ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᐃᒥᕐᒧ ᓴᓗᒻᒪᖅᓴᐃᔾᔪᑏᑦ

ᓄᓇᓕᒃ: 
ᑲᙱᖅᖠᓂᖅᒥ
ᓇᓗᓇᐃᒃᑯᑕᖓ: 
14-505765
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$84,011.00 per annum, 40 hour/week
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$18,517.00

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᖅ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ ᑐᕌᖓᔪᖅ.

ᐃᓂᑖᖅᑎᑕᐅᔪᖅ ᐱᓕᕆᐊᒃᓴᓪᓗᐊᑕᖃᖃᑦᑕᕐᓂᐊᖅᐳᖅ ᐱᓕᕆᔾᔪᑎᓄᑦ ᐊᐅᓚᑦᑎᓂᕐᒧᑦ ᑲᒪᒋ.ᖃᕐᓂᕐᒧᓪᓗ ᑲᒪᒋᔭᒃᓴᖃᖅᐸᒡᓗᓂ ᑕᒪᑐᒧᖓ ᐃᓗᓕᖃᐅᑦᑎᐊᖅᑐᒧᑦ ᐃᒪᕐᒧᑦ/ᑭᓈᓗᖕᒧᑦ ᑲᒪᔾᔪᑕᐅᕙᒃᑐᒧᑦ, ᓱᓪᓗᓕᒃᑰᖅᓯᒪᔪᒧᓪᓗ ᐃᒪᕐᒥᒃ/ᑭᓈᓗᖕᒥᒃ ᓇᒧᙵᐅᑎᑦᑎᕙᓪᓕᐊᕙᖕᓂᖓᓄᑦ ᑲᖏᖅᖠᓂᕐᒥᐅᓄᑦ, ᓇᓗᙱᑦᑎᐊᕈᒪᓂᕐᒧᓪᓗ ᑕᒪᓐᓇ ᐃᒪᖅ ᖁᐊᖅᓵᕐᓇᙱᒃᑲᓗᐊᕐᒪᖔᑦ ᑕᒪᓐᓇᓗ ᐊᑐᖅᑕᐅᕙᒃᑐᖅ ᐊᐅᓚᑕᐅᒐᓗᐊᕐᒪᖔᑦ ᐆᒻᒪᖅᑯᒻᒥᒃ ᐊᑐᑦᑎᐊᕐᓂᐊᕐᓗᓂ ᐊᔪᕐᓇᙱᓐᓂᓕᒫᖓᒍᑦ.

ᐃᓂᑖᖅᑎᑕᐅᔪᖅ ᑲᒪᒋᔭᒃᓴᓪᓗᐊᑕᖅᐸᒃᐳᖅ ᐱᑎᑦᑎᕙᖕᓂᕐᒥᒃ ᖁᐊᖅᓵᕐᓇᙱᑦᑐᒥᒃ ᐃᒪᕐᒥᒃ ᐃᒥᖅᑕᐅᔪᓐᓇᖅᑐᒥᒃ ᐊᒻᒪᓗ ᐃᒪᖅ/ᑭᓈᓗᒃ ᓱᓪᓗᓕᒃᑰᖅᑎᑕᐅᕙᖕᓂᖏᖕᓄᑦ ᑲᖏᖅᖠᓂᕐᒥᐅᓄᑦ. ᐃᒪᖅ ᐱᑎᑦᑎᔾᔪᑕᐅᕙᒃᐳᖅ ᐱᑎᑦᑎᕙᖕᓂᕐᒧᑦ ᐅᑎᖅᑎᑦᑎᕙᖕᓂᕐᒧᓪᓗ ᐊᑐᖅᑕᐅᕙᒃᑐᒥᒃ, ᐅᑎᖅᑎᑉᐸᒃᖢᒍᓗ ᒥᓪᓗᐊᕐᕕᐅᕙᒃᑐᒧᑦ ᐃᒡᓗᕐᔪᐊᕐᒧᑦ ᑕᒪᓐᓇᓗ ᐃᒪᖅ ᓈᒻᒪᒃᑎᓪᓗᒍ ᐃᒪᖅ ᖁᐊᖅᑎᑦᑕᐃᓕᔪᒪᓗᒍ. Chlorine−ᒥᒃ ᐃᓚᓯᔪᖃᖅᐸᒃᐳᖅ ᐃᒪᕐᒧᑦ ᖃᐅᑕᒫᓪᓗ ᑕᒪᓐᓇ ᖃᐅᔨᓴᖅᑕᐅᔭᕆᐊᖃᖅᐸᒃᖢᓂ ᓇᓗᙱᑦᑎᐊᕈᒪᓂᕐᒧᑦ ᓇᓃᓐᓂᕆᔭᖏᑦ ᖁᐊᖅᓵᕐᓇᖅᑐᒦᙱᒃᑲᓗᐊᕐᒪᖔᑕ ᑕᒪᓐᓇᓗ ᐃᒪᖅ ᖁᐊᖅᓵᕐᓇᙱᖦᖢᓂ ᐃᒥᖅᑕᐅᔭᕆᐊᒃᓴᖓᓂᒃ. ᓇᓕᐊᑐᐃᓐᓇᖅ ᑭᓈᓗᓕᕆᔾᔪᑎ ᓱᕋᒃᑐᑦ ᕼᐋᒻᒪᓚᐅᔪᒥᑦ ᐃᕐᖐᓐᓇᖅ ᐋᖅᑭᒃᓱᖅᑕᐅᔭᕆᐊᖃᖅᐳᖅ ᐊᖅᑯᑎᖏᑦ ᖁᐊᖁᓇᒋᑦ ᐊᒻᒪᓗ ᓱᕋᒃᑐᖃᒃᑲᓐᓂᑐᐃᓐᓇᕆᐊᖃᕐᓂᖓᓂ ᖃᓂᒋᔭᖏᓐᓃᑦᑐᓂᒃ ᐃᒡᓗᕐᔪᐊᓂᑦ.  ᑲᒪᒋᔭᖃᑦᑎᐊᙱᓐᓂᖅ ᑭᓈᓗᓕᕆᔾᔪᑎᓂᒃ ᐊᒻᒪᓗ ᐋᖅᑭᒃᓱᐃᑲᐅᖅᑐᖃᑦᑕᙱᓐᓂᖅ ᐋᓐᓂᐊᖃᖅᑕᐃᓕᓂᕐᒧᑦ ᐊᑲᐃᓪᓕᐅᕈᑕᐅᔪᓐᓇᖅᑐᖅ ᐅᕝᕙᓘᓐᓃᑦ ᐱᔨᑦᑎᕋᕈᑕᐅᔪᒧᑦ ᐅᓚᕕᓴᕈᑕᐅᓗᓂᑦ ᑲᖏᖅᖠᓂᕐᒧ.

ᐃᓂᑖᖅᑎᑕᐅᔪᖅ ᖃᐅᔨᒪᔭᖃᕆᐊᖃᖅᐳᖅ ᐅᑭᐅᖅᑕᖅᑐᒥ ᐃᒡᓗᓕᐅᕐᓂᕐᒧᑦ ᐊᑐᖅᑕᐅᕙᒃᑐᓂᒃ ᑐᑭᓯᐅᒪᓂᖃᑦᑎᐊᕐᓂᖓᓗ ᐃᒪᕐᒧᑦ ᑭᓈᓗᖕᒧᓪᓗ ᐊᑐᖅᑕᐅᕙᒃᑐᓂᒃ ᓴᐅᔭᐅᓯᒪᔪᓂᒃ ᖁᐊᙳᐃᓐᓇᐅᔭᖅᑐᒥ ᐱᒻᒪᕆᐊᓘᕗᑦ; ᐱᓕᕆᕝᕕᖃᖅᐸᖕᓂᕐᒧᑦ ᖃᐅᔨᒪᓂᖃᕐᓂᖅ ᑕᒪᐃᓐᓂᒃ ᐃᒡᓗᕐᔪᐊᓂ ᐃᓇᓚᒋᔭᐅᕙᒃᑐᓂᒃ, ᐃᓚᒋᔭᐅᓗᑎᒃ ᑲᑉᐳᔾᔭᒨᖅᑐᖁᑎᖏᑦ, ᐆᒻᒪᖅᑯᒻᒨᖅᑐᓂᒃ ᓱᓪᓗᓕᖕᓂᒃ, ᓱᓪᓗᓕᖕᓂᒃ ᑭᐊᒃᓴᐅᑎᓄᓪᓗ ᐊᑐᖅᑕᐅᕙᒃᑐᓄᑦ; ᐱᓕᕆᕝᕕᖃᖅᐊᖕᓂᒃᑯᑦ ᖃᐅᔨᒪᓂᖃᕐᓂᖅ ᖃᕆᑕᐅᔭᒥ ᐱᓕᕆᔾᔪᑕᐅᕙᒃᑐᓂᒃ, ᐃᓚᒋᔭᐅᓪᓗᓂ Microsoft Office. ᐱᓕᕆᔪᓐᓇᕐᓂᖅ ᐃᓕᖅᑯᓯᖃᑎᒌᙱᑦᑐᓂ; ᐊᔪᙱᓐᓂᖃᕐᓂᖅ ᖃᐅᔨᓴᖅᓯᔪᓐᓇᕐᓂᕐᒥᒃ ᓇᐅᒃᑯᓪᓗ ᖃᐅᔨᓇᓱᒍᓐᓴᕐᓂᕐᒥᒃ ᐊᔪᓕᕐᓂᖃᕐᒪᖔᑕ ᓱᓪᓗᓕᖕᓄᑦ ᐃᓱᒪᒋᔭᒃᓴᓂᒃ, ᐊᔪᙱᓐᓂᖃᕐᓂᖅ ᐱᕙᒌᔭᕈᓐᓇᕐᓂᕐᒥᒃ, ᐃᓕᐅᖅᑲᐃᔪᓐᓇᕐᓂᕐᒥᒃ, ᓄᑖᙳᕆᐊᖅᑎᑦᑎᔪᓐᓇᕐᓂᖅ ᐋᖅᑭᒃᓱᐃᔪᓐᓇᕐᓂᕐᓗ ᐊᔾᔨᒌᙱᑦᑐᓂᒃ ᓄᑖᓂᒃ ᐱᑕᖃᖅᐸᒌᖅᑐᓂᒡᓗ ᓱᓪᓗᓕᖕᓄᑦ ᐊᑐᖅᑕᐅᕙᒃᑐᓂᒃ ᐱᖁᑎᓂᒡᓗ ᐅᖅᑰᓴᐅᒻᒥᒃ ᓇᒧᙵᖅᑎᑦᑎᕙᓪᓕᐊᓂᕐᒧᑦ ᐊᑐᖅᑕᐅᕙᒃᑐᓂᒃ.

ᖁᓛᓃᑦᑐᑦ ᖃᐅᔨᒪᓂᕆᔭᐅᔪᑦ, ᐊᔪᕈᓐᓃᖅᑕᐅᓯᒪᔪᑦ ᐊᔪᙱᓐᓂᕆᔭᐅᒐᔪᓪᓗ ᐱᔭᐅᒐᔪᒃᐸᒃᐳᑦ ᐅᑯᑎᒎᓇᖅ: ᐃᒪᕐᒥᒃ ᑲᒪᒋᔭᖃᕐᓂᕐᒧᑦ ᓇᓗᓇᐃᒃᑯᑕᖃᕐᓂᕐᒧᑦ ᓈᓃᑎᑕᐅᓂᖅ 1−ᒥᒃ, ᐊᑐᕈᓐᓇᖅᑐᒥᒃ ᓈᓴᐅᑎᓕᖕᒥᒃ 5−ᒥᒃ ᐊᖁᑦᑐᓐᓇᐅᑎᖃᕐᓗᓂ WHMIS−ᖃᕐᓗᓂ ᐸᖕᒥᐅᕐᓇᖅᑐᒧᓪᓗ ᐃᓂᒧᒃ ᐃᓯᕐᓂᐊᕐᓗᓂ ᖁᐊᖅᓵᕐᓇᙱᑦᑐᒃᑯᑦ ᐊᑐᖅᑕᐅᕙᓪᓕᐊᕙᒃᑐᑦ, ᐱᖓᓱᓂᒃ (3−ᓂᒃ) ᐊᕐᕌᒍᓂᒃ ᐱᓕᕆᖃᑦᑕᖅᓯᒪᓂᑰᓗᓂ DDC−ᒧᑦ ᐊᐅᓚᑦᑎᔨᒋᔭᐅᕙᒃᑐᓄᑦ, ᖃᐅᑕᒫᑦ ᐊᐅᓚᓂᕆᔭᐅᕙᒃᑐᓄᑦ, ᐃᓇᖏᖅᓯᓂᕐᓄᑦ ᐱᐅᙱᓐᓂᓕᖕᓂᒃ DDC−ᒧᑦ ᐊᑐᖅᑕᐅᕙᒃᑐᓄᑦ,

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ, ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᐅᐃᑎᑐᑦ.

ᓄᓇᕗᑦ ᐃᓕᓴᕆᔭᐅᓯᒪᔪᑦ ᐅᖃᐅᓯᖏᓐᓂᒃ ᐊᑕᐅᓯᐅᙱᑦᑐᒥᒃ ᐅᖃᕈᓐᓇᑦᑎᐊᖅᐸᑦ ᐊᑑᑎᖃᑦᑎᐊᕋᔭᖅᑐᖅ.

ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓂᒃ, ᓄᓇᓕᖕᓂᑦ, ᐱᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐱᕚᓪᓕᕈᑕᐅᓇᔭᖅᐳᖅ.

ᐱᔪᓐᓇᖅᑐᓂᑦ ᐊᑎᕐᓂᑦ ᑲᑎᖅᓱᐃᓂᐊᖅᑐᑦ ᓯᕗᓂᒃᓴᑦᑎᓐᓂᑦ ᐃᓐᓄᒃᓯᒪᔪᖃᕈᓐᓃᖅᐸᑦ.

Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ