ᐅᖃᓚᐅᑎᓯᐅᑏᑦ

You are here

ᐊᐅᓚᑦᑎᔨ, ᑎᑎᕋᕐᕕᖓ ᐃᓄᖃᑎᒌᖕᒨᖓᔪᓄᑦ ᐊᑎᓕᐅᕆᔨ ᐊᒻᒪ ᐸᓖᓯᙳᐊᕐᓄᑦ ᐱᔨᑦᑎᖅᑏᑦ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
05-505857
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑲᑐᔾᔨᖃᑎᒌᖑᓂᖓ: 
ᑮᓇᐅᔾᔭᒃᓴᓇᔭᖅᑐᖅ: 
$107,718
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016
ᒪᑐᕝᕕᒃᓴᖓ: 
ᒫᑦᓯ 06, 2020

ᑕᕝᕙᓂ ᐃᖅᑲᓇᐃᔭᖅᑎ ᐅᒃᐱᕆᔭᐅᔪᓐᓇᕆᐊᓕᒃ ᐊᒻᒪ ᐱᕋᔭᖕᓂᑰᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ.

ᑖᓐᓇ ᐃᖅᑲᓇᐃᔮᒃᓴᖅ ᒪᒃᐱᖓᔪᖅ ᐃᖅᑲᓇᐃᔭᑖᕋᓱᒃᑐᓕᒫᓄᑦ.

ᑭᒃᑯᑐᐃᓐᓇᖅ ᑐᑭᒧᐊᒃᑎᑦᑎᔨᒧᑦ, ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᐊᐅᓚᑦᑎᔨᐊᓄᑦ, ᑎᑎᕋᕐᕕᖓ ᐃᓄᖃᑎᒌᖕᒨᖓᔪᓄᑦ ᐊᑎᓕᐅᕆᔨ ᐊᒻᒪ ᐸᓖᓯᙳᐊᕐᓄᑦ ᐱᔨᑦᑎᖅᑏᑦ (ᐊᐅᓚᑦᑎᔨ) ᑲᒪᖃᑦᑕᖅᐳᖅ ᐸᕐᓇᐃᕙᒃᖢᓂ, ᑲᑐᔾᔨᖃᑦᑕᖅᖢᓂ ᐊᐅᓚᑦᑎᕙᒃᖢᓂᓗ ᓄᓇᕗᑦ ᐃᖅᑲᖅᑐᐃᕕᐊᓂ ᐃᓄᖕᓄᑦ ᐃᖅᑲᖅᑐᐃᕕᐊᓂ ᐊᑎᓕᐅᕝᕕᐊᓂ, ᑎᑎᕋᕐᕕᐊᓂ ᐸᓖᓯᙳᐊᓂ ᐊᒻᒪ ᐃᖅᑲᖅᑐᐃᕕᖕᒥᑦ ᐊᐅᔅᓯᔨᓂ, ᐊᒻᒪ ᐃᖅᑲᖅᑐᐃᕕᖕᒥᑦ ᐃᑲᔪᖃᑦᑕᖅᐳᑦ ᐱᔨᑦᑎᕐᕕᖕᒥᑦ ᐃᖅᑲᖅᑐᐃᔨᓄᑦ ᐃᖅᑲᖅᑐᐃᕕᖕᒥᑦ ᑕᒪᕐᒥᓕᒫᖅ ᐃᓄᖕᓄᑦ ᐃᖅᑲᖅᑐᖅᑕᐅᖃᑦᑕᖅᑐᓂ.  ᐊᐅᓚᑦᑎᔨ ᐱᖃᑕᐅᒐᔪᒃᐳᖅ ᐃᖅᑲᖅᑐᐃᕕᖕᒥᑦ ᐊᐅᓚᑦᑎᔨᓄᑦ ᐱᖃᑕᐅᕗᖅ ᐃᖅᑲᖅᑐᐃᕕᖕᒥᑦ ᐱᔨᑦᑎᖅᑕᐅᔪᑦ ᓯᕗᓕᖅᑎᒃᑯᑦ ᑲᑎᒪᔨᕋᓛᖏᓐᓂᑦ.  ᐃᖅᑲᓇᐃᔮᖓᓂ ᑲᑎᒪᒐᔪᖃᑦᑕᕆᐊᖃᖅᐳᖅ ᐊᖓᔪᖅᑳᖓᓂ ᒪᓕᒐᓕᕆᔨᓄᑦ, ᐃᖅᑲᖅᑐᐃᔨᕋᓛᒻᒪᕆᒃ ᐊᒻᒪ ᓯᕗᓕᖅᑎ ᒪᓕᒐᓕᕆᔨᓄᑦ ᑎᑎᕋᕐᕕᐊᓂ ᑐᕌᒐᖃᖅᖢᑎᑦ ᐊᑲᐅᓕᐅᕈᑎᓂ ᑐᕌᖓᔪᓂ ᐃᖅᑲᖅᑐᐃᕕᖕᒥᑦ ᐊᐅᓚᑦᑕᐅᔪᓂ ᐃᖅᑲᖅᑐᐃᓂᓕᕆᔨᒃᑯᑦ. 

ᐊᐅᓚᑦᑎᔨ ᐱᔪᓐᓇᕐᓂᖃᖅᐳᖅ ᑮᓇᐅᔭᕐᓂᑦ ᓂᕈᐊᖅᐸᒃᖢᓂ ᑮᓇᐅᔭᕐᓂᑦ ᐊᑐᖅᑐᒃᓴᓂ ᐱᔭᒃᓴᖃᖅᐳᕐᓗ ᐃᖅᑲᓇᐃᔭᑖᖅᑎᑦᑎᓗᓂ, ᑲᒪᔨᐅᖃᑦᑕᖅᐳᖅ, ᐃᓕᓐᓂᐊᖅᑎᑦᑎᕙᒃᖢᓂ ᐊᒻᒪ ᖃᐅᔨᓴᖅᐸᒃᖢᓂᓗ ᐃᖅᑲᓇᐃᔭᖅᑎᓂ ᐃᓅᖃᑎᒌᓄᑦ ᐊᑎᓕᐅᕆᔨ ᐊᒻᒪ ᐸᓖᓯᙳᐊᓄᑦ.  ᐊᐅᓚᑦᑎᔨ ᐊᐅᓚᑎᖃᑦᑕᖅᐳᖅ ᐸᕐᓇᐃᒋᐊᓕᖕᓂᑦ ᐊᒃᑐᐃᓂᖃᖅᑐᓂ ᐃᖅᑲᖅᑐᐃᕕᖕᒥᑦ ᐱᔨᑦᑎᖅᑕᐅᔪᓂ ᑕᒪᕐᒥᓕᒫᖅ ᐃᓅᖃᑎᒌᓄᑦ ᐃᖅᑲᖅᑐᖅᑕᐅᔪᓂ ᐱᓕᕆᐊᖃᑦᑎᐊᕆᐊᖃᖅᐳᑦ ᐊᐅᓚᑎᒐᔪᒃᖢᓂ ᓇᖕᒥᓂᖃᖅᑎᓂ ᐃᓅᖃᑎᖃᖅᐸᒃᖢᓂ ᑲᔪᓯᑦᑎᐊᕈᓐᓇᖁᓗᒍᑦ ᐱᓕᕆᐊᒃᓴᖏᓐᓂ.   ᐊᐅᓚᑦᑎᔨ ᐱᔭᒃᓴᖃᕆᕗᕐᓗ ᐊᐅᓚᑦᑎᓪᓗᓂ ᐃᖅᑲᖅᑐᐃᕕᖕᒥᑦ ᐅᐊᔅᓯᔨᖏᓐᓂ ᐊᒻᒪ ᐸᓖᒃᓯᙳᐊᑦ ᑎᑎᕋᕐᕕᖏᓐᓂ ᑕᕐᒪᒥᓕᒫᖅ ᓄᓇᕗᒻᒥᑦ ᐃᖅᑲᖅᑐᓂᓕᕆᔪᓂ ᓄᓇᕘᒥᓕᒫᒧᑦ.  ᐃᖅᑲᓇᐃᔮᖓᑦ ᒪᓕᒐᕐᓂᑦ ᓂᕈᐊᑐᐃᓐᓇᕆᐊᓕᒃ (1) ᑐᒡᓕᐊ ᐊᑎᓕᐅᕆᔨᐊᓄᑦ, ᐃᖅᑲᖅᑐᐃᕕᖕᒥᑦ ᖁᑦᑎᖕᓂᖅᓴᒧᑦ ᐅᓐᓂᕐᓘᑎᓐᓂ, (2) ᑐᒡᓕᐊ ᑎᑎᕋᖅᑎ ᓄᓇᕗᒻᒥ ᐃᖅᑲᖅᑐᐃᕕᖓᓂ, (3) ᑐᒡᓕᐊ ᑎᑎᕋᖅᑎ ᒪᒃᑯᒃᑐᓄᑦ ᐃᖅᑲᖅᑐᖅᑕᐅᖃᑦᑕᖅᑐᓄᑦ, ᐊᒻᒪ (4) ᐊᐅᓪᓚᑦᑎᔨ ᐃᖅᑲᖅᑐᐃᕋᓛᒧᑦ.   

ᖃᐅᔨᒪᓂᖓ, ᐱᔪᓐᓇᕐᓂᖓ ᐊᔪᙱᓐᓂᕆᖁᔭᐅᓯᒪᔪᑦ ᑕᔅᓱᒥᖓ ᐃᖅᑲᓇᐃᔮᒧᑦ ᐱᔭᐅᒐᔪᒃᐳᖅ ᓯᓚᑦᑐᖅᓴᕐᕕᖕᒥᑦ ᐃᓕᓐᓂᐊᕇᕈᓯᐊᒥᑦ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒧᑦ ᑐᕌᖓᔪᒥᒡᓘᓐᓃᑦ ᓯᓚᑦᑐᖅᓴᕐᕕᖕᒥᑦ, ᐱᖃᑕᐅᕗᖅ ᐊᕐᕌᒍᓂ ᐊᕐᕕᓂᓖᖕᓂᑦ ᐃᖅᑲᓇᐃᔭᓚᐅᖅᓯᒪᓗᓂ ᐃᖅᑲᖅᑐᐃᕕᖕᒥᑦ ᐊᐅᓚᑦᑎᓂᕐᒧᑦ ᐊᒻᒪ ᐊᕐᕌᒍᒧᑦ ᐱᔭᒃᓴᖃᖅᐸᓪᓕᐊᓂᕐᒧᑦ ᐊᐅᓚᑦᑎᓂᑰᓗᓂ, ᐱᓗᐊᖅᑐᒥᑦ ᐃᓅᖃᑎᒌᓄᑦ ᐊᑎᓕᐅᕆᓂᕐᒧᑦ ᐱᒻᒪᕆᐅᓂᖅᓴᒥᑦ ᐃᖅᑲᖅᑐᐃᕕᖕᒥᑦ ᑲᓇᑕᒥᑦ.  ᐃᖅᑲᓇᐃᔮᒧᑦ ᖃᐅᔨᒪᓂᖃᕐᓗᓂ ᐃᖅᑲᓇᐃᔮᒧᑦ ᐊᖏᖃᑎᒌᒍᓐᓇᕆᐊᓕᒃ, ᑮᓇᐅᔭᓕᕆᓂᕐᒧᑦ ᐊᐅᓚᑦᑎᓂᕐᒧᑦ ᐱᖁᔭᖓᓂ ᐊᓯᖏᓪᓗ ᐱᖁᔭᒃᓴᒥᑦ ᑐᕌᖓᓗᓂ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᓂᕐᒧᑦ ᐊᑑᑎᖃᕋᔭᖅᑐᖅ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ (ᐃᓄᐃᓐᓇᖅᑐᑦ), ᖁᓪᓗᓈᖅᑎᑐᑦ ᐊᒻᒪ ᐅᐃᕖᑎᑐᑦ.  ᑐᓴᐅᒪᑎᑦᑎᔪᓐᓇᖅᐸᑦ ᓄᓇᕗᒻᒥ ᐊᑕᐅᓯᖏᑦᑐᒥᑦ ᓄᓇᕗᒻᒥᑦ ᐃᓕᓴᕆᔭᐅᓯᒪᔪᓂ ᐅᖃᐅᓯᕐᓂᑦ

ᐃᑲᔫᑎᐅᒐᔭᖅᑐᖅ.   ᐃᓄᐃᑦ ᐅᖃᐅᓯᖓᓂ, ᓄᓇᓕᖕᓂᑦ, ᐱᖅᑯᓯᖏᓐᓂ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᖃᐅᔨᒪᔭᖃᕈᓂ ᐃᑲᔫᑎᖃᕋᔭᖅᑐᖅ.

ᐊᔾᔨᖏᓪᓗ ᐊᒻᒪᓗ ᑲᑎᓪᓗᒋᑦ ᐃᓕᓐᓂᐊᖅᓯᒪᓂᖓ, ᐱᓕᕆᔪᓐᓇᕐᓂᖓᓗ ᐃᓱᒪᒋᔭᐅᑐᐃᓐᓇᕆᐊᓕᑦ.

ᐃᖅᑲᓇᐃᔭᕈᓐᓇᖅᑐᑦ ᓴᖅᑭᑕᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᑎᑎᕋᖅᓯᒪᓗᑎᒃ.

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ