ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᐊᐅᓚᑦᑎᔨ ᕿᑎᕐᒥᐅᑦ ᐊᐅᓚᑦᑎᔨᖏᓐᓄᑦ

ᓄᓇᓕᒃ: 
ᐃᖃᓗᒃ`ᑐᑦᑎᐊᖅᒥ
ᓇᓗᓇᐃᒃᑯᑕᖓ: 
03-505942
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑲᑐᔾᔨᖃᑎᒌᖑᓂᖓ: 
ᑮᓇᐅᔾᔭᒃᓴᓇᔭᖅᑐᖅ: 
$111,566.00 ᑎᑭᓪᓗᒍ $159,380.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$19,716.00
ᒪᑐᕝᕕᒃᓴᖓ: 
ᐄᐳᕈ 03, 2020

ᑖᓐᓈ ᐅᑉᐱᓇᑦᑎᐊᕐᓗᓂ ᐊᒻᒪᓗ ᐱᕋᔭᔅᓯᒪᓐᖏᒃᑲᓗᐊᕐᒪᖔᕐᓗ ᖃᐅᔨᓴᖅᑕᐅᒋᐊᓕᒃ.

ᑖᓐᓇ ᐊᖏᔪᖅᑳᕆᔭᐅᔪᖅ ᐃᑲᔪᖅᑎᒋᓪᓗᓂᐅᒃ ᑮᓇᐅᔭᓕᕆᔨᒻᒪᕆᐅᑉ. ᐃᖅᑲᓇᐃᔭᖅᑎᖁᑎᖃᖅᑐᓂ 18−ᓂᒃ, ᐊᖏᔪᖅᑳᖅ, ᕿᑎᕐᒥᐅᑦ ᐊᐅᓚᑦᑎᓂᕐᒧᑦ ᐊᐅᓚᑦᑎᖃᑦᑕᕐᓗᓂ ᒪᑯᓂᖓ ᑮᓇᐅᔭᖅᑐᕈᑎᓂᑦ ᐊᓪᓚᕕᓕᕆᓂᕐᒥᑦ ᐊᑭᓕᖅᓱᐃᓂᕐᒥᑦ ᐃᑲᔫᓯᐊᕐᓂᓪᓗ ᑕᒫᓂ 600−ᓂᑦ ᐊᕕᑦᑐᖅᓯᒪᔪᓂᑦ ᐃᖅᑲᓇᐃᔭᖅᑎᓂᑦ; ᐃᑲᔪᖃᑦᑕᕐᓗᓂ ᐊᓪᓚᕕᐅᑉ ᐃᓗᐊᓂ ᑕᒻᒪᖅᓯᒪᔪᖅᓯᐅᖅᑏᑦ ᐱᔨᑦᑎᕋᖅᑎᓐᓂ ᓴᖅᑭᕋᐃᑉᐸᑕ; ᑲᒪᖃᑦᑕᕐᒥᔪᖅ ᒪᑯᓂᖓ ᐱᓕᕆᐊᖑᔭᕆᐊᓕᓐᓂ ᐊᐅᓚᑦᑎᓂᕐᒥᓪᓗ; ᐃᓕᓂᐊᑎᑦᑎᖃᑦᑕᕐᓗᓂ ᐊᕕᑦᑐᖅᓯᒪᔪᓄᑦ ᐃᖅᑲᓇᐃᔭᖅᑎᓄᑦ ᖃᕋᓴᐅᔭᕐᒧᑦ ᓇᕿᑦᑕᐃᓂᕐᒥᑦ; ᐊᐳᖅᓱᖃᑦᑕᕐᓗᓂ ᐅᓂᒃᑳᖃᑦᑕᕐᓗᓂᓗ ᑮᓇᐅᔭᓕᕆᔾᔪᑎᓂᑦ ᐊᔾᔨᒌᓐᖏᑦᑐᓂᒃ (FreeBalance ᐊᒻᒪᓗ ePersonality); ᐊᑭᓕᖅᓱᖅᑕᐅᑦᑎᐊᕋᐊᓗᕐᒪᖔᑕᓗ ᐊᑭᓕᕆᐊᓕᑦ ᒐᕙᒪᒃᑯᓐᓄᑦ ᖃᐅᒪᑦᑎᐊᖃᑦᑕᕐᓗᓂᒋᑦ; ᐊᑭᓕᔅᓴᐃᑦ ᐊᑭᓕᖅᑕᐅᒋᐊᓖᓪᓗ ᑲᒪᒋᔭᐅᑦᑎᐊᕋᓗᐊᕐᒪᖔᑕ ᖃᐅᔨᓴᖃᑦᑕᕐᓗᓂ; ᐅᖃᐅᔾᔨᒋᐊᕆᔪᓐᓇᕐᓗᓂ ᑐᑭᓯᑎᑦᑎᖃᖅᑕᕐᓗᓂᓗ ᑮᓇᐅᔭᓕᕆᓂᕐᒥᑦ ᑲᒪᒋᔭᐅᕙᑦᑐᓂᑦ ᒪᓕᒐᕐᓂᑦ ᑕᐃᒃᑯᓄᖓ ᐃᖅᑲᓇᐃᔭᕐᕕᓐᓄᑦ ᐊᒻᒪᓗ ᑎᒥᐅᔪᑦ; ᐊᒻᒪᓗ; ᑮᓇᐅᔭᓕᕆᓂᕐᒥᑦ ᑲᒪᖃᑦᑕᕐᓗᓂ ᐊᑭᓕᕆᐊᓕᓐᓂᓪᓗ ᐃᑲᔫᓯᐊᖅᑖᕆᐊᓕᓐᓂᓪᓗ ᐱᔨᑦᑎᕋᖃᑦᑕᕐᓗᓂ ᓄᓇᕗᑦ ᒐᕙᒪᒃᑯᖏᓐᓄᑦ.

ᐊᐅᓚᑦᑎᔨ, ᕿᑎᕐᒥᐅᑦ ᐊᕕᑦᑐᖅᓯᒪᕗᑦ ᐊᐅᓚᓂᕐᒥᑦ ᑎᓕᓯᖃᑦᑕᕐᓗᓂ ᐅᐊᑦᑎᖃᑦᑕᕐᓗᓂᓗ ᐊᖏᔪᖅᑳᕐᓂᑦ, ᑮᓇᐅᔭᓕᕆᓂᕐᒥᑦ ᐊᐅᓚᑦᑎᔨᓄᑦ ᐊᖏᔪᖅᑲᕐᓂᓪᓗ, ᑮᓇᐅᔾᔭᔅᓵᓂᑦ ᐃᑲᔫᓯᐊᓂᓪᓗ; ᑮᓇᐅᔭᓕᕆᔾᔪᓰᓪᓗ ᐃᖏᕐᕋᑦᑎᐊᑎᐊᕋᓗᐊᕐᒪᖔᑕᓗ ᖃᐅᔨᓴᒪᑦᑕᕐᓗᓂ ᒪᓕᑦᑐᒋᑦ ᒐᕙᒪᒃᑯᑦ ᐱᖁᔭᖏᑦ, ᐊᑐᐊᒐᖏᑦ, ᒪᓕᒐᖏᑦ ᑎᓕᓯᔾᔪᑎᖏᓪᓗ; ᑮᓇᐅᔭᐃᓪᓗ ᐃᓯᖅᐸᓪᓕᐊᔪᑦ ᑲᒪᒋᖃᑦᑕᕐᓗᓂᖏᑦ, ᐊᑭᓕᕆᐊᓖᓪᓗ, ᑮᓇᐅᔾᔭᔅᓵᓪᓗ ᑮᓇᐅᔭᓕᕆᓂᕐᒧᓪᓗ ᐃᑲᔪᖅᑐᐃᖃᑦᑕᕐᓗᓂ ᐃᖅᑲᓇᐃᔭᕐᕕᓕᒫᓂᑦ ᕿᑎᕐᒥᐅᓂᑦ ᑭᖑᕙᓐᖏᑦᑎᐊᕐᓗᒋᑦ; ᐊᒻᒪᓗ ᐊᑭᓕᖅᓱᐃᖃᑦᑕᕐᓗᓂ ᓱᓇᒃᑲᑖᕐᓂᑦ ᖃᐅᔨᓴᕐᓂᕐᒥᓪᓗ ᐊᒻᒪᓗ ᐋᖅᑭᒋᐊᖅᑕᐅᒋᐊᓕᓐᓂᑦ ᑭᖑᕙᖅᑐᒥᓂᕐᓂᑦ ᐊᑭᓕᖅᑕᐅᒋᐊᓕᓐᓂᑦ; ᐅᖃᐅᔾᔨᒋᐊᕆᔪᓐᓇᕐᓗᓂ ᐊᑐᐊᖅᓯᓗᑎᓪᓗ ᐊᕕᑦᑐᖅᓯᒪᔪᓂᒃ ᐃᖅᑲᓇᐃᔭᖅᑏᑦ ᐊᖏᔪᖅᑳᖏᓐᓂ ᐊᐅᓚᑦᑎᑦᑎᐊᖁᓪᓗᒋᑦ ᖃᐅᔨᓴᖃᑦᑕᕐᓗᑎᓪᓗ ᐊᐅᓚᔾᔪᑏᑦ ᐊᑭᓕᖅᑕᐅᒋᐊᓕᒃ ᐊᒻᒪᓗ ᐱᓕᕆᐊᖑᔭᕆᐊᓖᑦ ᐅᖓᑖᓅᓗᐊᖅᑐᐊᓗᒃ ᑮᓇᐅᔭᓂᓪᓗ ᐊᑐᓕᓐᖏᒃᑲᓗᐊᕐᒪᖔᑕ ᑮᓇᐅᔭᖅᑐᕈᑎᔅᓴᖏᓐᓂ; ᑐᑭᒧᐊᑦᑎᑦᑎᖃᑦᑕᕐᓗᓂ ᐸᕐᓇᖃᑦᑕᕐᓗᓂᓗ ᕿᑎᕐᒥᐅᑦ ᐊᐅᓚᓂᕐᒧᑦ ᐸᕐᓇᓐᓂᐊᖅᑎᓪᓗᒋᑦ ᑮᓇᐅᔭᖅᑐᕈᑎᔅᓴᖏᓐᓂᓪᓗ; ᐃᓕᓐᓂᐊᕆᐊᓖᓪᓗ ᐃᓕᓐᓂᐊᖅᑎᖃᑦᑕᕐᓗᒋᑦ ᐃᖅᑲᓇᐃᔭᖅᑏᑦ ᖃᕋᐅᔭᒃᑯᓪᓗ ᑮᓇᐅᔭᓕᕆᔾᔪᓯᕐᓂᑦ, ᑮᓇᐅᔾᔭᔅᓵᓕᕆᓂᕐᒥᓪᓗ, ᐊᒻᒪᓗ ᐊᓯᖏᓐᓂ ᐊᑐᖅᑕᐅᕙᑦᑐᓂᑦ ᐊᓯᖏᓐᓄᑦ ᑮᓇᐅᔭᖠᕆᔾᔪᓯᐅᕙᑦᑐᓂᒃ, ᐊᕕᑦᑐᖅᓯᒪᔪᓂᑦ ᐊᑐᓂ; ᐊᕕᑦᑐᖅᓯᒪᔪᓪᓗ ᐅᑭᐅᖅᑕᖅᑐᒥᓪᓗ ᐃᓕᖅᑯᓯᐅᕙᑦᑐᓂᑦ ᕿᒥᕐᕈᖃᑦᑕᕐᓗᓂ, ᐊᔾᔨᐅᖏᑦᑐᓂᓪᓗ ᑲᑎᒪᔨᕋᓛᓂᑦ ᐅᕝᕙᓘᓐᓃᑦ ᐸᕐᓇᑦᑎᓂ ᑭᒃᑯᑐᐃᓐᓇᕐᓃᑦᑐᓂᑦ ᐱᖃᑕᐅᖃᑦᑕᕐᓗᓂ ᐊᑦᑐᐊᔪᓄᑦ ᒐᕙᒪᒃᑯᓐᓄᑦ/ᓄᓇᓕᓐᓄᑦ ᐊᑦᑐᐊᔪᓄᓪᓗ.

ᖃᐅᔨᒪᑦᑎᐊᕐᓗᓂ ᑭᒃᑯᑐᐃᓐᓇᕐᓄᑦ ᐸᐃᑉᐹᓕᕆᔾᔪᓯᓂᑦ; ᑮᓇᐅᔭᓕᕆᓂᕐᒥᑦ ᐸᕐᓇᓂᕐᒥᑦ ᑮᓇᐅᔭᖅᑐᕈᑎᓂᓪᓗ; ᐃᖅᑲᓇᐃᔭᖅᑐᓕᓂᕐᒥᑦ ᐊᐅᓚᑦᑎᒍᓐᓇᕐᓗᓂ; ᐸᕐᓇᐅᑎᓕᐅᕐᓂᕐᒥᑦ; ᕿᒥᕐᕈᓂᕐᒥᑦ; ᑲᒪᒋᔭᐅᒋᐊᓕᓐᖏᓂᓪᓗ ᒪᑯᓂᖓ ᑐᔅᓯᕋᐅᑕᐅᔪᓂᑦ ᖃᐅᔨᒪᓂᕐᒥ ᐊᔾᔨᐅᓐᖏᑦᑐᓂᑦ ᑭᓱᒍᓘᔮᓗᓐᓂᓪᓗ ᖃᐅᔨᒪᓇᓱᐊᖃᑦᑕᕐᓗᓂ ᐊᑦᑐᖅᑕᐅᒐᔭᖅᑐᓄᑦᓗ; ᖃᐅᔨᒪᑦᑎᐊᕐᓗᓂᓗ ᑮᓇᐅᔭᓕᕆᔨᔾᔪᓯᕐᓂᑦ ᐊᑐᖅᑕᕙᑦᑐᓂᑦ ᐊᒻᒪᓗ ᐃᖅᑲᓇᐃᔭᖅᑐᓕᕆᓂᕐᒧ ᐃᓕᖅᑯᓯᐅᕙᑦᑐᓂ; ᐊᖏᔪᖅᑲᓕᒫᓪᓗ ᐃᖅᑲᓇᐃᔭᕐᕕᖏᑦ ᓯᕗᒃᑲᑕᖅᑎᐅᓂᕐᒧᑦ ᐃᓚᒋᔭᐅᒋᐊᓖᑦ, ᐅᕝᕙᓘᓐᓃᑦ ᐊᖏᔪᖅᑳᕆᔭᐅᓗᓂ ᐃᖅᑲᓇᐃᖅᑎᓄᑦ/ᑲᒪᖃᑦᑕᕐᓗᓂᓗ ᐃᖅᑲᓇᐃᔭᑦᑎᐊᓕᕋᓗᐊᕐᒪᖔᑕ ᖃᐅᔨᓴᖃᑦᑕᕐᓗᓂᒋᑦ.

ᖃᐅᔨᒪᑦᑎᐊᕐᓗᓂ, ᐱᓕᒻᒪᔅᓯᒪᓗᓂ ᐱᔪᓐᓇᑦᑎᐊᕐᓗᓂᓗ ᐃᓕᓴᕆᔭᐅᓯᒪᔪᓂᒃ ᐃᓕᓐᓂᐊᑲᓐᓂᖅᓯᒪᓗᓂᓗ ᐸᐃᑉᐹᖅᑖᖅᓯᒪᓗᓂ ᐊᐃᑉᐸᖓᓐᓂ ᐊᕐᕌᒍᒥᑦ ᑭᒃᑯᑐᐃᓐᓇᕐᓄᑦ ᐊᓪᓚᑦᑎᐅᓂᕐᒧᑦ, ᐱᕙᓪᓕᐊᓂᕐᒧᑦ, ᓇᒻᒥᓂᖃᕐᓂᕐᒧᑦ ᐅᕝᕙᓘᓐᓃᑦ ᐊᔾᔨᐸᓗᖏᓐᓄ ᐊᒻᒪᓗ ᐊᕐᕌᒍᓄᑦ ᑕᓪᓕᒪᓄᑦ ᐊᖏᔪᖅᑳᕈᖅᐸᓪᓕᐊᓯᒪᓗᓂ ᑕᐃᒪᐃᑦᑐᓕᕆᔪᒥᑦ.

ᐊᔾᔨᐸᓗᖏᓐᓂ ᓈᒻᒪᒋᔭᐅᔪᓂᑦ ᐃᓕᓐᓂᐊᖃᑦᑕᖅᓯᒪᔭᖏᓐᓂ ᐊᑐᖃᑦᑕᖅᓯᒪᔭᖏᓐᓂᓪᓗ ᐃᓱᒪᖅᓴᖅᓱᐅᕈᑕᐅᒐᔭᖅᑐᑦ ᐱᖃᖅᑲᑦ.

ᑮᓇᐅᔭᓕᕆᓂᕐᒧᑦ ᐃᓕᓴᕆᔭᐅᔾᔪᑎᖃᖅᑲᑦ ᐃᓱᒪᒋᔭᐅᖃᓯᐅᔾᔭᐅᒐᔭᖅᑐᖅ.

ᐊᑲᐅᓯᐅᓐᖏᑦᑐᒥᑦ ᐃᓕᓴᕆᔭᐅᓯᒪᔪᒥᑦ ᓄᓇᕗᒻᒥ ᐅᖃᐅᓰᓐᓂᒃ ᐅᖃᕈᓇᕆᐊᓕᒃ.

ᖃᐅᔨᒪᔭᕆᐊᓕᒃ ᐃᓄᑦᑎᑐᑦ, ᓄᓇᓕᓐᓂᑦ, ᐱᖅᑯᓯᖏᓐᓂ, ᓄᓇᒥᑦ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂ.

ᐱᔪᓇᖅᑐᓂᑦ ᑎᑎᕋᖅᓯᒪᓛᖅᑐᑦ ᓯᕗᓂᑦᑎᓐᓂ ᐃᓐᓄᒋᐊᓕᓐᓄᑦ

 

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ