ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᐊᐅᓚᑦᑎᔨ, ᑮᓇᐅᔭᓂᒃ ᐸᕐᓇᐃᔨᓄᑦ ᐊᒻᒪ ᑮᓇᐅᔭᓂᒃ ᐊᑐᖅᑐᒃᓴᓄᑦ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
17-505851
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$99,743
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016
ᒪᑐᕝᕕᒃᓴᖓ: 
ᐄᐳᕈ 03, 2020

ᐅᓇ ᐃᖅᑲᓇᐃᔮᒃᓴᖅ ᐅᒃᑯᐃᖓᔪᖅ ᐱᓇᓱᒃᑐᓕᒫᓄᑦ.

ᐊᖓᔪᖅᑳᖃᕐᓗᓂ ᑐᑭᒧᐊᑎᑦᑎᔨᒥᒃ ᑮᓇᐅᔭᓕᕆᔨᒃᑯᓐᓂ, ᐊᐅᓚᑦᑎᔨ, ᑮᓇᐅᔭᓂᒃ ᐸᕐᓇᐃᔨᓄᑦ ᐊᒻᒪ ᑮᓇᐅᔭᓂᒃ ᐊᑐᖅᑐᒃᓴᓄᑦ (ᐊᐅᓚᑦᑎᔨ) ᐃᓄᓕᕆᔨᒃᑯᓐᓂᓕᒫᖅ ᑲᒪᒋᔭᒃᓴᖃᕐᓂᐊᖅᐳᖅ ᐊᑐᐃᓐᓇᐅᑎᑦᑎᕙᒡᓗᓂ ᐱᔭᕆᑐᔪᓂᒃ ᑮᓇᐅᔭᓂᒃ ᐸᕐᓇᒃᑕᐅᒋᐊᓕᖕᓂᒃ ᐊᒻᒪ ᖃᓄᐃᓕᐅᕈᑕᐅᔪᒪᔪᓂᒃ ᐅᖃᐅᔾᔪᐃᕙᒡᓗᓂ, ᐱᕙᒌᔭᖅᐸᒡᓗᓂ ᐃᓄᓕᕆᔨᒃᑯᓐᓄᑦ ᑮᓇᐅᔭᓂᒃ ᐊᑐᖅᑐᒃᓴᓂᒃ, ᐊᑭᑐᔪᑦ ᐊᑐᖅᑐᒃᓴᓂᒃ ᐊᒻᒪ ᐸᕐᓇᐃᕙᒡᓗᓂ, ᐅᑭᐅᓄᑦ ᐱᖓᓱᓄᑦ ᐊᑭᓕᖅᓱᕆᐊᓕᖕᓂᒃ ᓇᓚᐅᑦᑖᖅᐸᒡᓗᓂ, ᐃᑲᔪᖅᐸᒡᓗᓂ ᐱᓕᕆᐊᒃᓴᕆᔭᐅᔪᓂᒃ, ᑮᓇᐅᔭᓂᒃ ᐊᐅᑦᑎᕙᒡᓗᓂ ᑲᑎᒪᔨᓂᒃ ᑐᓐᓂᖅᑯᑕᐅᔪᓂᒃ, ᐃᑲᔪᖅᐸᒡᓗᓂᓗ ᐱᕙᒌᔭᖅᑕᐅᑎᓪᓗᒋᑦ ᐱᓕᕆᔾᔪᑎᒃᓴᓄᑦ ᐸᕐᓇᐅᑎᑦ.  ᑖᔅᓱᒥᖓ ᐃᖅᑲᓇᐃᔮᖅᑖᕐᓂᐊᖅᑐᖅ ᑲᒪᒋᔭᒃᓴᖃᕐᓂᐊᖅᐳᖅ ᐃᓄᓕᕆᔨᒃᑯᓐᓂ ᐊᕕᒃᑐᖅᓯᒪᔪᑦ ᑮᓇᐅᔭᑦ ᐊᑐᖅᑐᒃᓴᓂᒃ ᖃᐅᔨᒪᔭᐅᖁᓪᓗᒋᑦ ᐊᑎᓕᐅᖅᓯᒪᔪᑦ ᑳᓐᑐᓛᒃᑕᐅᓯᒪᔪᑦ ᐱᓕᕆᐊᖑᑐᐃᓐᓇᕆᐊᖃᕐᒪᖔᑕ, ᑮᓇᐅᔭᓄᑦ ᐊᑐᖅᑐᒃᓴᓄᑦ ᐊᐅᓚᑦᑎᔾᔪᑎᑦ ᐊᐅᓚᑦᑎᐊᕐᒪᖔᑕ, ᑮᓇᐅᔭᓕᕆᔾᔪᑎᑦ ᒪᓕᒃᑕᐅᒐᓗᐊᕐᒪᖔᑕ,  ᑮᓇᐅᔭᖅᑖᕆᔭᐅᕙᓪᓕᐊᔪᑦ ᐊᒻᒪ ᐊᑭᓕᖅᓱᐃᔾᔪᑎᑦ ᑕᒻᒪᖅᓯᒪᙱᓪᓗᑎᒃ ᑎᑎᕋᖅᑕᐅᒐᓗᐊᕐᒪᖔᑕ, ᐊᒻᒪ ᓈᒻᒪᒃᑐᓂᒃ ᐊᑐᖅᑕᐅᓚᐅᑲᖕᓂᐊᖅᑐᓂᒃ ᐊᒻᒪ ᑭᖑᓪᓕᖅᐹᒥ ᑮᓇᐅᔭᓕᕆᔾᔪᑎᑦ ᐅᓂᒃᑳᑦ ᐱᐊᓂᒃᑕᐅᒐᓗᐊᕐᒪᖔᑕ ᓈᒻᒪᖅᑰᑦᑎᓗᑎᒃ.  ᐃᖅᑲᓇᐃᔮᓕᒃ ᖃᐅᔨᒪᑎᑦᑎᖃᑦᑕᕐᓂᐊᖅᐳᖅ ᓈᒻᒪᒃᑐᓂᒃ ᑮᓇᐅᔭᓕᕆᔾᔪᑎᑦ ᐊᐅᓚᑕᐅᒋᐊᓕᖕᓂᒃ ᐱᑐᐃᓐᓇᕆᐊᖃᕐᒪᖔᑕ.

ᐃᖅᑲᓇᐃᔮᓕᒃ ᐃᑲᔪᖅᓱᐃᖃᑦᑕᕐᓂᐊᖅᐳᖅ ᐊᐅᓚᑦᑎᔨᒻᒪᕆᖕᓂᒃ ᐱᔭᐅᔭᕆᐊᓕᖕᓂᒃ ᐊᐅᓚᑦᑎᔨᐅᕙᒡᓗᓂ ᐱᕙᒌᔭᖅᐸᒡᓗᓂᓗ ᐱᒻᒪᕆᐅᔪᓂᒃ ᐅᓂᒃᑳᓂᒃ ᐊᒻᒪ ᑮᓇᐅᔭᓕᕆᔾᔪᑎᓂᒃ ᐅᓂᒃᑳᖅᑎᐅᑲᐃᓐᓇᖅᑐᓂᒃ ᑕᐃᒪᐃᑦᑕᕆᐊᖃᕌᖓᑦ.  ᐊᐅᓚᑦᑎᔨ ᖃᓄᐃᓕᐅᒐᒃᓴᓂᒃ ᖃᐅᔨᒪᑎᑦᑎᖃᑦᑕᕐᓂᐊᖅᑐᖅ ᐱᕐᔪᐊᖑᙱᓐᓂᖅᓴᓂᒃ ᑮᓇᐅᔭᓂᒃ ᐊᑐᖅᑐᒃᓴᓂᒃ ᕿᒥᕐᕈᔨᒧᑦ ᐊᒻᒪ ᑳᓐᑐᓛᓂᒃ ᐊᖏᕈᑎᓕᕆᔨᑦ ᐱᓕᕆᔨᐅᖃᑎᒌᓂᒃ ᐱᓇᔪᒃᑐᑦ ᐊᑲᐅᙱᓪᓕᐅᕈᑎᓂᒃ ᖃᓄᖅᑑᕈᑕᐅᓲᓂᒃ ᑮᓇᐅᔭᓕᕆᔾᔪᑎᓄᓪᓗ ᐅᖃᐅᔾᔨᒋᐊᖅᑎᐅᓗᓂ ᐃᓄᓕᕆᔨᒃᑯᓐᓂ ᓴᓇᔨᓕᒫᑦ ᐃᑲᔪᕐᓗᒋᑦ.  ᐅᓇ ᐃᖅᑲᓇᐃᔮᒃᓴᖅ ᐃᑲᔪᖃᑦᑕᖅᑐᖅ ᐊᕐᕌᒍ ᓄᕐᖑᐊᓂ ᐊᑐᕈᓯᕐᓂᑦ ᐱᓕᕆᐊᒃᓴᓂᒃ ᑮᓇᐅᔭᓂᒡᓗ ᐅᓂᒃᑲᐅᓯᖃᓲᖑᓪᓗᓂ ᑐᑦᑕᕐᕕᖕᒧᑦ ᐊᕕᒃᑐᖅᓯᒪᔪᓄᓪᓗ ᑎᑎᕋᕐᕕᖕᓄᑦ. ᐊᒻᒪᓗ, ᐊᐅᓚᑦᑎᔨ ᑲᒪᒋᔭᒃᓴᖃᕐᓂᐊᖅᐳᖅ ᐊᐅᓚᑕᐅᒋᐊᓕᖕᓂᒃ ᓴᖅᑭᑦᑕᕆᐊᖃᓕᕌᖓᑕ ᐊᖏᖅᑕᐅᓯᒪᔪᑦ ᑮᓇᐅᔭᑦ ᐊᑐᖅᑐᒃᓴᑦ, ᑕᖅᑭᑕᒫᑦ ᐊᔾᔨᒌᙱᓐᓂᖏᑦ ᖃᐅᔨᓴᖅᑕᐅᔪᑦ ᐅᓂᒃᑲᐅᓯᕆᕙᒡᓗᒋᑦ, ᓯᕗᓕᖅᑎᒋᔭᐅᓗᓂᓗ ᑮᓇᐅᔭᑦ ᐊᑐᖅᑐᒃᓴᓄᑦ ᐊᒃᑐᐊᔪᓄᑦ ᐱᓕᒻᒪᒃᓴᕈᑎᒃᓴᓂᒃ ᐊᒻᒪ ᑐᑭᓯᑎᑕᐅᕚᓪᓕᕋᓱᒃᑐᓂᒃ ᐱᓕᕆᕝᕕᖕᒥ ᐊᐅᓚᑦᑎᔨᒻᒪᕆᖕᓄᑦ ᐊᒻᒪ ᐱᓕᕆᐊᒃᓴᓕᕆᔨᓄᑦ ᑮᓇᐅᔭᑦ ᐊᑐᖅᑐᒃᓴᑦ ᕿᒥᕐᕈᓗᒋᑦ. 

ᐃᑲᓇᐃᔭᓕᕐᓂᐊᖅᑐᖅ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑕᒥᓄᑦ ᐊᓂᒍᖅᑕᒥᓂᒃ ᐃᓕᑕᕆᔭᐅᔾᔪᑎᑖᖅᓯᒪᒋᐊᖃᕐᓂᐊᖅᑐᖅ ᐱᓕᕆᐊᒃᓴᓂᒃ ᐊᐅᓚᑦᑎᓂᕐᒥᒃ, ᑮᓇᐅᔭᓕᕆᔨᐅᓂᕐᒥᒃ, ᑮᓇᐅᔭᓕᕆᓂᕐᒥᒃ ᐊᔾᔨᐸᓗᐊᓂᒡᓘᓐᓃᑦ, ᐃᓚᖃᕐᓗᓂ ᐅᑭᐅᓄᑦ ᐱᖓᓱᓄᑦ ᑮᓇᐅᔭᓕᕆᓂᕐᒥᒃ ᐸᕐᓇᐃᖃᑕᐅᓂᑰᓗᓂ, ᑮᓇᐅᔭᖅ ᐊᑐᖅᑐᒃᓴᓕᕆᓂᕐᒥᒃ, ᑮᓇᐅᔭᓕᕆᓂᕐᒥᒃ ᐊᒻᒪ ᑮᓇᐅᔭᓕᕆᔨᐅᖃᑕᐅᓂᑰᓗᓂ (ᐊᐅᓚᑦᑎᔨᐅᖃᑦᑕᕐᓂᑰᓗᓂ ᐅᕝᕙᓘᓐᓃᑦ ᐊᐅᓚᑦᑎᔨᒻᒪᕆᐅᖃᑦᑕᕐᓂᑰᓗᓂ). ᐅᑭᐅᕐᒥ ᐊᑕᐅᓯᕐᒥᒃ ᐃᖅᑲᓇᐃᔭᖅᑎᓂᒃ ᑲᒪᔨᐅᖃᑦᑕᕐᓂᑰᓗᓂ ᐊᒻᒪ/ᐅᕝᕙᓘᓐᓃᑦ ᐱᓕᕆᔨᓄᑦ ᓯᕗᓕᖅᑎᐅᖃᑦᑕᕐᓂᑰᓗᓂ ᐃᑲᔫᑎᖃᑦᑎᐊᕋᔭᖅᑐᖅ.  ᖃᐅᔨᑎᑦᑎᓯᒪᓗᓂ ᐃᓄᒻᒪᕆᑦᑎᐊᕐᓂᖓᓂᒃ ᑐᓴᐅᒪᑎᑦᑎᔪᓐᓇᑦᑎᐊᕐᓗᓂᓗ ᐅᖃᐅᓯᒃᑯᑦ ᑎᑎᖅᑲᑎᒍᓪᓗ, ᑭᒃᑯᕈᓗᔮᓗᖕᓄᑦ ᐃᖅᑲᓇᐃᔭᖅᑎᑦᑎᐊᕙᐅᓇᔭᖅᑐᖅ. 

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑐᑦ ᐊᒻᒪ ᐅᐃᕖᑐᑦ. ᐅᖃᓪᓚᒍᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐃᓕᓴᕆᔭᐅᓯᒪᔪᑦ ᐅᖃᐅᓯᕐᓂᒃ ᐊᑑᑎᖃᑦᑎᐊᕋᔭᖅᐳᖅ.  ᖃᐅᔨᒪᔭᕆᐊᖃᖅᑐᖅ ᓄᓇᕗᒻᒥ, ᓄᓇᖓᓐᓂᒃ, ᐊᒻᒪ ᐃᓕᖅᑯᓯᖏᓐᓂ. ᐱᔭᕇᖅᓯᓯᒪᓗᓂ ᐃᓕᓴᕆᔭᐅᓯᒪᔪᒥᑦ ᑮᓇᐅᔭᓕᕆᔨᒻᒪᕆᐅᓂᕐᒧᑦ ᑎᓕᔭᐅᓯᒪᓗᓂ ᐃᑲᔫᑎᖃᕋᔭᖅᐳᖅ.

ᐊᔾᔨᖏᓪᓗ ᐊᒻᒪᓗ ᑲᑎᓪᓗᒋᑦ ᐃᓕᓐᓂᐊᖅᓯᒪᓂᖓ, ᐱᓕᕆᔪᓐᓇᕐᓂᖓᓗ ᐃᓱᒪᒋᔭᐅᑐᐃᓐᓇᕆᐊᓕᑦ.

ᐃᖅᑲᓇᐃᔭᕈᓐᓇᖅᑐᑦ ᐊᑎᓕᐅᖅᑕᐅᑐᐃᓐᓇᕆᐊᖃᖅᐳᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᖅ ᐃᓐᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᔪᒃᓴᒥᒃ.

 

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ