ᐅᖃᓚᐅᑎᓯᐅᑏᑦ

You are here

ᐊᐅᓚᑦᑎᔨ, ᐋᖅᑭᒋᐊᕈᑎᒃᓴᓄᑦ ᐊᑐᖅᑎᑦᑎᔨ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
14-506298
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$107,718.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016.00
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 23, 2020 - 11:59pm

ᑖᓐᓇ ᐃᖅᑲᓇᐃᔮᒃᓴᖅ ᐱᓇᔪᒃᑕᐅᔪᓐᓇᖅᑐᖅ ᐆᒃᑑᒪᔭᒃᑐᓕᒫᓄᑦ.

ᐅᖃᕐᐸᒃᓗᓂ ᑐᑭᒧᐊᖅᑎᑦᑎᔨ, ᒐᕙᒪᒃᑯᓐᓂ ᓇᓗᓇᐃᔭᐅᑎᑦ ᐱᕙᒌᔭᐃᓂᕐᓗ, ᐊᐅᓚᑦᑎᔨ, ᐋᖅᑭᒋᐊᕈᑎᒃᓴᓄᑦ ᐊᑐᖅᑎᑦᑎᔨ ᑲᒪᒋᔭᖃᕐᓗᓂ ᐱᑎᑦᑎᓂᕐᒥᒃ ᖁᑦᑎᖕᓂᖅᓴᒥ ᐊᐅᓚᑦᑎᓂᕐᒥᒃ ᐊᔪᙱᑦᑐᒃᑯᑦ ᐅᖃᐅᔾᔨᕙᒃᓗᓂ ᑐᓴᐅᒪᖃᑦᑕᐅᑎᔾᔪᑎᓄᑦ ᐱᕙᒌᔭᐃᓂᕐᓂ ᐱᕙᓪᓕᐊᑎᑦᑎᓂᕐᓂᒃᓗ ᐊᐅᓚᓂᖏᓐᓂᒃᓗ ᐃᑲᔪᕐᓗᒍ ᐊᑐᓕᖅᑎᑦᑎᓂᖅ ᒐᕙᒪᒃᑯᑦ ᑐᓴᐅᒪᖃᑦᑕᐅᑎᔾᔪᑎᓄᑦ ᐊᑐᖃᑦᑕᖅᑕᖏᓐᓂ.  

ᑖᓐᓇ ᐃᖅᑲᓇᐃᔮᒃᓴᖅ ᑐᑭᒧᐊᒃᑎᑦᑎᔪᖅ ᖃᐅᔨᓴᐅᑎᒥᒃ ᓄᑖᒧᑦ ᐱᑕᖃᖅᑐᓄᓪᓗ ᖃᕆᑕᐅᔭᓕᕆᔾᔪᑎᓄᑦ ᖃᐅᔨᓇᓱᒃᓗᒋᑦ ᐱᓇᓱᒍᑎᖏᑦ ᐃᓗᐊᓂ ᓄᓇᕗᒻᒥ ᒐᕙᒪᒃᑯᑦ ᐊᕙᑎᖓᓂᒃ ᐱᕚᓪᓕᖅᑎᑦᑎᓗᓂᓗ ᓇᓗᓇᐃᔭᐅᑎᓄᑦ ᑐᓴᐅᒪᔪᓕᕆᓂᕐᒥᒃ ᖃᕆᑕᐅᔭᓕᕆᔾᔪᑎᓂᒃ ᓇᓗᓇᐃᔭᐅᑎᓄᓪᓗ ᐊᐅᓚᑦᑎᓂᕐᒥᒃ ᐊᑭᑐᔪᓄᑦ ᒪᑭᒪᐃᓐᓇᕈᑎᒃᓴᓄᑦ ᐋᖅᑭᒍᑎᒃᓴᓂᑦ ᐃᓚᐅᓪᓗᓂ ᐱᓕᕆᐊᖑᔪᒃᓴᑦ ᑐᒃᓯᕌᓂᑦ, ᐃᖅᑲᓇᐃᔮᒧᑦ ᐱᕙᒌᔭᐅᑦ, ᐃᖅᑲᓇᐃᔭᓕᖅᑎᑦᑎᓂᕐᓂ ᐃᓂᒃᓴᑦ, ᐱᑕᓕᖕᓄᑦ ᐱᔭᕆᐊᓕᑦ, ᑮᓇᐅᔭᖅᑐᕈᑎᒃᓴᓄᑦ ᑐᓴᖅᑎᑦᑎᕙᒌᕈᑎᑦ, ᐊᑐᒐᔪᒃᑐᓄᑦ ᖃᐅᔨᓴᕐᓂᖅ, ᐊᑭᖏᑦ/ᐱᕚᓪᓕᕈᑎᑦ ᖃᐅᔨᓴᕐᓂᖅ, ᐊᔪᖏᑦᑎᐊᕋᔭᕐᓂᖓᓄᑦ ᖃᐅᔨᓴᖅᑕᐅᔾᔪᑎ, ᓇᓃᓐᓂᖓᓄᑦ ᖃᐅᔨᓴᕈᑎᑦ, ᖃᓄᐃᓕᖓᓂᕐᒧᑦ ᐅᓂᒃᑳᑦ ᐊᒃᑐᐊᓂᓕᖕᓄᓪᓗ ᐅᓂᒃᑳᕐᓃᑦ.  ᑖᓐᓇ ᐃᖅᑲᓇᐃᔮᒃᓴᖅ ᐊᐃᑦᑑᑎᖃᕐᒥᔪᖅ ᑲᔪᓯᑎᓪᓗᒍ ᐱᕙᓪᓕᐊᓂᖓ ᓇᓗᓇᐃᔭᐅᑎᓄᑦ ᑐᓴᐅᒪᔪᓕᕆᓂᕐᒥᒃ ᖃᕆᑕᐅᔭᓕᕆᔾᔪᑎᓂᒃ ᒪᑭᐅᒪᐃᓐᓇᕈᑎᒃᓴᓄᑦ, ᐊᑐᖃᑦᑕᖅᑐᓄᑦ ᐱᓇᔪᑎᓄᓪᓗ ᓴᐳᒻᒦᓂᖅ ᒪᓕᒋᐊᓕᖏᓐᓂ.  ᑖᒃᑯᐊ ᐊᐃᑦᑑᑏᑦ ᐊᒃᑑᑎᖃᓪᓚᕆᖕᓂᐊᖅᑐᑦ ᐋᖅᑭᒃᓯᓂᕐᓂ ᐋᖅᑭᐅᒪᑎᑦᑎᓂᕐᓂᒃᓗ ᐅᒃᐱᕆᔭᐅᔪᓐᓇᕆᐊᖃᕐᓂᕐᓂ ᒐᕙᒪᐅᑉ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ ᐊᒃᑐᐊᓂᓕᖕᓄᓪᓗ ᐱᓇᔫᑎᓄᑦ ᐊᑐᖃᑦᑕᖅᑐᓂ. 

ᖃᐅᔨᒪᔭᖏᑦ, ᐊᔪᙱᑕᖏᑦ ᐊᒻᒪ ᐱᓕᕆᔪᓐᓇᕐᓂᖏᑦ ᐱᔭᕆᐊᓖᑦ ᑕᑦᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᑦᑐᑦ ᐃᓕᑕᕆᔭᐅᓯᒪᔪᒥᑦ ᐱᔭᕇᕈᓯᐊᓂᕐᒥᑦ ᖃᕆᑕᐅᔭᓕᕆᓂᕐᒧᑦ ᖃᐅᔨᓴᕐᓂᕐᒧᑦ, ᖃᕆᑕᐅᔭᓕᕆᓂᕐᒧᑦ, ᑐᓴᐅᒪᑎᑦᑎᓂᕐᒧᑦ ᐱᓕᕆᔾᔪᑕᐅᕙᒃᑐᓂᒃ ᐊᒃᑐᐅᓂᓕᖕᓂᒡᓘᓐᓃᑦ ᐱᓕᕆᐊᖃᓯᒋᐊᕐᓂᕐᒧᑦ ᐱᓕᕆᓂᐅᕙᒃᑐᓂᒃ.  ᐃᓚᒃᑲᓐᓂᖓ, ᒥᑭᓛᖑᓗᒍ ᐊᕐᕌᒍᓄᑦ ᑕᓪᓕᒪᓄᑦ ᐊᑐᕐᓂᑯᖃᕆᐊᖃᖅᑐᑎᑦ ᑐᓴᐅᒪᔾᔪᑎᒃᓴᓄᑦ ᐸᕙᑎᓕᖕᒥᒃ ᐊᒃᑐᐊᓂᓕᖕᓄᓪᓘᓐᓃᑦ. ᓂᕈᐊᖅᑕᐅᔪᖅ ᐱᖃᕆᐊᖃᕐᒥᔪᖅ ᐊᑐᕐᒥᑯᖃᑦᑎᐊᕐᓗᓂ ᐃᖅᑲᓇᐃᔮᓂᒃ ᐃᓚᐅᔪᓄᑦ ᐃᑲᔪᕐᓂᕐᓂ, ᐱᐅᑎᑦᑏᓐᓇᖅᑐᓕᕆᔨ, ᖃᐅᔨᓴᐃᓂᖅ ᐱᕙᓪᓕᐊᑎᑦᑎᓂᕐᓗ ᐱᓇᔫᑎᓂᒃ ᐊᒃᑐᐊᓂᓕᖕᑉᓂᒃᓗ ᐊᑐᖃᑦᑕᖅᑐᓂ; ᐅᖓᑖᓄᑦ ᒫᓐᓇᓗ ᐊᑐᕐᓂᑰᓗᓂ ᓇᓗᓇᐃᔭᐅᑎᓄᑦ ᑐᓴᐅᒪᔪᓕᕆᓂᕐᒥᒃ ᖃᕆᑕᐅᔭᓕᕆᔾᔪᑎᓂᒃ/ᓇᓗᓇᐃᔭᐅᑎᓄᓪᓗ ᐊᐅᓚᑦᑎᓂᕐᒥᒃ ᐃᒡᓗᒃᓴᓂᒃ ᑎᑎᖅᑐᒐᖅᑏᑦ ᐱᓇᔫᑎᓂᒃᓗ ᐱᕙᓪᓕᐊᑎᑦᑎᓂᖅ ᐊᖏᔪᓄᑦ ᐊᔪᕐᓇᕐᓂᕆᔭᖓᓂᒃᓗ ᑐᓴᐅᒪᔾᔪᑎᑦ ᐊᕙᑎᖏᓐᓂᑦ; ᐊᑐᕐᓂᑯᓵᕐᓗᓂ ᐱᓕᕆᐊᖃᕐᓂᕐᒥᒃ ᑐᓴᖅᑕᐅᔭᕆᐊᖃᙱᑦᑐᓂᒃ ᓴᐅᒻᒦᓂᕐᓂᒃᓗ ᐊᑐᐊᒐᖏᓐᓂᒃ ᐊᐅᓚᑦᑎᓂᕐᒥᒃ; ᐊᒻᒪᓗ ᐊᑐᕐᓂᑰᓗᓂ ᐱᕙᒌᔭᐃᓂᕐᓂᒃ ᐊᐅᓚᑦᑎᓂᕐᓂᒃᓗ ᑮᓇᐅᔭᓕᕆᔾᔪᑎᓂᒃ ᐃᖅᑲᓇᐃᔭᖅᑐᓕᕆᓂᕐᒥᒃᓗ.    ᐅᑯᐊ ᐃᓱᒪᒋᔭᐅᓂᐊᖅᐳᑦ ᐱᕚᓪᓕᕈᑕᐅᔪᓐᓇᕐᓂᖏᓐᓂᒃ:  ᐊᑐᕐᓂᑰᓗᓂ LAN ᑎᑎᕋᕐᕕᖕᒥᐅᑕᓕᕆᔾᔪᑎᑦ ᐃᓚᐅᓗᓂ ᐊᑐᓇᑦ ᓅᑎᑦᑎᔾᔪᑎᒧᑦ ᐱᖁᑎ; ᐊᑐᕐᓂᑰᓗᓂ ᑲᓐᓄᔭᖅ ᐃᕙᓘᔭᓅᖅᑐᓄᓪᓗ LAN ᐅᐊᔭᓕᕆᔾᔪᑎᓄᑦ ᐊᑐᖃᑦᑕᖅᑐᓂ ᓯᓚᑖᓂᓗ MAN ᐃᒡᓗᕐᔪᐊᒨᖓᓕᖅᑎᑦᑎᓂᕐᓂ ᐊᑐᖃᑦᑕᖅᑐᓂ; ᓂᐅᕕᖅᑎᑦᑎᔨᓄᑦ ᓇᓗᓇᐃᒃᑯᑕᓕᕆᓂᖅ ᖃᕆᑕᐅᔭᖅ ᑎᑎᕋᕐᕕᖓᓄᑦ, ᓯᔅᑯ, ᑎᐅᓪ, ᐅᕋᑯ, ITIL, CISSP ᐊᒻᒪ PMP, ᐊᑐᕐᓂᑰᓗᓂ ᐱᔨᑦᑎᕈᑎᓂᒃ ᐱᑎᑦᑎᓂᕐᓂ ᐃᑲᔪᕋᓱᖕᓂᕐᒧᓪᓗ ᐱᕙᓪᓕᐊᔾᔪᑎᖏᓐᓂᒃ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᖃᓪᓗᓈᑐᑦ ᐊᒻᒪᓗ ᐅᐃᕖᑐᑦ. ᐅᖃᕈᓐᓇᑦᑎᐊᕐᓗᓂ ᐃᓄᒃᑎᑐᑦ ᐱᒻᒪᕆᐅᕗᖅ. ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓂᒃ, ᓄᓇᓕᖕᓂᑦ, ᐱᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐱᕚᓪᓕᕈᑕᐅᓇᔭᖅᐳᖅ.

ᐊᔾᔨᖏᓪᓗ ᐊᒻᒪᓗ ᑲᑎᓪᓗᒋᑦ ᐃᓕᓐᓂᐊᖅᓯᒪᓂᖓ, ᐱᓕᕆᔪᓐᓇᕐᓂᖓᓗ ᐃᓱᒪᒋᔭᐅᑐᐃᓐᓇᕆᐊᓕᑦ.

ᐃᖅᑲᓇᐃᔭᕈᓐᓇᖅᑐᑦ ᐊᑎᓕᐅᖅᑕᐅᑐᐃᓐᓇᕆᐊᖃᖅᐳᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᖅ ᐃᓐᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᔪᒃᓴᒥᒃ.

 

ᑖᒃᓱᒥᖓ ᐃᖅᑲᓇᐃᔮᖅᑖᕋᓱᒍᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᔪᓐᓇᖅᑕᑦ ᑎᑎᖅᑲᓕᐊᑦ ᐃᖅᑲᓇᐃᔭᖅᑖᕋᓲᑎᓗ ᐅᕗᖓ GNHR@gov.nu.ca. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓐᓄᑦ ᐃᕐᖐᓐᓈᖅᑕᐅᒃᑯᑦ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᖁᓪᓗᒋᑦ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖅᑳᖁᓪᓗᒋᑦ ᓄᓇᕗᒻᒥ ᐃᖅᑲᓇᐃᔭᖅᑎᑖᕋᓱᖕᓂᕐᒧᑦ ᐊᑐᐊᒐᖅ ᒪᓕᓪᓗᒍ.
  • ᐃᖅᑲᓇᐃᔮᖅᑖᖅᑐᑦ ᐃᓚᖏᓐᓂ ᖃᐅᔨᓴᖅᑕᐅᔭᕆᐊᖃᓲᖑᖕᒪᑕ ᐱᕋᔭᓚᐅᖅᓯᒪᔪᕕᓂᐅᓂᕐᒧᑦ ᑎᑎᖅᑲᖁᑎᖏᓐᓂᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᕈᑕᐅᙱᑐᐃᓐᓇᕆᐊᖃᖅᑐᖅ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᒃᑲᓐᓂᕐᓗᑎᒡᓗ.
  • ᐃᖅᑲᓇᐃᔮᒥᑦ ᐆᒃᑐᕈᒪᔪᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᑦᑕ ᐱᔪᒥᓴᐅᑎᖓᓂᑦ ᑐᓂᓯᔭᕆᐊᓕᒃ ᐅᖃᐅᓯᖅ ᓇᓕᐊᑐᐃᓐᓇᖅ ᐊᑐᕐᓗᒍ ᐃᓕᓴᕆᔭᐅᓯᒪᔪᓂᑦ.
  • ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓕᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.
  • ᐃᖅᑲᓇᐃᔮᒧᑦ ᐅᓂᒃᑳᖅᓯᒪᔪᑦ ᐱᔭᒃᓴᐅᔪᑦ ᓱᒃᑲᔪᒃᑯᑦ, ᖃᕆᑕᐅᔭᒃᑯᑦ ᐃᕐᖐᓐᓈᐅᑎᒃᑯᑦ ᐃᑭᐊᖅᑭᕕᒃᑯᓪᓘᓐᓃᑦ.
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ.
Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ