ᐅᖃᓚᐅᑎᓯᐅᑏᑦ

You are here

ᐊᐅᓚᑦᓯᔨᙳᕆᐅᖅᓴᔪᖅ ᐆᒪᔪᓕᕆᔨᒃᑯᓐᓄᑦ

ᓄᓇᓕᒃ: 
ᖁᕐᓗᖅᑐᖅᒥ
ᓇᓗᓇᐃᒃᑯᑕᖓ: 
13-506738
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᖃᓄᐃᑦᑑᓂᖓ ᐃᖅᑲᓇᐃᔮᖅ 2: 
ᐃᓱᓕᕝᕕᒃᓴᓕᒃ ᐊᕐᕌᒍᓄᑦ ᐱᖓᓱᓄᑦ. ᐃᖅᑲᓇᐃᔭᑐᓕᕆᓂᕐᒧᑦ ᐊᑐᐊᒐᑦ 518 ᒪᓕᓪᓗᒋᑦ ᑖᓐᓇ ᐃᖅᑲᓇᐃᔮᔅᓴᖅ ᒪᑐᐃᖓᔪᖅ ᖁᕐᓗᖅᑐᖕᒥᐅᑕᑐᐊᓄᑦ.
ᑮᓇᐅᔾᔭᒃᓴᓇᔭᖅᑐᖅ: 
$ 92,196.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$ 22, 042.00

 

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᐃᖅᑲᓇᐃᔭᑐᓕᕆᓂᕐᒧᑦ ᐊᑐᐊᒐᑦ 518 ᒪᓕᓪᓗᒋᑦ ᑖᓐᓇ ᐃᖅᑲᓇᐃᔮᔅᓴᖅ ᒪᑐᐃᖓᔪᖅ ᖁᕐᓗᖅᑐᖕᒥᐅᑕᑐᐊᓄᑦ.

ᖃᐅᔨᒃᑲᐅᑎᖃᑦᑕᕐᓗᓂ ᐊᕕᑦᑐᖅᓯᒪᔪᓂᑦ ᐆᒪᔪᓕᕆᔨᒃᑯᑦ ᐊᐅᓚᑦᓯᔨᖓᓄᑦ, ᐊᐅᓚᑦᓯᔨᙳᕆᐅᖅᓴᔪᖅ ᐆᒪᔪᓕᕆᔨᒃᑯᓐᓄᑦ ᑲᒪᒋᔭᖃᕐᓂᐊᖅᑐᖅ ᐃᓕᓐᓂᐊᕐᓂᕐᒧᑦ ᖃᓄᖅ ᑲᒪᒋᔭᖃᕐᓂᕐᒥᑦ ᓄᓇᕗᒻᒥ, ᐱᔪᓐᓇᕐᓂᖃᖃᑎᒌᓄᑦ, ᑲᓇᑕᒥ ᓄᓇᕐᔪᐊᕐᒥᓪᓗ ᐆᒪᔪᓕᕆᓂᕐᒧᑦ ᐊᐅᓚᑦᓯᓂᕐᒥᑦ ᐊᖏᖅᓯᒪᓂᖃᕐᓂᕐᒧᑦ ᐱᔾᔪᑎᖃᖅᑐᓂᑦ ᐆᒪᔪᐃᑦ ᐊᔾᔨᒌᖏᐊᕐᔪᓐᓂᖏᑦ, ᐊᕕᑦᑐᖅᓯᒪᔪᓂᑦ ᐆᒪᔪᓕᕆᔨᒃᑯᑦ ᐊᐅᓚᑦᓯᔨᖏᑦ ᐊᕙᑎᓕᕆᔨᒃᑯᓐᓂᑦ ᖃᐅᔨᒃᑲᑕᐅᒐᔪᑦᑐᑦ ᐊᕕᑦᑐᖅᓯᒪᔪᓂᑦ ᐆᒪᔪᐃᑦ ᐊᔾᔨᒌᖏᐊᕐᔪᓐᓂᖏᑦ ᐊᐅᓚᑦᓯᓂᕐᒧᑦ. ᐊᐅᓚᑦᓯᔨᙳᕆᐅᖅᓴᔪᖅ ᐆᒪᔪᓕᕆᔨᒃᑯᓐᓄᑦ ᑲᒪᒋᔭᓕᒃ ᐱᓕᕆᖃᑎᖃᕐᓂᕐᒥᑦ ᐆᒪᔪᕐᓂᐊᖅᑎᒃᑯᑦ ᑲᑎᒪᔨᖏᓐᓂᑦ (HTO) ᐊᕕᑦᑐᖅᓯᒪᔪᓂᑦ ᐆᒪᔪᓕᕆᔨᒃᑯᑦ ᑲᑐᔾᔨᖃᑎᒌᖏᑦᓂᓪᓗ (RWO) ᐱᕙᓪᓕᐊᑎᑦᓯᓂᕐᒥᓪᓗ ᖃᐅᔨᒪᓂᕐᒥᑦ ᐆᒪᔪᓕᕆᓂᕐᒥᑦ ᐊᐅᓚᑦᓯᓂᕐᒧᑦ ᐱᓕᕆᐊᓂᑦ ᐃᓱᒫᓘᑕᐅᔪᓂᓪᓗ ᐱᔾᔪᑎᑕᐅᔪᓂᓪᓗ ᐊᖑᓇᓱᑦᑎᓄᑦ. ᐃᖅᑲᓇᐃᔭᖅᑎ ᑲᒪᒋᔭᖃᕐᓂᐊᖅᑐᖅ ᐃᓚᖏᓐᓂᑦ ᒐᕙᒪᒃᑯᑦ ᐱᓕᕆᐊᑦᓴᖏᓐᓂᑦ ᐊᑖᓂ ᓄᓇᕗᒻᒧ ᐊᖏᖃᑎᒌᒍᑦ ᓄᓇᑖᕈᑎᓄᑦ (NLCA), ᐱᓗᐊᖅᑐᒥ ᑎᑎᕋᖅᓯᒪᓂᓕᒃ 5 ᐊᒻᒪᓗ 9. ᐊᐅᓚᑦᓯᔨᙳᕆᐅᖅᓴᔪᖅ ᐆᒪᔪᓕᕆᔨᒃᑯᓐᓄᑦ ᐃᑲᔪᖃᑦᑕᕐᓂᐊᕐᒥᔪᖅ ᐃᓕᓐᓂᐊᕐᓗᓂᓗ ᖃᓄᖅ ᐊᐅᓚᑦᓯᓂᕐᒧᑦ ᐊᐃᑦᑑᑎᓂᑦ ᐃᑲᔫᑎᓂᓪᓗ ᐃᑲᔪᖅᑐᕐᓂᕐᒥᑦ ᐊᖑᓇᓱᓐᓂᕐᒥᑦ, ᐃᒪᓐᓇᐃᑦᑐᒐᓚᓐᓂᑦ $100,000.

ᐱᓕᕆᐊᕆᓗᐊᑕᖅᑕᖏᑦ ᑖᑦᓱᒪ ᐃᖅᑲᓇᐃᔮᑉ ᖃᐅᔨᒪᓕᕐᓂᕐᒧᑦ ᒪᓕᒋᐊᓕᓐᓂᑦ ᐃᑲᔪᖅᑐᕐᓂᕐᒧᑦ ᖃᓄᐃᓕᐅᖁᔨᓂᕐᒥᓪᓗ ᓄᓇᓕᓐᓂ-ᑐᙵᕕᖃᖅᑐᓂᑦ ᐆᒪᔪᕐᓂᐊᖅᑎᓂᑦ, ᓇᓗᓇᐃᖅᓯᓂᕐᒥᑦ ᐊᑐᑦᓯᐊᓂᕐᒥᑦ ᐆᒪᔪᓕᕆᓂᕐᒧᑦ. ᑖᓐᓇ ᐱᓕᕆᐊᖑᔪᖅ ᐃᓚᖃᖅᑐᖅ ᐊᔾᔨᒌᖏᑦᑐᓂᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᑦ ᒪᓕᒐᓕᕆᓂᕐᒧᓪᓗ ᐱᓕᕆᐊᓂᑦ ᐆᒪᔪᓕᕆᓂᕐᒧᑦ ᐊᐅᓚᑦᓯᓂᕐᒧᑦ. ᐊᐅᓚᑦᓯᔨᙳᕆᐅᖅᓴᔪᖅ ᐆᒪᔪᓕᕆᔨᒃᑯᓐᓄᑦ ᐃᓕᓐᓂᐊᕐᓂᐊᕐᒥᔪᖅ ᖃᓄᖅ ᐊᑐᐃᓐᓇᐅᑎᑦᓯᓂᕐᒥᑦ ᐃᑲᔪᖅᑐᕐᓂᕐᒥᑦ ᐱᔪᓐᓇᑎᑦᓯᓂᕐᒥᓪᓗ ᐊᔾᔨᐸᓗᖏᓐᓂᑦ ᐊᑐᑦᓯᖃᕐᓂᕐᒧᑦ ᐱᓕᕆᔾᔪᓯᕐᓂᑦ ᑭᒡᒐᖅᑐᐃᓗᓂ ᒐᕙᒪᑐᖃᒃᑯᑦ ᑐᑦᑕᕐᕕᒋᔭᖏᓐᓂᑦ ᒪᓕᓪᓗᒍ ᐱᑕᖃᕇᖅᑐᓂᑦ ᐱᓕᕆᐊᓄᑦ ᐊᖏᖃᑎᒌᒍᑎᓂᑦ ᖁᑦᓯᓐᓂᖏᓐᓂᑦ ᒐᕙᒪᒃᑯᑦ. ᓄᓇᓕᓐᓂ-ᑐᙵᕕᖃᕐᓂᖅ ᐆᒪᔪᕐᓂᐊᖅᑎᒃᑯᑦ ᐊᕙᑎᓕᕆᔨᒃᑯᓐᓄ ᖃᓂᓐᓂᖅᐸᐅᔪᑦ ᐊᑦᑐᖅᑕᐅᓴᕋᐃᑦᑐᓄᓪᓗ ᑭᒃᑯᑐᐃᓐᓇᕐᓄᑦ. ᑕᐃᒪᐃᒻᒪᓐ, ᐃᓕᓐᓂᐊᕐᓂᖅ ᖃᓄᖅ ᐊᑐᐃᓐᓇᐅᑎᑦᓯᓂᕐᒥᑦ ᖃᓄᐃᓕᐅᖁᔨᓂᕐᒥᑦ ᐆᒪᔪᕐᓂᐊᖅᑎᓄᑦ ᐱᑦᓴᐅᑎᒋᒋᐊᓕᓐᓄᑦ ᐊᑐᖅᑕᐅᓯᒪᔪᓄᓪᓗ ᑭᒃᑯᑐᐃᓇᕐᓄᑦ, ᐆᒪᔪᓕᕆᓂᕐᒧᑦ ᐊᕙᑎᒧᓪᓗ. ᐊᐅᓚᑦᓯᔨᙳᕆᐅᖅᓴᔪᖅ ᐆᒪᔪᓕᕆᔨᒃᑯᓐᓄᑦ ᐃᓕᑉᐸᓪᓕᐊᓂᐊᖅᑐᖅ ᐃᓕᓐᓂᐊᕐᓗᓂᓗ ᖃᓄᖅ ᑐᓂᓯᓂᕐᒥᑦ, ᐱᓕᕆᕙᓪᓕᐊᓂᖏᓐᓄᑦ ᐃᓚᓯᒋᐊᕈᓐᓇᕐᓗᓂᓘᓐᓃᑦ ᐱᔪᓐᓇᐅᑎᓂᑦ ᐆᒪᔪᓕᕆᓂᕐᒧᑦ ᐊᑐᕐᓂᕐᒥᑦ ᐃᓚᒋᔭᐅᓗᓂ ᕿᓰᑦ ᓂᕿᓂᓪᓗ ᓂᐅᕕᐊᑦᓴᖃᖅᑎᓄᑦ, ᖃᓄᐃᓕᐅᕈᑎᖃᕐᓂᕐᒧᑦ ᐱᕙᒌᔭᐅᑎᓂᑦ, ᐊᐅᓪᓚᕈᔾᔨᔨᓄᑦ, ᐊᖑᓇᓱᑦᑎᑦᓯᔨᓂᑦ ᐆᒪᔪᓕᕆᓂᕐᒧᓪᓗ ᖃᐅᔨᓴᖅᑎᓂᑦ ᓇᐅᑦᓯᓱᕐᓂᕐᒧᓪᓗ. 

ᖃᐅᔨᒪᓂᖃᑦᓯᐊᕆᐊᓕᒃ ᑐᙵᕕᓪᓗᐊᑕᐅᔪᓂᒃ ᓄᓇᒥᐅᑕᓕᕆᓂᕐᒧᑦ (ᐱᓗᐊᖅᑐᒥᒃ ᐆᒪᔪᕐᓂᒃ) ᐊᐅᓚᑦᓯᓂᕐᒥᒃ, ᐱᖃᓯᐅᑎᑦᓱᑎᒃ ᖃᐅᔨᓴᕐᓃᑦ ᐊᖑᔭᐅᕙᑦᑐᓂᓪᓗ ᐊᐅᓚᑦᓯᓂᐅᔪᓂᒃ, ᐱᖁᔭᕐᒥᒃ ᐊᓯᖏᓐᓂᓪᓗ ᒪᓕᒐᕐᓄᑦ ᐊᐅᓚᓂᐅᔪᓂᒃ, ᑲᔪᓯᑎᒋᐊᓕᓐᓂᒃ ᐊᒻᒪᓗ ᓈᓚᓐᓂᕐᒧᑦ ᐊᐅᓚᓂᐅᒋᐊᓕᓐᓂᒃ ᓴᐳᑎᓯᒪᒋᐊᓕᓐᓂᓪᓗ ᐃᓕᓐᓂᐊᑎᑦᓯᓂᖅ ᖃᐅᔨᒪᓂᖃᕐᓂᕐᓗ ᐊᓪᓚᕝᕕᓕᕆᓂᕐᒧᑦ ᐊᐅᓚᓂᐅᔪᓂᒃ, ᑐᖅᑯᖅᑐᐃᒪᕕᓐᓂᒃ ᐊᒻᒪᓗ ᐱᒻᒪᕆᐅᓂᖓᓂᒃ ᑐᑭᓯᒋᐊᕈᑎᖃᑦᓯᐊᖃᑦᑕᕐᓂᐅᑉ ᐅᔾᔨᖅᑐᕆᐊᓕᓐᓂᓪᓗ ᐅᔾᔨᖅᑐᑦᓯᐊᕈᓐᓇᕐᓗᓂ. ᐃᖅᑲᓇᐃᔭᖅᑎᙳᕋᓱᒃᑐᖅ ᐊᖓᔪᖅᑳᙳᖃᑦᑕᖅᓯᒪᔭᕆᐊᓕᒃ, ᐱᕕᑦᓴᖃᕐᓂᕐᒥᑦ ᐊᒻᒪ ᑮᓇᐅᔭᓕᕆᓂᕐᒧᑦ ᐊᐅᓚᑦᓯᓂᕐᒥᑦ ᐊᔪᙱᑕᖃᕐᓂᖅ ᐊᒻᒪᓗ ᓄᓇᒧᑦ ᐊᐅᓪᓚᖃᑦᑕᕈᓐᓇᕐᓗᓂ ᐊᒻᒪᓗ ᐊᑐᑦᑎᐊᕈᓐᓇᕐᓗᓂ/ᑲᒪᑦᑎᐊᕈᓐᓇᕐᓗᓂ ᐃᖏᕐᕋᔾᔪᑎᓂᒃ.

ᖃᐅᔨᒪᔭᕆᐊᓕᒃ, ᐱᓕᕆᔪᓐᓇᕆᓕᒃ, ᐊᒻᒪᓗ ᐱᔪᓐᓇᕐᓂᖃᕆᓕᒃ ᐃᖃᓇᐃᔮᒧᑦ ᐱᔭᐅᒐᔪᒃᑐᖅ ᐃᓱᓕᑦᑎᓯᒪᔪᓂ ᓄᓇᕗᒻᒥᑦ ᓯᓚᑦᑐᖅᓴᕐᕕᐊᓂ ᐊᕙᑎᓕᕆᓂᕐᒧᑦ ᐊᒻᒪᓗ ᒪᕐᕈᖕᓂ ᐅᑭᐅᓄᑦ ᐊᔾᔨᖓᓂ ᐱᓕᕆᓯᒪᓂᑰᔭᕆᐊᓕᒃ ᐃᖃᓇᐃᔭᖅᑎ ᐱᖃᕆᐊᓕᒃ ᖁᑭᐅᑎᑖᕈᓐᓇᐅᑎᒥ.

ᓄᓇᕗᒻᒥ ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᐅᑯᐊᖑᕗᑦ, ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᕖᑎᑐᓪᓗ.

ᓄᓇᕗᒻᒥ ᐅᖃᐅᓯᖅᑕᖏᓐᓂᒃ ᐊᑕᐅᓯᐅᙱᑦᑐᒥᒃ ᐅᖃᕈᓐᓇᖅᐸᑦ ᐊᑲᐅᑦᑎᐊᕋᔭᖅᑐᖅ.

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᖅᑕᖏᑦ ᐃᓱᒪᒋᔭᐅᓇᔭᕐᒥᔪᑦ.

ᐱᓕᕆᓯᒪᓂᑰᓗᓂ ᐅᕝᕙᓘᓐᓃᑦ ᐃᓕᓐᓂᐊᕐᓯᒪᓂᑰᓗᓂ ᒪᓕᒐᓂ ᐊᑐᖅᑎᑦᑎᓂᕐᒥᑦ, ᐱᔪᓐᓇᐅᑎᑖᖅᑎᑦᑎᓂᕐᒥᑦ ᐊᒻᒪᓗ ᖃᐅᔨᓴᕐᓂᕐᒥᑦ ᐊᑐᖅᑕᐅᔾᔪᓰᑦ, ᐱᓕᕆᓯᒪᓂᑰᓗᓂ ᓄᓇᐃᓐᓇᕐᒥᑦ ᐊᐅᓪᓚᖃᑦᑕᕐᓂᕐᒥᑦ ᐊᒻᒪᓗ ᐊᓐᓇᐅᒪᓇᓱᒍᓐᓇᕐᓂᖅ, ᐱᓕᕆᓯᒪᓂᑰᓗᓂ ᐊᖏᔪᖄᖑᓂᕐᒥᑦ, ᐃᑲᕐᕋᓂ ᐊᒻᒪᓗ ᑮᓇᐅᔭᓂ ᐊᐅᓚᑦᑎᔪᓐᓇᑦᑎᐊᕐᓂᖅ, ᐋᓐᓂᖅᑐᓕᕆᓂᖅ ᐊᒻᒪᓗ ᐊᓂᖅᑎᕆᓕᖅᑎᑦᑎᔪᓐᓇᕐᓂᕐᒧᑦ ᐃᓕᓴᕆᔭᐅᔾᔪᑎᖃᕆᐊᓕᒃ ᐊᒻᒪᓗ WHMIS 2015−ᒥᑦ ᐃᓕᓴᕆᔭᐅᔾᔪᑎᖃᕆᓕᒃ ᓂᕈᐊᕆᔭᐅᓂᖅᓴᐅᓂᐊᕐᑐᖅ.

ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᖕᓂ, ᐃᓕᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐱᓇᔪᖃᑕᐅᔪᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᖅᑲᖅ ᐊᒻᒪ ᐃᖅᑲᓇᐃᔮᒧᑦ ᐱᔪᒥᓴᐅᑦ ᓇᒃᓯᐅᑎᓗᒍ ᐅᕗᖓ hrkitikmeot@gov.nu.ca. ᐃᓚᓕᐅᑎᓗᒍ ᓇᓗᓇᐃᒃᑯᑕᖓᑕ ᓈᓴᐅᑖ ᐱᔾᔪᑎᒋᔭᖓᓄᑦ ᐃᕐᙲᓐᓈᖅᑕᐅᒃᑯᑦ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᔪᒪᓪᓗᑎᒃ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᑎᑕᐅᓂᐊᖅᑐᑦ.
  • ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖅᑳᖁᓪᓗᒋᑦ ᓄᓇᕗᒻᒥ ᓯᕗᓪᓕᐅᔾᔨᓂᕐᒧᑦ ᐃᖅᑲᓇᐃᔮᖅᑖᕋᓱᒃᑐᓂᑦ ᐊᑐᐊᒐᖅ ᒪᓕᓪᓗᒍ.
  • ᐃᖅᑲᓇᐃᔮᒃᓴᑦ ᐃᓚᖏᑦ ᐱᕝᕕᐅᔭᕆᐊᖃᓲᖑᔪᑦ ᐱᕋᔭᖕᓂᕐᒧᑦ ᑎᑎᕋᖅᑕᐅᓯᒪᔪᓂᑦ ᖃᐅᔨᓴᕈᑎᓂᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᕈᑕᐅᖏᑐᐃᓐᓇᕆᐊᖃᖅᑐᖅ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ.
  • ᐃᖅᑲᓇᐃᔭᕈᓐᓇᑐᐃᓐᓇᕆᐊᓕᖕᓂᑦ ᓯᕗᓂᒃᓴᒧᑦ ᓴᓇᔪᖃᑐᐃᓐᓇᕆᐊᓕᒃ.
  • ᐃᖅᑲᓇᐃᔮᒧᑦ ᐅᓂᒃᑳᖅᓯᒪᔪᑦ ᐱᔭᒃᓴᐅᔪᑦ ᓱᒃᑲᔪᒃᑯᑦ, ᖃᕆᑕᐅᔭᒃᑯᑦ ᐃᕐᖐᓐᓈᕈᑎᒃᑯᑦ ᐃᑭᐊᖅᑭᕕᒃᑯᓪᓘᓐᓃᑦ.
  • ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓂᐊᖅᑐᑦ ᖃᐅᔨᑎᑕᐅᓂᐊᖅᐳᑦ.

 

 

Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ