ᐅᖃᓚᐅᑎᓯᐅᑏᑦ
LogoHome

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᐊᐅᓚᑦᑎᔨ, ᓄᓇᓕᒥ ᐱᕙᓪᓕᐊᑎᑦᑎᓂᖅ - ᓴᓇᔭᐅᔪᓄᑦ

ᓄᓇᓕᒃ: 
ᑭᖕᖓᐃᑦᒥ
ᓇᓗᓇᐃᒃᑯᑕᖓ: 
12-505756
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑲᑐᔾᔨᖃᑎᒌᖑᓂᖓ: 
ᑮᓇᐅᔾᔭᒃᓴᓇᔭᖅᑐᖅ: 
$107,718.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$20,980.00
ᒪᑐᕝᕕᒃᓴᖓ: 
ᐄᐳᕈ 03, 2020

ᑖᓐᓇ ᐃᖅᑲᓇᐃᔮᔅᓴᖅ ᑭᒃᑯᑐᐃᓐᓇᕐᓄᑦ ᒪᑐᐃᖓᔪᖅ.

ᐊᖏᔪᖅᑳᖃᖅᑐᓂ ᐊᕕᑦᑐᖅᓯᒪᔪᒧᑦ ᑐᑭᒧᐊᖅᑎᑦᑎᔨ, ᐊᐅᓚᑦᑎᔨ, ᓄᓇᓕᒥ ᐱᕙᓪᓕᐊᑎᑦᑎᓂᖅ - ᓴᓇᔭᐅᔪᓄ ᑲᒪᒋᔭᖃᖅᑐᖅ ᐸᕐᓇᐅᓂᕐᒥᑦ ᐱᕙᓪᓕᐊᑎᑕᐅᓂᖓᓄᑦ ᐱᓕᕆᐊᖑᓕᕐᓂᖓᓄ ᐃᓪᓗᐃᑦ ᓴᓇᔭᐅᓂᖏᓐᓄᑦ ᐊᒻᒪ ᒪᑭᒪᑎᑦᑎᓂᕐᒧᑦ ᐱᔪᓐᓇᕐᓂᕆᔭᖏᓐᓂ ᓄᓇᓕᒻᒥ ᐱᓕᕆᖃᑕᐅᔪᑦ ᐱᓕᕆᖃᑕᐅᔪᖅ ᐃᒪᐃᓪᓗᓂ, ᑐᓂᔭᐅᑦᑕᐅᑎᒋᔪᑦ ᓇᓗᓇᐃᔭᖅᓯᒪᔭᕆᐊᓕᓐᓂᑦ ᐃᓪᓗᓕᕆᓂᕐᒧᑦ ᐱᓕᕆᐊᓂᑦ ᑮᓇᐅᔭᖃᖅᑎᑕᐅᔪᖅ ᑯᐊᐳᕇᓴᒧᑦ. ᐃᖅᑲᓇᐃᔮᑖᖅᑐᖅ ᑲᒪᒋᔭᖃᖅᑐᖅ ᐊᐅᓚᑦᑎᓂᕐᒧᑦ ᐊᑕᖅᑐᒋᑦ ᐅᓪᓗᒥᒨᖓᓕᖅᑎᑕᐅᓂᖏᓐᓄᑦ ᐊᒻᒪ ᐱᐅᓯᑎᒋᐊᖅᑕᐅᓂᖏᓐᓄᑦ ᐱᓕᕆᐊᑦ ᐊᒻᒪ ᒪᑭᒪᑎᑕᐅᓂᖓ ᑯᐊᐳᕇᓴᓐᒧᑦ ᐱᖁᑎᖏᑦ 13−ᓂ ᕿᑭᖅᑖᓗᒻᒥ ᓄᓇᓕᓐᓂᑦ ᐊᒻᒪ ᐱᕈᖅᐸᓪᓕᐊᑎᓪᓗᒍ ᓄᓇᓕᒻᒥ ᐱᕙᓪᓕᐊᑎᑦᑎᓂᖅ ᕿᑭᖅᑖᓗᒻᒥ ᐊᕕᑦᑐᖅᓯᒪᔪᒧᑦ.

ᐊᐅᓚᑦᑎᔨ, ᓄᓇᓕᒥ ᐱᕙᓪᓕᐊᑎᑦᑎᓂᖅ - ᓴᓇᔭᐅᓂᖏᓐᓄ ᐊᑐᓕᖁᔨᖃᑦᑕᖅᑐᖅ ᓄᓇᓕᒻᒥ ᐃᓪᓗᓕᕆᔨᒃᑯᑦ ᑲᑐᔾᔨᖃᑎᒌᖏᑦ (LHO) ᐊᐅᓚᑦᑎᔩᑦ ᐊᒻᒪ ᑲᑎᒪᔩᑦ ᐱᐅᓯᑎᒋᐊᖅᑕᐅᓂᖏᓐᓄᑦ ᐊᑐᑦᑎᐊᕐᓂᖓᓄᑦ ᐊᒻᒪ ᐊᐅᓚᓂᖃᑦᑎᐊᕐᓂᖏᓐᓄᑦ ᓄᓇᓕᒻᒥ ᐃᓪᓗᓕᕆᔨᒃᑯᑦ ᑲᑐᔾᔨᖃᑎᒌᖏᑦ. ᐃᖅᑲᓇᐃᔮᑖᖅᑐᖅ ᐊᓯᔾᔩᒋᐊᖃᓂᐊᖅᑐᖅ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᒃᑯᑦ ᓴᓴᔭᐅᓂᖏᓐᓄᑦ ᐊᐅᓚᑕᐅᓂᖏᓐᓄᑦ ᐱᓕᕆᐊᖅ ᐊᕕᑦᑐᖅᓯᒪᔪᒧᑦ ᑐᑭᒧᐊᖅᑎᑦᑎᔨᒧᑦ, ᑎᑎᕋᕐᕕᖓ ᐊᒻᒪ ᐊᖏᔪᖅᑳᖃᕐᕕᒃ; ᐊᒻᒪ ᐃᖅᑲᓇᐃᔭᕐᓗᓂ ᓴᖅᑭᖅᑎᑕᐅᓯᒪᔪᒥᑦ ᓄᓇᕗᑦ ᒐᕙᒪᒃᑯᑦ/ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᓐ ᐊᑐᐊᒐᖏᑦ, ᐊᑐᖅᑕᐅᔭᕆᐊᓖᑦ, ᒪᓕᑦᑕᐅᔭᕆᐊᓖᑦ ᐊᒻᒪ ᐊᑐᕈᓐᓇᖅᑐᓕᒫᑦ ᐃᓪᓗᓕᕆᓂᕐᒧᑦ ᒪᓕᒐᐃᑦ. ᐃᖅᑲᓇᐃᔮᑖᖅᑐᖅ ᓴᓇᔭᐅᓂᖏᓐᓄᑦ ᖃᐅᔨᒋᐊᕐᕕᐅᔪᖅ ᓄᓇᓕᒻᒥ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᓂᑦ ᐊᒻᒪ ᓇᒻᒥᓂᖅ ᐊᖏᕋᖃᖅᑐᓂᑦ ᐱᔨᑦᑎᖅᑕᐅᔪᑦ. ᐃᖅᑲᓇᐃᔮᑖᖅᑐᖅ ᑲᒪᒋᔭᖃᖅᑐᖅ ᐸᕐᓇᐃᓂᕐᒥᑦ, ᐊᐅᓚᑦᑎᓂᕐᒥᑦ, ᐊᐅᓚᑕᐅᓂᖏᓐᓄᑦ ᐊᒻᒪ ᐱᕙᓪᓕᐊᑎᑕᐅᓂᖏᑦ ᐃᓪᓗᓕᕆᓂᕐᒧᑦ ᓴᓇᔭᐅᔭᕆᐊᓖᑦ ᐊᒻᒪ ᒪᑭᒪᑎᑦᑎᓂᕐᒧᑦ ᐃᓄᓐᓄᑦ ᐃᓪᓗᓕᒫᓂᑦ. ᐃᖅᑲᓇᐃᔭᖅᑎᓄᑦ ᐃᓪᓗᖃᖅᑎᑦᑎᓂᖅ ᐊᒻᒪ ᐊᖏᕋᒥ ᓴᓇᔭᐅᓂᖏᓐᓄᑦ ᐱᓕᕆᐊᑦ 13−ᓂᑦ ᕿᑭᖅᑖᓗᒻᒥ ᓄᓇᓕᓂᑦ.

ᖃᐅᔨᒪᓂᖃᑦᑎᐊᕐᓗᓂ ᑳᓐᑐᕌᖅᑎᑦᑎᓂᕐᒧᑦ ᐊᑐᖅᑕᐅᔭᕆᐊᓕᓐᓂᑦ ᐊᒻᒪ ᐃᓪᓗᓕᐅᓂᕐᒧᑦ ᐊᑐᖅᑕᐅᕙᑦᑐᓂᑦ ᐊᒻᒪ ᓯᕗᓕᖅᑎᐅᖃᑦᑕᖅᓯᒪᓗᓂ ᐱᑕᖃᕆᐊᖃᖅᑎᑕᐅᔪᑦ ᑖᔅᓱᒧᖓ ᐃᖅᑲᓇᐃᔮᒧᑦ. ᖃᐅᔨᒪᓂᖃᕐᓗᓂ ᐱᐅᓂᖓᓂ ᐊᐅᓚᑦᑎᓂᕐᒥᑦ ᑲᔪᖏᖅᓴᐃᒍᓐᓇᕐᓗᓂ ᓄᓇᓕᓐᓂ ᐃᓪᓗᓕᕆᔨᒃᑯᑦ ᑲᑐᔾᔨᖃᑎᒌᖏᓐᓂᑦ ᐊᒻᒪ ᐊᓯᖏᑦ ᑎᒍᒥᐊᖅᑎᐅᖃᑕᐅᔪᑦ ᐱᔪᓐᓇᕐᓗᑎ ᐱᓕᕆᐊᖑᒋᐊᓕᓐᓂᑦ ᐊᒻᒪ ᐃᖅᑲᓇᐃᔭᑦᑎᐊᕈᓐᓇᕐᓗᓂ ᐃᓄᑑᓗᓂ ᐊᒻᒪᓗᑦᑕᐅᖅ ᐃᖅᑲᓇᐃᔭᖃᑕᐅᖃᑦᑕᓂᕐᒥᑦ ᐱᑕᖃᕆᐊᖃᖅᑎᑕᐅᔪᖅ. ᐅᖃᓕᒫᕈᓐᓇᕆᐊᓕᒃ ᐃᓪᓗᓕᐅᓂᕐᒧᑦ ᑎᑎᖅᑐᒐᓂᑦ, ᓇᓗᓇᐃᔭᖅᓯᒪᓂᖏᓐᓂᑦ ᐊᒻᒪ ᐊᖏᓂᖏᓐᓂᑦ ᐃᖅᑲᓇᐃᔮᖑᔪᖅ ᐊᒻᒪ ᓇᓗᓇᐃᕈᓐᓇᕐᓗᒋᑦ ᓇᓗᓇᐃᔭᖅᓯᒪᔭᕆᐊᓖᑦ ᐊᑐᐊᒐᖏᑦ, ᐱᒋᐊᓐᖓᕐᓂᖏᑦ ᐊᒻᒪ ᒪᓕᒐᐃᑦ ᖃᐅᔨᒪᓂᖃᕐᓗᓂ ᒥᔅᓴᐅᓴᓂᕐᒥᑦ, ᐃᓪᓗᓄᑦ ᒪᓕᒐᐃᑦ, ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ. ᑎᑎᕋᕈᓐᓇᕐᓗᒋᑦ ᐊᒻᒪ ᐅᖃᐅᓯᒃᑯᑦ ᑐᓴᖅᑎᑦᑎᒍᑎᒋᒍᓐᓇᕐᓗᒋᑦ ᓇᓗᓇᐃᔭᖅᓯᒪᔭᕆᐊᓕᓐᓄᑦ ᒪᓕᒐᖏᑦ, ᐅᓂᒃᑳᑦ, ᓇᓗᓇᐃᔭᖅᓯᒪᓂᖏᑦ, ᖃᕋᓴᐅᔭᒃᑯᑦ ᑎᑎᖅᑲᐃᑦ ᐅᕝᕙᓘᓐᓃᑦ ᑲᑎᒪᔾᔪᑎᒥᓃᑦ ᓇᓗᓇᖏᑎᐊᖅᑐᓂᑦ ᐊᒻᒪ ᑕᒻᒪᖅᓯᒪᖏᑦᑐᓂᑦ ᐱᑕᖃᕆᐊᖃᖅᑎᑕᐅᔪᖅ. ᐃᑲᔪᕈᓐᓇᕐᓂᖃᕆᐊᓕᒃ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᓐ ᑕᑯᓐᓇᖅᑕᖓᓂ ᐊᒻᒪ ᐊᐅᓚᓂᖃᕐᓗᓂ ᐊᐅᓚᓂᖃᑦᑎᐊᖅᑐᒥᑦ ᐃᓕᖅᑯᓯᖃᑎᒌᖏᑦᑐᓂᑦ, ᑕᑯᔅᓴᐅᑎᑦᑎᔪᖅ ᐃᑉᐱᒍᓱᓐᓂᕐᒥᑦ ᐊᒻᒪ ᐊᑦᑐᖅᑕᐅᓴᕋᐃᓐᓂᖃᖅᑐᓂ ᓄᓇᓕᒻᒧᑦ ᐃᓱᒫᓘᑕᐅᔪᓂᑦ. ᖃᐅᔨᓴᐃᒍᓐᓇᕐᓂᖅ ᐊᒻᒪ ᖃᐅᔨᓴᕐᓗᒋᑦ ᐃᓱᒫᓘᑕᐅᔪᑦ ᐋᖅᑭᔅᓯᒍᑎᐅᓗᑎ ᐱᐅᓛᖑᔪᓐᓇᖅᑐᓂᑦ ᐱᑕᖃᕆᐊᖃᖅᑎᑕᐅᔪᖅ.

ᖃᐅᔨᒪᓂᖓ, ᐊᔪᖏᓐᓂᖏᑦ, ᐊᒻᒪ ᐱᔪᓐᓇᕐᓂᖏᑦ ᐱᑕᖃᕆᐊᖃᖅᑎᑕᐅᔪᑦ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᑦᑐᑦ ᐅᑯᑎᒎᓇ ᐃᓕᓴᕆᔭᐅᓯᒪᔪᒥᑦ ᐱᔭᕇᖅᓯᓯᒪᓂᕐᒧᑦ ᓇᓗᓇᐃᒃᑯᑕᖅ ᓴᓇᓯᒪᔪᓕᕆᓂᕐᒥᑦ, ᓴᓇᔭᐅᓯᒪᔪᓕᕆᓂᕐᒥᑦ, ᐃᓪᓗᓕᐅᓂᕐᒧᑦ ᐊᐅᓚᑦᑎᓂᕐᒥᑦ ᐅᕝᕙᓘᓐᓃᑦ ᐊᑦᑐᐊᓂᓖᑦ, ᐊᒻᒪᓗ ᑎᓴᒪᓂᑦ (4) ᐊᕐᕌᒍᓂᑦ ᐊᑦᑐᐊᓂᓕᓐᓂᑦ ᐃᖅᑲᓇᐃᔭᖃᑦᑕᖅᓯᒪᓗᓂ ᐃᓪᓗᓕᐅᓂᕐᒥᑦ ᐊᒻᒪ ᐊᑕᐅᓯᖅ (1) ᐊᕐᕌᒍᒥ ᐃᖅᑲᓇᐃᔭᖅᑎᓄᑦ ᑲᒪᔨᐅᖃᑦᑕᖅᓯᒪᓗᓂ ᐅᕝᕙᓘᓐᓃᑦ ᐊᐅᓚᑦᑎᔨᐅᖃᑦᑕᖅᓯᒪᓗᓂ.

ᐱᑕᖃᕆᐊᖃᓪᓚᕆᑦᑐᑦ: ᐃᓪᓗᓂᑦ ᖃᐅᔨᓴᓂᕐᒥᑦ ᐃᖅᑲᓇᐃᔭᖃᑦᑕᖅᓯᒪᓗᓂ ᐃᓕᓴᕆᔭᐅᓯᒪᓂᖓ/ᓇᓗᓇᐃᒃᑯᑕᖃᕐᓂᖓ ᐃᒪᓐᓇᐃᑑᓪᓗᓂ ᑲᓇᑕᒥ ᐊᕕᑦᑐᖅᓯᒪᔪᓂᑦ/ᓄᓇᓕᒻᒥ ᐃᓪᓗᓕᕆᔨ, ᐃᖅᑲᓇᐃᔭᖃᑦᑕᖅᓯᒪᓗᓂ ᓯᓚᒥ ᓂᓪᓕᓇᖅᑐᒧᑦ ᐃᓪᓗᐃᑦ ᓴᓇᓯᒪᓂᖏᓐᓄᑦ ᐊᒻᒪ ᓴᓇᔭᐅᓂᖏᓐᓄᑦ, ᐃᖅᑲᓇᐃᔭᕈᓐᓇᕐᓗᓂ ᐱᖅᑯᓯᖃᑎᒌᖏᑦᑐᓂᑦ ᐊᒻᒪ ᐅᖃᕈᓐᓇᕐᓗᓂ ᒪᕐᕉᓐᓂᒃ ᒪᕐᕉᓗᐊᖅᑐᓂᓪᓘᓐᓃᑦ ᓄᓇᕗᒻᒥ ᐅᖃᐅᓯᕐᓂᑦ ᐃᓕᓴᕆᔭᐅᓯᒪᔪᓂᑦ.

ᐊᔾᔨᐸᓗᖏᓐᓂ ᐱᓯᒪᑦᑎᔪᑦ ᓈᒻᒪᒋᔭᐅᔪᓂᑦ ᑲᑎᓐᖓᔪᓂᑦ ᐃᓕᓐᓂᐊᖅᓯᒪᓂᖓ ᐊᒻᒪ ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᖏᓐᓂᖏᑦ ᐊᒻᒪ ᐱᔪᓐᓇᕐᓂᖏᑦ ᐃᓱᒪᒋᔭᐅᓂᐊᖅᑐᑦ.

 

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ