ᐅᖃᓚᐅᑎᓯᐅᑏᑦ

You are here

ᐃᓕᓴᐃᔩᑦ

ᓄᓇᓕᒃ: 
Across Nunavut
ᑮᓇᐅᔾᔭᒃᓴᓇᔭᖅᑐᖅ: 
$78,438−ᒥᑦ $122,360 ᐊᕐᕌᒍᒧᑦ ᐱᒋᐊᕐᓗᓂ ᔪᓚᐃ 1, 2020
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016 to $34,455

ᓄᓇᕗᒻᒥ ᐃᓕᓐᓂᐊᖅᑏᑦ ᐱᔭᕆᐊᖃᖅᐳᑦ ᐱᓕᕆᓪᓚᕆᒍᒪᕙᒃᑐᓂᒃ, ᐆᒻᒪᕆᑦᑎᐊᖅᑐᓂᒃ ᑲᒪᑦᑎᐊᖅᑐᓂᒡᓗ ᐃᓕᓴᐃᔨᓂᒃ. ᓄᓇᕗᑦ ᓄᑖᖑᓛᖑᕗᖅ ᓱᒃᑲᓂᖅᐹᒥᒡᓗ ᐃᓄᒃᐸᓪᓕᐊᓪᓗᓂ ᑲᓇᑕᓕᒫᒥᑦ. ᓄᓇᕗᑦ ᒐᕙᒪᖓ ᕿᓂᖅᐳᖅ ᐃᓕᓴᐃᔨᓂᒃ ᐅᓪᓗᓕᒫᖃᑦᑕᕐᓂᐊᖅᑐᓂᒃ, ᐃᖅᑲᓇᐃᔭᐃᓐᓇᕐᓂᐊᖅᑐᓂᒃ ᐃᖅᑲᓇᐃᔭᓚᐅᑲᖕᓂᐊᖅᑐᓂᒡᓗ ᐃᓂᒋᔭᐅᓇᔭᖅᑐᓂᒃ ᐃᓕᓐᓂᐊᕐᕕᖕᒥᓂ ᑕᒫᓂᓕᒫᖅ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ.

ᑕᒪᕐᒥᑦᑎᐊᖅ ᐱᓇᔪᒃᑐᑦ ᐱᓯᒪᔭᕆᐊᖃᖅᐳᑦ ᐃᒪᐃᑦᑐᒥᒃ, ᐃᓕᓴᐃᒍᓐᓇᖅᓯᔾᔪᑎᒥᑦ (B,.Ed-ᒥᒃ) ᐊᔪᖅᑎᑕᐅᔪᒪᙱᒃᑯᑎᒃ ᓄᓇᕗᒻᒥ ᐃᓕᓴᐃᔨᓪᓚᕆᐅᓂᕐᒧᑦ ᐃᓕᓴᐃᔪᓐᓇᕐᓂᕐᒧᑦ ᓇᓗᓇᐃᒃᑯᑕᕐᒥᒃ, ᑐᓂᓯᓗᑎᒡᓗ ᐅᓪᓗᒥᒧᑦ ᐊᖑᒻᒪᑎᔪᒥᒃ ᐱᕋᔭᒃᓯᒪᓂᕐᒧᑦ ᑎᑎᕋᖅᓯᒪᔪᖁᑎᒋᔭᐅᔪᓂᒃ ᖃᐅᔨᒋᐊᕐᕕᐅᓂᕐᒥᒃ (CRC−ᒥᒃ), ᐊᒃᑐᖅᑕᐅᓴᕋᐃᓐᓂᕐᒧᓪᓗ ᖃᐅᔨᓴᕐᕕᐅᓂᕐᒥᒃ (VSC−ᒥᒃ) ᐃᓂᑖᖅᑎᑕᐅᔪᓐᓇᕐᓂᖓ ᐃᓂᒧᑦ ᑭᖑᓪᓕᖅᐹᒥᒃ ᐋᖅᑭᒃᓯᒪᓕᖅᑎᑕᐅᓚᐅᙱᓐᓂᖓᓂ.

ᖄᒃᑲᓐᓂᐊᒍᑦ ᐱᔪᒥᓇᖅᑐᑦ ᐊᔪᙱᓐᓂᕆᔭᐅᔪᑦ ᐅᑯᓂᖓ ᐃᓚᖃᖅᐳᑦ: ᐱᓕᕆᐊᖑᔪᒥᒃ ᖃᐅᔨᒪᔭᖃᕐᓂᖅ, ᐊᔪᕈᓐᓃᖅᓴᖅᓯᒪᓂᖅ ᐱᓕᕆᐊᖃᖃᑦᑕᖅᓯᒪᓂᕐᓗ ᐊᒃᑐᐊᓂᖕᓂᒃ ᐃᓂᒋᔭᐅᓂᐊᖅᑐᒧᑦ; ᐱᓕᕆᖃᑦᑕᖅᓯᒪᓂᑰᓗᓂ ᐊᒻᒪᓗ/ᐅᕝᕙᓘᓐᓃᑦ ᐊᔪᕈᓐᓃᖅᓴᖅᓯᒪᓗᓂ ᐅᓪᓗᒥ ᐊᑐᖅᑕᐅᕙᒃᑐᓂᒃ ᖃᐅᔨᓴᖅᓯᓂᕐᒧᑦ; ᖃᐅᔨᔭᐅᔾᔪᑎᖃᕈᓐᓇᕐᓗᓂ ᐊᔾᔨᒌᙱᑦᑐᓄᑦ ᐊᔪᕈᓐᓃᖅᓴᖅᑎᑦᑎᓂᕐᒧᑦ ᐃᓚᐅᑎᑦᑎᓂᕐᒧᓪᓗ ᐊᑐᖅᑕᐅᕙᒃᑐᓂᒃ; ᐱᓕᕆᖃᑦᑕᖅᓯᒪᓂᑰᓗᓂ ᐊᒻᒪᓗ/ᐅᕝᕙᓘᓐᓃᑦ ᐊᔪᕈᓐᓃᖅᓴᖅᓯᒪᓂᑰᓗᓂ ᐃᓕᓐᓂᐊᕐᕖᑦ ᐃᒡᓗᕈᓯᖏᓐᓂ ᐊᐅᓚᑦᑎᓂᕐᒧᑦ ᐊᑐᖅᑕᐅᕙᒃᑐᓂᒃ ᐋᖅᑭᒃᓱᐃᓂᕐᒥᒡ; ᐱᐅᔪᓂᒃ ᐃᓕᑦᑎᕙᓪᓕᐊᓂᕐᒧᑦ ᐃᓂᒋᔭᐅᖃᑦᑕᕋᔭᖅᑐᓂᒃ (ᓲᕐᓗ ᐃᒪᓐᓇ, ᐅᑎᖅᑎᑦᑎᓂᕐᒥᒃ, ᐃᓅᖃᑎᒌᓄᑦ, ᐱᐅᔪᓂᒃ ᐊᑐᕈᓐᓇᑦᑎᐊᖅᑐᓂᒃ ᐃᓕᖅᑯᓯᕆᔭᐅᔪᓂᒃ ᐃᑲᔪᖅᑐᐃᓃᑦ, ᐊᓯᖏᓪᓗ.); ᐃᓕᖅᑯᓯᖃᑎᒌᙱᑦᑐᓂ ᐊᒻᒪᓗ/ᐅᕝᕙᓘᓐᓃᑦ ᐅᑭᐅᖅᑕᖅᑐᒥ ᐃᓕᓴᐃᔨᐅᓂᕐᒧᑦ ᐱᓕᕆᖃᑦᑕᖅᓯᒪᓂᑰᓗᓂ; ᖃᐅᔨᔾᔪᑕᐅᔪᓐᓇᖅᑐᓂᒃ ᐊᔪᕈᓐᓃᖅᓴᖅᓯᒪᓂᕐᒧᑦ ᐊᒻᒪᓗ /ᐅᕝᕙᓘᓐᓃᑦ ᐱᓕᕆᐊᖃᖃᑦᑕᖅᓯᒪᓂᑰᓗᓂ ᒪᑐᒧᖓ ᓇᓕᒧᒃᓱᖅᑐᒧᑦ ᐅᖃᓕᒫᕈᓐᓇᕐᓂᕐᒧᑦ/ᑎᑎᕋᕈᓐᓇᕐᓂᕐᒧᑦ ; ᐊᔪᕈᓐᓃᖅᓴᖅᓯᒪᓗᓂ ᐊᒻᒪᓗ/ᐅᕝᕙᓘᓐᓃᑦ ᐃᓕᓴᐃᔨᐅᖃᑦᑕᖅᓯᒪᓗᓂ ESL−ᒥᒃ ᐱᓕᕆᕝᕕᖃᖅᐸᖕᓂᕐᒥᒃ ; ᖃᐅᔨᔾᔪᑕᐅᔪᓐᓇᖅᑐᓂᒃ/ᐱᓕᕆᖃᑦᑕᖅᓯᒪᓂᑰᓂᕐᒥᒃ ᐱᓕᕆᕙᓪᓕᐊᓂᕐᒥᒃ ᐱᐅᔪᓂᒃ ᐃᓅᖃᑎᖃᖅᐸᖕᓂᕐᓂᒃ ᐃᓕᓐᓂᐊᖅᑎᓂᒃ, ᐱᓕᕆᖃᑎᒋᕙᒃᑕᒥᓂᒃ, ᐊᖓᔪᖅᑳᓂᒃ ᐱᖃᖃᑕᐅᔪᓂᒡᓗ; ᐊᔪᕈᓐᓃᖅᑕᐅᓯᒪᔪᓂ ᐊᔪᕈᓐᓃᖅᓴᖅᓯᒪᓂᕐᒥᒡᓗ ᐊᑐᕐᓗᓂ ᐃᓕᓐᓂᐊᕐᓂᕐᒧᑦ−ᐊᒃᑐᐊᓂᓕᖕᓂᒃ ᑐᓴᐅᒪᑎᑦᑎᓂᕐᒧᑦ ᐱᓕᕆᔾᔪᑕᐅᕙᒃᑐᓂᒃ, ᓲᕐᓗ ᐅᓇ, ᖃᕆᓴᐅᔭᒃᑰᖓᔪᑦ ᑕᕐᕆᔭᐅᑎ ᐊᑐᖅᑕᐅᕙᒃᑐᓂᒃ ; ᐱᕙᒌᔭᕐᓂᕐᒧᑦ ᐊᔪᕈᓐᓃᖅᑕᐅᓯᒪᔪᓂᒃ (ᐊᔪᕈᓐᓃᖅᓴᖅᑕᐅᔪᒥ, ᐱᔾᔪᑕᐅᔪᖅ, ᐃᓄᖕᒧᑦ ᐊᑕᐅᓯᕐᒧᑦ, ᐊᕐᕌᒍᒋᔭᐅᔪᒧᑦ ᐃᓕᓐᓂᐊᖅᑏᓪᓗ ᐃᑲᔪᖅᑐᖅᑕᐅᕙᖕᓂᖏᓐᓄᑦ ᐱᕙᒌᔭᖅᓯᒪᔪᓄᑦ, ); ᐊᒻᒪᓗ ᐱᓕᕆᖃᑦᑕᖅᓯᒪᓂᑰᓗᓂ ᐃᓚᐅᑎᑦᑎᓂᕐᒥᒃ ᐃᓕᓐᓂᐊᖅᑎᓂᒃ ᐃᓕᓐᓂᐊᕐᕕᖕᒥ ᐃᒡᓗᕈᓯᐅᑉ ᓯᓚᑖᓂ.

ᑕᒪᕐᒥᑦᑎᐊᖅ ᐱᓇᔪᒃᑐᑦ ᐱᓇᔪᖕᓂᕆᔭᒥᓂᒃ ᐊᔪᙱᓪᓗᐊᖅᐳᑦ ᐃᖅᑲᓇᐃᔭᕈᓐᓇᕐᓂᕐᒥᒃ ᑲᓇᑕᒥ. ᐱᓇᔪᒃᑐᑦ ᓄᓇᕗᑦ ᓯᓚᑖᓃᙶᖅᑐᑦ ᐱᑎᑦᑎᔭᕆᐊᖃᖅᐳᑦ ᐊᔾᔨᖓᓂᒃ ᑭᒃᑯᑐᐃᓐᓇᓄᑦ ᐃᓕᓐᓂᐊᕐᕕᖕᒥ ᐃᓕᓴᐃᔪᓐᓇᕐᓂᕐᒧᑦ ᓇᓗᓇᐃᒃᑯᑕᕐᒥᒃ ᐱᔪᓐᓇᕐᕕᒋᔭᐅᔪᒥᑦ ᐃᓕᓴᕆᔭᐅᓯᒪᔪᒥᑦ ᐃᓕᓐᓂᐊᕐᓂᓕᕆᔨᒃᑯᓐᓂᑦ ᐅᕝᕙᓘᓐᓃᑦ ᖃᐅᔨᔾᔪᑕᐅᔪᓐᓇᖅᑐᒥᒃ ᐃᓚᐅᓯᒪᓂᕐᒥᒃ ᑭᖑᓪᓕᖅᐹᕆᔭᐅᔪᒥᑦ ᑲᓇᑕᒥᐅᓂ ᐃᓕᓴᐃᒍᓐᓇᖅᓯᔾᔪᑎᒥᑦ ᐱᓕᕆᐊᖑᕙᒃᑐᒥ ᐱᓇᔪᒍᑕᐅᔪᑦ. ᑖᔅᓱᒥᖓ ᑎᑎᕋᖅᓯᒪᔪᒥᒃ ᐃᓚᓕᐅᔾᔨᙱᑦᑐᑦ ᐃᓱᒪᒋᔭᐅᔪᓐᓇᔾᔮᙱᑦᑐᑦ

ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᐊᖃᒻᒪᕆᒍᒪᕗᑦ ᐅᔾᔨᕐᓇᖅᓯᑎᑦᑎᓂᕐᒥᒃ ᐆᒥᖓ, ᐃᓄᒃᑐᑦ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ (ᐃᓄᐃᑦ ᐃᓅᖃᑎᒌᒃᐸᖕᓂᕐᒧᑦ ᐱᓐᓇᕆᔭᖏᑦ), ᐱᐅᓯᒋᐊᖅᑎᑦᑎᓂᕐᒥᒃ ᐃᓕᓐᓂᐊᖅᑏᑦ ᐅᖃᓕᒫᕈᓐᓇᕐᓂᖏᓐᓂᒃ/ᑎᑎᕋᕈᓐᓴᕐᓂᖏᓐᓂᒃ, ᐊᒻᒪᓗ ᐃᓚᐅᑎᑦᑎᑦᑎᐊᖅᖢᓂ ᐃᓕᓐᓂᐊᖅᑎᑦᑎᕙᖕᓂᕐᒥᒃ. ᖃᐅᔨᒪᓂᖃᕐᓂᖅ ᑕᒪᒃᑯᓂᖓ ᐃᓱᒪᒋᔭᐅᓂᐊᖅᐳᖅ ᐱᓇᔪᒃᑐᓄᑦ ᐱᕚᓪᓕᕈᑕᐅᓂᖓᓂᒃ.

ᖃᐅᔨᒪᓂᐊᖅᐳᓯ: ᐃᖅᑲᓇᐃᔭᖅᑎᐅᓂᕐᒧᑦ ᐃᑲᔪᖅᑕᐅᓗᓂ ᐃᒡᓗᖃᖅᑎᑕᐅᔪᓐᓇᕐᓂᖅ ᒪᓂᒪᑎᑕᐅᕗᖅ ᑭᓯᐊᓂᓗ ᐃᒡᓗᒥᐅᑕᖃᑎᖃᖅᑐᖃᕆᐊᖃᕐᓂᐊᖅᐳᖅ.

ᐱᔭᕇᖅᓯᒪᙱᑦᑐᑦ ᐱᓇᔫᑎᒋᔭᐅᔪᑦ ᐊᖏᖅᑕᐅᔪᓐᓇᔾᔮᙱᑦᑐᑦ. ᐱᓇᔪᒃᑐᑦ ᐊᐱᖅᓱᕋᒃᓴᙳᖅᑎᑕᐅᔪᑐᐊᑦ ᖃᐅᔨᑎᑕᐅᓂᐊᖅᐳᑦ. ᓄᓇᕗᑦ ᒐᕙᒪᒃᑯᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓇᓱᒃᖢᑎᒃ ᑭᒡᒐᖅᑐᐃᓂᖅᓴᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᓂᖅᑕᓇᐅᔪᒪᓪᓗᑎᒃ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ.

____________________________________________________________________________

ᑕᒪᑐᒧᖓ ᐱᓇᔪᒍᒪᓐᓂᕈᕕᑦ, ᐊᑖᓄᑦ ᐃᖅᑲᓇᐃᔮᒃᓴᓄᑦ ᐅᐸᒃᑕᐅᔪᓐᓇᖅᑐᒧᐊᕐᓗᑎᑦ. ᑐᓴᖅᑕᖃᒃᑲᓐᓂᕈᒪᒍᕕᑦ, ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᓈᒻᒪᒃᑐᒧᑦ ᐊᕕᒃᑐᖅᓯᒪᔪᓄᑦ ᐃᓕᓴᕕᓐᓄᑦ ᐊᓪᓚᒡᕕᖏᓐᓄᑦᑎᑎᕋᕐᓗᑎᑦ.
 

ᕿᑭᖅᑕᓂ ᐃᓕᓐᓂᐊᕐᓂᓕᕆᔨᒃᑯᑦ
ᐃᖅᑲᓇᐃᔮᒃᓴᓄᑦ ᐅᐸᒃᑕᐅᔪᓐᓇᖅᑐᖅ: https://www.educationcanada.com/browse.phtml?sid=nu&eid=142&a=mep           
ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ: aparks@gov.nu.ca ; ETigullaraq@GOV.NU.CA

                                  

ᑭᕙᓪᓕᕐᒥ ᐃᓕᓐᓂᐊᕐᓂᓕᕆᔨᒃᑯᑦ
ᐃᖅᑲᓇᐃᔮᒃᓴᓄᑦ ᐅᐸᒃᑕᐅᔪᓐᓇᖅᑐᖅ: https://www.educationcanada.com/browse.phtml?sid=nu&eid=241&a=mep
ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ: dtupik@gov.nu.ca

                                                

ᕿᑎᖕᒥᐅᑦ ᐃᓕᓐᓂᐊᕐᕕᓕᕆᔨᒃᑯᖏᑦ
ᐃᖅᑲᓇᐃᔮᒃᓴᓄᑦ ᐅᐸᒃᑕᐅᔪᓐᓇᖅᑐᖅ:
ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ: KitSOStaffing@gov.nu.ca

 

ᐅᐃᕖᑦ ᐃᓕᓐᓂᐊᕐᑐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᓄᓇᕗᒻᒥ
ᐃᖅᑲᓇᐃᔮᒃᓴᓄᑦ ᐅᐸᒃᑕᐅᔪᓐᓇᖅᑐᖅ: https://www.educationcanada.com/browse.phtml?sid=nu&eid=1482&a=mep
ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ: emplois@csfn.ca

 

 

 

 

Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ