ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᐃᒥᐅᑉ ᐊᖅᑯᑎᖓᓂ ᐊᐅᓚᑦᑎᔨ

ᓄᓇᓕᒃ: 
ᑲᙱᖅᖠᓂᖅᒥ
ᓇᓗᓇᐃᒃᑯᑕᖓ: 
14-505766
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$84,011.00 per annum, 40 hour/week
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$18,517.00

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᖅ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ ᑐᕌᖓᔪᖅ.

ᐊᖓᔪᖅᑳᖃᕐᖢᓂᑦ ᓱᓪᓗᓕᖕᓂ ᐊᐅᓚᑦᑎᔨᒥᑦ, ᑭᓈᓗᖃᕐᕕᖕᒥ ᐊᐅᓚᑦᑎᔨ ᐃᖏᕐᕋᑎᑦᑎᑦᑎᐊᕋᓱᐊᖃᑦᑕᖅᐳᖅ ᑭᓈᓘᑉ ᐃᖏᕐᕋᓂᕆᔭᖓᓂ, ᐅᖅᑰᑎᒋᓂᖓᓂ ᐊᒻᒪᓗ ᖃᓄᖅ ᐳᓪᓚᖃᖅᑎᒋᓂᖓᓂ ᑲᖏᖅᖠᓂᐅᑉ ᑭᓈᓗᖃᕐᕕᖓᓂ, ᔮᓐᓯᑕᓐ ᑰᕝ ᐊᒻᒪ ᓄᕗᖕᒥᑦ, ᐊᒻᒪᓗ ᑭᓈᓘᑉ ᐊᖅᑯᑎᖏᓐᓂᑦ. ᖃᐅᔨᓴᖅᐸᒃᖢᓂᑦ ᓇᐅᑦᑎᖅᓱᖅᐸᒃᖢᓂᓗ ᖃᒥᑦᑐᖃᖅᑎᓪᓗᒍᑦ ᐆᒻᒪᖅᑯᑎᒥᑦ ᓄᕕᖕᒨᖓᔪᓂᑦ ᐊᒻᒪᓗ ᑭᓈᓗᖃᕐᕕᖕᒥᑦ. ᑕᒪᑐᒥᖓ ᐃᖅᑲᓇᐃᔮᓕᒃ ᑲᒪᒋᔭᒃᓴᖃᓪᓗᐊᑕᖅᐳᖅ ᑭᓈᓗᖃᕐᕕᖕᒥ ᑲᑎᑉᐸᓪᓕᐊᔪᓂᑦ ᐃᖅᑲᓇᐃᔭᕐᓇᖅᑎᓪᓗᒍᑦ ᐊᒻᒪᓗ ᐃᖅᑲᓇᐃᔭᕐᓇᙱᑎᓪᓗᒍᑦ.

ᑭᓈᓗᖃᕐᕕᖕᒥ ᐊᐅᓚᑦᑎᔨ ᑲᒪᒋᔭᒃᓴᖃᓪᓗᐊᑕᖅᐳᖅ ᐊᑦᑕᕐᓇᖅᑕᐃᓕᑎᑦᑎᓂᕐᒥᑦ ᐃᖏᕐᕋᑎᑦᑎᑦᑎᐊᕐᓂᕐᒥᒡᓗ ᐊᒻᒪᓗ ᑲᔪᓯᑎᑦᑎᓂᕐᒥᑦ ᑲᖏᖅᖠᓂᐅᑉ ᕼᐋᒻᒪᓚᖓᑦᑕ ᑭᓈᓗᖃᕐᕕᖓᓂ ᑲᑎᑉᐸᓪᓕᐊᔪᓂᒃ ᐊᒻᒪᓗ ᑲᒪᒋᔭᖃᕈᑎᖏᓐᓂᑦ ᓇᓗᓇᐃᖅᐸᓪᓕᐊᓗᓂᓗ ᐊᕙᑎᓕᕆᓂᕐᒧᑦ ᒪᓕᒃᑲᓗᐊᕐᒪᖔᑦ ᑭᓈᓗᓕᕆᓂᕐᒧᑦ.  ᓇᓕᐊᑐᐃᓐᓇᖅ ᑭᓈᓗᓕᕆᔾᔪᑎ ᓱᕋᒃᑐᑦ ᕼᐋᒻᒪᓚᐅᔪᒥᑦ ᐃᕐᖐᓐᓇᖅ ᐋᖅᑭᒃᓱᖅᑕᐅᔭᕆᐊᖃᖅᐳᖅ ᐊᖅᑯᑎᖏᑦ ᖁᐊᖁᓇᒋᑦ ᐊᒻᒪᓗ ᓱᕋᒃᑐᖃᒃᑲᓐᓂᑐᐃᓐᓇᕆᐊᖃᕐᓂᖓᓂ ᖃᓂᒋᔭᖏᓐᓃᑦᑐᓂᒃ ᐃᒡᓗᕐᔪᐊᓂᑦ.  ᑲᒪᒋᔭᖃᑦᑎᐊᙱᓐᓂᖅ ᑭᓈᓗᓕᕆᔾᔪᑎᓂᒃ ᐊᒻᒪᓗ ᐋᖅᑭᒃᓱᐃᑲᐅᖅᑐᖃᑦᑕᙱᓐᓂᖅ ᐋᓐᓂᐊᖃᖅᑕᐃᓕᓂᕐᒧᑦ ᐊᑲᐃᓪᓕᐅᕈᑕᐅᔪᓐᓇᖅᑐᖅ ᐅᕝᕙᓘᓐᓃᑦ ᐱᔨᑦᑎᕋᕈᑕᐅᔪᒧᑦ ᐅᓚᕕᓴᕈᑕᐅᓗᓂᑦ ᑲᖏᖅᖠᓂᕐᒧ.

ᓇᖕᒥᓂᖅ ᐱᒋᐊᕈᓐᓇᕆᐊᓕᒃ ᓯᕗᓪᓕᐅᑎᔭᐅᔭᕆᐊᓕᖕᓂᑦ ᐋᖅᑭᒃᓯᔪᓐᓇᕐᓗᓂᑦ ᐊᒻᒪᓗ ᓯᕗᓂᐊᓂ ᖃᓄᐃᔾᔪᑕᐅᑐᐃᓐᓇᕆᐊᓕᖕᓂ ᖃᐅᔨᔪᓐᓇᕐᓗᓂᑦ ᑭᖑᕙᕆᐊᕈᑕᐅᔪᖃᖅᑎᓪᓗᒍᑦ ᐋᖅᑭᒃᓱᐃᓂᕐᒧᑦ; ᑕᑯᒃᓴᐅᓗᓂᓗ ᐋᖅᑭᒃᓱᐃᑦᑎᐊᕈᓐᓇᕐᓂᕆᔭᖓ; ᓂᐱᒃᑯᑦ ᑎᑎᖅᑲᒃᑯᓪᓗ ᑐᓴᐅᒪᖃᑎᖃᕈᓐᓇᑦᑎᐊᕐᓗᓂᑦ ᐃᓚᖃᕐᓗᓂᑦ ᓈᓴᐅᓯᕆᔪᓐᓇᑦᑎᐊᕐᓂᕐᒥᑦ ᐊᒻᒪᓗ ᖃᐅᔨᓴᖅᑐᓕᕆᔪᓐᓇᑦᑎᐊᕐᓂᕐᒥᑦ; ᖃᐅᔨᓴᕈᓐᓇᕐᓗᓂᑦ ᐋᖅᑭᒃᓱᐃᔪᓐᓇᕐᓗᓂᓗ ᐊᑲᐃᓪᓕᐅᕈᑎᓂᒃ; ᒪᓕᒋᐊᓕᖕᓂᑦ ᒪᓕᒍᓐᓇᑦᑎᐊᕐᓗᓂᑦ ᐊᒻᒪᓗ ᓄᓇᕗᑦ ᒐᕙᒪᐅᑉ ᒪᓕᒋᐊᖃᖅᑐᖁᑎᖏᓐᓂᑦ; ᐊᖁᑦᑐᓐᓇᐅᑎᖃᕐᓗᓂᑦ ᓈᓴᐅᑎᓕᖕᒥᑦ 5 ᐊᒻᒪᓗ ᐊᕐᕌᒍ ᐃᓗᐊᓂ, ᓈᓴᐅᑎᖃᓕᕈᓐᓇᕐᓗᓂᑦ 3 ᐳᓪᓚᖕᒧ ᓄᖅᑲᖅᑕᐅᑎᓕᖕᓄᑦ; ᐊᒻᒪᓗ ᓂᕈᐊᕆᔭᐅᔪᖅ ᒫᓐᓇᓕᓴᕐᒥᑦ ᖃᓂᒻᒪᒌᒃᑯᑎᖃᕆᐊᓕᒃ Hepatitis A ᐊᒻᒪ B, ᐊᒻᒪᓗ tetanus−ᖑᓂᕋᖅᑕᐅᔪᒥᑦ ᑕᖅᑮᑦ ᐱᖓᓱᑦ ᐃᓗᐊᓂ ᐃᖅᑲᓇᐃᔭᓕᓚᐅᖅᑎᓪᓗᓂᑦ.

ᐃᖅᑲᓇᐃᔮᖅᑖᕋᓱᐊᕐᓂᖕᒧᑦ ᐊᐱᖅᓱᖅᑕᐅᔪᒪᓗᓂᑦ, ᓂᕈᐊᕆᔭᐅᔪᖅ ᒫᓐᓇᓕᓴᕐᒥᑦ ᓇᓗᓇᐃᒃᑯᑕᖃᕆᐊᓕᒃ ᑭᓈᓗᓕᕆᔨᐅᓂᖅ ll−ᒥᑦ ᐅᕝᕙᓘᓐᓃᑦ ᑭᓈᓗᖕᒥ ᑲᒪᒋᔭᖃᖅᑎ ll−ᒥᑦ ᐅᕝᕙᓘᓐᓃᑦ ᓱᓪᓗᓕᕆᔨᐅᓂᕐᒥᑦ ᐃᓚᖃᕐᓗᒍᑦ ᑭᓈᓗᓕᕆᔨᐅᓂᕐᒥᑦ ᐊᒻᒪᓗ ᐱᓇᓱᐊᕐᓂᐊᕈᒪᓗᓂᑦ ᑭᓈᓗᓕᕆᔨᒻᒪᕆᐅᓂᕐᒥᑦ ᑕᖅᑭᑦ 12 ᐃᓗᐊᓂ ᐃᖅᑲᓇᐃᔮᖅᑖᓚᐅᖅᑎᓪᓗᓂᑦ.

ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᖅᑕᕆᔭᒥᒃ ᐃᑲᔫᑎᖃᑦᑎᐊᕋᔭᖅᐳᖅ.

ᖃᐅᔨᒪᒃᐸᑦ ᐃᓄᒃᑐᑦ ᐅᖃᐅᓯᕐᒥᒃ, ᓄᓇᓕᖏᓐᓂᒃ, ᐃᓕᖅᑯᓯᖏᓐᓂᒃ, ᓄᓇᖓᓐᓂᒃ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐃᑲᔫᑎᖃᑦᑎᐊᕋᔭᖅᐳᖅ.

ᐱᔪᓐᓇᖅᑐᓂᑦ ᐊᑎᕐᓂᑦ ᑲᑎᖅᓱᐃᓂᐊᖅᑐᑦ ᓯᕗᓂᒃᓴᑦᑎᓐᓂᑦ ᐃᓐᓄᒃᓯᒪᔪᖃᕈᓐᓃᖅᐸᑦ.

Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ