ᐅᖃᓚᐅᑎᓯᐅᑏᑦ

You are here

ᐊᕕᒃᑐᖅᓯᒪᔪᓂ ᐊᐅᓚᑦᑎᔨ, ᒥᕐᙳᐃᓯᕐᕕᒻᒥ ᐸᕐᓇᐃᔨ ᐊᒻᒪᓗ ᐊᐅᓚᑦᑎᔨ

ᓄᓇᓕᒃ: 
ᑲᖏᖅᑐᒐᐱᒥ
ᓇᓗᓇᐃᒃᑯᑕᖓ: 
13-506821
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᐱᑕᖃᙱᑉᐸᑦ ᓄᓇᕗᒥᙶᖅᑐᒥ ᐃᓄᖕᒥᒃ ᐃᖅᑲᓇᐃᔭᖅᑎᒃᓴᒥᒃ, ᑖᓐᓇ ᐃᖅᑲᓇᐃᔮᖅ ᐃᖅᑲᓇᐃᔮᕆᔭᐅᓂᐊᖅᑐᖅ ᐊᕐᕌᒍᓄᑦ ᐱᖓᓱᓄᑦ ᐃᓱᖃᕐᓗᓂ.
ᑮᓇᐅᔾᔭᒃᓴᓇᔭᖅᑐᖅ: 
$95,882.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$22,978.00

ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ ᑐᕌᖓᔪᖅ.

ᐅᓂᒃᑳᖅᐸᒃᓗᓂ ᐊᐅᓚᑦᓯᔨᒧᑦ ᒥᕐᙳᐃᓯᕐᕕᓕᕆᔨᑦ ᐸᕐᓇᐃᔨᖏᓐᓄᑦ ᐋᖅᑭᒃᓱᐃᔨᖏᓐᓄᓪᓗ, ᐱᓕᕆᖃᑎᖃᖅᐸᒡᓗᓂ ᒥᕐᙳᐃᖅᓯᕐᕕᓕᕆᔩᑦ ᓄᓇᐃᓪᓗ ᓴᐳᔾᔭᐅᓯᒪᔪᑦ ᐱᓕᕆᕝᕕᖓᓂ, ᐊᐅᓚᑦᑎᔩᑦ ᐱᓕᕆᔨᓪᓗᐊᑕᐅᕗᑦ ᐊᕕᑦᑐᖅᓯᒪᔪᓂ ᑖᒃᑯᐊ ᓴᐳᑎᔭᐅᖁᓪᓗᒋᑦ ᓄᓇᖏ ᐊᒻᒪᓗ ᐃᑦᑕᕐᓂᓴᕐᓄᑦ ᓄᓇᖃᕐᕕᐅᔪᑦ ᐊᒻᒪᓗ ᐱᙳᐊᖅᑐᓕᕆᓂᕐᒧᑦ ᐊᑐᐃᓐᓇᐅᑎᑕᐅᔪᑦ ᓄᓇᕗᒻᒥ.  ᐱᓕᕆᕝᕕᖕᓂ ᐃᑲᔪᖅᑐᕐᓗᑎᒃ ᐸᐸᑦᑎᑦᑎᐊᕐᓂᕐᒧᑦ ᑲᔪᓯᑎᑦᑎᓂᕐᒧᓪᓗ ᐊᐅᓚᑦᑎᓂᒃᑯᑦ ᓄᓇᒥᐅᑕᓂᒃ ᐃᓕᖅᑯᓯᓕᕆᓂᒃᑯᑦ ᓄᓇ ᐊᑐᖅᑕᐅᓗᓂ ᐱᕙᒌᔭᖅᐸᒡᓗᓂ, ᐱᕙᓪᓕᐊᓂᕆᔭᖏᑦ ᕿᒥᕐᕈᔭᐅᔪᑦ, ᓄᓇᓖᑦ ᐃᓚᐅᑎᑕᐅᓂᖏᑦ ᐱᓕᕆᐊᒃᓴᑦ ᐊᒻᒪ ᐊᑐᐊᒐᓕᐅᖅᐸᓪᓕᐊᓂᖅ ᐅᔾᔨᕈᓱᑦᑎᐊᕐᓗᑎᒃ ᐱᒻᒪᕆᐅᔪᓂᒃ ᓴᐳᔾᔭᐅᓯᒪᓂᖏᓐᓂᒃ, ᐱᙳᐊᖅᑐᓕᕆᓂᖅ, ᐳᓚᕋᖅᑐᓕᕆᓂᖅ, ᐱᕙᓪᓕᐊᔪᓕᕆᓂᖅ ᐊᒻᒪ ᐃᑦᑕᕐᓂᓴᓕᕆᓂᖅ ᐅᐱᒋᔭᐅᓂᖏᓐᓂᒃ ᐊᒻᒪ ᑖᒃᑯᐊ ᐃᑲᔪᖅᑕᐅᔾᔪᑏᑦ ᐊᑐᖅᑕᐅᑦᑎᐊᕆᐊᖃᕐᓂᖏᓐᓂᒃ ᐃᓄᖕᓄᑦ.

ᐊᕕᒃᑐᖅᓯᒪᔪᓂ ᑲᒪᔨ ᒥᕐᖑᐃᖅᓯᕕᖕᓄᑦ ᐱᕙᒌᔭᓂᖅ ᐊᒻᒪ ᐊᐅᓚᓂᖓ ᐋᕿᑦᑎᐊᖅᓯᒪᓗᒋᑦ, ᐱᓕᕆᐊᖑᓂᐊᖅᑐᑦ ᑲᑎᖅᓱᖅᐸᒡᓗᒋᑦ ᖃᐅᔨᓴᖅᑕᐅᓂᐊᖅᑐᑦ ᐸᕐᓇᐅᑎᑦ ᐊᒻᒪ ᐊᐅᓚᑦᑎᔪᓐᓇᕐᓗᑎᑦ ᓄᓇᕗᒻᒥ ᒥᕐᖑᐃᖅᓯᕐᕖᑦ ᐱᓐᓇᕆᔭᐅᔪᓪᓗ ᓄᓇᖃᕐᕖᑦ; ᐋᕿᒃᓱᐃᔨ ᐊᑭᑐᔫᑎᓂᒃ ᐱᕙᒌᔭᕐᓂᖅ ᐱᓕᕆᐊᒃᓴᓂᒃ ᐊᒻᒪ ᐊᐅᓚᑦᓯᔨᐅᓗᓂ ᐊᑐᓕᖅᑎᑕᐅᔪᓂᒃ; ᐋᖅᑭᒃᓱᐃᔨᐅᓗᓂ ᐊᕕᒃᑐᖅᓯᒪᔪᑦ ᐊᐅᓚᓂᕆᔭᖏᓐᓂᒃ ᓄᓇᕗᒻᒥ ᒥᕐᖑᐃᖅᓯᕐᕖᑦ ᐱᓐᓇᕆᔭᐅᔪᓪᓗ ᓄᓇᖃᕐᕖᑦ; ᐃᑲᔪᖅᑐᐃᕙᒡᓗᓂ ᐊᐅᓚᑦᑎᔨᒥᒃ ᐱᓕᕆᕝᕕᖕᒥᓪᓗ ᐱᕙᓪᓕᐊᑎᑦᑎᔪᓂᑦ ᐊᑐᓕᖅᑎᑦᑎᕙᓪᓕᐊᔪᓂᓪᓗ ᐱᓕᕆᐊᒃᓴᓂᑦ.   ᓄᒃᑕᖃᑦᑕᕆᐊᖃᕋᔭᖅᑐᖅ ᑕᒫᒍᓕᒫᖅ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ

ᖃᐅᔨᒪᑦᑎᐊᕆᐊᓕᒃ ᐅᐱᒋᔭᖃᕐᓗᓂᓗ ᓄᓇᕗᒻᒥ ᒪᑭᒪᔾᔪᑎᒃᓴᓂᒃ, ᐃᓅᖃᑎᒌᓂᑦ, ᐃᓕᖅᑯᓯᓕᕆᓂᕐᒥᑦ ᒐᕙᒪᓕᕆᓂᕐᒥᓪᓗ, ᒥᕐᖑᐃᖅᓯᕐᕖᑦ ᒥᒃᓵᓄᑦ, ᐳᓚᕋᖅᑐᓕᕆᓂᖅ ᐊᒻᒪ ᓄᓇᕗᒻᒥ ᐊᖏᕈᑎᒥᑦ ᐃᑲᔫᑎᖃᕋᔭᖅᐳᖅ ᑖᔅᓱᒥᖓ ᐃᖅᑲᓇᐃᔮᖃᕈᓐᓇᑦᑎᐊᕐᓂᐊᕐᓗᓂ. ᐃᖅᑲᓇᐃᔭᖅᑎ ᓯᕗᓕᖅᑎᐅᔪᓐᓇᕆᐊᓕᒃ ᐱᓕᕆᐊᒃᓴᓂᑦ ᐊᐅᓚᑦᑎᔨᐅᓂᕐᒧᑦ ᐱᒋᐊᖅᑎᑦᑎᔪᓐᓇᕐᓗᓂ, ᐊᐅᓚᑦᑎᔪᓐᓇᕐᓗᓂ, ᓯᕗᓕᖅᑎᐅᔪᓐᓇᕐᓗᓂ ᐊᒻᒪ ᐱᓕᕆᐊᒃᓴᓂᒃ ᐱᐊᓂᒃᓯᔪᓐᓇᕐᓗᓂ.  ᐱᔪᓐᓇᕐᓂᖃᑦᑎᐊᕐᓗᓂ ᖃᕆᓴᐅᔭᓕᕆᔾᔪᑎᓂᒃ ᓲᕐᓗ ᑎᑎᖅᑲᓕᕆᓂᖅ, ᓈᓴᐅᓯᕆᔾᔪᑎᑦ ᐊᒻᒪ ᑐᓴᒐᒃᓴᓕᕆᓂᖅ.  ᖁᑭᐅᑎᑖᕈᓐᓇᐅᑎᖃᕆᐊᓕᒃ ᐱᔪᓐᓇᐅᑎᒥᒡᓗ (PAL) ᐊᒻᒪ ᐋᓐᓂᖅᑐᓕᕆᓂᕐᒧᑦ ᐃᓕᓴᕆᔭᐅᔾᔪᑎᑖᖅᓯᒪᔭᕆᐊᓕᒃ.

ᖃᐅᔨᒪᔭᕆᐊᓕᖏᑦ, ᐊᔪᙱᑕᕆᐊᓕᖏᑦ, ᐊᒻᒪ ᐱᓕᕆᔪᓐᓇᕆᐊᓕᖏᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐱᔭᐅᓯᒪᓕᕋᔪᒃᐳᑦ ᐃᓕᓐᓂᐊᕇᖅᓯᒪᖏᒃᑲᓗᐊᕈᓂ ᐅᑯᓂᖓ ᓄᓇᐅᑉ ᑎᑎᖅᑐᒐᖅᑕᐅᓂᖓᓂ, ᐊᕙᑎᒥᒃ ᐸᕐᓇᐃᓂᕐᒥᒃ ᐊᒻᒪ ᓴᓇᓯᒪᓂᖓᑕ ᑕᐅᑦᑐᒃᓴᖓᓂᒃ, ᐊᕙᑎᓕᕆᓂᕐᒥᑦ ᐃᓕᓐᓂᐊᖅᓯᒪᓗᓂ ᐅᕙᓘᓐᓃᑦ ᓄᓇᓕᕆᓂᕐᒥᑦ, ᐊᕐᕌᒍᓂ ᒪᕐᕉᖕᓂᒃ ᐊᐅᓚᑦᑎᔨᐅᖃᑦᑕᖅᓯᒪᓗᓂ ᐊᒻᒪ ᐋᖅᑭᒃᓱᐃᕙᒡᓗᓂ ᐊᑕᐅᓯᕐᒥᒃ ᐅᖓᑖᓂᓪᓘᓐᓃᑦ ᓄᓇᒥᐅᑕᓂᒃ ᐊᐅᓚᑦᑎᖃᑦᑕᖅᓯᒪᓗᓂ ᐅᕝᕙᓘᓐᓃᑦ ᐊᕙᑎᓕᕆᓂᕐᒥᒃ ᐸᕐᓇᐃᓂᕐᒥᒃ ᐅᑯᓂᖓᓗ ᒥᕐᖑᐃᖅᓯᕐᕕᖕᒥ ᐊᐅᓚᑦᑎᔨᑦ ᐸᕐᓇᒃᓯᒪᔭᖏᑦ ᐊᒻᒪ ᐊᒃᑐᐊᓂᓖᑦ ᐳᓚᕋᖅᑐᓕᕆᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᑦ ᐃᒻᒥᑰᖅᑐᓄᑦ ᐊᒻᒪ ᑲᑎᒪᔨᕋᓛᑎᒍᑦ.

ᓄᓇᕗᒻᒥ ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᐅᑯᐊᖑᕗᑦ, ᐃᓄᒃᑐᑦ, ᖃᓪᓗᓈᑐᑦ ᐊᒻᒪ ᐅᐃᕖᑎᑐᑦ.

ᓄᓇᕗᒻᒥ ᐅᖃᐅᓯᖅᑕᖏᓐᓂᒃ ᐊᑕᐅᓯᐅᙱᑦᑐᒥᒃ ᐅᖃᕈᓐᓇᖅᐸᑦ ᐊᑲᐅᑦᑎᐊᕋᔭᖅᑐᖅ.

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᖅᑕᖏᑦ ᐃᓱᒪᒋᔭᐅᓇᔭᕐᒥᔪᑦ. 

ᓄᓇᓕᖕᓄᑦ ᐅᔾᔨᖅᓴᑦᑎᐊᕐᓂᖅ, ᐅᖃᕈᓐᓇᑦᑎᐊᕐᓗᓂ ᐃᓄᒃᑎᑐᑦ, ᖃᐅᔨᒪᓗᓂ ᐊᕙᑎᑦᑕ ᖃᓄᐃᑦᑑᓂᕆᔭᖏᓐᓂᒃ ᓄᓇᕗᒻᒥ ᓇᓗᓇᐃᖅᑕᐅᓯᒪᓂᖓᓂ, ᐊᒃᑐᐊᓂᓖᑦ ᐅᑭᐅᖅᑕᖅᑐᒥ ᐱᓕᕆᖃᑦᑕᖅᓯᒪᓗᓂ ᖃᐅᔨᒪᓗᓂᓗ ᐃᓄᐃᑦ ᐊᒃᑐᖅᑕᐅᓂᖏᓄᑦ ᐃᑲᔫᓯᐊᖏᓐᓄᓪᓗ ᐊᖏᕈᑎᒥᑦ ᐊᒻᒪᓗ ᓄᓇᕗᒻᒥ ᐊᖏᕈᑎᒥᑦ ᐃᑲᔫᑎᖃᕆᔭᐅᓂᐊᖅᐳᖅ.

ᐃᓄᐃᑦ ᐅᖃᐅᓯᖓᓂᒃ, ᓄᓇᓕᖏᓐᓂᒃ, ᐃᓕᖅᑯᓯᖓᓂᒃ, ᓄᓇᖓᓂᒃ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᖃᐅᔨᒪᒍᓂ ᐃᑲᔪᕐᓂᖃᕋᔭᖅᐳᖅ.

ᐊᔪᙱᑦᑐᑦ ᐊᑎᓕᐅᖅᑕᐅᖃᑦᑕᕐᓂᐊᖅᑐᑦ ᓯᕗᓂᒃᓴᒥ ᐃᓐᓄᒃᑕᐅᔭᕆᐊᖃᓕᕐᓂᖅᐸᑦ ᓇᐅᑦᑎᐅᒪᔪᒃᓴᓂᒃ.

 

ᐱᓇᔪᒍᒪᒍᕕᑦ ᐃᖅᑲᓇᐃᔮᒃᓴᒧᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᓗᒍ ᑎᑎᖅᑲᓕᐊᑦ ᐃᖅᑲᓇᐃᔮᖅᑖᕋᓲᑎᓪᓗ ᐅᕗᖓ Igloolik_hr@gov.nu.ca ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᖁᓪᓗᒋᑦ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ.
  • ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖃᑕᐅᓂᐊᕐᓗᑎᒃ ᒪᓕᒃᖢᒍ ᓄᓇᕗᒻᒥ ᓯᕗᓪᓕᐅᔾᔭᐅᔪᒪᔪᑦ ᐃᖅᑲᓇᐃᔮᖅᑖᕐᓂᕐᒧᑦ ᐊᑐᐊᒐᕐᒥ.
  • ᐃᖅᑲᓇᐃᔮᖅᑖᖅᑐᑦ ᐃᓚᖏᓐᓂ ᖃᐅᔨᓴᖅᑕᐅᔭᕆᐊᖃᓲᖑᖕᒪᑕ ᐱᕋᔭᓚᐅᖅᓯᒪᔪᕕᓂᐅᓂᕐᒧᑦ ᑎᑎᖅᑲᖁᑎᖏᓐᓂᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᕈᑕᐅᙱᑐᐃᓐᓇᕆᐊᖃᖅᑐᖅ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᒃᑲᓐᓂᑐᐃᓐᓇᕋᔭᖅᑐᑦ.
  • ᐃᖅᑲᓇᐃᔭᕈᓐᓇᑐᐃᓐᓇᕆᐊᓕᖕᓂᑦ ᓯᕗᓂᒃᓴᒧᑦ ᓴᓇᔪᖃᑐᐃᓐᓇᕆᐊᓕᒃ.
  • ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖓ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓐᓈᖅᑕᐅᑯᑦ ᐅᕝᕙᓘᓐᓃᑦ ᐃᑭᐊᖅᑭᕕᒃᑯᑦ.
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᓂᕐᒧᑦ ᖃᐅᔨᒋᐊᕐᕕᐅᔪᑑᓂᐊᖅᑐᑦ.
Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ