ᐅᖃᓚᐅᑎᓯᐅᑏᑦ

You are here

ᐊᕕᒃᑐᖅᓯᒪᔪᓂᑦ ᐊᐅᓚᑦᑎᔨ ᐃᓱᒪᓕᕆᓂᕐᒧᑦ

ᓄᓇᓕᒃ: 
ᑲᙱᖅᖠᓂᖅᒥ
ᓇᓗᓇᐃᒃᑯᑕᖓ: 
10-505414
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$107,718.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$18,517.00
ᒪᑐᕝᕕᒃᓴᖓ: 
ᕕᕝᕗᐊᓕ 28, 2020

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᖅ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ ᑐᕌᖓᔪᖅ.

ᐅᖃᕐᕕᖃᖅᐸᒡᓗᓂ ᑐᑭᒧᐊᖅᑎᑦᑎᔨᒋᔭᐅᔪᒧᑦ ᑭᕙᓪᓕᕐᒥ, ᑖᓐᓇ ᐃᓂᒋᔭᐅᔪᒃᓴᖅ ᐱᑎᑦᑎᕙᒃᐳᖅ ᐱᓕᕆᕝᕕᒋᔭᐅᔪᒥ ᓯᕗᓕᖅᑎᐅᓂᕐᒥᒃ ᐃᖢᐊᖅᓴᐃᓂᕐᒥᓗ ᑲᒪᒋᔭᖃᖅᐸᖕᓂᕐᒥᒃ ᐃᓱᒪᒃᑯᑦ ᖃᓄᐃᙱᑦᑐᓐᓇᕐᓂᕐᒧᑦ ᐱᓕᕆᔨᓄᑦ ᓄᓇᓂ ᐊᕕᒃᑐᖅᓯᒪᔪᓂ ᐃᖅᑲᓇᐃᔮᑉ ᐃᓂᒋᔭᖓᓂ. ᑖᓐᓇ ᐃᓂᒋᔭᐅᔪᖅ ᐃᑲᔪᕐᕕᐅᕙᒃᐳᖅ ᓴᙱᓂᖅᓴᒧᑦ ᐱᓕᕆᖃᑎᖃᕈᓐᓇᕐᓂᕐᒥᒃ ᑕᒪᒃᑯᓄᖓ ᐃᓱᒪᒃᑯᑦ ᖃᓄᐃᙱᑦᑐᓐᓇᕐᓂᕐᒧᑦ ᐱᓕᕆᖃᑎᒌᒃᐸᒃᑐᓄᑦ, ᖃᐅᔨᒪᓂᕐᒥᓄᑦ ᑖᒃᑯᐊ ᐃᓚᒋᔭᐅᓂᖏᓐᓂᒃ ᐊᖏᓂᖅᓴᒧᑦ ᓄᓇᓕᖕᓄᑦ ᐃᓱᒪᒋᔭᐅᔪᒧᑦ ᓴᙱᔪᒥ ᑐᓴᐅᒪᑎᑦᑎᕙᖕᓂᕐᒧᑦ ᐊᑕᓂᖃᐅᕐᓗᑎᒃ. ᑕᕝᕙᓂ ᐃᓂᐅᔪᒥ ᐊᒃᑐᐃᓂᖃᖃᑦᑕᕐᓂᐊᖅᑐᖅ ᑭᒃᑯᑐᐃᓇᓂᒃ ᐊᑦᑕᕐᓇᖅᑐᒦᑎᑦᑎᑦᑕᐃᓕᒪᓂᕐᒥᒃ ᐊᐅᓚᑦᑎᓂᒃᑯᑦ ᐃᓱᒪᒃᑯᑦ ᖃᓄᐃᖏᑦᑎᐊᕐᓂᕐᒧᑦ ᐃᑲᔪᖅᑐᐃᓂᒃᑯᑦ ᐊᒻᒪ ᐅᖃᐅᔾᔪᖅᓱᐃᒋᐊᕐᓂᒃᑯᑦ ᐊᒃᓱᕈᕐᓇᖅᑐᓄᑦ.  ᑕᕝᕙᓂᑦᑕᐅᖅ ᐃᓂᐅᔪᒥᑦ ᐅᔾᔨᕐᓇᖅᓯᑎᑦᑎᕚᓪᓕᖃᑦᑕᕐᓂᐊᖅᑐᖅ ᑭᒃᑯᑐᐃᓇᕐᓂ ᐅᔾᔨᖅᓴᑦᑎᐊᕐᓂᕐᒥᒃ ᐃᓱᒪᒃᑯᑦ ᖃᓄᐃᖏᑦᑎᐊᕐᓂᒃᑯᑦ ᐱᔾᔪᑕᐅᔪᓄᑦ.  ᐊᔾᔨᒌᙱᑦᑐᑦ ᐱᓕᕆᕝᕖᑦ ᑎᒥᐅᔪᓪᓗ ᐊᒃᑐᐃᓂᖃᖅᑐᑦ ᑕᕝᕙᓂ ᐃᓂᐅᔪᒥ, ᒪᓕᒐᓕᕆᔨᒃᑯᑦ ᐃᓕᓐᓂᐊᕐᓂᓕᕆᔨᒃᑯᓪᓗ, ᐸᓖᓯᒃᑯᑦ, ᐋᓐᓂᐊᖅᑐᓕᕆᓂᕐᒧᑦ ᐱᔨᑦᑎᕋᖅᑎᑦᑎᔩᑦ ᐊᒻᒪ ᐊᔾᔨᒌᙱᑦᑐᑦ ᓄᓇᓕᖕᓂ ᐱᔾᔪᑎᒃᓴᓂ.

ᐊᐅᓚᑦᑎᔨ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᐸᕐᓇᐃᖃᑦᑕᕐᓂᐊᖅᑐᖅ ᐊᑐᓕᖅᑎᑦᑎᔨᐅᓗᓂᓗ ᓄᓇᓕᖕᓂ ᐃᓱᒪᒃᑯᑦ ᖃᓄᐃᖏᑦᑎᐊᕐᓂᕐᒧᑦ ᐱᓕᕆᐊᒃᓴᓂ ᐅᖃᖃᑎᒌᖕᓂᒃᑯᑦ ᑎᒥᖁᑎᒋᔭᐅᔪᓂ, ᓄᓇᓕᖕᓂ ᐱᓕᕆᖃᑎᒌᓂᒃ ᒐᕙᒪᒃᑯᓐᓂᓗ ᐱᓕᕆᔨᒻᒪᕆᖕᓂᒃ ᐱᔾᔪᑎᖃᕐᓗᑎᒃ ᐃᓱᒫᓗᑕᐅᔪᓂᒃ ᓇᓗᓇᐃᖅᓯᓂᕐᒧᑦ ᑐᕌᒐᐅᔪᓂ ᓯᕗᓪᓕᖅᐸᐅᑎᔭᕆᐊᓖᓪᓗ ᐸᕐᓇᐅᑕᐅᔭᕆᐊᓖᓪᓗ ᐱᐅᓯᖁᓪᓗᒋᑦ ᓄᓇᓕᖕᓂ ᐃᓱᒫᓘᑕᐅᕙᒃᑐᑦ. ᐊᐅᓚᑦᑎᖃᑦᑕᕐᓂᐊᕐᒥᔪᑎᑦ ᐅᖃᖃᑎᒌᖕᓂᕐᒥᒃ ᓄᓇᓕᖕᓂ ᐃᓱᒪᓕᕆᓂᕐᒥᒃ, ᐅᐃᕆᓯᒪᔭᖃᕐᓂᕐᒥᒃ ᐃᓄᓕᕆᓂᕐᒧᓪᓗ ᐱᓕᕆᐊᒃᓴᓂ ᐃᑲᔪᖃᑦᑕᕐᓗᑎᑦ ᐅᔾᔨᕐᓇᖅᓯᑎᑦᑎᕚᓪᓕᕐᓂᕐᒥᒃ ᓄᓇᓕᖕᓂ ᐃᓕᓐᓂᐊᕈᑕᐅᔪᓐᓇᖅᑐᓂ ᐅᔾᔨᕈᓱᑦᑎᐊᕐᓂᕐᒥᒡᓗ. ᐊᓯᖏᑦ ᑲᒪᒋᔭᒃᓴᐅᔪᑦ ᒪᓕᑦᑎᐊᕋᓗᐊᕐᒪᖔᑦ ᐃᑲᔪᖅᑐᐃᓂᕐᒧᑦ ᐱᔨᑦᑎᕋᐅᑕᐅᕙᒃᑐᑦ ᐃᓛᒃᑰᖅᑐᓄᑦ, ᖃᑕᙳᑎᒌᓄᑦ ᓄᓇᓕᖕᓄᓪᓗ ᐊᑐᓕᖅᑎᑕᐅᓂᖏᓐᓂᒃ ᐱᓕᕆᕝᕕᖃᖔᓕᕐᓂᕐᒧᑦ ᐸᕐᓇᐅᑎᓂᒃ ᐃᑲᔪᖅᑕᐅᔭᕆᐊᓕᐅᑉ ᐱᓕᕆᖃᑕᐅᓂᐊᕐᓂᓕᒫᖏᓐᓂᒃ.

ᐊᔪᙱᑕᐅᔭᕆᐊᓖᑦ ᑖᔅᓱᒧᖓ ᐃᖅᑲᓇᐃᔮᒧᑦ ᐅᑯᐊᖑᕗᑦ;  ᑐᙵᕕᖏᓐᓂᑦ ᐱᓕᕆᔾᔪᓯᕐᓂᓪᓗ ᑐᕌᒐᖃᕐᓂᕐᒥᑦ ᐃᓅᓯᓕᕆᓂᕐᒥᑦ, ᐃᓕᑕᖏᓐᓂᒃ ᐃᓕᓐᓂᐊᕐᕕᖕᒥᑦ ᓴᖅᑭᑉᐸᓪᓕᐊᔪᓂ ᐃᓱᒪᓕᕆᓂᕐᒥᑦ ᐅᐃᕆᓯᒪᓕᕆᓂᕐᒥᓪᓗ. ᖃᐅᔨᒪᓂᖃᕐᓃᑦ ᓈᒻᒪᓛᒃᑯᑦ ᐱᓕᕆᔾᔪᓯᕐᓂᒃ ᐃᓱᒪᓕᕆᓂᕐᒧᑦ ᐊᔪᓕᕈᑎᖃᖅᓯᒪᔪᓕᕆᓂᕐᒧᓪᓗ ᑲᒪᒋᔭᐅᔭᕆᐊᓕᖕᓄᑦ, ᑭᒡᒐᖅᑐᐃᔪᓐᓇᕐᓂᖃᕆᐊᖃᕐᓂᖅ ᐃᑲᔪᖅᑕᐅᔭᕆᐊᓕᖕᓂᒃ ᐱᓕᕆᕝᕕᖕᒥᐅᓂᒡᓗ ᐊᒻᒪ ᐃᓱᒪᒃᓴᖅᓯᐅᑦᑎᐊᕈᓐᓇᕐᓃᑦ ᐊᒻᒪ ᐃᖅᑲᓇᐃᔭᖃᑎᒌᖕᓂ ᓯᕗᓕᖅᑎᐅᔪᓐᓇᕐᓂᖃᕐᓗᓂ ᐱᓕᕆᖃᑎᒌᓕᖅᑎᑦᑎᔪᓐᓇᕐᓂᕐᒥᒃ ᐊᔾᔨᒌᙱᕈᓘᔭᖅᑐᓂ ᐱᓕᕆᔨᒻᒪᕆᖕᓂᒃ.

ᑖᓐᓇ ᐱᔪᒥᓇᓛᖑᓇᔭᖅᑐᖅ ᐃᓕᓐᓂᐊᕇᖅᓯᒪᙱᑦᑐᓄᑦ ᐃᓕᓐᓂᐊᕌᓂᒍᓯᐊᖃᓪᓗᐊᖅᑐᖅ ᐃᓅᓯᓕᕆᔨᐅᓂᕐᒥᒃ, ᐃᓅᓯᓕᕆᓂᕐᒥ, ᐅᕝᕙᓘᓐᓃᑦ, ᐊᔾᔨᑲᓴᖓᓂ ᐱᓕᕆᕝᕕᖕᓂ ᐃᓚᖃᕐᓗᓂ ᐊᕐᕌᒍᓂᒃ ᑕᓪᓕᒪᓂᒃ (5) ᐱᒻᒪᕆᐅᓂᕐᒥᒃ ᐱᓕᕆᖃᑦᑕᖅᓯᒪᓂᑰᓗᓂ ᐋᓐᓂᐊᕕᖕᒥ ᐃᓅᓯᓕᕆᓂᕐᒥᒃ. ᑖᓐᓇ ᓂᕈᐊᖅᑕᐅᔪᖅ ᐊᕐᕌᒍᓂ ᒪᕐᕉᖕᓂ ᑲᒪᔨᐅᓂᑰᓯᒪᔭᕆᐊᖃᕋᔭᖅᑐᖅ. 

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ, ᐃᓄᒃᑎᑐᑦ ᐃᓄᐃᓐᓇᖅᑐᓐ, ᖃᓪᓗᓈᑐᑦ ᐊᒻᒪ ᐅᐃᕖᑐᑦ.

ᑐᓴᐅᒪᑎᑦᑎᔪᓐᓇᖅᐸᑦ ᓄᓇᕗᒻᒥ ᐅᖃᐅᓯᖅᑕᕆᔭᐅᔪᓂᒃ ᐊᑕᐅᓯᐅᙱᑦᑐᒥᒃ ᐃᑲᔫᑎᖃᑦᑎᐊᕋᔭᖅᐳᖅ. ᓯᓚᑦᑐᓴᕐᕕᔾᔪᐊᕐᒥᑦ ᐱᔭᕇᕈᓯᐊᖃᕆᐊᓕᒃ ᖁᑦᑎᓂᖅᐹᖓᓐᓂᒃ ᐃᓅᓯᓕᕆᔨᐅᓂᕐᒥᒃ, ᐃᓅᓯᓕᕆᓂᕐᒥ, ᐅᕝᕙᓘᓐᓃᑦ, ᐊᔾᔨᑲᓴᖓᓂ ᐱᓕᕆᕝᕕᖕᓂ ᐃᓱᒪᒋᔭᐅᓇᔭᖅᑐᑦ ᐃᑲᔫᑎᖃᕐᓂᕐᒥᒃ.

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᕐᓂᖓ ᐃᓱᒪᒋᔭᐅᓇᔭᕐᒥᔪᑦ.

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ