑦ ᑕᐃᒪᐃᓐᓇᓱᒋᔭᐅᔪᓂᓪᓗ; ᐱᕙᓪᓕᐊᑎᑦᓯᓂᕐᒧᑦ ᐱᓕᕆᐊᓄᑦ ᑐᑦᓯᕋᐅᑎᓂᑦ ᐱᐅᓯᕚᓪᓕᖅᑎᑦᓯᓂᕐᒧᑦ ᐃᓐᓇᕐᓂᑦ ᐅᖃᓕᒫᕆᐅᑦᓴᑎᑦᓯᓂᕐᒧᑦ ᓄᓇᕗᒻᒥ ᐊᒻᒪ ᐊᐅᓚᑦᓯᓂᕐᒥᑦ ᖃᐅᔨᓴᕐᓂᕐᒥᓪᓗ ᐊᑑᑎᖃᑦᓯᐊᖅᑐᒥ ᐃᓐᓇᐃᑦ ᐃᓕᓐᓂᐊᕐᓂᕐᒧᑦ ᐅᖃᓕᒫᕆᐅᖅᓴᓂᕐᒧᓪᓗ ᐱᓕᕆᐊᓂᑦ, ᖃᓄᐃᓕᐅᕈᑕᐅᔪᒪᔪᓂᑦ ᐃᑲᔫᑎᓂᓪᓗ.

ᐃᖅᑲᓇᐃᔮᖅᑖᖅᑐᖅ ᐱᔭᕇᖅᓯᔾᔪᓯᐊᖅᓯᒪᒋᐊᓕᒃ ᓯᕗᓪᓕᖅᒥ ᐃᓕᑕᕆᔭᐅᓯᒪᔪᒥᑦ ᓯᓚᑦᑐᖅᓴᕐᕕᔾᔪᐊᖅᒥ ᐃᓕᓐᓂᐊᕐᓂᕐᒧᑦ ᐊᑦᑐᐊᓂᖃᖅᑐᒥᓘᓐᓃᑦ ᐃᓐᓇᕐᓂᑦ ᐃᓕᓐᓂᐊᕐᓂᕐᒧᑦ. ᐃᖅᑲᓇᐃᔮᖅᑖᕋᓱᐊᖅᑐᖅ ᐊᕐᕌᒍᓐᓄᑦ ᐱᖓᓱᓄᑦ (3) ᐱᓕᕆᓯᒪᓂᑰᒋᐊᓕᒃ ᐃᓐᓇᕐᓂᑦ ᐃᓕᓐᓂᐊᕐᓂᕐᒧᑦ ᐊᑕᐅᓯᕐᒥᓪᓗ (1) ᐱᓕᕆᓯᒪᓂᑰᓗᓂ ᐃᓐᓇᕐᓄᑦ ᐃᓕᓐᓂᐊᖅᑎᑕᐅᓂᖏᓐᓂᑦ ᐱᕙᓪᓕᐊᑎᑦᓯᓂᕐᒥᑦ, ᖃᐅᔨᓇᓱᓐᓂᖅᒥ, ᖃᐅᔨᓴᕐᓂᕐᒥᑦ ᐊᒻᒪᓗ / ᐱᓕᕆᐊᓪᓘᓐᓃᑦ ᓴᓇᒪᓂᖏᑦ. ᓯᓚᑦᑐᓴᕐᕕᔾᔪᐊᕐᒥᑦ ᐱᔭᕇᕈᓯᐊᖃᕆᐊᓕᒃ ᖁᑦᑎᓂᖅᐹᖓᓐᓂᒃ ᐱᓕᕆᓯᒪᓂᑰᓗᓂᓗ ᓄᓇᕗᒻᒥ ᓄᓇᓕᓐᓂᓪᓗ ᐱᕙᓪᓕᐊᑎᑦᓯᓂᕐᒥᑦ ᐃᓱᒪᒋᔭᐅᓂᐊᖅᑐᖅ ᐱᐅᒥᔪᖅ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ: ᐃᓄᒃᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑎᑐᑦ, ᐊᒻᒪᓗ ᐅᐃᕖᑎᑐᑦ, ᐅᖃᓪᓚᒍᓐᓇᖅᑎᐊᕐᓂᖅ ᓄᓇᕗᑦ ᐅᖃᐅᓯᖓᑕ ᐊᓯᐊᓂ ᐃᑲᔪᕐᓂᖃᐅᑎᐅᕗᖅ. ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓂᒃ, ᓄᓇᓕᖕᓂᑦ, ᐱᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᑲᔫᑕᐅᓇᔭᖅᐳᖅ.

ᐊᔾᔨᖏᓪᓗ ᐊᒻᒪᓗ ᑲᑎᓪᓗᒋᑦ ᐃᓕᓐᓂᐊᖅᓯᒪᓂᖓ, ᐱᓕᕆᔪᓐᓇᕐᓂᖓᓗ ᐃᓱᒪᒋᔭᐅᑐᐃᓐᓇᕆᐊᓕᑦ.

ᐃᖅᑲᓇᐃᔭᕈᓐᓇᖅᑐᑦ ᐊᑎᓕᐅᖅᑕᐅᑐᐃᓐᓇᕆᐊᖃᖅᐳᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᖅ ᐃᓐᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᔪᒃᓴᒥᒃ.

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ