ᐅᖃᓚᐅᑎᓯᐅᑏᑦ

You are here

ᐊᐅᓚᑦᑎᔨ, ᓄᓇᓕᒻᒥ ᖃᓄᐃᖏᑎᐊᓂᕐᒧᑦ ᐱᓕᕆᐊᓂᑦ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
10-506291
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$99,743
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 30, 2020 - 11:59am

ᑖᓐᓇ ᐃᖅᑲᓇᐃᔮᔅᓴᖅ ᑭᒃᑯᓕᒫᓄᑦ ᒪᑐᐃᖓᔪᖅ.

ᐊᖏᔪᖅᑳᖃᖅᓐᑐᓂ ᑐᑭᒧᐊᖅᑎᑦᑎᔨ ᐋᓐᓂᐊᖅᑐᓕᕆᓂᕐᒧᑦ, ᐊᐅᓚᑦᑎᔨ, ᓄᓇᓕᒻᒥ ᖃᓄᐃᖏᑎᐊᓂᕐᒧᑦ ᐱᓕᕆᐊᓂᑦ ᐱᑕᖃᖅᑎᑦᑎᔪᖅ ᓯᕗᓕᖅᑎᐅᓂᕐᒥᑦ ᓄᓇᓕᒻᒥ ᖃᓄᐃᖏᑎᐊᓂᕐᒧᑦ ᐱᓕᕆᐊᓂᑦ ᐃᖅᑲᓇᐃᑦᑎᓄᑦ, ᐊᒻᒪᓗᑦᑕᐅᖅ ᐃᒻᒥᑰᖅᑐᑦ ᐊᔾᔨᐅᖏᑦᑐᓄᑦ ᐱᓕᕆᐊᓄᑦ, ᓄᓇᓕᒻᒥ ᖃᓄᐃᖏᑎᐊᓂᕐᒧᑦ ᐱᓕᕆᐊᑦ ᐊᒥᓱᒐᓚᓐᓂᑦ ᑮᑮᓇᐅᔭᖃᖅᑎᑦᑎᔪᑦ ᓄᓇᓕᒻᒧᑦ ᐊᐅᓚᑕᐅᔪᓂᑦ ᐱᓕᕆᔭᐅᔪᓂᑦ ᐱᐅᓯᑎᒋᐊᖅᑐᒍᒍ ᐋᓐᓂᐊᖅᑐᓕᕆᓂᖅ ᐊᒻᒪ ᖃᓄᐃᖏᑎᐊᓂᕐᒧᑦ ᐃᓄᓐᓄᑦ, ᐃᓚᒌᓄᑦ ᐊᒻᒪ ᓄᓇᓕᓐᓄᑦ. ᑖᒃᑯᐊ ᐱᓕᕆᐊᑦ. ᑖᒃᑯᐊ ᐱᓕᕆᐊᑦ ᑐᕌᒐᖃᖅᑐᑦ ᓴᖅᑭᔮᖅᑎᑦᑎᓗᑎ ᐋᓐᓂᐊᖅᑐᓕᕆᓂᕐᒥᑦ ᐊᒻᒪ ᖃᓄᐃᖏᑎᐊᓂᕐᒧᑦ ᓄᓇᕗᒻᒥᐅᓄᑦ, ᓴᖅᑭᔮᖅᑎᑦᑎᔪᑦ ᐱᖅᑯᓯᑐᖃᕐᓄ ᐊᒻᒪ ᐱᖅᑯᓯᓄᑦ ᐱᖠᕆᐊᓂᑦ, ᐊᒻᒪ ᐱᔪᓐᓇᕐᓂᓕᐅᓂᕐᒥᑦ.

ᐊᐅᓚᑦᑎᔨ ᑲᒪᒋᔭᖃᖅᑐᖅ  ᐊᐅᓚᑦᑎᓂᕐᒥᑦ ᐊᒻᒪ ᐊᐅᓚᑕᐅᓂᖏᓐᓄᑦ ᑮᓇᐅᔭᐃᑦ ᖃᓂᒋᔭᖏᓐᓃᑦᑐᑦ 8 ᒥᓕᐊᓐ ᑮᓇᐅᔭᐃᑦ ᐱᑕᖃᖅᑎᑕᐅᔪᑦ ᐊᕐᕌᒍᑕᒫᑦ ᐊᑖᓂ ᓄᓇᕗᒻᒥ ᖃᓄᐃᖏᑎᐊᓂᕐᒧᑦ ᐊᖏᕈᒻᒥᑦ (NWA) ᐃᑲᔪᖅᑐᐃᔪᓂᑦ ᓄᓇᓕᒻᒥ ᖃᓄᐃᖏᑎᐊᓂᕐᒧᑦ ᐱᓕᕆᐊᓂᑦ ᐊᒻᒪ ᓄᓇᓕᒻᒥ ᐱᔪᓐᓇᕐᓂᖓᓄᑦ ᐱᕙᓪᓕᐊᑎᑦᑎᓂᕐᒥᑦ. ᐊᐅᓚᑦᑎᔨ ᑲᒪᒋᔭᖃᖃᑎᖃᕐᒥᔪᖅ ᑐᑭᒧᐊᖅᑎᑦᑎᔨᒥᑦ ᐸᕐᓇᐃᓂᕐᒥᑦ ᐊᒻᒪ ᐊᐅᓚᑕᐅᓂᖏᓐᓄᑦ ᐱᓕᕆᐊᑦ ᐊᐅᓚᑦᑎᓂᕐᒧᑦ ᑮᓇᐅᔭᖃᖅᑎᑕᐅᓂᖏᓐᓄᑦ, ᖃᓂᒋᔭᐸᓗᖏᓐᓂ 2 ᒥᓕᐊᓐ ᑮᓇᐅᔭᐃᑦ ᐊᕐᕌᒍᑕᒫᑦ. ᐃᑲᔪᖅᑕᐅᓪᓗᓂ ᑐᑭᒧᐊᖅᑎᑦᑎᔨᒧᑦ , ᐅᓚᑦᑎᒡ ᑎᒍᒥᐊᖅᑐᖅ ᑲᒪᒋᔭᖃᓂᕐᒥᑦ ᐊᐅᓚᑕᐅᓂᖓᓄᑦ NWA ᐋᓐᓂᐊᖅᑐᓕᕆᓂᕐᒧᑦ ᐸᕐᓇᐅᑦ, ᑖᒃᑯᐊ ᐱᓕᕆᔭᐅᔪᑦ, ᑮᓇᐅᔭᖃᖅᑎᑕᐅᓂᕐᒧᑦ ᐊᖏᕈᑏᑦ, ᐱᓕᕆᐊᑦ ᐊᒻᒪ ᓴᓇᓯᒪᓂᖓ ᐱᓕᕆᐊᖑᔪᑦ ᑭᖑᕙᖃᑦᑕᕐᓇᑎ ᐊᒻᒪ ᓈᒻᒪᒋᔭᐅᔪᓂᑦ. 

ᑖᓐᓇ ᐃᖅᑲᓇᐃᔮᔅᓴᖅ ᐱᑕᖃᖅᑎᑦᑎᓂᐊᖅᑐᖅ ᐊᐅᓚᑦᑎᓂᕐᒥᑦ ᐃᓚᓕᐅᔾᔭᐅᓯᒪᔪᒥ, ᐊᐅᓚᑕᐅᓯ,ᔪᓂᑦ, ᓄᓇᓕᒻᒧᑦ ᐊᐅᓚᑕᐅᔪᑦ ᐊᒻᒪ ᐃᓚᒌᓄᑦ ᑐᕌᖓᔪᑦ ᐊᑐᖅᑕᐅᓂᖓ ᐱᕙᓪᓕᐊᑎᑕᐅᓂᖓᓄᑦ ᓄᓇᓕᒻᒥ ᖃᓄᐃᖏᑎᐊᓂᕐᒧᑦ ᐱᓕᕆᐊᑦ ᓄᓇᕗᒻᒥ ᓈᒻᒪᑦᑐᒥᑦ ᐃᑲᔪᖅᑕᐅᔪᖅ ᑕᒪᒃᑭᒃ ᑮᓇᐅᔭᑎᒍᑦ ᐊᒻᒪ  ᐃᖅᑲᓇᐃᔭᖅᑎᓄᑦ. ᐊᐅᓚᑦᑎᔨ  ᑖᒃᑯ ᓄᓇᓕᒻᒧᑦ ᐊᐅᓚᑕᐅᔪᑦ ᐱᓕᕆᐊᑦ ᐱᔨᑦᑎᖅᑕᐅᓗᑎ ᑐᓐᖓᕕᐅᔪᓐᓇᕐᓗᑎ, ᒪᓕᓐᓂᖃᖅᑐᓂᑦ ᒐᕙᒪᑐᖃᒃᑯᑦ ᐱᓕᕆᐊᒧᑦ ᐊᑐᐊᒐᖏᓐᓂᑦ, ᐊᒻᒪ ᑎᑭᑦᑎᓂᕐᒧᑦ ᐱᔭᕆᐊᖃᖅᑕᖏᓐᓂᑦ ᓄᓇᕗᒻᒥ ᓄᓇᓖᑦ, ᐊᒻᒪᓗ ᓴᒃᑯᐊ ᐱᓕᕆᐊᑦ ᓇᓕᒧᓐᓂᖃᕐᓗᑎ ᓯᕗᓪᓕᐅᔾᔭᐅᔭᕆᐊᓕᓐᓂᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓂᑦ.

ᐃᖅᑲᓇᐃᔮᖅᑖᖁᒥᓇᖅᑐᖅ ᐱᓯᒪᑦᑎᓂᐊᖅᑐᖅ ᐃᓕᓴᕆᔭᐅᓯᒪᔪᒥᑦ ᓇᓗᓇᐃᒃᑯᑕᒥᑦ ᐋᓐᓂᐊᖅᑐᓕᕆᓂᕐᒥᑦ, ᐃᓄᓐᓂᑦ ᖃᐅᔨᓴᓂᕐᒥᑦ ᐅᕝᕙᓘᓐᓃᑦ ᐊᑦᑐᐊᓂᓕᓐᓄᑦ ᐃᖅᑲᓇᐃᔮᒧᑦ, ᐊᒻᒪᓗ ᐱᖓᓱᓂ (3) ᐊᕐᕌᒍᓐᓂ ᐃᖅᑲᓇᐃᔭᖃᑦᑕᖅᓯᒪᓗᓂ ᐋᓐᓂᐊᖅᑐᓕᕆᓂᕐᒥᑦ ᐊᐅᓚᑦᑎᓂᕐᒥᑦ ᐅᕝᕙᓘᓐᓃᑦ ᐊᑦᑐᐊᓂᓕᓐᓄᑦ ᐃᖅᑲᓇᐃᔮᒧᑦ, ᐱᖃᓯᐅᑎᓪᓗᑎ ᒪᕐᕉᒃ (2) ᐊᕐᕌᒎᓐᓂ ᐱᓕᕆᐊᓂᑦ ᐊᐅᓚᑦᑎᓂᕐᒧᑦ ᐅᕝᕙᓘᓐᓃᑦ ᐱᓕᕆᐊᒥᑦ ᓯᕗᓕᖅᑎᐅᓂᕐᒥᑦ ᐃᖅᑲᓇᐃᔭᖃᑦᑕᖅᓯᒪᓗᓂ ᐃᖅᑲᓇᐃᔮᒧᑦ ᐊᑦᑐᐊᓂᓐᓄᑦ ᐃᓱᒪᒋᐅᔪᖅ ᐱᑕᖃᕆᐊᖃᖅᑐᑎᑦ.

ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᓄᓇᕗᒻᒥ ᐃᓄᑦᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ. ᐅᖃᕈᓐᓇᕐᓗᓂ ᐊᑕᐅᓯᐅᓗᐊᖅᑐᒥᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᐱᑕᖃᕆᐊᖃᖅᑎᑕᐅᔪᖅ. ᖃᐅᔨᒪᓂᖃᕐᓗᓂ ᐃᓄᐃᑦ ᐅᖃᐅᓯᖓᓂ, ᓄᓇᓕᓐᓂᑦ, ᐱᖅᑯᓯᖏᓐᓂ, ᓄᓇᖓᓂ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᑦ ᐱᑕᖃᕆᐊᖃᖅᑎᑕᐅᔪᑦ.

ᐊᔾᔨᐸᓗᖏᓐᓂ ᐱᓯᒪᑦᑎᔪᑦ ᓈᒻᒪᒋᔭᐅᔪᓂᑦ ᑲᑎᓐᖓᔪᓂᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᐃᓱᒪᒋᔭᐅᓂᐊᖅᑐᑦ.

ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᓯᒪᔪᑦ ᓴᖅᑭᖅᑎᑕᐅᔪᓐᓇᖅᑐᑦ ᐃᓐᓄᐃᓗᑎᑦ ᓯᕗᓂᔅᓴᒥᑦ ᐃᓐᓄᑦᑕᐅᓯᒪᖏᑦᑐᓂᑦ.

 

ᐃᖅᑲᓇᐃᔮᖅᑕᕆᒐᓱᐊᕈᒪᒋᒍᕕᐅᒃ ᑖᓐᓇ ᐃᖅᑲᓇᐃᔮᔅᓴᖅ, ᐊᐅᓪᓚᑎᓪᓗᒋᑦ ᖃᕋᓴᐅᔭᒃᑯᑦ ᑎᑎᖅᑲᖅ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᐅᕗᖓ GNHR@gov.nu.ca. ᓇᓗᓇᐃᕐᓗᒍ ᖃᐅᔨᒋᐊᕐᕕᖓᑕ ᓈᓴᐅᑎᖓ ᑭᓱᒧᑦ ᐱᔾᔪᑎᖓᓂ ᐃᕝᕕᑦ ᖃᕋᓴᐅᔭᒃᑯᑦ ᐊᐅᓪᓚᖅᑎᑕᖓᒍᑦ.

  • ᓄᓇᕗᑦ ᒐᕙᒪᒃᑯᑦ ᑲᔪᖏᖅᓯᒪᔪᑦ ᓴᖅᑭᑎᑦᑎᓂᕐᒥᑦ ᑭᒡᒐᖅᑐᐃᓂᖅᓴᓂᑦ ᐃᖅᑲᓇᐃᔭᖅᑎᓂᑦ ᑐᑭᓯᑦᑎᐊᓂᖅᓴᐅᔪᓐᓇᓂᐊᕐᒪᑕ  ᐊᒻᒪ ᐱᔨᑦᑎᕐᓗᒋᑦ ᐱᔭᕆᐊᖃᖅᑕᖏᓐᓂᑦ ᓄᓇᕗᒻᒥᐅᑦ. ᓯᕗᓪᓕᐅᔾᔭᐅᓂᐊᖅᑐᑦ ᓄᓇᕗᒻᒥ ᐃᓄᐃᑦ ᓇᓗᓇᐃᖅᓯᑦᑎᐊᕆᐊᓖᑦ ᑭᓇᐅᓂᕐᒥᓂ ᐱᔪᓐᓇᖅᑎᑕᐅᓂᖏᓐᓄᑦ ᐱᑎᑕᐅᓂᐊᕐᓗᓂ ᓯᕗᓪᓕᐅᔾᔭᐅᓂᕐᒧᑦ ᐃᓱᒪᒋᔭᐅᓂᕐᒧᑦ ᐊᑖᓂ ᓄᓇᕗᒻᒥ ᓯᕗᓪᓕᐅᔾᔭᐅᔭᕆᐊᓕᓐᓂ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᐊᒐᖅ.
  • ᐃᖅᑲᓇᐃᔮᔅᓴᐃᑦ ᐃᓚᖏᓐᓂᑦ ᐃᓂᐅᔪᓂᑦ ᐱᑕᖃᕆᐊᖃᖅᑎᑕᐅᔪᑦ ᖃᐅᔨᓴᖅᑕᐅᓗᑎ ᓈᒻᒪᒋᔭᐅᔪᒥᑦ ᐱᕋᔭᓚᐅᖅᓯᒪᖏᓐᓂᖓᓄᑦ. ᐱᕋᔭᒪᐅᖅᓯᒪᓂᐅᔪᖅ ᐱᓇᓱᐊᕈᓐᓇᐃᓕᑎᑦᑎᖏᑦᑐᖅ ᐃᓱᒪᒋᔭᐅᒃᑲᓂᕐᓂᐊᕐᓗᓂ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᑐᓂᓯᒍᓐᓇᖅᑐᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂ ᑎᑎᕋᖅᓯᒪᔪᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᓂᕈᐊᖅᑕᖏᓐᓂᑦ.
  • ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᑕᐅᔪᓐᓇᖅᑐᑦ ᐃᓐᓄᐃᓂᐊᕐᓗᑎ ᓯᕗᓂᔅᓴᒥ ᐃᓐᓄᑦᑕᐅᓯᒪᖏᑦᑐᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᓂᖏᑦ ᐱᔭᐅᔪᓐᓇᖅᑐᑦ ᓱᑲᔪᒃᑯᑦ, ᖃᕋᓴᐅᔭᒃᑯᑦ ᑎᑎᖅᑲᒃᑯᑦ ᐅᕝᕙᓘᓐᓃᑦ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓᒍᑦ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᓂᕈᐊᖅᑕᑐᐊᖑᔪᑦ ᐊᐱᖅᓱᖅᑕᐅᓂᕐᒧᑦ ᖃᐅᔨᒋᐊᕐᕕᐅᓂᐊᖅᑐᑦ.

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ