ᐅᖃᓚᐅᑎᓯᐅᑏᑦ

You are here

ᐃᖢᐊᖅᓴᐃᔩᑦ ᐊᖓᔪᖅᑳᖓᑦ, ᐊᐅᓪᓚᕐᓂᐊᖅᑐᓄᑦ

ᓄᓇᓕᒃ: 
ᐃᖃᓗᒃ`ᑐᑦᑎᐊᖅᒥ
ᓇᓗᓇᐃᒃᑯᑕᖓ: 
10-04-410-118LA
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$116,454 - $132,152
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$19,716

ᑖᓐᓇ ᐃᓂᒋᔭᐅᓇᔭᖅᑐᖅ ᐅᒃᐱᕆᔭᐅᑦᑎᐊᕐᕕᐅᕙᒡᓗᓂ ᓈᒻᒪᒋᔭᐅᔪᒥᒡᓗ ᐱᕋᔭᒃᓯᒪᓂᑰᓂᕐᒧᑦ ᑎᑎᖅᑲᖁᑎᖃᖅᑐᖃᕐᒪᖔᑦ ᖃᐅᔨᓴᖅᑕᐅᕝᕕᐅᓂᕐᒧᑦ ᐱᔪᖃᕆᐊᖃᖅᐳᖅ.

ᑖᓐᓇ ᐃᖅᑲᓇᐃᔮᒃᓴᖅ ᒪᑐᐃᙶᖅᐳᖅ ᑕᒪᐃᓐᓄᑦ ᐱᓇᔪᒃᑐᓕᒫᓄᑦ.

   ᐃᓂᖃᖅᖢᓂ ᐃᖃᓗᒃᑑᑦᑎᐊᕐᒥ ᑖᓐᓇ ᐃᓂᐅᔪᖅ ᐅᖃᕐᕕᖃᖃᑦᑕᕐᓂᐊᖅᐳᖅ ᑐᑭᒧᐊᖅᑎᑦᑎᔨᒧᑦ ᕿᑎᕐᒥᐅᑦ ᐊᕕᒃᑐᖅᓯᒪᓂᕆᔭᖏᑦᑕ ᐋᓐᓂᐊᕐᕕᐊᓗᖓᓂᑦ. ᑖᓐᓇ ᐃᓂᐅᔪᖅ ᓴᖅᑭᑕᐅᓯᒪᔪᖅ ᓯᕗᓕᐅᖅᑎᐅᓂᕐᒧᑦ ᐊᐅᓚᑦᑎᔨᐅᓂᕐᒧᓪᓗ ᐋᓐᓂᐊᕐᕕᖕᒥ ᒪᓕᒡᓗᓂ ᐊᑐᓕᖅᑎᑦᑎᔪᓐᓇᖅᓯᒪᔪᓂᒃ. ᑖᓐᓇ ᐃᓂᐅᔪᖅ ᑲᔪᓯᑎᑦᑎᖃᑦᑕᖅᓂᐊᖅᐳᑦ ᒪᓕᒃᑕᐅᔪᒃᓴᓂᒃ ᓄᓇᓕᖕᓂ ᐋᓐᓂᐊᖅᑐᓕᓂᕐᒧᑦ ᐃᑲᔪᖅᑕᐅᔭᕆᐊᓖᑦ ᒪᓕᒃᖢᒋᑦ ᐊᑐᓕᖅᑎᑕᐅᓯᒪᔪᑦ ᒪᓕᒃᑕᐅᕙᒃᑐᑦ ᐃᖢᐊᖅᓴᐃᔨᐅᓂᕐᒧᑦ ᖃᓄᐃᓕᐅᖅᐸᓪᓕᐊᓂᕆᔭᐅᔪᓂᒃ ᐱᓕᕆᐊᕆᔭᐅᕙᓪᓕᐊᔪᓂᒡᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ. ᑖᓐᓇ ᐃᓂᐅᔪᖅ ᖁᕝᕙᕆᐊᖅᑎᑦᑎᕙᒃᐳᖅ ᐊᔪᕐᓇᙱᓛᒃᑯᑦ ᐃᓅᓯᖃᑦᑎᐊᕋᓱᐊᕐᓂᕐᒥᒃ ᓄᓇᓕᖕᒥᐅᑦ ᑲᒪᒋᔭᖃᐃᓐᓇᕈᓐᓇᑦᑎᐊᕐᓂᕐᒥᒡᓗ. ᑖᓐᓇ ᓂᕈᐊᖅᑕᐅᔪᖅ ᐊᐅᓚᑦᑎᖃᑦᑕᕐᓂᐊᖅᐳᖅ ᓈᒪᔪᓂᒃ ᓄᓇᓕᖕᓄᑦ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᐊᒃᓴᓂᒃ ᐊᑕᐅᑦᑎᒃᑰᖃᑎᖃᕐᓗᓂ ᐊᓯᖏᓐᓂᒃ ᐃᓚᒋᔭᐅᔪᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓄᓇᓕᖕᓂ ᐃᓚᒌᖑᔪᓂᒃ. ᐱᓕᕆᐊᖃᖃᑦᑕᕐᓂᐊᖅᐳᖅ ᐱᓇᓱᒃᑎᑦᑎᓂᒃᑯᑦ ᐃᓅᓯᖃᑦᑎᐊᕐᓂᕐᒥᒃ ᐋᓐᓂᐊᖅᑖᖅᑕᐃᓕᒪᓂᒃᑯᑦ.

   ᑖᓐᓇ ᐊᐅᓚᑦᑎᔨᒻᒪᕆᐅᑉ ᐃᓂᒋᖕᒪᒍ ᐋᓐᓂᐊᕐᕕᖕᒥ. ᑖᓐᓇ ᓂᕈᐊᖅᑕᐅᔪᖅ ᐱᓕᕆᐊᖃᖃᑦᑕᕐᓂᐊᖅᐳᖅ ᐊᐅᓚᑦᑎᓂᕐᒥᒃ ᑲᒪᒋᔭᖃᖃᐅᑎᒋᔪᓐᓇᖅᑐᒥᒃ ᐃᖢᐊᖅᓴᐃᔨᓂᒃ ᐊᔾᔨᒌᙱᑦᑐᓂᒃ ᐊᔪᙱᓐᓂᓕᖕᓂᒃ, ᐱᓕᕆᖃᑦᑕᖅᓯᒪᓂᑯᖏᓐᓂᒃ ᐊᒻᒪ ᐱᓕᒻᒪᒃᓴᐃᓂᕐᒥᒃ ᐃᑲᔪᖅᓱᐃᓂᕐᒥᒡᓗ ᐃᖅᑲᓇᐃᔭᖅᑎᓂᒃ.

    ᑖᓐᓇ ᐊᖓᔪᖅᑳᖅ ᐃᑲᔪᖃᑦᑕᕐᓂᐊᖅᐳᖅ ᓯᕗᓕᐅᖅᑎᐅᓂᒃᑯᑦ, ᖃᓄᐃᓕᐅᖁᔨᓂᒃᑯᑦ ᐊᒻᒪ ᐃᑲᔪᖅᓱᐃᓂᒃᑯᑦ ᓄᓇᓕᖕᓂ ᐃᖢᐊᖅᓴᐃᔨᓄᑦ. ᐊᓯᖏᓐᓂᒡᓗ ᑕᒪᐃᓐᓂᒃ ᐃᖅᑲᓇᐃᔭᖅᑎᓂᒃ ᐋᓐᓂᐊᕐᕕᖕᒥ. ᑖᓐᓇ ᓂᕈᐊᖅᑕᐅᔪᖅ ᐱᓕᕆᖃᑎᖃᖃᑦᑕᕐᓂᐊᖅᐳᖅ ᓄᓇᓕᖕᓂ ᐋᓐᓂᐊᖅᑐᓕᕆᓂᕐᒧᑦ ᐃᖅᑲᓇᐃᔭᖅᑎᖏᓐᓂᒃ ᐃᑲᔪᖅᓱᐃᓂᕐᒧᑦ ᐋᓐᓂᐊᖅᑐᓕᕆᓂᒻᒪᕆᖕᒥᒃ ᐊᖏᒡᓕᒋᐊᖅᑎᑦᑎᓂᒃᑯᑦ ᓄᓇᓕᖕᒥᐅᓕᒫᓄᑦ, ᐃᓄᑑᔪᓄᑦ, ᖃᑕᙳᑎᒌᓄᑦ ᐊᒻᒪ ᐃᓚᒌᓄᑦ. ᑖᓐᓇ ᓂᕈᐊᖅᑕᐅᔪᖅ ᐊᐅᓚᑦᑎᖃᑦᑕᕐᓂᐊᖅᐳᖅ ᐅᔾᔨᕐᓇᖅᑐᒥᒃ ᑮᓇᐅᔭᓂᒃ ᐊᑐᖅᑐᒃᓴᓂᒃ ᑮᓇᐅᔭᓕᕆᓂᕐᒧᑦ ᐊᕐᕌᒍᒥ ᐊᑐᖅᑕᐅᔭᕆᐊᖃᖅᑎᓪᓗᒍ ᓈᒪᔪᓄᑦ ᐋᓐᓂᐊᖅᑐᓕᕆᓂᕐᒧᑦ ᓄᓇᓕᖕᓂ. ᐊᐅᓚᑦᑎᕙᒡᓗᓂ ᓇᓗᓇᐃᖅᓯᒪᔪᓂᑦ ᑮᓇᐅᔭᖅᑐᕈᑎᒃᓴᓂᒃ ᑖᓐᓇ ᓂᕈᐊᖅᑕᐅᔪᖅ ᓂᐱᖃᐅᑎᓄᑦ ᖃᓄᖅᑑᑦᑎᐊᕈᓐᓇᕐᓗᓂ ᓴᓂᕐᕙᐃᕙᓪᓕᐊᑎᓪᓗᒋᑦ ᑮᓇᐅᔭᓂᒃ ᓈᒻᒪᓛᒃᑯᑦ ᑕᐃᒪᓐᓇ.

      ᐃᖢᐊᖅᓴᐃᔩᑦ ᐊᖓᔪᖅᑳᖓᑦ ᐊᐅᓚᑦᑎᔨᐅᓂᐊᖅᐳᖅ ᐃᓕᓐᓂᐊᕈᑎᒃᓴᓂᒃ ᐊᐅᓚᑦᑎᔾᔪᑕᐅᕙᒃᑐᓂᒡᓗ ᐋᓐᓂᐊᕐᕕᖕᒥ. ᐊᑐᓕᖅᑎᑦᑎᕙᒡᓗᓂ ᒪᓕᒋᐊᓕᖕᓂᒃ ᓄᓇᓕᖕᓂ ᐋᓐᓂᐊᖅᑐᓕᕆᓂᕐᒧᑦ. ᐱᕕᖃᖅᑎᑦᑎᕙᒡᓗᓂ ᐃᖢᐊᖅᓴᐃᔨᓂᒃ ᐊᑐᐃᓐᓇᐅᑎᓪᓗᒋᑦ ᓄᓇᓕᖕᓄᑦ ᐃᑲᔪᖅᑕᐅᔭᕆᐊᓕᖕᓄᑦ ᒪᓕᒡᓗᒋᑦ ᐱᓕᕆᕝᕕᖕᒥᐅᑦ ᐊᑐᐊᒐᖏᑦ ᐊᑐᖅᑕᐅᔾᔪᓯᖏᓪᓗ. ᑲᒪᔨᐅᕙᒡᓗᓂ  ᑕᒪᐃᓐᓄᑦ ᐊᒻᒪ ᑐᓵᖃᑦᑕᕐᓂᒃᑯᑦ ᐱᓕᕆᓂᒃᑯᑦ ᖃᐅᔨᒪᓂᖃᕐᓗᓂ ᒫᓐᓇᐅᔪᖅ ᐃᖢᐊᖅᓴᐃᓂᕐᒧᑦ ᐊᔪᕈᓐᓃᕈᑕᐅᕙᒃᑐᓂᒃ, ᐊᔪᕈᓐᓃᖅᓴᖅᓯᒪᓃᑦ ᐊᒻᒪ ᖃᐅᔨᒪᓂᖃᕐᓗᓂ. ᑲᒪᔨᐅᕙᒡᓗᓂ ᐃᑲᔪᖅᑎᐅᕙᒡᓗᓂᓗ ᐃᖅᑲᓇᐃᔭᖅᑎᓄᑦ ᐱᓕᕆᐊᒃᓴᑦ ᐱᓕᕆᔭᐅᒐᓗᐊᕐᒪᖔᑦ ᓂᕆᐅᒋᔭᐅᓂᖏᑦ ᒪᓕᒃᖢᒋᑦ ᐱᒋᐊᖅᑎᑦᑎᔪᓐᓇᕐᓗᓂᓗ ᐃᖢᐊᖅᓴᐃᔨᓄᑦ ᐱᕚᓪᓕᕈᑎᒃᓴᓂᒃ. ᐃᓚᐅᖃᑕᐅᕙᒡᓗᓂ ᐱᓕᕆᕝᕕᖕᒥᐅᑦ ᐊᐅᓚᑦᑎᔨᖓᑐᑦ ᓇᓗᓇᐃᕐᕕᒋᕙᒡᓗᒍ ᑲᒪᔨᐅᔪᖅ, ᑮᓇᐅᔭᖅᑐᕈᑎᒃᓴᓄᑦ ᐱᔾᔪᑕᐅᔪᓄᑦ ᐸᕐᓇᖕᓂᕐᒧᑦ ᐅᓂᒃᑳᓕᐊᕆᓯᒪᔪᓂᒃ, ᑐᖅᑯᖅᓯᓂᕐᒥᒃ ᑕᒪᖅᑕᖅᓯᒪᔪᖅᓯᐅᖅᑕᐅᓯᒪᔪᓂᒃ ᐊᓯᖏᓪᓗ. ᐱᔭᐅᔭᕆᐊᖃᖅᑐᓂᒃ ᐃᓗᐃᑦᑐᒃᑯᑦ ᐃᓛᒃᑯᓪᓘᓐᓃᑦ ᓇᐅᑦᑎᖅᓱᖅᓯᓂᒃᑯᑦ ᐅᓂᒃᑳᓕᐅᖅᐸᓪᓕᐊᓂᒃᑯᓪᓗ ᐱᔾᔪᑕᐅᔪᓂᒃ ᑐᕌᖓᔪᓄᑦ ᐃᑲᔪᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐃᓕᓐᓂᐊᕈᑎᒃᓴᓂᒃ.

       ᖃᐅᔨᒪᓂᖃᕐᓗᓂ ᒫᓐᓇᐅᔪᒃᑯᑦ ᖃᓄᐃᓕᕙᓪᓕᐊᓂᕆᔭᐅᔪᓂᒃ ᐋᓐᓂᐊᖅᑐᓕᕆᓂᕐᒧᑦ ᐅᔾᔨᕐᓇᖅᓯᑎᑦᑎᓂᕐᒥᒃ/ᐋᓐᓂᐊᖅᑖᖅᑕᐃᓕᒪᓂᕐᒧᑦ ᐊᔪᕈᓐᓃᕈᑕᐅᕙᒃᑐᓂᒃ ᐃᓕᓐᓂᐊᒐᒃᓴᓂᒡᓗ.

ᖃᐅᔨᒪᓂᖃᕐᓗᓂ ᐅᑭᐅᖅᑕᖅᑐᒥ ᓄᓇᓕᖏᓐᓂᒃ ᐃᑲᔪᕐᓂᖃᑦᑎᐊᕋᔭᖅᐳᖅ, ᐱᓕᕆᖃᑦᑕᖅᓯᒪᓂᑰᓗᓂ ᓄᓇᓕᖕᓂ ᐊᔪᙱᓐᓂᖅᑖᖅᑎᑦᑎᕙᓪᓕᐊᓂᕐᒥᒃ ᐊᒻᒪ ᐊᔾᔨᒌᙱᑦᑐᓂᒃ ᖃᕋᓴᐅᔭᒧᐊᖅᑎᕆᐊᖃᖅᑐᓂᒃ ᑲᑎᖅᓱᖅᓯᒪᔪᓂᒃ. ᑲᒪᔨᐅᓂᕐᒧᑦ ᐊᐅᓚᑦᑎᔨᐅᓂᕐᒧᓪᓗ ᐊᔪᕈᓐᓃᕈᑕᐅᕙᒃᑐᑦ ᒪᓕᒋᐊᓖᑦ ᐱᐅᔪᓂᒃ ᖃᓄᐃᙱᑦᑎᐊᕐᓂᕐᒧᑦ ᑲᒪᒋᔭᖃᕈᓐᓇᕐᓂᕐᒥᒃ ᐊᒻᒪ ᑲᔪᓯᔪᓇᑦᑎᐊᖅᑐᓂᑦ ᐊᑐᕈᓐᓇᑦᑎᐊᖅᑐᓂᓪᓗ ᓄᓇᓕᖕᓂ ᐋᓐᓂᐊᕐᕕᖕᒥ ᐊᐅᓚᑕᐅᓂᖏᓐᓂᒃ. ᐋᖅᑭᒃᓱᐃᑦᑎᐊᕈᓐᓇᕐᓂᖅ ᐊᒻᒪ ᐱᕕᒃᓴᒥᑦ ᐊᑐᑦᑎᐊᕈᓐᓇᕐᓂᕐᒧᑦ ᐊᔪᕈᓐᓃᕈᑕᐅᕙᒃᑐᑦ, ᐃᓅᓯᓕᕆᓂᕐᒧᑦ ᐊᔪᕈᓐᓃᕈᑕᐅᕙᒃᑐᑦ, ᑎᑎᖅᑲᒃᑯᑦ ᐅᖃᐅᓯᒃᑯᓪᓗ ᑐᓴᐅᒪᖃᑎᒌᒍᓐᓇᕐᓂᕐᒧᑦ ᐊᔪᕈᓐᓃᕈᑕᐅᕙᒃᑐᑦ, ᐃᓅᖃᑎᒌᑦᑎᐊᕈᓐᓇᕐᓂᕐᒥᒃ ᐊᒻᒪ ᐊᑲᐅᙱᓕᐅᕈᑕᐅᕙᒃᑐᓂᒃ ᐱᖁᔨᕗᖔᕈᑎᓂᒃ  ᐊᔪᕈᓐᓃᕈᑕᐅᕙᒃᑐᑦ, ᐊᒃᓱᕈᕐᓇᖅᑐᓄᑦ ᐅᖃᐅᔾᔨᒋᐊᕐᓂᕐᒥᒃ ᐊᔪᕈᓐᓃᕈᑕᐅᕙᒃᑐᑦ ᖃᐅᔨᓴᕐᓂᕐᒥᒃ ᐱᓕᕆᐊᓄᓪᓗ ᐸᕐᓇᐃᓂᕐᒥᒃ ᐊᔪᕈᓐᓃᕈᑕᐅᕙᒃᑐᑦ.

      ᖁᓛᓂᑦ ᓇᓗᓇᐃᖅᓯᒪᔪᖅ ᐊᔪᕈᓐᓃᕈᑕᐅᕙᒃᑐᑦ ᐱᔭᐅᒐᔪᒃᐳᑦ ᐃᓱᓕᑦᑎᓂᒃᑯᑦ ᖁᕝᕙᓯᖕᓂᖅᓴᒥ ᐃᓕᓐᓂᐊᕐᓂᒃᑯᑦ ᐃᖢᐊᖅᓴᐃᔨᐅᓂᕐᒧᑦ ᐅᕝᕙᓘᓐᓃᑦ ᐊᔾᔨᑲᓴᖓᓂᑦ ᐅᕝᕙᓘᓐᓃᑦ ᐃᖢᐊᖅᓴᐃᔨᐅᓂᕐᒧᑦ ᐃᓱᓕᑦᑎᓂᕐᒧᑦ ᐃᓕᓴᕆᔭᐅᔾᔪᑎᑖᖅᓯᒪᓗᓂ ᐃᓚᖃᕐᓗᓂ ᐋᓐᓂᐊᖅᑐᓕᕆᓂᕐᒧᑦ ᐃᓱᓕᑦᑎᓂᕐᒧᑦ ᐃᓕᓴᕆᔭᐅᔾᔪᑎᑖᖅᓯᒪᓗᓂ ᐅᕝᕙᓘᓐᓃᑦ ᐃᓕᓴᕆᔭᐅᓯᒪᔪᒃᑯᑦ ᐊᔾᔨᑲᓴᖓᓂᑦ ᐃᓚᖃᕐᓗᓂ ᐊᕐᕌᒍᓂᒃ ᒪᕐᕈᓪᓗᐊᑕᐸᓗᖕᓂᒃ ᐃᖢᐊᖅᓴᐃᔨᐅᓂᕐᒥᒃ ᐱᓕᕆᖃᑦᑕᖅᓯᒪᓂᑰᓗᓂ, ᐃᓚᖃᕐᓗᒍ ᐊᕐᕌᒍᓕᒫᓪᓗᐊᑕᐸᓗᖕᒥᒃ ᖃᓂᑦᑐᒃᑯᑦ ᓄᓇᓕᖕᓂ/ᑭᒃᑯᑐᐃᓐᓇᓄᑦ ᐋᓐᓂᐊᖃᕐᓇᒋᑦᑐᓕᕆᓂᕐᒧᑦ ᐋᓐᓂᐊᓯᐅᕐᓂᕐᒧᑦ.  ᐊᔪᕈᓐᓃᖅᑕᐅᕙᒃᑐᑦ ᐊᓂᖅᓵᖅᑎᑦᑎᓇᓱᖕᓂᕐᒧᑦ  ᓄᑖᙳᕆᐊᖅᑎᑦᑎᓂᕐᒥᒡᓗ ᓇᓗᓇᐃᒃᑯᑕᖓᓂᒃ ᐊᔪᙱᑕᐅᔭᕆᐊᓕᒃ ᑲᔪᓯᓂᖃᕐᓂᐊᕐᓗᓂ ᐊᔪᕈᓐᓃᖅᓴᖅᓯᒪᓂᖓᑦᑕ ᖁᕝᕙᓯᖕᓂᖓᓂᒃ. ᐃᓚᓕᐅᔾᔭᐅᓯᒪᓂᖅ ᐅᕝᕙᓘᓐᓃᑦ ᐊᔪᙱᑎᑕᐅᔪᓐᓇᕐᓂᖅ RNANT/NU−ᒃᑯᓐᓄᑦ ᐃᓚᓕᐅᔾᔭᐅᓂᕐᒧᑦ.

ᐅᖃᐅᓯᕆᔭᐅᓪᓗᐊᑕᖅᐸᒃᑐᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ, ᖃᓪᓗᓈᑐᑦ ᐊᒻᒪ ᐅᐃᕖᑎᑐᑦ.

ᖃᐅᔨᒪᓂᖃᕐᓂᖅ ᐃᓄᐃᑦ ᐅᖃᐅᓯᖏᓐᓂᒃ, ᓄᓇᓕᖕᓂᒃ, ᐃᓕᖅᑯᓯᕆᔭᐅᔪᓂᒃ, ᓄᓇᒥᒃ ᐃᓄᐃᓪᓗ ᖃᐅᔨᒪᔭᑐᖃᖏᓐᓂᒃ ᐱᕚᓪᓕᕈᑕᐅᓯᒪᓂᐊᖅᐳᑦ ᐱᓇᔪᒃᑐᓄᑦ.

ᐱᓇᓱᐊᕈᒪᒍᕕᑦ ᑕᒪᑐᒥᖓ ᐃᖅᑲᓇᐃᔮᒃᓴᒥᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᒍᒃ ᑎᑎᖅᑲᓕᐊᑦ ᐃᖅᑲᓇᐃᔮᖅᓯᐅᕈᑏᓪᓗ ᐅᕗᖓ Nunavutnurses@gov.nu.ca. ᐃᓚᓕᐅᑎᓯᒪᓗᒍᑦ ᓇᓗᓇᐃᒃᑯᑖᑕ ᓈᓴᐅᑎᖓᑦ ᐱᔾᔪᑎᒋᔭᖓᓄᑦ ᐃᕐᖐᓐᓈᖅᑕᐅᒃᑰᕈᑎᕕᑦ.                                                       

  • ᓄᓇᕗᑦ ᒐᕙᒪᒃᑯᑦ ᑭᒡᒐᖅᑐᐃᑦᑎᐊᕐᓂᖅᓴᓂᒃ ᐃᖅᑲᓇᐃᔭᖅᑎᓂᒃ ᓴᖅᑭᑎᑦᑎᔪᒪᓯᒪᕗᑦ ᓄᓇᕗᒻᒥᐅᑦ ᑐᑭᓯᐅᒪᔭᐅᑦᑎᐊᕐᓂᖅᓴᐅᖁᓪᓗᒋᑦ ᐱᔨᑦᑎᕋᖅᑕᐅᑦᑎᐊᕐᓂᖅᓴᐅᓗᑎᒡᓗ . ᓄᓇᕗᒻᒥ ᓄᓇᑖᖃᑕᐅᓯᒪᔪᑦ ᓯᕗᓪᓕᐅᑎᑕᐅᓂᐊᖅᑐᑦ.
  • ᐃᖅᑲᓇᐃᔮᖅᑖᕋᓱᒃᑐᑦ ᓇᓗᓇᐃᑦᓯᑦᑎᐊᕆᐊᖃᖅᐳᑦ ᐊᔪᙱᑎᑕᐅᔪᓐᓇᕐᓂᕐᒥᓂᒃ ᓯᕗᓪᓕᐅᑎᑕᐅᓗᓂ ᐃᓱᒪᒃᓴᖅᓯᐅᕈᑕᐅᖁᓪᓗᒍ ᓄᓇᕗᒻᒥ ᓯᕗᓪᓕᐅᑎᑕᐅᔪᑦ ᐃᖅᑲᓇᐃᔮᖅᑖᕐᓂᕐᒧᑦ ᐊᑐᐊᒐᖅ ᒪᓕᒃᖢᒍ.
  • ᐃᓚᖏᑦ ᐃᖅᑲᓇᐃᔮᖅᑖᕋᓱᒃᑐᑦ ᖃᐅᔨᓴᖅᑕᐅᔭᕆᐊᖃᓲᖑᕗᑦ ᐱᕋᔭᒃᓯᒪᓐᓂᕐᒪᖔᑦ. ᐱᕋᔭᒃᓯᒪᓂᑯᐃᑦ ᐊᔪᓕᖅᑎᑕᐅᔾᔮᙱᓚᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓗᑎᒡᓗ.
  • ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓕᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.
  • ᐃᖅᑲᓇᐃᔮᒃᓴᒥᒃ ᓇᓗᓇᐃᖅᓯᒪᔪᒥᒃ ᓱᒃᑲᔪᒃᑯᑦ ᐃᕐᙲᓐᓈᖅᑕᐅᒃᑯᓪᓘᓐᓃᑦ ᐱᔭᐅᔪᖃᕈᓐᓇᖅᑐᖅ.
  • ᐃᖅᑲᓇᐃᔮᖅᑖᕋᓱᒃᑐᑦ ᐊᐱᖅᓱᖅᑕᐅᓂᐊᖅᑐᑐᐊᑦ ᑐᓴᖅᑎᑕᐅᓂᐊᖅᐳᑦ
Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ