ᐅᖃᓚᐅᑎᓯᐅᑏᑦ

You are here

ᐊᐅᓚᑦᑎᔨ, ᒪᓕᑦᑕᐅᔭᕆᐊᓐᓂᑦ ᐊᒻᒪ ᐊᐅᓚᓂᖏᓐᓄᑦ ᐃᓕᓐᓂᐊᖅᑎ - ᐊᕿᒋᐊᖅᓯᒪᔪᖅ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
13-506113
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
3 ᐊᕐᕌᒍᓄᑦ ᐊᑯᓂᐅᓂᖃᖅᑐᒧᑦ
ᑮᓇᐅᔾᔭᒃᓴᓇᔭᖅᑐᖅ: 
$88,608.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016.00
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 30, 2020 - 11:59pm

ᑖᓐᓇ ᐅᑉᐱᕆᔭᐅᔭᕆᐊᓕᒻᒦᑦᑐᖅ ᐊᒻᒪ ᓈᒻᒪᒋᔭᐅᔪᓂᑦ ᐱᕋᔭᓚᐅᖅᓯᒪᖏᓐᓂᖓᓄᑦ ᖃᐅᔨᓴᖅᑕᐅᔭᕆᐊᓕᒃ.

ᐱᓕᕆᖃᑎᖃᖃᑦᑕᕐᓂᑯᒥᓂᖓᓄᑦ ᖃᐅᔨᓴᖅᑕᐅᔾᔪᑎᖏᑦ ᑐᓂᔭᐅᔭᕆᐊᖃᕐᒥᔪᑦ ᒪᓕᑦᑐᒍ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᑐᐊᒐᑦ ᑐᑭᒧᐊᕈᖁᑎᖓ 518, ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᑦ ᐃᓄᖏᖕᓄᑦ ᑭᓯᐊᓂ ᐱᓇᓱᐊᖅᑕᐅᔪᓐᓇᖅᐳᖅ.

ᐊᖏᔪᖅᑳᖃᖅᑐᓂ ᐊᐅᓚᑦᑎᔨ ᒪᓕᑦᑕᐅᔭᕆᐊᓐᓂᑦ ᐊᒻᒪ ᐊᐅᓚᓂᖏᓐᓄᑦ, ᐃᓕᓐᓂᐊᖅᑎ ᑲᒪᒋᔭᖃᖅᑐᖅ ᐃᑲᔪᕐᓗᓂ ᐊᐅᓚᑕᐅᓂᖏᓐᓄᑦ ᐊᒻᒪ ᐊᑐᓕᖅᑎᑕᐅᓂᖏᓐᓄᑦ ᐱᓕᕆᕕᒻᒧᑦ ᒪᓕᑦᑕᐅᔭᕆᐊᓖᑦ ᐱᕙᓪᓕᐊᑎᑕᐅᓂᖓ. ᑖᓐᓇ ᐃᖅᑲᓇᐃᔮᔅᓴᖅ ᑲᒪᒋᔭᖃᕐᒥᔪᖅᑕᐅᖅ ᐃᓕᓐᓂᐊᕐᓗᓂ ᐅᖃᐅᔾᔨᒋᐊᕈᓐᓇᓂᕐᒥᑦ ᐊᒻᒪ ᐃᑲᔪᓂᕐᒥᑦ ᐊᐅᓚᓂᖏᓐᓄᑦ ᐃᑲᔪᕐᓂᒃᑯᑦ ᐱᕙᓪᓕᐊᑎᑕᐅᓂᖏᑦ ᐊᒻᒪ ᐱᓯᒪᔭᐅᓂᖏᓐᓄᑦ ᐊᑐᐊᒐᐃᑦ, ᒪᓕᒐᐃᑦ, ᑎᑎᕋᖅᑕᐅᒋᐊᓐᖓᖅᓯᒪᔪᑦ ᑐᑭᒧᐊᕈᑏᑦ ᐊᒻᒪ ᐊᑐᐊᒐᐃᑦ.

ᐃᖅᑲᓇᐃᔮᑖᖅᑐᖅ ᐃᑲᔪᖃᑦᑕᖅᑐᖅ ᓇᓗᓇᐃᖅᑕᐅᓂᖏᓐᓄᑦ ᐱᑕᖃᕆᐊᖃᖅᑎᑕᐅᔪᑦ ᒪᓕᑦᑕᐅᔭᕆᐊᓕᓐᓂᑦ ᐊᓯᔾᔨᖅᑐᓂᑦ, ᐊᒻᒪᓗᑦᑕᐅᖅ ᐃᑲᔪᓂᕐᒧᑦ ᐊᐅᓚᑦᑎᓂᕐᒥᑦ ᐊᒻᒪ ᐊᑐᓕᖅᑎᑦᑎᓂᕐᒥᑦ ᒪᓕᑦᑕᐅᔭᕆᐊᓕᓐᓂᑦ ᐊᓯᔾᔨᖅᑐᓂᑦ ᐱᓕᕆᖃᑎᖃᖅᑐᓂ ᐊᕕᑦᑐᖅᓯᒪᔪᓕᒫᓄᑦ ᐃᖅᑲᓇᐃᔭᖅᑎᓂᑦ ᐊᒻᒪ ᑎᒥᐅᔪᓂᑦ. ᐊᐅᓚᑦᑎᔨ ᐊᐅᓚᑕᖏᑦ ᐆᒪᔪᓕᕆᓂᕐᒧᑦ ᐊᐅᓚᓂᖏᑦ ᓲᕐᓗ ᓚᐃᓴᓐᓯᖃᖅᑎᑦᑎᓂᖅ, ᐱᓕᕆᐊᑦ ᑐᓂᔭᐅᓂᖏᑦ, ᐊᒻᒪ ᐱᓗᐊᖅᑐᒥᑦ ᒪᓕᓐᓂᖃᓂᕐᒧᑦ ᐱᓕᕆᐊᓂᑦ ᑐᓂᔭᐅᒋᐊᖃᕐᓂᖏᑦ ᐊᔾᔨᒌᖑᔪᓂᑦ ᓄᓇᕗᓕᒫᒥᑦ. ᐃᖅᑲᓇᐃᔮᑖᖅᑐᖅ ᐃᑲᔪᕐᓂᐊᖅᑐᖅ ᐊᔭᐅᖅᓯᒋᐊᓂᕐᒥᑦ ᐱᓕᕆᔭᐅᔪᓂᑦ ᒐᕙᒪᓄᑦ ᑲᒪᒋᔭᐅᔪᓂᑦ ᐊᒻᒪ ᓄᓇᕗᒻᒧᑦ ᑭᓪᓕᖏᓐᓂᑦ. ᐃᖅᑲᓇᐃᔮᑖᖅᑐᖅ ᐃᓕᓐᓂᐊᓂᐊᖅᑐᖅ ᑭᓱᓂᑦ ᐱᖃᓯᐅᔾᔭᐅᔪᓂᑦ ᓴᖅᑭᑎᑦᑎᓂᕐᒥᑦ ᒐᕙᒪᐅᖃᑎᒌᑦᑐᓂᑦ ᐊᒻᒪ ᑎᒥᐅᖃᑎᒌᑦᑐᓂᑦ ᐊᖏᕈᑎᓂᑦ.

ᖃᐅᔨᒪᓂᖏᑦ, ᐊᔪᖏᓐᓂᖏᑦ, ᐊᒻᒪ ᐱᔪᓐᓇᕐᓂᖏᑦ ᐱᑕᖃᕆᐊᖃᖅᑎᑕᐅᔪᑦ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᑦᑐᑦ ᐱᔭᕇᖅᓯᓯᒪᓂᕐᒥᑦ ᓄᓇᕗᒻᒥ ᓯᓚᑦᑐᓴᕐᕕᒃ ᐊᕙᑎᓕᕆᓂᕐᒧᑦ ᐱᔨᕆᐊᒥᑦ ᐊᒻᒪᓗ ᐊᑕᐅᓯᑦ (1) ᐊᕐᕌᒍᒥ ᐊᑦᑐᐊᓂᓕᓐᓂᑦ ᐃᖅᑲᓇᐃᔭᖃᑦᑕᖅᓯᒪᓗᓂ.

ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᓄᓇᕗᒻᒥ ᐃᓄᑦᑎᑐᑦ, ᐃᓄᐃᓐᓇᖅᑐᓐ, ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ. ᐅᖃᕈᓐᓇᕐᓗᓂ ᒪᕐᕉᓐᓂᒃ ᐊᒥᓲᓂᖅᓴᓂᓪᓘᓐᓃᑦ ᓄᓇᕗᒻᒥ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᐱᑕᖃᕆᐊᖃᖅᑎᑕᐅᔪᖅ. ᖃᐅᔨᒪᓂᖃᕐᓗᓂ ᐃᓄᐃᑦ ᐅᖃᐅᓯᖓᓂ, ᓄᓇᓕᓐᓂᑦ, ᐱᖅᑯᓯᖏᓐᓂ, ᓄᓇᖓᓂ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᑦ ᐱᑕᖃᕆᐊᖃᖅᑎᑕᐅᔪᑦ.

ᐊᔾᔨᐸᓗᖏᓐᓂ ᐱᓯᒪᑦᑎᔪᑦ ᓈᒻᒪᒋᔭᐅᔪᓂᑦ ᑲᑎᓐᖓᔪᓂᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᐃᓱᒪᒋᔭᐅᓂᐊᖅᑐᑦ.

ᒫᓐᓇᐅᔪᖅ ᐃᖅᑲᓇᐃᔭᐃᓐᓇᖅᑐᒥᒃ ᓄᓇᕗᑦ ᒐᕙᒪᒃᑯᖓᓄᑦ ᐃᖅᑲᓇᐃᔭᖅᑐᑦ ᐱᓇᔪᒃᑐᑦ ᓂᕈᐊᖅᑕᐅᓗᑎᓗ ᑖᔅᓱᒧᖓ ᐃᖅᑲᓇᐃᔭᓚᐅᑲᒐᔭᖅᑐᒧᑦ ᐃᓂᐅᔪᒧᑦ ᒪᓂᒪᕝᕕᐅᔪᓐᓇᖅᐳᑦ ᐃᖅᑲᓇᐃᔮᒃᓴᒥᒃ ᓅᑕᐅᔪᓐᓇᖅᑐᑦ ᐊᑐᖅᑎᓪᓗᒍ ᑖᓐᓇ ᐃᖅᑲᓇᐃᔭᓚᐅᑲᖕᓂᖅ.

ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᓯᒪᔪᑦ ᓴᖅᑭᖅᑎᑕᐅᔪᓐᓇᖅᑐᑦ ᐃᓐᓄᐃᓗᑎᑦ ᓯᕗᓂᔅᓴᒥᑦ ᐃᓐᓄᑦᑕᐅᓯᒪᖏᑦᑐᓂᑦ.

 

ᐃᖅᑲᓇᐃᔮᖅᑕᕆᒐᓱᐊᕈᒪᒋᒍᕕᐅᒃ ᑖᓐᓇ ᐃᖅᑲᓇᐃᔮᔅᓴᖅ, ᐊᐅᓪᓚᑎᓪᓗᒋᑦ ᖃᕋᓴᐅᔭᒃᑯᑦ ᑎᑎᖅᑲᖅ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᐅᕗᖓ GNHR@gov.nu.ca. ᓇᓗᓇᐃᕐᓗᒍ ᖃᐅᔨᒋᐊᕐᕕᖓᑕ ᓈᓴᐅᑎᖓ ᑭᓱᒧᑦ ᐱᔾᔪᑎᖓᓂ ᐃᕝᕕᑦ ᖃᕋᓴᐅᔭᒃᑯᑦ ᐊᐅᓪᓚᖅᑎᑕᖓᒍᑦ.

  • ᓄᓇᕗᑦ ᒐᕙᒪᒃᑯᑦ ᑲᔪᖏᖅᓯᒪᔪᑦ ᓴᖅᑭᑎᑦᑎᓂᕐᒥᑦ ᑭᒡᒐᖅᑐᐃᓂᖅᓴᓂᑦ ᐃᖅᑲᓇᐃᔭᖅᑎᓂᑦ ᑐᑭᓯᑦᑎᐊᓂᖅᓴᐅᔪᓐᓇᓂᐊᕐᒪᑕ  ᐊᒻᒪ ᐱᔨᑦᑎᕐᓗᒋᑦ ᐱᔭᕆᐊᖃᖅᑕᖏᓐᓂᑦ ᓄᓇᕗᒻᒥᐅᑦ. ᓯᕗᓪᓕᐅᔾᔭᐅᓂᐊᖅᑐᑦ ᓄᓇᕗᒻᒥ ᐃᓄᐃᑦ ᓇᓗᓇᐃᖅᓯᑦᑎᐊᕆᐊᓖᑦ ᑭᓇᐅᓂᕐᒥᓂ ᐱᔪᓐᓇᖅᑎᑕᐅᓂᖏᓐᓄᑦ ᐱᑎᑕᐅᓂᐊᕐᓗᓂ ᓯᕗᓪᓕᐅᔾᔭᐅᓂᕐᒧᑦ ᐃᓱᒪᒋᔭᐅᓂᕐᒧᑦ ᐊᑖᓂ ᓄᓇᕗᒻᒥ ᓯᕗᓪᓕᐅᔾᔭᐅᔭᕆᐊᓕᓐᓂ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᐊᒐᖅ.
  • ᐃᖅᑲᓇᐃᔮᔅᓴᐃᑦ ᐃᓚᖏᓐᓂᑦ ᐃᓂᐅᔪᓂᑦ ᐱᑕᖃᕆᐊᖃᖅᑎᑕᐅᔪᑦ ᖃᐅᔨᓴᖅᑕᐅᓗᑎ ᓈᒻᒪᒋᔭᐅᔪᒥᑦ ᐱᕋᔭᓚᐅᖅᓯᒪᖏᓐᓂᖓᓄᑦ. ᐱᕋᔭᒪᐅᖅᓯᒪᓂᐅᔪᖅ ᐱᓇᓱᐊᕈᓐᓇᐃᓕᑎᑦᑎᖏᑦᑐᖅ ᐃᓱᒪᒋᔭᐅᒃᑲᓂᕐᓂᐊᕐᓗᓂ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᑐᓂᓯᒍᓐᓇᖅᑐᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂ ᑎᑎᕋᖅᓯᒪᔪᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᓂᕈᐊᖅᑕᖏᓐᓂᑦ.
  • ᐱᓇᓱᐊᕈᓐᓇᖅᑎᑕᐅᔪᑦ ᑎᑎᕋᖅᑕᐅᔪᓐᓇᖅᑐᑦ ᐃᓐᓄᐃᓂᐊᕐᓗᑎ ᓯᕗᓂᔅᓴᒥ ᐃᓐᓄᑦᑕᐅᓯᒪᖏᑦᑐᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᓂᖏᑦ ᐱᔭᐅᔪᓐᓇᖅᑐᑦ ᓱᑲᔪᒃᑯᑦ, ᖃᕋᓴᐅᔭᒃᑯᑦ ᑎᑎᖅᑲᒃᑯᑦ ᐅᕝᕙᓘᓐᓃᑦ ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓᒍᑦ.
  • ᐃᖅᑲᓇᐃᔮᖅᑖᕋᓱᐊᖅᑐᑦ ᓂᕈᐊᖅᑕᑐᐊᖑᔪᑦ ᐊᐱᖅᓱᖅᑕᐅᓂᕐᒧᑦ ᖃᐅᔨᒋᐊᕐᕕᐅᓂᐊᖅᑐᑦ.
Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ