ᐅᖃᓚᐅᑎᓯᐅᑏᑦ

You are here

ᐊᕕᒃᑐᖅᓯᒪᓂᒃᑯᑦ ᑐᑭᒧᐊᖅᑎᑦᑎᔨ, ᐱᖁᑎᒃᓴᓕᕆᓂᕐᒧᑦ - ᕿᑎᕐᒥᐅᑦ

ᓄᓇᓕᒃ: 
ᐃᖃᓗᒃ`ᑐᑦᑎᐊᖅᒥ
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 22, 2021 - 11:59pm

ᐅᓇ ᐃᖅᑲᓇᐃᔮᒃᓴᖅ ᒪᑐᐃᖓᔪᖅ ᑭᑯᑐᐃᓐᓇᕐᓄᑦ ᐱᓇᓱᒍᒪᔪᓄᑦ

ᐊᐅᓚᑦᑎᓂᓪᓚᕆᒃ ᓄᓇᕗᒥᑦ ᒐᕙᒪᒃᑯᑦ ᓄᓇᓕᖕᓂ ᐊᒻᒪ ᒐᕙᒪᒃᑯᓐᓂᒃ ᐱᔨᑦᑎᕋᖅᑎᒃᑯᓐᓄᑦ ᐃᖅᑲᓇᐃᔮᒃᓴᖅ ᐊᖓᔪᖅᑳᖑᓂᕐᒥ ᐱᓕᕆᐊᖃᕐᓯᒪᔪᓄᑦ ᐊᒻᒪ ᐃᑲᔪᕈᑎᒃᓴᓕᕆᓂᕐᒥᒃ, ᖃᐅᔨᒪᓂᖃᕐᓗᓂ ᐅᑭᐅᕐᑕᖅᑐᕐᒥ ᐃᒡᓗᓕᐅᕐᐸᖕᓂᕐᒥᒃ, ᐱᕙᓪᓕᐊᔪᓕᕆᓂᕐᒥᒃ, ᒪᓕᒐᓕᕆᓂᕐᒥᒃ, ᐃᓅᖃᑎᒌᖕᓂᕐᒧᑦ ᐊᒻᒪ ᐃᓕᖅᑯᓯᖃᑎᒌᙱᑦᑐᓄᑦ ᖃᓄᐃᓕᐅᕈᑎᐅᕙᒃᑐᓄᑦ ᐊᒻᒪ ᐊᑐᖅᑕᐅᕙᒃᑐᓂᒃ.

ᐱᒋᐊᓪᓚᕆᓚᐅᖅᓯᒪᓪᓗᓂ 1999-ᒥᑦ, ᓄᓇᕗᑦ ᐱᑕᖃᓕᕐᓯᒪᔪᖅ ᐃᓕᖅᑯᓯᖅ ᐱᕙᓪᓕᐊᓂᕐᒥᒃ ᖃᐅᔨᒪᓕᖕᓂᖓᒍᑦ. ᓄᓇᕗᑦ ᐊᕐᕌᒍᒐᓴᖕᓂᒃ ᐃᓄᖕᓄᑦ ᐊᑐᖅᑕᐅᓯᒪᕙᒃᑐᓂᒃ ᐊᒻᒪ ᐃᓕᖅᑯᓯᕐᓂᒃ ᐱᓕᕆᐊᖃᑐᐃᓐᓇᓕᕐᑐᖅ. ᑐᙵᕕᖃᓪᓚᕆᒃᖢᓂᒃ ᐃᓕᖅᑯᓯᖃᓪᓚᕆᖕᓂᕐᒥᒃ, ᓄᓇᕗᒥᑦ ᒐᕙᒪᒃᑯᑦ (GN) ᐸᕐᓇᒃᓯᒪᔪᖅ ᓯᕗᓂᕆᓂᐊᖅᑕᒧᑦ ᒪᑯᓂᖓ ᐱᓕᕆᐊᖃᕐᓂᐊᕐᓗᑎᒃ ᐱᐅᓛᒃᑯᑦ ᐃᓕᓐᓂᐊᕈᑎᓕᕆᓂᕐᒥᒃ, ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ, ᐃᓕᖅᑯᓯᓕᕆᓂᕐᒥᒃ, ᐊᕙᑎᒋᔭᒥᒃ ᓴᐳᔾᔨᓯᒪᔪᒪᔪᓂᒃ ᐊᒻᒪᓗ ᐱᓕᕆᕝᕕᐅᔪᑦ ᐱᕈᖅᐸᓪᓕᐊᓂᖏᓐᓂᒃ.

ᓄᓇᕗᒥᑦ ᒐᕙᒪᒃᑯᑦ ᕿᓂᕐᒪᑕ ᐃᒪᐃᑦᑐᒃᓴᒥᒃ ᐊᕕᒃᑐᖅᓯᒪᓂᒃᑯᑦ ᑐᑭᒧᐊᖅᑎᑦᑎᔨ, ᐱᖁᑎᒃᓴᓕᕆᓂᕐᒧᑦ - ᕿᑎᕐᒥᐅᓂ, ᐊᐅᓚᑦᑎᔨ ᐅᓂᒃᑳᓕᐅᖃᑦᑕᕋᔭᕐᑐᖅ ᑐᑭᒧᐊᖅᑎᑦᑎᔨ ᐊᐅᓚᑦᑎᔨᒧᑦ ᐅᑯᓄᖓ ᐱᖁᑎᒃᓴᓕᕆᓂᕐᒧᑦ ᐅᑯᓇᓂ ᓄᓇᓕᖕᓂᒃ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂᒃ (CGS), ᖃᓄᐃᓕᐅᕈᑎᒃᓴᓕᕆᓂᒃᑯᑦ ᓯᕗᓕᐅᕐᑎᐅᕙᒡᓗᓂ ᐊᒻᒪ ᑲᒪᒋᔭᖃᖅᑎᐅᕙᒡᓗᓂ ᑮᓇᐅᔭᖅᑐᔪᓂᒃ ᐱᓕᕆᐊᒃᓴᓂᒃ ᐱᓕᕆᐊᖃᖅᑎᑦᑎᓂᒃᑯᑦ ᐊᒻᒪᓗ ᐱᖁᑎᓂᒃ ᐊᐅᓚᑦᑎᓂᕐᒥᒃ ᑕᓪᓕᒪᓂᒃ (5) ᕿᑎᒥᐅᑦ ᓄᓇᓕᖏᓐᓂᒃ, ᑲᑎᖢᑎᒃ ᐃᓄᖏ 7,000-ᖏᓐᓃᑦᑐᑦ.

ᐅᓇ ᐱᓕᕆᐊᖃᕐᔪᐊᕐᓇᕐᒪᓐ ᑲᒪᒋᔭᖃᕐᓇᖅᖢᓂ ᐊᐅᓚᑦᑎᕙᓪᓕᐊᔾᔪᑎᓂᒃ ᐊᒻᒪ ᑲᒪᒋᔭᖃᕐᓂᕐᒥᒃ ᑕᒪᐃᓐᓂᒃ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᓄᑦ ᐱᓕᕆᐊᕆᑎᑕᐅᔪᓂᒃ ᑕᒪᒃᑯᐊᓗ ᐊᑭᖃᖅᑲᑦᑕᖅᑐᓂᒃ ᐊᕐᕌᒍᒧᑦ ᒫᓂ $40 ᒥᓕᐊᓐ ᑖᓚᓂ, ᐊᒻᒪᓗ ᐸᕐᓇᐅᓯᐅᖃᑦᑕᕐᓂᕐᒥᒃ ᐊᒻᒪ ᐊᑐᓕᖅᑎᑦᑎᕙᖕᓂᕐᒥᒃ ᐱᓕᕆᕝᕕᐅᑉ ᐱᖁᑎᖏᓐᓂᒃ ᐊᐅᓚᑦᑎᓂᒃᑯᑦ ᐊᒻᒪᓗ ᐊᑐᐊᒐᓕᕆᓂᕐᒥᒃ ᐊᒻᒪ ᖃᓄᐃᓕᐅᕈᑎᐅᕙᒃᑐᓂᒃ ᐱᓕᕆᐊᓄᑦ ᖃᓄᐃᓕᐅᕈᑎᒃᓴᐅᓂᐊᖅᑐᓄᑦ ᑕᒪᒃᑯᐊ ᐱᓕᕆᐊᒃᓴᐃᑦ ᐱᔨᑦᑎᕋᐅᑎᓪᓗ ᐱᓕᕆᐊᕆᔭᐅᔪᓐᓇᖁᓪᓗᒋᑦ ᕿᑎᕐᒥᐅᓄᑦ. 

ᐊᕕᒃᑐᖅᓯᒪᓂᒃᑯᑦ ᑐᑭᒧᐊᖅᑎᑦᑎᔨ, ᐱᖁᑎᒃᓴᓕᕆᓂᕐᒧᑦ - ᕿᑎᕐᒥᐅᓂᒃ, ᐊᕐᕌᒍᒧᑦ ᐱᓕᕆᐊᖑᕙᓪᓕᐊᓂᐊᖅᑐᓂᒃ ᐊᒻᒪ ᑐᕌᒐᕆᔭᐅᔪᓂᒃ ᐋᖅᑭᒃᓱᐃᔨᐅᖃᑦᑕᕋᔭᖅᑐᑎᑦ, ᐱᓕᕆᖃᑎᖃᕐᓗᑎᒃ ᐊᐅᓚᑦᑎᔨ ᑐᑭᒧᐊᖅᑎᑦᑎᔨᒥᒃ ᓇᓗᓇᐃᔭᐃᖃᑦᑕᕐᓂᒃᑯ ᖃᓄᖅ ᐱᓕᕆᐊᕆᔭᐅᔪᒪᔪᓂᒃ ᓄᓇᓕᖕᓂᒃ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂᒃ, ᐊᒻᒪᓗ ᐃᑲᔪᕈᑎᒃᓴᓂᒃ ᐊᐅᓚᑦᑎᓂᕐᒧᑦ ᖃᓄᐃᓕᐅᕈᑎᓄᑦ ᐊᒻᒪ ᐱᓕᕆᐊᒃᓴᓄᑦ ᐱᐅᓂᖅᐹᒥᒃ ᐱᓕᕆᐊᖃᕈᓐᓇᕋᓱᖕᓂᒃᑯᑦ. ᐊᐅᓚᑦᑎᓂᕐᒥᒃ ᐱᔨᑦᑎᕋᐅᑎᓕᕆᓂᕐᒧᑦ ᓄᓇᕗᒥᑦ ᒐᕙᒪᒃᑯᑦ ᐱᖁᑎᖏᓐᓄᑦ ᐊᑐᖅᑕᐅᔭᕆᐊᖃᖅᑐᓂᒃ, ᐊᒻᒪᓗ ᐱᓕᕆᐊᖑᓇᓱᒃᑐᑦ ᐊᑐᖅᑎᑕᐅᑎᑉᐸᒡᓗᒋᑦ ᓈᒻᒪᓈᖅᓯᒪᔪᒃᑯᑦ, ᒪᓕᒃᓯᒪᓗᑎᒃ ᓯᕗᓪᓕᐅᑎᔭᕆᐊᖃᖅᑐᓂᒃ, ᐊᐅᓚᑦᑎᓂᕐᒧᑦ ᐊᑐᐊᒐᕐᓂᒃ ᐊᒻᒪᓗ ᐱᓕᕆᔾᔪᓯᕐᓂᒃ ᓄᓇᕗᑦ ᒐᕙᒪᒃᑯᓐᓂᒃ ᐊᒻᒪᓗ ᐅᖃᐅᓯᐅᓯᒪᔪᓂᒃ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐱᒻᒪᕆᐅᒋᔭᖏᓐᓂᒃ ᐊᒻᒪᓗ ᐃᑲᔪᖅᑐᐃᔾᔪᑎᖃᖅᑎᑦᑎᓂᕐᒥᒃ ᐊᒻᒪ ᐊᔪᕈᓐᓃᖅᓴᖅᑎᑦᑎᓂᕐᒥᒃ ᐊᐅᓚᑦᑎᓂᕐᒧᑦ ᐃᖅᑲᓇᐃᔭᖅᑎᓂᒃ.

ᖃᓄᐃᓕᐅᕈᑎᒃᓴᖃᓕᕆᓂᒃᑯᑦ ᐱᓕᕆᐊᒃᓴᓂᒃ ᐊᐅᓚᑦᑎᔾᔪᑎᓕᕆᓂᒃᑯᑦ ᑲᒪᒋᔭᕆᐊᖃᖅᑕᒃᑯᑦ, ᖃᓄᐃᓕᐅᒐᒃᓴᓂᒃ ᐱᓕᕆᐊᖃᕐᓗᑎ ᐊᑐᕋᔭᖅᑐᑎᑦ ᖃᐅᔨᓯᒪᔭᕐᓂᒃ ᒪᑯᓂᖓ ᐱᓕᕆᐊᓂᒃ ᐊᐅᓚᑦᑎᓂᕐᒧᑦ ᑎᒥᒋᔭᐅᔪᑦ ᖃᐅᔨᒪᔭᕆᐊᖃᖅᑕᖏᓐᓂᒃ (PMBOK) ᐊᒻᒪᓗ ᐱᓕᕆᐊᓄᑦ ᐱᓕᕆᔾᔪᑎᐅᔪᓂᒃ ᐊᐅᓚᑦᑎᓂᕐᓴᒃ ᐅᕙᓂ ᑎᑎᕋᖅᑕᐅᓯᒪᔪᓂᒃ ᐱᓕᕆᐊᒃᓴᓄᑦ ᐊᐅᓚᑦᑎᓂᕐᒥᒃ ᐃᓕᓐᓂᐊᕐᕕᒃᒥᑦ, ᐊᒻᒪᓗ ᖃᐅᔨᒪᓂᕐᓄᑦ ᐸᕐᓇᐅᑎᓕᕆᓂᕐᒥᒃ ᐊᒻᒪ ᐱᕙᓪᓕᐊᔪᓕᕆᓂᕐᒥᒃ ᐱᓕᕆᐊᒃᓴᓂᒃ ᐊᐅᓚᑦᑎᓂᕐᒧᑦ ᒪᓕᒋᐊᖃᖅᑐᓂᒃ ᐊᒻᒪ ᐊᑐᖅᑕᐅᕙᒃᑐᓂᒃ.

ᖃᓄᐃᓕᐅᕈᑎᒋᓂᐊᖅᑕᒃᑯᑦ ᒪᐅᓇ ᐱᓕᕆᐊᓂᒃ ᐊᐅᓚᑦᑎᓂᒃᑯᑦ ᓯᕗᓕᐅᕐᑎᐅᓂᕐᒥᒃ, ᐱᓕᕆᐊᖃᕋᔭᖅᑐᑎᑦ ᖃᐅᔨᒪᔭᒃᑯᑦ ᐱᓕᕆᐊᓂᒃ ᐊᐅᓚᑦᑎᓂᕐᒧᑦ ᐱᐅᓂᖅᐹᒃᑯᑦ ᐊᑐᖅᑕᐅᔭᕆᐊᓕᖕᓂᒃ ᐊᒻᒪ ᐱᓕᕆᕝᕕᒃᓄᑦ ᒪᓕᒃᑕᐅᕙᒃᑐᓂᒃ, ᐃᓚᖃᕐᓗᓂ ᐃᓕᓐᓂᐊᕈᑎᓂᒃ ᑎᑎᕋᖅᑕᐅᓯᒪᔪᓂᒃ ᐅᑯᓇᙵᑦ ᐱᓕᕆᕝᕕᓕᕆᓂᕐᒧᑦ ᐊᐅᓚᑦᑎᓂᕐᒥᒃ ᑲᑐᔾᔨᖃᑎᒌᓄᑦ (IFMA) ᐊᒻᒪ/ᐅᕝᕙᓘᓐᓃᑦ ᐃᒡᓗᓂᒃ ᓇᖕᒥᓂᖃᖅᑎᐅᔪᑦ ᐊᒻᒪ ᐊᐅᓚᑦᑎᔨᓄᑦ ᑲᑐᔾᔨᖃᑎᒌᓄᑦ (BOMA). ᑕᒪᐅᓇᑦᑕᐃᓐᓇᖅ, ᐊᑐᕋᔭᖅᑕᐃᑦ ᐊᔪᙱᓐᓂᕆᔭᐃᑦ ᐊᑐᕐᓗᒍ ᐸᕐᓇᐅᓯᐅᕐᓂᒃᑯᑦ ᐊᒻᒪ ᐱᓕᕆᓕᖅᑎᑦᑎᓂᒃᑯᑦ ᐱᖁᑎᓂᒃ ᐊᐅᓚᑦᑎᓂᕐᒧᑦ ᒪᓕᒃᑕᐅᔭᕆᐊᖃᖅᑐᓂᒃ ᐊᒻᒪ ᐱᓕᕆᔾᔪᓯᐅᔪᓂᒃ ᐊᑐᖅᑕᐅᔭᕆᐊᓕᒃᑯᑦ.

ᐅᓇ ᖁᕕᐊᓇᕈᓘᔭᕐᑐᖅ ᐃᖅᑲᓇᐃᔮᒃᓴᖅ ᐱᓕᕆᐊᓄᑦ ᐊᐅᓚᑦᑎᔨᐅᔪᓐᓇᑦᑎᐊᖅᑐᓄᑦ ᐱᓕᕆᐊᖃᓕᒪᔪᓂᒃ ᐱᓕᕆᐊᒃᓴᓂᒃ ᐊᐅᓚᑦᑎᔨᐅᓂᕐᒥᒃ ᐅᑭᐅᕐᑕᖅᑐᕐᒥ. ᐱᓕᕆᐊᖃᓕᒪᓃᑦ ᓯᕗᓕᐅᕐᑎᐅᓂᕐᒥᒃ, ᐊᐅᓚᑦᑎᔨᐅᓂᕐᒥᒃ ᐊᒻᒪ ᑐᑭᒧᐊᖅᑎᑦᑎᔨᐅᓂᕐᒥᒃ ᐃᖅᑲᓇᐃᔭᖅᑎᓂᒃ ᐃᓚᖃᕐᓗᓂ ᖃᐅᔨᒪᓂᕐᒥᒃ ᒫᓐᓇᓕᓴᕐᓂᒃ ᐱᓕᕆᐊᒃᓴᓂᒃ ᐊᐅᓚᑦᑎᓂᕐᒧᑦ ᖃᓄᐃᓕᐅᕈᑎᓂᒃ, ᐊᒻᒪᓗ ᐃᒡᓗᓕᐅᖅᐸᓪᓕᐊᓂᕐᒧᑦ ᖃᓄᐃᓕᐅᕈᑎᒃᓴᓂᒃ ᐊᒻᒪ ᐊᑐᖅᑕᐅᕙᒃᑐᓂᒃ, ᐊᒻᒪᓗ ᐱᓕᕆᐊᖃᓕᒪᓃᑦ ᐱᓕᕆᐊᒃᓴᓂ ᐱᓕᕆᑎᑦᑎᓂᕐᒥᒃ ᐊᒻᒪ ᐊᐅᓚᑦᑎᓂᕐᒧᑦ ᐅᖃᐅᔾᔪᐃᓂᕐᒥᒃ ᐊᒻᒪ ᐃᒡᓗᓕᐅᕐᓂᕐᒧᑦ ᐊᖏᖃᑎᒌᒍᑎᒃᑯᑦ ᐱᓕᕆᐊᖃᓕᖅᑎᑦᑎᓂᕐᒥᒃ. ᑕᐃᒪᐃᓐᓂᖓᓄᑦ, ᑐᑭᓯᓯᒪᑦᑎᐊᕆᐊᖃᖅᑐᑎᑦ ᖃᓄᐃᓕᖓᓂᖏᓐᓂᒃ ᐊᒻᒪ ᐃᒡᓗᓕᐅᕐᓂᕐᒧᑦ ᐃᓱᒫᓘᑎᐅᕙᒃᑐᓂᒃ ᐊᒻᒪ ᒪᓕᒐᖅᑎᒍᑦ ᐃᓱᒪᒋᔭᐅᕙᒃᑐᓂᒃ, ᐊᒻᒪᓗ ᐊᒃᑐᐃᔾᔪᑎᐅᕙᒃᑐᓂᒃ ᐊᑐᐊᒐᕐᓂᒃ ᓇᖕᒥᓂᖅ ᐱᓕᕆᐊᕆᔭᐅᔪᓄᑦ ᐊᒻᒪ ᐊᓯᖏᓐᓄᑦ ᐊᒃᑐᖅᑕᐅᕙᒃᑐᓄᑦ, ᐊᒻᒪᓗ ᖃᐅᔨᒪᓗᑎᑦ ᐱᓕᕆᔾᒧᑎᓕᕆᓂᕐᒧᑦ ᑐᓴᐅᒪᔭᕆᐊᓕᖕᓂᒃ, ᐃᓱᒪᒋᔭᐅᓯᒪᔪᓂᒃ ᐊᒻᒪ ᑐᒃᓯᕋᐅᑎᓂᒃ, ᐃᓱᒪᓕᐅᕆᔪᓐᓇᕐᓗᑎᑦ ᐊᒻᒪᓗ ᑐᑭᒧᐊᖅᑎᑦᑎᔨᐅᔪᓐᓇᕐᓗᑎᒃ ᐱᓕᕆᐊᒃᓴᓂᒃ ᐊᐅᓚᑦᑎᓂᕐᒨᖓᔪᓂᒃ.

ᖃᓄᖅᑑᕈᓘᔭᕈᓐᓇᕐᓗᑎᒃ, ᐊᒻᒪ ᓈᒻᒪᒃᑐᒃᑯᑦ ᐃᓱᒪᓕᐅᕆᔪᓐᓇᕐᓗᑎᒃ ᐊᒻᒪ ᐊᑲᐅᙱᓕᐅᕈᑎᓂᒃ ᐱᓕᕆᐊᖃᕈᓐᓇᕐᓗᑎᒃ, ᑕᐃᒪᓕ ᖃᐅᔨᒪᔪᓐᓇᖅᓗᑎᒃ ᓈᒻᒪᙱᓕᐅᕈᑎᓄᑦ ᖃᓄᐃᓕᐅᕈᑎᐅᔪᓐᓇᕐᑐᓂᒃ ᑮᓇᐅᔭᖅᑐᔪᓂᒃ ᐊᐅᓚᑦᑎᑎᓪᓗᑎᑦ, ᓇᓗᓇᐃᕐᓯᔪᓐᓇᑦᑎᐊᕐᓗᑎᒃ, ᖃᐅᔨᓴᕈᓐᓇᕐᓗᑎᒃ, ᐊᓯᐊᒎᕈᑎᐅᔪᓐᓇᖅᑐᓂᒃ ᓂᕈᐊᕈᓐᓴᕐᓗᑎᒃ ᐊᒻᒪ ᑐᑭᒧᐊᕈᑎᒃᓴᓂᒃ, ᐱᒡᒍᓴᐅᑎᑎᑎᒍᑦ ᐱᓕᕆᐊᖑᔭᕆᐊᓕᖕᓂ ᐊᒻᒪ ᐃᓱᒪᒋᔭᐅᔾᔪᑎᓂᒃ, ᖃᐅᔨᓴᖅᐸᒡᓗᑎᒃ ᐱᓕᕆᐊᓂᒃ ᐊᑐᖅᑕᐅᓇᓱᖕᓂᖓᒍᑦ (ᓲᕐᓗ ᐃᓂᒃᓴᓕᐅᕐᓂᖅ, ᐊᐅᓚᔾᔪᑎᒃᓴᓕᕆᓂᖅ ᐊᒻᒪ ᐱᐅᓂᒃᑰᕋᓱᖕᓂᖅ), ᐊᒻᒪᓗ ᓈᒻᒪᒃᑐᓂᒃ ᐃᓱᒪᓕᐅᕈᑎᐅᔪᓐᓇᖅᑐᓂᒃ.

ᐃᓂᒃᓴᓕᐅᕐᑎᐅᔪᓐᓇᕐᓗᑎᑦ ᐊᒻᒪ ᐋᔩᖃᑎᒌᒃᑎᐅᕙᒡᓗᑎᒃ, ᓈᒻᒪᙱᓕᐅᕈᑎᓂᒃ ᐊᐅᓚᑦᑎᔪᓐᓇᕐᓗᑎᒃ ᐊᒻᒪᓗ ᐱᓕᕆᖃᑎᒌᒃᑎᑦᑎᓂᕐᒥᒃ, ᑕᐃᒪᓕ ᐱᓕᕆᐊᓂᒃ ᐱᓕᕆᐊᖃᕈᓐᓇᖅᓯᓯᒪᕗᑎᑦ ᑐᑭᒧᐊᖅᑎᑦᑎᓂᒃᑯᑦ, ᐊᐅᓚᑦᑎᓂᒃᑯᑦ, ᓯᕗᓕᐅᖅᑎᐅᓂᒃᑯᑦ ᐊᒻᒪ ᐋᔩᖃᑎᒌᖃᑦᑕᕐᓂᒃᑯᑦ ᒪᑯᓇᓂ ᐃᖅᑲᓇᐃᔭᕐᕕᒃᒥᑦ/ᓯᓚᑖᓂᓪᓗ ᐱᓕᕆᔨᐅᔪᓂᒃ ᐅᕝᕙᓘᓐᓃᑦ ᐱᔨᑦᑎᕋᖅᑕᐅᔪᓂᒃ, ᐊᒻᒪᓗ ᑲᑐᔾᔨᖃᑎᒌᓂᒃ ᐊᒻᒪ ᐅᔾᔨᕈᓱᒍᓐᓇᑦᑎᐊᕐᓗᑎᑦ ᐊᒻᒪ ᐊᐅᓚᑦᑎᔪᓐᓇᕐᓗᑎ ᓄᓇᕗᒥᑦ ᒐᕙᒪᒃᑯᓐᓂᒃ ᐊᓯᙳᕈᑎᐅᕙᓪᓕᐊᔪᓂᒃ ᐊᒻᒪ ᓄᓇᓕᖕᓂ ᕼᐋᒻᒪᓚᒃᑯᓐᓂᒃ, ᐊᒻᒪᓗ ᐊᐅᓚᑦᑎᕙᒡᓗᑎᒃ ᐊᒻᒪ ᑲᒪᒋᔭᖃᕐᓗᑎᒃ ᒪᓕᒐᓕᕆᓂᕐᒧᑦ ᐊᒃᑐᐃᔾᔪᑎᖃᓗᐊᔭᑦᑐᓂᒃ ᐊᒻᒪ ᑕᐅᑐᒃᑕᐅᓗᐊᔭᕐᓇᖅᑐᓂᒃ ᐱᓕᕆᐊᒃᓴᓂᒃ. ᐊᔾᔨᒌᙱᑦᑐᓂᒃ ᐊᑕᐅᑦᑎᒃᑯᑦ ᐱᓕᕆᐊᖃᕈᓐᓇᕐᓂᕐᓄᑦ, ᐊᐅᓚᑦᑎᔪᓐᓇᑦᑎᐊᕈᓐᓇᕐᓗᑎᑦ ᖃᐅᑕᒫᑦ ᐱᓕᕆᓂᐅᕙᒃᑐᓂᒃ ᐊᒻᒪᓗ ᐱᓕᕆᐊᒃᓴᓂᒃ ᐊᑐᖅᑕᐅᖃᑦᑕᐃᓐᓇᙱᑦᑐᓂᒃ, ᐊᒻᒪᓗ ᓇᓕᒧᒌᒃᑎᑦᑎᓇᓱᖕᓂᕐᒥᒃ ᓯᕗᓪᓕᐅᑎᔭᕆᐊᓕᖕᓂᒃ ᐊᒻᒪᓗ ᐃᖅᑲᓇᐃᔭᖅᑎᓄᑦ ᐱᓕᕆᐊᖑᔭᕆᐊᓕᖕᓂᒃ ᐃᑲᔪᕈᑎᒃᓴᖃᓗᐊᙱᓐᓂᒃᑯᑦ ᐊᒻᒪ ᐊᐅᓚᔾᔪᑎᒃᓴᑦ ᐃᓗᐊᒎᖓᓂᒃᑯᑦ, ᑕᒪᒃᑯᓂᐊᓗ ᐱᓕᕆᐊᖑᔭᕆᐊᓕᖕᓂ ᑲᒪᒋᔭᖃᐃᓐᓇᕈᓐᓇᕐᓗᑎᑦ.

ᐊᕕᒃᑐᖅᓯᒪᓂᒃᑯᑦ ᑐᑭᒧᐊᖅᑎᑦᑎᔨᐅᓗᑎᒃ, ᐱᖁᑎᓕᕆᓂᕐᒧᑦ - ᕿᑎᕐᒥᐅᓂᒃ, ᑕᐃᒪᓕ ᐱᓕᕆᐊᖃᓕᒪᔭᕆᐊᖃᖅᐳᑎᒃ ᓈᒻᒪᙱᓕᐅᕈᑎᓂᒃ ᑲᒪᒋᔭᖃᕈᓐᓇᕐᓂᕐᒥᒃ, ᐊᒻᒪᓗ ᓇᓕᒧᒌᖕᓂᒃᑯᑦ ᓯᕗᓕᐅᖅᑎᐅᓗᑎᑦ, ᐅᖃᐅᔾᔪᐃᔨᐅᓗᑎᑦ, ᐱᖁᔭᑎᒍᑦ ᖃᓄᐃᓕᐅᕈᑎᒃᓴᓂ ᐊᒻᒪ ᐱᓕᕆᖃᑎᒌᖕᓂᕐᒥᒃ ᐊᐅᓚᑦᑎᓂᒃᑯᑦ ᐊᒻᒪᓗ ᐅᖃᐅᓯᖃᑲᑕᒍᓐᓇᕐᓗᑎᒃ ᐃᓱᒪᒋᔭᐅᓯᒪᔪᓄᑦ ᖃᓄᐃᓕᐅᕈᑎᐅᓇᔭᖅᑐᓂᒃ ᐊᒻᒪᓗ ᖃᓄᐃᓕᐅᕈᑎᒃᓴᓕᕆᓂᖅᒥᒃ. ᑐᖓᓱᒃᑎᑦᑎᕙᖕᓃᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ ᐊᔪᙱᓐᓂᕆᔭᑎᑦ, ᐱᓗᐊᖅᑐᒥᓐ ᑕᐅᑐᒃᑕᐅᕙᖕᓂᒃᑯᑦ, ᐱᒻᒪᕆᐅᓛᖑᓂᐊᖅᑐᑦ ᐱᕈᖅᓴᐃᕙᓪᓕᐊᓂᖅᒥᒃ ᓈᒻᒪᒌᖃᑦᑕᐅᑎᐅᔪᓐᓇᖅᑐᓂᒃ ᐊᒻᒪ ᐊᐅᓚᑦᑎᓂᖅᒧᑦ ᐊᑐᖅᑕᐅᔭᕆᐊᓕᖕᓂᒃ ᐱᓕᕆᕝᕕᖕᒥᑦ ᐊᔾᔨᒌᙱᑦᑐᓂᒃ ᑎᒍᒥᐊᖅᑎᖃᕐᓂᕐᒥᒃ. ᑮᓇᐅᔭᓕᕆᓂᕐᒥᒃ ᖃᐅᔨᒪᔭᕆᐊᖃᕐᒥᔪᑎᒃ ᒪᑯᓄᖓ ᐋᖅᑭᒃᓱᐃᕙᓪᓕᐊᖃᑦᑕᕐᓂᕐᒥᒃ ᐊᐅᓚᔾᔪᑎᒃᓴᓂᒃ ᒪᑯᓄᖓ ᑮᓇᐅᔭᖅᑐᔪᓄᑦ ᐊᒻᒪᓗ ᐊᐅᓚᔾᔪᑎᓄᑦ ᐊᒻᒪ ᓱᕋᒃᓯᒪᔪᓕᕆᓂᕐᒧᑦ ᐱᓕᕆᐊᒃᓴᓄᑦ, ᐊᒻᒪᓗ ᐊᐅᓚᑦᑎᓗᑎᒃ ᐊᒻᒪ ᐅᓂᒃᑳᖅᑎᐅᕙᒡᓗᑎᒃ ᒪᑯᓂᖓ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᑮᓇᐅᔭᖅᑐᔪᓂᒃ ᐱᓕᕆᐊᕆᕙᒃᑕᖏᓐᓄᑦ.

ᐃᒪᓐᓇᐅᓕᒪᓪᓗᑎᓪᓗ, ᐊᔪᙱᓐᓂᕆᔭᐃᑦ ᐱᓕᕆᓕᒪᓂᕆᔭᐃᓪᓗ ᐊᕐᕌᒍᓂ 7ᓂ ᑐᑭᓕᕇᓂᒃ ᐊᑐᓕᕐᓯᒪᓗᒍ ᐱᓕᕆᖃᑦᑕᕐᓯᒪᓂᕐᒧᑦ, ᐊᒻᒪᓗ ᐃᒪᓐᓇᓘᓐᓃᑦ ᖁᓕᓂᒃ (10) ᐊᕐᕌᒍᓂᒃ ᑐᑭᓕᕇᒃᑐᓂᒃ ᐱᓕᕆᐊᒃᓴᓂᒃ ᐊᐅᓚᑦᑎᔨᐅᓕᒪᓗᑎᒃ ᐊᖏᓗᐊᙱᑦᑐᓂᒃ ᐊᖏᔪᓂᒡᓘᓐᓃᑦ ᐃᒡᓗᓕᐅᕐᓂᐅᕙᒃᑐᓂᒃ, ᐃᓚᐅᓂᑰᓯᒪᓗᑎᑦ ᐸᕐᓇᐅᓯᐅᖅᑐᓂᒃ, ᐋᖅᑭᒃᓱᐃᕙᓪᓕᐊᓂᕐᒥᒃ, ᐃᒡᓗᓕᐅᕐᓂᕐᒥᒃ ᐊᒻᒪᓗ ᐊᑐᓕᖅᑎᑕᐅᑎᑦᑎᓂᕐᒥᒃ. ᐱᓕᕆᓕᒪᓂᕆᔭᐃᑦ ᐃᓚᖓᒍᑦ ᐊᕐᕌᒍᓂᒃ ᑕᓪᓕᒪᓂᒃ ᖃᐅᔨᓇᓱᖕᓂᕐᒧᑦ ᐅᕝᕙᓘᓐᓃᑦ ᐱᓕᕆᐊᒃᓴᓄᑦ ᐊᐅᓚᑦᑎᔨᐅᓂᕐᒥᒃ ᑲᒪᒋᔭᖃᕐᓂᕐᒥᒃ ᐊᔾᔨᒌᙱᑦᑐᓂᒃ ᐱᓕᕆᐊᖃᖅᑐᓂᒃ ᐱᓕᕆᔨᐅᖃᑦᑕᖅᑐᓂᒃ.

ᑕᒪᒃᑯᓂᖓᓕ ᐱᓕᕆᓕᒪᓂᕐᓄᑦ ᐊᔪᕈᓐᓃᕈᑎᖃᕐᓂᕐᒧᑦ ᐃᒡᓗᒃᓴᓂᒃ ᑎᑎᕋᐅᔭᒐᖃᑦᑕᕐᓂᕐᒥᒃ, ᐊᐅᓚᔾᔪᑎᒃᓴᖏᓐᓂᒡᓗ ᐅᕝᕙᓘᓐᓃᑦ ᑕᒪᐅᖔᖅᑐᒥ ᐱᓕᕆᐊᒥᒃ ᐃᓕᓴᕆᔭᐅᓯᒪᔪᒥᑦ ᐃᓕᓐᓂᐊᕈᑎᓕᕆᕙᒃᑐᓂᒃ, ᐃᓚᖃᕐᓗᓂ ᐱᓕᕆᐊᓂᒃ ᐊᐅᓚᑦᑎᓂᕐᒧᑦ ᓇᓗᓇᐃᒃᑯᑎᑖᖅᓯᒪᓂᕐᒥᒃ (PMP ᑕᒪᐅᓈᖓᔪᒥᓪᓘᓐᓃᑦ).

ᐅᓇ ᐱᓕᕆᐊᒃᓴᖅ ᐅᕙᓃᑦᑐᖅ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᑦ ᑎᑎᕋᕐᕕᖏᓐᓂᒃ ᐅᕙᓂ ᐃᖃᓗᒃᑑᑦᑎᐊᖅ, ᓄᓇᕗᑦ, ᐊᒻᒪᓗ ᐃᑲᔪᕐᓇᖅᖢᓂ ᐊᓂᒍᐃᑎᑦᑎᑦᑎᐊᕐᓂᕐᒥᒃ ᐱᕈᖅᐸᓪᓕᐊᔪᒥᒃ ᓄᓇᕗᒥᑦ ᐊᒻᒪᓗ ᓄᓇᓖᑦ ᐃᓅᓯᖏᓐᓂᒃ ᐱᐅᓯᕚᓪᓕᖅᑎᑦᑎᓂᒃᑯᑦ, ᑕᐃᒪᐃᓕᐅᕐᓇᖅᖢᓂᓗ ᑮᓇᐅᔭᓕᐅᕈᑎᐅᓗᓂ ᐊᒻᒪ ᐃᑲᔪᕈᑎᒃᓴᖃᑦᑎᐊᖅᖢᓂ. ᐅᓇ ᐃᖅᑲᓇᐃᔮᒃᓴᖅ ᐅᒃᐱᕐᓇᕐᓂᕐᒧᑦ ᐃᖅᑲᓇᐃᔮᖑᖕᒪᑦ ᐊᒻᒪᓗ ᐱᕋᔭᒃᓯᒪᙱᒃᑲᓗᐊᕆᐊᒃᓴᖅ ᖃᐅᔨᓴᖅᑕᐅᓐᓇᖅᖢᓂ.

ᐱᓇᓱᒍᒪᒍᕕᑦ ᐊᐅᓚᑦᑎᓂᕐᒧᑦ ᐃᓂᒃᓴᒧᑦ ᓄᓇᕗᒥᑦ ᒐᕙᒪᒃᑯᓐᓂᒃ, ᐃᖅᑲᓇᐃᔮᖅᑖᕋᓲᑎᓯ ᐅᕗᖓ ᓇᒡᓯᐅᑎᓗᒋ Phelps ᐅᕙᓂ careers@phelpsgroup.ca,  ᓇᓗᓇᐃᕐᓗᒍ ᐃᖅᑲᓇᐃᔮᒃᓴᒧᑦ ᐊᑎᕆᔭᐅᔪᖅ ᑎᑎᕋᖅᕕᒃᑯᑦ ᓇᓗᓇᐃᕐᓯᒍᑎᖓᒍᑦ.  ᐃᖅᑲᓇᐃᔮᖅᑖᕋᓱᖕᓂᕐᒧᑦ ᒪᑐᕝᕕᖓ: ᐅᒃᑑᐱᕆ 22, 2021

401 Bay Street, Suite 1400, Toronto, ON M5H 2Y4
ᐅᖄᓚᐅᑎᖓ: 416 364 6229

careers@phelpsgroup.ca

ᓄᓇᕗᒥᑦ ᒐᕙᒪᒃᑯᑦ ᐱᓇᓱᐊᒐᖃᕐᒪᑕ ᐃᖅᑲᓇᐃᔭᖅᑎᓂᒃ ᑐᑭᓯᓯᒪᓂᕐᓴᐅᔪᓂᒃ ᐊᒻᒪᓗ ᐃᔨᑦᑎᕋᕈᓐᓇᖅᑐᓂᒃ ᓄᓇᕗᒥᐅᓂᒃ. ᓯᕗᓪᓕᐅᑎᑕᐅᓂᐊᕐᑐᑦ ᓄᓇᕗᒥᑦ ᐃᓄᐃᑦ. ᐃᖅᑲᓇᐃᔮᖅᑖᕋᓱᒃᑐᑦ ᓇᓗᓇᐃᑦᑎᐊᕆᐊᖃᖅᑐᑦ ᐊᔪᙱᔾᔪᑎᖏᓐᓂᒃ ᐃᓱᒪᒋᔭᐅᔪᓐᓇᕐᓂᐊᕐᒪᑕ ᐅᕘᓇ ᓄᓇᕗᒥᑦ ᓯᕗᓪᓕᐅᑎᑦᑎᓂᒃᑯᑦ ᐃᖅᑲᓇᐃᔭᖅᑎᑦᑎᓂᕐᒥᒃ. ᑕᒪᒃᑯᐊ ᐱᓇᓱᒍᑎᐅᔪᑦ ᓇᒡᓯᐅᔾᔭᐅᓂᖏᑦ ᖁᕕᐊᒋᔭᐅᒐᓗᐊᖅᖢᑎᒃ ᐊᒻᒪᓗ ᑲᒪᒋᔭᐅᓪᓗᑎᒃ ᑖᒃᑯᑎᒎᓇᑐᐊᖅ, ᐊᐱᖅᓱᖅᑕᐅᒃᑲᓐᓂᕈᒪᔪᑦ ᑭᓯᐊᓂ ᖃᐅᔨᑎᑕᐅᓂᐊᕐᒪᑕ.

Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ