ᐅᖃᓚᐅᑎᓯᐅᑏᑦ

You are here

ᒐᕙᒪᒃᑯᓐᓂᒃ ᐱᓕᕆᖃᑎᖃᖅᐸᖕᓂᕐᒧᑦ ᐱᓕᕆᔨ

ᓄᓇᓕᒃ: 
ᑲᖏᖅᑐᒐᐱᒥ
ᓇᓗᓇᐃᒃᑯᑕᖓ: 
02-506234
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᒪᓕᓪᓗᒋᑦ ᑖᓐᓇ ᐃᖅᑲᓇᐃᔮᔅᓴᖅ ᒪᑐᐃᖓᔪᖅ ᓄᓇᕗᒻᒥᐅᓄᑐᐊᖅ.
ᑮᓇᐅᔾᔭᒃᓴᓇᔭᖅᑐᖅ: 
$70,083
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$22,978
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 23, 2020 - 12:00am

ᑕᕝᕙᓂ ᐃᖅᑲᓇᐃᖅᔭᑎ ᐅᒃᐱᕆᔭᐅᔪᓐᓇᕆᐊᓕᒃ ᐊᒻᒪ ᐱᕋᔭᓐᓂᑰᒻᒪᖔᖅ ᖃᐅᔨᓴᖅᑕᐅᔭᕆᐊᓕᒃ.

ᐃᖅᑲᓇᐃᔭᑐᓕᕆᓂᕐᒧᑦ ᐊᑐᐊᒐᑦ 518 ᒪᓕᓪᓗᒋᑦ ᑖᓐᓇ ᐃᖅᑲᓇᐃᔮᔅᓴᖅ ᒪᑐᐃᖓᔪᖅ ᓄᓇᕗᒻᒥᐅᓄᑐᐊᖅ.

ᐅᖃᕐᕕᖃᖅᐸᒡᓗᓂ ᐊᕕᒃᓯᒪᓂᕐᒥ ᐊᖓᔪᖅᑳᕆᔭᐅᔪᒧᑦ ᕿᑭᖅᑖᓗᖕᒥ, ᑖᓐᓇ ᒐᕙᒪᒃᑯᓐᓂᒃ ᐱᓕᕆᖃᑎᖃᖅᐸᖕᓂᕐᒧᑦ ᐱᓕᕆᔨ (GLO−ᖑᓂᕋᖅᑕᐅᕙᒃᑭᓪᓗᓂ) ᑲᒪᒋᔭᒃᓴᖃᖅᐸᒃᐳᖅ ᑐᓂᓯᕙᖕᓂᕐᒥᒃ ᓄᓇᕗᑦ ᒐᕙᒪᖓᑕ ᑐᓴᒐᒃᓴᖁᑎᒋᔭᖏᓐᓂᒃ ᐱᔨᑦᑎᕋᕐᓂᕆᕙᒃᑕᖏᓐᓂᒡᓗ ᓄᓇᓕᖕᒥᐅᑎᒍᑦ ᑭᒃᑯᑐᐃᓐᓇᓄᑦ. ᑕᒪᒃᑯᐊ GLO−ᒋᔭᐅᔪᑦ ᖃᐅᔨᒋᐊᕐᕕᐅᓪᓗᐊᑕᖃᑦᑕᕐᓂᐊᕐᓂᖏᓐᓄᑦ ᑕᒪᐃᓐᓄᑦ ᐊᑐᓂᑦ ᓄᓇᓕᖕᓄᑦ, ᑕᒪᒃᑯᐊ GLO−ᒋᔭᐅᔪᑦ ᐱᑎᑦᑎᖃᑦᑕᕐᓂᐊᖅᐳᑦ ᐱᐅᓛᑦᑎᐊᒥᒃ ᐱᓕᕆᐊᖃᓪᓚᕆᒍᓐᓇᕐᓂᕐᒥᒃ ᐱᔨᑦᑎᕋᕐᕕᖃᕈᓐᓇᕐᓂᕐᒥᒡᓗ, ᓇᓗᙱᑦᑎᐊᖅᐸᖕᓂᒃᑯᑦ ᑕᒪᒃᑯᐊ ᒐᕙᒪᒃᑯᑦ ᐱᔨᑦᑎᕋᕐᓂᕆᖃᑦᑕᖅᑕᖏᑦ ᐊᔪᕐᓇᙱᑦᑐᒃᑯᑦ ᐊᑐᖅᑕᐅᔪᓐᓇᖅᐸᒃᑲᓗᐊᕐᒪᖔᑕ, ᐊᑐᖅᑕᐅᑦᑎᐊᕈᓐᓇᖅᑐᓂᒃ ᑐᓴᖅᑕᐅᔪᒃᓴᓂᒃ ᑐᓂᓯᔪᖃᖃᑦᑕᕋᓗᐊᕐᒪᖔᑦ, ᐱᑎᑦᑎᖃᑦᑕᕋᓗᐊᕐᒪᖔᑕ ᒪᕐᕉᖕᓄᑦ ᐅᖃᐅᓰᖕᓄᑦ (ᐃᓄᒃᑎᑐᑦ ᖃᓪᓗᓈᑎᑐᓪᓗ) ᐱᔨᑦᑎᕋᕐᓂᕆᔭᐅᕙᒃᑐᓂᒃ, ᓇᓗᙱᑦᑎᐊᖅᐸᒡᓗᑎᒃ ᐊᑐᖅᑕᐅᔪᓐᓇᑦᑎᐊᖅᑐᓂᒃ ᑐᓴᖅᑕᐅᔪᒃᓴᓂᒃ ᑐᓂᐅᖅᑲᐃᔪᖃᖃᑦᑕᕋᓗᐊᕐᒪᖔᑦ , ᐱᕙᒡᓗᓂ ᐅᖃᐅᓯᐅᓯᒪᔪᓂᒃ ᑭᒃᑯᑐᐃᓐᓇᓄᑦ ᓄᓇᕗᑦ ᒐᕙᒪᖓᑕ ᒥᒃᓵᓄᑦ, ᑲᔪᓯᑎᑦᑎᕙᒃᖢᓂ ᐃᓚᖏᓐᓂᒃ ᓄᓇᕗᑦ ᒐᕙᒪᖓᑕ ᐱᓕᕆᐊᒃᓴᖁᑎᒋᔭᖏᓐᓂᒃ  ᓄᓇᓕᖕᒥᐅᓄᑦ, ᐊᐅᓚᑦᑎᕙᒃᖢᓂᓗ ᐱᓕᕆᖃᑎᒌᖕᓂᕆᔭᐅᕙᒃᑐᓂᒃ ᑕᒪᒃᑯᓄᖓ ᒐᕙᒪᒃᑯᓐᓄᑦ ᐱᓕᕆᕝᕕᒋᔭᐅᕙᒃᑐᓄᑦ.

ᒐᕙᒪᒃᑯᓐᓂᒃ ᐱᓕᕆᖃᑎᖃᖅᐸᖕᓂᕐᒧᑦ ᐱᓕᕆᔨ ᐱᓕᕆᐊᒃᓴᓪᓗᐊᑕᕐᒥᒃ ᐱᓕᕆᐊᖃᖅᐸᒃᐳᖅ ᐊᑐᓕᖅᑎᑦᑎᓂᕐᒥᒃ ᖃᓄᐃᓕᐅᕐᓂᐊᕐᓂᕆᔭᐅᔪᒥᒃ ᓄᓇᕗᑦ ᒐᕙᓚᖓᑕ ᒐᕙᒪᒃᑯᓐᓂᒃ ᐱᓕᕆᖃᑎᖃᖅᐸᖕᓂᕐᒧᑦ ᐱᓕᕆᔨᐅᓂᕐᒧᑦ ᐱᓕᕆᐊᖑᕙᒃᑐᒥᒃ ᓇᓗᙱᑦᑎᐊᕋᓱᒃᐸᒃᖢᓂᓗ ᑕᒪᓐᓇ ᐱᓕᕆᓂᖅ ᐊᒃᑐᐊᓂᖃᕋᓗᐊᕐᒪᖔᑦ ᐱᓕᕆᕝᕕᒋᔭᐅᔫᑉ ᓯᕗᓪᓕᖅᐸᐅᑦᑎᐅᑎᓯᒪᔭᖏᓐᓄᑦ, ᑐᕌᕆᔭᖏᓐᓄᑦ ᑎᑭᑦᑐᒪᔭᖏᓐᓄᓪᓗ. ᐃᓂᑖᖅᑎᑕᐅᔪᖅ ᐊᑐᓕᖅᑎᑦᑎᕙᒃᐳᖅ ᐊᐅᓚᑦᑎᓂᕐᒥᒃ ᐃᓚᓕᐅᔾᔨᓂᕐᒥᒡᓗ ᐱᓕᕆᕝᕕᒋᔭᐅᔫᑉ ᒐᕙᒪᒃᑯᓐᓂᒃ ᐱᓕᕆᖃᑎᖃᖅᐸᖕᓂᕐᒧᑦ ᐱᓕᕆᔨᐅᑉ ᐱᓕᕆᐊᒃᓴᕆᔭᖏᓐᓂᒃ ᓇᓗᙱᑦᑎᐊᕋᓱᒃᐸᒃᖢᓂᓗ ᓴᖅᑭᑎᑕᐅᓯᒪᓕᑐᑦ ᑕᒪᒃᑯᓇᙵᑦ ᐱᓕᕆᐊᖑᔪᓂᑦ ᐃᑲᔪᖅᑐᐃᒐᓗᐊᕐᒪᖔᑕ ᐱᓕᕆᕝᕕᒋᔭᐅᔫᑉ ᐱᔭᒃᓴᕆᔭᖏᓐᓂᒃ ᓄᓇᕗᓪᓗ ᒐᕙᒪᖓᑕ ᐱᓕᕆᐊᕆᔭᕆᐊᖃᖅᑕᖏᓐᓂᒃ. ᑖᓐᓇ ᒐᕙᒪᒃᑯᓐᓂᑦ ᐱᓕᕆᖃᑎᖃᖅᐸᖕᓂᕐᒧᑦ ᐱᓕᕆᔨ ᑲᒪᒋᔭᒃᓴᖃᖅᐳᖅ ᑮᓇᐅᔭᖁᑎᒋᔭᐅᔪᓂᒃ ᑖᔅᓱᒧᖓ ᒐᕙᒪᒃᑯᓐᓂᒃ ᐱᓕᕆᖃᑎᖃᖅᐸᖕᓂᕐᒧᑦ  ᑎᑎᕋᕐᕕᒋᔭᐅᔪᒥᒃ, ᓇᓗᙱᑦᑎᐊᕋᓱᒃᐸᒃᖢᓂ ᑕᒪᒃᑯᐊ ᑮᓇᐅᔭᓕᕆᓂᕐᒧᑦ ᐊᑐᐊᒐᕆᔭᐅᔪᑦ. FAM−ᒋᔭᐅᔪᖅ ᐊᒻᒪᓗ FAA−ᒋᔭᐅᔪᖅ ᒪᓕᒃᑕᐅᖃᑦᑕᕋᓗᐊᕐᒪᖔᑕ.

ᖃᐅᔨᒪᓂᖃᑦᑎᐊᕐᓂᖅ ᓄᓇᕗᒻᒥᒃ ᐅᑭᐅᖅᑕᖅᑐᒥᓗ ᑲᑎᒪᔪᓕᕆᓂᕐᒧᑦ ᒐᕙᒪᒃᑯᓪᓗ ᑲᔪᓯᐊᔾᔪᑎᒋᕙᒃᑕᖏᓐᓂᒃ ᐱᓕᕆᐊᕆᔾᔪᙱᒋᕙᓪᓕᐊᕙᒃᑕᖏᓐᓂᒡᓗ, ᓲᕐᓗ FAA ᖑᒻᒪᓗ FAM ᐱᔭᐅᓯᒪᔭᕆᐊᖃᕐᓂᖏᓐᓂᒃ ᑕᕝᕙᓂ ᐃᓂᒋᔭᐅᓇᔭᖅᑐᒥ. ᐃᓂᑖᖅᑎᑕᐅᔪᖅ ᐱᓕᕆᖃᑦᑕᖅᓯᒪᓂᑰᓪᓗᐊᖅᐳᖅ ᐊᐅᓚᑦᑎᕝᕕᖃᕐᓂᕐᒥᒃ ᐃᓗᓕᖃᐅᑦᑎᐊᖅᑐᓂᒃ, ᐃᓱᒪᒋᔭᒃᓴᓂᒃ ᐃᒃᐱᒋᕝᕕᐅᓴᕋᐃᑦᑐᓂᒃ ᐊᒻᒪᓗᑦᑕᐅᖅ ᐱᓕᕆᖃᑦᑕᖅᓯᒪᓂᑰᓗᓂ ᐱᕙᓪᓕᐊᔪᓕᕆᔨᓂᒃ ᐱᓕᕆᖃᑎᖃᖅᐸᖕᓂᕐᒥᒃ ᐃᓱᒪᒋᔭᒃᑕᒃᓴᓂᒡᓗ ᐊᐅᓚᑦᑎᕝᕕᖃᕐᓂᕐᒥᒃ. ᐱᓕᕆᖃᑦᑕᖅᓯᒪᓂᑰᓂᖅ ᐊᑐᓕᖅᑎᑦᑎᓂᕐᒥᒃ ᐱᔨᑦᑎᕋᕐᕕᖃᕐᓂᕐᒧᑦ ᐱᓕᕆᐊᖑᕙᒃᑐᓂᒃ ᐱᖃᖃᑕᐅᔪᓄᓪᓗ ᐱᓕᕆᖃᑎᖃᕐᓂᕐᒥᒃ ᐱᓕᕆᖃᑦᑕᖅᓯᒪᓂᖅ ᐱᔭᐅᓯᒪᔭᕆᐊᖃᖅᐳᑦ ᑕᕝᕙᓂ ᐃᓂᒋᔭᐅᓇᔭᖅᑐᒥ. ᐃᓂᑖᖅᑎᑕᐅᔪᖅ ᐊᔪᙱᓐᓂᖃᑦᑎᐊᕆᐊᖃᖅᐳᖅ ᖃᕆᑕᐅᔭᓕᕆᓂᕐᒥᒃ, ᐱᔪᒪᓂᖃᑦᑎᐊᕐᓗᓂᓗ ᐃᓕᑦᑎᕙᓪᓕᐊᔪᓐᓇᕐᓂᕐᒥᒃ ᓄᑖᓂᒃ ᓄᓇᕗᑦ ᒐᕙᒪᖓᑕ ᐱᓕᕆᐊᒃᓴᕆᔭᖏᓐᓂᒃ ᐱᔨᑦᑎᕋᕐᓂᕆᕙᒃᑕᖏᓐᓂᒡᓗ ᑕᒪᓐᓇ ᑐᓴᖅᑕᐅᔪᒃᓴ ᐅᖃᐅᓯᕆᒃᑲᓐᓂᕈᒪᓪᓗᒍ ᑭᒃᑯᑐᐃᓐᓇᓄᑦ. ᐃᓂᑖᖅᑎᑕᐅᔪᖅ ᐱᓕᕆᔪᓐᓇᓪᓗᐊᖅᐳᖅ ᐃᓄᑑᓗᓂ ᓇᖕᒥᓂᕐᓗ ᐱᓇᔪᖕᓂᖃᕈᓐᓇᑦᑎᐊᕐᓗᓂ ᐋᖅᑭᒃᓱᐃᕙᓪᓕᐊᔪᒪᓂᕐᒧᑦ ᐅᒃᐱᒋᕆᔭᐅᑦᑎᐊᕈᓐᓇᕐᓂᕐᒥᒃ ᓵᙵᔭᐅᑦᑎᐊᕈᓐᓇᕐᓂᕐᒥᒡᓗ ᐊᔾᔨᒌᙱᕈᓘᔭᖅᑐᓂ ᐱᓕᕆᕝᕕᒋᔭᐅᕙᒃᑐᓂ. ᐃᓂᑖᖅᑎᑕᐅᔪᖅ ᐱᐅᔪᒻᒪᕆᖕᓂᒃ ᐃᓅᖃᑎᒌᖕᓂᕐᒧᑦ ᐱᓕᕆᖃᑎᒌᖕᓂᕐᒧᑦ ᐊᔪᙱᓐᓂᖃᑦᑎᐊᕆᐊᖃᖅᐳᖅ ᐊᔪᙱᓐᓂᖃᕐᓗᓂ ᐱᓕᕆᖃᑎᖃᑦᑎᐊᕈᓐᓇᕐᓂᕐᒥᒃ ᐊᓯᖏᓐᓂᒃ ᐱᓕᕆᕝᕕᒋᔭᐅᕙᒃᑐᓂᒃ. ᖃᓄᑐᐃᓐᓇᖅ ᖃᐅᔨᒪᓂᖃᕐᓂᖅ ᐱᖁᔭᕆᔭᐅᔪᓂᒃ, ᒪᓕᒃᑕᐅᔭᕆᐊᖃᖅᐸᒃᑐᓂᒃ ᐊᑐᐊᒐᕐᓂᔨᒡᓗ ᓄᓇᕗᑦ ᒐᕙᒪᒃᑯᖏᓐᓄᑦ ᐱᔭᐅᓯᒪᔭᕆᐊᖃᖅᐳᑦ ᑲᔪᓯᓂᖃᑦᑎᐊᕈᒪᓗᓂ ᑕᕝᕙᓂ ᐃᓂᒋᔭᐅᔪᒥ.

ᖃᐅᔨᒪᓂᕆᔭᐅᔪᑦ, ᐊᔪᕈᓐᓃᖅᑕᐅᓯᒪᔪᑦ ᐊᔪᙱᓐᓂᕆᔭᐅᔪᓪᓗ ᐱᔭᐅᓯᒪᔭᕆᐊᓖᑦ ᑕᕝᕙᓂ ᐃᖅᑲᓇᐃᔮᒥ ᐱᔭᐅᒐᔪᒃᐸᒃᐳᑦ ᐃᓕᓴᕆᔭᐅᓯᒪᔪᒃᑯᑦ ᐊᔪᙱᓐᓂᖃᕐᓂᕐᒧᑦ 12−ᒥᒃ ᓇᓗᓇᐃᒃᑯᑕᖅᑖᖅᓯᒪᓂᕐᒥᒃ, ᐊᒻᒪᓗᑦᑕᐅᖅ ᒪᕐᕉᖕᓂᒃ (2-ᓂᒃ) ᐊᕐᕌᒎᖕᓂᒃ ᒐᕙᒪᒃᑯᓐᓂ ᐱᓕᕆᖃᑦᑕᖅᓯᒪᓂᑰᓗᓂ , ᐱᔪᒥᓇᖅᖢᓂ ᐃᓚᐅᑎᑦᑎᓂᕐᒥᒃ ᑭᒃᑯᑐᐃᓐᓇᕐᓂ ᐱᓕᕆᖃᑎᖃᕐᓂᕐᒥᒃ, ᑕᒪᓐᓇᓗ ᐱᓇᔪᒃᑐᓄᑦ ᐃᓱᒪᒋᔭᐅᓂᐊᖅᖢᓂ ᐱᕚᓪᓕᖅᓯᒪᔾᔪᑕᐅᓇᓱᒋᔭᐅᓗᓂ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ, ᐃᓄᒃᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑐᑦ ᐊᒻᒪᓗ ᐅᐃᕖᑐᑦ. ᐃᓄᒃᑎᑐᑦ ᖃᓪᓗᓈᑎᑐᓪᓗ ᐅᖃᕈᓐᓇᕆᐊᓕᒃ ᑎᑎᕋᕈᓐᓇᕐᓗᓂᓗ ᑖᔅᓱᒥᖓ ᐃᖅᑲᓇᐃᔮᖃᕐᓂᐊᖅᑐᖅ.

ᐊᔪᕈᓐᓃᖅᓴᖅᓯᒪᓂᑦ ᐱᓕᕆᓯᒪᓂᒃᑯᑦ ᕼᐋᒻᓚᒃᑯᓐᓄᑦ ᐊᔪᕈᓐᓃᖅᓴᕐᓂᕐᒥ ᐱᔨᑦᑎᕋᕐᕕᖃᕐᓂᕐᒥᓗ ᐱᓕᕆᕝᕕᒋᔭᐅᕙᒃᑐᓂ ᐊᔪᕈᓐᓃᖅᓴᖅᓯᒪᓂᖅ ᐱᓇᔪᒃᑐᓄᑦ ᐱᕚᓪᓕᕈᑕᐅᓯᒪᓂᐊᖅᐳᖅ.

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᕐᓂᖓ ᐃᓱᒪᒋᔭᐅᓇᔭᕐᒥᔪᑦ.

ᐱᔪᒥᒍᓱᒃᑯᕕᑦ ᑖᔅᓱᒥᖓ ᐃᖅᑲᓇᐃᔮᒥᒃ, ᐃᕐᖐᓐᓈᖅᑕᐅᑎᒃᑯᑦ ᑎᑎᕋᖅᑕᑎᑦ ᐱᔪᒪᓂᕐᒧᑦ ᐊᒻᒪᓗ ᐃᖅᑲᓇᐃᔮᕆᖃᑦᑕᖅᓯᒪᔭᕐᓄᑦ ᓇᓗᓇᐃᔭᖅᓯᒪᐅᖅᑐᑦ ᓇᒃᓯᐅᑎᓗᒋᑦ ᐅᕗᖓ igloolik_hr@gov.nu.ca ᐃᓚᓕᐅᑎᓯᒪᓗᒍᑦ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᐃᕐᖐᓐᓈᖅᑕᐅᖅᐱᑦ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᔪᒪᓪᓗᑎᒃ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ. ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖃᑕᐅᓂᐊᕐᓗᑎᒃ ᒪᓕᒃᖢᒍ ᓄᓇᕗᑦ ᐱᓕᕆᐊᖅᑖᖅᑎᑦᑎᓂᕐᒧᑦ ᐃᓱᒪᒋᔭᐅᖃᐅᑕᐅᔭᕆᐊᓕᖕᓄᑦ ᐊᑐᐊᒐᖅ.
  • ᐃᖅᑲᓇᐃᔮᑦ ᐃᓚᖏᑦ ᐱᕝᕕᐅᔪᒪᓲᖑᖕᒪᑕ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᖕᒪᖔᑦ ᖃᐅᔨᓴᕈᑎᓂᒃ. ᐱᕋᔭᓚᐅᖅᓯᒪᓗᓂ ᑎᑎᖅᑲᖁᑎᖃᖅᐸᑦ ᐱᓇᔪᒃᑐᓂᒃ ᐊᔪᓕᕈᑕᐅᓇᔭᙱᑦᑐᖅ ᐃᓱᒪᒋᔭᐅᒃᑲᓐᓂᑐᐃᓐᓇᕋᔭᖅᑐᖅ.
  • ᐃᖅᑲᓇᐃᔮᒥᑦ ᐆᒃᑐᕈᒪᔪᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᑦᑕ ᐱᔪᒥᓴᐅᑎᖓᓂᑦ ᑐᓂᓯᔭᕆᐊᓕᒃ ᐅᖃᐅᓯᖅ ᓇᓕᐊᑐᐃᓐᓇᖅ ᐊᑐᕐᓗᒍ ᐃᓕᓴᕆᔭᐅᓯᒪᔪᓂᑦ ᓂᕈᐊᕆᔭᖃᕐᓗᑎᒃ.
  • ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓕᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.
  • ᐃᖅᑲᓇᐃᔮᒧᑦ ᐅᓂᒃᑳᖅᓯᒪᔪᑦ ᑭᓱᓕᕆᕙᖕᒪᖔᑦ ᐱᔭᐅᑐᐃᓐᓇᕆᐊᖃᖅᐳᑦ ᓱᒃᑲᔪᒃᑯᑦ, ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᖃᕆᑕᐅᔭᒥᓘᓐᓃᑦ ᐃᑭᐊᖅᑭᕕᒃᑯᑦ.
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ
Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ