ᐅᖃᓚᐅᑎᓯᐅᑏᑦ
LogoHome

You are here

ᐊᐅᓚᑦᑎᔨ, ᐋᖅᑭᐅᒪᑎᑦᑎᔨ (ᓴᖅᑭᑕᐅᑲᓐᓂᖅᑐᖅ)

Community: 
ᐃᖃᓗᖕᓂ
Reference number: 
QEC-19-048
Salary: 
$119,142 to $142,313
Northern Allowance: 
$15,016

ᓄᒃᑭᒃᓴᕈᒃ ᐃᖅᑲᓇᐃᔮᕆᔪᓐᓇᖅᑕᑦ ᐅᑭᐅᖅᑕᖅᑐᒥ!

ᖃᐅᔨᒋᐊᕈᒃ ᐱᓕᕆᐊᒃᓴᑦᑎᐊᕙᒃ ᐃᓕᖕᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᑎᒍᑦ ᐆᒻᒪᕆᒃᑎᐊᖅᑐᑦ ᐱᓕᕆᖃᑦᑕᖅᓯᒪᓂᑰᑦᑎᐊᖅᑐᑦ ᐱᓕᕆᕝᕕᖕᒥ ᐱᓕᕆᔨᒻᒪᕇᑦ ᐊᑐᐃᓐᓇᐅᑎᑦᑎᑎᓪᓗᑕ ᐊᑦᑕᕐᓇᙱᑦᑐᒥ, ᐊᑐᕈᓐᓇᑦᑎᐊᖅᑐᒥ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᓂᒃ ᓄᓇᕗᓕᒫᒥ.

ᐱᓕᕆᖃᑎᒌᓐᓂᖅ ᓄᓇᕗᒻᒥ

ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒍᓱᑦᑎᐊᕐᓂᐊᖅᐳᑎᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᕕᒃᓴᖃᑦᑎᐊᖅᑎᓪᓗᑎᓪᓗ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᑲᑕᒡᓗᑎᑦ, ᐃᖃᓗᑲᑕᒡᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᒨᖓᑦᑎᐊᖅᑐᓂ ᓴᓇᙳᐊᖅᑕᐅᔪᓂ ᓂᔾᔭᐅᓯᔭᖅᑕᐅᔪᓂᒡᓗ, ᓄᓇᕗᑦ ᐃᓂᐅᕗᖅ ᐃᓕᓐᓄᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᖏᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥ ᐆᒻᒪᖁᑎᒥ ᑕᒪᐃᓐᓄᑦ ᐊᑭᓕᖅᓱᐃᕙᒃᑐᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᒻᒪᓗ ᐊᐅᓚᑕᐅᓪᓗᓂ ᓄᓇᕗᒻᒥ ᐱᖁᔭᖅᑎᒍᑦ ᑎᒥᕈᖅᑎᑕᐅᓯᒪᔪᓄᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᔾᔨᒌᖕᓂᖏᑦ ᐊᓯᖏᓐᓄᑦ ᐆᒻᒪᖁᑎᓕᕆᓂᕐᒧᑦ ᑲᓇᑕᒥ, ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐊᔾᔨᒌᙱᑦᑐᓂᒃ ᐊᒃᓱᕈᕐᓇᖅᑐᖅᓯᐅᖃᑦᑕᖅᑐᑦ ᐊᐅᓚᑦᑎᖃᑦᑕᕐᓂᖏᓐᓄᑦ 25-ᓂᑦ ᐃᓛᒃᑰᖅᑐᓂᑦ ᐅᖅᓱᐊᓗᖕᒨᖅᑐᓂᑦ ᐊᐅᓚᐅᑎᖃᕐᕕᒡᔪᐊᕐᓂ ᐊᒻᒪ ᖃᐅᒻᒪᖅᑯᑎᖃᖅᑎᑦᑎᔾᔪᑎᓂᑦ ᓄᓇᕗᓕᒫᒥ ᓄᓇᓕᖏᓐᓂ.

QEC-19-048 ᐊᐅᓚᑦᑎᔨ, ᐋᖅᑭᐅᒪᑎᑦᑎᔨ (ᓴᖅᑭᑕᐅᑲᓐᓂᖅᑐᖅ)

ᐃᖃᓗᓐᓃᖅᑐᖅ, ᓄᓇᕗᑦ ᐊᒻᒪ ᐊᖓᔪᖅᑳᖃᖅᑐᓂ ᑐᑭᒧᐊᑎᑦᑎᔨ ᐊᐅᓚᓂᐅᔪᓂᑦ, ᐊᐅᓚᑦᑎᔨ, ᐋᖅᑭᐅᒪᑎᑦᑎᓂᕐᒧᑦ ᐱᓕᕆᐊᔅᓴᖃᖅᑎᐅᔪᖅ ᐊᑦᑕᕐᓇᖏᑦᑐᒥᑦ ᐊᒻᒪ ᑐᕚᕆᔭᔅᓴᐅᑦᑎᐊᖅᑐᒥᑦ ᐊᐅᓚᓂᐅᔪᒥᑦ ᑖᒃᑯᐊ ᑯᐊᐳᕇᓴᒃᑯᑦ ᐅᖅᓱᐊᓗᑦᑐᖅᑐᓄᑦ ᐆᒻᒪᖅᑯᑎᖃᐅᑎᖏᓐᓂᑦ 25ᓂᑦ ᑖᒃᑯᐊ ᐋᖅᑭᐅᒪᑎᑦᑎᔩᑦ ᓴᓇᔨᖁᑎᖏᑦ ᓯᕗᓕᕐᓗᓂᒋᑦ ᐸᕐᓇᐅᑎᓕᐅᕐᓂᕐᒥᑦ ᑖᒃᑯᐊ ᑲᒪᒋᔭᐅᔭᕆᐊᖃᕐᓂᖏᓐᓄᑦ ᐱᔾᔭᐃᖅᓯᒪᓂᕐᒥᑦ, ᐋᖅᑭᒋᐊᖅᑎᑦᑎᓂᕐᒥᑦ ᐊᒻᒪ ᑐᐊᕕᕐᓇᖅᑐᑦ ᓴᓇᔭᕆᐊᓖᑦ ᑕᒪᒃᑯᐊᓕᒫᓪᓗ ᒪᓕᑦᑕᐅᔪᔅᓴᓕᐊᖑᓯᒪᔪᓂᑦ ᒪᓕᑦᑎᐊᕋᓗᐊᕐᒪᖓᑕ ᖃᐅᔨᒪᒋᐊᖏᓐᓇᕐᓗᒋᑦ.

ᐱᔭᑦᓴᕆᔭᐅᔪᑦ ᑲᒪᒋᔭᑦᓴᕆᔭᐅᔪᓪᓗ:

  • ᐆᒻᒪᖅᑯᑎᖃᕐᕕᓕᒫᖑᔪᓂᑦ ᐋᖅᑭᐅᒪᑎᑦᑎᓂᕐᒥᑦ ᓯᕗᒃᑲᖅᑕᐃᔪᖅ ᐱᐅᓯᕚᓪᓕᖅᑎᑦᑎᓂᕐᒥᑦ ᐊᒻᒪ ᐱᓕᕆᔾᔪᑎᓕᒫᖏᓐᓂᑦ ᐋᖅᑭᐅᒪᑎᑦᑎᔨᓂᑦ ᖃᐅᔨᒪᔨᒋᔭᐅᓗᓂ, ᐱᐅᓯᕚᓪᓕᖅᑎᑦᑎᕙᓪᓕᐊᖏᓐᓇᕆᐊᓕᓐᓂᓪᓗ ᐱᓕᕆᐊᖑᕙᓪᓕᐊᔪᓂᑦ ᐃᑲᔪᖃᑦᑕᕐᓗᓂ, ᐊᑯᓂᐅᔪᒨᔪᓂᑦ ᖃᓄᐃᓕᕈᑕᐅᔪᒪᔪᓂᑦ ᐸᕐᓇᐅᑎᓕᐅᖃᑦᑕᕐᓗᓂ ᐊᒻᒪ ᐱᓕᕆᔨᒻᒪᕇᑦ ᓴᓇᔩᑦ ᐃᖅᑲᓇᐃᔭᖅᑎᖏᑦ ᓯᕗᓪᓕᖅᐹᓗᑎᑦ ᐱᓕᕆᔨᐅᖃᑦᑕᖅᑐᓄᑦ ᑲᒪᔨᒋᔭᐅᓗᓂ.
  • ᐱᒋᐊᖅᑎᑦᑎᖃᑦᑕᕐᓗᓂ ᐊᒻᒪ ᐊᑐᓕᖅᑎᑦᑎᔨᐅᓗᓂ ᐋᖅᑭᐅᒪᑎᑦᑎᓂᕐᒥᑦ ᐱᓕᕆᐊᔅᓴᓂᑦ ᑕᒪᐃᓐᓄᑦ ᐊᐅᓚᑎᓅᑐᓕᒫᓄᑦ ᓄᑭᓪᓚᐅᑎᖏᓐᓂᑦ, ᐸᕐᓇᐅᑎᒥᑦ/ᐅᓪᓗᖏᑕ ᐊᑐᕐᓂᔅᓴᖏᓐᓂᑦ ᐱᔾᔭᐃᖅᓯᒪᓂᕐᒥᑦ/ᓇᓚᐅᑦᑕᐃᓂᕐᒥᑦ ᓴᓇᓂᕐᒥᑦ ᐊᑐᓂᑦ ᐆᒻᒪᖅᑯᑎᓕᒫᖑᔪᓄᑦ.
  • ᐋᖅᑭᔅᓱᐃᖃᑦᑕᕐᓗᓂ, ᐋᖅᑭᐅᒪᑎᓪᓗᒋᑦ, ᖃᐅᔨᒪᓗᒋᑦ ᐊᒻᒪ ᐅᓂᒃᑳᓕᐅᕐᓗᒋᑦ ᐊᕐᕌᒍᓕᒫᖅᓯᐅᑎᓄᑦ ᐋᖅᑭᐅᒪᑎᑦᑎᓂᕐᒧᑦ ᑮᓇᐅᔭᑦ ᐊᑐᖅᑐᒃᓴᖁᑎᖏᑦ.
  • ᖃᕆᓴᐅᔭᒃᑰᖓᔪᒥᑦ ᐱᓕᕆᔾᔪᑎᒥᑦ ᐋᖅᑭᐅᒪᑎᑦᑎᓂᕐᒧᑦ ᑲᒪᖃᑦᑕᕐᓗᓂ ᐱᓕᕆᐊᔅᓴᓕᐅᖅᑕᐅᓯᒪᔪᓂᑦ ᖃᓄᐃᓕᖓᓕᕐᒪᖔᑕ ᖃᐅᔨᒪᔾᔪᑎᒋᓂᐊᖅᑕᒻᒥᓐᓂᒃ, ᐃᓚᔅᓴᑦ, ᐊᒻᒪ ᓴᓇᔭᐅᖃᑦᑕᖅᓯᒪᓕᖅᑐᑦ ᐆᒻᒪᖅᑯᑏᑦ ᓱᓇᒃᑯᑖᖏᓐᓄᑦ.
  • ᐃᑲᔪᖃᑦᑕᖅᑐᑦ ᐸᕐᓇᐅᑎᓕᐅᓂᕐᒥᑦ ᐊᒻᒪ ᐊᑐᓕᖅᑎᑦᑎᓂᕐᒥᑦ ᐆᒻᒪᖅᑯᑎᓄᑦ ᓴᓇᔭᐅᓂᖏᓐᓄᑦ ᐊᒻᒪ ᐱᐅᓯᒋᐊᕈᑎᖏᓐᓄᑦ ᐊᒻᒪ ᐊᖏᓪᓕᕚᓪᓕᕈᑎᖏᓐᓄᑦ.

ᐊᔪᙱᑕᕆᐊᖃᕐᒥᔭᖏᑦ ᐅᑯᐊᖑᒋᕗᑦ:

  • ᐊᕕᒃᑐᖅᓯᒪᔪᓂ ᐊᐅᐸᖅᑐᒥᒃ ᓇᕿᑕᐅᓯᒪᔾᔪᑎᒥᒃ ᐱᓕᕆᐊᖃᕈᓐᓇᕐᓂᕐᒧᑦ ᓇᓗᓇᐃᒃᑯᑕᖃᕐᓗᓂ ᐱᓕᕆᕝᕕᒋᔭᐅᔪᒥ ᐆᒻᒪᖅᑯᑎᓕᕆᔨᐅᓗᓂ, ᐆᒻᒪᖅᑯᒻᒥ ᐊᑐᖅᑕᐅᕙᒃᑐᓄᑦ ᐆᒻᒪᖅᑯᓯᓕᕆᔨᐅᓪᓗᓂ, ᐅᕿᙱᑦᑐᓄᑦ ᐱᖁᑎᓄᑦ ᐱᓕᕆᔨᐅᓗᓂ ᐊᒃᑐᐊᓂᓕᖕᓄᒡᓘᓐᓃᑦ ᐃᒡᓗᒥ ᐊᑐᖅᑕᐅᕙᒃᑐᓄᑦ ᐱᓕᕆᓂᐊᖑᕙᒃᑐᓂ ᖃᓄᐃᓕᐅᕐᓂᕐᒧᑦ ᐱᓕᕆᖃᑦᑕᕐᓂᑰᓗᓂ.
  • 7ᓂᑦ ᐊᕐᕌᒍᓂᑦ ᐃᓕᓐᓂᐊᕇᖅᓯᒪᓕᖅᑎᓪᓗᒍ ᐃᖅᑲᓇᐃᔭᖅᓯᒪᓂᖃᕐᓗᓂ ᓴᓇᔨᐅᓂᕐᒥᑦ ᐆᒻᒪᑎᖅᑯᑎᓄᑦ ᖃᐅᒪᔾᔪᑎᓂᑦ ᑎᓴᒪᓄᓪᓗ ᐊᕐᕌᒍᓄᑦ ᐃᖅᑲᓇᐃᔭᖅᑎᓂᑦ ᑲᒪᔨᐅᖃᑦᑕᖅᓯᒪᓗᓂ.
  • ᐊᕐᕌᒍᐃᑦ ᑕᓪᓕᒪᑦ ᐅᖅᓱᐊᓗᒻᒨᑐᓂᑦ ᐆᒻᒪᖅᑯᑎᓂᑦ ᖃᐅᔨᒪᔾᔪᑎᓄᑦ ᐱᓕᕆᔨᐅᖃᑦᑕᖅᓯᒪᓗᓂ.
  • ᐊᑭᑐᔫᑎᓄᑦ ᐊᒻᒪ ᑮᓇᐅᔭᑦ ᐊᐅᓚᔾᔪᑎᒃᓴᓂᑦ ᑲᒪᖃᑦᑕᖅᓯᒪᓗᓂ.
  • ᐱᓕᕆᐊᒃᓴᒥᑦ ᐊᐅᓚᑦᑎᓕᒪᒋᐊᓕᒃ ᐸᕐᓇᖃᑦᑕᕐᓗᓂ ᐃᓂᒃᓴᓕᐅᖅᐸᒡᓗᓂᓗ, ᐊᑐᖅᑕᐅᖃᑦᑕᖅᑐᓂ ᐊᐅᓚᑦᑎᕙᒡᓗᓂ, ᓇᓚᐅᑦᑖᖅᐸᒡᓗ ᐱᕙᓪᓕᐊᔪᓂᒡᓗ ᐅᓂᒃᑳᓕᐅᖅᐸᒡᓗᓂ ᐊᔪᙱᑉᐸᑦ ᐊᑐᕐᓇᖅᑑᑎᑕᐅᔪᑦ.
  • ᐊᑐᕈᓐᓇᖅᑐᒥᒃ ᐊᖁᑦᑐᓐᓇᐅᑎᖃᕐᓗᓂ ᓚᐃᓴᒥᒃ ᓈᒻᒪᒃᑐᒥᒡᓗ ᐊᖁᑦᑐᓐᓇᕐᓗᓂ.

ᐃᑲᔪᕐᓂᖃᕋᔭᖅᑐᑦ:

  • ᐃᓕᓴᕆᔭᐅᔾᔪᑎᖃᕐᓗᓂ ᐱᔭᕇᓯᓯᒪᓂᕐᒧᑦ ᓴᓇᔨᒻᒪᕆᐅᓂᕐᒧᑦ ᐱᓕᕆᔾᔪᑎᓕᕆᓂᕐᒥᑦ ᐅᕙᓗ ᐊᑎᖃᖃᑕᐅᓗᓂ ᐱᓕᕆᔨᒻᒪᕇᑦ ᓴᓇᔩᑦ ᑲᑐᔾᔨᖃᑎᒌᓂᑦ.
  • ᐱᓕᕆᐊᒃᓴᓂ ᐊᐅᓚᑦᑎᔨᒻᒪᕆᐅᓂᕐᒧᑦ (PMP) ᓂᕈᐊᑕᐅᓯᒪᓗᓂ.
  • ᐱᓕᕆᐊᒃᓴᓂ ᐊᐅᓚᑦᑎᔨᐅᓂᑰᓗᓂ ᐸᕐᓇᐃᓂᖃᖅᑎᓪᓗᒋᑦ ᐃᓂᒃᓴᓕᐅᕆᑎᓪᓗᒋᓪᓗ, ᐃᑲᔫᑕᐅᔪᓐᓇᖅᑐᓕᕆᓂᖅ, ᒥᒃᓴᐅᓯᕈᓐᓇᕐᓂᖅ ᐊᒻᒪ ᐱᕙᓪᓕᐊᓂᕆᔭᐅᔪᒥᒃ ᐅᓂᒃᑲᐅᓯᖃᕐᓂᕐᒥᒃ.
  • ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖏᓐᓂ ᐊᒻᒪ ᐱᖅᑯᓯᖏᓐᓂ.
  • ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ.ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ.

ᐊᔾᔨᖏᓪᓗ ᐊᒻᒪ ᑲᑎᓪᓗᒋᑦ ᐃᓕᓐᓂᐊᖅᓯᒪᔭᖏᑦ ᐃᖅᑲᓇᐃᔭᖃᑦᑕᖅᓯᒪᓂᖏᓪᓗ ᐃᓱᒪᒋᔭᐅᓂᐊᖅᑐᑦ.

ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $119,142−ᒥᑦ $142,313−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $15,016−ᓂᒃ ᐊᕐᕌᒍᒧᑦ, ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᑲᕐᕋᓕᐅᕈᓐᓇᖅᑎᑕᐅᓪᓗᓂ, ᓈᒻᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᒥᑦ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᖢᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᑦ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐱᖃᑕᐅᙱᑦᑐᖅ.

ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.

ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: ᐃᖅᑲᓇᐃᔭᖅᑐᓕᕆᔨᒃᑯᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ, ᑎᑎᖅᑲᒃᑯᕕᒃ. ᐃᓂᖓ 420, ᖃᒪᓂ`ᑐᐊᖅ, ᓄᓇᕗᑦ X0C 0A0

ᑖᓐᓇ ᐃᖅᑲᓇᐃᔮᔅᓴᖅ ᐊᑐᐃᓐᓇᐅᒪᑎᑕᐅᓂᐊᖅᑐᖅ ᐃᖅᑲᓇᐃᔭᖅᑎᑖᕋᓱᓐᓂᖏᓐᓂᑦ.

ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.

ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.

 

Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ