ᐅᖃᓚᐅᑎᓯᐅᑏᑦ
LogoHome

You are here

ᐃᓕᓐᓂᐊᑎᑦᑎᔨ, ᓄᓇᕗᒻᒥ ᐃᓕᓴᐃᔨᒃᓴᓄᑦ ᐃᓕᓐᓂᐊᕐᓂᕐᒧᑦ (NTEP)

Community: 
ᐅᖅᓱᖅ`ᑐᖅᒥ
Reference number: 
051-2019-NTEP-14184
Salary: 
$95,882 to $108,810
Northern Allowance: 
$26,345

ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ ᑐᕌᖓᔪᖅ.

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᖃᐅᔨᓴᖅᑕᐅᔭᕆᐊᓕᒃ ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᐅᖃᕐᕕᖃᖅᐸᒡᓗᓂ ᐊᐅᓚᑦᑎᔨᒧᑦ, ᐃᓕᓴᐃᔨᙳᕋᓱᖕᓂᕐᒧᑦ ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᐊᒃᓴᖏᓐᓄᑦ (TEP), ᑖᓐᓇ ᓂᕈᐊᖅᑕᐅᔪᖅ ᑲᒪᒋᔭᖃᕐᓂᐊᖅᑐᖅ ᐱᕙᓪᓕᐊᑎᑦᑎᓂᕐᒥᒃ, ᓴᖅᑭᑎᑦᑎᓂᕐᒥᒃ ᖃᐅᔨᓴᕐᓂᕐᒥᒡᓗ ᐃᓕᓐᓂᐊᒐᒃᓴᓂᒃ ᐱᓕᕆᐊᒃᓴᓂᒡᓗ ᐃᓕᓐᓂᐊᖅᑎᓄᑦ ᐃᓕᓴᐃᔨᓄᑦ ᐃᓚᐅᔪᓄᑦ ᓯᓚᑦᑐᖅᓴᕐᕕᖕᒥ ᓄᓇᕗᒻᒥ ᐃᓕᓴᐃᔨᒃᓴᓄᑦ ᐱᓕᕆᐊᖑᕙᓪᓕᐊᔪᒪᔪᓂᒃ ᐱᓕᕆᐊᕆᑎᑕᐅᔪᓂ ᐊᐅᓚᑦᑎᔨᒥᑦ.   ᐱᓕᕆᐊᒃᓴᑦ ᑲᔪᓯᑎᑕᐅᕙᓪᓕᐊᓂᖏᑦ ᓄᓇᕗᒻᒥ ᓯᓚᑦᑐᖅᓴᕐᕕᖕᓃᑦᑐᓐᓇᖅᑐᑦ ᐅᕝᕙᓘᓐᓃᑦ ᐊᓯᖏᓐᓂᒃ ᐃᓂᒋᔭᐅᔪᓂ ᓄᓇᕗᒻᒥ.

ᓄᓇᕗᒻᒥ ᐃᓕᓐᓂᐊᑎᑦᑎᔨᒃᓴᓄᑦ ᐃᓕᓐᓂᐊᕐᓂᖅ ᒪᓂᒪᑎᑕᐅᔪᖅ ᑲᑐᔾᔨᖃᑎᒌᒍᑕᐅᓪᓗᓂ ᓂᐅᕙᓐᓛᓐᒥ ᒥᒧᐊᕆᐅ ᓯᓚᑦᑐᖅᓴᕐᕕᔾᔪᐊᕐᒥ. ᑕᕝᕙᓂ ᐃᓂᐅᔪᒥ ᐃᓕᐅᖅᑲᐃᖃᑦᑕᕐᓂᐊᖅᑐᖅ ᓄᓇᕗᒻᒥ ᐃᓕᓴᐃᔨᒃᓴᓄᑦ ᐃᓕᓐᓂᐊᕐᓂᕐᒧᑦ ᑐᕌᒐᕆᔭᐅᔪᓂ ᐊᓂᒍᐃᓂᕐᒧᑦ ᐃᓕᖅᑯᓯᕐᒨᖓᔪᓂ ᐊᒻᒪ ᒪᕐᕉᖕᓂ ᐅᖃᐅᓯᓕᖕᓂᒃ ᐃᓕᓴᐃᔨᓂᒃ. ᐊᔪᕐᓇᖏᑦᑕᕌᖓᑦ, ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕐᓂᐅᔪᑦ ᒪᕐᕉᖕᓂ ᐅᖃᐅᓯᖃᖃᑦᑕᕐᓂᐊᖅᑐᑦ ᐃᓄᒃᑐᑦ ᐊᒻᒪ ᖃᓪᓗᓈᑐᑦ. ᑖᓐᓇ ᐃᖅᑲᓇᐃᔭᖅᑎᑖᕆᔭᐅᔪᖅ ᑕᕝᕗᖓ ᐃᓂᐅᔪᒧᑦ ᑐᓂᐅᖅᑲᐃᖃᑦᑕᕐᓂᐊᖅᑐᖅ ᐃᓗᓕᖏᑦᑕ ᖃᐅᔨᒪᔭᐅᔭᕆᐊᖃᕐᓂᖏᓐᓂᒃ ᐊᒻᒪ ᐃᓕᓴᐃᓂᕐᒧᑦ ᐊᑐᖅᑕᐅᕙᒃᑐᓂ ᓂᕈᐊᖅᑕᐅᓯᒪᔪᓂ.

ᑖᓐᓇ ᐃᖅᑲᓇᐃᔭᖅᑎᑖᕆᔭᐅᔪᖅ ᐱᕙᓪᓕᐊᓂᖃᖅᑎᑦᑎᖃᑦᑕᕐᓂᐊᖅᑐᖅ ᑲᒪᒋᔭᖃᖅᐸᒡᓗᓂᓗ ᐃᓕᓐᓂᐊᖅᑎᑦᑎᔾᔪᑕᐅᔭᕆᐊᖃᖅᑐᓂᒃ ᐃᓕᓐᓂᐊᖅᑏᑦ ᐱᔭᕆᐊᖃᖅᑕᖏᓐᓂᒃ ᐊᒻᒪ ᒪᓕᒃᑕᐅᕙᒃᑐᓂᒡᓗ ᓴᖅᑭᑕᐅᔪᑦ ᐱᓕᕆᖃᑎᖃᖅᑐᓂᒃ ᓯᓚᑦᑐᖅᓴᕐᕕᒡᔪᐊᕐᒥ ᐱᕙᒌᔭᐃᓂᒃᑯᑦ ᐃᓕᓐᓂᐊᕈᑕᐅᓂᐊᖅᑐᓂ ᓇᓗᓇᐃᔭᖅᓯᒪᔪᓂᒃ; ᑲᒪᒋᔭᖃᕐᓂᕐᒥᒃ ᐃᓕᓐᓂᐊᕈᑕᐅᓂᐊᖅᑐᓂᒃ ᐊᑐᕐᓗᓂ ᐊᔾᔨᒌᙱᕈᓘᔭᖅᑐᓂᒃ ᐃᓕᓐᓂᐊᕈᑎᒃᓴᓄᑦ ᐱᓕᕆᐊᖑᕙᓪᓕᐊᔪᒪᔪᓂᒃ; ᐃᓚᒋᓪᓗᒍ ᑲᑎᙵᓗᑎᒃ, ᑲᑎᖅᓱᖅᓯᒪᓗᑎᒃ, ᐊᒻᒪᓗ/ᐅᕝᕙᓗᓃᑦ ᖃᕆᑕᐅᔭᒃᑯᑎᒍᑦ; ᐊᑐᓕᖅᑎᑦᑎᓂᕐᒥᒃ ᐃᓕᓐᓂᐊᕈᑎᒃᓴᓄᑦ ᐋᖅᑭᒋᐊᖅᕈᑎᒃᓴᓂᒃ; ᖃᐅᔨᓇᓱᖕᓂᕐᒥᒃ, ᕿᒥᕐᕈᓂᕐᒥᒃ ᐊᒻᒪ ᐊᑐᓕᖅᑎᑦᑎᓂᕐᒥᒃ ᐱᔾᔪᑎᒃᓴᓂᒃ ᓴᖅᑭᑦᑎᓂᕐᒧᑦ ᐱᐅᓯᒋᐊᖅᑎᑦᑎᓂᕐᒧᓪᓘᓐᓃᑦ ᐱᓕᕆᐊᒃᓴᓂᒃ ᐃᓕᓐᓂᐊᒐᒃᓴᓂᒡᓘᓐᓃᑦ; ᑲᒪᒋᔭᖃᕐᓂᕐᒥᒃ ᑎᑎᖅᑲᖁᑎᒋᔭᐅᔪᓕᒫᓂ ᐃᓕᓐᓂᐊᒐᒃᓴᒧᑦ ᓇᓗᓇᐃᖅᓯᒪᔪᓄᑦ ᐱᔾᔪᑎᒃᓴᓄᓪᓗ ᐊᑐᖅᑕᐅᔪᓄᑦ ᐃᓕᓐᓂᐊᕐᓂᕐᒧᑦ/ᐱᓕᕆᐊᒃᓴᓄᑦ ᑲᒪᒋᔭᖃᕐᓂᕐᒧᑦ; ᐱᕙᓪᓕᐊᑎᑦᑎᓂᕐᒥᒃ ᐊᐅᓚᑦᑎᓂᕐᒥᒡᓗ ᐱᔾᔪᑎᒃᓴᓂᒃ ᐃᓕᓐᓂᐊᖅᑎᓂᒃ ᖃᐅᔨᓴᕐᓂᕐᒥᒃ; ᖃᐅᔨᓴᕐᓂᕐᒥᒃ ᐃᓕᓐᓂᐊᖅᑏᑦ ᐊᔪᙱᑦᑕᕆᐊᓕᖏᓐᓂᒃ; ᓄᑦᑕᖃᑦᑕᕐᓗᓂᓗ ᐊᓯᖏᓐᓄᑦ ᓄᓇᓕᖕᓄᑦ ᐃᓕᓐᓂᐊᒐᒃᓴᓂᒃ ᑲᒪᒋᔭᖃᕆᐊᖃᕌᖓᑦ. ᑖᓐᓇ ᐃᖅᑲᓇᐃᔭᖅᑎᑖᕆᔭᐅᔪᖅ ᐃᑲᔪᖃᑦᑕᕐᓂᐊᕐᒥᔪᖅ ᐱᕈᖅᐸᓪᓕᐊᖏᓐᓇᖅᑐᓂᒃ ᐋᖅᑭᒃᓱᐃᕙᓪᓕᐊᓂᕐᒥᒡᓗ ᐱᓕᕆᐊᒃᓴᓂᒃ ᐊᑐᓕᖁᔨᓂᕐᒥᒃ ᐊᐅᓚᑦᑎᔨᒧᑦ.

ᐱᔪᒥᓇᓛᖑᓇᔭᖅᑐᖅ ᐱᓯᒪᓇᔭᖅᑐᖅ ᐱᔭᕇᕈᓯᐊᕐᒥ ᓯᕗᓪᓕᕐᒥ ᐃᓕᓐᓂᐊᕐᓂᓕᕆᓂᕐᒧᑦ ᐅᕝᕙᓘᓐᓃᑦ ᐃᓕᓐᓂᐊᕇᖅᓯᒪᙱᑦᑐᓄᑦ ᐃᓕᓐᓂᐊᕌᓂᒍᓯᐊᖅᓯᒪᓗᓂ ᐱᓕᕆᐊᒃᓴᓄᑦ ᒪᓂᒪᑎᑕᐅᔪᓄᑦ, ᐃᓚᖃᕐᓗᓂ ᐃᓕᓴᐃᔨᐅᓂᕐᒧᑦ ᐱᔭᕇᖅᓯᔾᔪᓯᐊᕐᒥ ᐊᐃᑉᐹᓂ ᐅᕝᕙᓘᓐᓃᑦ ᓯᓚᑦᑐᖅᓴᕐᕕᒡᔪᐊᕐᒥ ᖁᑦᑎᖕᓂᖅᐹᒥ ᐱᔭᕇᖅᓯᒪᓂᕐᒧᑦ ᐃᓕᓐᓂᐊᕌᓂᒍᓯᐊᕐᓂᕐᒥᒃ ᓄᓇᕗᒻᒥ ᐃᓕᓴᐃᔨᒃᓴᓄᑦ ᐃᓕᓐᓂᐊᕐᓂᕐᒧᑦ ᒪᓂᒪᑎᑕᐅᔪᓄᑦ.     ᑖᓐᓇ ᓂᕈᐊᖅᑕᐅᔪᖅ ᐊᕐᕌᒍᓂ ᑕᓪᓕᒪᓂᒃ ᐃᓕᓴᐃᔨᐅᓂᑰᔭᕆᐊᓕᒃ, ᐊᕐᕌᒍᓂ ᐱᖓᓱᓂ ᐃᓕᓴᐃᔨᐅᓂᑰᓗᓂ ᖁᕝᕙᓯᖕᓂᓕᖕᓄᑦ ᒥᑭᓛᓂᒃ ᖁᕝᕙᓯᖕᓂᓕᖕᓄᑦ 12-ᒧᑦ, ᐱᓕᒻᒪᒃᓴᕐᓂᖃᕐᓗᓂ ᐊᒻᒪᓗ/ᐅᕝᕙᓗᓃᑦ ᖃᕆᑕᐅᔭᒃᑯᑦ ᐃᓕᓐᓂᐊᕐᓂᑰᓗᓂ, ᐃᓕᓴᐃᔨᐅᓂᑰᓗᓂ ᓯᓚᑦᑐᖅᓴᕐᕕᖕᒥ ᐊᒻᒪᓘᓐᓃᑦ ᐃᓕᓴᐃᔨᖖᒍᕆᐅᖅᓴᓂᕐᒥ ᐃᓕᓴᐃᔨᐅᓂᑰᓗᓂ ᐃᑲᔫᑎᖃᕋᔭᖅᑐᖅ.

ᕿᓂᖅᑐᒍᑦ ᐃᓕᓴᐃᔨᐅᓂᑰᔪᓂ ᐅᖃᐅᓯᖃᐅᖅᑐᓂ:  ᓴᓇᙳᐊᕐᓂᕐᒧᑦ ᓂᔾᔭᐅᓯᔭᕐᓂᕐᒧᓪᓗ ᐃᓕᓐᓂᐊᕐᓂᕐᒥᒃ, ᐃᓕᓐᓂᐊᕐᓂᓕᕆᓂᕐᒥᒃ ᕿᒥᕐᕈᓂᕐᒥᒃ, ᐃᓕᓐᓂᐊᕈᑎᒃᓴᑦ ᐃᓕᓐᓂᐊᖅᑎᑦᑎᔾᔪᑏᓪᓗ, ᐃᓕᓐᓂᐊᕐᓂᓕᕆᓂᕐᒧᑦ ᐊᐅᓚᑦᑎᓂᕐᒥᒃ, ᐃᓕᓐᓂᐊᕐᓂᓕᕆᓂᕐᒧᑦ ᐃᓱᒪᓕᕆᓂᕐᒥᒃ, ᐃᓕᓐᓂᐊᕐᓂᓕᕆᓂᕐᒧᑦ ᖃᐅᔨᓴᕐᓂᕐᒥᒃ, ᖃᓪᓗᓈᑑᕐᓂᕐᒥᒃ, ᐊᕙᑎᒥ ᐃᓕᓐᓂᐊᕐᓂᕐᒥᒃ, ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕐᓂᖏᓐᓂᒃ, ᓄᓇᖃᖅᑳᖅᓯᒪᔪᑦ ᐱᐅᓯᕆᕙᓚᐅᖅᑕᖏᓐᓂᒃ, ᐃᓄᐃᑦ ᓴᓇᙳᐊᖅᑕᖏᓐᓂᒃ, ᐅᖃᐅᓯᓕᕆᓂᕐᒥᒃ ᐅᖃᓕᒫᕈᓐᓇᑦᑎᐊᕐᓂᕐᒥᒡᓗ ᐃᓕᓐᓂᐊᕐᓂᕐᒥᒃ, ᐅᖃᐅᓯᓕᕆᓂᕐᒥᒃ, ᓇᐃᓴᐅᓯᕆᓂᕐᒧᑦ ᐃᓕᓐᓂᐊᕐᓂᕐᒥᒃ, ᓇᐃᓴᐅᓯᕆᓂᕐᒥᒃ, ᖃᕆᑕᐅᔭᒃᑯᑦ ᐅᖓᓯᒃᑐᓂᒡᓗ ᐃᓕᓐᓂᐊᖅᑎᑦᑎᓂᕐᒥᒃ ᐃᓕᑦᑎᕙᓪᓕᐊᓂᕐᒥᒡᓗ, ᐃᖃᐃᓕᓴᖅᑐᓕᕆᓂᕐᒥᒃ, ᐃᓱᒪᓕᕆᓂᕐᒥᒃ, ᖃᐅᔨᓴᖅᑐᓕᕆᓂᕐᒥᒃ, ᐃᓄᓕᕆᓂᕐᒥ ᒪᓕᒐᓕᕆᓂᕐᒥᒡᓗ ᐃᓕᓐᓂᐊᕐᓂᕐᒥᒃ, ᐃᓅᓯᓕᕆᓂᕐᒥᒃ, ᐃᓄᓕᕆᓂᕐᒥᒃ, ᐱᒻᒪᕆᐅᔪᓂ ᐃᓕᓐᓂᐊᖅᑎᑦᑎᓂᕐᒥᒃ, STEM ᐃᓕᓐᓂᐊᕐᓂᓕᕆᓂᕐᒥᒃ, ᐊᒻᒪ ᖃᓄᐃᓕᖓᓇᓱᒋᔭᐅᕙᒃᑐᓂ ᐊᔪᕈᓐᓃᖅᓴᕐᓂᕐᒥᒡᓗ ᒥᑭᓐᓂᖅᓴᓂ ᐃᓕᓐᓂᐊᕐᕕᖕᓂ ᐃᓕᓐᓂᐊᖅᑎᑦᑎᓂᕐᒥᒃ. 

ᓇᓗᓇᐃᖅᓯᓂᐊᖅᐳᑎᑦ ᓇᓕᐊᕐᓂᒃ ᐃᓕᓐᓂᐊᕈᑎᒃᓴᓂᒃ ᐃᓱᒪᒋᔭᐅᔪᓐᓇᕐᒪᖔᖅᐱᑦ ᑐᒃᓯᕋᐅᑎᖕᓂᒃ.

ᓂᕈᐊᒐᒃᓴᑭᒃᓴᓗᐊᕐᓃᑦ ᐊᒻᒪ ᐱᓕᕆᐊᒃᓴᖃᙱᓗᐊᕐᓃᑦ ᐃᓕᓐᓂᐊᒐᒃᓴᓂᒃ ᑲᒪᒋᔭᒃᓴᕆᕙᖏᑦ ᒫᓐᓇᐅᔪᖅ ᐱᓕᕆᐊᒃᓴᕆᔭᐅᔭᕆᐊᖃᖅᑐᓂᒃ.

ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᓐᓂᑦ, ᐱᖅᑯᑐᖃᕐᒥᑦ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ.

ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᐃᖅᑲᓇᐃᔮᖅᑖᖅᑐᓄᑦ ᐊᑐᖅᑕᐅᔪᓐᓇᖅᑐᖅ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ