ᐅᖃᓚᐅᑎᓯᐅᑏᑦ
LogoHome

You are here

ᐊᐅᓚᑦᑎᔨ, ᓴᓇᓂᕐᒧᑦ (ᓴᖅᑭᑕᐅᒃᑲᓐᓂᖅᑐᖅ)

Community: 
ᐃᖃᓗᖕᓂ
Reference number: 
QEC-19-047
Salary: 
$119,142 to $142,313
Northern Allowance: 
$15,016

ᐃᖅᑲᓇᐃᔮᕆᔭᐃ ᐆᒻᒪᒃᓴᕈᒃ ᐅᑭᐅᖅᑕᖅᑐᒥ!

ᖁᕕᐊᓇᒻᒪᕆᑦᑐᖅ ᐱᓕᕆᐊᕆᔪᓐᓇᖅᑕᐃ ᓇᓂᒋᐊᕈᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐱᓕᕆᔨᐅᖃᑎᑦᑎᓐᓄᑦ ᐃᓚᓕᐅᑎᒋᑦ ᐱᓕᕆᔪᒪᔪᒻᒪᕆᖕᓂᒃ ᐊᒻᒪ ᐱᓕᕆᓂᑰᔪᒻᒪᕆᖕᓂᒃ ᓴᓇᔪᓕᕆᔨᕐᔪᐊᓂᒃ ᐊᑐᐃᓐᓇᐅᑎᑦᑎᑎᓪᓗᑕ ᐊᑦᑕᕐᓇᙱᑦᑐᒥ, ᐊᑐᑦᑎᐊᖅᑐᒥ, ᐊᒻᒪ ᐊᑭᑭᔾᔫᒥᔪᒥ ᐆᒻᒪᖅᑯᑎᓂ ᓄᓇᕘᓕᒫᒥ.

ᓄᓇᕗᒻᒥ ᐃᖅᑲᓇᐃᔭᕐᓂᖅ

ᓄᓇᕗᑦ ᑲᓇᑕᒥ ᓄᑖᖑᓂᖅᐹᖑᔪᖅ ᐊᒻᒪ ᐊᖏᓂᖅᐹᖑᓪᓗᓂ ᐊᕕᒃᑐᖅᓯᒪᔪᓂ ᐊᒻᒪ ᓱᒃᑲᓂᖅᐹᒥᑦ ᑮᓇᐅᔾᔭᓂᕐᒧᑦ ᐱᕈᖅᐸᓪᓕᐊᔪᖅ ᑲᓇᑕᒥ. ᑲᔾᔮᕐᓇᖅᑐᒻᒪᕆᐊᓗᖕᓂ ᑕᑯᔪᒥᓇᖅᑐᖃᖅᖢᓂ ᐊᒻᒪ ᓯᓚᒥ ᖃᓄᐃᓕᐅᑦᑎᐊᕐᓇᖅᖢᓂ, ᐃᖅᑲᓇᐃᔮᑐᐊᕐᓂ ᖁᕕᐊᒋᔭᖃᔾᔮᙱᓪᓚᑎ, ᑭᓯᐊᓂ ᐃᓱᒪᖅᓱᕐᓇᑎᓪᓗᒍᓗ. ᐃᓱᒪᒋᔭᖃᖅᓯᒪᒍᕕᑦ ᕿᒧᒃᓯᓂᕐᒥᑦ, ᖃᒧᑕᐅᔭᕐᓂᕐᒥᑦ, ᖃᔭᖅᑐᕐᓂᕐᒥᑦ, ᐃᖃᓪᓕᐊᓂᕐᒥᑦ, ᐅᕝᕙᓘᓐᓃᑦ ᖃᐅᔨᓇᓱᓐᓂᕐᒥᑦ ᐃᓕᖅᑯᓯᑦᑎᐊᕙᖕᒥᑦ ᓴᓇᐅᒐᖃᑦᑎᐊᖅᑐᒥ ᐊᒻᒪ ᓂᔾᔭᐅᓯᔭᖅᑐᓂ, ᓄᓇᕗᑦ ᐃᓕᓐᓅᖓᕗᖅ.

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ (QEC) ᐱᓕᕆᐊᖃᓲᑦ ᐊᑦᑕᕐᓇᙱᑦᑐᒥ, ᐊᑐᑦᑎᐊᖅᑐᒥ ᐆᒻᒪᖅᑯᑎᓂ ᐱᔨᑦᑎᕋᖅᑕᐅᔪᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓄ ᐊᒻᒪ ᐊᐅᓚᑕᐅᓪᓗᓂ ᐊᕕᒃᑐᖅᓯᒪᔪᓂ ᑎᒥᖁᑎᒋᔭᐅᓪᓗᓂ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐱᔨᑦᑎᕋᖅᑎᓪᓗᐊᑕᐅᔪᑦ ᐆᒻᒪᖅᑯᑎᓂ ᐊᒻᒪ ᐊᑐᓕᖅᑕᖅᑐᓂ ᐅᖅᑰᓴᐃᓂᕐᒧᑦ ᓄᓇᕗᒻᒥ. ᑕᑯᖃᓯᐅᑎᓗᒋᑦ ᐊᓯᖏᑦ ᐆᒻᒪᖅᑯᑎᓕᕆᔨᐅᔪᑦ ᑲᓇᑕᒥ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐊᔾᔨᐅᙱᑦᑐᓂ ᐊᒃᓱᕈᕐᓂᖃᓲᑦ ᐊᐅᓚᓂᖃᖅᑎᓪᓗᒋᑦ 25-ᓂᒃ ᐃᓛᒃᑰᖓᔪᓂᒃ ᐅᖅᓱᐊᓗᖕᒨᑦᑐᓂ ᐆᒻᒪᖅᑯᑎᖃᕐᕕᖕᓂᒃ ᐊᒻᒪ ᓯᐊᒻᒪᒃᑎᑦᑎᓲᓂᒃ ᐊᑐᓂ ᓄᓇᕘᑉ ᓄᓇᓕᓕᒫᖏᓐᓂᒃ.

QEC-19-047 ᐊᐅᓚᑦᑎᔨ, ᓴᓇᓂᕐᒧᑦ (ᓴᖅᑭᑕᐅᒃᑲᓐᓂᖅᑐᖅ)

ᑐᙵᕕᖃᖅᖢᓂ ᐃᖃᓗᐃᑦ, ᓄᓇᕗᒻᒥ ᐊᒻᒪ ᐊᖓᔪᖅᑳᖃᖅᖢᓂ ᑐᑭᒧᐊᒃᑎᑦᑎᔨᒥ ᐊᐅᓚᓂᕐᒧᑦ, ᐊᐅᓚᑦᑎᔨᐅᔪᖅ, ᓴᓇᓂᕐᒧᑦ ᐱᔭᒃᓴᖃᖅᐳᖅ ᑲᒪᒋᔭᖃᕐᓂᕐᒥᑦ ᖃᐅᑕᒫᖅᓯᐅᑎᓂᒃ ᐊᐅᓚᓂᖃᖅᑎᑦᑎᓂᕐᒧᑦ ᑕᒪᐃᓐᓂᒃ 25-ᓂᒃ ᐅᖅᓱᐊᓗᖕᒨᖅᑐᓄᑦ ᐆᒻᒪᖅᑯᑎᖃᕐᕕᖕᓂ ᓄᓇᕘᓕᒫᒥ. ᑖᓐᓇ ᐃᖅᑲᓇᐃᔮᖅ ᐱᓕᕆᖃᑎᖃᑦᑎᐊᓲᖅ ᓴᓇᓂᕐᒧᑦ ᐱᓕᕆᔨᓂ ᓄᓇᕘᓕᒫᒥ ᖃᐅᔨᒪᑦᑎᐊᕆᐊᕐᓂᕐᒥᑦ ᐱᔨᑦᑎᕋᕐᓗᑎᒃ ᐊᑦᑕᕐᓇᙱᑦᑐᒥ ᐊᒻᒪ ᐊᑐᑦᑎᐊᖅᑐᒥ ᐆᒻᒪᖅᑯᑎᒥ ᑖᒃᑯᓄᖓ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐱᔨᑦᑎᕋᖅᑕᖏᓐᓄᑦ, ᑲᔪᓰᓐᓇᖅᑐᒥ ᓴᖅᑭᖅᑎᑦᑎᓯᓐᓈᑦ ᓴᓇᔪᓕᕆᓂᕐᔪᐊᕐᒧᑦ ᐱᓕᕆᔾᔪᓯᑦᑎᐊᕙᐅᓛᓂᒃ.

ᐱᔭᒃᓴᕆᔭᐅᔪᑦ ᐊᒻᒪ ᑲᒪᒋᔭᐅᔭᕆᐊᓖᑦ:

  • ᓯᕗᓕᖅᑎᐅᔪᖅ ᐊᑦᑕᕐᓇᙱᑦᑐᒧᑦ ᐊᒻᒪ ᐊᑐᑦᑎᐊᖅᑐᒧᑦ ᐊᐅᓚᓂᖃᕐᓂᕐᒥᑦ ᑎᒥᖁᑎᒋᔭᐅᔫᑉ ᐆᒻᒪᖅᑯᑎᖃᕐᕕᖕᓂᒃ ᐊᖓᔪᖅᑳᕆᔭᐅᓂᒃᑯᑦ ᐊᒻᒪ ᒪᓕᑦᑎᐊᑎᑦᑎᓂᕐᒥᑦ ᓴᓇᓂᕐᒧᑦ ᐊᖓᔪᖅᑳᑎᒍᑦ, ᐊᐅᓚᓂᕐᒧᑦ ᐃᓕᓐᓂᐊᖅᑎᑦᑎᔨᓄᑦ ᐊᒻᒪ ᐆᒻᒪᖅᑯᑎᓕᕆᕝᕕᖕᓂ ᐊᐅᓚᓂᖃᕐᓂᕐᒧᑦ ᐃᖅᑲᓇᐃᔭᖅᑎᓄᑦ ᓄᓇᕘᓕᒫᒥ.
  • ᐱᓕᕆᖃᑎᖃᓲᖅ ᑕᒪᒃᑮᓐᓂᒃ ᓴᓇᓂᕐᒧᑦ ᐊᒻᒪ ᐋᖅᑭᐅᒪᑎᑦᑎᓂᕐᒧᑦ ᐊᖓᔪᖅᑳᓂᒃ ᖃᐅᔨᒪᑦᑎᐊᕆᐊᕐᓂᕐᒥᑦ ᐊᕐᕌᒍᑕᒫᑦ ᐆᒻᒪᖅᑯᑎᖃᕐᕕᐅᑉ ᐋᖅᑭᐅᒪᒋᐊᖃᕐᓂᖓ ᐱᔭᕇᖅᑕᐅᕙᒃᑲᓗᐊᕐᒪᖔᖅ.
  • ᐃᑲᔪᓲᖅ ᓄᑖᙳᖅᑎᕆᓂᕐᒥᑦ ᐊᐅᓚᑦᑎᓂᕐᒧᑦ ᑐᑭᓕᕇᒃᑐᒥ ᐆᒃᑐᑎᓂᒃ, ᐱᓕᕆᕝᕕᒻᒥ ᐃᓛᒃᑯᖓᓂᖏᓐᓄᑦ ᐊᒻᒪ ᐃᓂᕆᔭᐅᔪᓄᑦ ᐸᕐᓇᐅᑎᓂ ᓄᒃᑭᒃᓴᐅᑎᓕᐅᕐᕕᖕᓄᑦ.
  • ᐅᖃᖃᑎᖃᓲᖅ ᓱᓇᒃᑯᑖᖃᖅᑎᑦᑎᔨᓂ ᐊᐅᓚᑦᑎᓂᕐᒧᑦ ᐃᓱᒫᓘᑕᐅᔪᓂᒃ, ᐊᑲᐅᙱᓕᐅᕈᑎᓂ, ᓈᒻᒪᙱᓕᐅᕈᑎᓂ ᑐᕌᖓᔪᓂ ᓄᑖᓄᑦ ᐅᕝᕙᓘᓐᓃᑦ ᐋᖅᑭᒋᐊᖅᑕᐅᓯᒪᔪᓄᑦ ᓄᒃᑭᒃᓴᐅᑎᓕᐅᕐᓂᕐᒧᑦ ᓱᓇᒃᑯᑖᓄᑦ.
  • ᐱᕙᓪᓕᐊᑎᑦᑎᓲᖅ, ᐋᖅᑭᐅᒪᑎᑦᑎᓲᖅ, ᖃᐅᔨᓴᓲᖅ ᐊᒻᒪ ᐅᓂᒃᑳᓕᐅᓲᖅ ᐊᕐᕌᒍᑕᒫᑦ ᐊᐅᓚᓂᕐᒧᑦ ᑮᓇᐅᔭᕐᓂᒃ ᐊᑐᖅᑐᒃᓴᓂᑦ.
  • ᐋᖅᑭᒋᐊᖅᓯᓲᖅ ᐱᓕᕆᕝᕕᐅᑉ ᐱᓕᕆᔾᔪᓯᖏᓐᓂᒃ ᐊᒻᒪ ᒪᓕᒋᐊᓕᖕᓂᒃ ᒪᓕᑦᑎᐊᓂᕐᒧᑦ ᒪᓕᒐᖅᑎᒍᑦ ᐊᒃᓱᕈᕐᓇᖅᑐᓂ.

ᐊᔪᙱᔾᔪᑕᐅᔭᕆᐊᓖᑦ ᒪᑯᐊᖑᔪᑦ:

  • ᐊᔾᔨᒌᙱᑦᑐᓄᑦ ᐊᕕᒃᑐᖅᓯᒪᔪᓄᑦ ᐊᐅᐸᖅᑐᒥ ᓇᓗᓇᐃᒃᑯᑕᖃᕐᓗᓂ ᓴᓇᔪᓕᕆᓂᕐᒧᑦ ᐆᒻᒪᖅᑯᑎᓕᕆᔨᐅᓂᕐᒥ, ᐆᒻᒪᖅᑯᑎᓕᕆᔾᔪᑎᓄᑦ ᐅᐊᔭᓕᕆᔨᐅᓗᓂ, ᐅᖁᒪᐃᑦᑐᓄᑦ ᓱᓇᒃᑯᑖᓄᑦ ᐱᓕᕆᔨᐅᓗᓂ ᐅᕝᕙᓘᓐᓃᑦ ᓇᓕᒧᒃᑐᒥ ᓴᓇᔪᓕᕆᓂᕐᒨᖓᔪᓂ.
  • 7-ᓄᑦ ᐊᕐᕌᒍᓄᑦ ᓇᓗᓇᐃᒃᑯᑕᖃᕐᓂᕐᒥᑦ ᓇᓕᒧᒃᑐᓂ ᓴᓇᔪᓕᕆᔨᐅᓂᕐᒧᑦ ᐆᒻᒪᖅᑯᑎᖃᕐᕕᖕᒥ ᐊᕐᕌᒍᓄᑦ ᑎᓴᒪᓄᑦ (4) ᐊᖓᔪᖅᑳᕆᔭᐅᓂᑰᓗᓂ.
  • ᐱᓕᕆᓂᑰᒻᒪᕆᓪᓗᓂ ᓴᓇᓂᕐᒥ ᐆᒻᒪᖅᑯᑎᓂ.
  • ᑐᑭᓯᐅᒪᓂᖃᑦᑎᐊᕐᓗᓂ ᐅᖅᓱᐊᕐᓗᖕᒧ ᐊᐅᓚᓂᖃᖅᑐᓂ ᐱᓕᕆᕝᕕᖕᓂ ᐱᓕᕆᔾᔪᓯᐅᔪᓂ.
  • ᐱᓕᕆᓂᑰᓗᓂ ᐱᕙᒌᔭᐃᓂᕐᒥ ᐊᑭᑐᔫᑎᓂ ᐊᒻᒪ ᐊᐅᓚᑦᑎᓂᕐᒧᑦ ᑮᓇᐅᔭᕐᓂᒃ ᐊᑐᖅᑐᒃᓴᓂᑦ.
  • ᐱᓕᕆᐊᒃᓴᓂ ᐊᐅᓚᑦᑎᓂᑰᓗᓂ ᐸᕐᓇᐃᓂᕐᒧᑦ ᐊᒻᒪ ᐋᖅᑭᒃᓱᐃᓂᕐᒧᑦ, ᐃᑲᔫᑎᒃᓴᓂ ᐊᐅᓚᑦᑎᓂᕐᒥ, ᒥᔅᓴᐅᓴᐃᓂᕐᒥ ᐊᒻᒪ ᐱᕙᓪᓕᐊᓂᕐᒥ ᐅᓂᒃᑳᓕᐅᕐᓂᕐᒥ.
  • ᐊᑐᖅᑐᒥ ᐊᖁᑦᑐᓐᓇᐅᑎᖃᕐᓗᓂ ᐊᒻᒪ ᐊᖁᖃᑦᑕᕐᓂᖏᑕ ᐅᓂᒃᑳᖏᑦ ᖃᓄᐃᖏᓪᓗᑎ.

ᐱᓯᒪᒋᐊᓕᖏᑦ:

  • ᓇᓗᓇᐃᒃᑯᑕᖃᕐᓗᓂ ᑎᑎᖅᑐᒐᐅᔭᖅᑎᐅᓂᕐᒥ (CET) ᐅᕝᕙᓘᓐᓃᑦ ᐊᑎᓕᐅᖃᑕᐅᓯᒪᓗᓂ ᑎᑎᖅᑯᒐᐅᔭᖅᑎᒻᒪᕆᐅᓗᓂ (P.Eng.) ᐱᓯᒪᒋᐊᓕᖏᑦ.
  • ᐱᓕᕆᐊᒃᓴᓂ ᐊᐅᓚᑦᑎᓂᕐᒧᑦ ᐱᓕᕆᔨᒻᒪᕆᒃ (PMP) ᑎᒃᑯᐊᖅᑕᐅᓯᒪᓂᖓ ᐱᓯᒪᒋᐊᓕᖓ.
  • ᖃᐅᔨᒪᓂᖃᕆᐊᓕᒃ ᓄᓇᕗᒻᒥ, ᓄᓇᖓᓂ, ᐅᖃᐅᓯᖓᓂ ᐊᒻᒪ ᐃᓕᖅᑯᓯᖓᓂ.
  • ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ.

ᓇᓕᒧᒃᑐᑦ ᓈᒻᒪᒋᔭᐅᔪᑦ ᑲᑎᓪᓗᒋᑦ ᐃᓕᓐᓂᐊᖅᓯᒪᓂᖓ, ᐱᓕᕆᓂᖓ, ᖃᐅᔨᒪᓂᖓ, ᐱᓕᒻᒪᒃᓴᖅᓯᒪᓂᖓ ᐊᒻᒪ ᐊᔪᙱᓐᓂᖓ ᐃᓱᒪᒋᔭᐅᑐᐃᓐᓇᕆᐊᓖᑦ.

ᒪᓂᒪᑎᑦᑎᓲᖑᔪᒍᑦ ᑮᓇᐅᔾᔭᑦᑎᐊᕐᓂᕐᒥᑦ ᐊᑯᓐᓂᖓᓂ $119,142-ᓂᒃ $142,313-ᓄᑦ, ᐅᑭᐅᖅᑕᖅᑐᕐᒥᐅᑕᐅᓂᕐᒧᑦ ᐃᑲᔫᑎᒥ $15,016-ᓂᒃ ᐊᕐᕌᒍᑕᒫᑦ, ᐃᑲᕐᕋᖏᑕ ᐅᖓᑖᓄᑦ, ᐱᕚᓪᓕᕈᑎᒃᓴᓂᑦ ᐃᓚᖃᕐᓗᓂ ᓄᖅᑲᖓᓕᖅᑐᖅᓯᐅᑎᓂᒃ ᐊᒻᒪ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᕐᒥᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᒋᔭᐅᙱᑦᑐᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.

ᓄᓇᕗᒻᒥᐅᑦ ᐃᓄᐃᑦ ᐃᓱᒪᒋᔭᐅᓂᖅᓴᐅᓂᐊᖅᑐᑦ.

ᐱᓇᔫᑎᓯ ᓇᒃᓯᐅᑎᓗᒍ ᐃᕐᖐᓐᓈᖅᑕᐅᑎᒃᑯᑦ ᐅᕗᖓ careers@qec.nu.ca ᐅᕝᕙᓘᓐᓃᑦ ᑎᑎᖅᑲᑎᒍᑦ ᐅᕗᖓ: ᐃᖅᑲᓇᐃᔭᖅᑐᓕᕆᔨᒃᑯᑦ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ, ᑎᑎᖅᑲᓂᐊᕐᕕᒃ 420, ᖃᒪᓂᑦᑐᐊᖅ, ᓄᓇᕗᑦ X0C 0A0

ᑖᓐᓇ ᓴᖅᑭᔮᖅᑎᑕᐅᓂᐊᖅᑐᖅ ᐃᓐᓄᒃᑕᐅᓇᓱᓐᓂᓕᒫᖓᓂ.

ᐱᓇᔪᖃᑕᐅᔪᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᓄᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖᓂ.

ᐱᓇᔪᖃᑕᐅᔪᓕᒫᑦ ᖁᔭᓐᓇᒦᖅᑕᕗᑦ; ᑭᓯᐊᓂ, ᑕᐃᒃᑯᐊᑐᐊᖅ ᐃᓱᒪᒋᔭᐅᔪᑦ ᑐᓴᖅᑎᑕᐅᒐᔭᖅᑐᑦ.

 

Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ