ᐅᖃᓚᐅᑎᓯᐅᑏᑦ

You are here

ᐊᕕᒃᑐᖅᓯᒪᔪᓂ ᐊᐅᓚᑦᑎᔨ, ᒥᕐᙳᐃᓯᕐᕕᒻᒥ ᐸᕐᓇᐃᔨ ᐊᒻᒪᓗ ᐊᐅᓚᑦᑎᔨ

ᓄᓇᓕᒃ: 
ᑲᙱᖅᖠᓂᖅᒥ
ᓇᓗᓇᐃᒃᑯᑕᖓ: 
13-506651
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᐅᓇ ᐃᖅᑲᓇᐃᔮᒃᓴᖅ ᐅᑯᓄᖓᑐᐊᖅ ᑐᕌᖓᔪᖅ ᑲᙱᖅᖠᓂᖅᒥ.
ᑮᓇᐅᔾᔭᒃᓴᓇᔭᖅᑐᖅ: 
$ 95,882.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$ 18,517.00

ᐃᖅᑲᓇᐃᔭᐃᓐᓇᕐᓂᐊᖅᑐᖅ (ᓂᕈᐊᖅᑕᐅᔪᖃᙱᑉᐸᑦ ᓄᓇᕗᒻᒦᙶᖅᑐᒥᒃ ᐃᓄᖕᒥᒃ ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᕆᔭᐅᓂᐊᖅᑐᖅ ᐊᕐᕌᒍᓄ ᐱᖓᓱᓄᑦ.)

ᐅᓇ ᐃᖅᑲᓇᐃᔮᒃᓴᖅ ᐅᑯᓄᖓᑐᐊᖅ ᑐᕌᖓᔪᖅ  ᑲᙱᖅᖠᓂᖅᒥ.

ᒥᕐᖑᐃᓯᕐᕕᓕᕆᔨᒃᑯᑦ ᐊᒻᒪ ᓄᓇᓂᑦ ᐊᐅᓚᑦᑎᔩᑦ ᐱᓕᕆᔨᓪᓗᐊᑕᐅᕗᑦ ᐊᕕᒃᑐᖅᓯᒪᓂᐊᓂ ᑖᒃᑯᐊ ᓴᐳᑎᔭᐅᖁᓪᓗᒋᑦ ᓄᓇᖏ ᐊᒻᒪᓗ ᐃᑦᑕᕐᓂᓴᕐᓄᑦ ᓄᓇᖃᕐᕕᐅᔪᑦ ᐊᒻᒪᓗ ᐱᙳᐊᖅᑐᓕᕆᓂᕐᒧᑦ ᐊᑐᐃᓐᓇᐅᑎᑕᐅᔪᑦ ᓄᓇᕗᒻᒥ.    ᒪᓕᒐᑎᒍᑦ ᐱᓕᕆᐊᒃᓴᖏᑦ ᓄᓇᕗᒻᒥ ᒥᙳᐃᖅᓯᕕᖕᓄᑦ ᐱᖁᔭᖅ ᐃᓚᐅᕙᒃᖢᑎᒃ ᒪᓕᒐᕆᔭᐅᓪᓗᐊᑕᖅᑐᓂᒃ ᓲᕐᓗ ᓄᓇᕗᒻᒥ ᐆᒪᔪᓕᕆᓂᕐᒧᑦ ᐱᖁᔭᖅ, ᐊᒻᒪ ᐊᐅᓪᓚᖃᑦᑕᖅᑐᓄᑦ ᐳᓚᕋᖅᑐᓕᕆᓂᕐᒧᓪᓗ ᐱᖁᔭᖅ.  ᐃᖅᑲᓇᐃᔭᕐᕕᒃ ᐱᔭᕆᐊᖃᖅᑎᑕᐅᖕᒥᔪᖅ ᑕᐃᑰᓇ ᓄᓇᕗᒻᒥ ᐊᖏᕈᑏᑦ ᐊᒻᒪ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓄᑦ ᐃᑲᔫᖅᑕᐅᔾᔪᑎᒃᓴᖏᓄᓪᓗ ᐊᖏᕈᑦ ᓄᓇᕗᒻᒥ ᒥᕐᖑᐃᖅᓯᕕᖕᓄᑦ ᐱᔭᕇᖅᓯᕙᒃᓗᑎᒃ ᐱᓕᕆᐊᒃᓴᕆᑎᑕᐅᔪᓂᒃ ᐱᓕᕆᖃᑎᖃᑦᑎᐊᕐᓂᒃᑯᑦ ᓄᓇᕗᒻᒥ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒧᓪᓗ ᑲᑎᒪᔨᕋᓛᓄᑦ ᐊᒻᒪ ᓄᓇᓕᖕᓂ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒧᓪᓗ ᑲᑎᒪᔨᕋᓛᓄᑦ.

ᖃᐅᔨᑎᑦᑎᕙᒃᓗᓂ ᐊᐅᓚᑦᑎᔨ ᒥᕐᖑᐃᖅᓯᕐᕕᖕᓄᑦ ᐸᕐᓇᐅᑎᓄᑦ ᐊᑐᓕᖅᑎᑦᑎᓂᕐᒧᓪᓗ ᐃᑲᔪᕐᓂᕐᒧᓪᓗ ᓄᓇᕗᒻᒥ ᒥᕐᖑᐃᖅᓯᕖᑦ ᐊᒻᒪ ᓄᓇᐃᑦ ᓴᐳᔾᔭᐅᓯᒪᔪᑦ ᐳᓚᕋᖅᑐᓄᑦ ᐱᔨᑦᑎᕋᐅᑎᓄᑦ, ᑖᓐᓇ ᐃᖅᑲᓇᐃᔮᒃᓴᖅ:

  • ᐊᐅᓚᑦᑎᕙᒃᓗᓂ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᒥᕐᖑᐃᖅᓯᕕᒃ ᐊᑐᓕᖅᑎᑦᑎᓂᕐᒧᑦ, ᐸᕐᓇᐃᓂᖅ ᐊᐅᓚᑦᑎᓂᕐᓗ ᐱᕙᓪᓕᐊᑎᑕᕐᓂᒃ ᐃᓚᐅᓪᓗᓂ ᐱᕙᓪᓕᐊᑎᑦᑎᓂᖅ ᐊᔪᙱᑦᑎᐊᕋᔭᕐᓂᖓᓄᑦ ᖃᐅᔨᓴᖅᑕᐅᔾᔪᑎᑦ, ᒥᕐᖑᐃᖅᓯᕕᖕᒧᑦ ᑐᒃᓯᕋᐅᑎᑦ, ᒥᕐᖑᐃᖅᓯᕕᖕᒧᑦ ᑎᑎᖅᑲᑦ/ᐊᐅᓚᑦᑎᓂᕐᒧᑦ ᐸᕐᓇᐅᑎᑦ, ᐋᖅᑭᒃᓯᒪᓂᒃᓴᖏᑦ ᐊᓯᖏᓪᓗ ᐸᕐᓇᐅᑎᑦ;
  • ᐊᐅᓚᑦᑎᓗᓂ ᐱᕙᓪᓕᐊᑎᑦᑎᓂᕐᒧᑦ ᐊᐅᓚᑦᑎᓂᕐᒧᓪᓗ ᐊᑐᓕᖅᑎᑦᑎᔾᔪᑎᓂᒃ ᓄᓇᓂᖕᓂ ᐊᕕᒃᑐᖅᓯᒪᔪᓂ ᐊᑭᑐᔪᓄᑦ ᐸᕐᓇᐅᑎᓂᒃ;
  • ᐊᐅᓚᑦᑎᕙᒃᓗᓂ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓄᑦ ᐊᐅᓚᓂᕐᓂ ᓄᓇᕗᒻᒥ ᒥᕐᖑᐃᖅᓯᕐᕖᑦ ᐱᓐᓇᕆᔭᐅᔪᓪᓗ ᓄᓇᖃᕐᕖᑦ;
  • ᐊᐅᓚᑦᑎᕙᒃᓗᓂ ᐱᕙᓪᓕᐊᔾᔪᑎᖏᓐᓂ ᒥᕐᖑᐃᖅᓯᕕᒃ ᒪᑭᒪᔾᔪᑎᒃᓴᖏᓐᓂ;
  • ᐃᑲᔪᖅᐸᒃᓗᓂ ᐱᕙᓪᓕᐊᑎᑦᑎᓂᕐᓂ ᒥᕐᖑᐃᖅᓯᕕᒃ ᐊᐅᓚᓂᖏᑕ ᐸᕐᓇᐅᑎᖏᓐᓂ ᑕᑯᓇᒃᐸᒃᓗᓂᓗ ᐊᑐᓕᖅᑎᑕᖏᓐᓂ, ᐃᓚᐅᓗᑎᒃ ᓄᓇᕗᒻᒥ ᒥᕐᖑᐃᖅᓯᕐᕖᑦ, ᓄᓇᓕᕋᓛᖃᕐᕖᑦ, ᐃᒡᓕᓃᑦ, ᐳᓚᕋᖅᑐᓂᒃ ᐊᒻᒪ ᑐᑭᓕᐅᕈᑎᓕᕆᕝᕖᑦ ᐃᑦᑕᕐᓂᓴᕐᓂᒃᓗ ᑰᖕᓂᑦ;
  • ᐋᖅᑭᒃᓱᐃᕙᒃᓗᓂ ᐃᓕᐅᖅᑲᐃᕙᒃᓗᓂᓗ ᖃᐅᔨᓴᕈᑎᓂᒃ; ᐊᒻᒪᓗ
  • ᐃᑲᔪᖅᐸᒃᓗᓂ ᓄᓇᓕᖕᓂ ᐃᓚᐅᑎᑦᑎᓂᕐᓂ ᐸᐸᑦᑎᑦᑎᐊᕐᓂᖅ ᐊᒻᒪ ᖁᕝᕙᕆᐊᖅᑎᑦᑎᓂᖅ ᐃᑦᑕᕐᓂᓴᕐᓂ ᐱᒃᑯᒍᓱᖕᓂᕐᓂ.
  • ᐊᐅᓪᓚᑲᑕᐃᓐᓇᐅᔭᕐᓂᖅ ᐱᔭᕆᐊᖃᖅᑎᑕᖅ, ᐃᒻᒪᕐᑳ ᐊᐅᓪᓚᖅᐸᒃᓗᓂ ᐱᖓᓱᓂᒃ ᑕᓪᓕᒪᓄᑦ ᐱᓇᓱᐊᕈᓯᑕᒫᑦ.

ᑖᒃᑯᐊ ᖃᓄᐃᓕᐅᕈᑎᑦ ᐃᓚᐅᑎᑦᑎᔪᓐᓇᖅᑐᑦ ᐱᓕᕆᐊᒃᓴᓄᑦ ᐊᐅᓚᑦᑎᓂᕐᓂ ᑮᓇᐅᔭᖅᑐᕈᑎᒃᓴᓂᑦ, ᓄᓇᓕᖕᓂ ᐅᖃᖃᑎᖃᕐᓂᖅ, ᓄᓇᒥ ᐱᓕᕆᕝᕕᖓᓂ ᐱᓕᕆᐊᖃᕐᓂᖅ ᐊᕙᑎᒥᒃᓗ ᖃᐅᔨᓴᕐᓂᖅ

ᓂᕈᐊᖅᑕᐅᔪᒪᓗᓂ ᐊᐱᖅᓱᖅᑕᐅᓂᕐᒧᑦ, ᓂᕈᐊᖅᑕᐅᔪᒪᓇᔭᖅᑐᖅ ᒥᑭᓛᖑᓗᒍ ᐊᕙᑎᓕᕆᓂᕐᒧᑦ ᖃᕆᑕᐅᔭᓕᕆᔨ ᐃᓕᓐᓂᐊᕋᓂᒍᓯᐊᖃᕐᓗᓂ ᐱᖓᓱᓄᓪᓗ ᐊᕐᕌᒍᓄᑦ ᐊᑐᖅᓯᒪᕐᔪᐊᕐᓗᓂ ᐊᐅᓚᑦᑎᓂᕐᒥᒃ ᐋᖅᑭᒃᓱᐃᓂᕐᓂᒃᓗ ᐃᓗᐊᓂ ᐊᑕᐅᓯᖅ ᐅᖓᑖᓄᓪᓘᓐᓃᑦ ᐸᔭᑎᓄᑦ ᐸᕐᓇᐃᓂᕐᓂ ᐱᓕᕆᕝᕕᖕᓂ, ᐱᓗᐊᖅᑐᒥᒃ ᐃᓚᐅᓗᓂ ᐊᐅᓚᓃᑦ, ᐱᓕᕆᐊᒃᓴᒧᑦ ᐊᐅᓚᑦᑎᓂᖅ, ᐱᓕᕆᔭᒃᓴᓄᑦ ᐊᐅᓚᑦᑎᓂᖅ, ᐊᒻᒪ ᐊᑭᑐᔪᓄᑦ ᐸᕐᓇᐃᓂᖅ.

ᒪᓕᒐᑎᒍᑦ ᐊᑐᖅᑕᐅᖁᔭᐅᓯᒪᔪᑦ ᐅᖃᐅᓰᑦ ᓄᓇᕗᒻᒥ ᐃᓄᒃᑎᑑᕗᑦ (ᐃᓄᐃᓐᓇᖅᑐᓐ), ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ.

ᖃᐅᔨᒪᓂᖃᕐᓗᓂ ᐊᑕᐅᓯᐅᓗᐊᖅᑐᒥᑦ ᓄᓇᕗᒻᒥ ᐅᖃᐅᓯᕐᓂ ᐃᓕᓴᕆᔭᐅᓯᒪᔪᓂᑦ ᐱᑕᖃᕆᐊᖃᖅᑎᑕᐅᔪᖅ. ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓂᒃ, ᓄᓇᓕᖏᓐᓂᑦ, ᐱᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐱᕚᓪᓕᕈᑕᐅᓇᔭᖅᐳᖅ.

ᓇᓕᒧᐸᓗᖏᓐᓂᑦ ᐃᓕᓐᓂᐊᕐᓯᒪᓂᑯᖃᕈᓂ, ᖃᐅᔨᒪᓂᖃᕐᓗᓂᓗ, ᐱᓕᒻᒪᒃᓯᒪᓗᓂᓗ ᐊᒻᒪᓗ ᐃᓕᓐᓂᐊᕈᒪᓂᖃᕋᔭᕐᓗᓂ ᐱᓕᒻᒪᒃᓴᔪᒪᓂᖃᕐᑐᑦ ᐃᓱᒪᒋᔭᐅᔪᓐᓇᖕᓂᐊᕆᕗᑦ.

ᐃᖅᑲᓇᐃᔭᕈᓐᓇᑐᐃᓐᓇᕆᐊᖃᖅᑐᓂᑦ ᓴᖅᑮᑐᐃᓐᓇᕆᐊᓖᑦ ᓯᕗᓂᒃᓴᒧᑦ ᑎᑎᕋᖅᓯᒪᔪᖃᑐᐃᓐᓇᕆᐊᓕᒃ.

 

ᐱᓇᔪᒍᒪᒍᕕᑦ ᐃᖅᑲᓇᐃᔮᒃᓴᒧᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᓗᒍ ᑎᑎᖅᑲᓕᐊᑦ ᐃᖅᑲᓇᐃᔮᖅᑖᕋᓲᑎᓪᓗ ᐅᕗᖓ KivalliqHR@gov.nu.ca. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᖁᓪᓗᒋᑦ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᑦᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥᑦᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖅᑳᖁᓪᓗᒋᑦ ᓄᓇᕗᒻᒥᑦ ᐃᖅᑲᓇᐃᔭᖅᑎᑖᕋᓱᖕᓂᕐᒧᑦ ᐊᑐᐊᒐᖅ ᒪᓕᒃᖢᒍ.
  • ᐃᖅᑲᓇᐃᔮᖅᑖᕐᓂᖅ ᐃᓚᖏᓐᓂ ᖃᐅᔨᓴᖅᑕᐅᔭᕆᐊᖃᓲᖑᖕᒪᑕ ᐱᕋᔭᓚᐅᖅᓯᒪᔪᕕᓂᐅᓂᕐᒧᑦ ᑎᑎᖅᑲᐅᑎᖃᕐᓂᖏᑦ ᓈᒻᒪᒋᔭᐅᒐᓗᐊᕐᒪᖔᑕ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᕈᑕᐅᖏᑐᐃᓐᓇᕆᐊᖃᖅᑐᖅ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ.
  • ᐃᖅᑲᓇᐃᔮᒥᑦ ᐆᒃᑐᕈᒪᔪᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᑦᑕ ᐱᔪᒥᓴᐅᑎᖓᓂᑦ ᑐᓂᓯᔭᕆᐊᓕᒃ ᐅᖃᐅᓯᖅ ᓇᓕᐊᑐᐃᓐᓇᖅ ᐊᑐᕐᓗᒍ ᐃᓕᓴᕆᔭᐅᓯᒪᔪᓂᑦ.
  • ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓕᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.
  • ᐃᖅᑲᓇᐃᔮᒧᑦ ᐅᓂᒃᑳᖅᓯᒪᔪᑦ ᐱᔭᒃᓴᐅᔪᑦ ᓱᒃᑲᔪᒃᑯᑦ, ᖃᕆᑕᐅᔭᒃᑯᑦ ᐃᕐᖐᓐᓈᕈᑎᒃᑯᑦ ᐃᑭᐊᖅᑭᕕᒃᑯᓪᓘᓐᓃᑦ.
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ.
Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ