ᐅᖃᓚᐅᑎᓯᐅᑏᑦ

You are here

ᐊᕕᒃᑐᖅᓯᒪᔪᓂᑦ ᐊᖓᔪᖄᖅ ᓄᓇᓕᖕᓂ ᐅᔾᔨᖅᓱᖅᑎᓄᑦ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
05-506310
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᑖᓐᓇ ᐃᖅᑲᓇᐃᔮᔅᓴᖅ ᑭᓯᐊᓂ ᒪᑐᐃᖓᔪᖅ ᓄᓇᕗᑦ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᖅᑎᑐᐊᓄᑦ.
ᑮᓇᐅᔾᔭᒃᓴᓇᔭᖅᑐᖅ: 
$95,882
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 23, 2020 - 11:59pm

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᖅ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᒪᓕᑦᑐᒋᑦ HRM ᒪᓕᒐᐃᑦ 518, ᑖᓐᓇ ᐃᖅᑲᓇᐃᔮᔅᓴᖅ ᑭᓯᐊᓂ ᒪᑐᐃᖓᔪᖅ ᓄᓇᕗᑦ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᖅᑎᑐᐊᓄᑦ.

ᒪᓕᒐᓕᕆᔨᒃᑯᑦ − ᓄᓇᓕᖕᓂ ᑎᒍᔭᐅᓯᒪᔪᓕᕆᔨᑦ ᐱᓕᕆᔨᓪᓗᐊᑕᐅᕗᑦ ᐱᕋᔭᒃᐸᒃᑐᓂᒃ ᒪᓕᒐᓕᕆᔾᔪᑎᓂᒃ ᓴᐳᑎᓯᒪᓪᓗᒋᑦ ᓄᓇᓕᖕᓂ ᐱᕋᔭᒃᑎᑦᑎᑕᐃᓕᒪᓂᕐᒧᑦ ᐊᐅᓚᑦᑎᔨᒋᔭᐅᓪᓗᓂ. ᓄᓇᓕᖕᓂ ᐅᔾᔨᖅᓱᖅᑎᓄᑦ ᐊᐅᓚᑦᑎᔨᐅᕗᑦ ᓄᓇᓕᖕᓂᓕᒫᖅ ᑎᒍᔭᐅᓯᒪᔪᓂᑦ ᐃᑲᔪᖅᓱᐃᕙᒃᖢᑎᒡᓗ ᐱᕋᔭᒃᓯᒪᔪᓂᑦ ᐱᐅᓂᖅᓴᑯᑦ ᐱᐅᓯᖃᖁᓪᓗᒋᑦ ᐊᒻᒪᓗ ᐱᖅᑯᓯᖃᕐᓗᑎᒃ. ᓄᓇᓕᖕᓂ ᐅᔾᔨᖅᓱᖅᑎᑦ ᐊᐅᓚᑦᑎᔨᖓᓄᓪᓚᑦᑖᖅ ᐅᓂᒃᑳᖅᐸᒡᓗᓂ ᐃᖃᓗᖕᓂ ᐊᕕᒃᑐᖅᓯᒪᔪᓂ ᐊᖓᔪᖅᑳᖅ ᓄᓇᓕᖕᓂ ᐅᔾᔨᖅᓱᖅᑎᓄᑦ ᐃᓚᒋᔭᐅᕗᖅ ᓯᕗᓕᖅᑎᐅᖃᑎᒌᓄᑦ ᐱᓕᕆᐊᒃᓴᖃᖅᖢᓂᓗ ᐊᖓᔪᖅᑳᑦᑎᐊᕙᐅᓂᖕᒥᒃ, ᐃᖅᑲᓇᐃᔭᖅᑎᒃᓴᖅᓯᐅᕐᓂᕐᒥᒃ, ᐱᓕᕆᐊᖑᓂᐊᖅᑐᓂᒃ, ᐊᔪᕈᓐᓃᖅᓴᖅᑎᑦᑎᕙᒡᓗᓂ ᐊᒻᒪ ᐃᖅᑲᓇᐃᔭᖅᑎᓂᒃ ᐱᕙᓪᓕᐊᑎᑦᑎᕙᒡᓗᓂ ᐊᑐᖅᑕᐅᔭᕆᐊᓖᑦ ᑲᔪᓯᑎᑕᐅᑦᑎᐊᖁᓪᓗᒋᑦ ᐊᕕᒃᑐᖅᓯᒪᔪᓂᑦ, ᖃᐅᔨᓴᖅᐸᓪᓕᐊᓗᓂᓗ ᑲᒪᔨᐅᓗᓂᓗ ᐃᖅᑲᓇᐃᔭᖅᑎᖏᓐᓂᒃ ᐊᒃᑐᐊᓂᓕᖕᓂᓪᓗ ᐊᑭᓕᐅᑎᓂᒃ ᑮᓇᐅᔭᖅᑑᑎᒃᓴᖏᓐᓄᑦ ᓂᕆᐅᒋᔭᐅᔪᑦ ᑎᑭᑕᐅᑦᑎᐊᖁᓪᓗᒋᑦ.     

ᐃᖅᑲᓇᐃᔭᖅᑎᙳᖅᑐᖅ ᓯᕗᓕᖅᑎᐅᖃᑦᑕᕐᓂᐊᖅᐳᖅ ᖃᐅᑕᒫ ᐊᐅᓚᓂᕆᔭᖏᓐᓂᒃ ᐊᒻᒪ ᐱᓕᕆᕙᓪᓕᐊᕙᒡᓗᓂ ᑕᒪᐃᓐᓂᒃ ᐊᐅᓚᔾᔪᑎᑦ ᑮᓇᐅᔭᖅᑑᑎᖏᑕ ᐊᑭᓕᐅᑎᖏᓐᓂᒃ; ᑎᑎᕋᖅᑕᐅᔪᑦ ᑐᖅᑯᖅᐸᒡᓗᒋᑦ ᐋᖅᑭᒃᓯᒪᑎᑦᑎᐊᕐᓗᒋᓪᓗ ᑮᓇᐅᔭ ᐊᐅᓚᑦᑎᔾᔪᑎᑦ ᐊᑐᐊᒐᖓᓂ ᐊᑐᕆᐊᖃᖅᑎᑕᐅᔪᒥᑦ; ᑮᓇᐅᔭᓕᕆᔾᔪᑕᐅᔪᓕᒫᑦ ᑎᑎᕋᖅᑕᐅᑦᑎᐊᖅᐸᒡᓗᑎᒃ ᐃᖅᑲᓇᐃᔭᖅᑎᓄᑦ; ᑮᓇᐅᔭᑦ ᐊᑐᖅᑐᒃᓴᑦ ᕿᒥᕐᕈᕙᒡᓗᒋᑦ ᐊᕐᕌᒍ ᑎᓴᒪᐃᖅᐸᒡᓗᒍ ᓄᓇᓕᖕᓂ ᐅᔾᔨᖅᓱᖅᑎᑦ ᐊᐅᓚᑦᑎᔨᖓ ᐱᓕᕆᖃᑎᒋᓗᒍ. ᐊᐅᓚᑦᑎᖃᑦᑕᕐᓂᐊᕆᕗᑎᑦ ᐃᖅᑲᓇᐃᔭᖅᑎᒃᓴᖅᓯᐅᖅᑐᓂᑦ, ᐊᔪᕈᓐᓃᖅᓴᖅᑎᑕᐅᔪᓂᑦ ᐊᒻᒪ ᐱᕙᓪᓕᐊᑎᑕᐅᔪᓂᑦ ᐱᓕᕆᐊᒃᓴᖅᑖᖅᑎᑦᑎᕙᒡᓗᑎᓪᓗ ᐱᔭᕆᐊᖃᕌᖓᑦ ᓴᖅᑭᔮᖅᑎᑦᑎᓗᑎᓪᓗ ᐃᖅᑲᓇᐃᔭᑎᓂᓪᓗ ᐱᓕᕆᖃᑎᒌᑦᑎᐊᕐᓗᓂ ᐊᕕᒃᑐᖅᓯᒪᔪᓂ.  ᐃᓕᓐᓂᐊᖅᑎᑦᑎᕙᒡᓗᓂ ᐊᐅᓚᑦᑎᔨᐅᓗᓂᓗ ᐃᖅᑲᓇᐃᔭᖅᑎᐅᒃᑲᓐᓂᖅᑐᓂᒃ, ᐊᖓᔪᖅᑳᖅ ᐊᓯᖏᓐᓂᒃ ᓄᓇᓕᖕᓂ ᐱᓕᕆᔨᓪᓚᕆᖕᓂᒃ ᐱᓕᕆᖃᑎᖃᖃᑦᑕᕐᓂᐊᕆᕗᖅ ᒪᓕᒐᓕᕆᔨᒃᑯᓐᓃᑦᑐᓂᑦ ᓲᕐᓗ ᐸᓖᓯᒃᑯᓐᓂ, ᓄᓇᓕᖕᓂ ᐃᖅᑲᖅᑐᐃᕕᓕᕆᔨᒃᑯᑦ ᑲᑎᒪᔨᕋᓛᖏᓐᓂᒃ ᐊᒻᒪ ᖃᐅᔨᒪᔨᑕᕐᓂᒃ ᐱᐅᓯᕚᓪᓕᖁᓪᓗᒋᑦ ᐱᔨᑦᑎᕋᐅᑎᖏᑦ.  

ᖃᐅᔨᒪᔭᕆᐊᓕᖏᑦ, ᐊᔪᙱᑦᑕᕆᐊᓕᖏᑦ ᐱᓕᕆᔪᓐᓇᕆᐊᓕᖏᓪᓗ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐱᔭᐅᓯᒪᓕᕋᔪᒃᐳᑦ ᐃᓕᓴᕆᔭᐅᓯᒪᔪᒥᑦ ᐱᔭᕇᕈᓯᐊᖃᕐᓗᓂ ᐃᓅᖃᑎᒌᓂᑦ ᖃᐅᔨᓴᕐᓂᕐᒧᑦ ᐅᕝᕙᓘᓐᓃᑦ ᐊᒃᑐᐊᓂᓕᖕᒥᒃ ᐱᔨᑦᑎᕋᕐᕕᖕᒥ, ᐅᑭᐅᓂᓪᓗ ᑎᓴᒪᓂᒃ ᑕᐃᒪᐃᑦᑐᒥᒃ ᐱᓕᕆᖃᑦᑕᖅᓯᒪᓗᓂ ᓄᓇᓕᖕᓂ ᐅᔾᔨᖅᓱᖅᑎᓂᑦ ᐱᔨᑦᑎᕋᕐᕕᖕᒥᓘᓐᓃᑦ ᓄᓇᓕᖕᓂ ᐃᑲᔪᖅᑕᐅᔭᕆᐊᓕᖕᓂᒃ ᑲᒪᔨᐅᖃᑦᑕᖅᓯᒪᓗᓂ. ᐊᕐᕌᒍᒥ ᐊᑕᐅᓯᕐᒥᒃ ᐊᖓᔪᖅᑳᕆᔭᐅᖃᑦᑕᖅᓯᒪᓗᓂ ᐅᕝᕙᓘᓐᓃᑦ ᐱᓕᕆᖃᑎᒌᓂᑦ ᓯᕗᓕᖅᑎᐅᖃᑦᑕᖅᓯᒪᔭᕆᐊᓕᒃ.  ᐃᖅᑲᓇᐃᔭᖃᑦᑕᕐᓂᑰᒍᓂ ᐅᑭᐅᖅᑕᖅᑐᒥ ᓄᓇᓕᖏᓐᓂ ᐊᑲᐅᓇᔭᖅᐳᖅ.

ᐊᔪᙱᑦᑕᕆᐊᓖᑦ ᐱᔭᐅᓯᒪᔭᕆᐊᖃᓕᕋᔭᖅᐳᑦ ᐃᖅᑲᓇᐃᔭᓕᓵᕐᓂᑰᑎᓪᓗᒍ:

  • ᓄᓇᕗᒻᒥ ᒪᒥᓴᖃᑎᒌᖕᓂᖅ ᐃᓕᓐᓂᐊᖃᑎᒌᖕᓂᕐᓗ (NUHALT)
  • ᐋᓐᓂᖅᑐᓕᕆᓂᕐᒥᒃ ᐊᒻᒪ ᐊᓂᖅᓵᖅᑎᑦᑎᓇᓱᖕᓂᕐᒥᒃ ᐃᓕᓴᕆᔭᐅᔾᔪᑎᖃᕐᓗᓂ.
  • ᐃᓱᒪᓕᕆᓂᕐᒧᑦ ᐃᓅᓕᓴᐃᔪᓐᓇᕐᓗᓂ (MHFA)
  • ᐱᕋᔭᒃᓯᒪᔪᓂᑦ ᐊᐅᓚᑦᑎᔾᔪᑎᒥᒃ ᖃᐅᔨᒪᓗᓂ (COMS)
  • ᐊᑦᑕᕐᓇᖅᑐᓂᒃ ᐱᔭᐅᔭᕆᐊᓕᖕᓂᓪᓗ ᖃᐅᔨᓴᕈᑎᓂᒃ (ᐊᑦᑕᕐᓇᖅᑐᒦᑦᑑᑉ ᐱᔭᕆᐊᓕᖏᓐᓂᒃ ᖃᐅᔨᓴᕈᑎᓂᒃ (CRNA); ᒪᒃᑯᒃᑐᑦ ᐊᑦᑕᕐᓇᖅᑐᒦᑦᑐᑦ ᐱᔭᕆᐊᓕᖏᓐᓂᒃ ᖃᐅᔨᓴᕈᑎᓂᒃ (YRNA); ᑎᒍᔭᐅᓯᒪᔪᑦ ᐊᐅᓚᑦᑎᔾᔪᑎᖓᓄᑦ ᐸᕐᓇᐅᑦ (CMP); ᐊᒻᒪ ᓄᓇᓕᖕᓂ ᐊᓂᔪᓐᓇᖅᓯᔪᓄᑦ ᐸᕐᓇᐅᑦ (CAP).

ᓄᓇᕗᒻᒥ ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᐅᑯᐊᖑᕗᑦ ᐃᓄᒃᑎᑐᑦ, (ᐃᓄᐃᓐᓇᖅᑐᓐ), ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ.

ᐊᑕᐅᓯᐅᙱᑦᑐᒥᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᒥᑦ ᐅᖃᐅᓯᕐᒥᒃ ᐅᖃᓪᓚᒍᓐᓇᑦᑎᐊᕈᓂ ᐃᑲᔫᑕᐅᓇᔭᖅᐳᖅ. ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓂ, ᓄᓇᓕᖕᓂ, ᐱᖅᑯᓯᖏᓐᓂ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐃᑲᔫᑕᐅᓇᔭᖅᐳᖅ.

ᐊᔾᔨᖏᓪᓗ ᐊᒻᒪᓗ ᑲᑎᓪᓗᒋᑦ ᐃᓕᓐᓂᐊᖅᓯᒪᓂᖓ, ᐱᓕᕆᔪᓐᓇᕐᓂᖓᓗ ᐃᓱᒪᒋᔭᐅᑐᐃᓐᓇᕆᐊᓕᑦ.

ᐃᖅᑲᓇᐃᔭᕈᓐᓇᖅᑐᑦ ᐊᑎᓕᐅᖅᑕᐅᑐᐃᓐᓇᕆᐊᖃᖅᐳᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᖅ ᐃᓐᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᔪᒃᓴᒥᒃ.

ᑖᒃᓱᒥᖓ ᐃᖅᑲᓇᐃᔮᖅᑖᕋᓱᒍᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᔪᓐᓇᖅᑕᑦ ᑎᑎᖅᑲᓕᐊᑦ ᐃᖅᑲᓇᐃᔭᖅᑖᕋᓲᑎᓗ ᐅᕗᖓ GNHR@gov.nu.ca. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓐᓄᑦ ᐃᕐᖐᓐᓈᖅᑕᐅᒃᑯᑦ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᖁᓪᓗᒋᑦ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖅᑳᖁᓪᓗᒋᑦ ᓄᓇᕗᒻᒥ ᐃᖅᑲᓇᐃᔭᖅᑎᑖᕋᓱᖕᓂᕐᒧᑦ ᐊᑐᐊᒐᖅ ᒪᓕᓪᓗᒍ.
  • ᐃᖅᑲᓇᐃᔮᖅᑖᖅᑐᑦ ᐃᓚᖏᓐᓂ ᖃᐅᔨᓴᖅᑕᐅᔭᕆᐊᖃᓲᖑᖕᒪᑕ ᐱᕋᔭᓚᐅᖅᓯᒪᔪᕕᓂᐅᓂᕐᒧᑦ ᑎᑎᖅᑲᖁᑎᖏᓐᓂᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᕈᑕᐅᙱᑐᐃᓐᓇᕆᐊᖃᖅᑐᖅ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᒃᑲᓐᓂᕐᓗᑎᒡᓗ.
  • ᐃᖅᑲᓇᐃᔮᒥᑦ ᐆᒃᑐᕈᒪᔪᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᑦᑕ ᐱᔪᒥᓴᐅᑎᖓᓂᑦ ᑐᓂᓯᔭᕆᐊᓕᒃ ᐅᖃᐅᓯᖅ ᓇᓕᐊᑐᐃᓐᓇᖅ ᐊᑐᕐᓗᒍ ᐃᓕᓴᕆᔭᐅᓯᒪᔪᓂᑦ.
  • ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓕᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.
  • ᐃᖅᑲᓇᐃᔮᒧᑦ ᐅᓂᒃᑳᖅᓯᒪᔪᑦ ᐱᔭᒃᓴᐅᔪᑦ ᓱᒃᑲᔪᒃᑯᑦ, ᖃᕆᑕᐅᔭᒃᑯᑦ ᐃᕐᖐᓐᓈᐅᑎᒃᑯᑦ ᐃᑭᐊᖅᑭᕕᒃᑯᓪᓘᓐᓃᑦ.
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ.
Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ